((((((السكة شمال٢ )))))
#لولو_محمد
الحلقه١٤
شريف / و لو راحت لمحامى شمال تانى هتنبسط انت عارف انها مش هتسكت
مازن / انا مش هقدر اطلق
شريف / مؤقتا بس لحد ما تهدى فى عده لما هتلاقيك بتحارب عشانها هترجع بيتهيالى تلت شهور فتره كافيه اوى تربي فيها زياد و تجبره يعتزر
محمود / و ابوه ؟
الاتنين يبصوا لمحمود
محمود / ايه هى اللى شرطت
شريف / هى لما تلاقي مازن بيحاول مرام بنت اصول و مش هتعجزه اوى كدا دا غير انها بتحبك يعنى
جرس الباب يضرب مازن يفتح يلاقي سميحه
سميحه / السلام عليكم
…………
مازن / اهلا و سهلا يا تيته اتفضلى اتفضلى
سميحه تدخل
سميحه / ازيك يا شريف يابنى عامل ايه
شريف / الحمد لله يا تيته ازى حضرتك
محمود / مرام عامله ايه يا تيته
سميحه / كويسه يا محمود متقلقش
مازن / تيته انتى عارفه انى مظلوم صح
سميحه / طلق مرام يا مازن
مازن/ حتى انتى يا تيته هو فى ايه مالكوا كلكوا
سميحه / انا مش هستنى اما البت تروح منى كفايا عليها اوى قهره لحد كدا
مازن / و انا اللى قهرتها يا تيته
سميحه / ايوه انت فاضل ايه تانى يا مازن فاضل ايه بتنا و طردونا منه و مبقاش حلتنا لا ابيض و لا اسود و عايشين عند الناس كتر خيرهم شايلينا من عالارض شيل سمعه البت و كل من هب و دب و طمع فيها نفسيتها و بقت فى الارض نفسها و بقت مكسوره دمعتها مبتنشفش يا حبه عينى بعد مكانت دحكتها منوره وشها فاضل ايه هستنى ايه قولى
مازن / يا تيته والله مظلوم و الله العظيم يا تيته طب استنى هات يابنى الفيديو بصى والله دا اعتراف من لبنى نفسها مين اللى عمل
شريف يجيب الكاميره و يفتح على لقطه لبنى موطيه على رجل مازن
صوت لبنى / مازن عشان خاطرى عشان خاطرى والله العظيم انا مليا دعوه بكل ده كل دا كان زياد هو اللى خطط لكل ده و حتى موضوع البلطجيه و التصوير دا كان اتفاق بينه و بين احمد والله العظيم احمد اللى ساعده هو اللى دله على توفيق هو اللى صور و زاع والله انا معرف حاجه عن الموضوع الا لما نزل عالفايس
سميحه تقفل الكاميره و تبص لمازن
سميحه / لسه مطلقناش و الهانم لبسالك قميص نوم شفتشى
مازن / يارب خدنى عشان ترتاحوا يا تيته انتى بتقولى ايه
سميحه / مبقولش تحمد ربنا ان مرام مشافتش الفيديو ده كانت راحت فيها اتفو عليك عيل .... و لا بلاش خساره فيك الحسنه اللى هتاخدها منى طلق يلا بدل قسما عظما
شريف / يا تيته انا كنت معاه الموضوع
سميحه / و امك عارفه
شريف / يا تيته افهمى بس
سميحه / اوعوا من وشى انا ماشيه
مازن يسد الطريق
مازن / لا هتسمعى
سميحه / انا مش جايه اسمع انا جايه اقولك طلق و اللى عندى قولته وسع من وشى يا نجس اوعى
سميحه تزق مازن و تفتح الباب مازن يزق الباب يقفله
سميحه / اما عيل
مازن / انا مفيش بينى و بين لبنى حاجه ماشى لو مسمعتنيش يبقى بتظلمينى انتى متعرفيش لبنى ماشى متعرفيهاش ارجوكى افهمينى
