(((((السكة شمال 2)))))
#لولو_محمد
الحلقه 172
مرام / هو غميق
مازن / غميق !! لا مش غميق لا
مرام / ما تالسش
مازن / ههههههههههههههههه ما بالسش الله
مرام / لا بتالس
مازن / شكلك عاوزه تتصالحى
مرام تسكت و تبتسم و تبص الناحيه التانيه
مازن / لازم الواحد يشكمكوا كدا ما تمشوش بالزوق ابدا
مرام تزقه بدلع يدحك
مازن / اموت انا
مرام / بعد الشر ادخل يلا اما نغير
مازن / قلبى يا ناس
مازن يدخل و مرام تقفل الباب و تقفل الستاره
...............................................
فى لندن
مونى / بجد يا ابيه
زياد / و انا يعنى هخللهم خلاص خلصوا يستلمهم من بكره لو عاوز انا اصلا ما كنتش ناوى اكلهم عليه الباشا بس هو اللى كان فاهمنى غلط
زياد يبص لكامل
كامل / حقك عليا يا سيدى
زياد / عيب عليك يا ابو نسب احنا فى بينا الكلام ده برده ... المهم انتى عامله ايه
مونى تبصله بحزن
مونى / الحمد لله اكيد هتعود يعنى
زياد / انا عارف ان الفتره اللى فاتت كانت صعبه عليكي بس لازم تفهمى انك لو احتاجتيني في اى وقت انا عمرى ما هتاخر عنك
مونى تبتسم زياد يبص لكامل
زياد / و اخبار الشغل ايه يا كيمو
كامل / عادى ما فيش جديد للاسف الفتره اللى فاتت ما كنتش مركز فى اى حاجه يا دوب ملاحق على متابعه الشغل العادى بتاع الشركه
زياد / الله يعينك طبعا تعبناك معانا جامد اوى الفتره اللى فاتت
كامل / ما تقولش كدا دول مهما كان اهلى انا كمان
زياد / طبعا طبعا احنا خلاص بقينا عيله
مونى / انت ليه مصمم تنزل فى فندق
زياد / مواعيد شغلى مش معروفه و انتى كفايا عليكي اللى شوفتيه الفتره اللى فاتت و ابنك محتاج لاهتمامك بقى
مونى / بس انا ما اشتكتلكش صدقنى انا فرحت جدا لما عرفت انك جاى و زعلت لما عرفت انك روحت حطيت حاجتك فى فندق
كامل / و احنا ما نقدرش على زعلك يا مونى دلوقت اخده و نروح نجيب الشنط
زياد / كان نفسى بس انا عندى ميتنج مهم جدا ما تيجي معايا لو فاضى
كامل / انا فعلا فاضى بس ميتنج عن ايه ده
زياد / مستثمرين انجليز ناويين ياخدوا ارض كبيره فى مصر فى الصحرا الغربيه ناحيه ناحيه سيوه هيعملوه منتجع طبى كبير انت عارف بلدنا و الخير اللى فيها حتى الرمل يا اخى بيشفى من الامراض
كامل / عظيمه يا مصر مشروع جميل فعلا
زياد / الجماعه الانجليز بقى عاوزين يجيبوا شركه انجليزيه تنفذلهم المشروع و انا مصمم انى انا اللى انفذه هو يعنى تبقى الارض بتاعتنا و نجيب الغرب يعمروها ينفع يا مونى
مونى / هو انت شريك معاهم
زياد / انا اصلا نص الارض بتاعتى و كنت هعمل نفس المشروع هما اتواصلوا معايا عاوزين يشتروها انا ما رضيتش دا انا طلعت عينى عشان اشتريها قولتلهم فيفتى فيفتى وافقوا و بصراحه الصور اللى بعتوها للديزاين خرافه مصر هتتنقل نقله سياحيه تانيه لما المشروع ده يخلص
مونى / اكيد ربنا يوفقك
زياد / ها يا كيمو هتيجي و لا ايه
كامل / ما فيش مشكله لو مش هيدايقك اجى
زياد / بالعكس دا انا هستفيد من وجودك جدا اهو بالمره تقعد معاهم و انت ادرى بالانجليز منى يعنى لحسن اتصرف تصرف كدا و لا كدا و انت برده ليك وجهه نظر فى الناس
كامل / تمام هطلع اغير هدومى و اجى معاك
زياد / خد راحتك ... امال ميزو فين
مونى / نايم كان صاحى من شويه بس على ما جيت انت بقى من الفندق كان نام انت عارف الاطفال ما لهمش مواعيد و ما تقدرش تتحكم فى نومهم
زياد / لا لا لا اوعى سبيه ينام و يرتاح احنا عاوزين ايه غير كدا لازم ينام عشان يكبر
مونى تبتسم
..............................
