السكة شمال ٢ ( كامله ) بقلم / لولو_محمد

الحلقه ٩٠

(((((السكة شمال ٢)))))
#لولو_محمد
الحلقه ٩٠
خليفه / مازن بيه طلب لحضرتك الاكل ده ووصانى اول ما يوصل اطلعهولك على طول
مرام / شكرا
مرام تاخد منه العلب خليفه ينزل مرام تقفل الباب مرام تحط العلب على السفره و تجرى تجيب الموبايل و تتصل بيه
مازن / الو
مرام / انت فين يا مازن انت هتعمل حكايه و تكبر الموضوع ما قولتلك اسفه ايه هاكل لوحدى
مازن / اه كلى لوحدك و هتاخر و انا راجع لو احتاجتى حاجه رقم شريف عندك
مرام / هى بقت كدا يا مازن ماشى
مازن / سلام يا مرام
مرام تقفل السكه و هى بتغلى
مرام / اما خليتك انت اللى تجرى ورايا يا مازن ميبقاش اسمى مرام و هتشوف
مرام تاخد علب البيتزا و تدخل جوه
............................. 
فى فيلا صفوت
مازن قاعد فى الجنينه على الارض و زعتر عمال يتحرك حواليه
مازن / والله انا نفسى واحش نفسى اوى فما تاخذنيش يعنى ... اعمل ايه يعنى ما انت شايف الهم اللى انا فيه ... انا حتى مش قادر ادخل جوه و هو مش موجود ... لا و حطيت فوق زكرياتى معاه زكرياتى معاها
زعتر يروح يحط راسه تحت ايد مازن و يقعد مازن يفركله ضهره
مازن / زعلان منها طبعا و منه كمان ... ما كنتش مستنى منهم انهم يخبوا عنى ... كان بيكدب عليا فوشى بيوزعنى
زعتر ينبح
مازن / ما تعملش فاهم انت كمان انا بكلمك عشان ما فيش حد تانى اكلمه
زعتر ينبح اوى و يقلب مازن فى الارض
مازن / ههههههههههههههههههه خلاص يا عم بالراحه انا اسف ههههههههههههههه اقعد بدل ما اقوملك
مازن يعدل نفسه و يقعد زعتر جنبه
مازن / شاطر ... لا و التانيه كمان انا قولت اسفه ما تكبرش الموضوع دا انا لو نفخت بس هتعمل مشكله انما هى تعك عادى لازم مازن عقله يبقى كبير و ما يعملش مشكله ... انا وحيد تماما يا زعتر
زعتر ينبح
مازن / لما كنت ببقى مدايق كنت بروح افضفض يا معاها يا مع شريف دلوقت اروح لمين
تليفون مازن يرن يطلعه يبص فيه شريف يكنسل و يحطه فى جيبه زعتر ينبح مازن يبصله و يقعد يفركله ضهره
..........................
فى شقه شريف
شريف قاعد على السرير فى اوضته ماسك الموبايل و مدايق
شريف / دا ايه الحيوان ده اووووف
تليفون شريف يرن يبص و يتنهد و يرد
شريف / ايوه يا قلبي
صافى / حبيبي و لا على باله شوقى اليه و بقالى كتير برن عليه مش فاضي فينك يا عم
شريف / فى البيت
صافى / بتهزر بدرى كدا طب ما عدتش عليا ليه اوعى تكون ماما
شريف/ كلنا كويسين
صافى / يبقي انت تعبان اكيد تعبان شريف
شريف / انا كويس اهدى انا بس قفشت مع مازن فروحنا احنا الاتنين
صافى / خير يا شريف فى ايه قولتله على حوار باباه
شريف / لا بس يا ريتنى قولتله يمكن ما كانش كل ده حصل
صافى / طب اهدى و احكيلى فى ايه
صمت
صافى / احكى بقي
شريف / فاضلك حاجه جبتوا كل اللى ناقص
صافى / ايوه جبت كل حاجه اتهرينا لف لما ورمنا و هنيجى بكره نفرش الحاجات دى عشان اتفرغ للفرح بقي المهم ما تغيرش الموضوع احكى ايه اللى حصل احكى بقي الفضول هيجننى
شريف / هحكيلك
..................
