(((((السكة شمال ٢)))))))
#لولو_محمد
الحلقه ٤٤
مرام تاخد طبقها و تروح جنب البنات تبص على مازن وسط الشباب تلاقيه بياكل و عينه عليها و مبتسم تبص في طبقها و تاكل مصطفى يجيب طبقه و يروح يقعد جنب الشباب تهانى تدخل
تهانى / اه يا اندال محدش استنانى ايه الروايح دى لا ليكوا حق تبيعونى طبعا هههههههههههههههه
البنات يقوموا يجروا يحضنوا تهانى و يسلموا عليها
مرام / هغرفلك طبق حالا
تهانى / ها يا شباب جاهزين ترشحوا النجم بتاعنا النهرده
مازن يبص لماجد
ماجد / كل يوم بيبقى فيه شغل كتير بنختار اكتر واحد تعب و نديله هديه و كدا كنوع من انواع التشجيع
مازن يهز راسه مصطفى يطلع من الدرج صندوق جواه ورق و اقلام و يدى لكل واحد ورقه يكتبوا جواها اسم و يطبقوها و يحطوها فى الصندوق
..............................
تهانى / على فكره يا مازن انا شوفتلك موضوع الدار ده
مازن يبتسم
تهانى / متنساش و انت ماشى تاخد منى رقم تليفون استاذ امجد مدير الدار انا كلمته و هيستناك
مصطفى يدى لتهانى البوكس و يقعد يكمل اكل
تهانى/ ترارارا
ماجد / انا كنت السوبر ستار بتاع الشهر اللى فات بالاجماع
مصطفى / عشان انت المتطوع الوحيد فى حياتى اللى صوت لنفسه
ماجد / انا عن نفسى المرادى مصوتش لنفسى متقلقش قولت ادى فرصه للاجيال القادمه
تهانى / لو خلصتوا ممكن اقول عادى يعنى
مها / قولى يلا مين
تهانى تبص فى اول ورقه
تهانى / مرام
شاب / دا اكيد انا عشان الاكل الفاجر اللى انتى عملاه ده
مرام تبتسم و تبص لمازن مبتسم
مصطفى/ او انا عشان اصالحها
مازن / المفروض نبقى نمضى بعد كدا
تهانى / اكمل ممكن ...مرام تانى ... مازن ..واو
ماجد / دا انا عشان انا شايف انك تعبت اوى النهرده
تهانى / مازن تانى ... مازن تالت ... مازن رابع انت راشى العيال دول و لا ايه هههههههههههههههه
الكل يدح و مصطفى يبص للشباب
الشاب / هو حاول بس مرام غطت عليه النهرده
مازن / هههههههههههههههههه
تهانى / مرام تالت ... مصطفى دخل المنافسه ... مازن كمان مره كدا كام مازن .... خمسه مازن و تلاته مرام وواحد مصطفى و اخر ورقه ملهاش لزمه لان كدا كدا مازن كسب بس نبص فيها برضه ... مازن برضه ... دا معناه انك كسبت يا مازن مبروك اتفضل
تهانى تدى لمازن بوكس مستطيل مبطط يبص لمرام يلاقيها بصاله و مبتسمه اول ما عينه تيجى فى عنيها تبص فى الطبق و تعمل بتاكل يبتسم و يفتح يلاقى جواها شيكولاتايه كادبرى يبص لتهانى
مازن / واو ميرسى دى تانى احلى هديه جتلى فى حياتى
ماجد / ادينى حته انا صوتلك
مها / كانت ايه بقى احلى هديه جتلك
مازن / كوفيه هاند ميد مرام كانت عملاهالى مفتكرش انى فرحت فى حياتى بهديه قدها
الكل يبص على مرام بتاكل و لا كان الكلام عليها
تهانى / احم ها يا شباب جهزتوا للقافله بكره
مصطفى / اه كلو جاهز و مرام اقترحت اقتراح حلو اوى النهرده عشان تلحق بكره هتجيب خيط معاها و الابره و تعمل هناك توك للبنات و تعلمهم يعملوا بايديهم
