((((((السكة شمال2)))))
#لولو_محمد
الحلقه 167
زياد/ اخباره ايه صحيح الواد الواطى ده
احمد / اصطادله بت روسيه من اصل كندى و بايع الدنيا عشانها
زياد / هههههههههههههههههههه عمره ما هيعقل
احمد / بيقولى هى الدنيا ايه غير يومين اعيشهم بالطول و لا بالعرض بس الحق يتقال البت طلقه
زياد / بكره يرميها زى غيرها
احمد / لا مش دلوقت شويه كدا
زياد / ههههههههههههههههههه المهم هيحصل
احمد / ما دايم الا وجه الله ههههههههههههههههههههه
.....................................
فى اوضه فريده
لبنى تفتح الباب و تدخل فريده تبصلها
لبنى / عامله ايه احسن ان شاء الله
فريده تبصلها بغل
لبنى / انا لاحظت ان الشمس علاطول فى الاوضه هنا ጰጲمديقاكى صح مش مخلياكى تعرفى تنامى على العموم ودعيها مش هتشوفيها تانى هخليهالك تربه
فريده تان
لبنى / يا ستى اهو تتمرنى لحد ما ربنا يكرمنى يارب و اوصلك بايدى لتربتك بصى انا صريحه مش هقولك هكفنك بايدى عشان انا اكيد هقرف بس ان شاء الله جهنم و بئس المصير و هى واحده زيك ممكن تورد على جنه يعنى
لبنى تتحرك فى الاوضه رايح جاى قدام فريده و عنين فريده معاها
لبنى / ايه الريحه القذره دى .. دا انتى صح انا بقول كدا برضه على العموم ما تزعليش هيحموكى دلوقت عشان ابنك المصون يجي يبص عليكي و كمان اخدلك كام صوره ابعت منهم لمونى قال يعنى كويسه والله ما حد هيعبرك غيرها اصلا بنت الاصول اللى جيتى عليها و ظلمتيها و خدتى حقها و اديتيه لابنك مبسوطه بنفسك دلوقت
...............................
فريده تان
لبنى / مش دا ابنك اللى قتلتى جوزك عشانه الراجل العبيط اللى اواكى و عيشك زى الملكات اهو اديكى هتشوفى عيشه الخدامين لا والله الخدامين عيشتهم انضف من عيشتك انتى باذن الله باذن الله هتشوفى عيشه اسود من وشك ... اوف مش طايقه الريحه
لبنى تطلع بره
لبنى / ادخلى حميها و اكليها و رشى معطر فى الاوضه
البنت تهز راسها و تدخل جوه و لبنى تمشى
......................................
في شقه مازن تاني يوم
مازن يطلع من الحمام لابس برنص و بينشف شعره يدخل المطبخ يلاقي مرام عماله تعجن
مازن / هو النهرده ايه
مرام / حواوشي اسكنداني
مازن / يا وعدي بالنسبه للدايت اللي بقالنا كتير اوي بنعمله لما بطني لزقت في ضهري ده
مرام / مهو دي وصفه دايت برده
مازن / توب علينا بقي يا رب هو الحواوشي يبقي حواوشي الا لما يبقي دسم كدا و مدهنن اعقلي يا بنتي و بطلي الهبد ده
مرام / هههههههههههههههههه هو مش انت برده اللي كنت بتعيطلي و تقولي ارحميني يا مرام كرشي هيدلدل يا مرام
مازن / و انتي ما عندكيش وسط
مرام / اخلص الكتاب الجديد و اوعدك هعوضك عن كل ده
مازن / هي بقت كدا يا ست مرام ماشي
مازن يطلع بره و يروح اوضته يفتح الدولاب و يطلع طقم ملك نايمه علي السرير تصحي و تبص علي مازن و تدحك تفتح ايديها يشيلها
مازن / صباح الخير يا لوكه ...نمتي كويس يا قلب بابا ... جعانه يا حوبي اجبلك مام تاكلي
مازن ياخدها و يدخل المطبخ
مرام / ايه ده هي صحيت
مازن /تحبى اخدها و انزل اقعد على القهوه شويه لحد ما تخلصى
مرام / هتغلبك يا ابنى
مازن يبص لملك و يدحكها
مازن / مين دى ملوكتى ... انتى غلبى بابا ... انتى قلب بابا
مرام / انتى مراره ماما خدها و انزل
مازن / ايه الحقد ده نضفى جوه شويه دى بنتك حتى يا شيخه
مرام / يلا يا ابنى مش فضيالك
مازن / ماشى يلا باى يا ملوكه تعالى اما اللبسك تعالى
مازن ياخد ملك و يدخل بيها الاوضه و يفتح الدولاب و يطلع طقمين
مازن / ده و لا ده يا لولو ... دا حلو اوى
مازن ينقى واحد و يرجع التانى فى الدولاب
.....................
