((((((السكة شمال ٢)))))))
#لولو_محمد
الحلقه ١٢٠
شيماء / مالها مروه
عمر / يعنى كلوا هيبقى نفس الفستان و كدا مرام و صافى و البنات و هى يعنى
شيماء / هى اصلا ما بتندمجش وسطينا علاطول واخده جنب كدا دماغها غير دماغنا و مش بترتاح وسطينا
عمر / و انتوا بترتاحوا و هى وسطيكوا
شيماء / بصراحه مش دايما مش هكدب عليك يعنى قولتلك دماغها غير دماغنا
عمر / طب و لو عشان خاطر محمود
شيماء / ماله محمود
عمر / تعرفى محمود بيشتكى من الموضوع ده برده للاسف الانسان فى السن ده بيتاثر بالناس اللى حواليه و هى زى ما انتى عارفه فا انا كنت بقول لو تحاولوا تكسبوها فى صفكوا يمكن تتغير
شيماء / طب ما مرام اتربت فى نفس الوسط اللى مروه جت منه و مختلفه و بعدين كمان الوسط اللى مروه اتربت فيه ما يفرقش كتير عن وسطنا يعنى عشان تقول كل ده
عمر / يعنى انتوا لو كلمتوها و قولتولها تعالى هنعملك فستان زى بتاعنا هتخسوا حاجه يعنى اهو قدموا السبت
شيماء / اوك يا عمر مع انى متاكده ان الموضوع ده مش هيغير الدنيا فى حاجه
.............................
عمر / عشان خاطرى حاولى
شيماء / اوك
عمر يعدى من قدام عربيه ترمس
عمر / تاكلى ترمس
شيماء / لا لسه مخلصتش لب لو عاوز انت هاتلك
عمر / ههههههههههههههههههه ما انتى قولتى نفس الكلام على اللب و ما شاء الله اخدت اول واحدتين و بعدين ضربتى على الباقى
شيماء / ايه الرخامه بتاعتك دى خد يعم اللب مش عاوزه منك حاجه
عمر / هههههههههههههههه بهزر بهزر خدى اللب هروح اجيب ترمس اوعى تروحى كدا و لا كدا لحسن حد يخطفك
شيماء / ها ها ها خفه
عمر يبتسم و يروح يقف عند العربيه و عينه عليها و هى مبسوطه
.........................
فى شقه محمود
مروه / انا عارفه ان المحل مش كبير بس ما فى مطاعم كتير بتبقى صغيره جدا و بعدين احنا مش هنبقى محتاجين لمطبخ لان المطبخ فى الشقه فوق
مديحه / ايوه يعنى الزبون لما يطلب اكل ننزلهوله فى السبت يعنى و نعدى بيه فى الشارع و كدا و لا نعمل ايه
محمود / اصلا مش حوار تعديه الشارع المحل اخره اربع خمس ترابيزات مش مستاهل يعنى لو على قفلته ما تفتحوه محل و نوضبه و يبقى مثلا محل ملابس اكسسوارات مكياجات
مروه / فى الحاره !!