شريف / يا تيته هى اللى جت الاوضه و عرضت على مازن نفسها هى اللى بنت كلب زباله و مازن صورها و هددها لو قربت من مرام تانى هيفضحها مازن ملوش دعوه بيها
سميحه / و هو يفرق ايه بقى عنهم مهو كلو بيصور و يفضح اهو هى مش دى مرات اخوك
مازن / لا هو اخويا و لا هى مراته اصلا
شريف / يا تيته انتى لو سمعتى الفيديو اصلا دى بتشتم فى زياد و بتقول كلام لو زياد سمعه هيولع فيها
سميحه / اياكش تولعوا كلكوا ابعدوا عنى
مازن / يا تيته يعنى اعمل ايه يعنى عشان تصدقي انى برئ اعمل ايه
سميحه / طلق البت و بعدين نبقى نشوف الموضوع ده بعدين ... اسمع يا مازن لو مطلقتش انا هروح لبدل المحامى عشره لو هاكل انا و اليتيمه دى طوب لو مش هناكل هطلقها منك
مازن / ليه كدا يا تيته حرام عليكى
سميحه / سى زفت ده عرف منين ان مرام فى بيتك مش انت اللى قولتله
مازن / مليش كلام معاهم اصلا اقسم بالله انا كل اللى عملته انى حضرت الفرح و مشيت و اسالى شريف و لما الفيديو بتاع الفرح يجى هبعتهولك والله مظهرت غير فى حته قد كدا و دخلت بالخناق و الصور اللى اتبعتت لمرام كانت غصب عنى المصور احرجنى و انا عالدانس فلور و مونى قالت عشان خاطرى و مش هبوظ فرح اختى يعنى اعمل ايه يا ناس ارحمونى حد يحس بيا بقى
سميحه / ربنا يباركلها مونى عيله غلبانه و طيبه و بنت حلال بس قولى ابوك كان فرحان فى الفرح كان بيستت بنته و ضميره مرتاح بنتى تقل ايه عن بنته ليه يعمل فيها ليه تتقهر بالمنظر ده ليه عملت ايه دى عمرها مسمحت لحد يلمس منها شعره يبقى ده جزاتها تقدر تقولى مرام هتدخل الكليه ازاى بعد اللى حصل
محمود / هتدخل و تحط صابها فى عين الطخين و احنا معاها يا تيته مش هنسيبها
سميحه / و لا هما يا محمود و لا هما هيسيبوها انا جيت ووعدت مرام انى مش همشى الا لما تطلق مرام مبطلتش عياط الا لما حلفتلها انى هخليك تطلق طلق يا مازن
مازن / مش هقدر
سميحه / يعنى هتقدر تبهدلنا فى المحاكم تمام يا مازن انا و انت و المحاكم بقى اوعى من وشى
سميحه تزقه و تفتح الباب و تمشى
شريف / اجرى وراها يا محمود وصلها
محمود يجرى وراها
شريف / طلق يا مازن دا رايي دلوقت طلق و بعدين نتكلم
مازن / يارب خدنى بقى عشان يرتاحوا
شريف / دا بدل متدعى ربنا ينصرك عليهم هو انا كل مقول خلاص نشف و استرجل تثبتلى انك مجرد عيل مدلع و مش قد المسؤليه
مازن يبص لشريف
شريف / ايه انت فاكر لوحدك اللى فى الهم ده انا مش عارف اروح بتنا مش عارف ابص فى عين اخواتى كلهم مشيلينى ذنبك حتى مرام نفسها شيفانى غلطان انت مش مظلوم لوحدك انا كمان اتاخدت فى الرجلين فوق بقى و اقف على رجلك ووريهم انهم مش هيكسروك انت لو انكسرت كلنا هنضيع و اولنا مرام هيبيعوا و يشتروا فيها
مازن / انا .. مش هقدر ... اطلق
شريف / انا هروح انام عشان انا جبت اخرى فكر مع نفسك كدا و قرر لو لقيت حل تانى للى احنا فيه غير انك تطلق مرام ابقى كلمنى ملقتش متوجعش دماغى عشان انا خلاص شطبت
شريف يمشى و مازن واقف بينفخ
...........................
