((((((((السكة شمال ٢))))))))
#لولو_محمد
الحلقه ١٥
الست / ادخل ؟؟
شريف / طبعا تعالى ... هكلمك بعدين يا صافى
الست / ايه ده صافى لا استنى استنى انا عوزاها
الست تجرى تدخل تحت الغطا جنب شريف و يبتسملها و تاخد منه الموبايل
الست / وحشتينى اوى اوى اوى كدا متساليش عليا و لا مره من يوم متسافرى
صافى / طب والله كنت ببعت لحضرتك السلام مع كل واحده بكلمها مالبنات هما مكنوش بيوصولوا و لا ايه
الست / ههههههههههههههههه لا يا قلبى بيوصولوا بس انا كنت بنكشك بس .... احنا اتفقنا اول ما النهار يطلع نطلع كلنا على بيت مرام و نقعد نتكلم معاها ان يريدا اصلاحا يوفق الله بينهما و احنا رايحين ناويين على صلح باذن الله
........................
شريف / فكره حلوه اوى يا ماما مع انى مش مقتنع انها هتجيب نتيجه
صافى / ليه بس يا شريف حاولوا و لما تبقوا هناك كلمونى اتكلم معاها انا كمان يمكن نعرف نهديها و لا حاجه
الست / دى برده فكره حلوه هى بتحبك و بتسمع كلامك هبقى اخليهم يكلموكى من هناك
صافى / تمام
الست / طب انا سلمت عليكى بقى و قولتله الكلمتين بتوعى اقوم بقى عشان انا مبحبش ابقى عازول
صافى / عزول ايه بس يا ست الكل طب دانا عندى استعداد ارغى معاكى انتى طول الليل و اسيبه ينام عادى
الست / اه يا بكاشه و انا معنديش مانع بس دا ابنى و يصعب عليا انا هسيبكوا بقى يلا يا حبيبتى تصبحى على خير ... تصبح على خير يا حبيبى
الست تبوس شريف و تحدف لصافى بوسه و تقوم تقفل الباب وراها
صافى / عسل اوى مامتك بحبها كانها مامتى بالظبط
.............................
فى الحاره
رجاله متجمعين عالقهوه و مقفوله عليهم
راجل ١ / بس كان اولا تبلغونا
عباس / و انت مكنتش قاعد لما مازن باشا جه و اتكلم و قال يا ناس انا مسافر و سايبها امانه ووقفتوا تتفرجوا عالبت و هى بتتسحل
راجل ٢/ و احنا مالنا هو احنا اللى عملنا فيها كدا ياخد عاطل مع باطل ليه
اسعد / و كان مين فيكوا اتحرك قصاد البلطجيه كان مين فيكوا اتكلم و فتح بقه بكلمه حق
عباس / هانت عليكوا الحجه سميحه و هى بتتبهدل بالطريقه دى و هى لسه راجعه مالمستشفي
اسعد / هى مش مرام دى اللى كانت بتزاكر لبناتنا و تديهم دروس دلوقت اكتشفتوا انها بنت وحشه
راجل ٣ / محدش فينا يقدر يقول على مرام كلمه و لا حتى كنا موجودين وقت اللى حصل كنا فى اشغالنا
عباس / يا راجل قول كلام غير ده دا مراتك مسابتش بيت في الحاره الا لما قومتهم على مرام
راجل ٣ / هى يعني مراتي لوحدها اللى اتكلمت و بعدين مانتوا عارفين الستات مبيلاقوا سيره يقعدوا يحكوا فيها
اسعد / و هى اعراض الولايا بقت سيره يتحكى فيها
راجل ١ / خلاص يا جماعه اللى حصل حصل نصلحه ازاى بقي
عباس / كلكوا نظر بقي الراجل مش بس اتفضح دا بيته كمان هيتخرب و مراته مصممه عالطلاق
اسعد/ دا غير نفسيتها اللى فى الارض البت بتقول اذا كان اهلى اللى ربونى عملو كدا الغرب هيعملوا فيا ايه
راجل ٤/ يا سيدى احنا مستعدين نروح نبوس راسها و نعتزرلها و منسبهاش الا لما ترجع معانا
عباس / ترجع فين ان شاء الله ترجع عالبلاط
راجل ٢/ يا سيدى نلم من بعضينا ان شالله ميه جنيه نجيب بيهم فرش و نجهزلهم الشقه تانى هى هتتكلف كام يعنى
عباس يبص لاسعد
اسعد / احنا نطلع كدا بربطه المعلم عندى فى البيت تراضو الحجه سميحه و تسمعوا طلباتها و اى كان اللى هتقول عليه نعمله قولتوا ايه
راجل ١/ الحجه سميحه مش هتقول حاجه يلا بينا يا رجاله
.............