فى شقه رؤى
فاطمه و شريف بيصبحوا على سعد
سعد / نورتونا
فاطمه / منور بيكوا امال هى اتاخرت كدا ليه
سعد / والله ما عارف ثوانى هقوم اشوفها
سعد يقوم يدخل جوه يلاقى رؤى واقفه ناحيه الباب لابسه عبايه استقبال
سعد / انتى ما طلعتيش ليه يا بنتى
رؤى / هو ابيه بره
سعد / هههههههههههههه اه ايه مكسوفه تطلعى و لا ايه
رؤى / بطل بقى
سعد / على فكره اقسم بالله عادى يعنى مش فيلم
رؤى / لا برده هطلع اقولهم ايه يعنى
سعد / ازيكوا عاملين ايه قدميلهم كحك و بسكوت و حاجه ساقعه فى ايه يا بنتى دا اخوكى امال لما اهلى انا يجوا هتعملى ايه
رؤى تبص حواليها و تنفخ يبتسم و يروح ياخدها فى حضنه
سعد / تعالى هنا يا بت انتى عماله تحلوى كدا لما جننتيني
رؤى / انا مستلماك كدا ما تجيبهاش فيا
سعد / هههههههههههههههههه تعالى تعالى
سعد ياخد رؤى تحت باطه و تطلع معاه اول ما تيجي تطلع من الطرقه تبعد عنه خطوه يبصلها و يبتسم تروح تحضن ماماتها
فاطمه / الف مبروك يا حبيبتى الف مبروك
رؤى تروح تسلم على شريف يحضنها و يبوس راسها
شريف / مبروك
رؤى / عن اذنكوا
رؤى تجرى على جوه و سعد ماسك نفسه عن الضحك بالعافيه
سعد / هتجيب بس ساقع و كدا
شريف / لا لا ما تتعبش نفسها احنا اطمنا عليكوا و هنمشى علاطول
شريف يقوم و فاطمه تقوم
سعد / انتوا لسه واصلين استنوا شويه
شريف / هنبقي نيجي تانى قبل ما تسافروا بقى و مع بعض على التليفون
سعد / تمام
فاطمه / خلى بالك منها
سعد / والله توصيها هى عليا
فاطمه / ههههههههههههههههههه ربنا ما يحرمكوا من بعض
سعد / امين
شريف / يلا يا ماما
شريف و فاطمه يمشوا رؤى تطلع من جوه
رؤى / مشيو
سعد / مشيو
رؤى / انا اتكسفت منهم اوى مش عارفه بقى و لما دخلت فكرت تانى هعمل ايه لما اهلك يجوا الموضوع طلع صعب
سعد يمسك ايدها
سعد / هو كل حاجه فى اولها صعب بس واحده واحده هتتعودى
رؤى / على ايه
سعد يشيلها تصرخ بدحك
سعد / هقولك جوه
رؤى / ههههههههههههههههههههههههه
.............................