فى الفيلا عند لبنى
لبنى قاعده عند حمام السباحه امانى تدخل شايله صينيه عليها شوربه و فراخ مسلوقه
امانى / الغدى يا ست لبنى
لبنى / حطيه هنا تسلم ايدك
امانى تبصلها و تبتسم
امانى / هى الست فريده مش هتاكل هى كمان
لبنى / ما تشغليش بالك بيها معاها المقيمه بتاعتها هى مسؤله عنها
امانى / بس البت دى لا مؤاخذه شكلها مش كويسه
لبنى / لما احب اخد رايك هبقى اسال
امانى / يا ست لبنى البت دى طول اليوم معانا فى المطبخ و ما بصتش على الست فريده
لبنى / امانى
امانى / اسفه يا ست لبنى هسكت خالص
لبنى تتنهد
لبنى / انتى فى البيت ده بقالك قد ايه
امانى / من يوم ما وعيت عالدنيا و انا هنا يا ست لبنى
لبنى / شوفتى ايه فى البيت ده يا امانى
امانى تبصلها
لبنى / شوفتى ايه
امانى / ما شوفتش حاجه يا ست لبنى
لبنى / لا يا امانى شوفتى شوفتى و سمعتى شوفتى حفلات للصبح و سهر و سكر و قله ادب و مياصه شوفتى كتير يا امانى
امانى تبص فى الارض و تحاول تبص للبنى تلاقيها بصالها تبص فى الارض تانى
لبنى / ايه رايك اشوفلك بيت تانى بمرتب احسن
امانى / والله ما كان قصدى ادايقك
لبنى / بالعكس بالعكس انتى بنت كويسه جدا و شاطره و انا شخصيا جيت عليكي كتير تحبى اشوفلك بيت تانى و لا اديكي مبلغ تعمليلك مشروع تعيشى منه
امانى / ابوس ايدك يا ست لبنى ما تتمالسى عليا
لبنى / هههههههههههههههههههه لا اله الا الله يا بنتى انا بتكلم جد انتى عاوزه مكافاه نهايه خدمتك معانا عامله ازاى
امانى / طب انا زعلتك فى ايه بس يا ست لبنى والله انا كنت بتكلم يعنى
لبنى / انا مش زعلانه منك يا بنتى ما تتعبنيش بقى انا همشكيى عشان انا مش عوزاكى تتبهدلى معانا اكتر من كدا ... اطلعى هاتيلى دفتر الشيكات بتاعى من فوق
امانى / من اوضه حضرتك
لبنى / امال من اوضه حضرتك لا اله الا الله انا تعبانه يا امانى مش قدرالك و هاتيلى كمان الدوا بتاعى المضاد الحيوى و المسكن لو سمحتى و قلم مش هكتب بصباعى ما انا لو ما قولتلكيش كل حاجه بتتعمل ازاى مش هتعمليها
امانى / حقك عليا يا ست لبنى حالا هجبلك كل اللى طلبتيه حالا
امانى تمشى
لبنى / حاولى تتلكعى على ما اكل الواحد ما بيتهناش على لقمه فى البيت ده والله
لبنى تمسك المعلقه و تشرب شويه شوربه
لبنى / الله و الله هيوحشنى نفسك فى الاكل يا امانى
لبنى تبص حواليها و تطلع التليفون
لبنى / اخبارك
احمد / وحشانى موت
لبنى / هانت انا همشى امانى زى ما قولتلك
احمد / حلو اوى فاضل الكام غفير و الجنيني و كدا الفيلا تبقى بتاعتنا
لبنى / اه بس لازم تعمل حسابك اننا مش هنتقابل هنا
احمد / علبه الحبوب اياها فى جيبى هيتقلب زى الدبيحه
لبنى / لا يا احمد انا فى فى دماغى مكان تانى احلى
احمد / ما دام معاكى مش هسال فين
لبنى / ههههههههههههههههه اسيبك بقى عشان اتغدى
احمد / الف هنا يا قلب احمد
لبنى / سلام سلام
لبنى تقفل و تكمل اكل
...........................
