((((((السكة شمال ٢))))))
#لولو_محمد
الحلقه ١٢٨
مرام / ابدا يا عمتى ما تقوليش الكلام ده مازن كمان مش ضيف و لا ايه يا مازن
مازن / طبعا يا عمتوا تسلم ايدك
مروه / دوقتى العكاوى يا مرام انا اللى عملاها
مرام / حلوه اوى تسلم ايدك
مروه تغرف لمحمود
مروه / تاخد حته كمان
محمود / تسلم ايدك حلوه اوى
مرام / احطلك حاجه يا مازن
مازن / تسلمى يا قلبى انا اصلا شبعت
مروه / شبعت ايه امال مين هياكل كل ده دا انا تعبت فيه اوى
مرام / البركه فى محمود غذيه شكله هفتان عن اذنكوا
مازن و مرام يقوموا و مازن كاتم الضحك بالعفيه و يروحوا الحمام
...........................
مازن / ايه لزمته اللى بتعمليه ده
مرام / هاين عليا اقوم اللطشله
مازن / جينا ليه لو هنقلبها غم خلاص هو هزر بغشم هبقى اردهاله بعدين انتى لو ما كنتيش لقيتى الشريط كنت رديتهاله فى الخباثه و الموضوع خلص خلاص بقى فكيها
مرام / بحاول من الصبح مش عارفه
مازن / هياخدوا بالهم و ساعتها هيفهموا غلط تمام مرام انتى اعقل من كدا
مرام / معاك حق
مازن / اغسلى ايدك يلا حبيبتى العاقله الفرفوشه فين احنا اول مره نزور عمتك من فتره طويله بلاش ندايقها تمام
مرام / تمام
................................
فى شقه شريف
صافى قاعده هى و البنات و بتحطلهم مكياج شريف يدخل
شريف / الله الله انتوا بتعملوا ايه
صافى / بنلعب ايه رايك بقي
شريف / من غيره احلى
صافى / تيبيكال شريف
صافى / اللوك ده احلى لوك ليكى يا رؤي
شيماء / معاكى حق فعلا رسمه العين دى حلوه اوى ما تجربيهالى يا صافى
شريف يقلع الجاكت و ينام على السرير و يقعد يتفرج عليهم
صافى / المره الجايه بقي
رؤي / لا عاوزين نجرب التاتوز بقي
شريف / ما شاء الله تاتوز كمان
صافى / ثوانى يا شريف
شيماء / هنجيب جاهز و لا انتى اللى هترسمي
شريف يطلع التليفون
رؤي / فى زى اسطنبات متفرغه كدا و انتى بتحطى الحنه فوقيها تترسم دى حلوه اوى
شريف يعمل بيتكلم فى التليفون
صافى / عرفاها حلوه دى
شريف / ايوه يا ابني بقولك العروسه اللى كنت قولتلى عليها قبل ما اتجوز صافى عارفها
صافى تبصله
شريف / لسه سنجل طب بقولك تعرفلى لو بتعرف تعمل اكل و لا اروح اكل عند امى و اخلص
صافى / انت بتكلم مين يا شريف
شريف / ثوانى يا صافي ايوه يا ابني هتاكلنى على ضمانتك يعني
صافى تروح ناحيه شريف و تشد الموبايل ما تلاقيهوش بيكلم حد ترمى الموبايل على السرير و تنفخ و هى حاطه ايدها فى وسطها شريف بيدحك
شريف / هناكل في البيت ده و لا ايه
صافى / و انا اقدر اقول لا ثوانى و اغرفلك
صافى تمشي و هى مدايقه
رؤي / دى يا هتسمك يا هتسمك
تقى / يلا يا بنات
شريف / ايه كنت بهزر
البنات يبصوله و يمشوا يقوم يدخل المطبخ يسمع صوت قفله باب صافى بتغرف الاكل و هى ضاربه بوز و بتغرف الرز فى الاطباق
شريف / الله احلى صينيه بطاطس بالفراخ دى و لا ايه
صافى تغرف طبق تانى من غير ما تتكلم
شريف / كنت بهزر
صافى / الرساله وصلت
شريف / ما تبقيش عبيطه انتى عارفه غلاوتك
صافى / ماشي
