((((((السكة شمال ٢)))))))
#لولو_محمد
الحلقه ١٤١
مازن / هو انا غلطت فى حقه يا مرام هو انا المفروض اضحى بسعادتى و اسمع كلامه
مرام / انت عاوز تطلقني
مازن / لا طبعا انتى بتقولى ايه انتى الحاجه الوحيده الحلوه اللى فى حياتى انتى و ملك انا من غيركوا اموت
مرام / بعد الشر عنك
مازن / انا عزمته يجي بكره يلعب مع ملك و يتغدى معانا
مرام تتحمس
مرام / بجد كويس قولى بيحب ياكل ايه و انا اعملهوله و لا تحب نجيب جاهز
مازن يبتسم بسخريه و يبص الناحيه التانيه و يرجع يبصلها
مازن / مش هيجي يا مرام مش هيجي
مرام تحبط
مرام / ليه ما يمكن يجي بكره الصبح هحمى ملك و اللبسها فستان من الهدوم الجديده تعرف انا هطلع بطايه من الفريزر على الصبح تكون فكت هو بيحب المحشي صح
………………….
مازن يبصلها
مرام / يمكن يجي اقولك خد ملك و روحله
مازن / انتى بتقولى ايه
مرام / بكره الصبح هحمى ملك و اللبسها و خدها و روحله هو بيكرهنى انا لكن انت و ملك من دمه اعتبرها صله رحم لله يا مازن لله
مازن يبصلها و يبص قدامه و يتنهد و ينفخ مرام تمسك ايده يبصلها
مرام / قوله انت خدت الفلوس بس انا لسه ابنك قوله لو مش عاوزنى على الاقل اللعب شويه مع ملك انا قلبي ما يطاوعنيش اقولك سبهاله بس
مازن / انا ما اقدرش اسيبها في جحر الافاعى ده اصلا ما فيش فى الدنيا حاجه ممكن توجعنى قدها و الكلاب دول عايشين بس عشان يوجعونى
مرام تطبطب على ايده و تترمى في حضنه
مرام / يعني الرقص دا كله راح فى الارض طب دا انا وسطى اتخلع
مازن / هههههههههههههههههه
مازن يبوس راسها
مرام / والله العظيم انا ما فى حاجه بتوجعنى اكتر من انى اشوفك مدايق و انا مش عارفه اخفف عنك كدا مازن انا بحبك اوى
مازن / و انا كمان بحبك اوى والله العظيم بحبك اوى
مرام تحضنه يلعب في شعرها و يبوس راسها
..........................
تانى يوم فى شقه فاطمه
صافى بتوضب اكل مع فاطمه
فاطمه / والله انا شايفه انها بنت اصول و عداها العيب و ازح هتعمل ايه البنيه اكتر من كدا
صافى / مهو ده اللى بقوله الحركه دى هتخلى ابراهيم بيه يكابر اكتر و مش بعيد فعلا يفضل كل شويه يطلب مازن و ملك و يتجاهل مرام و يبقي متزن خسر فلوسه على الفاضي
فاطمه / صله رحم يا بنتي
صافى / بصراحه مش مقتنعه
فاطمه / هى قالتلك هتيجي الساعه كام
صافى / فى الطريق مازن هيجيبها قبل ما يروح لباباه
رؤي تدخل
رؤي / خلصت النشير الحمد لله
صافى / عاش يا وحش
رؤي / انما ايه الروايح الجامده دى مش هناكل و لا ايه
فاطمه / مرام فى الطريق لما تيجي نغرف و ناكل روحى روقى الاوضه على ما تيجي
رؤي / قشطه
.....................