على القهوه
مازن قاعد بيلعب طاوله مع راجل كبير و ملك على رجله
مازن / الله يرحمك يا خاله لو كان عايش كان خدلى حقى
الراجل / هههههههههههههههههه دا انا سايبك تقرص على الزهر من صباحيه ربنا و ساكت
مازن / امال لو اتكلمت بقى هتعمل فيا ايه يا حج سمير دا انا هيبتى راحت قدام البت الحمد لله انها صغيره و مش هتفتكر المواقف دى
الراجل / هههههههههههههههههههههه و الله انت ما يتشبع منك
مازن / بقولك ايه ما تيجى نقلبها دومينو يمكن لما اغير العتبه النحس يتفك
مازن يمسك ملك و يخليها تبصله و هى بتدحك
مازن / انا جايبك معايا ليه ما تعملى حاجه
عباس / جرا ايه يا مازن يا ابنى مغلوب برده
مازن / متقطع يا معلم مش عارف اعمل فيه ايه
عباس يشد كرسى و يقعد جنب مازن
عباس / اخص اخص جرا ايه يا سمير قدك ده تعمل فيه كدا
مازن / اوعى تكون بتهزقنى
عباس / دا انت حبيبى
مازن / ههههههههههههههه والله شكلك بتهزقنى ابوكى بيتهزق يا ملك
ملك تدحك مازن يبوسها
عباس / وسع وسع ابدء لعبه جديده يا سمير
عباس و سمير يرصوا الاواشيط من اول و جديد
مازن / لما تكبر ابقوا اكدبوا عليها و قولولها ابوها كان بيقطعكوا ماشى
عباس / ههههههههههههههه يا جدع ارحمنى ما تقعدش معايا خمس دقايق الا لما تهلكنى من الدحك
سمير / لسه بقوله قعدته ما يتشبعش منها
عباس / والله هيقطع بينا فراقك اوى يا مازن يا ابنى
مازن / فراق مين بس انت صدقت و لا ايه ... ما تجيب اى حاجه هنا يا سلامه .. تشربوا ايه
عباس / دا واجب عليا هو انت بتنزل كل يوم
مازن / مشاغل والله يا معلم لو عليا انت عارف بس اعمل ايه
سمير / اللهم مبارك ربنا يزيدك من نعيمه انت جدع طيب و ما فيش منك
مازن / تسلم يا سيد الحجاج انا هقوم اجيب علبه عصير لملك و لا حاجه ... دور شاى يا سلامه
سلامه / من عنيا
عباس / اقعد انت رايح فين ... واد يا سلامه
سلامه / اؤمر يا معلملى
عباس / احلى علبه عصير لست العرايس من احسن نوع انت سامع يا له هى بتحب حاجه معينه
مازن / تفاح
سلامه / من عنيا
سلامه يمشى
عباس / احلى عصير لاحلى ملك المهم قولى بقى هتنقل امتى بالصلاه على النبى
مازن / يا معلم مش هتخلص منى ما تحلمش انا كدا كدا على قلبك
عباس / عز الطلب هو احنا نطول
مازن / لسه بدرى لسه الشقه بتتوضب و لسه الفرش و بعدين احنا مش هنسيب هنا يعنى هنبقى بين هنا و هناك ما تنساش الوجبات اللى فوق و عمتوا مديحه و كدا يعنى
صوت خناقه على اول الحاره عند الكشك
عباس / الله هو فى ايه
عباس و مازن و سمير يقوموا يقفوا سلامه بيتخانق مع رجاله كتير عباس و سمير يطلعوا يجروا على الخناقه و مازن شايل ملك يديها لواحد من القاعدين
مازن / خلى بالك منها يا فتحى
مازن يروح يفض الخناقه و فتحى شايل ملك و عمال يتفرج يحطها على الترابيزه و يتفرج و يتابع و هى جنبه
.......................
