(((((((السكة شمال ٢)))))))
#لولو_محمد
الحلقه ٤٢
مصطفي / لا طبعا دى بنت محترمه جدا و ملهاش فى الجو ده خالص
فادى / خلاص توكل على الله و فاتح ابوك و نروح نكلم اهلها
مصطفي / مش بالبساطه دى
فادى / ليه يعني بنت عجبتك يبقي تروح تكلم اهلها ملهاش سكه تانيه
مصطفى / ابوك مش هيوافق عليها
فادى / ليه يعنى مالها
مصطفى يبص لفادى و يبص فى الارض
فادى / ايه
مصطفي / هى مطلقه
فادى يبصله باستغراب و مصطفي يبص في الارض
................
فى شقه مرام
مرام قاعده بتشتغل كروشيه و تتكلم في التليفون في الصاله
مرام / هههههههههههههههههه ليه هو انا هبله انسي انسي
سحر / بقولك ايه في موضوع كدا بصراحه مش هعرف انام الا لما اكلمك فيه
مرام / موضوع ايه ده خير
سحر / اصل النهرده بعد ما مشيتي مازن قعد يتكلم مع الشباب انه فوتوجرافر و كدا و طلع صور من شغله و مها طلبت تشوفها المهم قعدت تقلب في الصور و جابت صور كتير ليكى معاه
صمت
سحر / شكلكوا كان حلو اوى يا مرام و بعدين هو ذنبه ايه ان اهله مكانوش موافقين على الجوازه مهو بيحاول يعمل كل اللى يقدر عليه عشان يصالحك اهو
مرام / الموضوع ده انتهى خلاص يا سحر
سحر / انا عارفه انى معرفش التفاصيل بس هو شكله بيحبك اوى و انتى كمان
مرام / انا كمان ايه انا خلاص الموضوع ده انتهى بالنسبالى
سحر / يا مرام
مرام / انتى متعرفيش حاجه يا سحر متعرفيش عملوا فيا ايه متعرفيش اذونى قد ايه
سحر / يعني مش حرام
مرام / و ان كان عالكام صوره دول فعادى كل حاجه بتبقي حلوه فاولها و بعد كدا بقي ... انتى عارفه
سحر / خساره
مرام / نصيب
سحر / طب و هتعملى معاه ايه شكله مش هيهدى الا لما ترجعوا لبعض
مرام / بكره العده تخلص و الموضوع ينتهى
سحر /بكره بكره
مرام /لا اقصد بكره المستقبل يعني هانت يعني اقصد
سحر / اااااه طب ما تصلى استخاره يا مرام
مرام / صليت كتير و حاولت ارجع و فكل مره كانت تحصل حاجه تخلينى ابعد عنه
سحر / اممممم مش عارفه بقي
مرام / كبرى دماغك يا سحر اصلا كلها يومين و مش هتشوفيه تاني خالص اساسا جو الجمعيات ده مش جوه
سحر / مش باين حسيته مستمتع اوى و هو شغال و عمال يهزر و يدحك و بصراحه و من غير زعل دمه خفيف
مرام / و ازعل ليه يعني عادى
سحر / يعنى خلاص بجد ما فيش امل اصل الواد مز و مستخسراه فى غيرك
مرام / ههههههههههههههههههه اقفلى يا سحر
سحر / ايه مش قصدى انا اقصد
مرام / خلاص يا سحر اقفلى
سحر / والله بتكلم عليكى يعنى مش قصدى حاجه والله
مرام / عارفه تعرفى انتى احلى حاجه حصلتلى فى الفتره اللى فاتت تعويض من ربنا ليا بعتك ليا فى وقت
مرام تعيط و تمسح دموعها
سحر / ايه الاوفر ده
مرام / انتى متعرفيش حاجه مهما اتكلمت مهما حكيت محدش هيحس بيا محدش هيفهم
سحر / انتى بتعيطى بجد
مرام / لا لا انا بس
سحر / خلاص والله مش هتكلم فى الموضوع ده تانى والله
مرام / ربنا يخليكى ليا يا سحورتى و ما يحرمنى منك ابدا
سحر / امين يارب و يكتر من امثالى و يطرح فيهم البركه
مرام / هههههههههههههههههه امين
سحر / هشوفك بكره فى الجمعيه
مرام / لا مش هقدر اجى معنديش كليه فمش هنزل من البيت هقعد ازاكر شويه و اخلص شويه حاجات كروشيه
سحر / طب مش هتعملى تارتات من بتاعتك دى تانى
مرام / لو عاوزه اعملك
سحر / طب هاخدهم ازاى
مرام / هبعتهملك عالبيت مع سليمان
سحر / امممم خلاص بصى انا هكلم ماما و بكره اقولك انا عاوزه كام بالظبط تمام
مرام / تمام
سحر / اسيبك تنامى بقى عشان انا للاسف عندى كليه الصبح و لازم انام
مرام / تصبحى على خير
سحر / و انتى من اهله سلام
مرام تقفل السكه و تقعد تمسح دموعها
مرام / ما انا عارفه ان دمه خفيف هو انا بهدلنى كدا غير خفه دمه
مرام تمسح دموعها و تقوم تدخل الحمام
.............................