فى فيلا ابراهيم
ابراهيم قاعد على الاكل مدايق و حواليه الكل
لبني / دول بيستهبلوا طبعا مازن ما يعملش كدا ابدا
فريده / و مين تانى له مصلحه فى حاجه زى دى
لبني / حبايبها ما فيش اكتر منهم و بعدين بصراحه تستاهل
ابراهيم / كلمت كامل تطمن عليه يا زياد
زياد / ايوه يا بابا ركب الطياره من نص ساعه و زمانه فى الجو دلوقت
ابراهيم / كويس
تليفون ابراهيم يرن فريده تضرب بعينها مازن
فريده / و دا عاوز ايه ده تلاقيه عامل مصيبه تانيه ما احنا مش هنخلص
ابراهيم ياخد الموبايل و يقوم فى جنب
ابراهيم / الو
مازن / ازى حضرتك
ابراهيم / انا كويس اتمنى ما تكونش عملت مصيبه تانيه و عاوزنى اطلعك منها
مازن / ما عملتش مصيبه اولانيه عشان اعمل مصيبه تانيه
ابراهيم / امال بتكلمنى ليه خير
صمت
مازن / حضرتك مش عاوز تحتك بمرام و لا تدخل بيتي دا حقك و يمكن دا احسن للكل بس بما ان حضرتك فى مصر لو تحب تشوف ملك هى معايا بره فى العربيه
ابراهيم / بره فين
مازن / على باب الفيلا
ابراهيم / انت بره
مازن / انا و ملك لو حضرتك تحب
ابراهيم / ادخل هى مالهاش ذنب بكل ده هى ما اختارتش امها و ابوها و فى الاول و الاخر هى حفيدتى ياريت كنت اقدر اخدها انا اربيها بالطريقه اللى تليق بيها ما كنتش اتاخرت بس نقول ايه بقي انت فين دلوقت
مازن / فى الجنينه ثوانى و اكون قدام حضرتك
ابراهيم يجرى يفتح باب الفيلا فريده تستغرب و تقوم تبص تلاقي مازن بينزل من العربيه و يلف ناحيه الباب التانى بينزل الكاريكوت
فريده / كنت متاكده انه هيعرف يمسكك من ايدك اللى بتوجعك كنت متاكده انه تعلب
فريده تدخل جوه و مازن يدخل يقف قدام ابراهيم و يرفع الكاريكوت ابراهيم يشيله و يبص فيه بحب و يبوس ملك
ابراهيم / اسف نسيت ست مرام بتزعل
مازن يبتسم و يشيل ملك من الكاريكوت ابراهيم يحط الكاريكوت في الارض و ياخد ملك لبني تدخل تجرى
لبني / ملك الله ايه المفاجاه الحلوه دى يا مازن ياربي على الجمال هات حبه يا بابا
ابراهيم / شليها بالراحه
لبني تشيلها و تدخل بيها مازن يشيل الكاريكوت و يفضل واقف
ابراهيم / هتفضل واقف على الباب و لا الهانم منعاك تدخل بيت ابوك
مازن يبتسم و يبص في الارض ابراهيم يدخل و مازن يدخل وراه يلاقوا لبني قاعده على الكنبه و بتلاعب ملك و بيدحكوا لبعض ابراهيم يبتسم و زياد و فريده هيطقوا فريده تلم نفسها
فريده / اهلا و سهلا يا مازن نورت بيتك و مطرحك ايوه كدا نتجمع من تانى عيله فى بعض
مازن يبتسم
لبني / هو انا ممكن اصورها
مازن / اه عادى
لبني تبتسم و تشيل ملك و تحط التكايات و تحشر ملك بينهم قاعده و تطلع الموبايل و تقعد تصور
زياد / اللى يشوف حماسك ما يصدقش انك مش بتطيقي الاطفال
فريده / و هى ملك دى بنت مازن عقبال ما نفرح بعيالك
لبني / قريب يا طنط قريب اوى ان شاء الله اسرع مما تتخيلى
زياد / اه صح
لبني
لبني / صح
زياد / لبني ما تهزريش
لبني / على العموم كلها كام شهر و المستخبى يبان
زياد يجري يشيلها و يلف بيها
لبني / هههههههههههههههههه بس بس بالراحه
زياد / اسف اسف
لبني / هههههههههههههههههه
ابراهيم / الف مبروك يا لبني الف مليون مبروك يا بنتي
لبني / ميرسي يا اونكل
مازن / مبروك يا لبني
لبني / ميرسي يا مازن
فريده / سورى لو هقطع احتفالكوا بس بيتهيالي انك شربتى جامد امبارح مش غريبه دى على واحده حامل
لبني / ما كنتش اعرف للاسف
فريده / و اكتشفتى النهرده فجاه
لبني / اه عملت التيست النهرده و طلعت حامل و كنت ناويه اعملها مفاجاه لزياد بس جت كدا
فريده / و بيتهيالي انك اكيد رميتي التيست في الزباله
ابراهيم / فريده
