Emperor and the Knightness (Unicode) Book - 1

အခန်း ၁၀၁

Sir Baufallo က သူ့အိမ်ရှေ့မှာ မတ်တပ်ရပ်နေသည်. အပြင်ဘက်ကနေတောင်မှ အိမ်ထဲလူတွေ စကားပြောနေသံကို ကြားရသည်. သူ့အိမ်ထဲမှာ လူတွေအပြည့်ဖြစ်နေတာသေချာသည်.

အိမ်ကနေထွက်သွားတာ ဆယ်နှစ်ကြာပြီးနောက်မှာတော့ သူပြန်ရောက်လာခဲ့ပြီ. သူ့လက်ထဲမှာ ဘာလက်ဆောင်မှမရှိပေမဲ့ ကြောင်လေးကောင် ရှိနေသည်. စစ်တပ်ထဲကတိရစ္ဆာန်လို့ ပြောလိုက်ရင် လူတွေအများစုက မြင်း ကိုပဲ ပြောကြပေမဲ့ သူကတော့ ခွေးတွေကြောင်တွေကိုပဲ တွေးမိသည်. မြင်းတွေအများစုက တိုင်းပြည်ရဲ့ ပိုင်ဆိုင်မှုဖြစ်ပြီး သူတို့ဆီမှာ ပိုင်ရှင်တွေရှိကြသည်. ခွေးတွေမှာလဲ ပိုင်ရှင်တွေရှိသည်. ဒါပေမဲ့ ကြောင်တွေကတော့ နေစရာအိမ်မရှိပေ.

ဒီကြောင်တွေကလဲ စစ်အတွက် အရေးကြီးတယ်ဆိုတာ Sir Baufall သိသည်. ဒီကြောင်တွေက သူတို့ထောက်ပံ့ရေးပစ္စည်းတွေနဲ့ အစားအသောက်တွေကို ကြွက်တွေမဖျက်ဆီးနိုင်အောင် ကာကွယ်ပေးသည်.

အိမ်ထဲကလူတစ်ယောက်က သူ့ကို သတိပြုမိသွားသည်. သူတို့တွေက တစ်ယောက်ပြီး တစ်ယောက်ထွက်လာကာ သူ့ကို နှုတ်ဆက်ကြသည်. Sir Baufallo က တစ်ချို့တွေကိုတော့ မှတ်မိပြီး အကုန်လုံးတော့မဟုတ်ပေ. ဒီထဲကတစ်ချို့လူတွေက သူ့အမျိုးတွေရော ဟုတ်ပါ့မလားလို့ သူကတွေးနေသည်. သူက ဘွဲ့တွေနဲ့ နယ်မြေတွေချီးမြှင့်ခံရမှာ သေချာနေတာကြောင့် ဒီလူတွေက သူ့ဆီကို ချဉ်းကပ်ကာ ခင်ဖို့ ကြိုးစားနေတယ်ဆိုတာကို သူနားလည်သည်. ဒီလူတွေက ရည်ရွယ်ချက်ကောင်းမရှိတာကို သိနေပေမဲ့ သူ့ကို လာနှုတ်ဆက်တာကို သဘောမကျတာတော့ မဟုတ်ချေ.

သူ့ဇနီးက မီးဖိုခန်းထဲကနေ တစ်ချက်လှမ်းကြည့်တာကို တွေ့လိုက်တော့ Sir Baufallo က ပြုံးပြလိုက်သည်. Lady Ribo က သူ့ကို စကားတစ်ခွန်းမှ မပြောပဲ အထဲပြန်ဝင်သွားသည်.

"ငါပြန်လာပြီ"

သူ့ယောက်ျားက သူ့သားတွေကို စစ်ထဲခေါ်သွားတဲ့ကိစ္စနဲ့ပတ်သက်ပြီး Lady Ribo က စိတ်ဆိုးနေဆဲဖြစ်သည်. ဒီဆယ်နှစ်အတွင်းမှာ သူမက စာနည်းနည်းပဲပို့ခဲ့ပြီး စာထဲမှာလဲ သူ့သားအကြောင်းတွေကိုသာ မေးထားသည်.