(((((السكة شمال 2))))))
#لولو_محمد
الحلقه 179
لبنى / ايه الكلام ده ؟
زياد / طبعا عارف انى مش هخلف خلاها تحمل عشان يفرسنى
لبنى / لا مش للدرجادى يا زياد انا متاكده
زياد / انا عارف الاشكال دى كويس عارف بتفكر ازاى عارف قد ايه هو كياد و بيعرف ازاى يقلل من اللى قدامه قالى هتبص لنفسك فى المرايه و تكتشف انك ولا حاجه
لبنى / دا من حرقته منك بس عارف انه عمره ما هيبقى زيك
زياد يبص للبنى
زياد / عمره !!
لبنى / عمره ما هيبقى زيك
زياد يبص قدامه
زياد / ايوه عمره ما هيبقى زيي عمره
لبنى / انساه ارميه ورا ضهرك انا متاكده ان الموضوع مش مترتب اصلا و الا كان اعلن عن صفحته انت عارفه بينشر كل تفاصيل حياته لو عطس هيطلع يقول للفانز وحشتونى انا عطست قولولى يرحمكم الله
زياد يبصلها و يبتسم
لبنى / فكك منه مش فى طريقنا نام يا حبيبى نام تعال
زياد ينام فى حضن لبنى تغطيه و تلف بعنيها و تنفخ يبصلها تبتسم بافتعال
.........................................
في عياده النسا تاني يوم
مرام نايمه علي السرير و الدكتوره بتكشف عليها بالسونار
الدكتوره / ودا صوت النبض
الدكتوره تشغل صوت النبض مازن و مرام يبتسموا و يبصوا لبعض
مازن / في اي مشاكل
الدكتوره / لا الحمد لله كلو طبيعي احنا هنغير العلاج المرادي و ندي فيتامينات
الدكتوره تناول مرام مناديل و تسيبها و تقوم تقعد علي المكتب و مازن يساعدها تمسح و تعدل هدومها
مازن / هو ولد و لا بنت
الدكتوره / لسه بدري ممكن الزياره الجايه او اللي بعدها اقولك
مرام / هو يفرق
مازن / لا والله من باب الفضول مش اكتر
الدكتوره / انتوا معاكوا بنت صح
مرام / اه ملك
الدكتوره / ان شاء الله المرادي ولد
مرام / او بنت عادي و اهو تبقالها اخت
الدكتوره تبتسم و تدي لمازن الروجته
الدكتوره / باذن الله المره الجايه برده في نفس المعاد
مازن / ان شاء الله
مرام / شكرا
مازن و مرام يمشوا
مرام / عاوزه اطلع علي محل الشيكولاته بتاعك اجيب علبه و احنا رايحين
مازن / حاضر والله قولتلك حاضر مش كل نص ساعه تفكريني
مرام / و لما ما اتكلمش تقولي ما فكرتنيش ليه
مازن / هههههههههههههههههه اركبي اركبي
مازن يفتح لمرام الباب مرام تركب يقفل الباب و يروح يركب و يسوق
مرام / المره اللي فاتت فتحت علبه الشيكولاته و فضلنا نتكلم و نسينا نفسنا لما خلصناها حسيت اني طفسه اوي
مازن / هههههههههههههههههه الف هنا
مرام / تعرف انا بفكر في ايه دلوقت
مازن / خير
مرام / البيبي ده مش هيتعمله عقيقه زي اخته ساعتها الظروف كانت غير الظروف دلوقت انت وراك اللتزامات بالهبل و اقساط و لسه العجله ما دارتش
مازن / احنا مش قايمين نولد الصبح من هنا لوقتها تتحل و ربك بيفرجها في ثانيه
مرام / يعني تفتكر ممكن نعمله زي ما عملنا لملك
مازن / يا بنتي ما احنا بنعمل علاطول الحمد لله و اديكي عندك الخميس الجاي اهو عقيقه بيدو و حماده هندبح و ناكل برده ما احناش ساكتين يعني
مرام / ربنا يجعله في ميزان حسناتك
فجاه عربيه تيجي من الجنب تخبط عربيه مازن من ناحيه مرام باقصي سرعه عربيه مازن تتقلب
......................