فى البيت القديم
محمود داخل شايل كيسين كبار
محمود / الحاجات اللى طلبتيها يا تيته شوفى كدا هى دى تمام
سميحه تبص فى الكيس و تطلع ابر تريكوا و ابر كروشيه و شله خيط
سميحه / حلوين تسلم ايدك
سميحه تيجي تدخل محمود يمسكها
محمود / هى لسه زعلانه منى
سميحه تبصله بحزن
سميحه / هى مش زعلانه من حد هى زعلانه على روحها
سميحه تبص فى الارض و تدخل جوه تلاقي مرام واقفه في الشباك تقفله
سميحه / يلاهوى انتى مستحمله التلج ده ازاى تتعبي دانتى لسه مفوقتيش مالدور اللى فات
مرام / كنت مخنوقه و محتاجه اشم هوا
سميحه / خدى الصوف اهو اشتغلى و بدعى و لما تخلصي هجيبلك غيرهم و هناخد الحاجات دى و نلف بيها عالمحلات و لا نبيعهم عالنت و لا ان شالله اعمل بيهم فرشه قدام البيت حتى هترزق
مرام / و دى اخرتك يعنى يا تيته
سميحه / و مالها اخرتى يعنى مش لقمه ناكلها بالحلال بعرق جبينى مالها يعنى
جرس الباب يضرب
صوت مديحه / اهلا اهلا حاجه فاطمه اتفضلى اتفضلوا يا بنات اتفضلوا اتفضلوا
مرام / انا مش عاوزه اقعد مع حد يا تيته
مديحه تفتح الباب
مديحه / الست فاطمه ام شريف و بناتها بره بيسالوا عليكى يا مرام
سميحه / الناس جم لحد عندك عيب
مرام تلبس الطرحه و تطلع تسلم
فاطمه / اهلا يا حبيبتى ازيك عامله ايه دلوقت
مرام / الحمد لله كويسه ازى حضرتك
مرام تقعد وسطهم
شيماء / هو انتى يا بنتى مش هتشوفى موضوع الموبايل ده عاوزينلك نمره نكلمك عليها
رؤى / هو مفيش نت هنا نكلم صافى
محمود / موبايلى فيه باقه ممكن تدخلى منه نت
فاطمه / عامله ايه يا مرام احسن دلوقت يا بنتي
مرام / الحمد لله كويسه
الباب يخبط محمود يروح يفتح يلاقي اسعد و معاه رجاله الحاره
محمود / ادخلوا جوه يا جماعه لو سمحتواض
الكل يقوم و يدخل اوضه مرام و اسعد و عباس يدخلوا و معاهم سبع رجاله
عباس / اتفضلوا اتفضلوا قولهم يعملوا شاى يا محمود
محمود / حاضر
..................