شريف / تمام انا اسف اتغاشمت فى الهزار شويه
صافى تبصله
صافى / لا انا الغلطانه البيه كل يوم بيجي متاخر بقعد استناه و بيتصل قبل ما يجي و يوم ما قرر فجاه يجي بدرى المفروض ارمى كل اللى فى ايدى و اجرى اخدم عليه مش كدا
شريف / المفروض ايوه
صافى / والله
شريف / ايوه
صافى / تمام اتعلمت الدرس حاضر
صافى تشيل اطباق الرز و تيجي تطلع بره يمسك ايدها و يرجعها قدامه و ياخد الاطباق و يحطها على الرخامه و يبص فى عنيها
شريف / انا اسف
صافى / على ايه
شريف / دايقتك انتى عارفه ان زعلك غالى عندى اوى
صافى / غريبه مع انى ما بعرفش اطبخ
شريف / ازاى بس دا انتى عامله احلى رز بشعريه و احلى بطاطس اهو
صافى تبصله
شريف / مش انتى اللى عملاهم و لا ايه
صافى / اخواتك ساعدونى
شريف / هههههههههههههههههه
صافى / بتدحك على ايه انا لسه بتعلم
شريف / كتر الف خيرك هننهب
صافى / لا هتشوفلك واحده بتعرف تطبخ تتجوزها
شريف / انا مش ههزر بالطريقه دى تانى وعد
صافى / انت احرجتنى قدامهم
شريف / ما انتوا مستفزين ما احتلين الاوضه و السرير و فارشين حاجه المكياج فى كل مكان انتوا بتعملوا ليه اصلا و تاتوز ايه اللى هتحطوها دى كمان
صافى / مش هحط ابقي خلى عروستك الجديده تحطلك
شريف / طب ما انتى عروستي الجديده حطيلى بقي
صافى / بعينك
شريف / اليمين و لا الشمال
صافى / مخصماك
شريف يبوس راسها
شريف / ما اقدرش والله حقك عليا
صافى / عارف لو كررتها
شريف / و ازعل القمر ده منى تانى عمرى خلاص عرفت غلطتى
صافى / ماشي خلاص
شريف / بس انتى كمان لما جوزك يجي ياريت تحسسيه ان وجوده فارق معاكى حتى لو مش هتطبخى يعني على الاقل حمد الله على السلامه و لا ايه
صافى / معاك حق انا اسفه
شريف يبتسم و يبوس راسها
شريف / طب الاكل ده هيتاكل و لا ايه
صافى / هات الصينيه و تعال ورايا
شريف / تمام
صافى تاخد الطبقين و تطلع بره و شريف يشيل صينيه بايركس فيها بطاطس بالفراخ و يطلع وراها
..........................
فى شقه مازن تانى يوم الصبح
مازن بيلبس و مرام بتعدله هدومه
مازن / ما الجواز حلو اهو امال مسوئين سمعته ليه
مرام / هتتاخر
مازن / ان شاء الله لا
مرام / هستناك هعمل كفته رز و بطاطس و بسله و جزر ايه رايك
مازن / حلو بس انا كنت بفكر نخرج انا و انتى نغير جو
مرام / غريبه دى
مازن / ليه رضعى ملك قبل ما ننزل و خدى معاكة ببرونه احتياطى و لما نرجع رضعيها تانى اكيد مش هنتغدى فى اكتر من ست ساعات يعني و لا ايه
مرام / ما اقصدش بس هو انت مش عارف النهرده الايه
مازن يفكر
مرام / طب كام
مازن يقلع البدله مرام تلبسهاله
مرام / هههههههههههههههههه استني بس
مازن / عظيم بيمين
مرام / يا ابني انزل ساعه و لا اتنين على ما اخد شاور كدا و اظبط التظابيط
مازن يقلع البدله و يحضن مرام و هى تحاول تزقه
مازن / مش عاوز تظابيط انا
مرام / هههههههههههههههههه يا ابني اعقل لا اله الا الله هو فى كدا
جرس الباب يضرب مازن يتعدل و يبص لمرام
مرام / مين ؟
مازن يروح يفتح الباب يلاقي ابراهيم
مازن / بابا !! ازيك اتفضل