مديحه / ياختى ما انتى كنتى هتفتحى مطعم فى الحاره هى الناس لاقيه تطبخ لما هتطلب دليفرى بلا وكسه
محمود / و ماله فى الحاره تخيلى كدا لما يبقى عندك محل هدوم و طرح دا انتى هتلاقى كل بنات الحاره بتشترى منك
مديحه / يا قسط يا شوكك دى حاره معفنه و فى الاخر هيدوخونا على ما يجيبوا اللى عليهم
محمود / محل من بتاع اتنين و نص اهى الحاجات دى ما فيهاش بقى لا شوكك و لا فصال حاجات بسيطه و الحاجات دى فى الاخر بتجمع برده و ممكن تجيبى كمان مكنه تصوير و كام كراسه على كام كشكول اهو
مروه / هى فكره حلوه يا محمود بس
محمود / احنا هنكسر السيراميك و نركب وجهه محترمه باب سوكريت و يافطه حلوه كدا و نشوفلك حد يفرشهولك بضاعه
مديحه / و مين اللى هتقف فيه ان شاء الله مروه اللى بتيجي تزورنا بالعافيه عشان مشغوله فى المزاكره و لا اخواتها اللى مشغولين فى الدروس و لا امك اللى تعبانه
مروه / كدا كدا كنا هنجيب حد يقف
محمود / بالعكس انا شايف ان قاعده مامتك فى البيت فتره طويله هى اللى تعباها هى لو شغلت نفسها فى المحل الوضع هيتغير و برده ما فيش مشكله تجيب حد يساعدها يعنى
مروه / هى فكره حلوه بس برده محل الهدوم عاجبنى اكتر و ممكن صافى تظبطنا صح
مديحه / هههههههههههههههههههه و انتى عاوزه الحاره تلبس موديلات صافى دا البلوزه اللى قد الكف بالشئ الفلانى
مروه / لا ما هى اكيد تعرف اصحاب المصانع و المكاتب التانين و كدا و حته من هنا على حته من هنا على كام بدى كارينا على كام طرحه على شويه اكسسوارات نملا المحل بضاعه ايه رايك يا محمود
محمود / والله اقعدى مع ماما و اتكلمى معاها و شوفى ايه الانسب كدا ممكن و كدا ممكن بس تحدووا عشان على الاساس هنوضب المحل ان كان ملابس و لا خرداوات و كدا
مروه / لا ملابس ان شاء الله
مديحه تحرك شفايفها يمين و شمال و تبص لمروه مبسوطه اوى و بتبص لمحمود مديحه تبتسم من تحت الدرس
..............................
فى اوضه مرام
مازن نايم و ملك نايمه و مرام قاعده على الموبايل فى النص و الاوضه ضلمه مازن يتقلب يحط ايده ما فيش حد يفتح يلاقى مرام قاعده
مازن / مرام فى حاجه ؟
مرام / لا يا حبيبى ما فيش صحيت رضعت ملك جيت انام تانى ما عرفتش قولت اقعد على الموبايل شويه
مازن يبص
مازن / ايه ده دا موبايلى حمله تفتيش دى و لا ايه
مرام / هههههههههههههههههه ايه عندك حاجه تخاف منها
مازن / مش انا يا ماما خدى راحتك
مرام / ههههههههههههههه ايوه بقى على العموم انا كنت بتفرج على الصور اللى عندك حلوين اوى بعت لنفسى على الموبايل صور كتير جدا منها
مازن / هو انتى قاعده بعيد ليه ما تيجى فى حضنى كدا
مرام تبتسم و تنام فى حضنه
مازن / الله كتير عليا والله ياربى
مازن يبوس راسها تبتسم
مازن / بتحبينى يا مرام
مرام / جدا بس بتسال ليه فى العادى يعنى انا اللى بسال السؤال ده
مازن / طب بتحبينى دلوقت اكتر و لا الاول اكتر
مرام / امممم الاتنين زى بعض
مازن / يعنى سامحتينى
مرام / لا
مازن يتعصب
مازن / انتى حتى ما حاولتيش تفكرى
مرام / مش محتاجه تفكير انا عارفه
مازن / طب اعمل ايه اكتر من كدا عشان تسامحينى طيب
مرام / ششششششششش وطى صوتك ملك نايمه ادينى فرصه اكمل طيب
مازن / اتفضلى
مرام / انا بحبك و اللى بيحب بسامح و انا مش زعلانه منك لا زعلانه بس... بص انا لسه ما نسيتش و اللى حوالينا بيضغطوا علينا انا بحبك والله انت هنا هو
مرام تمسك ايد مازن و تحطها على قلبها يبص فى عنيها
مرام / انت قاعد هنا هو كل الدنيا فى كفه و انت قاعد مربع لوحدك هنا حتى ملك حبى ليها مختلف عن حبى ليك بس انا لسه موجوعه مع الوقت الجرح هيلم انا عارفه
مازن يتقمص
مازن / كان ممكن تكدبى و تقولى مسمحانى و بتحبينى و خلاص الكدب فى الحالات دى حلال انتى عارفه صح
مرام / بس انا مش هبقى بكدب لما اقول انى بحبك
مازن يبصلها
مرام / انا بحبك و دى الحاجه الوحيده اللى مهما حاولت اغيرها ما قدرتش بالعكس مجرد محاوله تغيرها كانت بتوجعنى انت عارف انت بالنسبالى ايه انت الحب الوحيد اللى فى حياتى مره قولت لتيته انك زى شظيه فى قلبى ما عرفوش يطلعوها طول ما هى جوه انا عايشه لو اتحركت اتوجع لو اتشالت اموت
مازن / بعد الشر عنك انتى بقى عارفه انتى بالنسبالى ايه
مرام / ايه
مازن / بالنسبالى زى دعامه لقلبى من غيرها اموت و بيها بعيش
مرام / و مين تقدر تغلبك فى الكلام يعنى
مازن / بس دا ما كانش مجرد كلام يا مرام
مازن يشبك صوابعه فى صوابع مرام و يسحب ايدها يحطها على قلبه
مازن / قلبى دا ما فيهوش غيرك انتى و الكلبه اللى وراكى دى
مرام / ما تقولش عليها كلبه دى ست البنات
مازن / ست البنات طبعا
مرام / بكره تكبر و تملا حياتنا دحك و لعب و هزار
مازن / و شقاوه عندى خطط كتير اوى ليها احلام و كوابيس
مرام / كوابيس !!