فى اوضه مرام
فاطمه / يا بنتي انا والله حاسه بيكي و بوجعك بس الطلاق مش هو الحل
سميحه / دى حياتها يا حجه و هى ادرى بيها احنا هنقف معاها اى كان قرارها
فاطمه / طبعا بس هى لسه صغيره و معندهاش خبره في الدنيا و الشيطان هيعوز ايه اكتر من خراب البيوت انا جايه و فى نيتي صلح و مش عاوزه غير مصلحه مرام
مرام / يا طنط مجيتك على راسي بس انا مش عاوزه مازن فى حياتى تانى
فاطمه / دانتوا مسبعتوش يا بنتى
مرام / احنا مصبحناش حتى يلا النصيب
رؤى / بس مازن متمسك بيكى اوى يا مرام
مرام / ليه بقي يا رؤي متمسك ليه
فاطمه / عشان بيحبك
مرام / يعنى مش رهان جديد يا طنط طب قالهم ليه انى رجعت
شيماء / و انتى اش عرفك ان هو اللى قالهم
مرام / محدش كان يعرف انا مقولتش لحد انى رايحه هناك و لو قولنا انه عرف لما موبايلى اتشحن و اتفتح
رؤى / لا عرف من خليفه البواب اتصل بيهم و قالهم انك جيتى
مرام / يعنى خليفه كمان اتصل باحمد الزفت ده و قاله انى هناك
فاطمه / يا بنتى الله اعلم منظلمش حد عرفوا منين بس فى مليون طريقه يعرفوا بيها يمكن مراقبين البيت يمكن عرفوا من تليفونك لما اتفتح يمكن الله اعلم عرفوا ازاى بس اللى نعرفه احنا ان مازن مش ساكت
مرام / انا تعبت و معدش عندى استعداد اكمل انا
شيماء / هو انتى بطلتى تحبيه
مرام / ايوه بطلت احبه ايوه بكرهه
رؤى / معقول بالسرعه دى
مرام / لو مكانى كنتى حسيتى و متمنالكيش تبقى مكانى
باب الاوضه يخبط و محمود يفتح الباب
محمود / الناس اللى بره عاوزينك يا تيته دول اهل الحاره جايين يعتزروا عشان ترجعوا الحاره و بيقولوا الترضيه اللى تطلبيها هيعملوها
سميحه / جيالهم
مديحه / و انا كمان هاجى
مروه تدخل من بره و معاها صينيه عليها كبايات شاى
مروه / انا اسفه احنا هنا معندناش كبايات كفايه فاستنيت لما الرجاله شربوا الاول و غسلت مكانهم
فاطمه / تعبتى نفسك يا قلبى احنا مش ضيوف
سميحه تطلع بره الرجاله تقوم
سميحه / اتفضلوا اتفضلوا اهلا و سهلا اهلا و سهلا
راجل 1/ ازيك يا حجه معقول كدا تسبينا طول الفتره دى
راجل 2/ احنا لما عرفنا انك هنا عشان زعلانين مننا جينا علاطول
راجل 1/ احنا ملناش بركه غيرك يا حجه
سميحه بصالهم و ساكته
راجل 3/ يا حجه شوفى الترضيه اللى تحبيها و احنا نعملها دول شويه بلطجيه و الحمد لله ربنا خلصنا منهم و نضف الحاره من شرهم
راجل 4/ احنا جينا و حلفنا محناش راجعين الا لما ترجعوا معانا الحاره يا ست الكل
عباس / يا حجه الرجاله مطوعين يفرشوا الشقه مالاول تانى و يعوضوكوا عن كل اللى حصل
سميحه / كتر خيرهم
راجل 4/ قولتى ايه يا حجه هترجعى معانا
سميحه / الموضوع مش فى ايدى الموضوع فايد مرام اللى هى شافته مكنش شويه و لا ايه
راجل 1/ مرام دى ست الستات داحنا نفرشلها الارض ورد لو تحب
سميحه / كتر خيرك
مديحه / معلش يعنى متاخذونيش اشمعن دلوقت اللى جايين تراضوا فيه الحجه هاه لا و كمان هتتكفلوا بتصليح الشقه
راجل 3/ قولنا اول معرفنا انها زعلانه مننا يا حجه ام محمود
مديحه / طب و انتوا بقى هتعوضوهم عن الفرش و لا كمان عن الحاجات اللى اتسرقت من الشقه و لا عن كرامتنا و احنا مطرودين
راجل 1/ ما عاش و لا كان اللى يطردكوا يا ست مديحه دول كانوا شويه بلطجيه و احنا كنا فى اشغالنا و اول معرفنالكوا طريق جينا علاطول