ابراهيم/ كنت خايف اجى الاقيك نزلت الشركه
مازن / لسه قدامى شويه كنت بلبس خير يا بابا طبعا حمد الله على السلامه الاول تحب تشرب ايه
ابراهيم / مرام نايمه و لا صاحيه
مازن / موجوده خير
ابراهيم / لو سمحت ناديها عاوز اتكلم معاها في موضوع مهم
مازن / بابا خير
ابراهيم / ناديها لو سمحت ... بلاش هناديها انا مرام مرام
مرام تطلع من جوه و هى مش مستوعبه تبص لمازن و تبص لابراهيم و تقعد جنب مازن
مرام / ازى حضرتك
مازن / خير يا بابا
ابراهيم / اقرى كدا الورقه دى يا مرام
مرام تاخد الورقه و تبص فيها و تبص لمازن و تحطها على الترابيزه بعنف
ابراهيم/ دا شيك على بياض تحطى فيه الرقم اللى على مزاجك
مرام/ انا ما بعش بنتي بكنوز الدنيا كلها
مازن يبص فى الورق و يقوم يقف
مازن / خشي جوه يا مرام
ابراهيم / انا لسه ما خلصتش كلامى
مازن / فعلا كلامنا ما خلصش بس مرام ما لهاش دور فيه خشي جوه يا مرام
مرام تيجي تقوم ابراهيم يمسك ايدها
ابراهيم / اوعى تفتكرى انى مش فاهم لعبتك ان كان الواد ده لسه ابن امبارح انا قديم فى اللعبه دى
مازن يفك ايد مرام من ايد ابوه مرام تجرى على جوه
ابراهيم / البنت دى نصابه بتلعب عليك فوق لروحك
مازن / كفايا بقي
ابراهيم / انت بعت شقه لسعد و شقه لمحمود قرايبها
مازن / انا حر فى فلوسي
ابراهيم / لا مش حر دا شقايا و تعبي ورثك من امك ده انا اللى كنت بحفر بايديا في الصخر عشان اعملهولك هى عمرها ما نزلت الشركه و لا المصنع و لا كانت بتفهم اى حاجه فى الشغل انا اللى عملت كل ده و مش هشوفك بتضيع تعبي على الحيوا
مازن / عاوز كام و تسبني في حالى
ابراهيم يسكت
مازن / كل اللى همك الفلوس مش كدا خدها خليها تنفعك
ابراهيم / تفتكر هتقعد معاك يوم واحد لو ما كنتش مازن منتصر بتتكلم بثقه و قلب جامد خدها تفتكر البنت دى هتعيش معاك لو ما حلتكش حاجه لو زى اى شاب في سنك ما حلتوش غير شهادته تفتكر هترضي بيك لو مش معاك تشتريلها كل يوم اللماظات و دهب و ياقوت و مرجان احمدك يارب
مازن / هتفضل
ابراهيم/ بكره تيجي تعيطلى
مازن / ما تبقاش تفتحلى الباب
ابراهيم / يا انا يا البنت دى يا مازن يا انا يا هى
مازن / سعادتى و لا الفلوس يا بابا
ابراهيم / سعادتك في الفلوس يا غبي
مازن / سعادتى في مرام حضرتك ليه مش عاوز تفهم كام مره هقولك انا بحبها بصلى عمرك شوفتنى سعيد كدا
ابراهيم / فوق لنفسك يا متخلف البنت دى بتدحك عليك
مازن / انا حر
ابراهيم / كنت بتقول عاوز الفلوس خدها مش كدا كنت فاتح صدرك من شويه مش كدا
مازن يبصله ابراهيم يطلع ورق من جيبه
ابراهيم / دا تنازل عن كل ما تملك ورينى بقي ست مرام هتقعد معاك كام يوم و انت شحات
مرام تطلع من جوه
ابراهيم / خفتى طبعا مش كدا البير اللى بتسحبى منه هينشف مش كدا ... ها يا مازن باشا مش سامعلك حس يعنى
مازن / لو مضيتلك الورق ده هتسبنى اعيش انا و مرام فى حالنا و هتضمنلى ان ما حدش هياذينا
ابراهيم / يوم ما هتسلمنى ورقه طلاقها هرجعلك كل جنيه بالارباح
مازن / لو مضيتلك الورقه دى هتخرج من حياتى و تسيبنا فى حالنا