فى شقه مازن
مرام لابسه الكاش الاحمر و حاطه مكياج و رايحه جايه فى الليفينج و هى بتغلى و التليفزيون شغال تسمع صوت باب الشقه بيتفتح تجرى تنام على السرير و ترمى الغطا على طراطيف رجليها و علب البيتزا جنبها مازن يدخل يشوف المنظر يفضل واقف دقيقه و بعدين يتنهد و يطفى التليفزيون و يغطيها و يشيل البيتزا من جنبها و يمشي مرام تقوم تقعد و هى مستغربه تسمع صوته راجع تنام تانى بسرعه مازن يطفى عليها النور و يدخل الاوضه جوه مرام تفضل تتقلب و تفرك ما فيش اى رد فعل و لا صوت تقعد
مرام / ايه الحلوف ده
تقوم تدخل الاوضه تلاقيه نايم و مستغطى تروح المطبخ و تجيب البيتزا و تروح تشغل التليفزيون و تعلى الصوت و تقعد تاكل مازن يصحى يروحلها
مازن / وطى شويه
مرام / ليه
مازن / هو ايه اللى ليه عشان انام
مرام / ما تنام هو انا حيشاك
مرام تقوم تقعد على ركبها و تحط ايديها فى وسطها مازن يطفى التليفزيون
مازن/ نامى احسن
مرام تقوم تايده
مرام / نمت و لسه صاحيه
مازن / يعني اروح اشوف مكان تانى انام فيه يعنى
مرام / براحتك انا ما قولتلكش ترجع ما انت سايبنى طول اليوم لوحدى هيحصل ايه يعنى جبتنى هنا و سبتنى و مشيت حتى ما هانش عليك تتصل تسال عليا دا بيت مش لوكانده
مازن / تصبحى على خير يا مرام
مرام / و انت من اهله
مازن يدخل الاوضه مرام تمسك الريمود و تعلى الصوت على الاخر و تقعد على السرير و هى بتنفخ
مرام / ماشي يا مازن ماشي
................
فى فيلا زياد
زياد يدخل اوضته يلاقى لبنى نايمه يغير هدومه و يدخل ينام جنبها تصحى
لبنى / اتاخرت كدا ليه
زياد / مخنوق
لبنى / ما تحاربوش هو معاه شريف و انت معاك احمد
زياد / هعمل حساب كمان لشحات زى شريف
لبنى / زياد انت بجد مش قادر تشوف الحقيقه احمد بيلعب بيك بينتقم منك على اللى عملته فيه احمد اهم حاجه عنده مصلحته هو انما شريف بيخاف على مازن
زياد / و انتى يا لبنى
لبنى/ انا للاسف لسه مراتك بس انت بتخسرنى بالطريقه دى
زياد/ انا ما كنتش فى وعيي فى روسيا انا حتى لا فاكر اسامى و لا شكل البنات دول و لا فاكر انا عملت معاهم ايه لبنى انا بحبك انتى و ما ليش فى الدنيا غيرك
لبنى / يبقي تحافظ عليا حافظ عليا ارجوك
زياد / قولتلك ما كنتش فى وعيي ما كنتش فى وعيي اعمل ايه
لبنى / ما انتش قد الشرب ما تشربش ما تشربش يا زياد ما تشربش
زياد / حاضر مش هشرب تانى خلاص
لبنى / خلاص اطفى النور و نام
زياد / لبنى
لبنى / نام يا زياد
زياد يبصلها تتقلب و تديله ضهرها ينفخ
.......................
