(((((السكة شمال 2)))))))
#لولو_محمد
الحلقه 154
زياد / انا اسف انى بتصل بيك فى وقت زى ده بس
مازن / انجز
زياد /ابوك محجوز فى المستشفى
مازن / انا جايلك
زياد / هحجزلك التزكره و ابعتهالك
مازن / ما فيش داعى ما تشيلش همى
زياد / دا اخر كلام عندك
مازن / مع السلامه
زياد / سلام
مازن يقفل و يقوم يطلع شنطه من الدولاب و هو بيتصل بحد مرام تصحى
مرام / فى ايه يا مازن
مازن / ايوه يا شريف انا عاوز اسافر دبى حالا ان شالله فى طياره خاصه .. زياد كلمنى قالى بابا تعبان ... يلعب بقى ما يلعبش انا تعبت انا لازم اسافر و اطمن بنفسى ... سلام
..............................
مرام تقوم تجرى تساعده و تحط طقم بيت و غيارين
مرام / هو انت هتقعد كام يوم
مازن / مش عارف هاتى هدوم بزياده
مرام / طب هتقعد فين
مازن / انا هروح على انى هقعد عنده لو طردنى هرجع علاطول
مرام / تمام ثوانى اجيبلك فوط هتحتاج ايه تانى
مازن يبصلها و يتنهد
........................
فى دبى
زياد / الورق اللى حضرتك طلبته انا راجعته و كلو تمام تحب حضرتك تراجعه تاني
ابراهيم يمد ايده فريده تسبقه و تاخد الورق
فريده / هتقدر تبص فيه دا انت واخد مضاد حيوى يهد جبل ما ترهقش نفسك انا هقراهولك
زياد / على فكره احمد نضى العقود فاضل حضرتك تمضي عشان يحول الفلوس لحضرتك في البنك و بالنسبالى بقي يا دوب اطلع على المطار عشان اجيب عبد المجيد بيه زمان طيارته على وصول
فريده / هى لبني فين
زياد / لبني فى البيت ليه
فريده / مش اولى برده انها تيجي تقف جنب حماها بدل ما تسيبها فى البيت لوحدها
زياد / هتيجي يا ماما بس لما حوار الورق و الشغل دا كلو يخلص
ابراهيم / خير ما عملت
زياد / انا حاولت اكلم مازن تانى
فريده / خلاص بقي بلاش السيره دى هو مش ناقص روح انت شوف وراك ايه يلا
زياد / عن اذنكوا
فريده / انا مش عارفه مازن ده طالع كدا لمين يلا ربنا يسامحه بقي بكره ولاده يعملوا فيه كدا و اديك سمعت المكالمه امبارح زياد عرض عليه حتى يبعله التزكره التانى رفض طبعا الهانم مقوياه
ابراهيم / انا تعبان اوى نادى الممرضه دى تديني مسكن و لا اى حاجه
فريده / مش هتمضى الورق الاول ما تكومش عليك لسه سى عبد المجيد ده لما يجي
ابراهيم / امضى من غير ما اقرا
فريده / طب اقعد هقرالك
ابراهيم / طب خلى الممرضه تديني مسكن الاول
فريده / ما انت كدا هتنام
ابراهيم / يعني اموت قدامك يعني عشان ترحميني و تنادى الممرضه
فريده / بعد الشر ثوانى
فريده تقوم تدوس على زرار
فريده / هو تعبان اوى ما لوش مسكن و لا اى حاجه
البنت / حالا
البنت تطلع امبول من جيبها و تفضيه لابراهيم فى المحلول
البنت / هترتاح شويه و هترتاح
ابراهيم / شكرا
البنت تطلع
فريده / احسن ؟؟
ابراهيم / هو لحق
فريده / طب و الورق
ابراهيم / هاتى امضيه
فريده / تحب اقراهولك
ابراهيم / لا هقراه انا
ابراهيم ياخد من فريده الورق و يبص فيه و هو بينام فريده تاخده منه
فريده / انت بتنام يا ابراهيم شكل المسكن بدا يشتغل قولتلك امضى الاول
فريده تمسكله الورق
فريده / خلينا نخلص بقي امضي
ابراهيم يمضي فريده تقلب الورق يمضي
ابراهيم / هو انتى قريتي الورق
فريده / ما تقلقش امضي بس
ابراهيم / اخر واحد كنت افكر ابيعله بس الوحيد اللى معاه سيوله فى اسرع وقت الواحد يعد صوابعه بعد ما يسلم عليه
فريده / ما تقلقش زياد مش هيضرك امضي امضي
ابراهيم يمضى من غير ما يقرا و فريده تاخد الورق و هى مبسوطه
فريده / اخيرا يااااااه
فريده تبص لابراهيم نايم