راجل 2/ يا حجه اللى تعوزيه احنا هنعمله بس انتى قولى
سميحه / انا قولت مش عاوزه حاجه
مديحه / هو ايه اللى مش عاوزه يرجعوا الشقه زى مكانت و الحاجات اللى اتسرقت ترجع خصوصا الدهب هما كانوا كام جرام يا حجه
سميحه / انا مش عاوزه حاجه يا مديحه مش هما اللى سرقوا الحاجه كتر خيرهم انهم جم يراضونا
مديحه / بس سكتوا وقفوا يتفرجوا سابونا نتبهدل و لو فاكرين اننا هنا نايمين على ودانا تبقوا غلطانين انتوا جيتوا بس عشان مازن قطع عنكوا الميه و النور لما ضلمها عليكوا عرفتوا قيمتنا
الرجاله تبص لبعض و تبص لمحمود
اسعد / متنادى مرام يا حجه مديحه خلينا نلم الليله
مديحه / حاضر ثوانى
مديحه تقوم و تدخل جوه
مرام / انا مقدره مجيكوا لحد عندى بس انا معدش عندى استعداد اتكلم فى الموضوع ده ارجوكوا
شيماء / مهو مينفعش تصدقى بالبساطه دى ان الحب دا كله ممكن ينتهى بالسهوله دى
مرام / مكنش حب مالاول يا شيماء على الاقل مش من ناحيته
فاطمه / بس الواد بيحبك و سايق طوب الارض عليكى عشان يراضيكى
مرام / انا مش حمل جرح تانى انا لسه ملمتش نفسى هيكسرنى ابوس ايدك كفايا
مديحه / لا مؤاخذه بس الرجاله بره جايين مالحاره عاوزين يراضوكى يا مرام جايين عاوزينك ترجعى معاهم بيتك و بيقولوا هيفرشوه و الترضيه اللى تعوزيها هيعملوها
مرام تبصلها و تبصلهم
شيماء / مش قولتلك بكره كل حاجه تتصلح
مديحه / انا لو منك مقبلش باقل من انهم يرجعوا كل حاجه زى مكانت و اهم حاجه دهب ستك اللى راح دا يعمل شئ و شويات تحويشه العمر حار و نار فى اللى سرقهم يصرفهم عالعله و المرض قادر يا كريم
محمود يخبط
محمود / مرام
مديحه / اه اوعى تلينى مع العرر دول دول مجوش الا لما مازن قطم رقبتهم انما غير كدا مكنوش عبرونا عاوزين نرجع الحاره راسنا مرفوعه اوعى تلينى معاهم
محمود / ابوس ايدك كفايا خلى الليله دى تخلص و نروح بيتنا هنفضل عايشين عند الناس طول عمرنا يعنى
مرام تسيبهم و تطلع بره
راجل 2/ اهلا اهلا بست البنات اتفضلى اقعدى اتفضلى
مرام تقف و تمسك فى ضهر كرسى سميحه
راجل 1/ حقك علينا يا مرام والله دول كانوا بلطجيه احنا ملناش دعوه بيهم
راجل 4/ اللى يرضيكى هنعمله
راجل 1/ الحاره منغيركوا والله ما ليها طعم ابدا
راجل 3/ قوليلها حاجه بالله عليكى يا حجه
سميحه / والله انتوا قولتوا كل حاجه .. الناس جايه تراضيكى يا مرام اللى انتى شيفاه هيعملوه شوفى اللى يرضيكى و احنا نعمله
مرام / مش عاوزه غير انى اروح بيتى مش عاوزه حاجه تانى
راجل 1/ و احنا مش هنمشى من هنا الا و رجلينا على رجلك لمى حاجتك و تعالى معانا و هنعملك كل اللى انتوا عاوزينه
اسعد / اسمعى يا مرام البيت ده بيتك و تقعدى فيه زى مانتى عاوزه و انتى زى بناتى و اكتر
مرام / كتر خيرك يا معلم عملت الواجب و زياده
الباب يخبط مرام تروح تفتح تلاقى مازن فى وشها ووراه شريف
مازن / هعملك اللى انتى عوزاه بس تسمعينى لاخر مره
مرام تبص لجوه و ترجع تبصله اسعد يقوم يشوف مين يلاقى مازن
اسعد / اهلا اهلا مازن باشا اتفضل يابنى ادخل بيتك و مطرحك اهلا و سهلا اهلا و سهلا
مرام تدخل الاوضه جوه و مازن و شريف يدخلوا و الرجاله يقفوا و يسلموا عليه
.............................