فى عربيه محمود
محمود / يا تيته والله كنا بنقوله يطلق عمال يقول بحبها و مقدرش و بعدين يا تيته مازن فعلا مظلوم
سميحه / البت هتموت يا محمود البت لا بتاكل و لا بتشرب و لا بتنام طول الليل واخده رجليها فى حضنها و بتعيط البت تعبانه يا محمود امبارح بتقولى كنت ماشيه فى الشارع زى التايهه لا عارفه رايحه فين و لا جايه منين و لولا الاذان و المسجد كان قدامى كنت فضلت ماشيه هستنى ايه لما يجرالها حاجه
محمود / يا تيته مرام بتحبه و لو اطلقت
سميحه / يابنى انت مبتفهمش مهو حبها ليه هو اللى واجعها دا اول حب فى حياتها دا جوزها هو اللى حصل بنهم ممكن يتنسى اللى عاشوه سوا ممكن يتنسى بس هنعمل ايه نصيبها كدا
محمود / لا يا تيته مش نصيبها عندها و نشوفيه دماغها
سميحه / انا دفنت عيالى الاتنين بايدى يا محمود عارف يعنى ايه دفنت عيالى الاتنين بايدى محلتيش فى الدنيا غيرها انا النفس داخل خارج من صدرى عشانها لو جرالها حاجه مش هعيش يوم واحد بعدها قهرتها بتوجعنى لو هو برئ و بيحبها زى مبيقول هيعرف ازاى يراضيها انا خلاص مش هقف جنبه عليها تانى ياما دافعت عنه كانت بتقول وحش و انت نفسك كنت بتقول وحش و انا اقول ابدا زينه الشباب مازن كلو الا مازن حبيبى مازن خلاص الموضوع خلص و اسمع لما نروح اى كان اللى مرام هتقوله او تعمله معاك متردش البت مقهوره منك
محمود / انا عملت الصح انا كنت عاوزهم يتصالحوا
سميحه / عارفه و عشان كدا سبتك بس هى متعرفش ده هى شيفاك بعتها و متنساش انك كنت بايعها قبل كدا للست ماهى و قابض كمان
محمود / يا تيته الموضوع
سميحه/ بقولك ايه انا تعبانه و مصدعه و ضغطى ضارب فى سقف العربيه دى ارحمنى و اسكت و لا شغلنا قران و لا اى حاجه الواحد مش قادر ارحمونى
محمود يشغل الراديو و يقلب لحد متيجى ازاعه القران الكريم محمود يسوق و هو ساكت
............................
فى مطعم فى دبى
لبنى و زياد و فريده قاعدين بياكلو احمد يدخل يسحب كرسى و يقعد قدام زياد و لبنى على يمينه
احمد / صباح الخير
فريده / اهلا يا احمد ازيك عاش من شافك
احمد / ازاى بس يا طنط مانا كنت فى الفرح
فريده / معقول يبقى اكيد مجتش تسلم عليا المهم اخبارك ايه
احمد / انا تمام الحمد لله ازيك يا لبنى
فريده / مش تبارك للبنى حامل
احمد يبص للبنى
احمد / والله الف مبروك و يا ترى حصل امتى الكلام ده
لبنى تبصله بطرف عينها و ترجع تبص فى الطبق
احمد / دانتى لسه زعلانه منى بقى ايه يا زياد انت موصلتلهاش اعتزارى و لا ايه دا كلو الا زعل لبنى خصوصا يعنى عشان نفسيتها و هى حامل
لبنى تبصله تلاقيه مبتسم
زياد / خف عنها ماشى ... قولى بقى ايه سبب هبوطك المفاجئ على جمعنا السعيد
احمد / اخص عليك شايفه يا طنط ابنك بيعاملنى ازاى ايه اقوم يعنى
زياد / ياريت
فريده / بس يا زيزو عيب الله هههههههههههههههه بيهزر معاك يا احمد انت لسه هتعرفه
احمد / معقول دى عشره عمر و لا ايه يا لبنى الا صحيح ولد و لا بنت انا بحب خلفه البنات اوى بيقولوا البنت الاولى بتطلع شبه امها ايه راي حضرتك فى الكلام ده يا طنط
فريده / هههههههههههههههههههه تطلع شبه اللى تطلعه هتطلع وحشه لمين
احمد / على رايك و لا ايه يا زياد
زياد / لا انا عاوزها شبه امها
احمد / طب سلمت عليكوا هستازينكوا اخطف زيزو منكوا شويه
فريده / اوعى تكون عايزه فى شغل
احمد / هو انا ورايا غيره يا طنط لا زوجه و لا حبيبه و لا اى حاجه خالص
زياد / انت هتشحت قوم خلص خلينى اشوف عاوزنى فى ايه
....................