في فيلا زياد
لبني بتعوم في حمام السباحه ووخداه رايح جاي توصلها رساله ما تسمعهاش و تفضل تعوم زياد يدخل تشوفه تروح ناحيته
زياد / صباح الانتعاش
لبني / ما تيجي المايه تحفه
زياد / بحبك لما يبقي مزاجك رايق كدا
زياد يقعد علي كرسي قدامها ترشه ميه يدحك
لبني / اخبار الشغل ايه
زياد / بتسالي عشان هديتك صح
لبني ترشه ميه
زياد / هههههههههههههههههه بس بقي
لبني / الجو حلو اوي النهرده
زياد / هي يسري فين ما شوفتهاش و انا داخل
لبني / تلاقيها في المطبخ
لبني تطلع زياد يلفها بالبشكير
لبني / شكرا يا قلبي
زياد / اطلعي خدي شاور و غيري و انا هخلي يسري تحط الاكل تمام
لبني / تمام يا قلبي تمام
لبني تحضنه و تاخد الموبايل و تمشي
زياد / غرقتيني هههههههههههههههههه
...................
في المستشفي
مرام نايمه في سرير و دماغها مربوطو مازن قاعد جنبها ماسك دماغه و حاطط كام لزقه في وشه شريف يدخل و هو ملهوف
شريف / مازن ايه اللي حصل
مازن يقف و ياخده بره
مازن / انا كويس انا كويس تعال
شريف /ازاي ده حصل
مازن /ما اعرفش السواق كان ضارب حاجه و لا الفرامل سابت منه قدر و لطف
شريف / يعني مش مقصوده
مازن / كان جري انما دا هو اللي طلعني انا و مرام من العربيه الراجل كان مخضوض و منهار اكتر مننا
شريف / قدر و لطف و مرام عامله ايه
مازن / كويسه طلعنا باقل الخساير الممكنه بس هيخلوها هنا تحت الملاحظه لحد ما نشوف في ايه
شريف / و البيبي
مازن / كويس برده الحمد لله كنا ربطين الحزام ما فيش حاجه حصلتله
شريف /ماما و البنات كانوا عاوزين يجوا بس انا منعتهم بصراحه مجاش في بالي انها ممكن تكون حادثه عاديه مش عارف من كتر اللي شوفته بقي عندي نظره تشاؤميه و دماغي علاطول بتروح للاسوء و لا ايه
مازن / و اللي هيعمل كدا هيعمل كدا ليه و اشمعن دلوقت يعني
ممرضه تعدي تدخل اوضه مرام مازن يدخل وراها الممرضه بتفضي حقنه في المحلول في منتهي الهدوء
مازن / هي حامل هاه
الممرضه تبصله و تبتسم و ترمي الحقنه في الزباله
الممرضه / يا استاذ مصر كلها عرفت ان المدام حامل مش كل ما نيجي نديها حاجه تفكرنا هو انا بديها من دماغي ما الدكتور اللي شاف الحاله هو اللي قايلي اديها ايه و امتي
مازن مبتسم يديها فلوس
مازن / ما علش استحمليني اهو التكرار بيعلم الشطار
الممرضه / ربنا يقومهالك بالسلامه عن اذنك
الممرضه تمشي مازن يبص علي مرام نايمه يطلع بره و يقفل الباب
........................