فريده تطلع بره تلاقي زياد
زياد / مضى
فريده / مبروك عليك يا حبيبي
زياد / يجي مازن بقي يستلم جثته
فريده / لا اوعى استني يومين تلاته و بعدين نتحرك و كل ما كان في وقت اطول كل ما الموضوع اتسبك اكتر مش عاوزين حد ينخرب ورانا
زياد / ما ينخربوا احنا كلو فى السليم بس انتى ليه قولتيلى اكلم مازن و منين بتعملى لرقم مازن و مونى و كامل بلوك على موبايل ابراهيم و منين بتخليني اقول لمازن ابوك بيموت
فريده / وجود مازن وسطينا و ابوه يموت و هو واقف هيبعد عننا اى شبهه و يتلخم كمان في نقل جثته و الاجراءات و على ما يبدا يدور على الورث يبقي يقابلنى بقي
زياد / نفسي اشوف وشه لما يعرف ان كل ده بقي بتاعى
فريده تشوف مازن جاى من بعيد
فريده / جه جه ... اهلا اهلا يا حبيبي
مازن / ماله بابا فى ايه
فريده / فشل فى الكبد
مازن / هو جوه
فريده / نايم لو كنت جيت بدرى شويه كنت لحقته
مازن يسيبها و يفتح الباب يلاقيه نايم و المحلول فى ايده يسيبهم و يمشي
فريده / مع السلامه يا حبيبي
زياد / هههههههههههههههههه
فريده / امشي انت بقي بالورق و ظبط الدنيا
زياد / تمام يلا سلام انا
فريده / مع السلامه يا حبيبي
..................
فى شقه شريف
صافى بترتب مع شريف الشنطه
صافى / الله امال مونى كانت بتقول كويس ليه
شريف / ما تعرفش مخبيبن عليها عشان الامتحانات
صافى / دا زمان مازن نفسيته مدمره
شريف / فى الارض طبعا دا غير ان الحاله متاخره جدا و مش لاقين متبرع
صافى / لا اله الا الله و المتبرع ده هيتبرعله بايه دا هو كبد واحد فى الجسم عاوز متبرع ميت بقي مش كدا
شريف / لا ممكن جزء من الكبد على ما فهمت من مازن على العموم هما خدوا من مازن عينات كتير و لو طلع مناسب مازن هيتبرعله غير كدا انا كلمت كل الناس اللى اعرفهم و ربنا يسهل بقي
صافى / و انت يا شريف ممكن تعمل كدا
شريف / امال انا مسافر ليه
صافى / بس دا راجل واطى و ما يستاهلش
شريف / مازن يستاهل و بعدين دى حاجه ثوابها عند ربنا
شريف يقفل الشنطه و يتنهد
شريف / هتبقي كويسه و انا مسافر صح
صافى / هو انا لوحدى يعني ما ربنا يخلى ماما و البنات
شريف / تمام على العموم لو احتاجتوا اى حاجه كلمى عمر تمام
صافى / ما تقلقش علينا وراك رجاله
شريف يبوس راسها و ياخد الشنطه و يمشي
..................
فى شقه مرام
مرام قكاعده على السرير جنب ملك نايمه و بتكلم مازن فى التليفون و هو متاثر جدا
مرام / ما تقلقش انت علينا المهم تاخد بالك من نفسك
مازن / انا مش هسامح نفسى ابدا لو جراله حاجه
مرام / قدر الله و ما شاء فعل و ان شاء الله مش ها يحصله
مازن / الدكتور بيقولى حالته كانت بتسوء بسرعه خرافيه و ما كانش بيستحيب للعلاج حتى فريده كمان تعبت بنفس التعب
مرام / لا اله الا الله طب من ايه ده
مازن / ما حدش عارف بيقولوا الكحوليات و بيقولوا مسكنات و فى اسباب كتير تانيه انا ما اعرفش
مرام / ان شاء الله خير
مازن / مرام انا عارف ان علاقتكوا وحشه و انه اذاكى بس هو محتاجك تدعيله انتى اصيله يا مرام
مرام / من غير ما تقول دا كفايا الحاله اللى انت فيها والله من ساعه ما سافرت و انا بدعيله
مازن / انا لازم اقفل واضح ان نتيجه التحاليل ظهرت الدكتور بيتكلم مع فريده و زياد هروح اشوف بيتكلموا فى ايه
مرام / ابقى طمنى انا مش هنام
مازن / تمام يا قلبى مع السلامه
مرام تقفل و تحط الموبايل جنبها
مرام / يارب عشان مازن و مونى يارب
مرام تقوم تتوضى و تصلى
..........................
