Emperor and the Knightness (Unicode) Book - 1

အခန်း ၁၅၁

Poliana Winter က အမျိုးသမီးတစ်ယောက်ဖြစ်တယ်. Poliana က သူမဘဝတစ်လျှောက်လုံးမှာ ဒီအချက်ကို မမေ့ခဲ့ပေ. သူမက အမျိုးသမီးတစ်ယောက်အဖြစ်မွေးဖွားလာတယ်, အမျိုးသမီးတစ်ယောက်အဖြစ် နေထိုင်ခဲ့ပြီး အမျိုးသမီးတစ်ယောက်အဖြစ် သေဆုံးသွားမှာဖြစ်သည်. သူမက အမျိုးသားတစ်ယောက်လိုမျိုး ဘောင်းဘီဝတ်ထားရင်တောင်, အမျိုးသားတစ်ယောက်လိုမျိုး ဓါးရမ်းနေရင်တောင်, အမျိုးသားတစ်ယောက်လိုမျိုး ဆံပင်အတိုညှပ်ထားရင်တောင်, Poliana Winter က အမျိုးသမီးတစ်ယောက်ဖြစ်သည်. ဒီအချက်က အမှန်တရားဖြစ်တာကြောင့် ဘယ်သူကမှ ငြင်းဆန်နိုင်မှာမဟုတ်ပေ.

လူတွေက ဒီအကြောင်းကိုပြောတိုင်း သူမ စိတ်မသက်မသာဖြစ်တာမျိုးမရှိခဲ့ပေ. သူမက ဘယ်လောက်တောင် 'မိန်းမမဆန်ဘူး'ဆိုတဲ့အကြောင်း ပြောတိုင်းလဲ သူမဘယ်တုန်းက အနေရမခက်ခဲ့ပေ.

အခုအချိန်အထိပေါ့လေ......

သူမက ကလေးမရနိုင်ရင်တောင်မှ... သူမရဲ့ ရင်သားတွေမရှိတော့ရင်တောင်မှ.... ဒီအရာတွေက သူမရဲ့လိင်အမျိုးအစားကို ပြောင်းလဲနိုင်မှာ မဟုတ်ပေ. Poliana က ဒီအချက်ကို ဘယ်တုန်းကမှ သံသယမဝင်ခဲ့ဘူး. တစ်ယောက်ယောက်က သူမနဲ့ ဒီအကြောင်းအရာတွေပြောတိုင်း သူမ ပြောစရာစကားမရှိသလိုမျိုး မဖြစ်ခဲ့ဖူးပေ. သူမမှာ ယုံကြည်ချက်ရှိနေသရွေ့ အဆင်ပြေနေမယ်လို့သာ ခံစားခဲ့မိသည်. သူမက မိန်းမမဟုတ်ဘူးလို့ ပြောတဲ့သူတိုင်းကို သူမရဲ့အထူးအရည်အချင်းတစ်ခုဖြစ်တဲ့ သူတို့တွေရဲ့ဘောလုံးကိုကန်တဲ့နည်းနဲ့ သေချာ အပြစ်ပေးခဲ့သည်.

ဒါပေမဲ့... အခုတော့...

ဒီအချိန်မှာတော့....

Poliana က ပြောစရာစကားမဲ့သွားခဲ့သည်... Rebecca က တောင်းပန်လာသည်.

"ကျွန်မ ရိုင်းပြနေတယ်ဆိုတာကို ကျွန်မသိပါတယ်. ကျွန်မက ရှင့်ကို ဒီလိုမမေးသင့်ဘူးဆိုတာကိုလဲ ကျွန်မသိပါတယ် ဒါပေမဲ့ ကျွန်မ မေးမှဖြစ်မယ်. ရှင့်အနေနဲ့ နားလည်ပေးနိုင်ဖို့ စာနာပေးဖို့ တောင်းဆိုနေတာမဟုတ်ပါဘူး Marquess Winter. ရှင့်အနေနဲ့ Stra ရဲ့ ဝမ်းနည်းမှုတွေ စိတ်မကောင်းမှုတွေကို နည်းနည်းလောက်ပဲဖြစ်ဖြစ် နားလည်ပေးနိုင်ဖို့ ကျွန်မ မျှော်လင့်မိတာပါ. ရှင် အဲ့လိုလုပ်ပေးနိုင်မလား?"