فى اوضه فادى
فادى / يعنى هو البنات خلصوا ملقتش غير مطلقه يا مصطفى
مصطفى / بنت ناس و محترمه مالها و بعدين الرسول صلى الله عليه وسلم اتجوز ستنا زينب بنت جحش و كانت مطلقه
فادى / يا حبيبى انا مبتكلش فى الحته دى مع ان ستنا زينب كان ليها ظروف خاصه فى الجوازه دى مش موضوعنا دلوقت خلينا فيك انت و بعدين هنروح بعيد ليه هو مش سيدنا محمد صلى الله عليه وسلم قال عليكم بالأبكار ؛ فإنهن أعذب أفواها ، وأنتق أرحاما ، وأرضى باليسير هو مش ده حديث عن الرسول صلى الله عليه و سلم
مصطفى يبص الناحيه التانيه
فادى / يا حبيبى انا مش بقولك المطلقه وحشه و جربه و كدا بس هى خدت نصيبها خد نصيبك انت بقى مع واحده تكون انت اول فرحتها زى ما هتكون هى اول فرحتك
مصطفى / حتى لو كان نصيبها ده غصب عنها
فادى / باماره ايه انت مش لسه سالنى اول حب بيتنسى و لا لا يعنى كانت بتحبه
مصطفى / ايوه بس هو كان وحش ندفنها بالحيا يعنى مش كفايا اللى شافته معاه
فادى / لا اله الا الله يا سيدى تاخد واحد مطلق زيها واحد ارمل ان شالله حتى تاخد واحد تكون له زوجه تانيه
مصطفى / لو ساره سمعتك بتقول زوجه تانيه
فادى / مدخلش ساره فى الموضوع التعدد حلال ما يمكن زوجته الاولى مريضه او مبتخلفش مثلا او اى حاجه التعدد حلال و برده متدخلناش فى السكه دى و تخرجنا من موضوعك فى مليون حاله ممكن البنت دى تتجوز فيها غيرك
مصطفى / ليها حق تفضل لابسه الدبله لحد دلوقت عشان لو كل الناس بتفكر زيك
فادى / بتفكر زيى ازاى هو انا قولت ايه غلط انا بس بقولك مداقتش الدنيا بيك عشان تتجوز مطلقه دا امك جابتلك بنات كل واحده فيهم تقوم شارع على رجل و انت كنت رافض جاى يوم ما توافق تختار واحده كانت متجوزه غيرك طب هسالك سؤال انت و انت معاها مش هتبقى خايف تقارنك باللى قبلك
مصطفى / انت بتقول ايه
فادى / ايه بقول حاجه غلط
مصطفى يبص الناحيه التانيه
فادى / مره دكتوره هبه قطب قالت فى برنامج ان احسن حاجه ان الاتنين يكونوا اول مره مع بعض عشان الاتنين يطبعوا على بعض انت هتروح تاخد واحده اطبعت بواحد تانى
مصطفى / يا اخى دا ربنا بيستر على البنات الشمال و احنا البنات النضاف اللى نصيبهم كان وحش بندوس عليهم دا انهى عقل ده