لبني / لا يا طنط التيست فوق فى الدرج زيزو حبيبي ممكن تطلع تجيبه من درج التسريحه اللى فى ألنص هتلاقيه فى العلبه القطيفه الزرقه الصغننه فى الجنب
زياد / مصدقينك من غير حاجه اكيد ما حدش بيكدب فى حاجه زى دى
لبني / معلش يا بيبي هاته
زياد يبص لمامته و يبص فى الارض و يتنهد و يطلع فوق و لبني بتبص لفريده تقعد جنب ملك و تاخدها على رجلها
لبني / تعالى بقي اما ابصلك عشان اجيب شبهك مالكوا واقفين كدا ليه ما تقعدوا
ابراهيم / اتفضل
مازن يقعد
فريده / هو انتوا مش هتكملوا اكلكوا و لا ايه
مازن / انا اسف لو كنت جيت فى وقت
لبني / انا شبعت
ابراهيم / و انا كمان بس لو انت جعان
مازن / لا اتغديت قبل ما اجى
ابراهيم / الست هانم طبعا مش هتسمحلك تاكل في بيت ابوك مش كدا
مازن / مرام هى اللى طلبت منى اجى و اجيب لحضرتك ملك
فريده / و هى فاكره بقي ان الحركات دى هتخيل على باباك مش كدا
زياد ينزل يدى التيست لمامته تبص فيه
فريده / مبروك يا لبني
لبني تبتسم من تحت الدرس و تحدف بوسه لزياد يبتسم و يروح يقعد جنبها و يبوس راسها
ابراهيم / احنا مسافرين بكره الصبح
مازن / توصلوا بالسلامه
ابراهيم / هات ملك و تعال انا لسه عند كلمتى اديها الفلوس اللى ترضيها و سبها تشوف حالها بعيد عننا ارجع امسك فلوسك و شركاتك
زياد يبص لفريده
مازن / بابا الموضوع ده اتتهى و ما ضيتلك على التنازل و الموضوع انتهى بتتكلم فيه تانى ليه انا مش عاوز الفلوس و لا الشركات و لا عاوز اى حاجه انا مبسوط جدا كدا
ابراهيم / امال جاى ليه هاه جاى ليه
مازن / صله رحم ملك دى حفيدتك جبتهالك تلعب معاها شويه و كل ما هتبقى فى مصر هجيبهالك تلعب معاها شويه
ابراهيم يقوم و يسيب المكان و يمشى لبنى تدى ملك لمازن و تقوم وراه
فريده / لبنى لبنى تعالى هنا لبنى ... ما تزعلش يا مازن انت يعنى مش عارف باباك
مازن باصص لملك فى ايده
...........................
فى شقه فاطمه
مرام و فاطمه و صافى و تقى و رؤى قاعدين قدام التليفزيون فى اوضه فاطمه
مرام / انتى بتهزرى يا صافى لا طبعا و لا هرن عليه خالص لحد ما هو يرجع و لا حد منكوا هيرن عليه
صافى / خلاص ما توتريناش بقى و اهمدى
رؤى / و بعدين ملك مع ابوها يعنى ما تقلقيش عليها دا يموت و لا يجرالها حاجه
مرام / انا مش خايفه يجرالها حاجه انا بس ... ياربى بقى
مرام تتنهد فاطمه تطبطب عليها
فاطمه / ان شاء الله كل حاجه هتبقى تمام ما تقلقيش
مرام تبصلها و تبتسم جرس الباب يضرب مرام تقوم تتنفض
مرام / مازن
تقى تجرى تفتح تلاقى شيماء
تقى / دى شوشو
شيماء / ايه الهدوء ده انا قولت متجمعين صوت الاغانى هيجيب لحد شقتى فى ايه
تقى / ابيه مازن اخد ملك وراح لباباه
شيماء / بتهزرى ليه ايه اللى حصل
تقى / يمكن قلبه يحن
شيماء / يا شيخه وقعتى قلبى افتكرت اخدها و رجع لباباه يعنى
تقى و شيماء يدخلوا اوضه فاطمه
شيماء / وحدووووووه
الكل / لا اله الا الله
فاطمه / تعالى اقعدى تعالى
شيماء تروح تقعد وسطيهم
شيماء / مالكوا فى ايه
صافى / سيبك مننا ايه اخبارك انتى عملتى ايه عند حماتك
شيماء / و لا اى حاجه عادى اتغدينا و قعدنا شويه و عمر تحت فى الصيدليه و انا قولتله ان مرام هنا فهطلع اقعد معاكوا
فاطمه / ربنا يهدى سركوا يا رب
شيماء / امين تقى بتقول ابيه مازن اخد ملك لابراهيم باشا
صافى / بناء على رغبه مرام
شيماء / ان شاء الله خير
شيماء تبص لرؤى
رؤى / انا هقوم اعمل شاى
شيماء / انا هاجى اساعدك
رؤى و شيماء يقوموا و مرام بتبص فى الموبايل
صافى / مش هيحصل حاجه اهدى
صافى تمسك ايد مرام مرام تبتسملها
.............................