مازن / طبعا كابوس انك مثلا تيجي فى يوم تقوليلى ملك معجبه بزميل ليها او بتحب حد او حد بيحبها كوابيس انها لا قدر الله يجرالها حاجه كوابيس انها تنجرح من اى حد حتى لو من صاحبه ليها كوابيس انى ما اقدرش اديها الرعايه و الاهتمام كفايه انها تتجوز
مرام / تتجوز !!! دا يوم المنى
مازن / هيبقى فى حبيب ليها غيرى
مرام / ههههههههههههههههه هو انا مش كفايه عليك و لا ايه
مازن / كفايا و نص و اللى مصبرنى ان اكيد هيبقى ليها اخوات كتير اتلخم فيهم
مرام / ااااااااه اخواااااات
مازن / ايه فى حاجه ؟؟
مرام / ابدا بجمله الكوابيس بقى
مازن / اخص عليكى يا مرام انا نفسى فى عيال بالهبل اتلخبط فى اساميهم
مرام / مش دلوقت خالص كمان خمس سنين كدا و لا حاجه نبقى نفكر فى الموضوع ده
مازن / بيقولوا العيال ورا بعض علقه واحده و ترتاحى بعدين
مرام / اه علقه موت
مازن / بعد الشر ادى لنفسك فرصه سنه و لا اتنين لحد ما ملك تقلع البامبرز مثلا و تروح الحضانه
مرام / تروح سنتين
مازن / سنتين تلاته عشان تبقى عشريه كدا و تعرف تتعامل مع الاطفال
مرام / لا صغيره اوى يا مازن افرض حد ضربها و لا دايقها هعمل ايه ساعتها
مازن / دا انا اهد الدنيا
مرام / و هتعرف منين بقى ان شاء الله هتقدر تقولك
مازن / الحضانات النضيفه دلوقت فيها كاميرات ممكن توصليها بموبايلك و تتفرجى على ملك كل شويه و هى فى الفصل بتاعها و تتابعيها و هى بتلعب عادى
مرام / بس دا ما يمنعش انها هتبقى صغيره برده بص سبها لله لسه بدرى
مازن / بصى انا اصلا واخد قرار ان اى قرار يخص ملك دا تخصصك انتى انا بس الدعم النفسى و المعنوى و المادى لكن الكلمه الاولى و الاخيره ليكي ما عدا حوار الجواز الكلمه الاولى ليا
مرام / هههههههههههههههههه اشمعن
مازن / مش عارف بس
مرام / بس ما تقلقش ان شاء الله ربنا شايلها كل خير و كل الخير اللى عملته و اللى هتعمله فى حياتك هيقعدلك فيها ما تقلقش
مازن يمسك ايد مرام و يبوسها
مازن / اقلق ازاى و انتى جنبى
مرام / قلبى يا ناس ههههههههههههههههههه
مازن / ههههههههههههههههههه
............................