فى الشركه تانى يوم
مازن شغال على اللاب شريف يفتح الباب و يدخل مازن يبص عليه و يرجع يشتغل على اللاب شريف يروح يقعد قدامه
شريف / انا اسف
مازن / موضوع و خلص يا شريف متافورش
شريف / امال ما بتردش على التليفون ليه
مازن / ما كنتش في مود اكلم حد خلينا في الشغل
شريف / بكره حنتى بجد هتضيع عليا فرحتى عشان احنا زعلانين من بعض هونت عليك
مازن / انا مش زعلان منك يا شريف و لا منها  انا بثق فيكوا انتوا الاتنين اكتر من اى حد تانى فى الدنيا انا بس زعلان على حالى مخنوق من اللى حصل انت كدبت عليا فوشي و هى خبت عليا
شريف / ما كناش عاوزين نزعلك
مازن / و اديني عرفت و زعلت
شريف / و انا جاى اقولك اسف ازاى عاوز الناس تسامحك و انت مش عاوز تسامح
مازن يبصله و يكمل بص في اللاب شريف يروح يقفلهوله مازن يبصله
شريف / مش فاكرلى حاجه واحده حلوه عملتها معاك تسامحنى عليها مش فاكرلى موقف واحد جدعنه تستجدع معايا عشانه يرضيك اتجوز و اخويا زعلان منى
مازن / انا عمرى ما نسيتلك انتوا ليه مش قادرين تفهموا انا مش زعلان منكوا و لا عاتبتكوا انا بس
شريف / احنا غلطنا و انت حقك تزعل بس انا اعتزرت و متاكد ان مرام كمان اعتزرت و اذا كنت بتعاملنى كدا ربنا وحده اللى يعلم بتعامل مرام ازاى
مازن / ما تشغلش بالك انت بمرام ليها زوج يشيل همها
شريف / كنت فاكر انى اخوها كنت فاكر ان طول الوقت اللى فات و انت بتشيلنى همها و بتجريني وراها كنت فاكر انها زى اختى بس لو انت عاوز ده حقك
شريف يجي يمشي مازن يكمل شغل شريف يقف عند الباب و يبصله
شريف / بجد !!! مش هتقولى استنى يا شريف و تقوم تحضنى و نتصالح
مازن / و تشتغل موسيقي مؤثره في الخلفيه و الناس تدمع
شريف يروحله و يحضنه
شريف / قوم يا حيوان تعال هنا صالحنى
مازن / و هتحل عنى
شريف / بعينك
مازن يبتسم و يقوم يحضن شريف
شريف / ايوه كدا يا جزمه
..................
فى شقه مازن
مرام قاعده على السرير لابسه كاش اسود حمالات و هى زعلانه بتتكلم في التليفون
مرام / لا و نزل الصبح بدرى و انا نايمه كتر خيره حضرلى الفطار و سابه جنبي ما هانش عليه حتى يصالحنى انا اروح اقوله ما نحطش ابواب بينا و ما يهونش عليا ينام زعلان و هو و لا يفرق معاه زعلى
صافى / بس انتى غلطانه يا مرام
مرام / انتى اللى بتقولي كدا يا صافى لا و بتقوليلى اسامحه و كنتى زعلانه من مروه لما قالت ان الست هى اللى عليها تستحمل
صافى / يا مرام وقتها انتوا كنتوا مطلقين يعني
مرام / يا سلام و مدام مطلقين و من حقه يعمل اللى على مزاجه كان بيجري ورايا ليه و بعدين امتى يا صافي بيخونى امتى لما خلاص اتاكد انى بحبه و انى بتاعته لما اكد للناس كلها انه اغلى عندى من روحى يسبني منهاره و يروح يترمي في حضنها انتى بتقولي ايه يا صافي
مرام تعيط
مرام / دا انا ما قدرتش انام و هو زعلان و انا هونت عليه جابني هنا و قفل عليا و مشي و هو عارف ان مليش غيره ما عدليش مكان اروحه انا ما كنتش عاوزه ارجعله عشان خايفه يعمل معايا كدا
صافى / لا يا مرام متربطيش دى بدى
مرام / و كانى فارضه نفسي عليه هو انا لو كان ليا اهل يقفوله