فى شقه مازن القديمه
لبنى نايمه فى حضن احمد
احمد / زياد زمانه قاعد دلوقت مع الناس بتوعنا
لبنى / زياد مش غبى و هيحشر كامل معاه
احمد / يعنى ايه
لبنى / يعنى ما كانش المفروض تخلى المكان فى لندن
احمد / كامل مش هيديله وش ما تنسيش ان زياد حط ايده على ورث مراته
لبنى / كامل ما يفرقش معاه الهبل ده و زياد هيقدمله اللى فعلا يفرق مع زياد
احمد / و ايه دى بقى ان شاء الله
لبنى / الاربع مصانع بتوع مازن خلصوا و هيسلمهم
احمد / دا فجاه كدا
لبنى / قولتلك مش غبى و ما تقدرش تتوقع تصرفاته
احمد يقوم يقعد و لبنى متبعاه
احمد / من امتى حنيه قلبه على مازن دى انه يسلمه المصانع و قبل معادها كمان
لبنى / زى حنيه قلبك انك تملاله القريه سياح
احمد / انا قدمت السبت عشان الاقى الحد انما هو
لبنى / الحد بتاعك عندى لكن الحد بتاع زياد عند مونى و كامل
احمد يبصلها و يرجع يبص قدامه و يهز راسه
لبنى / هتعمل ايه
احمد / هستنى شويه اما اشوف هيعملوا ايه و بعدين اشوف
لبنى / عين العقل
احمد / اقولك حاجه
لبنى / قول
احمد / مش عارف ليه شامم ريحتك فى الموضوع
لبنى / ههههههههههههههههههه و يا ترى حلوه و لا وحشه
احمد / هههههههههههههههههه يخربيت صراحتك على فكره اللعب ده ما ينفعش
لبنى / انا كمان لازم اقدم السبت
احمد / بس الحد بتاعك بيروح لغيرك و هو مش شايفك و لا شايف اللى انتى بتعمليه عشانه اصلا
لبنى / مش مهم المهم انه بيوصله
احمد / حد قالك قبل كدا قد ايه انتى مجنونه
لبنى / هدى نفسك بس لا يطقلك عرق و لا حاجه و بعدين ما لك كدا هو انت يعنى هتغلب باظت مره الجايه تفلح
احمد / على رايك انكد على نفسى ليه
احمد يدخل جنب لبنى تانى و يحضنها
.........................
فى شقه فاطمه
فاطمه / طب والله شكلها كان عسل و هى مكسوفه
شريف / انا اصلا قولتلك اول ما قعدنا اطمنا على سعد خلاص نمشى
فاطمه / ههههههههههههههههههههه بس يا وله و هى اختك كانت هتعمل فيه ايه يعنى
شريف / اهو الامر ما يسلمش
فاطمه / ربنا يهنيكوا و يسعدكوا يا ولادى و يكملك على خير يا شيماء انتى و صافى و يزقكوا بالخلف الصالح قادر يا كريم
شريف / امين يا بطه امين
تليفون شريف يرن يمسكه
شريف / دى مونى
شريف يقوم و يرد و يروح فى جنب
شريف / مونيكا ازيك
مونى / ازيك يا شريف سورى لو كنت بتصل فى وقت مش مناسب بس مازن تليفونه مقفول
شريف / ايوه مازن عقبالك فى الهانيمون بتاعه
مونى / ههههههههههههههههه ربنا يسعدهم على العموم زياد هنا و قال ان الاربع مصانع بتوع ملك خلصوا و تقدروا تستلموهم فى اى وقت
شريف / ايه ده بجد !!!
مونى / ايوه و فيه ايه
شريف / ما فيش انا بس استغربت اصل لسه باقى وقت على الديد لاين
مونى / ايوه مهو فى مصانع تانيه ما خلصتش بس بتوع ملك خلصوا لو عاوزين تستنوا براحتكوا لو عاوزين تستلموا براحتكوا برده
شريف / لا نستلم طبعا بس مازن مسافر الاسبوع ده مش عارف بقى
مونى / ما انت ممكن تستلم مكانه انت مش معاك توكيل منه و بص ممكن اكلم كامل ينزل مع زياد و هو نازل ايه رايك
شريف / هو زياد نازل امتى
مونى / والله ما اعرف هو لسه واصل النهرده و اول ما خرج هو و كامل قولت اكلم ابيه افرحه ما عرفتش اوصله
شريف / على العموم انا هلاقى طريقه ابلغه بيها و اكيد هيكلمك
مونى / تمام يا شريف مبروك لرؤى
شريف / الله يبارك فيكي عقبال مازن الصغير
مونى / ان شاء الله يلا اسيبك بقى مع السلامه
شريف / سلام
شريف يقفل
فاطمه / فى حاجه و لا ايه
شريف / لا ما فيش خير ما تقلقيش انتى
فاطمه تهز راسها و تبتسم شريف يرجع يقعد وسطيهم تانى
.......................................