فادى / يارب صبرنى برده اللى فى دماغك فى دماغك انا مقولتش ان البنت وحشه البنت زى الفل و انا شخصيا مطولش شرف انى اتجوزها بس فى غيرى اولى بيها منى واحد كمان نصيبه كان وحش كل واحد فيهم يعوض التانى عن تجربته الوحشه مش واحد لسه قدامه فرصه انه يجرب
مصطفى / مهو حتى المطلق و الارمل بيفكر زيك كدا و بيدور على البنت و بيفضلوا دول مطمع للناس
فادى / و انت بقى وكلت نفسك بحمايتها من الناس مش كدا
مصطفى / موكلتش نفسى و لا حاجه انا بس
فادى / مين دى يا مصطفى
مصطفى / مفيش خلاص انسى
فادى / يا مصطفى والله انا بتكلم لمصلحتك و لما هتتكلم مع ابوك و لا امك هيقولوا نفس الكلام و برده مش هتعرف ترد عليهم
مصطفى / خلاص مش هتكلم مع حد
فادى / طب صلى استخاره
مصطفى يبصله
فادى / صلى استخاره يمكن ربنا يحلها من عنده و الموضوع يخلص من بره بره
مصطفى / هصلى
فادى / ربنا يهديك يا بنى انا مش عارف انت ايه حكايتك
مصطفى / و لا حكايه و لا نيله
فادى / بس سيبك انت على كدا البت دى صاروخ عشان تجيبك على بوزك كدا
مصطفى / نام يا فادى انا غلطان انى بكلمك اصلا نام بلا هم
مصطفى يمشى و فادى عمال بيدحك
فادى / ما انا هنام فعلا امال هقعد اعمل ايه هنام
...........................
فى شقه اريج
اريج قاعده بتعيط فى اوضتها ست تدخل عليها معاها صينيه اكل تحطها على السرير قدامها اريج تبصلها
اريج / والله ما سرقته يا ماما والله ما عملت كدا
الست / امال اتهمك ليه و لقيو الفلوس فى الاخر فى اوضتك هنا لما جم يفتشوها
اريج / معرفش والله ما اعرف اتحطت فى الدولاب ازاى
الست / ابوكى هيموت منى جوه اخره تربيتنا فيكى بتسرقى الجيران عماليين يتصلوا كل شويه البوليس كان بيعمل عندكوا ايه
اريج / والله مظلومه والله العظيم مظلومه
الست / و هيعمل كدا ليه بينك و بينه ايه عشان يتهمك بحاجه زى دى
اريج تبص لامها و تسكت
الست / مخبيه علينا ايه تانى يا ست اريج قوليلى
اريج / خلاص يا ماما ابوس ايدك كفايا اللى انا فيه ابوس ايدك
الست / كفايا طبعا كفايا على العموم المرادى ربنا ستر و الراجل اتنازل بعد مبوسنا ايديه و رجليه
اريج تبصلها
الست / يا عالم المره الجايه
اريج / مفيش مره جايه اصلا مكنش فى مره اولانيه ارحمونى بقى
الست / ياختى ارحمينا انتى و اعقلى
الست تخرج من الاوله و اريج تقعد تعيط
......................