في فيلا لبني
زياد / والله غصب عني بس انتي عارفه ان عندي اجتماع مهم انا قايلك من امبارح
لبني / طب هتتاخر
زياد / هحاول اجي بدري تمام
لبني / تمام يا حبيبي تمام
زياد يبوس راسها و يمشي لبني تروح تقعد علي السرير و تمسك الموبايل توصلها رساله تانيه ملامحها تتغير و تقوم تقف و هي متوتره و تتصل بحد
احمد / اخيرا
لبني / انت عملت ايه
احمد / الصور شارحه نفسها
لبني / انت عملت ايه انطق عملت ايه
احمد / انا ما عملتش انتي اللي عملتي انتي اللي نسيتي ان مازن عايش في امان عشان انتي معايا نسيتي اني سايبه عشانك
لبني تعيط و تصرخ
لبني / حرام عليك
احمد / لو كنتي رديتي علي الرساله الاولانيه كنت وقفت و ما كملتش
لبني / ما شوفتهاش والله ما شوفتها
احمد / تاخيرك كلف مازن البيبي الجديد بتاعه
لبني تقعد في الارض و تعيط
احمد / لو كنتي اتاخرتي كنت خدت منه مرام و لو كنتي اتاخرتي اكتر كنت خدت ملك و بعد كدا فلوسه و بعد كدا حياته
لبني / انت بتعمل فيا كدا ليه
احمد / انا سكت كتير سبتك تدلعي زي ما انتي عايزه
لبني / انا اسفه خلاص مش هعمل كدا تاني
احمد / زياد خرج مستنيكي
لبني / مسافه السكه و اكون عندك
احمد / اللبسي حاجه حلوه تمام ؟
لبني / حاضر
لبني مش قادره تتنفس من العياط
احمد / سلام
احمد يقفل السكه لبني تقع في الارض منهاره
لبني / حرام عليك حرام عليك ااااااااه
................
في المستشفي
الممرضه تدخل و مازن يدخل وراها تلاقي مرام غرقانه دم تضرب جرس و مازن يشوف المنظر يتصدم اتنين ممرضات يدخلوا بسرعه و دكتوره تدخل
مازن / هي مالها... مرام.. مرام
الدكتوره و الممرضات ياخدوا مرام بالسرير بره مازن يصرخ فيهم
مازن / هي مالها حد يرد عليا مالها
ممرضه / شكلها سقطت هنعرف دلوقت ادعيلها
مازن يتصدم و عينه علي مرام شريف يدخل مازن يسيبه و يجري وراها يركب معاهم الاسانسير قبل ما يقفل
مازن / هي كويسه صح ردي عليا هي كويسه انتوا قولتولي انها كويسه ايه اللي حصل
الدكتوره / انا ما اعرفش ايه اللي حصل هي هنا تحت الملاحظه لان كان وارد جدا دا يحصل من الاول هندخلها العمليات و نشوف الوضع بس ما افتكرش مع النزيف دا كلو البيبي لسه عنده امل
الاسانسير يتفتح و ياخدوا مرام يجروا بيها مازن يمسك ايد الدكتوره
مازن / المهم هي
الدكتوره تهز راسها و تمشي وراهم و مازن واقف مصدوم
مازن / يارب يارب يارب يارب يارب
......................
في شقه مازن القديمه
احمد يفتح الباب بابتسامه نصر علي وشه يلاقي لبني واقفه علي الباب بتعيط يوسعلها تدخل علي الاوضه علاطول
احمد / صحيح الادب فضلوه علي العلم
احمد يدخل وراها يلاقيها قاعده علي السرير بتعيط
احمد / هتباتي هنا النهرده
لبني / حاضر
احمد / ايه مش خايفه من زياد
لبني / يعمل اللي يعمله ما عدتش تفرق
احمد يروح يقعد جنبها و يمسح دموعها و هي منهاره من العياط
لبني / ليه عملت كدا
احمد / هو كويس و مرام كويسه و شهرين تلاته و تجيب عيل غيره و هو يجيب عربيه غيرها مش حاجه ما تتعوضش يعني
لبني / و خضته عليهم و زعله علي ابنه
احمد / و انتي كنتي عرفتي خلاص انه ولد يعني ؟
لبني تبصله بحرقه
احمد / اه لو يعرف انتي بتعملي ايه عشانه
لبني / اوعدني مش هتعمل كدا تاني اوعدني مش هتاذيه
احمد / ما كنتش ناوي اصلا
لبني / انا معاك اهو و لو عاوزني اطلق من زياد هطلق لو عاوز تولع فيا حتي بس ارجوك ابوس رجلك ما تعمل كدا تاني
احمد يمسح دموعها و ياخدها في حضنه تعيط اكتر يطبطب عليها
احمد / اهدي خلاص مش هعمل كدا تاني طول ما انتي كويسه معايا انا كمان هبقي جدع معاكي
لبني تخرج من حضنه و تبصله
احمد / قومي اغسلي وشك ما بحبش اشوف دموعك دي يلا قومي فرفشي كدا و تعالي
لبني تهز راسها و تقوم تروح الحمام و احمد يفرد ضهره علي السرير و يحط رجل علي رجل و ايديه تحت دماغه و عينه عليها و مبتسم
.......................