في الفندق عند مازن
مرام قاعده علي السلم و رجليها في الميه و ماسكه عوامه و ملك قاعده جواها و باب البلكونه مفتوح و مازن قاعد علي السرير متابعهم و بتكلم في تليفون الفندق
مازن / و دا من ايه يعني
شريف / والله نفس رد فعلي
مازن / اي يكن خير نفك الوديعه و نشتري المكن و نبدا علاطول
شريف / طب انت قررت يعني هتعمل ايه هتشتغل في ايه
مازن / لعب اطفال
شريف / هههههههههههههههههه بتهزر
مازن / لا نهائي هعمل مصنع لعب اطفال
شريف / بس الصيني مسيطر علي السوق و مش هتعرف تنافسه في الرخص
مازن / رخص ايه احنا بنتكلم عن براند جديد في لعب الاطفال ملك تويز
شريف / طب دا واحد و التاني
مازن / التاني هديهولك زي ما كنا متفقين و التالت فكر انت فيهم امال انت لزمتك ايه
شريف / هههههههههههههههههه لا والله فعلا معاك حق المهم انك عاوز تعمل مصنع لعب اطفال
مازن / ايوه ملك تويز و ما تقلقش علي التسويق عندي فكره جهنميه للموضوع ده
شريف / تسويق ايه اللي اقلق عليه دا اسم ملك عليه مش ناوي ترشحها لمجلس الشعب
مازن / هههههههههههههههههه مش مقامها يا ابني دي هتبقي رئيسه الجمهوريه اول رئيسه بنت
شريف / هههههههههههههههههه و ماله هي الاحلام بفلوس
مازن / علي رايك ... صبحت علي رؤي
شريف / اه كويسين الحمد لله
مازن / تمام هحلقلك بقي عشان نازل مع ملوكه الميه
شريف / عيش يا برنس سلام
مازن يقفل السماعه و يقلع التيشيرت و يعدي من جنب مرام و ينزل الميه
مرام / خير
مازن / هنستلم المصانع خلاص
مرام / مبروك انا افتكرت مشكله في الاوتيل و لا حاجه
مازن / لا دا شريف موبايلي مقفول كلمني عالفندق و هما حولوه علي هنا
مرام / طب الحمد لله اخبار رؤي ايه
مازن / كويسه الحمد لله... مش هتنزلي
مرام / انا كدا كويسه شكرا
مازن / هههههههههههههههههه يا بنتي والله هيبقالك طول انزلي انبسطي شويه بالميه هو احنا كل يوم بنيجي
مرام / يا سيدي ركز انت بس مع ملك و انا كدا مبسوطه جدا ما تشغلش بالك بيا
مازن / طب ما تصورينا
مرام تهز راسها اه و تقوم تجيب الموبايل من الشاحن و تفتحه و تصور مازن و ملك في الميه
.......................
في فيلا كامل
موني و كامل و زياد قاعدين علي الاكل
كامل / مش عارف بس انا مرتاحتش من طريقتهم اصلا
موني / ليه بس يا كامل المشروع حلو جدا
كامل / الارض بتاعه زياد و شركه المقاولات بتاعته و الفكره موجوده يبقي محتاجهم في ايه
زياد / مهو عندهم الارض اللي جنب ارضي بالظبط و هيفتحوا نفس المشروع
كامل / ايوه فاهم بس برده مش شايف مشكله ما ممكن بعد ما تشاركهم يجي واحد يشتري الارض اللي جنبكوا و يفتح نفس المشروع برده عادي و لا ايه
زياد / وارد.. في البيزنيس كل شئ وارد
موني / بس اكيد هما هيعرفوا يعملوا ماركتينج للمشروع و يجيبوا اجانب و كدا و لا ايه
كامل / يا بنتي هو احنا يعني ما لناش اسم هنا ما بسم الله ما شاء الله لينا في كل مكان شركه و اسم و سوق
موني / معاك حق طبعا
كامل / بص يا زياد المشروع حلو و مكسبه مضمون و انت اولي بيه انا لو منك تنفذه لوحدك و لو محتاج حاجه كلمني
زياد / طول عمرك صاحب واجب يا ابو نسب
كامل / انت ما بتاكلش ليه يا ابني مش موني اللي طابخه
موني تضربه في كتفه بهزار الكل يدحك
....................
