((((((السكة شمال 2))))))))
#لولو_محمد
الحلقه 137
صافى / سديهات ايه هو ماله قلب مرتضى منصور كدا ليه
شريف يفكر و يكتب
شريف / هسيبك عشان مش فاضيلك
صافى / لا وحشه اوى ايه ده
شريف / كتبتها خلاص و بعدين احنا فى ورانا حاجات اهم نعملها
صافى / حاجات ايه
شريف / عاوز اطمن على الفراشه لسه موجوده و لا طارت
صافى / هههههههههههههههههههههه مكانها ما تخافش
شريف / اتاكد بنفسى
صافى / انت مش واثق فيا و لا ايه
شريف / انا فى الحاجات دى ما اعرفش ابويا وسعى
صافى / ههههههههههههههههههههههههه
.................................
فى شقه مازن
مازن قاعد فى الصاله شغال على اللاب مرام تطلع من الاوضه
مرام / حبيبى انت لسه صاحى
مازن يبصلها و يبتسم و يفتحلها ايديه تروح تقعد على حجره و ياخدها فى حضنه
مازن / صباح العسل
مرام / ينفع يعنى تسهر كل يوم للصبح كدا ينفع يعنى
مازن / ما انا بنام الضهر ما انتى عارفه
مرام / اه بس يعنى الجو ده بيبقى محتاج حاجه تدفى و لا انت مرتاح فى الصاله لو مرتاح هنا قولى
مازن /هههههههههههههههه انتى لئيمه يا بت استنى هوريكى حاجه
مازن يفتح الموبايل و يورى لمرام البوست
مرام / ههههههههههههههه الجزمه صورتهالنا امتى دى
مازن / حلوه صح
مرام / بصراحه اه حلوه احم تحب تفطر ايه .. غيرى طبعا
مازن / هههههههههههههههه ايه الرخامه دى
مرام / بص انا واقعه من الجوع و بفكر افقش بيضتين فى حته سمنه بلدى كدا مع حته بسطرمه و قرن فلفل بقى و رغيف عيش
مازن / خلاص ياما ارحمينى ريقى جرى
مرام / تمام هقوم احضرلك تفطر
مرام تبوسه من خده و تقوم و هو عينه معاها لحد ما تدخل المطبخ يقوم يدخل وراها يسند على الباب و يبص عليها تبصله و تبتسم و تكمل تحضير الاكل
مرام / ايه ما قدرتش تبعد عنى و لا ايه
مازن / عمرى
مرام / هههههههههههههه اعملك قهوه مع الفطار
مازن / ماشى
مرام / بلبن و لا عاديه
مازن / بلبن
مرام / حاضر .. صليت الفجر
مازن / اه صليته
مرام / ما صحتنيش ليه
مازن / دخلت لقيتك بتشخرى قولت اسيبك تكملى نوم
مرام / هعتبر انى ما سمعتش الجمله دى و دا لمصلحتك على فكره
مازن / ههههههههههههههههههه و انا ما قولتهاش اصلا
مرام / ههههههههههههههههههه تعجبنى فيك كدا شجاعتك و ثقتك بنفسك
مازن / الله يرحمه خالو كان دايما يقول ايه
مرام / ما فيش راجل عاقل ما بيخافش من مراته
مازن / بالظبط
مرام / الله يرحمه كان راجل عسل
مازن / الله يرحمه كان ذكى زياده عن اللزوم
مرام / اشمعن
مازن / هرشنى من اول ما شافك فاكره
مرام / قصدك لما عرض عليا اساعدك فى المزاكره
مازن / كان عاوز يقربنا من بعض كان عارف ان عينى منك او كان حاسس مش متاكد
مرام / يوميها عرض عليا يحققلى اى حلم اتمناه
مازن / و رفضتى .. ليه
مرام / مش عارف يعنى
مازن / حارسه القلعه صح
مرام / ههههههههههههههههههه يعنى حاجه زى كدا
مرام تفتح فريزر التلاجه و تطلع عيش و تسخنه
مرام / رغيف و لا اتنين
مازن / واحد
مرام تطلع عيش
مازن / ما قولتيش رفضتى ليه
مرام / اذا اردت شيئا بقوه فاطلق سراحه و سبحان الله كل الاحلام اللى جريت وراها طلع فى الاخر ما ليش نصيب فيها بس الحلم الوحيد اللى كنت بهرب منه و خايفه يتحقق انا عايشه فيه دلوقت
مازن / و طلع ايه
مرام / جنه
مازن يبتسم
مرام / احلى فطار لاحلى و احن زوج و حبيب فى الدنيا تحب تاكل فين
مرام تبص لمازن و تبتسم
..........................