في المستشفي
مرام في السرير و الكل حواليها
صافي / و لا يهمك بكره ربنا يرزقك بالاحسن منه
فاطمه / المهم سلامتكوا و الحمد لله علي كل حال
مازن / والله الواحد مش زعلان قد ما هي الخضه بس
شريف / قدر و لطف و علي راي الدكتوره الحمد لله انه حصل في المستشفي و لحقوها لو كان حصل في الحادثه كان ممكن تخسرهم هما الاتنين
مازن يمسك ايد مرام تبصله بتعب
مازن / بعد الشر عنك يا قلبي ... بقولك يا شريف كلم مصطفى و خليه يزود تلت اربع عجول كبار كمان سلامه مرام
شريف / تمام
صافي تقوم تقعد جنب مرام مازن يوسع من جنبها
صافي / ما تزعليش لعله خير
مرام / كنت يا دوب بدات اتعود عليه
صافي / فاكره قصه سيدنا الخضر لما قتل الصبي و قال فكان أبواه مؤمنين فخشينا أن يرهقهما طغيانا وكفرا فأردنا أن يبدلهما ربهما خيرا منه زكاة وأقرب رحما
مرام / والله يا صافي لسه قبل ما تدخلوا كنت بقول لمازن كدا الحمد لله علي كل حال
مازن / سلامتها بالدنيا و الحمد لله علي نعمه ملك مش ناقصنا عيال يعني عشان نزعل
شريف / طب مش يلا يا جماعه نسيبهم يرتاحوا
مرام / وجودكم مش تاعبني
شريف / هعدي اخدكوا الصبح
مازن / هحتاج عربيه
شريف / تمام ما تقلقش هكلمهم يبعتوا واحده
فاطمه / هي العربيه باظت اوي كدا
شريف / لا بس انتي عارفه مازن يا ماما ما بيصلحش هصلحها انا و هخليها للشغل و لا اشوفلها بيعه و اجيبله واحده جديده
فاطمه تقوم تبوس راس مرام
فاطمه / الحمد لله علي سلامتك
مرام تبتسم و تمسك ايدها فاطمه تبتسم و تمشي
صافي / هتيجي بكره علينا هرتبلك اوضه شريف لحد ما تبقي كويسه
مرام / ما لوش لزوم يا صافي
فاطمه / انسي مش هنسيبك لوحدك احنا يا هتيجي وسطينا يا هنلم عزالنا و نيجي كلنا نعسكر عندك بربطه المعلم
شريف / لا تلموا عزال مين انا ما فيش حيل للشيل و الحط هتيجي هجيبهالكوا بنفسي الصبح يلا بينا بقي
الكل يمشي
مازن / في حياتي ما قابلت ناس زيهم
مرام / و لا انا احلي حاجه في حياتنا ربنا يديمهم علينا نعمه
مازن / امين
مازن يقوم يبوس راسها
مازن / محتاجه حاجه يا حوبي
مرام / شكرا يا قلبي ارتاح
مازن يقعد جنبها و يبتسم
........................
في شقه مازن القديمه
لبني نايمه جنب احمد و كل واحد باصص للكومدينو اللي جنبه و مدي للتاني ضهره المنبه في الموبايل جنب احمد يرن يطفيه و يلف ياخد لبني في حضنه و يبعد شعرها عن وشها و يبوسها من خدها
احمد / لولا لولا اصحي
لبني / ايه ؟
احمد / قومي عشان تروحي قبل ما زياد يصحي
لبني تفتح عينها بضعف
احمد / زياد جه امبارح ملاقاكيش يسري قالتله انك خرجتي و عملتله قهوه نيمته قدامك ساعتين علي ما يفوق تلحقي تروحي و تنامي في سريرك
لبني / انت وعدتني صح
احمد / و انا راجل بيحترم كلمته طول ما انتي مؤدبه انا كمان هبقي طيب و لذيذ و مش هعمل اي مشاكل
لبني تبصله و تلف نفسها و تقوم تروح الحمام و هو نايم مبتسم و متابعها
.........................