فى فيلا ابراهيم
ابراهيم يدخل المكتب و لسه هيقفل الباب يلاقى لبنى فى وشه
لبنى / ليه كدا يا بابا ليه كدا
ابراهيم / لبنى
لبنى / عشان خاطرى جالك لحد عندك ما تكسرش بخاطره عشان خاطرى
ابراهيم / انتى مش شايفه
لبنى / عشان يبقى يجي تانى ما تقطعش معاه دا ابنك ما حدش هينفعك غيره
ابراهيم / خليها تنفعه
لبنى / دا ابنك و دى حفيدتك
صوت باب الفيلا بيتقفل
لبنى / انا هروح اللحقه هقوله انك عاوزه بابا عشان خاطرى دا ابنك الوحيد ما حدش هينفعك غيره
لبنى تجرى ورا مازن زياد يناديها
زياد / لبنى
لبنى ما تعبروش و تجرى تفتح باب الفيلا تلاقى مازن بيربط الحزام لملك فى الكاريكوت
لبنى / مازن مازن استنى
مازن يبصلها
لبنى / باباك عاوزك
مازن يبص على الفيلا لبنى توصله
لبنى / مش بالبساطه دى يا مازن باباك محتاجلك صدقنى
مازن / و انا ما فيش فى ايدى حاجه اقدمها اكتر من كدا
لبنى / حاول مره اخيره اللى يجيبك بعد كل اللى حصل يخليك تحاول تانى لو مش عشان باباك عشان ملك انت عارف كويس ان لو جرا لباباك حاجه و انتوا بالوضع ده الدنيا هتبوظ صدقنى
مازن / الرساله اللى انتى بعتيها
لبنى / بعدين مش وقته دلوقت
زياد يطلع من الفيلا و يروح يبص للبنى شزرا
زياد / ما تكبرش الموضوع يا مازن انت عارف ابوك تعال ادخل
مازن يبص للبنى
مازن / تمام يا زياد
مازن ياخد ملك و يدخل تانى زياد يمسك ايد لبنى جامد
زياد / حسابك معايا بعدين
لبنى / اااه ايدى بالراحه انا حامل انت نسيت و لا ايه
زياد / انتى بتعملى كدا ليه ما كان مشى و خلصنا
لبنى / عشانك لما تكبر هتفهم
زياد / والله
لبنى / مش وقته هفهمك كل حاجه بعدين اهدى لما يمشى هفهمك اهدى
زياد / هنشوف
لبنى و زياد يدخلوا
.............................
فى المطبخ
رؤى / بتهزرى الف مبروك
شيماء / شششششش اسكتى انا ما قولتش جوه عشان مش عارفه ينفع اقول و لا لا
رؤى / ايه المشكله يعنى ما حدش غريب و كلنا هنفرحلك
شيماء / عشان صافى خفت تزعل
صافى تدخل شيماء و رؤى يبصوا لبعض صافى تستغرب
صافى / فى ايه مالكوا
رؤى / ما فيش انا صبيت الشاى اهو
صافى / انا كنت جايه ادخل البودينج التلاجه زمانه برد مش كدا
صافى تروح الرخامه التانيه عليها اطباق بودينج كتير متغطيه بمناديل تطلع طبق سايب تبصله بحسره
صافى / لسه ممسكش
رؤى / ما انا قولتلك سايب
صافى / طب و دا يتعمل فيه ايه انزله من الاطباق عالنار تانى و لا اعمل ايه
شيماء / ورينى كدا ... لا حلو على فكره مش سايب اوى يعنى حطيه فى التلاجه بقى يمسك
صافى / طيب
رؤى / انا هودى الشاى عن اذنكوا
صافى تدخل الاطباق التلاجه و شيماء تناولها صافى تبص لشيماء و تبتسم و تكمل رص فى صمت مريب
......................