فى الفيلا عند زياد
لبنى فى الحمام بتنشف شعرها تبص على سبت غسيل محطوط فى ركن طالع منه حته من بنطلون زياد تروح تفتح السبت عشان تدخلها تلاقى البنطلون متعاص احمر تمسكه و تقلب فيه و تفكر و تفهم و تتنهد بغضب و تاخد البنطلون و تطلع بره تصحى زياد
لبنى / اصحى اصحى
زياد / ايه ايه فى ايه
لبنى / ايه ده بقى اللى على بنطلونك
زياد / يا لبنى حرام عليكى فى حد يصحى حد كدا
لبنى / قولى ايه ده اللى على بنطلونك
زياد / بويه ايه عمرك ما شوفتى بويه قبل كدا
لبنى / جتلك منين بقى البويه دى ان شاء الله
زياد / اوووووف هو تحقيق و لا ايه
لبنى / اوعى تفتكر انى نسيت انت عملت ايه فى روسيا تمام و اوعى تفتكر انى ما اقدرش اسيبك
زياد يقوم يقعد
زياد / انتى بتهددينى
لبنى / انا ما عنديش استعداد انى اعيش دور العبيطه فى حياتك لا فوق
زياد / انتى بتصحى الصبح تقولى يا خناق انتى ايه مشكلتك شويه بويه وقعوا على البنطلون هتعملى عليهم فيلم محسسانى انه بنطلونى الوحيد و لا انك هيطلع عينك فى غسيله تصدقى انا الغلطان انى قلعته و حطيته فى سبت الغسيل انا كنت رميته فى الزباله احسن
لبنى / ما تغيرش الموضوع ايه اللى وسخ بنطلونك البويه دى جتلك منين
زياد / حبيت اسيب لمازن رساله
لبنى / بوظتله اوضه فى شقته صح
زياد / ما عادتش شقته
لبنى / امال بوظتها ليه
زياد / مزاجى كدا
لبنى / انت بتعمل كدا ليه افرض رجعتله افرض عرف افرض اونكل ابراهيم راح هناك لاى سبب
زياد / قولتلك ما حدش شافنى هناك فكك بقى و بطلى نكد
لبنى / انت الغل اللى جواك ده ايه نهايته انت بتعمل كدا ليه ارتحت يعنى لما وسختله المكان اللى كان بيرتاح فيه
زياد /لو كان المكان ده غالى عليه ما كانش رماه و را ضهره و مشى
لبنى / النار اللى جواك دى هتحرقك
زياد / النار دى بتحركنى
لبنى / انت مريض و محتاج تتعالج
زياد / اعتبريها زى ما تعتبريها و اه يا لبنى حوار انك تسبينى ده لو اتكرر تانى
لبنى / هتعمل ايه
زياد / هوريكى وشى التانى
لبنى / و هو انت عندك وش تانى اسوء من ده يا زياد
زياد يبصلها و يبتسم و يبص فى الارض و يرجع يبصلها
زياد / تمام يا لبنى تحبى تشوفيه جربى
زياد يبص للبنى تخاف و تبلع ريقها و تدخل الحمام تانى و تقفل الباب وراها يزعق و يسمعها
صوت زياد / انا اصلا اللى دلعتك زياده عن اللزوم واحده غيرك كانت باست ايدى وش و ضهر على الامله اللى هى عايشه فيها ناقصك ايه عايشه فى اكبر قصر و راكبه اغلى عربيه و بتلبسى اغلى لبس و اغلى مجوهرات و بتصرفى كانك متجوزه الوليد ابن طلال ناقصك ايه عشان تحمدى ربنا ناقصك ايه
لبنى / ناقصنى اعيش
لبنى تروح للحوض و تفضل تغسل وشها بميه كتير و تبص لنفسها فى المرايه و تبص على الباب بنظره ثقه
............................