صافى / هو عمل ايه لكل ده انتى عاطفيه اوفر يمكن بسبب الحمل او يمكن بسبب اللى عيشتيه بس انا متاكده ان مازن ما يقصدش حاجه من كل ده انتوا عندكوا مشكله واضحه فى التواصل و انا متاكده انى لو اتكلمت معاه هلاقي عنده تفسير منطقى لتصرفاته و هو لو كان زعلان اوى كدا ما كانش حضرلك الفطار يمكن ما هانش عليه يصحيكي
مرام / انتى علاطول بتدافعى عنه
صافى / يا مرام مازن زعلان عشان انتى لما احتاجتى حاجه كلمتى شريف ما كلمتيهوش هو و دى حاجه تجرح اى راجل هو بس قرر يسيب مكانه فاضي عشان يفكرك بوجوده
جرس الباب يضرب
مرام / ثوانى يا صافي هشوف مين
مرام تروح تبص تلاقي بسمه
مرام / ثوانى يا بسمه
مرام تدخل تلبس الاسدال و تروح تفتح تلاقي بسمه شايله اكياس
بسمه / مازن بيه بعتلك الغدى
مرام تاخده منها و تهز راسها و تقفل الباب وراها
مرام / اتفضلي يا ستي البيه باعتلى الغدى ما ده دورو فى حياتى يطفحنى يمكن كنت جعانه من قبله العيب مش عليه العيب عليا انا
صافى / بدل ما انتى اجريسف كدا جربتي تكلميه و تدلعى عليه و تقوليله مش هاكل من غيرك و وواحشني و كام كلمه حلوه من عندك بدل جعفر ده
مرام / يا سلام و هو كان عبر المزه امبارح و الله خساره فيه الروج و الكحل اللى حطيته
صافى / هههههههههههههههههه معلش تعالى على نفسك و حاولى تانى كلو بثوابه
مرام / لو قفلنى بجد
صافى / مش هيقفلك مازن بيحبك كلميه مش هيقفلك
صمت
صافى / انا هقفل و انتى حاولى تمام
مرام / اخر مره
صافى / اخر مره
مرام / تمام هجرب بس والله
صافى / حاولى بس و بعدين احلفى ماشى
مرام / ماشى
صافى / يلا سلام هبقى اكلمك بالليل اعرف الابديت
مرام / ماشى يلا سلام
مرام تقفل السكه و تقعد تفكر شويه و هى ماسكه الموبايل و بعدين تكتب رساله طويله و تبعتها
مرام / اما نشوف يا سى مازن
......................
   فى الشركه
مازن و شريف و محمود و سعد و ناس كتير متجمعين حوالين ترابيزه كبيره و قدامهم ورق و فى بريزنتايشن
شريف / انا مش موافق ازاى ياخدوا زياده خمستاشر فى الميه عن السنه اللى فاتت و هما بياخدوا تامين صحى و ووجبات انا شايف خمسه فى الميه كفايه
مازن / هما مطلبوش الحاجات دى و بعدين دى خدمات انا اللى قدمتها
شريف / ايوه مقابل شغلهم بس الانتاج مزادش يعنى بالمقابل اللى يخليك تزود فوق الخدمات دى خمستاشر فى الميه حوافز سنويه و السنه الجايه هيطلبوا زياده برده
محمود / انا كمان موافق على خمسه فى الميه بس كفايه
مازن / بس اكيد فى ناس ماستفادوش من التامين
سعد / ما فيش الكلام ده كلو استفاد من التامين و من الوجبات دا الكافتريا بتشتكى ان ناس كتير جدا بتاخد الوجبه و تاكل ربعها و ترمى الباقى و عاوزين يعملوا الوجبات احجام عشان يوفروا الهالك اللى بيترمى
مازن / و ليه يترمى يعنى ما فيش واحد شحات معدى فى الشارع ياخده
شريف / مش موضوعنا دلوقت
رساله توصل موبايل مازن مياخدش باله
شريف / الموافق على خمسه فى الميه يرفع ايده
معظمهم يرفع ايده
شريف / موافقه ندخل على قطاع الشحن اتفضل يا مستر عبد الرازق
شاب يقوم يروح لشاشه البريزينتايشن
............................