فى شقه مازن
مازن بيمضى ورق و شريف و محمود قاعدين قدامه
محمود / والله شويه عليها بنت الكلب دى كنت سبها يومين تلاته تتربى
مازن / هى تتربى و انا اتنفخ اصل الباشا مكنش شايف مرام بتكلمنى ازاى عشانها قال يعنى مش هى اللى عملت فيها كدا
شريف / مرام عارفه ان اريج اللى عملت كدا بس انتوا عارفين مرام مش هندحك على نفسنا
محمود / معاك حق خصوصا ان مرام نفسها مرت بنفس الموقف زمان فعارفه بيوجع قد ايه بس صحيح انتوا ازاى حطيتوا الفلوس فى دولابها
شريف / محطيناهاش العسكرى اللى كان بيفتش هو اللى حطها
محمود / يا ولاد اللعيبه دا انتوا جبابره
شريف / البلد بايظه يا محمود و مفيش اسهل من الشمال هتلاقيله مليون سكه و سكه
محمود / طب و العمل اسودت كدا خلاص
مازن / لا طبعا مسودتش فىها ناس زى الفل برده
محمود / كام واحد عشره عشرين ميه
مازن/ ملايين يا محمود ناس كتير زى الفل زي شريف و اهله و زيك و زى مرام و زى شباب الجمعيه و فى كل حته الفكره بس ان السيئه بتعم و بعدين متدحكش على نفسك محدش فينا ملاك انت نفسك فيك حته سوده كلنا فينا حته سوده المهم اللى يعرف يسيطر على الحته دى و يحجمها
محمود يفكر شريف يبص لمازن بخبث
شريف / و مرام فيها الحته دى
مازن يبصله بحزن
مازن / فيها
محمود / فى ايه بقى ان شاء الله
مازن / بتيجى على اللى يحبوها و تستقوى عليهم عشان تدارى ضعفها بتكدب حتى على نفسها و المشكله انها مع الوقت بتحاول تصدق الكدبه دى و تقنع نفسها بيها كمان
شريف / بس الحته دى مبتاذيش حد غير نفسها
مازن / ليه و هو وجعها مبيوجعنيش يا شريف بصتها ليا مبتوجعنيش كلامها اللى بتقولهولى مبيوجعنيش دانا بتوجع لوجعها اكتر من وجعها نفسه ربنا وحده اللى يعلم انا عايش ازاى اصلا دا لو اعتبرنا انى عايش اساسا
مازن يحدف القلم على اخر دراعه و يفرد ضهره فى الكرسى و يبص بعيد شريف يبص لمحمود
محمود / هقوم اشوف حاجه اشربها اجبلكوا حاجه معايا
شريف / اعملى شاى
محمود / تمام و انت يا مازن
مازن يشاورله من غير ما يبصله محمود يدخل جوه شريف يروح يقعد جنب مازن
شريف / بكره الايام دى تعدى و نفتكرها و ندحك
مازن يبص لشريف و هو كاتم الدموع فى عنيه
شريف / ان كانت بتيجى عليك دلوقت معلش غلبانه ليها مين يعنى تدلع عليه و ان مكنتش انت تدلعها مين يدلعها يا مازن
مازن يدحك بكسره
شريف / بتحبك زى ما بتحبها و اكتر و بكره تشوف
مازن يهز راسه اه و شريف بيطبطب عليه مازن يبصله و يبتسم بحزن
...............................
فى شقه شريف تانى يوم الصبح
شريف بيربط الجرافات و فاطمه واقفه جنبه مسكاله جاكت البدله
فاطمه / يعنى هتقعد كام يوم كدا
شريف / يومين تلاته بالسفر
فاطمه تهز راسها شريف ياخد منها الجاكت و يوطى على ايدها يبوسها
شريف / هجبلكوا شنطه مليانه هدايا
فاطمه / يا خويا هات صافى و تعال و مش عاوزين هديه احلى من كدا
شريف / هتحبيها كدا برده بعد الجواز و لا هتقلبى عليها حما
فاطمه / انا اقلب حما يا قلبل الادب طب دانا حما سكر سكر كداهو
شريف / هو فى زيك يا قمر انت
فاطمه / ربنا يسعدك يابنى و يبعد عنك ولاد الحرام
شريف / كلمتى شيماء فى حوار السفر قولتيلها انى مسافر يعنى
فاطمه / قولتلها و فرحت جدا اما رؤى و تقى فربنا ما يوريك من ساعتها و هما قاعدين عالنت بيجهزوا للسته خراب البيوت المستعجل اللى هيطلبوا منك تجيبهالهم
شريف يبتسم
فاطمه / ربنا يخليك ليهم و ليا
شريف / ربنا يخليكوا انتوا ليا يا احلى ام و احلى اخوات فى الدنيا
شريف يبص فى ساعته و عنيه توسع
شريف / انا عندى اجتماع مهم جدا و المفروض اوصل فى خلال ساعه الا ربع ازاى معرفش عن اذنك بقى يا ست الكل عشان ابنك اللى عمره ما اتاخر على معاد هيتاخر النهرده
فاطمه / سوق على مهلك و اربط الحزام
شريف يبوس راسها و يجرى
فاطمه / ربنا يسهلك الصعب يا شريف يابنى
.......................