فى الاستوديو
مازن بيكلم بنت
مازن / انا عاوز الصور دى تخلص بسرعه مش عاوزين شغل يتكوم علينا
البنت تهز راسها و تمشى و شاب يدخل شايل لاب
الشاب / الموفى جاهز
مازن / ورينى
مازن يقعد على مكتب و الشاب يفتح اللاب و يشغل فيديو فيه صور لعمر و شيماء بشكل احترافى
مازن / حلو اوى عملتله ريندر
الشاب / اه حصل و حطيتهولك على الفلاشه دى
مازن / تمام ابعت نسخه بقى للقاعه عشان تبقى تعرضه وقت البوفيه
الشاب / اعتبره حصل
تليفون مازن يرن يطلعه و يرد
مازن / ابو العروسه
شريف / ههههههههههههههههه من بقك لباب السما بقولك هو مين هيجيب مرام البيت انت و لا محمود
مازن / لا محمود هيبعتها هى و مروه ليه
شريف / بسال بس
مازن / مالك فى حاجه و لا ايه
شريف / لا ما فيش فى شويه طلبات ناقصه و هخليه يعدى يجيبها و هو جاى
مازن / قشطه
شريف / اخبار السيديهات ايه
مازن / فى الدرج لو تحب اطلعها قول
شريف / لا و على ايه خليها مدفيه
مازن / هههههههههههههههههه قولت كدا برضه
شريف / هسيبك تشوف شغلك و اروح اخلص اللى ورايا
مازن / تمام يلا طريقك اخضر
مازن يقفل بنت تانيه تدخل
البنت / البنرات بتاعه القاعه خلصت فى المطبعه و كلمونا عاوزين حد يروح يجيبها يوديها القاعه قولتله يبعتها مع مندوب ما رضيش
مازن / يبقى ليه باقى حساب تمام ما فيش مشكله هروح انا فى حاجه تانى
البنت تهز راسها لا مازن يبتسم و يقوم يمشى
............................
فى دبى
ابراهيم / اهلا اهلا بست البنات عامله ايه
لبنى / الحمد لله يا اونكل اخبار حضرتك ايه
ابراهيم / اكيد مبسوط انى شوفتك بس ايه المفاجاه الحلوه دى
لبنى / لما عرفت ان مونى هنا استاذنت من زياد و جيت
ابراهيم / احلى حاجه عملتيها اطلعيلها فوق الواد مازن مجننها ما نامش من امبارح انا مش عارف الواد ده طالع شقى لمين
لبنى / لخاله طبعا يا اونكل هيكون لمين يعنى
ابراهيم / هههههههههههههههههههههه
لبنى / هو حضرتك خارج
ابراهيم / لا هههههههههههههه من ساعه ما مازن الصغير شرف هنا و انا معسكر فى البيت جنبه بنزل فى الطوارئ بس والله بفكر اتقاعد خالص
لبنى / والله هى فكره حلوه اوى بس حضرتك هتسيب فراغ كبير اوى صعب تلاقى حد يملاه
ابراهيم / هههههههههههههههههه طول عمرك لسانك حلو
لبنى / لا يا اونكل انا مش بجامل حضرتك دى فعلا حقيقه يعنى اقصد للاسف ما افتكرش ان فى من الموظفين اللى فى الشركه حد امين و شاطر تقدر تاتمنه على كل ده و زى ما حضرتك عارف المال السايب يعلم السرقه
ابراهيم / دوستى على الجرح يا لبنى والله دوستى جامد الواحد كان عنده امل كبير ان مازن ... خلاص بقى ما بقاش يفيد الكلام ده
لبنى / مازن مش لوحده مازن معاه شريف و حضرتك عارف كويس ان شريف هو انسب واحد للموضوع ده صفوت بيه الله يرحمه كان ممسكه كل شغله
ابراهيم / عرضت عليه و رفض مصمم يخليه جنب مازن عشان يسنده
