Emperor and the Knightness (Unicode) Book - 1

အခန်း ၁၃၆

Poliana က သူတို့တပ်ဖွဲ့ရဲ့ တာဝန်အသစ်နဲ့ပတ်သက်ပြီး သူမလူတွေကိုရှင်းပြလိုက်တော့ ဒီလူတွေက သိသိသာသာကို စိတ်ပျက်သွားကြသည်. ဧကရာဇ်ကို ကာကွယ်ပေးရတာက ဒီလူငယ်တွေအတွက် ဂုဏ်ယူဝံ့ကြွားမှုတစ်ခုဖြစ်သည်. ဧကရာဇ်ရဲ့ဇနီးတွေအတွက် အမှုထမ်းရတာကလဲ ဂုဏ်ယူရမဲ့ကိစ္စ ဖြစ်ပေမဲ့ သူတို့က ဧကရီတော့မဟုတ်ပဲ ဧကရာဇ်ရဲ့ မိန်းမတွေကိုသာ ဖြစ်သည်. တကယ်လို့ ဧကရီအတွက် အမှုထမ်းရတယ်ဆိုရင်တောင်မှပဲ ဧကရာဇ်ကို ကာကွယ်ပေးရတာနဲ့ မတူညီပေ.

ဒီလူတွေရဲ့ စိတ်ပျက်မှုနဲ့ စိတ်ဆင်းရဲမှုတွေကို သူတို့ရဲ့ ခေါင်းဆောင် Poliana က မြင်နိုင်သည်. ကျေးဇူးတင်ဖို့ကောင်းစွာနဲ့ သူတို့က ဒီပြောင်းလဲမှုအတွက် သူမကိုတော့ အပြစ်မတင်ကြပေ. သူတို့က ဒီအပြောင်းအလဲကြောင့် Poliana ဘယ်လိုခံစားနေရမလဲဆိုတာကို တွေးပူနေကြသည်.

Poliana က ဧကရာဇ်နောက်ကို ဘဲပေါက်လေးတစ်ကောင်လို တကောက်ကောက်လိုက်ကာ သူ့ကို သူမရဲ့ဘုရားသခင်လိုမျိုး အမှုထမ်းခဲ့တာကို လူတိုင်းသိခဲ့ကြသည်. ဒါဆို ဘာတွေလုပ်ခဲ့လို့ ဒီလိုရာထူးချခံခဲ့ရတာလဲ?!

"ခေါင်းဆောင်, ခင်ဗျားအရက်တွေမူးပြီး ခွေးလိုသောင်းကျန်းခဲ့လို့လား?"

"အရှင့်ရှေ့မှာ အရူးလိုထပ်ပြီးသောင်းကျန်းခဲ့လို့လား ဟုတ်တယ်မလား?"

"..."

Poliana က သူမရဲ့ဒေါသတွေကို သူတို့ကို ထုတ်ပြလို့မရပေ. ဒီကိစ္စက တရားဝင်အကြောင်းပြချက် ဖြစ်လာမှာ ဖြစ်တာကြောင့် သူမက ငြိမ်နေလိုက်သည်. ဒီစိတ်ပျက်စရာကောင်းတဲ့ "တရားဝင်အကြောင်းပြချက်"ဆိုတာကို သေချာမသိသေးတာတောင်မှ သူမလူတွေက သူမ အရက်မူးပြီး တစ်ခုခုလုပ်ခဲ့လို့ဆိုပြီး အလိုအလျောက်ယူဆလိုက်ကြသည်.

'ဘာလို့ လူတိုင်းက ငါ့ကို အရက်မူးသမားလို့ထင်နေကြတာလဲ? ဒီကောင်စုတ်တွေကတော့'

ဒါက မတရားဘူး. သူမ ဧကရာဇ်ရှေ့မှာ အန်မိပြီးတဲ့နောက်ပိုင်းမှာ Poliana က သူမကိုယ်သူမ ဂရုစိုက်ခဲ့တဲ့အပြင် အလုပ်များနေတာကြောင့် သူမ အရက်မသောက်ဖြစ်တာတောင် ကြာနေပြီဖြစ်သည်.