Emperor and the Knightness (Unicode) Book - 1

အခန်း ၁၁၂

အမျိုးသမီးတွေရဲ့ နေရာကို ပြန်ရောက်တော့ Vaxi နဲ့ Vanessa တို့က ညအိပ်ဝတ်စုံတွေ ဝတ်ထားကြပြီး ဖြစ်ကာ စကားပြောနေကြသည်. သူတို့က Poliana ဝင်လာတာကိုလဲတွေ့ရော သူတို့အမေရဲ့ အမှားအတွက် တောင်းပန်လာကြသည်. Poliana ကလဲ သူတို့ကို ပြန်ဦးညွှတ်လိုက်ပြီး Lady Bika က သူမကို တောင်းပန်ပြီးကြောင်း ပြောပြလိုက်သည်.

"ညီမတို့အမေက ညီမတို့နဲ့ပတ်သက်ပြီး အရမ်းစိတ်ပူနေလို့ပါ Sir Poliana"

"ဟုတ်တယ် Sir Poliana ညီမတို့က အခုထိ လက်မထပ်ရသေးလို့ အမေက စိတ်ပူနေတာ ညီမတို့ကလဲ တဖြည်းဖြည်း အသက်ကြီးလာပြီလေ"

Sir Rabi က အဝေးမှာအကြာကြီးရောက်နေပေမဲ့လဲ ဒီမိန်းကလေးတွေက လက်ထပ်ဖို့ ကမ်းလှမ်းချက်တွေကို လက်ခံရရှိခဲ့သည်. သူတို့အဖိုးက အသက်ရှင်နေဆဲဖြစ်တာကြောင့် အမွှာတွေအတွက် ကောင်းမွန်တဲ့ ကမ်းလှမ်းချက်တွေကို လက်ခံရရှိခဲ့ပေမဲ့ Sir Rabi က သူ့သမီးတွေအတွက် ခင်ပွန်းကို သူကိုယ်တိုင်ရွေးချင်တာကြောင့် ဒီညီအစ်မတွေက အကြာကြီးစောင့်နေခဲ့တာဖြစ်သည်.

အထက်တန်းလွှာတွေက အသက်ငယ်ငယ်လေးနဲ့ လက်ထပ်ကြတယ်. တစ်ချို့ဆိုရင် သူတို့အသက် တစ်နှစ်လောက်ထဲက လက်ထပ်ပေးခဲ့ကြပြီး ဒီလိုဖြစ်ရပ်ကတော့ ရှားပါးသည်. ပုံမှန်အားဖြင့်တော့ မိန်းကလေးတွေက သူတို့ ပထမဆုံးရာသီလာပြီးတဲ့အချိန်မှာ စေ့စပ်ကြပြီး ၂ နှစ်အတွင်းမှာ လက်ထပ်ကြသည်.

ယောက်ျားလေးတွေကတော့ သူတို့အသက်ဘယ်လောက်ပဲဖြစ်ဖြစ် လက်ထပ်နိုင်ကြသည်. တစ်ချို့ အမျိုးသားတွေက သူတို့ အသက် ၅၀ လောက်မှာမှ ဆယ်ကျော်သက် မိန်းကလေးတွေနဲ့ လက်ထပ်လိုက်ကြတာမျိုးလဲရှိသည်.

ဒါကြောင့် Rabi အမွှာတွေက အသက် ၂၀ ရောက်တာတောင် လက်မထပ်ရသေးတာက အံ့ဩစရာဖြစ်သည်. တစ်ယောက်ယောက်က သူတို့ကို ကယ်တင်ဖို့ လိုတာဖြစ်ပေမဲ့ Rabi မိသားစုက ချမ်းသာကြွယ်ဝပြီး အာဏာရှိတဲ့အပြင် Sir Rabi က သူရဲကောင်းတစ်ယောက်အဖြစ် ပြန်ရောက်လာခဲ့သည်. ပြီးတော့ စစ်ထဲကပြန်ရောက်လာတဲ့ ယောက်ျားလေးတွေ အများကြီး ဖြစ်လာတာကြောင့် မိန်းကလေးတွေအတွက် ပိုရွေးချယ်လာနိုင်သည်. ဒါကြောင့် Lady Bika ရဲ့ စိတ်ရှည်သည်းခံပြီး စောင့်ဆိုင်းခဲ့တာကို တခြားအထက်တန်းလွှာက အမျိုးသမီးတွေက ချီးကျူးနေသည်.