فى المستشفى فى روسيا
انس يستلم نتيجه التحليل و يبص فيه و يبتسم و يطلع التليفون و يكلم احمد
انس / ايوه يا احمد ازيك
احمد / ازيك يا انس اخبارك ايه
انس/ نتيجه التحليل بانت نيجاتيف يا احمد نيجاتيف
احمد / الحمد لله شوفت بقى مش قولتلك تهدى و تصبر
انس / انت مش هتصدق فرحتى انا بجد مش مصدق نفسى انا مش عارف ده حصل ازاى
احمد / يا عم ما تحمد ربنا هو اكل و بحلقه بقولك ايه تاخد بالك بعد كدا مش كل مره تسلم الجره
انس / لا يا عم طبعا انت بتقول ايه انا هظبط الدنيا هنا
احمد / ههههههههههههههههههه افلح ان صدق
انس / لا يا عم بجد انا طول الليل امبارح عمال ادعى ربنا و اقوله انى عمرى ما هعمل كدا تانى
احمد / هنشوف يا انوس هنشوف
انس / لا بجد والله انا قررت الموضوع انتهى و مش هفكر فيه تانى و عمرى ما هرجع للايام دى من النهرده هبدء حياه جديده و هاخد بالى جدا من حياتى
احمد / تمام هبقى اكلمك تانى بعدين اطمن عليك عشان مشغول دلوقت لو مش هيدايقك يعنى
انس / لا لا لا مش هيدايقنى طبعا بس ما تنساش اوعى تقول لحد اللى حصل ده سر بينا
احمد / عيب عليك
انس / حبيبى يا ابو حميد يلا اسيبك تشوف شغلك بقى سلام
احمد / سلام
انس يقفل المكالمه و هو فى منتهى السعاده
..........................
فى الفندق عند مازن بعد فتره
سعد و رؤى داخلين و رؤى عماله تبص يمين و شمال و الاستاف بيحيوا سعد
رؤى / المكان هنا حلو جدا
سعد / هيبقى بتنا التانى
رؤى / انا ممكن اتعود على كدا
سعد / اى خدعه
مرام و مازن شايل ملك جايين من الناحيه التانيه سعد يشوفهم يروح عليهم هو و رؤى مرام تاخد رؤى فى حضنها
مرام / الف مليون مبروك
رؤى / الله يبارك فيكي عقبال ملوكه
مازن / ايه رايك يا رورو فى مكان شغل جوزك
رؤى / انا ممكن اشتغل انا و هو يربى العيال عادى
مازن / ههههههههههههههههههه طب يلا نتغدى
سعد / يلا
.................................
فى فيلا زياد
زياد يدخل لبنى تستقبله و تحضنه كامل يدخل تسلم عليه
لبنى / ازيك يا كامل نورت مصر امال مونى فين
كامل / لا مونى مش هتيجي المرادى
لبنى / ليه كدا زعلتنى
كامل / المره الجايه ان شاء الله انا اصلا مش هطول بكره بس هجضر تسليم المصانع و هرجع
لبنى / على العموم البيت بيتك طبعا
كامل / شكرا
لبنى / يسرى
يسرى تدخل
لبنى / خدى شنطه كامل بيه و حطيها فى الجناح الشرقى و وضبيه كويس كامل بيه غالى اوى عندنا
كامل / شكرا
يسرى تاخد الشنطه و تطلع فوق
لبنى / الاكل حاهز اتفضلوا
كامل و زياد يروحوا مع لبنى على السفره
لبنى / ايه الاخبار طمنونى
زياد / ما انا قولتلك هعمله لوحدى
لبنى / احسن برده والله قولتله كدا يا كامل بس هو بقى عقده الخواجه مسيطره عليه
زياد / ههههههههههههه يا بنتى الموضوع ان ليه ابدء صغير لما ممكن ابدء كبير
كامل / احيانا الكبير بياكلك فمش لازم عشان كبير تديله الامان و تمشى وراه ربنا ادانا عقل برده
لبنى / والله معاك حق
زياد / على العموم الحمد لله سمعت كلامكوا و نفضتلهم خالص
لبنى / احسن كل كل قبل ما يبرد
............................