فى روسيا
احمد قاعد فاتح اللاب و قدامه فيديو زياد مع البنات الروس ينسخه و يحطه على فلاشه و يديه لواحد عنده الراجل ياخده و يمشى
احمد / اما نشوف مين فينا اللى هيدفن التانى بالحيا يا سى زياد
تليفون احمد يرن زياد احمد يبتسم
احمد / كنت افتكرت مليون جنيه ... الو
زياد / ازيك يا احمد
احمد / الحمد لله خير
زياد / طبعا سمعت عن النجاح الرهيب اللى مازن بيه حققه
احمد / سيبه يفرح بشبابه
زياد / انت عارف المكن ده كان مهم قد ايه بالنسبالى
احمد / اقدر اعملك ايه
زياد / انا كنت بكلمك يعنى لو ليك علاقات فى المانيا تقدر تساعدنى فى الموضوع ده
احمد / طب ما اشوفلك حاجه حلوه هنا برده
زياد / تعرف حد يعنى
احمد / انا شخصيا لا ما اعرفش بس الحبايب كتير يعنى
زياد / حبيبى تسلم
احمد / صحيح انس هينزل مصر بكره
زياد / ينزل مصر يعمل ايه
احمد / هيفتح فرع جديد للشركه بتاعته هو ما كلمكش و لا ايه
زياد / لا ما كلمنيش خالص اصلا دى فكره وحشه جدا مين اللى شار عليه الشوره دى هو نسى قبل ما يسافر عمل ايه و مازن ناويله على ايه دا لولا انه هناك فى حمايتك كان اتنسف
احمد / احنا لازم نستغل الفتره اللى شريف مسافر فيها عريس جديد و مش فاضى لا لشغل و لا لمازن و ساعتها مازن هيبقى لوحده هياخد باله من الشغل و لا من المدام التعبانه فى البيت 
زياد / انا مش عارف من غيرك كنت عملت ايه
احمد / هههههههههههههههههه ربنا ما يحرمك منى هبعتلك شويه عقود على الميل دلوقت تبص فيها و انا لو منك احاول بكل الطرق اقنع ابراهيم بيه يمضيها و ساعتها مازن بجلاله قدره مش هيقدر يقرب من انس لانه بكدا بيضرب ابوه
زياد / اه بس انت ناسى حاجه مهمه جدا مازن واقع مع ابوه و بايعه
احمد /  غريبه مع ان ابراهيم بيه كان لسه عند مازن امبارح الصبح
زياد / دا انت متابع بقى
احمد / مازن دا حبيبى و انت عارف
زياد / ههههههههههههههههه اللهم احفظنا
...........................
فى الشركه عند مازن
محمود / يااااه دا الواحد يصلى ركعتين شكر لله اننا اخيرا خلصنا
شريف / هههههههههههههههه معلش عشان انا اوت باقى الشهر و لازم الميزانيه تكون خلصانه
سعد / سيبك انت من كل ده هنقبض بدرى الشهر ده على حسك ههههههههههههههههههههههه
مازن يطلع موبايله و يبص فيه يلاقى رساله
//////////////////////////
مرام / كان فى بينا اتفاق اننا ناكل سوا و نقضى كل يوم ساعتين سوا نتفرج على فيلم و نتكلم بس طبعا كل دى كانت وعود ماعدتش مضطر تلتزم بيها بما انى فى بيتك مش كدا عاوزه افكرك ان الوعظ بيجي قبل الهجر يا شيخ مازن على العموم الاكل اللى انت جايبه انا مش هلمسه الا لما تيجى تاكل معايا لو كدا كدا هقضى طول الوقت لوحدى يبقى ارجع بيتى و اريحك خالص من هم اكلى كانى كنت جعانه من قبلك
مرام / دا قرارك يعنى تمام شكرا
//////////////////////
مازن يقوم و يطلع بره و يحاول يتصل بمرام غير متاح ينفخ شريف يطلع من جوه
شريف / فى حاجه و لا ايه
مازن / انا مروح هتعوزوا منى حاجه
شريف / لا تمام
مازن / سلام
مازن يجرى يركب العربيه و يطير على البيت
.......................