فى شقه شريف
شريف نايم و صافى جنبه الاذان ياذن شريف يفتح يبص على صافى و يقوم يقعد و هو بيتاوب و يتمطع و يطرقع رقبته و يقوم يدخل الحمام يغسل وشه و يتوضى و يلبس و ينزل صافى تصحى على صوت قفل الباب تبص يمين و شمال تقوم تبص فى الشقه ما فيش حد تجيب الموبايل و تتصل الموبايل يرن جوه تجرى على جوه تمسك الموبايل
صافى / دا اللى هو ايه ده يعنى
الموبايل فى ايد صافى يرن اشعارات تستغرب و تبص تلاقى نمره غريبه بتبعت صور تفتحها تلاقى صور لمازن فى لندن و هو بيدحك و يهزر مع ميا و اسيا و هيا كل واحده لوحدها او كلهم مع بعض
صافى / و دا ايه ده كمان
صافى تقعد على السرير و تفكر و بعدين تتصل بالنمره اللى بعتت الصور
صوت / الهاتف الذى طلبته غير موجود بالخدمه من فضلك حاول الاتصال فى وقت لاحق
صافى تسيب الموبايل على السرير و تقوم تدخل الحمام
.......................
فى فيلا زياد
تليفون لبني يرن لبنى تصحي و هى بتنفخ
لبني / اووووف بقي دا مين الرزل ده
لبني تمسك الموبايل و تبعد الشعر عن وشها و ترد
لبني / الو
اسراء بتعيط/ ايوه يا ست لبني
لبني / فى ايه يا اسراء
اسراء / البقاء لله الست ميار تعيشي انتى
لبني / بالراحه مش فاهمه فى ايه
اسراء / بقولك الست ميار هانم ماتت
لبني / لا انا لسه مكلماها قبل ما انام كانت كويسه
اسراء / يا ست لبني بقولك اتوفت دخلت عليها الشقه لقيتها واقعه في الارض جنب السرير و قاطعه النفس
لبني / يا بنتي تلاقيها كانت متقله في الشرب و لا حاجه كان عندها بارتى بالليل بقولك هزيها كويس هتفوق معاكى
اسراء / يا ست لبني ابوس ايدك فوقى انتى معايا بقولك الست ميار تعيشي انتى ماتت
لبني تنفخ و تهز زياد يصحى
لبني / شوف العبيطه دى عاوزه ايه بقالى ساعه بفهمها تهز ماما هتصحى مصممه انها
لبني تسكت و تبص لزياد و عنيها تتملى دموع و ترد على الموبايل و ايدها بترتعش
لبني / اسراء
اسراء / ايوه يا ست لبني
لبني / انا جايه
لبني تقفل و الموبايل يقع من ايدها
زياد / لبني
لبني تعيط في صمت
زياد / لبني
لبني تبصله
لبني / بتقول ... ماما ... ماتت
زياد / البقاء لله ما تزعليش نفسك
لبني تبصله و تبتسم بانكسار و تمسح دموعها و تقوم من السرير
لبني /ازعل على ايه دى حيالله كانت امى
لبني تيجي تمشي تقع في الارض زياد يقوم يجرى عليها و يقومها تقعد على السرير تانى
زياد / ارتاحى ارتاحى انا هجهز كل حاجه
لبنى تهز راسها اه بالراحه
.......................