في فيلا زياد
زياد يصحي يلاقي نفسه نايم في الجنينه و مستغطي يشيل الغطا و يبص في الساعه و يدخل جوه يلاقي يسري بتحضر السفره
يسري / صباح الخير يا زياد بيه
زياد / هو انا نمت في الجنينه
يسري / ايوه يا زياد بيه حتي انا و ست لبني طلعت روحنا عشان نصحي حضرتك و بعدين طلعت جابت غطا من فوق و غطتك و طلعت نامت
لبني تنزل من فوق
يسري / اهي ست لبني نزلت اهي
لبني / نموسيتك كحلي
زياد / مالك عنيكي حمره كدا ليه
لبني / اعمل ايه سهرانه طول الليل كل شويه انزل ابص عليك و اتاكد انك متغطي كان فاضل اجيب غطا و انام جنبك كان مالك امبارح دي مش اول مره تنام في مكانك التعب ده غلط على صحتك ما حدش هينفعك
زياد / اعمل ايه بس هانت اخلص بس الكام مشروع اللي في ايدي و اخد اجازه و اخدك و نتفسح و ننسي كل ده
لبني تبتسم بصعوبه
لبني / وراك ايه النهرده
زياد / عندي اجتماع تاني بالليل بس اكيد هروح الشركه الاول اشوف الشغل ماشي ازاي ما انتي عارفه النظام لازم ديدبان علي راسهم بس قبل كل ده هفطر مع روح قلبي الاول طبعا
لبني / تمام يا حبيبي تعال نفطر
زياد ياخدها و يروحوا يفطروا هي باصه للاكل و مش بتاكل
زياد / هو الاكل مش عاجبك و لا ايه
لبني / لا حلو و كل حاجه بس ما ليش نفس
زياد / انتي عرفتي ان مازن عمل حادثه بالعربيه و مرام سقطت
لبني / شوفت اللايف علي صفحته قولتلك كل ما يعطس يطلع يقول للناس ادعولي
زياد / بصراحه فرحت فيه اهو هههههههههههههههههه
لبني تبصله بحزن مش قادره تداريه
زياد /مالك و الله ما ليا دخل باللي حصل
لبني / انا تعبانه و مطبقه هطلع ارتاح شويه عن اذنك
لبني تسيب الاكل و تطلع و زياد متابعها و مش فاهم حاجه
...............................
فى شقه فاطمه
صافى و مازن يسندوا مرام تنام فى السرير فى اوضه شريف و ملك تطلع على السرير مرام تاخدها فى حضنها
مازن / انا هعدى عليكي بالليل تمام
مرام / عندك شغل و لا ايه
مازن /للاسف
مازن يوطى على راسها يبوسها و يمشى مع شريف صافى و البنات يتلموا حواليها
شيماء / شوفتى الصور اللى اتصورتها انا و ملوكه
جرس الباب يضرب
تقى / هفتح انا
تقى تروح تفتح تلاقى مديحه و مروه
تقى / اتفضلوا مرام جوه
الكل يدخل
مرام / عمتى ازيك
مديحه / و لا عمتك و لا نيله انا اعرف باللى حصل من النت ينفع كدا يا مرام
مرام / احنا كنا فى ايه و لا فى ايه يا عمتى و الحمد لله جت سليمه
فاطمه / تشربى ايه يا ست مديحه
رؤى / انا عامله كيكه ثوانى هعمل شاى و اجيبلكوا
مروه / هاجى اساعدك
رؤى / تعالى
مروه و رؤى يروحوا المطبخ
مديحه / عامله ايه يا حبيبتى
مرام / الحمد لله يا عمتى عدت على خير
مديحه / الحمد لله يا حبيبتى والله من ساعه ما عرفت و انا مش على بعضى
فاطمه / كلو بركه دعاكى يا توحه ربنا نجاها هى و جوزها
مديحه / و الله علاطول بدعيلهم يا اختى هو انا عندى غيرها هى و محمود ادعيلهم
مرام / ربنا ما يحرمنى منك يا عمتى
مديحه تبتسم و تطبطب على مرام
..............................
