Poliana မြို့ထဲမှာ ဦးတည်ရာမဲ့လျှောက်သွားနေပြီး တခြားစစ်သည်တွေနဲ့ Sir Ainno ရဲ့ စစ်သည်တွေကို နှုတ်ဆက်လိုက်သည်. သူတို့က ဘား သွားကြမှာဖြစ်ပြီး သူတို့နဲ့အတူလိုက်ခဲ့ဖို့ သူမကို ဖိတ်ခေါ်လိုက်သည်. Poliana က သူတို့ကို ကန့်ကွက်တဲ့အကြည့်နဲ့ ကြည့်လိုက်ပြီး
"မင်းတို့က နေ့လည်ခင်းကြီး သောက်ကြမလို့လား?"
"ရာသီဥတုက အရမ်းပူတယ်လေ Sir Pol!"
"ဟုတ်တယ်.. အရမ်းပူတယ်!"
လူတွေက စောဒကတက်လိုက်ကြပေမဲ့ သူတို့တွေက တစ်ယောက်နဲ့တစ်ယောက် ပခုံးတွေ ဖက်ထားကြသည်. သူတို့တွေ နီးနီးကပ်ကပ်ရှိနေတာကို မြင်ရတာနဲ့တင် Poliana က ချွေးပျံလာသည်. စစ်သည်တွေက အရမ်းရင်းနှီးကြပုံရသည်. Sir Ainno ရဲ့ အထူးတပ်ဖွဲ့မှာ ပါသွားတည်းက Sir Mahogal နဲ့ Sir Howe တို့က အရမ်းရင်းနှီးသွားကြသည်. အရင်တုန်းက ကိုယ်ရံတော်တွေက အရမ်းအလှအပကြိုက်တဲ့သူတွေလို့ Sir Howe က ပြောခဲ့ပြီး Sir Howe က အရမ်းဆူညံလို့ သဘောမကျဘူးလို့ ပြောခဲ့တဲ့ Sir Mahogal တို့က အခုတော့ သူငယ်ချင်းကောင်းတွေ ဖြစ်လာကြသည်
Poliana က ဒီလူတွေနဲ့ သွားသောက်ဖို့ စိတ်မပါတာကြောင့် သူမက ငြင်းဆန်လိုက်သည်. စစ်သည်တွေက သူတို့ဦးတည်ရာကို ဆက်သွားလိုက်ကြပြီး Sir Donau က အဖွဲ့ထဲကနေ လွတ်မြောက်ဖို့ ကြိုးစားနေသည်. ဒါပေမဲ့ Sir Howe က သူ့ကို လျင်မြန်စွာနဲ့ ဖမ်းလိုက်သည်.
Donau က ငြင်းဆန်နေသည်.
"ကျွန်တော်မသောက်ချင်ဘူးလို့ ပြောနေတာကို!"
"မင်းက ငယ်ပြီးတော့ ရိုးသားလွန်းတယ်. မင်းကဘာမှမသိသေးဘူး. ငါတို့ မင်းကို ပိုကောင်းတဲ့ယောက်ျားတစ်ယောက်ဖြစ်လာအောင် သင်ပေးမယ်"
"GYAAA!!"
Poliana က သူမဘာသာတွေးလိုက်သည်
'အမ်..သူရေရောထားတဲ့အရက်တွေသောက်ရတာကိုတောင် မကြိုက်ခဲ့တာ.. အချိန်တွေကုန်မြန်လိုက်တာ'
Sir Donau က ဘယ်အချိန်ကစပြီးအရက်သောက်ဖို့ ငြင်းဆန်ခဲ့တာလဲ? အချိန်တွေက တကယ့်ကို ကုန်မြန်တာပဲ.. Poliana က နောက်ကြောင်းပြန်ကြည့်ကာ အတိတ်ကို သတိရလိုက်သည်. အခု သူမက အသက် ၃၀ ရှိပြီ. သူမ Lucius နဲ့ ပထမဆုံးတွေ့ခဲ့တဲ့အချိန်ကနေဆို အခု ၁၀ နှစ်ရှိပြီ. အဲ့အချိန်ကစပြီး သူမ ဘယ်တုန်းကမှ နောက်လှည့်မကြည့်ခဲ့ချေ. သူက နေ့တိုင်း အနာဂါတ်အတွက အကောင်းဆုံးကြိုးစားခဲ့သည်
YOU ARE READING
Emperor and the Knightness (Unicode) Book - 1
RomanceRead Complete Novel in English at https://wuxiaworld.site/novel/the-emperor-and-the-knightess/ and ongoing Manga at https://zinmanga.com/manga/emperor-and-the-female-knight-the-king-and-his-knight/