لبنى / انا اسفه لو كنت بتعدى حدودى بس قريب اوى مازن هيثبت لحضرتك انه مش محتاج حد يسنده حضرتك متابع الصفحه بتاعته و بتاعه الاستوديو دا بيقولوا عنده شغل لسنه كامله قدام مع انه الاسبوع اللى فات ضاعف اسعاره و فى ناس بتقول ان حجوزات السنه الجايه هتزيد جدا و انه يعتبر اغلى فوتوجرافر فى مصر و برده الطلب عليه عالى جدا
فريده تدخل
فريده / و يا ترى يا لبنى انتى عارفه ليه
لبنى تبص الناحيه التانيه
فريده / عشان مازن بيه هو الفقره اللى كل المعازيم جايين يتفرجوا عليها الملياردير اللى بقى شغال عندهم و بدل ما كانوا بياخدوا مواعيد بوسايط عشان يقابلوه بقى بيشتغل عندهم
لبنى / دى وجهات نظر بس انا متاكده ان مازن موهوب جدا و ان شهرته سببها نجاحه
فريده / نجاحه فى ايه دا عرنا كلنا انا بقيت مكسوفه اكلم حد من اصحابى اللى فى مصر بسبب عمايله فى الافراح
ابراهيم / ليه هو بيعمل ايه
فريده / مش وقته نبقى نتكلم بعدين انا كنت جايه اقولك العشا جاهز نورتى بيتك يا لبنى
فريده تبص للبنى و لبنى تبصلها
................................
فى الفرح
الكل بيرقص و فرحان و مازن عمال يصور شريف شايل ملك و رافعها لفوق لابسه فستان زي البنات و شريف عمال يرقصها و الكل حواليها بيسقفولها و يلاعبوها فاطمه تروح ناحيه ام مروه
فاطمه / نورتيني نورتيني
الست / دا نورك يا حبيبتي الف مبروك الف مليون مبروك عقبال رؤي و تقى ان شاء الله
فاطمه / تعيشي يا حبيبتي عقبال مروه يارب
الست / لا مروه لسه بدرى عليها انتى عارفه الدراسه و كدا
فاطمه / يا ستى هيفوتوا هوا يادوب على ما تخلصي جهازها
الست / دا انا جيبالها كل حاجه من الابره للصاروخ ما خلتش
فاطمه / تعيشي و تجيبي يا حبيبتي عقبال اخواتها يارب
الست / تسلمي يا حبيبتي
شريف يدخل يدى لفاطمه ملك
شريف / خليها معاكى شويه و راجع
فاطمه تشيل ملك و شريف يجري يرقص معاهم دبكه
الست / عقبال ما تشيلى عياله
فاطمه / من بقك لباب السما
الست / هو ما فيش حاجه تفرحنا و لا ايه
فاطمه / اكتر من كدا يبقي بتر و لا ايه
الست / هههههههههههههههههه يا اختى اقصد حاجه جايه في السكه هما متجوزين بقالهم قد ايه
فاطمه / يا دوبك اول امبارح كنا بنرقص في فرحهم والله ما في اسرع من الايام
الست / والله معاكى حق فى دى عشان كدا ما ينفعش الواحد يسهى لى نفسه صافى كمان مش صغيره يعني و كل ما بتكبر
فاطمه / انتى بتقولى ايه يا حجه اللى يسمعك يقول البت ماشيه فى الاربعين دى حياله سته و عشرين سنه دا اللى قدها لا اتجوزوا و لا خلفوا
الست / انا بقول بس تاخدى بالك لحسن بنات اليومين دول بتوع تنظيم الاسره و العيل بيجي بعد خمس سنين جواز و اعيش يومين الاول و الكلام ده
فاطمه / حياتهم و يعيشوها زى ما هم عاوزين عن اذنك اسلم على باقي الناس
فاطمه تمشي و هى شايله ملك و بتكلمها
فاطمه / الله يعينك يا ملك الواحد ضغطه على من مجرد سلام امال انتى تعملى ايه و انتى عايشه وسطيهم الله يرحمك يا حجه سميحه شوفتى كتير والله
........................