تهانى / فكره حلوه اوى يا مرام البنات هيحبوها اوى هناك
مازن يوطى على ماجد و مصطفى متابعه
مازن / هو انا ينفع اجيب هدوم جديده و اتبرع بيها فى القافله دى
ماجد / اه اوى اوى دى فكره حلوه جدا
مازن / تمام قشطه
ماجد / بس احنا هنمشى بكره الساعه تسعه الصبح
مازن / قبل كدا ان شاء الله هكون موجود متقلقش
ماجد / قشطه يا معلم
مازن / انا شبعت الحمد لله
مصطفى / كمل يا عم محدش هيكمل وراك و لا انت مش واخد عالاكل عالارض
مازن / كلت والله و على فكره انا كدا كدا هاخد باقى الطبق معايا اللى هيمد ايده هشرحه انا عاددهم
ماجد / هههههههههههههه متخافش فى حمايتى ... ما تجيب الشيكولاتايه دى اما احطها فى حمايتى هى كمان
مازن / لا دى بتاعتى وسع
ماجد يدحك و مازن يروح الحمام
مرام / هعلق على شاى مين عاوز
الكل / انا
مرام / تمام
مرام تروح ناحيه الترابيزه و تلقم الكبايات و تعلق على الميه فى الكاتل مازن يدخل بينشف ايده فى مانديل و يحط الشيكولاته قدامها و يزقها عليها بالراحه مرام تبصله
مازن / شكرا عشان صوتيلى
مرام / و اش عرفك انى صوتلك اصلا
مازن / هههههههههههه مش انتى اللى تعملى غير كدا
مرام / انا صوتلك عشان انت فعلا تعبت النهرده و كمان كنت بتقرا بصوت حلو مش عشان حاجه تانيه لحسن دماغك تروح لبعيد انت عندى زيك زي اى متطوع عادى
مازن مبتسم اوى مصطفى يبص وراه يلاقيهم واقفين يتكلموا يرجع يبص قدامه تانى و حواليه على باقى المتطوعين
مازن / تعرفى ان كل حسنه باخدها فى المكان ده بتاخدى زيها عشان انا هنا عشانك
مرام تبصله مازن يسند على الترابيزه بضهره و وشه للمتطوعين
مازن / وحشنى اكلك اوى والله مستعد اتعب كل يوم كدا بس فى الاخر تاكلينى من ايديكى الحلوه دى
مرام / على فكره بيبصوا علينا
مازن / كلهم عارفين انك مراتى و كلهم عارفين انى هنا عشان اصالحك و اقولك حاجه كمان معظمهم عاوزنا نتصالح
مرام / اشمعن فى دى معظمهم مش كلهم دخلت فى نيتهم و عرفت عاوزين ايه و مش عاوزين ايه
مازن / انا مش تلميذ يعنى
مرام تصب الميه فى الكبايات و تقلب و تاخدها و تحطها فى وسط المتطوعين
مرام / زى ما سحر بتعمل كلو معلقه سكر واحده و ادى السكريه للى حابب يزود
مرام تبص ناحيه الترابيزه تلاقى مازن بيحطلها الشيكولاتايه فى شنطتها تبص قدامها و تعمل مش مهتمه
................................
فى الشقه بتاعه مديحه
مديحه / العشا اذنت و مرام لسه مروحتش
سميحه / هى يعنى لوحدها مهى مع مدام تهانى و زمايلها
مديحه / و مازن ؟؟
سميحه تبصلها
مديحه / ايه هو مش مازن هناك يا حجه
سميحه / مهو مازن من ضمن زمايلها يا مديحه
مديحه / لا والله و هو دا ينفع برده ههههههههههههههههههههه
سميحه / تعرفى انتى معاكى حق انا هقوم اكلمها اطمن عليها
.........................
