Sir Rabi က ပြန်ဖြေလိုက်သည်.
"တောင်ပိုင်းကိုသွားမှာ"
အလယ်ပိုင်းနဲ့ တောင်ပိုင်းဒေသ တည်ငြိမ်နေပေမဲ့ လက်အောက်ခံနယ်မြေတွေကနေ ပုန်ကန်နိုင်ခြေတော့ များနေသေးသည်. ကိုယ်စားလှယ်အုပ်ချုပ်သူတွေက သူတို့ရဲ့ ကိုယ်ပိုင်စစ်တပ်ကို အသုံးချကာ လက်အောက်ခံနယ်မြေအသစ်တွေကို ချဲ့ထွင်ကြတာမျိုး ရှိတတ်ကြသည်. ဒါ့ကြောင့် ကိုယ်စား အုပ်ချုပ်သူအဖြစ် ရာထူးပေးအပ်ခံရတာက ကြီးမားတဲ့ ဂုဏ်ယူမှုတစ်ခုဖြစ်တဲ့အပြင် ဧကရာဇ်ကလဲ ယုံကြည်တယ်လို့ အဓိပ္ပါယ်ရသည်.
Poliana က အထင်ကြီးသွားသည်. Sir Rabi က အမှန်တကယ်အာဏာရှိပြီးတော့ လွှမ်းမိုးနိုင်တဲ့ လူတစ်ယောက်ဖြစ်တယ်ဆိုတဲ့ သက်သေလဲဖြစ်သည်. Poliana က စိတ်ပျက်သွားပြီး ဝမ်းနည်းသလိုလဲ ခံစားလိုက်ရသည်. Bika နဲ့ Ribo မိသားစုတွေက ပြောင်းရွေ့တော့မှာဖြစ်တာကြောင့် သူမနဲ့ရင်းနှီးတဲ့ မိတ်ဆွေတွေကို နှုတ်ဆက်ရတော့မှာပဲဖြစ်သည်.
Sir Rabi က သူမရဲ့အထက်လူကြီးဖြစ်ခဲ့ရတာကို ဂုဏ်ယူတယ်လို့ သူမကို ပြောခဲ့သည်. သူမကလဲ သူ့ကိုအထက်လူကြီးအဖြစ် ရခဲ့လို့ ဂုဏ်ယူမိကြောင်း ပြန်ဖြေလိုက်သည်.
Poliana ကတွေးလိုက်သည်.
'အကုန်လုံးသွားကြတော့မယ်ထင်တယ်'
သူမရဲ့ ကိုယ်ရံတော်တပ်ဖွဲ့ဝင်တစ်ချို့ကလဲ သူမကို နှုတ်ဆက်စကားလာပြောခဲ့ကြသည်. လူအများစုက သူတို့ဇာတိမြို့ကို ပြန်သွားကြကာ တစ်ချို့ကတော့ တောင်ပိုင်းကို ပြောင်းရွေ့သွားကြသည်.
လူတိုင်းက သူတို့ဘဝအသစ်အတွက် ထွက်ခွာသွားကြသည်.
Poliana က Sir Rabi ကို မေးလိုက်သည်.
"တခြားစစ်သည်တွေရော ဘာတွေလုပ်ကြမလဲဆိုတာ သိလား?"
"ငါ့စိတ်ထင် Sir Bentier ကတော့ မြို့တော်မှာပဲ နေခဲ့မယ်နဲ့တူတယ်"
"ဪ... Sir Bentier ကလား?"
မင်းရဲ့သူငယ်ချင်းမိတ်ဆွေနဲ့ နီးကပ်စွာနေပါ. ဒါပေမဲ့ မင်းရဲ့ရန်သူတွေနဲ့ ပိုပြီးနီးကပ်အောင်နေပါ.
Sir Bentier က သူ့မိသားစုကိုကျော်ပြီးတော့ ဧကရာဇ်ဘက်ကို ရွေးချယ်ခဲ့ပေမဲ့ Marquis Seeze ကတော့ Lucius ဘက်က မဟုတ်တာသေချာသည် တကယ်လို့ Sir Bentier က Acreian စစ်တပ်မှာ နေခဲ့ရင် သူ့ရာထူးက ဘာဖြစ်လာမလဲ?
YOU ARE READING
Emperor and the Knightness (Unicode) Book - 1
Storie d'amoreRead Complete Novel in English at https://wuxiaworld.site/novel/the-emperor-and-the-knightess/ and ongoing Manga at https://zinmanga.com/manga/emperor-and-the-female-knight-the-king-and-his-knight/