ابراهيم / هتسيبك هتشوف بعنيك حقيقتها
مازن / هتخرج من حياتى و تسيبنا فى حالنا
ابراهيم / ايوه
مازن يجيب قلم و لسه هيمضى ابراهيم يحط ايده
ابراهيم / البنت دى اغلى عندك من ابوك
مازن / الفلوس اغلى عندك من ابنك
ابراهيم / بكره تعرف انى بعمل ده لمصلحتك
مازن يزق ايد ابراهيم و يمضي
مازن / مبروك عليك
ابراهيم يبص فى عنين مازن و هو مصدوم و مازن عنيه مليانه دموع
ابراهيم / انا عند كلمتى تنازلك يا مرام عن ملك قصاده شيك على بياض و طلاقك يا مازن ليها هيرجعلك كل فلوسك النهرده تسيب الشقه و اه ما فيش مخلوق هيتعرضلكوا باى شكل مين ما كان
ابراهيم يمشي و هو بيجر رجليه مرام تجرى تحضن مازن
مازن / باعنى
مرام / و انت اشتريتنى
مازن يبصلها و الدموع بتنزل من عنيه
مازن / لو كان طلبهم منى باى شكل تانى والله ما كنت استخسرتهم فيه والله كنت هديهمله لو كان طلب عمرى كنت اديتهوله
مرام / مازن حبيبي
مازن / باعنى ابويا باعنى
مازن يقعد على اقرب كرسي
مازن / للدرجادى انا رخيص
مرام / ما تعملش فى نفسك كدا احنا عايزينك و هو بكره يفوق بكره يعرف قيمتك عشان خاطرى امسك نفسك عشان خاطر ملك احنا عايزينك
مازن يبصلها تمسح دموعه
مازن / انا ما عدش حيلتى حاجه
مرام / غلطان انت معاك كتير اوى معاك صحتك و ذكائك و شبابك تقدر تبني نفسك من اول و جديد و مش هتبني نفسك من الصفر استني استني
مرام تجرى على جوه و تفتح الخزنه و تجيب ورق و علب مجوهرات و تطلع تحطها على الترابيزه قدام مازن و تدخل تجرى تجيب تانى
مرام / دول يعملوا كتير مش كدا دول كتير
مازن يبصلها
مرام / ابدء تانى انت كنت بتقول التصوير وحشك افتح استوديو كبير و احترف و انا هفتح مطعم و نشتغل انا و انت انا ما اعرفش ممكن تعمل ايه بالفلوس دى بس انا متاكده انك هتنجح هتبقي احسن من الاول انا معاك
مازن / انتى هتديني الحاجات دى دى فلوسك
مرام / لا كلها بتاعتك انا نفسي بتاعتك ما تزعلش نفسك انتى مش محتاج الفلوس دى
مازن يبص للعلب و هو مصدوم
مرام / مازن انا واثقه فيك واثقه فيك اكتر من اى لحظه عشناها سوا قبل كدا انا عمرى ما كنت فاكره انى ممكن اكون غاليه عندك للدرجادى انا عمرى ما كنت فاكره ان في حد ممكن يعمل عشاني كدا انا فرحانه اوى و الحاجه الوحيده اللى كاسره فرحتى احساسي انك ندمان
مازن يقف و يمسك ايدها
مازن / لا لا لا انا مش ندمان انا لو اتحطيت فى نفس الموقف تانى و تالت و عاشر هعمل كدا برده انا بس مصدوم فى ابويا
مرام / مش اول مره يعملها بعتلك الورق ده قبل كدا حاول يدخلك مصحه عشان يحجر عليك حاول يقتلنى و يقتل بنتك عشان ما يبقالكش وريث
مازن يبصلها
مرام / قتل جدتى انا مش مستغربه منه اى حاجه
مازن / دا ابويا يا مرام
مرام / يمكن لما يشوفك ناجح يندم و يعرف انه غلطان
مازن / يمكن لما يشوفك متمسكه بيا و ساعدتيني يعرف انه غلطان
مرام / انا هدخل اللم حاجتى انا و ملك تمام
مازن / تمام
مرام تدخل جوه و مازن يقعد مكانه باصص فى الارض
...................