فى المخزن
مرام / انا لازم امشى بقى هتعوزوا منى حاجه
سحر / استنى يا بنتى بابا زمانه جاى يوصلك
مازن / مفيش مشكله انا هوصلها
مرام / مفيش داعى انا كلمت سليمان و زمانه فى الطريق على ما لم حاجتى يكون جه
مرام تروح تلم الحلل و القوالب فى كيس كبير جو بعض مازن يروح وراها
مازن / ممكن تعتزريله عادى على فكره
مرام / متعملش مشاكل اليوم عدى حلو كمله للاخر تمام
مازن / اليوم عدى حلو ليه تنهيه بنكد
مرام / سلام يا مازن
شريف يدخل
شريف / هو انا ممكن اوصلك
مرام / ميرسى يا شريف بس بجد كلمته خلاص و جاى
شريف / انتى لسه زعلانه منى لسه شيفانى وحش
مرام / لا و اسفه على اى كلام قولته فى لحظه انفعال سلملى على البنات
مازن / طب استنى بابا سحر يوصلك او استاذه تهانى
مرام / انت ايه مشكلتك مع سليمان
مازن / مبرتاحلوش
مصطفى يدخل شايل صينيه الكبايات يحطها فى الحوض تليفون مرام يرن
مرام / وصل عن اذنكوا
مصطفى / عنك
مصطفى يمد ايده و يشد الكيسه و يسبق مرام
مرام / سلملى على طنط و البنات كتير يا شريف
شريف / هما هيبقوا يكلموكى و كدا
مرام / ياريت وحشونى اوى عن اذنكوا
مرام تمشى و مازن واقف بيغلى مرام تركب التاكس و مصطفى يحط الحاجه ورا و سليمان يمشى و العربيه تتحرك وراها مصطفى يشوفها يدخل يجرى يشد مفاتيحه من على المكتب
تهانى / فى ايه
مصطفى ميردش و يجرى و الكل بيبص مازن و شريف و الشباب كلهم يجروا وراهم
............................
فى التاكس مع سليمان
مرام باصه من الشباك و مبتسمه اوى و سليمان مركز معاها
سليمان / شكله كان يوم حلو اوى
مرام / جدا ياريتك ما مشيت والله كنت انبسطت
سليمان / هو انتى هترجعيله
مرام تبصله باستغرب
سليمان / طليقك مازن باشا هترجعيله
مرام / لا طبعا ايه اللى خلاك تقول كدا
سليمان / امال هو هناك بيعمل ايه لو كان بيدايقك
مرام / لا اله الا الله هو حر دى جمعيه خيريه و من حق اى حد يتطوع مليش دعوه بيه بالنسبالى هو رجع غريب خلاص
سليمان / يعنى لو حاول يردك
مرام / موضوع و انتهى يا سليمان بتتكلم فيه ليه اصلا
سليمان / طب لو حد تانى اتقدملك
مرام / لا اله الا الله انت بتقول ايه يا سليمان
سليمان / قولت ايه غلط بتكلم عادى يعنى بستفهم
مرام / لا انا مبفكرش فى الجواز خالص دلوقت اهم حاجه عندى مستقبلى و لو سمحت قفل على السيره دى عشان عصبتنى
سليمان / حقك عليا
مرام تبصله يبص قدامه و يسوق
...........................
على الطريق ورا مرام
العربيه ماشيه ورا مرام مصطفى يزنق عليها تفرمل ينزل يشد اللى سايق
مصطفى / انتوا عاوزين منها ايه يا ولاد الكلب ماشيين وراها من الصبح ليه
مازن يدخل و ماجد و شريف يشدوا مصطفى بعيد
مازن / انا اللى ممشيهم
مازن يشاور للعربيه تمشى ورا مرام
مصطفى / انت بتراقبها
مازن / اسمها بحميها مش براقبها انا مضمنش حد يعاكسها او يحاول ياذيها دول شغلتهم يحموها اى حد غريب يحاول يتعامل معاها يتحروا عنه عشان اطمن عليها من غير ما تحس بيهم او يدايقوها
مصطفى / انت مجنون انت عارف كدا و لا لا مجنون رسمى
مازن / انت حر فرايك و انا حر فى الطريقه اللى بستخدمها عشان احمى مراتى
مصطفى / ما هياش مراتك
مازن / انت ايه مشكلتك معايا بالظبط
مصطفى / عشان كدا طول الوقت خايفه منك طول الوقت المسكينه بتتلفت حواليها كانها بتهرب من حاجه عشان انت خانقها