فى البيت القديم
مرام / وافق يعنى
سميحه / اسالى محمود كان هيبوس رجلى و انا قولتله ابدا خلاص كفايا لحد كدا
مرام تهز راسها اه
سميحه / اهم حاجه عندى انك تكونى مبسوطه لو الطلاق هيبسطك هطلقك منه لكن
مرام / هيبسطنى
سميحه / خلاص تمام
مرام / مفيش حاجه هتصلح اللى اتكسر يا تيته و لا طلاقى منه و لا وجودى معاه معدتش تفرق
سميحه / حاسه بيكى
مرام / انا من بكره الصبح هنزل ادور على شغل
سميحه / بلاش يا مرام بلاش دلوقت
مرام / يعنى ايه هنفضل طول عمرنا عايشين هنا هدارى مالناس كانى عامله جريمه انا المفروض امشى رافعه راسى و هما اللى يداروا
سميحه / عارفه يا بنتى عارفه والله بس الناس كلاب مبترحمش فى كام واحد زى المحامى الحيوان ده تعرفى الجدع ده ممكن ميكونش شاف الفيديو اصلا و طمع بس لما حكيتيله او لما عرف انك محتجاله مبالك باللى شاف بقى
مرام / هما شافو ايه يعنى محسسانى انهم صورونى ملفوفه بملايه و لا بقميص نوم
سميحه / يا مرام انا بقول ايه و انتى بتقولى ايه
مرام / مانا تعبت يا تيته تعبت
سميحه / عندى ليكى فكره حلوه اوى
مرام / قولى يا تيته
سميحه / انتى مش معاكى قرشين حلوين
مرام / اه بتوع المحامى
سميحه / مهو خلاص قال هطلق منغير محاميين
مرام / و انتى ضمناه اوى
سميحه / اه ضمناه بصى مش هتخسر انتى تعملى اللى هقولك عليه و سيبى الباقى على ربنا
مرام / ماشى قولى يا تيته خير
......................
فى الفندق فى دبى
زياد / فكره مش وحشه هكلم اونكل ابراهيم و اقنعه بيها
احمد / و انا فلوسى جاهزه
زياد / يااااه دانت داخل سخن اوى
احمد / فوق ما تتخيل
زياد / بص اما هحاول معاه بس موعدكش بحاجه
احمد / يا سيدى جرب مش هتخسر حاجه بس انا متاكد ان الحركه دى هتربك مازن اوى و تكتفه
زياد / عارف و عشان كدا عجبتنى مع ان الصراحه كان عينى فيها بس عالعموم مدام هتدفع و تظبطنى انا كمان يبقى انت اولى مالغريب و لا ايه يا حماده
احمد / دانا عينى ليك يا زيزو
زياد / هو ده الكلام
.............................
