(((((((((السكة شمال ٢)))))))
#لولو_محمد
الحلقه ٢٠٣
مازن يقوم و يقلع النضاره و التيشيرت
مازن / لوكه تسابقي
ملك / يلا يا بابا يلا
مازن / هبل نفسي و ارجعلك
صافي تطلع و مازن ينزل شريف يناول صافي البشكير
صافي / انا بشبه على العصير اللى بتشربه ده يا شريف
شريف / هيسخن هتشربيه سخن يعني
صافي / معاك حق برده
شريف يحط الكبايه فاضيه و يقوم يقلع التيشيرت و ينزل الناحيه التانيه
شريف / ايه النظام يا حوده
محمود / يا عم شوفلك حل فى اخواتك يا عم
سعد / خلى عندك روح رياضيه
شريف / هنشوف الموضوع ده لما نشخلعكوا
شريف يروح يقف جنب محمود و سعد يحدف الكوره
................................
في فيلا زياد
لبني / انا قفلت الشنط مع انى مش فاهمه انت مستعجل على ايه لا نتيجه التحاليل بانت و لا حتى عارفين هنسافر امتى
زياد / هو يعني اللبس اللى فى الشنطه هيعجز معاكى اول ما استلم التحاليل هحجز طياره خاصه و نسافر علاطول لبني / طب ما كنا عملنا التحاليل دى هناك
زياد / بنجز وقت على ما يجهزوا كل حاجه
لبني / و دا امتى ان شاء الله
زياد / ممكن تعتبريها فسحه و تهدى كدا و تسيبيني انا ارتب كل حاجه
لبني / فسحه !! دا على اساس انى مش هتحبس في المركز لحد ما نخلص الفيلم ده
زياد / انتى عاوزه تقابلى اى حد بالصدفه و المساله تتكشف و الدنيا تبوظ
لبني / هو انا اعترضت انت اللي بتقول فسحه
زياد / يا قلبي استحملى بس معايا الفتره دى و اوعدك والله
زياد يبوس فى ايديها
زياد / والله هعوضك عن كل ده والله ارجوكى ارجوكى
لبني تسحب ايدها
لبني / خلاص بقي ما تافورش انا رتبت الشنط مطلوب منى اى حاجه تاني
زياد / لا يا قلبي شكرا
لبني تبتسم و تمشي و هو عمال يبص فى ورق و متحمس
.....................
فى كافيه فى لندن
نيفين و انس قاعدين بتكلموا
انس / تقدرى تقولى ان ربنا انتقملك منى
نيفين / و انت جاي تحكيلة طالب السماح و لا سكه لما عرفت انى اطلقت
انس / هتفرق فى ايه يا نيفين ان كنتى اتطلقتي و لا لا هتتجوزيني مثلا هتعرضي حياتك للموت عشان خاطرى
نيفين / اكيد لا طبعا و حتى لو سليم انس انت دمرتنى
انس / ما قولتلك ربنا عاقبني و كدا كدا هموت قوليلي اقدر اعمل ايه عشان تسامحيني
نيفين / فاكر لما صورتني و جيت تساومنى يا اديك مليون جنيه يا تفضحني فاكر لما سبتني عند الدكتور و انا مرعوبه انى اموت و مشيت فاكر يا انس و لا نسيت لو فاكر انى هنا عشان اسامحك
انس / امال وافقتي ليه انك تقابليني
نيفين / لسببين الاول انك تحل عنى و تبطل تحاول تكلمنى و التاني عشان اتشفي فيك لما قولتلى ان ربنا جابلى حقى منك
انس / اتغيرتى اوى يا نيفين
نيفين / و البركه فيك انت و الشله الزباله بتاعتك يا ريتني ما قابلتك يا ريتني ما حبيتك و لا وثقت فيك يا ريتني فضلت البنت الغلبانه اللى كنت عليها يمكن حياتى كانت اتغيرت يمكن كنت ابقي زى اى بنت فى سني
انس / انا اسف
نيفين / مش كفايا ياريته كان كفايا
انس / انا مستعد اديكي التعويض اللى يريحك انا وضعى اتحسن و شغلى ماشي كويس
نيفين / و انت عاوزنى اكل ابني فلوسك الحرام بقولك ايه يا انس فكك منى انا مش هسامحك عن اذنك
نيفين تقوم و تمشي و انس متابعها بحزن
...................