فى شقه مرام
مرام و سميحه قاعدين بيشتغلوا كروشيه و مديحه بتلف كرنب
مديحه / الله يعنى مطلعش محمود اللى عملها يا ست مرام ابقى روحى بقى قولى للوليه بتاعه الجمعيه دى
سميحه / خلاص يا مديحه
مديحه / انا بقول يعنى عشان مش كل حاجه تصدقوها انا قولت محمود عمره ما يعملها ابدا
سميحه / ما قولنا خلاص يا مديحه
مديحه / و بعد العمر دا كله سوا هات كذا يا محمود حاضر اعمل كذا يا محمود حاضر الا عمره ما قالك لا حتى خناقه معاكى كان كله لمصلحتك دى اخرتها
مرام تقوم تبوس مديحه من خدها
مديحه / ابدا زعلانه منك
مرام / ابدا مقدرش على زعلك ابدا
مديحه / يا شيخه
مرام / والله بحبك يا عمتى
مديحه تبصلها بطرف عينها و بعدين تبتسم
مرام / ايوه بقى
مديحه / المهم خلونا فى بكره ناويين على ايه اتفقتى مع سليمان
مرام / تصدقى نسيته خالص اما اقوم اكلمه
مرام تقوم تجيب الموبايل و تروح فى جنب
مديحه / والله ابت دى مطيوره معرفش عقلها راح منها فين
سميحه / ربنا يهدى
مديحه / امين بقولك يا حجه كفايا كدا صح
سميحه / اه كفايا علقى عليها بقى و لو قادره ابدئى فى اللى بعدها لو تعبتى خلاص كفايا عليكى كدا و احنا هنعملها مع نفسنا
مديحه / لا والله ابدا دا ثواب افطار صايم والله لاعمل معاكوا
سميحه تطبطب على ضهر مديحه و مديحه تبتسملها
.......................
فى الجمعيه
تهانى / انت بتتكلم جد يا مصطفى
مصطفى / حضرتك كمان هتعملى زى فادى و تدينى محاضره فى فوايد الجواز من بنت بكر و كدا
تهانى / لا بس انت فاجئتنى انت اصلا تعرفها بقالك قد ايه
مصطفى / فتره كفايا اوى
تهانى / دى مخلصتش عدتها
مصطفى / انا اصلا مش هتقدملها الا لما العده تخلص
تهانى / طب و مازن
مصطفى / انا مالى و ماله
تهانى / اقصد يعنى افرض ردها دا حقه دا ممكن يردها عند لو عرف انك ناوى تتقدملها
مصطفى / ايوه عارف عشان كدا لا هكلمها و لا هقول قدامه اى حاجه لحد ما العده تخلص انا بس عاوز اهلى يوافقوا
تهانى / صعب اوى يا مصطفى صعب جدا
مصطفى / يعنى حضرتك كمان مش هتقفى معايا مش طول الوقت تقولى نفسى افرح بيك يا مصطفى يوم ما اختار واحده كلكوا تقفوا ضدى
تهانى / يا حبيبى ابدا انا مش واقفه ضدك بالعكس انا فعلا مرحبه جدا بيها البنت زى البلسم و كل اللى اتعاملوا معاها شكروا فيها و مقدره جدا الظروف اللى هى مرت بيها و شايفه انها محتاجالك جدا تخرجها من اللى هى فيه بس صعب الموضوع مش بالبساطه دى و خد بالك مينفعش اهلك حتى يحسسوها بالرفض سبب طلقها من مازن ان اهله وقفوا فى الموضوع مش هينفع تعيش نفس التجربه تانى احساس الرفض ده وحش اوى يا مصطفى كان مفيش اهل هيرضوا بيها لابنهم احساس صعب ربنا ما يكتبه على حد
مصطفى / مهو عشان كدا انا جاى لحضرتك
تهانى / اقدر اعمل ايه يعنى
مصطفى / تقفى جنبى لما افاتح اهلى تكلميهم عنها تدافعى معايا عنها
تهانى / يابنى المشكله ان الموضوع صعب حتى لو اى مطلقه تانيه غير مرام ما بالك بمرام نفسها
مصطفى يبص الناحيه التانيه و ينفخ
تهانى / تخيل بعد كل العذاب ده و هى اللى ترفض
مصطفى يبصلها
تهانى / وارد على فكره ايه يعنى هو اكمنك حلو حبتين يعنى فاكر انك خلاص تترفض عادى على فكره
مصطفى يدحك
تهانى / لا والله ما تترفض هو حد يبقى عنده الدحكه الحلوه دى و يترفض بص اعمل زى ما فادى قالك و صلى استخاره و انا كمان هصلى استخاره و نحاول معاهم و ان شاء الله خير
مصطفى / حبيبتى يا خالتو
تهانى / طبعا ابقى خالتو مش ليك مصلحه واطى من يومك
مصطفى / هههههههههههههههههههههههههه
.............................