فى فيلا زياد
زياد / هى بقت كدا يعني
لبنى / ايه كنت عاوزنى استني عندك لحد امتى لحد ما تضربنى زى ما عملت قبل كدا يوم ما قتلتوا الحجه سميحه و لا تدفنى عايشه زى احمد
زياد / اللهم طولك يا روح انتى بتقولى ايه انتى عماله تقلبي الدنيا على بعضيها فى ايه يا لبني
لبني / فى ان امى اللى كنت بتحامى فيها لما بتقلب عليا ماتت و ما عدش قدامى مكان تانى استخبي فيه غير هنا
زياد / تستخبى من مين يا هبله من جوزك من حبيبك
لبني / ما كنتش حبيبي الفجر و لا نسيت
زياد / اعقلى يا لبني و بطلى جنانه ده و روحى بيتك انا مستنيكي
لبني / مش هقدر
زياد / ما تخلينيش اجى اجيبك
لبني / برده بتهددنى
زياد / لا اله الا الله هو انا كدا بهددك
لبني / انا مش هرجع الا لما اطمن انك مش هتاذيني
زياد / اوعدك
لبني / فى موضوع كنت عاوزه اكلمك فيه
زياد / لما تنزلى نتكلم
لبني / لا هنا دلوقت
زياد / فى التليفون
لبنى / اه هتسمعنى و لا لا
زياد / قولى
لبني / مامتك
زياد / مالها
لبني / لسه زعلانه منى من بعد ما اونكل ابراهيم ضربها لما عايرتني بمامتى
زياد / كنا خلصنا من الموضوع ده
لبني / لا النهرده كانت بتقوم اونكل ابراهيم عليا سمعتها بتتكلم ان احسن طريقه ان الشركه تكبر و تقوى انك تتجوز واحده من بنات اونكل سميح
زياد / انتى بتقولى ايه ما فيش الكلام ده
لبني / بتقول ان مازن بقي بره اللعبه و كدا كدا اونكل سميح مش هيوافق عليه لانه بقي شحات فعوزاه يكتبلك كام حاجه عشان تزغلل بيهم عين اونكل سميح و يجوزك واحده من بناته
زياد / بس ماما ما اتكلمتش معايا في الموضوع ده خالص
لبنى / ما كانتش واخده بالها انى بسمعهم اوعى تفاتحها في الموضوع لحسن تعرف انى كنت بتسنط عليهم
زياد / ما يمكن بتقول كدا عشان تخليه يكتبلى الفلوس
لبني / مامتك ما عادتش شيفانى مناسبه ليك بقيت بالنسبالها ما افرقش حاجه عن مرام
زياد / لا طبعا فرق السما عن الارض
لبنى / بكره تشوف انت ما سمعتش قالت ايه عنى بكره تلاقيها بتوقع بينا
زياد / تمام شكرا على التحذير بس اوعدك انه مش هيغير من حبي ليكي فى شئ لو سمحتى اركبى بقي اول طياره و تعالى
لبني / حاضر
زياد / احلى حاضر دى و لا ايه اما لو تبقي كدا علاطول دا انا اديكي عنيا
لبني / هتشوف اوعدك انك هتشوف لبني جديده تليق بيك
زياد / حبيبي انت يلا هستناكى جهزى حاجتك
لبني / ماشي يا حبيبي سلام
زياد يقفل السكه و يطلع فوق
........................