فى الفيلا عند لبنى
زياد يدخل يلاقى لبنى قاعده فى الجنينه يبوس راسها و يقعد جنبها
زياد / ايوه كدا حبسه الاوضه وحشه و تجيب المرض
لبنى تبصله و تبتسم
لبنى / انا اديت لامانى شيك بميه الف جنيه لو مش هيدايقك
زياد / و دا بمناسبه ايه
لبنى / مكافاه نهايه الخدمه مش عوزاها هنا تانى
زياد / تقومى تديها ميه الف ليه يعنى هى اصلا بتقبض كام عشان تديها مبلغ زى ده
لبنى / البنت معانا بقالها سنين دى ما تعرفلهاش اهل غيرنا
زياد / ايوه بس
لبنى / ما تنساش انها كانت وسطينا اكله شاربه نايمه ببلاش لكن دلوقت هتبقى محتاجه حاجه تاكل منها
زياد / بصى ما دام ده هيبسطك تمام مش هتكلم
لبنى / ميرسى كمان بفكر اغير الجناينى شغله مش عاجبنى خالص عجز و مبقاش قادر
زياد / تمام يا حوبى من بكره اجيب غيره
لبنى / لا انا اللى هجيب عوزاك بس تراضيه انا لو معايا كنت اديته بس انت عارف
زياد / و لا يهمك يا قلبى
لبنى / ميرسى تحب تاكل اخليهم يغرفولك
زياد / لا مش جعان اصلى بصراحه جعت اوى فى الشركه اخدت سناك و لسه شبعات هقوم ابص على ماما شويه لو مش هيدايقك
لبنى / لا طبعا ازاى انا كمان هاجى معاك ممكن تساعدنى
زياد / طبعا
زياد يجرى يسند لبنى يقومها و يروحوا ناحيه اوضه فريده و هو مسندها و هى فى حضنه مدلعه عليه
..........................
فى الحاره
الخناقه تتفض مازن يرجع القهوه هو و الرجاله
سلامه / والله ما كونت حوشتنى عنهم دول عيال قلالاه الادب ما اتربوش
مازن / خلاص بقى
مازن يبص على فتحى واقف متابعهم و ملك مش جنبه يجرى عليه و هو مخضوض
مازن / ملك فين
فتحى يبص جنيه و يبص حواليه
فتحى / كانت هنا
مازن يبص فى كل حته و الرجاله تطلع تدور مرام من البلكونه فوق
مرام / معايا معايا
مازن يبصلها و يحط ايده على قلبه و يتنهد و يطلعلها تفتحله الباب ياخد ملك فى حضنه
مرام / هنتحاسب على اللى عملته ده بعدين
مازن / انا ما كانش قصدى انا
مرام / كان ممكن حد غيرى يسحبها دى ما لهاش قطع غيار و لا بديل مش هنعرف نعوضها لو جرالها حاجه
مازن / ما تقوليش كدا اعو ذ بالله دا انا يجرالى حاجه
مازن ياخد ملك فى حضنه
مرام / بنتك فى حضنك انا لما سمعت صوت الخناقه و بصيت من البلكونه و لقيتك سايبها و مشيت نزلت اجرى بالاسدال و فتحى حتى ما حسش بيا و انا باخدها من كتر ما هو متابع الخناقه تخيل لو لا قدر الله كان حد غيرى
مازن / بعد الشر
مرام / انا مش قادره اصدق انك عملت كدا
مازن يبصلها بحزن تحضنه يحضنها اوى و ملك بينهم
مرام / الحمد لله عدت على خير
مازن / والله ما نزلت من على دراعى الا لما لقيت سلامه بينضرب و الناس مش عارفه تحوش والله ما
مرام / عارفه يا حبيبى عارفه الحمد لله قدر و لطف ناخد بالنا بعد كدا
مازن يهز راسه اه و يحضن مرام اوى مرام تطلع من حضنه
مرام / الاكل جاهز هتاكل كدا و لا هتغير الاول
مازن / انا محتاج اغير البنطلون ضرورى و غالبا ما تتعشميش تخاويها
مرام / ههههههههههههههههههههههههههه
مازن / مش هوصفلك الخضه كانت عامله ازاى هاتى ايدك كدا
مازن يمسك ايد مرام و يحطها على قلبه تسحبها و تحط ايديها الاتنين حوالين وشه بحنيه
مرام / كلنا بنغلط و انا عارفه انها مش مقصوده كان وارد يحصل مع اى حد ناخد بالنا
مازن / انا اسف
مرام / خش يلا غير بنطلونك هههههههههههههههه
مازن يبوس راسها و يدخل الاوضه و ملك معاه و هى متبعاه
.......................