فى فيلا لبنى
لبنى نايمه على السرير حاضنه المخده و بتعيط تليفونها يرن لبنى تتنهد و تمسح دموعها و ترد
لبنى / نعم
احمد / لسه بتعيطي ؟
لبنى / عاوز ايه يا احمد
احمد / هو ايه اللى عاوز ايه الحق عليا انى بتصل اطمن عليكي يعنى
لبنى / انا كويسه الحمد لله اؤمر
احمد / يوووووه بقى تمام اخبار زيزو حبيب القلب ايه حس بحاجه
لبنى / لا
احمد / طب حلو اوى بصى بقى يا قلبى انا مش هتقل عليكي انا كل اللى هطلبه منك صوره من الورق اللى فى الخزنه
لبنى / حاولت يا اخى حاولت و ما عرفتش انت ايه اعمل ايه اكتر من كدا عشان تصدق انى مش عارفه
احمد / يا ستى بس اسمعينى
لبنى / قول يا احمد اتفضل
احمد / الشركه هتيجى تغير الباسورد اول الاسبوع صح
لبنى / ايوه
احمد / حلو اوى انا عاوزك تحاولى بس تعرفى الباس الجديد و انا عليا الباقى ما تشغليش انتى بالك
لبنى / ازاى يعنى
احمد / يا ستى ما لكيش دعوه انتى اعملى اللى بقولك عليه و ما لكيش دعوه
لبنى / ماشى حاضر
احمد / تمام يا حوبى اسيبك بقى ترتاحى
لبنى / سلام
احمد يقفل
لبنى / من يضحك اخيرا يضحك كثيرا يا احمد بيه ان ما كنتش اردلك القلم عشره ما بقاش انا لبنى
...............................
فى شقه مازن تانى يوم
مازن يفتح الباب و يدخل مسند مرام و مديحه داخله وراها شايله ملك نايمه على ايدها
مازن / نورتى بيتك يا ست البنات
مديحه / انا هدخل ملك تنام فى اوضتها و تعملى حسابك انك هتقعدى ترتاحى فى اوضتك و اى حاجه هتحتاجيها انا هعملهالك
مرام / تسلميلى يا عمتى
مديحه تدخل اوضه ملك و مازن يسند مرام لاوضتها
مرام / انا مش تعبانه اوى للدرجادى و لو فضلتوا تعاملونى بالطريقه دى هعيا و ارقد بجد
مازن / هههههههههههههههههه ياريت بس ما تنسىش تاخدى الدوا بتاعك تمام
مرام / طبعا طبعا
جرس الباب يضرب
مازن / هقوم اشوف مين
مازن يروح يفتح الباب و يقابل مديحه فى الصاله يبتسملها تسيبه يفتح يلاقي زياد شايل ورد و مبتسم
زياد / ايه يا عم الواحد يحدد معاد بعد كدا عشان يطمن عليك ايه اللفه دى
مازن / اؤمر
زياد / على الباب كدا مش هتخلينى ادخل
مديحه تشوفه تروح تقفله
مديحه / عاوز ايه يا وش الغراب انت
زياد / عيب كدا يا طنط انا برضه ضيف
مديحه / قال ضيف قال
مازن / بعد اذنك يا عمتوا ممكن تدخلى تقعدى مع مرام تديها الدوا بعد اذنك
مديحه تبصله و تبص لزياد من فوق لتحت و تدخل
مازن / تانى مره .. اؤمر
زياد / فى ايه يا مازن شوفت اللايف بتاعك و عرفت انك عملت حادثه جيت اطمن عليك دى مش عشره يوم يا اخى و لعلمك اقسم بالله ما ليا دخل باللى حصل انا راجل اعمال دلوقت و مركز جدا فى شغلى و مش فاضى للعب العيال بتاع زمان ده
مازن / كويس ربنا يوفقك
زياد / شكرا ايه هتسبنى على الباب كدا
مازن / والله مش عارف انا راجع تعبان و محتاج انام كانك جيت و زياده
زياد يبص فى الارض و يهز راسه
زياد / على العموم انا عملت الواجب اتفضل الورد
مازن ياخد الورد زياد يحيه و يمشى مازن يرمي الورد فى جردل الزباله على السلم و يدخل يقفل الباب وراه و يدخل لمرام الاوضه بتبصله باهتمام
................................