فى شقه مازن
مازن قاعد عالسرير عينه عالمرايه المكسوره و كلها دموع
//////////////////////////////
مازن / انت كنت عارف ان كل ده هيحصل كنت عارف و من زمان متدحكش على نفسك و تعمل انك متفاجئ ... مكنش ينفع اشوف حلمى بيتحقق قدام عنيا و اسيبه مكنتش قادر ابعد ... و اديك دمرتها دمرت الحاجه الحلوه اللى فحياتك ... مش بالسهوله دى ... انت لسه هتقاوح مرام انتهت و انت اللى نهيتها كلهم بيلوموك و معاهم حق ... انا مظلوم ... انت هتدحك على نفسك انت حيوان مش اكتر من كدا فضلت تعك تعك تعك و فى الاخر هى اللى دفعت تمن عكك ... بس انا اتغيرت انا واحد بقيت احسن بقيت راجل ... انت مصدق نفسك انت مش راجل يا مازن انت مقدرتش تحمى مراتك و هى فى حضنك انت مجرد عيل تافه معاه فلوس مش اكتر و حتى دى مش عارف تستخدمها ... مش حقيقى ... هتعرف تجيب حقها هتعرف تقف قدام زياد ... هجيب مناخيره الارض ... مش هتقدر عليه هو عارفك و عارف نقط ضعفك و انت طلعت حمار متعرفش عنه حاجه فضل عامل دور العبيط دور الغلبان لحد موقعك و لدغك فمقتل ... هيدفع تمن اللى عمله غالى هيندم هو و كل اللى ساعدوه ... عشان تقدر عليهم لازم تبقى زيهم
///////////////////////
مازن / هتشوف يا زياد انت و احمد الكلب يا انا يا انتم
............................
فى شقه شريف
التلت بنات واقفين بيتودودوا فى الصاله
تقى / هو هيفضل نايم لحد امتى
رؤى / والله انا شاكه انه صاحى اصلا مش نايم احنا بقينا بالليل كل ده نوم
شيماء / لا انا لسه داخله عليه لقيته نايم
رؤى / هو مش عاوز يكلمنا دخل قال تعبان و دخل نام هو بيتهرب مننا
شيماء / مفتكرش
شريف يطلع يلاقيهم ملمومين يروح ناحيتهم
تقى / لا هو زعلان مننا اول مره ميجبلناش هدايا معاه
شيماء / مهو مقعدش هيجيب امتى
شريف / هو فى ايه
البنات تصرخ
رؤى / خضتنى يا ابيه
شريف / مقصدتش بس انتوا واقفين كدا ليه و ماما فين
تقى / طلعت عند طنط احلام كانت عند الدكتور بتكشف ماما طلعت تطمن عليها
شريف / طيب
رؤى / اسخنلك تاكل يا ابيه
شريف / لا تسلم ايدك مش جعان دلوقت
شريف يمشى و بعدين يقف
شريف / هو انتوا عاوزين تاخدوا الحاجات اللى جبتهالكوا دلوقت و لا لما ماما تنزل
تقى تجرى على شريف و تحضنه يدحك
تقى / دلوقت دلوقت
شريف / طب تعالى
شريف ياخد تقى تحت باطه و يدخلوا جوه
رؤى / المفروض تصالحيه بقى و الا مش هيديكى هديتك
شيماء / انا اصلا مكنتش عاوزه منه حاجه مدام شغال مع مازن ده انا مليش كلام معاه
رؤى / مازن مظلوم يا شيماء كل الناس قالت كدا و اولهم ابيه و بصراحه انا مصدقاه
شيماء / هى مرام دى مش صحبتنا و فى بنا و بنها عيش و ملح هانت عليكى
رؤى / لا طبعا و زعلانه عشانها جدا بس مازن كمان صعبان عليا و ابيه صعبان عليا ابيه تعبان اوى و متاثر جدا باللى حصل هو ده ابيه اللى كان فاضله تكه و ياكل صاج التلاجه يا شيخه حرام عليكى امال لو مكنش هو اللى مربينا بعد بابا الله يرحمه واحد غيره كان قال انا مالى
شيماء / هو انتى بتشككى فحبى لابيه يا رؤى اخص عليكى انا من حبى فيه مش قادره اتخيل انه يشترك فى حاجه زى دى مع واحد زى ده