فى اوضه فريده
زياد يدخل مسند لبنى و محوطها بايديه لبنى تبص لفريده
لبنى / قعدنى هنا يا حبيبى
لبنى تشاور على كرسى فى وش فريده زياد يقعدها
لبنى / هتعبك تحطلى المسند لحسن ضهرى تاعبنى اوى
زياد يجرى يجيب مسند الرجل و يحطه و يحط رجلين لبنى عليه فى وش فريده و يروح يقعد جنب فريده على السرير جنب لبنى و فريده بتتفرج و تان
لبنى / عامله ايه يا ماما دلوقت مش احسن زياد مرضاش يحط لقمه فى بقه الا لما يطمن عليكي
فريده بتبص على رجلين لبنى
لبنى / ورمت مش عارفه من ايه على الله يكون من الضرب مش من حاجه تانيه
فريده تان
زياد / عامله ايه يا ماما
لبنى / انا خليتهم يقفلولها الشباك الشمس كانت مديقاها خالص
زياد / خير ما عملتى يا حبيبتى .. شوفتى يا ماما لبنى واخده بالها منك ازاى
لبنى / انا بخلى البنت تحميها كل يوم خايفه عليها من قرح الفراش بيقولوا بتاكل الجلد كانك بتتحلل و انت عايش
لبنى تبص لفريده
زياد / هى الدكتوره جت النهرده
لبنى / طبعا دى قعدت معاها يجي ساعتين و اكتر مش كدا يا ماما
فريده تان
زياد / ان شاء الله يجيب نتيجه بسرعه
لبنى / اما ساعتها يا طنط هعملك ليله ما حصلتش هلبس فستان احمر و ادبح و افرق لحمه على الغلابه عشان يدعولك
زياد / ربنا يخليكي يا حبيبى
لبنى تمدله ايدها تمسد ايدها يبوس ايدها و فريده بتبصلها
لبنى / مالك يا ماما انتى تعبانه و لا ايه اوعى نكون قطعنا عليكي معاد الناب بتاعتك ... قوم بينا يا زياد نسيبها تنام و ترتاح
زياد / تصبحى على خير يا ماما هعدى عليكي بكره ابص عليكي
لبنى / ساعدنى يا زيزو بليز
زياد يجرى يسند لبنى لحد الباب تلف وشها و تطلع لسانها لفريده و فريده بتان و لبنى بتدحك
......................