فى المكتب عند ابراهيم
ابراهيم / انت ليه مصر تخسرنى اوعى تفتكر انك هتقدر تلويلى دراعى بالبنت دى
مازن / انا ما بحاولش حتى
ابراهيم / انت ابنى انا
مازن / و عشان كدا جيتلك بالرغم من كل اللى حصل جيتلك انا لا جاى عاوزك ترجعلى فلوسى و لا اى حاجه انا مش عاوز غيرك
ابراهيم / طول ما البنت دى واقفه بينى و بينك
مازن / البنت دى اسمها مرام مراتى
ابراهيم / انت جاى ليه هاه جاى ليه
مازن / قولت تلعب مع ملك شويه
ابراهيم / دا مش هيغير من موقفى ناحيتك و لا ناحيه مرام فى حاجه
مازن / مش مهم على الاقل خلى علاقتك بحفيدتك موجوده بكره مع الايام هثبتلك انى اخترت الاختيار الصح و ان مرام هى احسن زوجه ليا مع ان ما فيش اكتر من كدا اثبات تعمل ايه البنت اكتر من كدا عشان ترضى حضرتك
ابراهيم / مهما عملت انا البنت دى مش طايقها بكرهها يا اخى بكرهها
مازن / تمام و انا و ملك بتكرهنا برده
ابراهيم يبصله
مازن / نمشى احنا كمان و لا لينا مكان فى حياتك حضرتك عندى فى البيت اخترت الفلوس على ابنك و سبتهالك
ابراهيم / انت اخترت مرام على ابوك
ابراهيم يبص لمازن يلاقيه بيعيط مازن يمسح دموعه
ابراهيم / طلقها
مازن / مش هيحصل عمرى مش هيحصل
ابراهيم يبص لمازن فريده تدخل
فريده / فى ايه يا جماعه قافلين على نفسكوا كدا ليه ما تيجوا تقعدوا معانا بره احنا كمان عاوزين نلعب مع ملك و لا ايه مش كفايا اننا ما بنشوفهاش غير كل فين و فين سبحان من حنن قلبه علينا يجيبهالنا
ابراهيم / ملك ماشيه مع ابوها
مازن يبص فى الارض و يبتسم بكسره
ابراهيم / نورت يا مازن بيه
ابراهيم يدى لمازن ضهره و يسند على المكتب مازن يهز راسه و يروح يشيل ملك
فريده / ليه كدا بس يا ابراهيم
ابراهيم / طول ما البنت دى على زمته ما لوش مكان هنا
مازن يطلع بره لبنى تجرى وراه زياد يمسكها من ايدها مازن يمشى
لبنى / مازن
زياد / اهمدى بقى
لبنى تبصله زياد يمشى فريده تطلع تجرى من جوه
فريده / زياد اللحق اطلب الاسعاف بسرعه ابراهيم وقع من طوله
لبنى تجرى تجيب الموبايل
...............................
