Emperor and the Knightness (Unicode) Book - 1

အခန်း ၁၉၇

Poliana က သွေးတွေအများကြီးထွက်နေပေမဲ့ သူမကို အမှန်တကယ်စိတ်ဒုက္ခပေးနေတာက သူမအနေနဲ့ ခေါင်းမူးနေသလို စိတ်ရှုပ်နေတာကိုလဲ တပြိုက်နက်ခံစားနေရလို့ဖြစ်သည်. ကြီးမားတဲ့ စိတ်ရှုပ်ထွေးမှုတွေနဲ့ ဒေါသတွေက သူမကိုလွှမ်းမိုးထားတာကြောင့် Poliana က သူမအိပ်ယာထဲမှာ ကန်ကျောက်နေခဲ့သည်. သူမခြေချောင်းတွေက နာလာတာကြောင့် သူမပိုပြီး ဒေါသထွက်လာခဲ့သည်

သမားတော်တွေက အခန်းထဲ ပြေးဝင်လာပြီး သွေးတွေမြင်လိုက်တော့ အလန့်တကြားဖြစ်သွားခဲ့သည်. သူတို့က သူမကို သေချာစစ်ဆေးလိုက်ကာ ဝမ်းဗိုက်ပိုင်းက ကြွက်သားနာကျင်တဲ့ ရောဂါလက္ခဏာကြောင့် သားဖွားမီးယပ်သမားတော်ကို အကူအညီတောင်းလိုက်ရသည်.

သမားတော်တွေက သေချာဆွေးနွေးပြီးတဲ့နောက် အဖြေထုတ်လိုက်သည်.

Poliana က ရာသီလာနေတာဖြစ်သည်.

သားဖွားမီးယပ်သမားတော်က ရှင်းပြလာသည်.

"စစ်ကြီးပြီးသွားတော့ မင်းရဲ့ခန္ဓာကိုယ်က သက်တောင့်သက်သာဖြစ်လာတယ် Marquess Winter. ဒါကြောင့် ပုံမှန်ကျန်းမာရေးအခြေအနေအတိုင်း ပြန်ဖြစ်လာတယ် အခု ရုတ်တရက် ဒဏ်ရာရပြီး စိတ်ဖိစီးမိမှုတွေဖြစ်လာတော့ မင်းရဲ့ ရာသီစက်ဝန်းက ပုံမှန်ပြန်ဖြစ်သွားတာ"

Poliana က ရေရွတ်လိုက်သည်.

"ဒါဆို ငါ့ရဲ့ ရာသီက စိတ်ဖိစီးမှုကြောင့် ရပ်သွားပြီး စိတ်ဖိစီးမှုကြောင့်ပဲ ပြန်စလာတယ်ဆိုပါတော့? ဘယ်လိုတောင်လဲ"

သူမရာသီမလာတာ နှစ်ပေါင်းများစွာကြာခဲ့ပြီး အခု ရာသီပြန်လာတာကြောင့် Poliana က မပျော်မရွှင်ဖြစ်နေသည်. သူမရဲ့ ရာသီကြောင့်လား ဒါမှမဟုတ် သူမစိတ်အပြောင်းအလဲမြန်တာရဲ့ အကျိုးဆက်ကြောင့်လား? ဘာကြောင့်ပဲဖြစ်ဖြစ် Poliana က ဒေါသထွက်ကာ စိတ်ပျက်နေသည်.

စိတ်ရှုပ်နေတဲ့ Poliana က ဒဏ်ရာရနေတဲ့ တောရိုင်းကောင်တစ်ကောင်လို ပြုမူလာတော့သည်. သူမကို ပြုစုပေးနေတဲ့ အကူတွေက သူမအတွက် စိတ်ပူလာကြသည်. Lady Rebecca အတွက် သူမစိတ်ပူနေတာကို လူတိုင်းက သိနေတာကြောင့် Poliana ရဲ့ ရိုင်းပြမှုကို လူတွေက နားလည်ပေးနိင်သည်. သူမရဲ့ ရာသီကလဲ သူမစိတ်ခံစားမှုတွေကို အကူအညီမပေးတာ သေချာနေသည်.