فى شقه عمر
مازن عمال يصور عمر و شيماء فى كل ركن فى الشقه و فاطمه و شريف واقفين
شريف / ما خلاص يا جدعان الفجر هياذن و انتوا لسه بتتصوروا
مازن / بيتهيالى ما عدش فاضل غير انى اصوركوا في الحمام
عمر / عاجبك كدا جبتيلنا الكلام
فاطمه / هههههههههههههههههه ربنا يهنيكوا يا ولاد و يسعدكوا مش هوصيك على عروستك بقي
عمر / فى عنيا ما تقلقيش عليها
شريف / هاجى اطمن عليكوا بكره اجى الاقى الواد سليم اتفقنا
شيماء / اخص عليك يا ابيه دا بدل ما توصيه عليا
شريف / صحيح انتى شيماء مش رؤي طب تمام نسيبكوا بقي و نروح
مازن / ياريت والله لحسن اكتر من كدا شكلنا هيبقي غريب اوى
فاطمه / هههههههههههههههههه يلا يلا مع السلامه يا قلبي
فاطمه تحضن و تبوس شيماء شيماء تبتسم شريف يبوس راسها و الكل يمشى عمر يقفل باب الشقه و يبص لشيماء واقفه مبتسمه و مكسوفه و متوتره
عمر / مبروك
شيماء / الله يبارك فيك
عمر / تحبي تغيرى الاول و لا تاكلى لقمه الاول
شيماء / لا مش جعانه
عمر / تمام خشي غيرى و انا هتوضي و نصلى ركعتين نبدا بيهم حياتنا ايه رايك
شيماء تهز راسها بابتسامه و تمشي ناحيه جوه عمر يوقفها
عمر / شوشو
شيماء تقف و تبصله
عمر / احم هو انتى مش هتحتاجى مساعده من اى نوع يعني الطرحه و الفستان كلو تمام
شيماء / بيتهيالي
عمر / اجى معاكى احتياطى
شيماء تبصله
عمر / يعني بدل ما تنادى و الجيران تسمع و كدا ايه رايك
شيماء تبتسم و تهز راسها عمر يروحلها و يحط ايده على وسطها و يدخلوا جوه
عمر / تفتكرى الصلاه لازم تبقي قبل الدخله و لا ينفع تبقي بعد عادى
شيماء تقف و تبصله
عمر / بسال بس مالك قفشتى كدا ليه
شيماء / بيتهيالي لازم قبل
عمر / قولت كدا برضه خشي اتعاملى مع نفسك بقي و انا هروح اتوضي
شيماء / الله مش هتساعدنى
عمر / رحم الله امرئ عرف قدر نفسه انا لو دخلت الاوضه دى مش خارج فربنا معاكى بقي و حاولى تنجزى على قد ما تقدرى
شيماء تبص فى الارض و هى مبتسمه و مكسوفه و تهز راسها اه و تدخل و عمر واقف على الباب يبص عليها تروح تقعد على التسريحه و تفك الطرحه و تفرد شعرها عمر يشد الباب يقفله
عمر / اجمد يا عم في ايه دول ركعتين
............................
فى دبى
فريده تصحي و تبص على ابراهيم نايم تاخد الموبايل و تنزل تحت و تتصل بزياد
فريده / صحيتك
زياد / لا صاحي
فريده / خد بالك من لبني
زياد / مالها
فريده / بتقوم ابراهيم عليك و عماله تحنن قلبه على مازن البنت دى ممكن تبوظلنا كل اللى احنا عملناه
زياد / و هى هتعمل كدا ليه من مصلحتها ان الفلوس تفضل معايا
فريده / دا لو كانت هى شخصيا عاوزه تفضل معاك
زياد / قصدك ايه
فريده / قصدى ان البنت دى تصرفاتها ما عادتش بتعجبنى ما عدتش مرتاحالها
زياد / و حضرتك رايك ايه فى الموضوع
فريده / رايي انك تعيد تفكير فى وجودها في حياتك انا و انت بنحفر فى ايدينا فى الصخر عشان كل ده يبقي بتاعك انت و هى و عيالكوا و بدل ما تساعدنا بتمنعك و تمنعنى و منكده عليك و انهى منطق يقول تصرفاتها دى
زياد / هى راجعه بكره ما تشغليش بالك انا هحطها تحت عيني و اخد بالى منها
فريده / بكره !!