فى المطبخ
مروه واقفه عالحوض تصبن فى الكبايات
مروه / اغسلى كبايات يا مروه صبى شاى يا مروه دانا لو بشتغل صبى قهوجى مش هيبقى ده حالى
محمود يدخل
محمود / اساعدك يا مروه
مروه تتخض
مروه / يا لهوى خضيتنى يا محمود
محمود / ههههههههههههههههههههه معلش يا مروه ممكن اتقل عليكى فى كبايتين شاى كمان
مروه / يا سلام هى جت على دول يعنى ايه الناس دى كلها دا ولا فرح بنت العمده
محمود / والله ماعرف كلو جه فى وقت واحد و كمان مازن جه
مروه / اوعى يكون جاى يطلق
محمود / والله معرف بس اللى اعرفه ان ربنا يعدى النهرده على خير
مروه / انا مش عارفه هى متقنعره على ايه كل دول بيراضوا فيها و هى منشفه دماغها امال لو مكنش موقفها زى الزفت كانت عملت ايه متسكت و تلم الليله
محمود / مروه
مروه / انا بقول كلمه حق مرام خارجه مالحاره بفضيحه و خارجه من بيت جوزها بفضيحه تلم نفسها و لا تكبر الفضيحه
محمود / يا مروه
مروه / طبعا متستحملش عليها كلمه
محمود / عشان اختى يا مروه عشان بنت ناس يا مروه عشان ربنا ميردلناش الكلام ده فى بنتنا بعد كدا يا مروه
مروه / بعد الشر فال الله و لا فالك و هو احنا هندى بنتنا لاى حد
محمود / كبايتين شاى لو سمحتى يا مروه
محمود يطلع بره
مروه / من عنينا خدامين الست هانم احنا اووووف
.......................
فى الصاله
راجل 4/ بس كنت كلمتنا
مازن / انا مليش كلام معاكوا و لو كنت اعرف انكوا هنا انا كنت جيت فوقت تانى ... هى مرام فين
راجل 1/ يابنى استهدى بالله دول كانوا بلطجيه احنا مالنا تدخلنا فى الرجلين ليه احنا لما عرفنا جينا اهو
مازن / عن اذنكوا
مازن يقوم يدخل جوه يخبط عالباب
صوت مديحه / ادخل
مازن يفتح الباب مرام تبص الناحيه التانيه
فاطمه / ازيك يا مازن يابنى شوفتى مش لسه بقولك
مازن / انتى لسه مصره عالطلاق
مرام تقوم و تبصله
مرام / ايوه و خلصنى بقى
فاطمه / استهدوا بالله يا ولاد احنا جايين قاصدين صلح طلاق ايه بس
مرام / ابوس ايدك يا طنط ابوس ايدك
مازن / انا موافق انا هطلقك بس تسمعينى اخر مره
مرام / انت لسه هتحكى دانا تعبتلك سلف
مازن / اخر مره و لو عاوزه هطلع انا و انتى دلوقت عالماذون
فاطمه / لا اله الا الله يا جماعه استهدوا بالله الدنيا مبتمشيش كدا
مازن / اللى يريحك يا مرام انا هعمله بس اسمعينى اخر مره
شيماء / تعالى يا ماما نستنى بره يمكن ربنا يحلها من عنده يلا يا بنات
شيماء و رؤى و تقى و فاطمه و مديحه يطلعوا بره
شريف / لا والله مكنت اعرف انه جاى احنا اصلا متكلمناش من امبارح انا فوجئت بيه ببركن العربيه نزلت و جيت معاه و معرفش حتى هو جاى ليه
شريف يشوف مامته و اخواته طالعين من جوه يقوم يقف
سميحه / ان شاء الله خير
سميحه تبص وراها تلاقيهم طالعين تقوم تقف
فاطمه / احنا شكلنا جينا فى وقت مش مناسب بس والله كنا ناويين
سميحه / كتر خيرك مجيتك غاليه اوى عليا
فاطمه / كلميها يا حجه
سميحه / جرحها اكبر من اى كلام يا حجه فاطمه الموضوع بالنسبالها بقى مساله كرامه او اللى اتبقى منها بعد كل اللى شافته
فاطمه / ربنا يهديلها العاصى و يصلحلها الحال
شريف / طب يلا يا جماعه اروحكوا و لا ايه
فاطمه تهز راسها و شريف ياخد مامته و اخواته و يمشوا
اسعد / انا بقول ناجل الكلام يا رجاله لوقت تانى و على العموم انا باذن الله هكلمكوا اقولكوا هما ردوا بايه على اعتزاركوا
عباس / انا برده بقول كدا دى مسائل عائليه و ان شاء الله تتحل النهرده و نسمع البشاره يلا يا رجاله
عباس و الرجاله يقوموا و يمشوا
.................