فى شقه شريف
صافى تدخل اوضتها و تنام فى السرير شريف يدخل وراها
شريف / يااااه اتهلكتوا للدرجادى
صافى باصه للسقف و ساكته شريف يروح يقعد جنبها
شريف / مالك يا صافى
صافى / شيماء حامل
شريف / بتهزرى
صافى / مرضيوش يقولوا و انا قاعده
شريف / امال انتى عرفتى منين
صافى / سمعتها هى و رؤى بيتكلموا فى المطبخ كانت بتقولها خفت صافى تزعل
شريف / يمكن كانوا بيتكلموا عن حاجه تانيه
صافى / يمكن
شريف / اصلا ايه اللى يزعلك ان شيماء تكون حامل او لا
صافى / يمكن عشان انا لسه ما حملتش
شريف / بتهزرى
صافى تبصله بحزن
شريف / صافى انتى الموضوع ده فارق معاكى اوى كدا
صافى / هو انا مش هفرحلها يعنى يا شريف
شريف / انتى سمعتيها بتقول لرؤي انها حامل سمعتى كلمه حامل بودنك اصل اذا كنت انا نفسى لسه ما حدش قالى
صافى / ما اعرفش بس
شريف / ما بسش يمكن كل ده شيطان هو كان يوم متوتر اصلا و صعب من اوله هو طبعا موقف وحش منهم بس يمكن ما يكونش بخصوص الحمل خالص
صافى / طب ايه اللى مرضيتش تقوله قدامنا لحسن ازعل
شريف / و ايه اللى يزعلك فى حمل شيماء اصلا
صافى / والله افرحلها
شريف / خلاص الموضوع منتهى لما يبقوا يقولوا هنفرحلهم و خلاص دا لو هى حامل فعلا
صافى / يا شريف انت ليه مش قادر تفهم انا فارق معايا الموقف نفسه مش ان شيماء حامل او لا شيماء دى اختى لو حامل انا هفرحلها والله لكن انها تخبى عنى و كانى هحسدها او هزعل انها حامل ده اللى وجعنى
شريف / فاهم والله يا حبيبتى فاهم
صافى /لا مش فاهم انت مش فاهم دول اهلى انا ماليش فى مصر غيركوا ما ينفعش اتنبذ ما ينفعش
شريف / و مين بس اللى يقدر ينبذك اصلا دا انتى حاطه رجلك فى قلوبنا كلنا و متبته دا انا امى بقت بتحبك اكتر منى انا شخصيا على فكره بقى الموقف ده هتلاقيه حاجه تانيه خالص و هتلاقيها متكلمتش قدامك فى حاجه فعلا كانت هتزعلك و عشان خايفه على زعلك ما اتكلمتش عشان انتى غاليه عندهم اوى و انا بقول اهو
صافى / تفتكر يا شريف
شريف / انا متاكد
صافى تفتح لشريف ايديها ياخدها فى حضنه و يبوس راسها
.................................
فى شقه مازن
مازن يفتح الباب و يدخل و مرام تدخل وراه شايله ملك تدخل الاوضه و تحطها هو يقفل باب الشقه و يروح يقعد على الكنبه مرام تطلع تقعد جنبه
مرام / اعملك حاجه تاكلها او تشربها
مازن يبصلها و يمدلها ايده تروح تقعد جنبه
مرام / انت عملت اللى عليك
مازن / انا اللى عشمت نفسى باين انا اللى كنت فاكر انه لما هيشوفنى انا و ملك هياخدنا بالحضن انا اللى ساذج اوى
مرام / انت اللى طيب و ابن اصول انت اللى ما فيش زيك فى الدنيا كلها احلى مازن فى الدنيا
مازن يبصلها و يبتسم بحزن
مرام / ما تدايقش نفسك ما فيش حاجه فى الدنيا تستاهل
مازن / و لا حتى ابويا يا مرام
مرام / لا ما اقصدش بس الحمد لله انت اطمنت عليه و هو كمان اطمن عليكوا و شافكوا حتى يعنى لو بيعمل الشويتين دول انا متاكده انه فرح بيكوا و اطمن هو بس بيحاول يبان ناشف يعنى و مش همه بس صدقنى يا مازن زيارتك دى فرقت معاه على الاقل فكرته ان ليه ابن و حفيده مع انى اشك انه نسيكوا و لو للحظه
مازن / دا ما اتكلمش عن اى حاجه غيرك سيبها سيبها سيبها
مرام / ههههههههههههههههههههههههه ربنا يهديه
مازن / انتى بتدحكى
مرام / ما تدايقش نفسك عشان خاطرى بكره ربنا يحلها من عنده انت مش روحتله عشان ربنا خلاص انت عملت اللى عليك و الباقى على ربنا اهدى بقى
مازن / ربنا يخليكي ليا و ما يحرمنيش منك ابدا
مرام / قولى بقى هتعمل ايه فى يوم اجازتك اليتيم ده ما تقوليش هنضيعه فى النكد
مازن / ههههههههههههههههههه تحبى تعملى ايه
مرام / مش عارفه ملك نايمه و البيت هادى و الليله امبارح انضربت
مازن / هههههههههههههههههههههههههه
مرام / بعشق دحكتك المستفزه دى بعشقها
مرام تقوم على ركبها و تحضن مازن و هو مبتسم
.............................
