Emperor and the Knightness (Unicode) Book - 1

အခန်း ၂၁

ဧကရာဇ်ထွက်ခွာသွားတဲ့အချိန်မှာ Poliana က မတ်တပ်ရပ်လိုက်ပြီးတော့ တောဝက်ကို စစ်ဆေးကြည့်လိုက်တယ်. အဲ့တာက အရမ်းလေးတော့ သူမဘယ်လို့မှရွှေ့လို့မရဘူးဖြစ်နေတယ်

"သေစမ်း"

ဒီတိရစ္ဆာန်ကို သယ်ဖို့ ဒီလူတွေကို အကူအညီတောင်းလိုက်ရင် သူမကို ဘာပြောမလဲဆိုတာ သူမသိနေသည်.

ဒီလောက်ကြီးမားတဲ့တောရိုင်းကောင်ကို ဘယ်ယောက်ျားလေးမှ တစ်ယောက်တည်း မမနိုင်ဘူးဆိုတာ သိသာနေချိန်မှာ သူတို့က သူမက မိန်းကလေးဖြစ်နေလို့ မကိုင်တွယ်နိုင်တာလို့ ပြောကြလိမ့်မည်

စိတ်ဆိုးစွာနဲ့ပဲ Poliana က သစ်ပင်ကို ထပ်ပြီးတော့ နှိပ်စက်တော့တယ်. သစ်ရွက်တွေနဲ့ သစ်ကိုင်းအသေးတွေက မြေကြီးပေါ်ကို ပြုတ်ကျလာတော့တယ်

ဧကရာဇ်ဆီက မမျှော်လင့်ထားတဲ့ လက်ဆောင်ကြောင့် Sir Baufallo က စိတ်ရှုပ်သွားတယ်. သူက ဧကရာဇ်က သူ့ဆန္ဒကို ဆန့်ကျင်ပြီးတော့ အမဲလိုက်ထွက်သွားလို့မဟုတ်ဘူး. အဲ့တာက ဧကရာဇ်က အမဲလိုက်တာကို သူ့ကို မခေါ်သွားလို့ဖြစ်သည်

ဘာပဲပြောပြော အသားကို တွေ့တော့ စစ်သားတွေက စိတ်လှုပ်ရှားလာကြသည် အမျိုးသားအများစုက
အမဲလိုက်မုဆိုးတွေဖြစ်တာကြောင့် တောဝက်ရိုင်းကို ဘယ်လိုချက်တာအကောင်းဆုံးဖြစ်မလဲဆိုတာ စတင်ငြင်းခုံလာကြပြီး နောက်ဆုံးမှာတော့ Sir Baufallo က ဝင်ပြောရတော့သည်

"ဒါက အရှင်က ငါ့ကို လက်ဆောင်ပေးတာဖြစ်လို့, အဲ့တာနဲ့ပတ်သက်ပြီးတော့ ဘာလုပ်ရမလဲဆိုတာ ငါပဲဆုံးဖြတ်မယ်"

အရေခွံ,သွား နဲ့အရိုးတွေကတော့ နောက်ပိုင်းအသုံးပြုနိုင်အောင်လို့ သိုလှောင်ခန်းထဲပို့မှာ သေချာသည်. အဲ့တာဆို အသားတွေကို ဘာလုပ်ကြမလဲ?

"အသားတုံးပြီးတော့ မီးနဲ့ချက်မယ်လေ!"

"မဟုတ်သေးဘူး. ငါတို့ပေါင်းစားရမှာ!"

"မဟုတ်ဘူး. ငါတို့ ကင်စားရမှာ!"

"မဟုတ်သေးဘူး.. မီးခိုးကျပ်တိုက်လုပ်ရင်ရော!"

"မဟုတ်ဘူး.. ငါတို့ အသားပြားတွေလုပ်ပြီးတော့ တခြားတပ်ခွဲတွေ မနာလိုဖြစ်အောင်လုပ်ရမယ်!"