فى الفيلا فى دبى
زياد / فى ايه يا احمد ملحقتش توحشنى من امبارح
احمد / عرفتلك مرام فين
زياد / حبيبى و مستنى ايه
احمد / مش انت قولتلى معملش حاجه من غير مرجعلك
زياد / لا تعجبنى
ابراهيم يطلع من جوه
ابراهيم / اهلا يا احمد ازيك
احمد / ازى حضرتك يا اونكل
ابراهيم / زياد كلمنى امبارح فى العرض بتاعك
احمد / معقول لحق
ابراهيم / الحقيقه يا احمد انا عمرى مفكرت ابيع الاسهم دى
احمد / انا عارف ان ليها قيمه عاطفيه اكبر منها قيمه ماديه بس زى محضرتك شايف الاسهم دى فى النازل و مازن مستغل ان له نسبه كبيره فى الشركات دى و موقف الشغل فيها فانا عن نفسى بقالى فتره بجمع من اسهم الشركات دى بس من الباطن و لو حضرتك ادتنى الاسهم دى انا كدا نسبتى هتبقى اكبر من نسبه مازن و هديرها و اقدر اوقفها على رجليها من تانى
زياد / انا شايف ان ده الحل الوحيد يا اونكل و الا هنضطر برده نبيعها بس بتمن اقل لان فعليا الاسهم كل يوم تمنها بيقل بسبب مازن و الخلافات اللى اتنشرت
احمد / و انا هشتريها بسعرها القديم على فكره انت مقولتلوش و لا ايه يا زيزو
زياد / لا والله مكنتش اعرف بيتهيالى كدا عرض مربح جدا
ابراهيم / طب خلينى اقلبها فى دماغى كدا و اشوف
احمد / انا هنزل مصر على اخر الاسبوع مع زياد ياريت نكون خلصنا الموضوع ده قبلها
زياد / متفكرنيش الدراسه و قرفها اووووف
ابراهيم / احنا اتفقنا على ايه
زياد / لا وعد منى هشرفك الترم ده
ابراهيم / تمام عن اذنكوا انا بقى عشان ورايا ميتينج مهم جدا استاذنكوا
ابراهيم يمشى
احمد / ايه ينفع كدا
زياد / اعتبرها فى جيبك قولتلك متقلقش
احمد / تمام امشى انا بقى عشان فى ايدى كام حاجه لازم اخلصهم
زياد / تمام يلا اخلع
احمد يبتسم و يمشى يطلع بره يلاقى لبنى بتتمشى فى الجنينه و فى ايدها مج نسكافيه يروحلها و ياخده منها و يدوقه
احمد / كنت فاكر القهوه غلط عالحوامل
لبنى / انت متعلمتش من اللى زياد عمله فيك فى مصر و عايز زياده
احمد / تعرفى انى منمتش طول الليل امبارح قاعد بعد الايام و بحسب بس للاسف لقيت ان صعب اوى الا انتى فى الكام دلوقت
لبنى / ملكش دعوه اسمع يا احمد خدها منى نصيحه و اخلع ماللعبه دى انت مش قدها زياد هيلعب بيك لحد ميخلص من مازن و بعد كدا يضير عليك
احمد / و انتى خايفه على مازن و لا عليا مانتى مستحيل تكونى خايفه على زياد
لبنى / و ليه لا مش ابو ابنى اللى فبطنى طبعا اخاف عليه
احمد / انا عارف انتى كنتى فين ليله الفرح الا انتى كنتى نازله بتعيطى من اوضته ليه
لبنى عنيها توسع احمد يبتسم
احمد / اصل زياد كان طالب منى مشيلش عينى من على مازن عشان لو فكر كدا و لا كدا نلحقه بس بالصدفه عينى وقعت على حاجه احلى بكتير ريحاله بالليل حمدت ربنا انى كنت براقبه بنفسى تخيلى انتى بقى لو كان حد من رجاله زياد هو اللى شافك كان ايه الوضع دلوقت 0
لبنى / انت
احمد / متخافيش سرك فى بير فى نفس ذات البير اللى جواه سرك التانى اه من سرك التانى اه مش قادر انساها لحد دلوقت الا هو احنا مش هنكررها تانى يا لولا
لبنى / قسما بالله ان ما
احمد / لا اهدى اهدى العصبيه خطر عالحوامل خدى مجك اهو و نبقى نكمل كلامنا بعدين سلام يا قلبى
احمد يمشى و لبنى واقفه بتغلى
...........................