فى شركه مازن
شريف و محمود سعد قاعدين فى مكتب مازن
شريف / انا عاوز الحوار ده يخلص النهرده مش هوصيك يا سعد
سعد / لا ما تقلقش خالص هتفرغله تماما
الباب يتفتح و زياد يدخل ووراه بنت
البنت / يا زياد بيه ما يصحش كدا
شريف / سيبيه
البنت / انا اسفه اوى يا شريف بيه
شريف / اتفضلي انتى ... خير يا زياد
البنت تمشي
زياد / زياد بيه يا شريف لو سمحت المقامات محفوظه برده و لا ايه
شريف / لقيت نفسك فاضي قولت اروح اعطلهم صح
زياد / هو الباشا ما قالكش و لا ايه ايه ده شكله ما قلكوش معقول ما هانش عليه يكلف نفسه مكالمه تليفون حتى يعرفكوا
زياد يبص للتلاته و يبتسم
زياد / مازن اتنازل عن كل ممتلكاته لباباه و قدامه مهله لبكره الصبح يفضى الشقه و الشركه
شريف يمسك زياد من هدومه
شريف / عملتوا فيه ايه عشان يمضى ورقه زى دى
زياد / ما تنساش نفسك يا شريف و راعى اكل عيشك انتوا دلوقت بتتكلموا مع رئيس مجلس الاداره الجديد
شريف يسيب زياد و ينفضله هدومه زياد يتنفخ شريف يديله دماغ يوقعه في الارض
شريف / اولع بيها ... يلا يا شباب
شريف يمشي هو و سعد و محمود و زياد يقوم مناخيره غرقانه دم يمشي وراهم
زياد / بكره تبوس رجلى عشان اسامحك يا مساح الجزم يا مرمطون نسيت اصلك الواطى نسيت كنت ايه يا كلب الدهبي هاه اوعى تنسي اصلك عشان هترجعله تانى
شريف يقف و يرجع لزياد
زياد / اللى كان بيحميك بقي محتاج اللى يحميه
شريف يضرب زياد رجل بين رجليه زياد يوطى و يقع فى الارض و هو بيتالم و يصرخ
شريف / احمى حاجتك الاول
شريف يمشي
محمود / جدع يلا بينا
محمود و شريف و سعد يمشوا و الموظفين بيتفرجوا زياد يقوم بالعافيه و هو مش قادر يفرد طوله و موطى و ساند على ركبه و يصرخ فيهم
زياد / كل واحد على شغله يا حوش بتتفرجوا على ايه زمن الدلع انتهى من النهرده انا المدير اللى عاجبه يشتغل اهلا و سهلا و اللى مش عاجبه نفكه بعشره
زياد يفرد طوله و يمشي بالعافيه و هو فاتح رجليه و بيعرج
...................
قدام بيت مازن
مازن و خليفه بيعبوا شنط كتير فى العربيه
مازن / معاك فلوس يا خليفه
خليفه / معايا الفلوس اللى ادتهانى
مازن / خد دول كمان
خليفه ياخد منه تلت رزم كبار
مازن / افتحلك مشروع او ارجع البلد اشترى بيهم ارض البيت ده ما عدش بتاعى و انا مش عاوز حد يدايقك او ياذيك
خليفه يحط الفلوس فى ايد مازن
خليفه / ساعه زمن الم حاجتة و اجى معاك رجلى على رجلك ان شالله ابات قدام بيتك فى الشارع و اغفر عليك ان شالله ببلاش انا عمرى ما شوفت الخير الا على ايديكم انت و الست اميره و صفوت بيه الله يرحمهم انا عمرى ما هشتغل عند غيركم لو هاكل طوب
مازن يبتسم و يرجع الفلوس فى ايد خليفه
مازن / قريب اوى هكلمك تيجي تغفر بس دلوقت انا مش محتاج غفير
خليفه / هستناك تكلمنى ما تتاخرش عليا
مازن يبتسم و يركب العربيه و يمشي
مرام / راجل طيب اوى
مازن / ايوه
مرام / فكره حلوه اوى اننا نعيش فى شقه الحاره و الحمد لله متوضبه و مش ناقصها حاجه و الشقه التانيه نبيع العفش اللى فيها و تفرشها استوديو او مقر لشركتك الجديده زى ما تقرر هتعمل ايه الشقه التانيه كمان حلوه اوى دا الفرش اللى فيها يجيب شئ و شويات دى قصر
مازن ساكت مرام تبصله و تبص قدامها و تسكت
.......................