مازن / مرام لو خافت من الدنيا بتيجى تتحامى فيا انت اخر واحد يتكلم عنها اصلا انت تعرف عنها ايه
مصطفى / اعرف انك مغرور و تافه
ماجد / كفايا يا مصطفى
مازن / انا مش هرد عليك ... يلا يا شريف .. تحب اوصلك يا ماجد
ماجد / لا انا هروح مع مصطفى عاوز اتكلم معاه فى كلمتين
مازن يهز راسه و يركب عربيته و يمشى و شريف يركب عربيته و يمشى
ماجد / انت فعلا ايه مشكلتك
مصطفى / انت متعرفش حاجه
ماجد / اللى اعرفه انك متعصب اوى عشان حاجه متخصكش
مصطفى / البنت يتيمه و ملهاش اى حد قالتلى بالحرف عنده جيش محاميين و ماسك البلد فى ايده
ماجد / و انت بقى وكلت نفسك البوديجارد بتاعها
مصطفى / فين نخوتك يا ماجد
ماجد / هى طلبت منك تعمل اللى بتعمله ده هى طلبت منك تقفله يا ابنى فوق ممكن تصحى الصبح تلاقيه ردها و رضاها و هتبقى انت العزول الوحش حتى هى مش هتقف فى صفك و لعلمك الواد ده مش وحش زى مانت فاكر
مصطفى / لحق يبلفك فى يومين
ماجد / انا عمرى غلطت فى حكمى على حد عمرى
مصطفى يبص للناحيه التانيه
ماجد / بص لتانى مره النهرده انت غلطان راجع نفسك يا درش عشان انت كدا بتغلط
مصطفى ينفخ
ماجد / هتوصلنى و لا هتستندل معايا
مصطفى / هوصلك طبعا اتفضل
ماجد / الف شكر يا حبيبى والله تسلم مش عارف من غيرك كنت هروح ازاى
مصطفى يبتسم و ماجد يركب
...............................
فى شقه تهانى
مصطفى / انا مش عارف احنا مستنين ايه
تهانى / ايوه يا مصطفى بس الموضوع كدا خطير انا رايي نقولها الاول
مصطفى / هتعمل ايه يعنى اكتر من انها تخاف انا شايف اننا نسرع الكلام مع اهلى شويه
تهانى / انت بتحارب النار بالنار كدا هتولع اكتر
مصطفى / انا قدها
تهانى / والله يا مصطفى مش عارفه بصراحه اقولك ايه
مصطفى / احنا هنطلع بكره القافله روحى زورى ماما و اتكلمى معاها بتحبك و بتسمع كلامك انا متاكد انك هتقدرى تقنعيها
تهانى / و ان مقتنعتش يا مصطفى ان مقتنعتش هعمل ايه
مصطفى / مش عارف
تهانى / انت متاكد من قرارك ده متاكد انك فعلا عاوز تتجوز مرام مش هوجه كدا و خلاص و قرار خدته فى لحظه انفعال
مصطفى / انا عمرى خدت قرار فى لحظه انفعال يا خالتو
تهانى / لا محصلش
مصطفى / امال بقى
تليفون مصطفى يرن
مصطفى / دا فادى .. السلام عليكم
مصطفى يقوم يقف
مصطفى / انت بتقول ايه يابنى .. انا جاى انا جاى
تهانى / فى ايه يا مصطفى
مصطفى / بلطجيه اتهجموا على المعرض و كسروه
تهانى / يا ساتر يارب اتحرك يا مصطفى اتحرك انا جايه معاك
.................................
فى شقه مرام
سميحه / ههههههههههههههههه و بعدين
مرام / قاله هى الست المصريه كدا متربيه انها تدى لجوزها اكبر حته فى الفرخه
سميحه / ههههههههههههههه
مرام / المهم مدام تهانى جت و عملوا تصويت لاحسن واحد النهرده و هو كسب و الكل كان مبسوط منه اوى
سميحه / و انتى طبعا مصوتيلوش
مرام / بصراحه صوتله
سميحه / اممممم
مرام / تعب اوى و شال حاجات كتير اوى تقيله و هو صايم و اتبهدل و اترب و قعد يقرا قران تعرفى يا تيته بس بالله عليكى ما تدحكى عليا
سميحه / لا هدحك بس قولى
مرام / كانه واحد تانى كانى لسه بتعرف عليه من اول و جديد
سميحه / واحد احسن
مرام / نوعا ما