فى المخزن يوم الخميس الصبح
مرام تدخل و الكل بيشتغل تبتسم
مرام / السلام عليكم
الكل / و عليكم السلام
سحر / حوبى انا و عليكم السلام ازيك
مرام و سحر ياخدوا بعض بالحضن
ماجد / جايه بايدك فاضيه يعنى متوقعتش منك كدا ابدا يا مرام
مرام / ههههههههههههههه لا متخافش عيب عليك
مازن يطلع من جوه شايل شكاره يحطها فى الارض مرام تشوفه تبص الناحيه التانيه و تنفخ
مازن / اخر واحده جوه
مصطفى / متستعجلش اوى كدا دلوقت العربيه تيجى و نروح نلم تبرعات جديده
مازن يبصله باستغراب
مصطفى / انا قاعد بحط خطه السير اهو
ماجد / الناس اللى عندهم اى حاجه قديمه بيكلمونا نروح ناخدها منهم احنا بقى بنجمع الناس دول و نحط العنواين اللى جنب بعض و نرتبهم فى خط سير و نجيب عربيه نص نقل حلوه كدا و نعدى عليهم نلم منهم الحاجات دى
الشاب / بس غالبا الناس مبتتبرعش بحاجات عليها القيمه غالبا بتبقى زباله يعنى باختصار بينضفوا بيوتهم على حسابنا
مصطفى / حتى لو ... كل حاجه بتنفع
الشاب / هو ايه اللى كل حاجه بتنفع يعني نروح بيت يطلعونا اوضه فوق السطح كلها كراكيب و نفضل نشيل و ننزل على العربيه و فى الاخر هما يكونوا نضفوا السطح ببلاش و لا دفعوا مشال و لا نقل و الاسم بيعملوا خير
مصطفى / حتى الكراكيب بتتباع و تجيب فلوس صح و لا لا
مازن / طب ما يجيبوا حد من بتوع الروبابكيا يشتريها و يتبرعوا بالفلوس اكرم لينا و ليهم
ماجد / لو الفلوس دى جت فى ايديهم مش هيتبرعوا بيها
مازن / الله
مصطفي / بقولكوا ايه انا عارف اننا صايمين و المشوار ده تقيل عليكوا بس يعني كل واحد بيتبرع باللى يقدر عليه و احنا بنتبرع بوقتنا و مجهودنا و صحتنا متخلوش الشيطان يهبطكوا و يضيع مننا الثواب نخلص النيه بس
ماجد / تمام يا رياسه
مصطفي يقعد يكمل مازن يروح يكمل فرز ماجد يروحله و يتوشوشوا
ماجد / لو مش عاوز تيجي
مازن / لا هاجى مفيش مشكله هو معاه حق
ماجد / شكلك ابن ناس اوى و الحوار ده كلو جديد عليك
مازن / ههههههههههههههه مانت كمان شكلك ابن ناس عادى يعني
ماجد / انت هنا عشانها صح
مازن يبصله و يبتسم
مازن / باين عليا اوى كدا
ماجد / انت مبتشيلش عينك من عليها بس مدام بتحبها اوى كدا اطلقتوا ليه
مازن يبص فى الارض و يتنهد
ماجد / للدرجادى دا الموضوع كبير بقي
مازن يبص على مرام راحت تتكلم مع مصطفي
ماجد / على فكره مصطفي من اكتر الناس المحترمه اللى ممكن تعامل معاهم فى حياتك
مازن / عارف
ماجد / مش هتحكيلى بقي اطلقتوا ليه
............