فى عياده النسا
الدكتوره بتكشف على شيماء بالسونار و عمر جنبها الدكتوره تبتسم و تقوم و عمر يساعد شيماء تقوم و تعدل نفسها
الدكتوره / هو انتى وقعتى و لا ايه حاجه
شيماء / لا خالص
الدكتوره / واضح ان المايه قلت انا هكتلك على علاج يزود الميه بس عوزاكى الفتره الجايه تقضيها كلها على ضهرك
شيماء / بس الفتره الجايه
عمر / على ضهرك يا شيماء
شيماء تبصله و تهز راسها حاضر
الدكتوره / لو الميه فضلت بالمعدل ده او قلت هنضطر نولد قيصرى هتيجي تتابعى معايا كل اسبوع مش كل شهر زى ما كنا و العلاج ما يتفوتش منه جرعه و مش هوصيكي على الاكل و خصوصا الميه
شيماء /باكل والله
عمر / فى اى تعليمات تانى
الدكتوره / الراحه التامه على الاقل لحد ما نوصلها للسابع
عمر / تمام
شيماء تبص لعمر بحزن يبتسملها و يهز راسه اه
.....................
فى اوضه لبنى
زياد بيسند لبنى تنام فى السرير
لبنى / بليز يا زياد تجيبلى كام مخده ارفع بيهم رجلى مش عارفه هى وارمه و لا انا بيتهيالى
زياد يجيب المخدات و يحطها تحت رجل لبنى و يبص على رجليها
زياد / مش حاسس انها وارمه خالص يا لبنى
لبنى / يمكن بتوجعنى من الوقفه اصل انا فضلت واقفه جنب مامتك وقت طويل اوى النهرده و هى بتاكل و هى بتاخد الدوا و هى بتاخد الجلسه و هى بتستحمى ما سبتهاش غير عشان اتغدى و اخد الدوى و المسكن
زياد / ليه كدا بس يا لبنى يا حبيبتى ما تنسيش انك عامله عمليه و محتاجه ترتاحى دا انتى المفروض تتخدمى مش تخدمى
لبنى / اعمل ايه بس يا زياد خايفه موت اسيبها للخدامين يبهدلوها
زياد / ربنا يخليكي ليا يا اجمل و احلى لبنى فى الدنيا
لبنى / انا كل يوم بعد ما تستحمى بصورها و ابعت صورتها لمونى عشان تتاكد اننا واخدين بالنا منها كويس حبيبتى عقلها هيبقى فى ايه و لا فى ايه تشوف مستقبلها بقى
زياد / انا مش عارف والله كان مستخبيلنا فين كل ده
لبنى / الحمد لله احنا كنا فين و ان شاء الله مش هنطول فى الموضوع ده المهم انت طمنى اخبار الشغل ايه
زياد / نفس الشغل الممل بتاع كل يوم نفسى الاقى واحد كدا يعمل معايا زى ما شريف كان بيعمل مع مازن واد حرك يعرف يصطاد المشاريع و يكسبنى انما كل اللى عندى بروطتات لازم اقولهم كل صغيره و كبيره يعملوها ازاى ما فيش مخ خالص
لبنى / انت قدها و قدود ما تدايقش نفسك بالتفاهات دى كلم احمد اكيد عنده حد يقدر يساعدك يكون كمان ثقه لحسن يغرقك
زياد / لا ما تقلقيش عليا انا كدا كدا طول عمرى قرارى من دماغى
لبنى / طبعا انت هتقولى بليز بقى تطفى النور انام شويه انا كمان
زياد / اكيد يا حبيبتى
لبنى / زياد بليز تخليك جنبى
لبنى تبصله بدلع ينط جنبها فى السرير و هى بتدحك
.....................................