رؤى / مازن معملش حاجه مازن اتجوز على سنه اللى و رسوله و ابوه اللى عمل كل ده عشان مرام فقيره مش ماليه عينه انتى نسيتى بهدلها ازاى قدام الكل يوم العزومه نسيتى كانت عامله ازاى يوميها
شيماء / ربنا يعينها يا ترى هى عامله ايه دلوقت
شريف يطلع
شريف / احم احم
رؤى / كنا جايين اهو ايه طلعت الهدايا
شريف يمسك ايد شيماء و يلبسها اسوره دهب رقيقه فيها قلوب و نازل منها حرف اس مدلدل و شيماء بصاله يمسك ايدها و يبوسها و يبتسم لشيماء تبتسم و يدى لرؤى ازازه برفيوم
شريف / البرفيوم اللى بتحبيها بس حسك عينك تحطى منها بره البيت
رؤى تفتحها و تحط منها
رؤى / الله حلوه اوى يا ابيه ميرسى
شريف/ اى خدعه روحى سخنيلى اكل بقى
رؤى / هوى
رؤى تمشى
شريف / لسه زعلانه منى صح
شيماء / على فكره مكنش له لزوم تتعب نفسك يا ابيه
شريف / تعبك راحه يا شوشو و انا عايش ليه
شيماء / ربنا يخليك لينا
شريف / كلمتى صافى
شيماء / لا
شريف / ليه
شيماء / مش عاوزه اعرف
شريف / براحتك انا عن نفسى هدخل اطرد اختك البراشوت دى مالاوضه و اقعد ارغى معاها للصبح لانى من ساعه مسافرت مفوقتلهاش نهائى و زمانها عملت لرقمى بلوك اساسا
شيماء / مفتكرش انا متاكده انها مقدره الظروف اللى حضرتك فيها .... مرام عامله ايه يا ابيه
شريف / هيطلقوا يا شيماء مرام راكبه دماغها و مش قادره تشوف مازن بيعمل ايه وولاد الكلب التانين مش ساكتين لبنى راحتلها و قالتلها ان مازن دخل معاهم فى رهان جديد و جم اتصوروا مع مازن عفينه فى الفرح و بعتولها الصور و بعتوا عليها كلام من نوعيه احنا بنحتفل و انتى لا و حاجات من دى
شيماء / ايه القذاره دى
شريف / حاجه اخر قله ادب و البت طبعا الله يعينها هتعمل ايه يعنى صدقت كلامهم طبعا
شيماء / يعنى مازن مظلوم بجد زى ما رؤى بتقول
شريف / فى واحد فى الدنيا يطلع فى التليفزيون و يفضح نفسه و يفضح عيلته عشان رهان يا شوشو ينفع يعنى
شيماء / بصراحه انا تعبت و اعصابى تعبت و اتلخبطت و معدتش فاهمه حاجه انا كل اللى يهمنى فى الموضوع مرام
شريف / باذن الله خير
شيماء / خير ازاى بس و هى هتطلق
شريف / مازن نفسه مدمر بسبب الموضوع ده و بنقنع فيه بالعافيه مش راضى اصلا بس هى دماغها ناشفه ووخداها عند قولتله ريحها و طلق و هى لما هتهدى و انت كمان هتكون خدت ليها حقها هترجع بس ابدا اتنين دماغهم حجر
شيماء / بس انا لو منه مطلقش لازم يبينلها انه متمسك بيها لازم يعمل المستحيل عشان يراضيها ان شالله يعمل زى الافلام و يجيب عربيه و يعسكر قدام البيت
شريف / مفتكرش هيجى بفايده حتى تيته سميحه نفسها جتله و قالتله لازم يطلق مرام تعبانه اوى
شيماء / من امتى الطلاق كان حل يعنى
شريف / بصى انا خلاااااااص دماغى ورمت مالموضوع ده و تعبت جدا لو عندك حل ابوس ايدك قوليه
شيماء / طب بص انا اروح اطمن عليها و اتكلم معاها ايه رايك
شريف / و ان عملت زى المستشفى
شيماء / معملتش حاجه فى المستشفى على فكره بالعكس كانت كويسه معانا و بعدين انا اكيد مقدره ظروفها يعنى و اى كان اللى هتعمله مش هزعل منها
شريف / والله يا شوشو هى فكره كويسه مش وحشه بكره الصبح هاخدك و نروح نزورها