ناحيه مصطفي
مصطفي / دى فكره حلوه جدا يا مرام و انا متاكد ان البنات هناك و الستات هينبسطوا بحاجه زى دى بس انتى هتتعبي اوى
مرام / لا مفيهاش حاجه عادى
مصطفي / طب انتى ممكن تحتاجى كام كدا رنج يعني
مرام / لا دا تبرع منى انا شكرا
مصطفي / اتبرعتي بفلوس التارتات كلها و قبلها تارتات الحفله و تعبك بتبيعيه بالرخيص و مش عاوزه شغل ثابت عشان الدراسه و دلوقت كمان عاوزه تتبرعي بوقت و مجهود و فلوس فاضل ايه
مرام / ربنا يتقبل بس هعوز اكتر من كدا ايه و بعدين مين فهم حضرتك انى بشحت يعني الحمد لله عندى اللى يكفيني و زياده و لا هو انا باين عليا الفقر اوى كدا
مصطفي / انا اسف والله ماقصدش بس
مرام تسيب مصطفي و تروح تشد شنطتها و تمشي مازن يسيب ماجد و يجري وراها هو و مصطفي و سحر
مازن / مرام مرام
مرام تقف و تنفخ
مصطفي / انا اسف والله ما اقصد
مازن / انت قولتلها ايه
مرام / مقاليش حاجه احنا صايمين اهدوا انا كنت رايحه اجيب كارت شحن اجدد الباقه شكرا ...شكرا
مرام تبص لمازن و تبص لمصطفي
سحر / تعالى انا هاجى معاكي
سحر تانج مرام و يتمشوا بعيد مازن و مصطفي يبصوا لبعض ماجد يدخل يشد مازن لجوه بالعافيه مصطفي يشوف واحد بينزل من العربيه و يمشى ورا مرام يتابعه
ماجد / مصطفي مصطفي
مصطفي يبص يلاقي الراجل يروح السوبر ماركت اللى مرام و سحر واقفين عنده يشترى سجاير و يرجع العربيه تانى مصطفى يبص لماجد
ماجد / تعال ياعم متكبرش الموضوع
مصطفي يهز راسه و يدخل يلاقي مازن فوشه شايط
مازن / لو مقولتش انت قولتلها ايه هفطر عليك النهرده
مصطفي / ليه يعني فاكر
ماجد / ايه اللى حصل يا مصطفي متكبرش الموضوع احنا كلنا صايمين و لسه اليوم طويل
مصطفي / عرضت تبرع قولتلها كتير عليكي خدت الموضوع على كرامتها هو انا فقيره هو انا بشحت و مشيت
مازن يروح يقعد على اقرب كرسي و باصص في الارض و الكل بيبص لمصطفي
مصطفى / والله هو ده اللى حصل
مازن / اول مره روحت بيت مرام دبسناهم في اكل و كنا كتير و انا بما انى متربتش
الكل يدحك و يبصله
مازن / حطيت فلوس فى الدرج قال يعني .... المهم شتمتنى بالام و مسحت بكرامتي الارض
ماجد / هههههههههههههههههه
مازن / لما كتبنا الكتاب مكنتش بترضي اصرف عليها و اتخانقنا بسبب الموضوع ده كتير جدا كرمتها عندها فوق كل شئ محدش يقلل منها
مها / بس اوفر اوى يعني الموضوع مش مستاهل كل ده
راجل يدخل
الراجل / صباح الخير يا استاذ مصطفي
………………
