Emperor and the Knightness (Unicode) Book - 1

အခန်း ၁၁၀

Sir Rabi က ခုခံပြောဆိုလာသည်.

"အဖေ‌! Sir Poliana က တော်ဝင်ကိုယ်ရံတော်တပ်ဖွဲ့ခေါင်းဆောင်ဖြစ်ပြီးတော့ ကျွန်တော်ဖိတ်ထားတဲ့ဂုဏ်သရေရှိ ဧည့်သည်တော်! အဖေမေးတာက မသင့်တော်ဘူး!"

Poliana ကတော့ Sir Rabi အဖေရဲ့မေးခွန်းကို တည်ငြိမ်စွာနဲ့ပဲ ပြန်ဖြေလိုက်သည်.

"ကျွန်မ မလိုအပ်ဘူးထင်လို့ ဘာမှတော့ယူမလာဘူး. ဒီနံရံတွေမှာ လက်နက်တွေနဲ့ ချပ်ဝတ်တွေပြည့်နေတာပဲ. ဒီလက်နက်တွေကလဲ တော်တော်လေးကောင်းတယ်ဆိုတာက ကျွန်မတွေ့ရတယ်"

Sir Rabi အဖေရဲ့ မေးခွန်းက အမှန်တကယ်ရိုင်းပြတာဖြစ်သည်. Poliana ကလဲ မလိုအပ်ပေမဲ့ ချက်ကျလက်ကျပြန်ဖြေပေးလိုက်သည်. သူမက ဒီလိုရိုင်းပြတဲ့မေးခွန်းမျိုးကို အမေးမခံရသင့်ဘူးလို့ ထင်ခဲ့သည်.

ပြီးတော့ ဒီနံရံတွေမှာ အရမ်းကောင်းတဲ့လက်နက်တွေနဲ့ ချိတ်ဆွဲပြင်ဆင်ထားတယ်ဆိုတာကလဲ အမှန်ပဲဖြစ်သည်. သူမနောက်က နံရံမှာ ဆူးချွန်လုံးတပ်လှံတံတွေရှိပြီး သူမအရှေ့က နံရံမှာတော့ ဓါးအကြီးနှစ်ချောင်းရှိသည်. လိုအပ်လာရင် သူမကိုယ်ပိုင်လက်နက်တွေအစား ဒီလက်နက်တွေကို ယူသုံးလိုက်ရုံဖြစ်သည်.

Poliana က ထပ်ပြောလိုက်သည်.

"ကျွန်မက Sir Rabi ကို ယုံတယ်. သူက ကျွန်မတွေ့ခဲ့ဖူးသမျှထဲမှာ လေးစားဖို့အကောင်းဆုံး စစ်သည်တစ်ယောက်ပဲ. သူက အရမ်းကြင်နာပြီးတော့ သဘောထားကြီးတဲ့သူလဲဖြစ်တယ်. ကျွန်မ သူ့ကို လေးစားတယ်"

Poliana က Sir Rabi ကို အမှန်တကယ်လေးစားအားကျတာဖြစ်သည်. Sir Howe က Sir Rabi ကို သူသဘောအကျဆုံးအထက်လူကြီးအဖြစ် ဘာလို့သဘောထားတာလဲဆိုတာကို သူမနားလည်နိုင်သည်. Sir Rabi က ကြည့်ရတာ ဉာဏ်များတဲ့ပုံပေါက်နေပေမဲ့ တကယ်တမ်းတော့ သူက အရမ်းရိုးသားတဲ့သူ ဖြစ်သည်. သူက လေ့ကျင့်ရေးလုပ်တဲ့အချိန်ကလွဲရင် အရမ်းကြင်နာတတ်တဲ့ လူမျိုးဖြစ်သည်.

သူ့လူတွေကို ချစ်တာ သိသာတဲ့အပြင် လူတိုင်းကလဲ သူ့ကို လေးစားချစ်ခင်ကြသည်.

Poliana က Sir Rabi ရဲ့အဖေကို မေးလိုက်သည်.

"ကျွန်မစော်ကားချင်လို့ ဒီစကားမေးတာလား? အမှန်တကယ်သိချင်လို့ မေးတာလားတော့ ကျွန်မ မသိဘူး. ဒါပေမဲ့ ကိစ္စတော့မရှိပါဘူး. ကျွန်မကတော့ ကျွန်မကို စော်ကားလိုက်တယ်လို့ပဲခံစားရတယ် ဒါကြောင့် ကျွန်မကို တောင်းပန်ပါ Sir"