فى شقه شريف
شريف يفتح باب الشقه شايل عيش و فطار يلاقي صافى طالعه من جوه
شريف / صباح الخير
صافى / كنت فين
شريف / كنت بصلى الفجر و اجيب فطار انتى ايه اللى صحاكى
صافى / اتخضيت لما ملقيتاكش جنبى و كمان لما لقيتك ناسي موبايلك
شريف / نسيته هههههههههههههههههه ما اخدتش بالى خالص تعالى تعالى جايب طعميه سخنه و بتنجان عيش بقي ايه يفتحوا النفس
شريف يحط الحاجه على السفره
صافى / شريف
شريف يبصلها
صافى / الصور دى جاتلى على الموبايل اول ما انت نزلت
شريف يروح ياخد منها الموبايل و يبص فيه
شريف / صور ايه ده ... هما مش هيبطلوا الحركات دى بقي
شريف يمسح الصور
شريف / الناس دى هبله اوى فاكرين يعنى انهم لما يبعتولك الصور دى هتجرى بقي تقولى لمرام و مرام هتولع الدنيا و كدا ناس عبيطه اوى سيبك سيبك تعالى افطرى
صافى تروح تقعد جنبه
صافى / تفتكر بعتوهالى انا ليه
شريف / ما اعرفش و الحقيقه مش فارق معايا اعرف
صافى / طب بعتوها لحد غيرى ؟؟
شريف يسيب اللقمه من ايده و يبصلها
شريف / الناس دى هتضربنا ببعض العاقل فينا هيمسح الصور و يعمل ما شافهاش لان كدا كدا ما افتكرش ان الصور دى هتفرق مع مرام هى عارفه انه كان فى لندن و عارفه كان مع مين و بعدين الصور ما فيهاش حاجه يعنى واقفين بيضحكوا عادى مش قصه هو انتى مش هتاكلى يعنى و لا ايه
صافى / هاكل هاكل هدخل بس اجيب اطباق
شريف / متتاخريش و ياريت لو قطعتى طمطمايه و رشيتى عليها كمون و لا اقولك هقطعها انا لتحطى عليها بهارات و لا حاجه
صافى / عارفه الكمون على فكره
شريف / يا ما شاء الله عارفه الكمون دا احنا نقدم فى سى بى سى سفره بقي
صافى / خفه
صافى تسيب شريف و تدخل جوه و هو قاعد بيدحك
.......................
فى شقه مازن
مازن بيلبس بدله كحلى على قميص لبني و بيتكلم في التليفون
مازن / لا انا عاوز اشوف ابعتهملى
محمود / على فكره لسه قافل مع شريف اتبعتت لصافى كمان بس هو مسحهم
مازن / طب ابعتهملى انت اما اشوف
محمود / تمام حاضر
مرام تدخل معاها مج نسكافيه
مازن / سلام يلا ما تتاخرش
مازن يقفل و ياخد منها المج
مرام / فى حاجه و لا ايه
مازن / دا فى حاجات هههههههههههههههههه
تليفون مازن يرن يبص لبنى الابتسامه تروح من وشه يبص لمرام مرام تمشي مازن يتنهد و يرد
مازن / الو
لبنى بتعيط / انا عارفه انك بتكرهنى و مش عاوز تسمع صوتى بس ...انا ماما ماتت
مازن / لا اله الا الله امتى
لبنى / النهرده الصبح دخلو عليها لقوها ميته انا مش عارفه بكلمك ليه بس انا ... انا اسفه اوى و اسفه لو كنت عملتلك مشكله مع مرام بس والله غصب عنى ربنا وحده اللى عالم باللى فيا
مازن / طب اهدى طيب دفنتوها و لا ايه
لبنى / لسه هياخدوها يصلوا عليها الاول و بعد كدا يدفنوها
مازن / تمام
لبنى برجاء / هو انت هتيجى
مازن / مش عارف
مازن يبص بره يلاقي مرام واقفه بعيد و باين انها مدايقه
مازن/ انا لازم اقفل مع السلامه
مازن يقفل و يقلع هدومه و يطلع بدله سمره من الدولاب و مرام تروحله
مرام / خير
مازن / لبني والدتها اتوفت
مرام تبص في الارض
مازن / انا عارف انها بنت كلب و عارف انها
مرام / روح
مازن / انا مش هطول هروح لحد الدفنه و همشي
مرام تهز راسها و هى باصه فى الارض مازن يرفع راسها لفوق
مازن / مرام
مرام / روح خد ثواب و عزيها بدالى
مازن يهز راسه و يغير هدومه مرام تروح تقعد فى الليفينج و هى مدايقه
......................