شيماء / ابيه مازن مظلوم بجد
شريف / والله يا شوشو مظلوم
شيماء تهز راسها و تيجى تدخل جوه شريف يمسك ايدها
شريف / هو مفيش دم خالص كدا مفيش حضن للراجل ده تصالحيه بيها دانا مسافر متغلت بسببك ونايم متغلت بسببك
شيماء تحضنه
شريف / انا مليش غيركوا يا شوشو و عمرى مهعمل اى حاجه تاذيكوا ووالله والله والله بفكر فيكوا قبل معمل اى حاجه مع اى حد ربنا هيردهالى فيكوا و لا لا والله يا شوشو انا ما بعمل حاجه غلط
شيماء / عارفه يا ابيه ربنا يخليك لينا
شريف يبوس راس شيماء
شريف / انتى كلتى الاكل جوه و لا ايه يا رورو
صوت رؤى / بغرف والله اهو جايه
شريف يبتسم لشيماء
.........................
فى دبى
فى اوضه زياد
لبنى / يعنى ايه الكلام ده لا طبعا انا مش موافقه
زياد / كدا كدا كانت هتتباع
لبنى / ايوه و انت هتشتريها
زياد / اشتريتها و بعتها و خدت مكسبى وقتى اعمل بيه اللى انا عاوزه هتفرق فى ايه بقى
لبنى / اصلا اونكل ابراهيم مش هيوافق اصلا
زياد / سبيه عليا و بعدين لو مبعش دلوقت هيبيع بعدين و ساعتها هو الخسران و ده بالظبط اللى مخلينى مش فارق معايا مين اللى يشترى انا و لا احمد مدام ضمنت مصلحتى خلاص
لبنى / و مازن هيسكت عالهبل ده بقى
زياد / يا ستى انا مش عاوزه يسكت انا عاوزه يطلع كل اللى عنده و يتنرفز و يتعصب و يولع الدنيا اصل فى الاول و الاخر انا مالى ابوه و احمد يصطفوا مع بعض انا مالى
لبنى / انت بتكره مازن يا زياد
زياد / لا بكرهه و لا بحبه و لا يفرق معايا اصلا
لبنى / كداب يا زياد انت بتكرهه انت بتعمل معاه كدا ليه دا اللى كنا بنتكلم فيه اننا نلاقى طريقه نراضيه بيها و نرجع الميه لمجاريها هتحاربه بالمنظر ده انت عاوزه يولع فينا
زياد / مازن ميقدرش يعمل حاجه مازن ضعيف و فاشل
لبنى / مازن لاهو ضعيف و لا فاشل و انت عارف كدا كويس
زياد / لا مازن واقف على رجله بس عشان شريف فى ضهره لكن لو شريف مش موجود
لبنى / هتعمل ايه هتقتل شريف كمان
زياد / حد الله بينى و بين الدم مع انى بصراحه هموت و اعملها فى ابن الكلب ده يااااااه عيل خنيق
لبنى / انا مش مصدقاك
زياد / ليه عشان خلاص خرجت من دور الواد الاهبل العبيط قليل الحيله معدتش عاجبك مش انتى اللى طول عمرك بتقولى نفسى تبقى رقم واحد رقم اتنين مش لايق عليك عوزاك شخصيه عوزاك احسن واحد
لبنى / و لسه عند كلامى يا زياد لسه عند كلامى بس احنا جايلنا بيبى فى السكه عاوزين نركز فيه و نعيش فى سلام و هدوء مش عاوزين نفتح على نفسنا طاقه جهنم
زياد / لا متقلقيش انتى بس يا بيبى انتى و النونه فى عنيا و مفيش مخلوق فى الدنيا ممكن يقرب منكوا طول مانا عايش تمام
لبنى / يعنى مفيش فايده صح
زياد / انا اصلا شايف ان الكلام ده سابق لاوانه هو اونكل اصلا لسه وافق فكيها بقى ايه مالك هتضربى الليله دى كمان و لا ايه
لبنى / الله مش قولتلك الدكتور قال ايه
زياد / يادى الدكاتره اللى جايه عليا بخساره خلاص مش مهم اهم حاجه عندى صحتك و صحه النونه اما لو بنت و تبقى شبهك يا لولا ياااااه
لبنى / تصبح على خير يا زياد
زياد / و انتى من اهلى يا قلبى و انتى من اهله
..........................
