စကားဝိုင်းက Stra နဲ့ Yapa နားမှာနေတဲ့ သူမအစ်ကိုအကြောင်းကို ရောက်သွားသည်. Poliana နဲ့ အရမ်းဝေးတဲ့နေရာမှာ နေနေတဲ့ သူမရဲ့မွေးစားမောင်လေး Donau တို့အကြောင်းကို ကြားလိုက်တော့ Stra က သူမအစ်ကိုနဲ့ စာအဆက်အသွယ်မလုပ်ဖြစ်တာကို နောင်တရသွားသည်.
"ကျွန်မအစ်ကိုနဲ့ နီးနီးလေးမှာ နေတာတောင်မှ ကျွန်မ သူ့ဆီကို စာမပို့ဖြစ်ဘူး. ရှက်စရာပဲ"
Poliana က ပြန်ဖြေလိုက်သည်.
"အင်း... ဖြစ်တတ်ပါတယ်. တစ်ခါတစ်လေမှာ မင်းတို့က အရမ်းနီးနီးကပ်ကပ်နေနေရင် အချိန်မရွေး ပြန်တွေ့လို့ ရတယ်လို့ ထင်တတ်ကြတယ်လေ. ဒါပေမဲ့ တကယ်တမ်းမှာတော့ မတွေ့ဖြစ်ကြဘူး"
"ဟုတ်တယ်. အခုကစပြီးတော့ ကျွန်မ သူ့ဆီကို မကြာခဏစာရေးမှပဲ"
'ငါတော့ မကောင်းဘူးလို့ထင်တယ်'
ဧကရာဇ်ရဲ့ဇနီးတွေ ရေးတဲ့ စာတွေကို မပို့ခင်မှာ သေချာစစ်ဆေးရတာကြောင့် Poliana က စိတ်ပျက်သလို ခံစားမိနေသည်. ဒါက Poliana ရဲ့ အလုပ်ဖြစ်ပြီး သူမ မလုပ်ချင်တဲ့ အလုပ်ဖြစ်သည်. ဒီစာတွေက အမျိုးသမီးတွေရဲ့ သူငယ်ချင်းတွေနဲ့ မိသားစုတွေဆီကို ရေးတဲ့စာတွေဖြစ်တာကြောင့် ကိုယ်ရေးကိုယ်တာ ကိစ္စတွေ ပါဝင်နေသည်. အမျိုးသမီးတွေရဲ့ ကိုယ်ရေးကိုယ်တာတွေကို ချိုးဖောက်တာက ရိုင်းပြတဲ့အရာဖြစ်ပေမဲ့ သူမ တတ်နိုင်တာမရှိပေ. Poliana က အမျိုးသမီးတစ်ယောက် ဖြစ်နေလို့ ဘာမှအရေးမကြီးဘူးလို့ တခြားအစောင့်တွေက ထင်ကြပေမဲ့ အမှန်တကယ်တော့ အဲ့လိုမဟုတ်ပေ. Poliana က ဒီအတွက် ပိုပြီးတော့တောင် ဆိုးဆိုးဝါးဝါးခံစားနေရသည်.
Stra က အပြစ်ကင်းစွာနဲ့ ချစ်စဖွယ်ကောင်းစွာ ပြုံးလိုက်သည်. Stra က အငိုသန်တဲ့သူဖြစ်ပေမဲ့ မကြာခဏလဲ ပြုံးတတ်သည်. သူမက Poliana ကို မေးလိုက်သည်.
"Sir Donau စာထဲမှာ တခြားအကြောင်းတွေရောပါသေးလား?"
"ဟင်အင်း.. သိပ်မပါဘူး. သူက Yapa က အကြောင်းတွေပဲ နည်းနည်းမေးထားတာ"
'Yapa မှာတော့ ဘာသတင်းကောင်းမှမရှိသေးဘူး. အင်း.. မြို့တော်မှာ ဖွံ့ဖြိုးတိုးတက်မှုတွေရှိပေမဲ့..'
YOU ARE READING
Emperor and the Knightness (Unicode) Book - 1
RomanceRead Complete Novel in English at https://wuxiaworld.site/novel/the-emperor-and-the-knightess/ and ongoing Manga at https://zinmanga.com/manga/emperor-and-the-female-knight-the-king-and-his-knight/