فى شقه فاطمه
صافى بتقلد شريف و البنات بيدحكو و هما قاعدين يقطعوا خضار
صافى / ما شاء الله عارفه الكمون دا احنا نقدم فى سى بى سى سفره بقى و الله ما حد بيحبطنى الا هو
فاطمه / هههههههههههههههههههه انا بقى لو منك اتشطر و اغيظه
رؤى / و بعدين انتى مدايقه نفسك ليه ما هو واخدك كدا و عجباه كدا
فاطمه / اه بس برده فى الاول و الاخر الراجل بيروح بيته عاوز ياكل لقمه حلوه بعد تعب اليوم و على راى المثل اقرب طريق لقلب جوزك ايه
تقى / معدته
صافى / ما انا بحاول والله بس الموضوع مش سهل و هو كمان بيقولى نت لا طب نعم يعنى اتعلم منين انا
فاطمه / يا ست العرايس انا اعلمك شوفى نفسك تتعلمى ايه و انا اطبخه كل يوم لحد ما تتعلميه و تحفظيه صم
شيماء / صحيح يا صافى عمر بيقول نعمل لمروه فستان معانا
رؤى / باماره ايه يعنى ان شاء الله
شيماء / هو بيقول عشان خاطر محمود يعنى ما يحسش اننا كلنا مع بعض و هو و مراته غرب خصوصا انه عاش عمره كله على انه اخو مرام يعنى
فاطمه / يا جماعه ما يخسرش اهى بت يتيمه برده نفرحها ما فيهاش حاجه
رؤى / دى بت غلسه
فاطمه / عيب يا رؤى
رؤى / و بعدين هى يعنى هتفصلنا فساتين فى فرحها لما نفصلها فى افراحنا
شيماء / هو بيقول لو كسبناها يعنى هتبقى لطيفه احسن من مخالطتها ببنات الحاره و شغل الستات الكبار ده
صافى / انا رايي نعملها مش هنخسر حاجه و يمكن فعلا زى ما عمر قال
فاطمه / عشان خاطر مرام بتحبها
رؤى / دا على اساس ان مروه بتطيئ مرام اصلا
فاطمه / هو انتى كمان هتدخلى فى القلوب و تحكمى عليها دا ايه الهم ده يا ربى صفى انتى بس نيتك و الدنيا تعمر ما تنسيش ان محمود صاحب سعد الانتيم يعنى علاقتك بمروه مستمره زى علاقه صافى و مرام كدا يعنى انتى اول واحده عاوزه مروه يتصلح حالها و هى البت مش وحشه يعنى ما حدش فينا كامل ما دام ما بتاذيش حد خلاص
صافى / تمام انا هشوف مقاساتها لو لسه عندى من فرح مرام و هخلى شريف يكلم محمود يتاكد انها زى ما هى و ابعتلهم فى الورشه يزودوا درس كمان ما فيش مشكله
فاطمه / ما نتحرمش منك يا اصيله يا بنت الاصول
صافى تبتسم
............................
فى الدفنه
لبنى واقفه وسط ستات و بنات بتعيط و هما مسندينها و الرجاله بتدفن و مازن و زياد و شريف و فارس فى وسطهم و لبنى عينها عليهم تفتكر و هى صغيره
////////////////////////
فى شقه ميار
فريده و ميار بيتخانقوا فى الصاله و لبنى عيله صغيره بتبص عليهم من ورا الباب
فريده / اوعى تفتكرى انى مش فاهمه اللعبه بتاعتك دى
ميار / هو انتى لوحدك اللى كنتى صاحبه اميره و زعلانه عليها يعنى و لا انتى فاكره ان كل الناس بتفكر زيك زي ما زياد صاحب مازن لبنى كمان صاحبته بالعكس لبنى اقرب لمازن من زياد
فريده / يا حبيبتى براحتك انا بس بقولك عشان ما تضيعيش وقتك على الفاضى استغليه مع حد تانى احسنلك
ميار / شكرا على النصيحه فى حاجه تانى يا فريده
فريده / لا شكرا
ميار / نورتى
فريده تبص لميار و تمشى و ترزع الباب وراها
ميار / جتك داهيه تاخدك اوووف
ميار تروح للتليفون و تتصل بحد
ميار / الو صفوت بيه موجود ..قوليله ميار هانم لو سمحتى ... شكرا