فى اوضه شريف
شريف بيكلم صافى فيديو كول
شريف / انا تعبت خلااااص
صافى / الله يعينك بس انا مش قادره افهم ازاى مرام تفكر بالطريقه دى ازاى تصدقهم
شريف / حقها يا صافى حقها انا او انتى او اى حد مكانها
صافى / عارفه والله يا شريف و مقدره جدا بس هى كمان لازم تفهم ان ده بالظبط اللى هما عاوزينه
شريف / المشكله انها فهمت ده و رجعت و على كلام محمود حاولت ترجع اكتر من مره قبل كدا بس فى كل مره يعملوا حاجه جديده تخليها تجرى و هى البنت مدمره اصلا و الاكتر ان مازن نفسه مدمر هيعمل ايه يعنى
صافى / و هو ناوى يعمل ايه بقى بالفيديو مازن مش هيشيره و كلنا عارفين ده و لبنى نفسها عارفه ده
شريف / لا يشيره و يحرقه الفيديو ده مازن مصوره لحاجه تانيه خالص بس سيبك انتى اساسا مازن حاول يورى الفيديو لتيته هاجت عليه و قالتله انت لسه مطلقتش و البت لبسالك قميص نوم
صافى / هههههههههههههه والله تيته دى عسل
شريف / بس نظريا صح مرام فعلا لو كانت شافت الفيديو كانت شقت بطنه
صافى / مسكين مازن مش عارف يرضى مين و لا مين
شريف / والله مسكين شريف برضه شوشو قافشه عليا بسببه و بسبب اللى مرام قالته فى المستشفى
صافى / تحب اكلمهالك
شريف / لا خليكى انتى بره الموضوع كدا احسن انا هعرف اراضيها
صافى / بجد انا من ساعه مجيت هنا و انا مخنوقه بشكل صعب و لا مركزه فى اى حاجه هو ليه بيحصل معانا كدا اسافر من هنا اونكل صفوت يتقتل اسافر الفرح يبوظ و هيطلقوا اهو هو فى ايه بجد
شريف / حطى فوق كل ده ان انتى مبتبقيش جنبى
صافى تبتسم ام شريف تدخل
الست / ادخل ؟؟
شريف / طبعا تعالى ... هكلمك بعدين يا صافى
الست / ايه ده صافى لا استنى استنى انا عوزاها
الست تجرى تدخل تحت الغطا جنب شريف و يبتسملها و تاخد منه الموبايل
الست / وحشتينى اوى اوى اوى كدا متساليش عليا و لا مره من يوم متسافرى
صافى / طب والله كنت ببعت لحضرتك السلام مع كل واحده بكلمها مالبنات هما مكنوش بيوصولوا و لا ايه
الست / ههههههههههههههههه لا يا قلبى بيوصولوا بس انا كنت بنكشك بس .... احنا اتفقنا اول ما النهار يطلع نطلع كلنا على بيت مرام و نقعد نتكلم معاها ان يريدا اصلاحا يوفق الله بينهما و احنا رايحين ناويين على صلح باذن الله
........................