فى فيلا زياد
ابراهيم قاعد زعلان و فريده بتواسيه و لبنى واضح انها مدايقه
فريده / ما تزعلش نفسك سيبه يتعلم
لبنى / بس دا حقه دى فلوسه دا ورثه
فريده / احنا ما مضيناهوش بالعافيه مش هو اللى اخترها يشوف بقى الست هانم هتستحمل عشانه قد ايه
لبنى / و ان استحملت
فريده / مش هيحصل ان قدرت تستحمل الفقر فهى واخده عليه انما هو لا يعرف ايه هو عن ركوب المواصلات و الشعبطه فى الاوتوبيسات و لا يستحمل هو يقف فى طابور عيش و لا طابور الانابيب هيطلقها و يجى جرى
لبنى / اسمحيلى اقول لحضرتك انك بتحلمى لا مازن هيرجع و لا مرام هترجع و حضرتك يا اونكل اللى بتخسر بالقرار ده رجعله فلوسه
فريده / جرا ايه يا لبنى انتى هتنسى نفسك و لا ايه
لبنى / انا بقول الصح
فريده / عشنا و شوفنا بنتعلم الصح من بنت ميار اسمعى يا لبنى البيت ده له كبير تعيشى فيه باحترامك و الا
لبنى / هتحرموا زياد كمان من كل ما يملك و تطدونا بره مش كدا
فريده / انتى بنت قليله الادب ما اتربتيش
ابراهيم / كفايا ... كفايا ... انا مش طايق حد مش طايق نفسى اسكتوا بقى اسكتوا
فريده / اسمع يا ابراهيم انت لازم تمسك نفسك دلوقت يتصل بمونى يعيطلها و تتصل تضغط عليك لازم تتمسك بموقفك لازم تربيه و تعلمه ان الفلوس دى ما بتنبتش على الشجر لازم يعرف يعرف انك ابوه ما تسمحلهاش تكسب
لبنى / الفلوس دى مش من حقنا
فريده / ما تخرسى بقى هى نقصاكى اوعى يا بت تكونى فاكره انى مش فهماكى لا فوقى انا فهماكى كويس و من زمان حافظى على بيتك يا لبنى بدل ما تلاقى نفسك فى الشارع
لبنى / الشارع ده هتتمنيه لما الفلوس الحرام دى تضيع عن اذنك
فريده / الفلوس الحرام دى تسالى عنها امك اساليها كانت بتاكلك و تلبسك منين
ابراهيم / فريده
فريده / ايه نسيت نفسها بنت
ابراهيم يضرب فريده قلم على وشها
ابراهيم / قولت كفايا انتى ايه ما بتفهميش كل واحده فيكوا على اوضتها ما اشوفش وش واحده فيكوا انتوا فاهمين ما اسمعش نفس ما اسمعش صوت
فريده / تحت امرك يا ابراهيم بيه
فريده تبص للبنى و تطلع فوق لبنى تبص لابراهيم
لبنى / رجعله فلوسه مازن هو الوحيد فى البيت ده اللى بيحبك ما تخسروش
ابراهيم يبص للبنى تسيبه و تطلع فوق يقعد مكانه تانى و يحط راسه بين ايديه
.............................
فى شقه مازن فى الحاره
مازن قاعد على السرير فى الاوضه جنب ملك جرس الباب يضرب بغباء يقوم يفتح يلاقى شريف ووراه محمود و سعد
شريف / ايه اللى انت عملته ده بتحط رقبتك تحت جزمه زياد
مازن / وطى صوتك ملك نايمه
شريف / عملت كدا ليه و ازاى هددوك بايه
مازن / استنانى عند محمود مرام فى الحمام اخاف تطلع فجاه بعد اذنك يا محمود
محمود / اكيد
محمود يفتح باب شقته و شريف و سعد يدخلوا و شريف بيبص على مازن و بعدين يدخل جوه مازن يقفل الباب مرام تفتح باب الحمام و تبص بالراحه و هى لابسه البرنص القصير مازن يبتسم
مرام / مشيو
مازن يهز راسه اه
مرام / قولتلك كلمهم قولهم
مازن / تفتكرى قدامنا وقت قد ايه قبل ما يخبطوا علينا تانى
مرام تتكسف و تبص الناحيه التانيه
مرام / ليهم حق عليك خلصهم و تعال هستناك
مازن / وعد
مرام / وعد هستناك
مازن يبتسم و يفتح باب الشقه و يقفله وراه
..............................