فى المطعم عند مازن
رؤى و سعد و مرام و مازن قاعدين بياكلوا
سعد / ما يغركيش الجو دلوقت الجو فى الصيف نار يا حبيبي نار
رؤى / بيتهيالى كدا برده بس المكان مكيف يعنى و اكل اوبن بوفيه اربعه و عشرين ساعه و روم سيرفيس و هاوس كيبينج عاوزين ايه اكتر من كدا يعنى هههههههههههههههههههههه دى الجنه لاى بنت يا ابنى
مرام / ما اقدرش اجادلك فى النقطه دى
مازن / لحظه لحظه مين اللى بتتكلم اللى بتقول ما اقدرش اقعد من غير شغل و ما احبش حد يخدمنى صح
مرام / دى حاجه و دى حاجه اولا انا مش بشوفهم و هما بينضفوا و لا و هما بيطبخوا لكن للاسف لو شفتهم اكيد هضطر اسفه انى اساعد
رؤى / و بعدين هى يعنى مش من حقها اجازه يعنى
مازن / لا مش قصدى بالعكس هى اللى رافضه تاخد اجازه
مرام / لا باخد بس فى حاجات ما ينفعش ناخد منها اجازه زيك انت و ملك مثلا
مازن / عاوزه اجازه مننا يعنى
مرام / لا لا بقول ما ينفعش ناخد منكوا اجازه الدنيا تبقى عامله ازاى
مازن / بشعه طبعا
سعد / يخربيت الثقه
مازن / تخيل كدا مجرد الفكره ما حدش يستحملها
سعد / ههههههههههههههههههههه و انا موافق
.................................
فى كافيه
محمود / انا اتهلكت خلاص بعد كدا تاخدى مامتك و تنزلوا تلفوا زى ما انتوا عاوزين و تجيبولى الفواتير احاسب
مروه / لا بقولك ايه انشف كدا احنا لسه قدامنا هم ما يتلم
محمود / ايوه اخدت بالى و انتى ما شاء الله بتنقى الحاجه كداهو بسرعه كداهو
مروه / الله هو انا يعنى هشترى جهازى كل يوم مش لازم الحاجه تكون حلوه
محمود / يا بنتى مهو مش معنى كدا انى لازم اللف على كل المحلات الاول و بعدين انقى انا اساسا نسيت احنا شوفنا ايه فى الكام محل اللى فى الاول
مروه / انا بقى فاكره فاكره كويس كل حاجه شوفنها فين و بكام و كاتبه كمان
محمود / يارب صبرنى احنا لسه على البر يا بنتى و ما فيش وقت للف دا كله هتيجي فى الاخر و تكروتى
مروه / يعنى بدل ما اكروت فى الاخر فى اللى ناقص اكروت فى كله
محمود / لا اله الا الله مين قال كدا بس بس فى حاجات مش محتاجه اللف دا كله انا رجلى ورمت و نعتبر ما جبناش اى حاجه برده
مروه / يعنى انت عاوز ايه دلوقت
محمود / بصى انا عندى فكره حلوه اوى
مروه / قول
محمود / انتى يا قلبى هتنزلى مع مامتك و اخواتك و صحباتك و الجيران و كل كليله يوم تلفوا زى ما انتوا عاوزين و بعدين انزل معاكى انا تانى يوم اشوف الحاجات اللى نقيتيها و اقولك انهى فيهم احلى راي تانى و كدا ايه رايك
مروه / خلاص خلاص اللى تشوفه
محمود / ممكن اسالك سؤال
مروه / اكيد قول
محمود / هو انتى اترددتى كتير اوى كدا و انتى بتختارينى يعنى قعدتى تقولى استنى يمكن تيجي حاجه احسن و كدا
مروه / اكيد لا طبعا بالعكس انا كنت عارفه انى بحبك من اول يوم
محمود / طب مش هيجي عليكي يوم تقولى اتسرعت و كنت تقلت خدت حاجه نضيفه
مروه / لا طبعا مش هيحصل
محمود / طب ما بتعمليش كدا ليه مع اى حاجه تانيه فى حياتك
مروه تبص فى الارض و تلوى بقها و ترجع تبصله تانى و تهز راسها اه محمود يبتسم
.....................................
فى شقه مرام تانى يوم
مرام تدخل شايله ملك و مازن يدخل وراها شايل الشنطه
مرام / حمد الله على السلامه عدنا لقواعدنا سالمين
مازن / بس كان اسبوع حلو اوى مش كدا
مرام / جدا و تعرف احلى حاجه فيه ايه
مرام تفرد ضهرها على السرير و تحط ملك جنبها ينام جنبها
مازن / ايه يا قلب مازن
مرام تلف ايدها حوالين رقبته
مرام / اننا قضيناه كلو سوا انا و انت و ملوكه و بس
ملك تقوم و تنط فى النص و تزق مرام برجليها
.............................