فى البيت القديم
فى اوضه مرام
مرام / بقينا لوحدنا اتفضل قول سمعاك
مازن / اقعدى
مرام / انا مرتاحه كدا
مازن / بصى يا مرام لو عاوزه تطلقى هطلقك بس ادى لنفسك وقت
مرام / انت خدت اكتر من وقتك معايا
مازن / يا ستى مش تدينى ادى لنفسك بصى ادى لنفسك شهر او اتنين و بعد كدا هطلقك هعملك اللى انتى عوزاه احنا لو اطلقنا دلوقت
مرام / انت ناوى على ايه هاه ايه خطتك الجديده قولى ناوى على ايه
مازن / يا مرام والله انا ما بفكر غير فى مصلحتك
مرام / مصدقاك طبعا امال هتكون بتفكر فى مصلحتك انت
مازن / اسمعى بس احنا هناخد وقت لحد ما الكلام يتنسى و بعد كدا
مرام / انا مش خايفه من الكلام و لا يفرق معايا
مازن / طب على الاقل تدينى وقت اجبلك حقك اثبتلك انى مظلوم يمكن ربنا يظهر الحق و يشيل الغشاوه دى من على عنيكى و تفهمى الحقيقه
مرام / ماشى ليك تلت شهور عده ربنا يحلها فيهم
مازن / يعنى انتى مصره
مرام / انت بتضيع وقتك و وقتى طلقنى يا مازن انا كل يوم بقعده على زمتك بيخنقنى
مازن / يعنى مش فكرالى حاجه حلوه واحده بس تشفعلى حاجه واحده بس موقف واحد حتى
مرام / فكرالك فاكره كل حاجه مرينا بيها كل جمله قولتها كل موقف حتى كل نظره بس بر
مازن / امال بقى جبتى القسوه دى كلها منين
مرام / انا مخلصتش كلامى كنت بقولك بس برده فاكره ان كل ده كان تمثيل عشان الايجو بتاعك وسط شويه العرر صحابك
مازن / يا شيخه حرام عليكى بقى يا مرام انتى اذكى من كدا شغلى عقلك شويه فكرى
مرام / انت قولت انك هتطلق لو سمعتك و سمعتك طلق بقى انت هتذلنى اقولك مش عاوزه منك حاجه انا هخلعك بطريقتى و اهو بدل ما تبقى انت اللى سايبنى هبقى انا اللى خلعاك و يلا اطلع بره يلا غور
مازن / طب فكرى في اللى قولته بالراحه و اللى انتى عوزاه
مرام / يا سيدى منغير ما فكر انا مش عوزاك انا مش عوزاك مش طايقه اشوفك مش طايقاك انت ايه جبله
مازن / يا مرام متتسرعيش ابوس ايدك متعمليش حاجه نندم عليها بعدين
مرام / انت بتهددنى و لا ايه يكون فى علمك
مازن / يارب رحمتك يا بنتى انا مبهددكيش و لا نيله انا بس
مرام / اخر الكلام عاوز تطلق طلق مش عاوز براحتك انا كدا كدا خلعاك و دا اخر الكلام و اتفضل بقى عشان انا اتخنقت من ريحتك
مازن / ماشى يا مرام هطلق هاخدك دلوقت و نطلع عالماذون بس الاول تيجى معايا مشوار صغير
مرام / مش فاضيه
مازن / اخر حاجه هطلبها منك
مرام / قولت كدا على انى اسمعك و سمعتك و دلوقت طلعت بحاجه جديده و بعد مروح معاك هتطلعلى بحاجه جديده و من حاجه لحاجه انت بتماطل ليه هاه بتماطل ليه فهمنى
مازن / لا وعد دى اخر حاجه
مرام / ماشى هنيجى معاك
مازن / لا لوحدنا
مرام تبصله و ترفع حاجبها
مازن / هنطلع من هناك عالماذون هاتى بطاقتك معاكى انا مستنيكى فى العربيه بره
مازن يمشى و مرام واقفه تبص عليه
...............................