فى شقه فاطمه
الكل مدايق و متوتر و باين عليهم الحزن
فاطمه / بقولكوا ايه انتوا هتقلبوها مناحه جرا ايه يا بت يا رؤى كل ده عشان اختك هتيجي تعيش هنا و هتخدميها
رؤى / ابدا يا ماما انا
فاطمه / دا ان ما شالتهاش الارض نشيلها فوق عنينا و لا ايه يا عمر
عمر / طبعا يا ماما هو فى زيك
شريف / الفتره الجايه بقى ترتاحى خالص و احنا كلنا هنبقى حواليكى
صافى / شريف
شريف يبصلها يلاقيها متوتره
شريف/ و بكره هاخدك نطمن عليكي انتى كمان
فاطمه / ان شاء الله خير و انتى يا رورو معلش يا حبيبتى انا عارفه ان شيماء و صافى كانوا ايدك و رجلك فى جهازك بس
رؤى / انتى بتقولى ايه يا ماما دا كفايا سلامتهم عندى و بعدين الحمد لله اللى ناقص حاجات بسيطه و اكيد مرام و تقى هيساعدونى
تقى / دا انا هرصلك النيش
شريف / لاااااااا النيش لا مش هيبقى موت و خراب ديار
تقى / والله هحط فيه كل طاقتى و ابداعى
شريف / اختك بتشترى كاسات تسقى فيها الوزرا اللى هيجوا يزوروها دا كفايا طقم الصيني و طقم الشربات
رؤى / الله هو يعنى انا خلقه عن كل البنات ما كل البنات جالهم كدا
شريف / يا حبيبتى انتى يجيلك احسن من كل البنات انا بتكلم اننا ما نسلمش التحف الفنيه دى لتقى تجيب شبابها يا حبيبتى
تقى / هتفضلوا تحبطوا فيا لحد امتى
شريف / اعداء النجاح هى الشجره المثمره كدا بيحدفوها بالطوب خشى انجرى غيرى الملايه عشان اختك تدخل تفرد ضهرها و ترتاح
تقى / توب علينا بقى يا رب
شريف / انتى يا بت ... يا بت
تقى تمشى و شريف يجي يقوم فاطمه تمسكه
فاطمه / انت هتعمل عقلك بعقلها اقعد ... هاتيلنا حاجه حلوه من ايديكى يا رورو
رؤى / حاضر ثوانى
رؤى تقوم و فاطمه تمسك ايد شيماء و تدعك فيها و هى مبتسمه شيماء تبتسم
..........................
فى شقه مديحه
مروه / لا اله الا الله طب البيبى يعنى كويس و كدا و لا وضعه ايه
مرام / كويس بس طبعا لو الموضوع استمر على كدا هيولدوها قيصرى و البيبى يكمل فى الحضانه بقى
مديحه / ان شاء الله مش هيحصل حاجه الوليه ام فادى اللى كانت ساكنه على الناصيه لو تفتكريها كان الحمل بتاعها علاطول كدا و عدت على خير و جابت فادى و شادى كمان
مرام / راحوا فين دول صحيح يا عمتى
مديحه / فادى عقبال امالتك اشتغل فى الكويت و سحبهم وراه يلا ربنا يوسع رزق الجميع
مروه / بس وقت صعب اوى برده دا زمان رؤى هتحتاس فى الجهاز و الفرش دلوقت
مديحه / تختاس ليه و احنا روحنا فين من بكره الصبح ناخد بعضنا و نروح نطمن على شوشو و نسلم على الحاجه فاطمه و نشوف رؤى محتاجه ايه و نجيبهولها الست مغرقانا بافضالها و انتى يا مروه البت دى هتبقى جارتك قدمى السبت يا قلبى عشان تلاقى الحد هما ناس ولاد الاصول و ما ينسوش اللى يقف جنبهم
مروه / من غير ما تقولى والله يا ماما كنت ناويه فعلا اكلمها الصبح اقولها لو ناقصها اى حاجه انزل معاها نجيبهالها
مرام / مش هتلاقى فرصه احسن من دى تحسنى علاقتك بيها هى رؤى اصلا طيبه اوى و بنت حلال و مع الوقت هتحبيها
مروه / والله انا عارفه انى غشيمه و مدب بس انا والله بحبهم و مش بزعل منهم و نفسى يحبونى
مرام / هيحبوكى ما تشيليش انتى هم خالص
.........................
فى الاستوديو
شريف / يا خبر ازاى ما تقوليش على حاجه زى دى
مازن / موقف و عدى و بعدين انت فى ايه و لا فى ايه الحمد لله قدر و لطف
شريف / قدر و لطف طبعا انا قلبى وقع فى رجلى بكره هاخد صافى اكشف عليها و يارب يخيب ظنى
مازن / ما لهاش علاقه يا ابنى كل حمل غير التانى
شريف / انت اصلك مش فاهم الدنيا اتكربست فوق بعض صافى مصممه تعمل فستان رؤى بايدها يعنى لو قالها
..........................