فى فيلا زياد
ابراهيم / انا مش فاهم انت ليه مستعجل اوى كدا
زياد / انا لا مستعجل و لا حاجه انا بس بورى حضرتك دراسه الجدوى للقريه السياحيه اللى انس عاوز ينزل يعملها فى مصر و بعدين حضرتك عارف ان فى شركات مقاولات كتير بتحلم بمشروع زى ده بس انس صاحبى و حضرتك مربيه فاكيد مش هيروح لحد غريب
ابراهيم / تمام تمام سيبلى العقود اقراها و لما يوصل بكره نقعد و نتكلم فى التفاصيل اكيد مش هنصحى الصبح نحفر يعنى
زياد / على العموم انا بعت الرسومات و دراسه الجدوى لمستر على يراجعهم و ان شاء الله بكره او بعده بالكتير هيقول لحضرتك ان زياد عمره ما يجيبلك حاجه الا و هو واثق ان مكسبها مليون الميه
ابراهيم / ماشى يا زيزو
زياد يبتسم و يمشى يقابل فريده
فريده / عملت ايه فى الحوار اللى قولتلك عليه انا بقول اننا نجرب فى الحنه اهو لو باظت نكرر فى الفرح لكن لو باظت فى الفرح هنعمل ايه
زياد / مش هتبوظ ان شاء الله
فريده / اما نشوف اخره الثقه الزياده دى ايه
زياد / اخرتها خير ان شاء الله بس انتى فرفشى كدا و بلاش توتر و بعدين ما تولد خليهم يفرحوا بيه شويه و بعدين نبكيهم عليه يلا تصبحى على خير بقى عشان انا راجع ميت من التعب
زياد يبتسم و يطلع اوضته
............................
فى شقه مازن
مازن يفتح الباب و يدخل يسمع صوت التليفزيون يهدى
مازن/ انا جيت
مازن يبص على السفره يلاقى كيس الاكل زى ما هو يتنهد و يدخل يلاقى مرام نايمه بالكاش الاسود على السرير فى الليفينج و جنبها طبق فاكهه على السرير و التليفزيون شغال يحاول يصحيها بالراحه
مازن / مرام .. مرام
مرام تتقلب و تديله ضهرها
مازن يلف الناحيه التانيه و يشيل الفاكهه من على السرير و يحطها على الكومدينو و يبص عليها و هى نايمه
مازن / مرام
مرام تفتح عينها تشوفه تلف و تديله ضهرها
مازن / انا كنت فى ميتينج و كلمتك قبل ما ادخل عشان اقولك هتاخر كنتى مشغوله و بعدين الوقت سرقنا انا اكيد ما كانش قصدى اى حاجه من اللى بعتيها فى الرساله خالص على فكره انا ما شوفتهاش الا لما خلصت
مرام / الاكل على السفره لو مش هتاكل حطه فى التلاجه دا ان ما كانش باظ
مازن / مرام
مرام / مازن
مازن / عيون مازن
مرام / عاوزه انام
مازن / انما ايه الكاشات الحلوه دى تعرفى انى بحب الصيف اوى
مرام / مش عاجبك غمض انا حرانه و مش لاقيه ريمود التكييف
مازن يفتح درج الكومدينو اللى جنبو و يطلع الريمود
مازن / مش لاقيه الريمود ده
مرام تبصله و تقوم تاخده من ايده يرجع ايده لورا
مرام / احنا هنلعب بقى و لا ايه
مازن يلعب حواجبه
مرام / خليهولك اشبع بيه انا قايمه انام جوه
مازن / انا عاوزك تنامى جنبى النهرده
مرام / بتحلم
مازن / تمام خلى الملايكه تلعنك بقى لحد الصبح
مرام تبصله مازن يبتسم باستفزاز و يلعبلها حواجبه
مرام / هو الباشا فاكر الدين ده على مزاجه ياخد منه اللى يعجبه و يسيب اللى ما يعجبوش