سميحه / طب ما ده كويس ربنا يهدى الجميع
مرام / المشكله انى بصى متدحكيش
سميحه / متقولى بقى يا بت فين المشكله
مرام / انا خايفه يعنى .. انا حاسه انى يعنى .. تيته ... كانى بحبه من اول و جديد
سميحه / و انا كمان والله بحبه من اول و جديد
مرام / اعمل ايه يا تيته اعمل ايه مروحش الجمعيه تانى ابعد و انساه ازاى محاصرنى اعمل ايه
سميجه / معرفش بس بتقولى انه واحد تانى وواحد كويس المرادى يعنى اتغير عشانك
مرام / كل اللى فى الجمعيه حبوه مش بقولك اختاروه احسن واحد النهرده كلهم بيكلمونى سحر و مها علاطول بيقولولى بيحبك بيبصلك هو نفسه طول الوقت بيقول انا هنا عشانك
سميحه / طب والله بحب الواد ده جزمه و مزعلنى بس بحبه
مرام / خلينا فيا انا دلوقت انتى موضوعك محلول
سميحه / صح خلينا فيكى انتى صح نعمل ايه بقى
مرام / امال انا بسالك ليه يعنى
سميحه / و انا اش فهمنى فى الحاجات دى يا مرام شوفتينى يعنى بحب كل يوم انا من يوم متجوزت جدك و احنا عايشين عالحلوه و المره سوا لا عمرى قولتله طلقنى و لا عمره اتكلم عنها و لو بهزار و لما مات قفلت على نفسى و عشت لا قولت يا جواز و لا اتخيلت نفسى مع راجل غيره
مرام / ما هى دى المشكله انى برده مش قادره اتخيل نفسى مع غيره
سميحه / لا احنا نبعت نجيب الماذون بقى
مرام / تيته انا بتكلم فى مشكله حقيقيه هنا انتى ليه مش قادره تفهمى انا محتاجه مساعده
سميحه / اعمل ايه مازن وحش مازن عيل واطى و ابن كلب مازن واد بتاع بنات و بيدحك عليكى بزمتك مصدقه حرف من اللى قولته
مرام تبصلها بحزن
سميحه / اقولك اديله فرصه تلت ايام ههههههههههههههههه
مرام تبص الناحيه التانيه و تحاول تكتم الدحك سميحه تاخدها فى حضنها
سميحه / ربنا يعملك اللى فيه الخير
مرام / انا هقوم انام عشان متاخرش على القافله بكره
سميحه / هيكون موجود صح
مرام / تصبحى على خير .. يا تيته
سميحه / و انتى من اهله .. يا مرام
مرام تبوس راس سميحه و تدخل تنام و سميحه قاعده بتشتغل كروشيه
سميحه / كانى بحبه من اول و جديد
سميحه تبص لفوق و هى مبتسمه و تتنهد و تكمل شغل
.............................
فى المعرض
مصطفى و تهانى يدخلوا يلاقوا البوليس بيحقق و فى اتنين عمال متعورين و فادى واقف مع واحد بيتكلموا مصطفى يجرى على اخوه و تهانى تبص على الرجاله المتعوره
مصطفى / ايه اللى حصل يا فادى
فادى / و لا اعرف فجاه عربيه نص نقل محمله رجاله نزلوا بالشوم كسروا كل حاجه و جريوا
مصطفى يبص حواليه
فادى / البوليس فرغ الكاميرات و طلعوا كام بلطجى منهم مسجلين خطر و فى منهم عليهم احكام و ان شاء الله هيجيبوهم
مصطفى / المهم يجيبوا الكلب اللى باعتهم
تهانى / ازيك يا فادى يابنى
فادى / الحمد لله يا خالتو معلش قلقتك
تهانى / بابا عرف
فادى /اه عرف و جاى فى الطريق
مصطفى / شوفتى عمل ايه
تهانى / منعرفش ان هو يابنى اعقل
فادى / مين ده
مصطفى / وربنا ما انا سايبه
مصطفى يمشى و فادى يحاول يمنعه ميعرفش يوصله
فادى / هو بيتكلم عن مين
تهانى / انا تعبت من مصطفى خلاص تعبت بجد الواد دا معدش طبيعى
فادى / ابوس ايدك لو تعرفى هو رايح لمين قوليلى اللحقه
تهانى / اكيد رايح لمازن اكيد افتكر ان هو اللى عمل فيه كدا خصوصا بعد ما شدوا النهرده
فادى يبص لتهانى
............................