لبنى تفتح الباب و تخرج ميار تعمل بتعيط
ميار / ازى حضرتك يا صفوت بيه
صفوت / اهلا و سهلا ازى حضرتك
ميار / انا عارفه انا بتصل عشان اعتزر لحضرتك انى مش هقدر ابعت لبنى تلعب تانى مع مازن زى ما كنت وعدت حضرتك
صفوت / ليه حصل حاجه حد دايقها
ميار / ياريت حضرتك ما تطلبش منى اسباب عشان انا مش هقدر اشرحلك ارجوك ما تضغطش عليا
صفوت / حضرتك عارفه الظروف و احنا الفتره دى بنحاول نلم كل اصحاب مازن حواليه عشان يعدى المرحله دى من غير ما يسال على مامته الله يرحمها
ميار / الله يرحمها اميره كانت اميره و عمرها ما طلعت منها العيبه يا صفوت بيه
صفوت / حضرتك عارفه ان لبنى اقرب واحده لمازن فى صحابه ارجوكى لو فى اى حد دايقك
ميار / انا مش عارفه اقول لحضرتك ايه بس حضرتك عارف ظروفى انا اطلقت بعد شهر من جوازى و بعد كدا ربنا كرمنى بلبنى و من ساعتها و الناس مش رحمانى فى الكلام عنى و عنها و دلوقت ابراهيم بيه بقى ارمل و عايش لوحده و انا مش هقدر اجازف بسمعتى كفايا اوى الكلام اللى بيتقال عنى و عن بنتى
صفوت / انا طبعا مقدر موقف حضرتك بس لو تحبى انا ممكن ابعت عربيه تاخد لبنى و تجيبها
ميار / انا اسفه اوى يا صفوت بيه بس انا فعلا مش فى حاله نفسيه تخلينى اقعد فى مصر الفتره دى على الاقل لحد ما فتره الحداد دى تخلص حضرتك ما سمعتش الكلام اللى اتقالى وجودى فى مصر فى الفتره دى شئ مش هقدر استحمله
صفوت / لا اله الا الله
ميار / انا جتلى فكره مش عارفه تنفع و لا لا
صفوت / اتفضلى
ميار / انا كدا كدا ما كنتش هقدر اخد لبنى معايا فى السفر و كنت هسيبها هنا عند اى حد من اصدقائى لو حضرتك تحب انا ممكن ابعتلك لبنى تقعد عند حضرتك الكام يوم دول مع مازن بس توعدنى تاخد بالك منها انا متاكده ان حضرتك هتراعيها و كانها بنتك بالظبط و لما تبقى مع مازن طول الوقت اكيد الوضع هيكون احسن من انها تروح تلعب ساعتين و تروح
صفوت / تنور طبعا و ما تقلقيش عليها خالص هتبقى فى عنينا
ميار / ما عنديش ادنى شك لا اله الا الله
صفوت / محمد رسول الله مع السلامه
ميار / مع السلامه
ميار تشيل لبنى و تقعدها على رجلها
ميار / لولا حبيبه قلب ماما صحيتى اخيرا قلبى انتى والله حب ماما انتى
لبنى تبتسم
ميار / مش انتى بتحبى مازن و بتحبى تلعبى معاه
لبنى تهز راسها اه
ميار / طب ايه رايك لو وديتك تلعبى مع مازن طول الوقت
لبنى / بجد
ميار / ايوه و مش بس كدا انتى مش طول الوقت نفسك تقولى بابا لحد
لبنى / كل العيال عندهم بابا و انا لا
ميار / خلاص لما تروحى عند مازن تقدرى تقولى لبابا صفوت يا بابا
لبنى / بجد!!!
ميار / و بابا ابراهيم كمان شوفتى بقى يعنى بقى عندك بدل البابا الواحد اتنين قومى تعالى يلا اما اوضبلك الشنطه هلملك كل فساتينك الحلوه اللى مازن بيحبها
لبنى / يلا
ميار تقوم و هى شايله لبنى و يدخلوا اوضه
......................
فى فيلا ابراهيم
لبنى بتجرى و تدحك هى و العيال و مازن وسطيهم ولد يزقها مازن يروح يزقه
مازن / انت بتزقها ليه
لبنى / خلاص يا مازن هو اصلا وحش يا مازن تعال نقول لبابا عليه ما يجيبوش هنا تانى
ولد / بابا مين انتى ما لكيش اب
..................................