مازن / دا مش كلامى بالنص قال رسول الله صلى الله عليه و سلم إذا دعا الرجل امرأته إلى فراشه فأبت أن تجيء لعنتها الملائكة حتى تصبح و لا انا مبنقيش من الدين اللى على مزاجى انتى اللى فصلانا عن بعض و مزعلانى و انا بحاول اصالحك
مرام تبصله
مازن / قال رسول الله صلى الله عليه وسلم والذي نفسي بيده ، ما من رجل يدعو امرأته إلى فراشها فتأبى عليه إلا كان الذي في السماء ساخطا عليها حتى يرضى عنها سبينى زعلان بقى و خشى نامى اتفضلى اتفضلى
مرام تقعد فى السرير و تستغطى و تربع ايديها و رجليها و ضاربه بوز
مازن / صالحينى
مرام تبصله شظرا
مرام / متزودهاش
مازن / قال رسول الله صلى الله عليه و سلم ثلاثة لا تقبل لهم صلاة ولا يصعد لهم إلى السماء حسنة : العبد الآبق حتى يرجع ، والسكران حتى يصحو ، والمرأة الساخط عليها زوجها حتى يرضى
مرام/ اللهم طولك يا روح
مازن / امين صالحينى
مرام / اؤمر ما انا اللى جبته لنفسي اؤمر
مازن / والله كنت فى اجتماع و ما شوفتش الرساله بكره و بعده اجازه بسبب الفرح و لازم نقفل الميزانيه اعمل ايه
مرام تبصله
مازن / كل اللى فى الرساله هبل انا مبعاقبكيش و لا هاجرك و لا نيله انتى طلبتى ده و انا سايبك براحتك لكن لو تحبى ننام سوا انا راشق و انتى عارفه
مرام تبص قدامها
مازن / انا كنت زعلان امبارح حقى انتى زعلتبنى و لما رجعت بتردى عليا و تكلمينى عفينه
مرام / قولتلك اسفه عاوزنى اعملك ايه يعنى ابوس رجلك
مازن / من خدى كفايا
مرام / متزودهاش بقي انا متعصبه خلقه مش حافظ لا من القران و لا الحديث غير حقوقك حقوقى انا لا طظ
مازن / طب انا قصرت فى ايه
مرام تبصله
مازن / قصرت فى حقوقك فى ايه طلبتى منى ايه و انا ما عملتوش
مرام تبص قدامها و تسكت مازن يقرب منها و ياخدها فى حضنه
مازن / مش احنا اتفقنا اننا نتكلم و نحل مشاكلنا بالكلام عشان نقدر نعمل علاقه هاديه نربى فيها ملك
مرام تبصله
مازن / انا مزعلك حقك عليا داى راسك ابوسها
مازن يبوس راس مرام
مازن / لو راسك مش كفايه و فى اى حاجه تانيه تحبى ابوسها مستعد ابوسها
مرام تعض على ايدها من الغيظ و تبصله و تبتسم باصطناع و هو ماسك نفسه عن الدحك بالعافيه
مرام / راسى كفايا
مازن / انا عاوز اصالحك مش عاوزك تنامى زعلانه
مرام / اتصالحت
مازن / لا بجد اوعى تكونى لسه زعلانه
مرام / مش زعلانه
مازن / شكلك لسه زعلانه و عوزانى اصالحك
مرام / لا مش زعلانه
مازن / طب انا زعلان صالحينى يلا
مرام / قولتلك اسفه
مازن يديها خده مرام تاخد نفس عميق و تغمض عنيها و تكتم الغيظ جواها ووشها يبقى احمر زى الطماطمايه
مازن / صالحينى اول باول بدل ما الزعل يكبر و تضطرى تعملى حاجات اكتر من كدا عشان تصالحينى صالحينى يلا
مرام تقرب منه و تبوسه يمدلها الخد التانى
مرام / لا بقى
مازن / هاااااه
مرام تبوسه و تنفخ
مازن / كفايا عليكى كدا لتطرشقى شوفى تحبى تنامى فين و نامى
مرام تسيب المكان و تقوم تروح تنام فى الاوضه التانيه و هو منشكح
........................