زياد / ايوه هى جت تسلم على مونى و هترجع
فريده / غريبه دى لا حجم الشنطه اللى معاها و لا كلامها بيقول انها كانت جايه تقعد يوم واحد دى حتى اكدت على هيا انها هتكون موجوده بكره
زياد / هى هيا جايه بكره
فريده / ايوه انا عزماهم هما و سميح بيه عشان نحسن العلاقات هو فى دبى الاسبوع ده
زياد / اه فهمت
فريده / انا كنت عاوزاك تيجي تسند ابراهيم و تقف معاه و تبان جنبه في الصوره عشان ما يبانش لوحده قدام الراجل انت عارف قد ايه ابراهيم مبهور بالبنات دول
زياد / عارف
فريده / الغبى مازن لو كان بس اتجوز واحده منهم كان بقى امبراطور بس هو اللى فقرى اختار الشحاته و ساب المليارات دى كلها
زياد / انتى زعلانه دا المفروض نحمد ربنا لو كان عمل غير كدا كان كل تعبنا راح على الفاضى
فريده / انا بس مستخسره الفلوس دى كلها تفلت مننا
زياد / احنا بس نحط ايدينا على فلوسنا اللى عند ابراهيم و بعد كدا نبقى نشوف سميح و فلوسه بعدين
فريده / شوف و انا اللى كنت متصله بيك عشان اقولك تيجي اتارى لبنى هانم راجعه بكره مش بقولك البنت دى بتتحرك عكس مصلحتك خالص
زياد / ههههههههههههههههه اللى يسمعك يقول انك كنتى عاوزه تجوزينى واحده منهم
فريده / لو عليا اتمنى بس نقول ايه انت اللى شبطت فى بنت ميار يلا ما دام هتسعدك هعوز ايه اكتر من كدا
زياد / ما تقلقيش انتى من حيث بتسعدنى فهى بتسعدنى
فريده / انت ادرى مع ان من عندى هنا مش شايفه غير انها بتنكد عليك و قرفاك
زياد / انتى بس عشان واقفه بعيد بقولك ايه بيتهيالى كفايا كلام فى التليفون بقى و ترجعى جنب ابراهيم قبل ما يقلق و ما يلاقيكيش و لا ايه
فريده / معاك حق يلا سلام سلام
فريده تقفل و تطلع تجرى على فوق تقابل لبنى واقفه
فريده / لبنى !!!!
لبنى / خير يا طنط ايه اللى مصحيكى بدرى اوى كدا
فريده / انتى ايه اللى مصحيكى بدرى كدا
لبنى / ما جاليش نوم اصلى كنت بجهز شنطتى زياد مش قادر على بعدى و اتحايل عليا ارجع
فريده / اهم حاجه عندى سعادته
لبنى / ما تقلقيش يا طنط اوعدك انى هعيشه ايام عمره ما كان يتخيلها
فريده تبتسم و تيجي تمشى لبنى تمسك ايدها
لبنى / على فكره انا فكرت فى كلام حضرتك فعلا انا متغيره كتير الفتره دى ما بفكرش فى تصرفاتى و مش بحسبها صح عشان كدا حبيت اعتزر لحضرتك اوعدك انى هفكر مليون مره فى كل حركه بعملها و هرجع لحضرتك لبنى القديمه اللى كنتى بتحبيها اللى كانت عارفه هى عاوزه ايه و ازاى توصله
فريده / اتمنى
لبنى تبتسم فريده تمشى
...........................