فى شقه مازن
مازن خارج من الحمام بينشف شعره يبص فى الموبايل و يتخض و يتصل
مازن / خمسه ميسد مرام استر يارب فى ايه
جرس الباب يضرب مازن يروح يفتح يلاقى تهانى يستغرب
مازن / استاذه تهانى !!!! ايه المفاجاه دى خير
مازن يحط التليفون و تهانى تدخل
تهانى تبص يمين و شمال
تهانى / انا هسالك سؤال واحد و ياريت تجاوب من غير لف و لا دوران
مازن / خير
تليفون مازن يرن مرام
تهانى / انت اللى عملت كدا فى مصطفى
مازن عنيه توسع
مازن / ثوانى ... ايوه يا مرام
مرام / مبتردش ليه
مازن / كنت فى الحمام خير
مرام / مدام تهانى كلمتنى و طلبت عنوانك بس مش عارفه فى ايه بس صوتها كان متوتر اوى
مازن / هى عندى هنا دلوقت
مرام / لحقت توصل
مازن / هكلمك بعدين ممكن
مرام / اوك ماشى
مازن يقفل و يبص لتهانى
مازن / ماله مصطفى
تهانى / انت اللى بعت بلطجيه يكسروا المعرض بتاع ابوه انت اللى عملت كدا بعد ما اتخانقتوا النهرده
مازن / هو انا لو عاوز ائذى مصطفى هعمل الحركه الهبله دى انا لو عاوز ائذيه هنسفه بس ائذيه ليه اصلا و بعدين احنا اصلا متخانقناش ممكن حضرتك تقعدى افهم منك بالظبط ايه اللى حصل
تهانى / يعنى مش انت
مازن / والله العظيم ما انا
تهانى تبص الناحيه التانيه و تتنهد ياخد موبايله و يتصل بحد
مازن / هما عملوا محضر صح
تهانى / اه و حرزوا الكاميرات و صور البلطجيه واضحه فيه يعنى هيجيبوهم هيجيبوهم
مازن / حلو اوى حضرتك لو تعرفى رقم المحضر
تهانى / ليه
مازن / ايوه يا مختار بيه اسف جدا لازعاج حضرتك .... الله يخليك حبيبى والله ... اكيد فى اقرب وقت ان شاء الله ... طبعا طبعا ... لا ازاى الكلام ده ... انا هكلم شريف و ان شاء الله نظبط الموضوع ده متدايقش نفسك ... اه كان ليا خدمه صغيره عند حضرتك ليا واحد حبيبى عنده معرض ادوات كهربائيه و
...............................
قدام باب عماره مازن
مصطفى يركن العربيه و ينزل فادى ينزل من عربيه تهانى و يجرى عليه يمنعه
فادى / استنى عندك احنا مش بتوع مشاكل
مصطفى / انت بتعمل ايه هنا
فادى / انت ايه مشكلتك مع الجدع ده
مصطفى يبص لفوق و يبص لفادى
مصطفى / يبقى طليقها
فادى / البنت اللى انت معجب بيها تبقى مرام؟؟ مرام البنت بتاعه الفيديو !!!!
مصطفى يبص فى الارض و يبص لفادى و يهزر راسه و فادى مصعوق من المفاجاه خليفه يدخل
خليفه / لا مؤاخذه يا بهوات بس مازن باشا عاوزكوا فوق
مصطفى يبص لفوق يلاقى تهانى بتشاورله يطلع يجى يدخل فادى يمسكه
فادى / لينا كلام فى الحوار ده فى البيت مش عاوزين مشاكل
مصطفى يفك ايد فادى و يطلع و فادى ينفخ و يطلع وراه يلاقوا تهانى وقفه على السلم
تهانى / انت ايه اللى جابك هنا
مصطفى/ لو سمحتى يا خالتو عدينى
تهانى / لو ليك حق هتاخده بالادب
مازن يطلعلهم و هو بيبص فى التليفون و يوريهم صوره ماليه الشاشه
مازن / ده البلطجى اللى كسرلكوا المعرض
فادى ياخد منه الموبايل و يبص فيه
فادى / ايوه هو
مازن / اتفضلوا معايا جوه ثوانى و انا هثبتلكوا انى مليش اى دعوه باللى حصل اتفضلوا
تهانى تبص لمصطفى و تبرقله يبص فى الارض و يدخلوا كلهم
مازن / اتفضلوا اقعدوا ... تحبوا تشربوا حاجه
فادى و تهانى يقعدوا و فادى يشد مصطفى يقعده
تهانى / لا شكرا
مازن يبتسم و يتصل بحد فى التليفون
مازن / الو ازيك عامله ايه
.............................