فى فيلا ابراهيم
لبنى فى اوضتها بتتكلم فى التليفون
لبنى / انا مش قادره افهم منين عاوزين يقتلوه و ياخدوا فلوسه و منين باعتين لمازن يلحقه
احمد / ههههههههه لا طبعا باعتينله يتلخم فى ابوه عشان ما يدورش على ورث و يرتبك
لبنى / لا بيتهيالى الاولى انه كان يتصدم
احمد / واحد دايخ فى تحاليل و قرف و لا واحد متهنى مع مراته و قالوله ابوك مات يا مازن
لبنى / مهو ممكن يطلع مطابق و ينقذه
احمد / مش هيدوله فرصه يا هيلعبوا فى التحاليل يا هيخلصوا عليه بدرى بدرى المهم انك تكونى جبتى معاكى طقم اسود عشان ابراهيم ميت ميت
لبنى / مدايقه اوى من نفسى كانى اشتركت معاهم فى قتله ما كانش المفروض يعمل كدا مع مازن ما كانش المفروض يبيعه انا حاولت كتير اعقله حاولت كتير احنن قلبه بس للاسف ما فيش فايده زن فريده كان اقوى
احمد / المفروض تفكك من التفاهات دى و تفكرى فى اللى جاى كل الفلوس دى هتروح لزياد
لبنى / للاسف و ساعتها ما حدش هيقدر يقفله
احمد / احم احم
لبنى / انت ليه ما قولتليش انك جاى دبى
احمد / ما كنتيش هتيجي
لبنى / يخربيت صراحتك
احمد / ههههههههههههههههههههههه
لبنى تبص فى الموبايل
لبنى / فريده بتتصل هشوفها عاوزه ايه سلام
احمد / هتكلمينى تانى ؟
لبنى / لا
احمد / ماشى يلا سلام
لبنى تقفل و تتصل بفريده
لبنى / ايوه يا طنط
فريده / بتكلمى مين
لبنى / بكلم اسراء فى الاسبا خير فى حاجه
فريده / لا بطمن عليكى عشان قاعده لوحدك
لبنى / انا تمام كويسه
فريده / مش هتيجي
لبنى / بلبس اهو
فريده / تمام مستنينك
لبنى / سلام
لبنى تقفل
لبنى / دورك جاى يا فيرى هانم
لبنى تقوم تلبس
...........................
فى المستشفى
ابراهيم نايم فى السرير تعبان جدا و مازن جنبه ماسك فى ايده و بيعيط
ابراهيم / انت بتعيط ليه انا اصلا ما كنتش هوافق اخد منك حاجه
مازن / بطل بقى يا بابا كفايا انا عملت ايه لكل ده حبيت
ابراهيم / مش قصدى انا اقصد انك لسه صغير و لازم تعيش و تربى بنتك
مازن / انت ليه اتاخرت اوى كدا انك تلاقى متبرع ليه سبت كل حاجه للوقت ده
ابراهيم / قدر الله و ما شاء فعل
مازن / على فكره هتبقى كويس هتخف و تبقى كويس دلوقت تحاليل شريف تبان و ان شاء الله يطلع ايجابى شريف كلم مستشفيات كتير فى مصر و اول ما يلاقوا متبرع مناسب هيكلمونا
ابراهيم / هتزعل عليا
مازن / ما تقولش كدا ابوس ايدك انا مش ناقص
ابراهيم / هو انت مش زعلان منى
مازن / مش زعلان بس قوملى انت بس بالسلامه و شوف انا هعمل ايه والله العظبم لادبح و افرق لحمه و اكل الناس كلها بس انت قوم بالسلامه
ابراهيم / ما جبتش ملك ليه
مازن / ما كانش فى وقت
ابراهيم / كنت عاوز اشوفها
مازن / اطلبهالك فيديو كول تشوفها
ابراهيم يهز راسه مازن يطلع الموبايل و يتصل بمرام ترد
مازن / بابا عاوز يشوف ملك هى صاحيه
مرام / اه ثوانى بتلعب
مرام تعمل التليفون على ملك و هى بتلعب بالحلل مازن يدى الموبايل لابراهيم يبتسم
ابراهيم / ما شاء الله
مرام تقرب الموبايل اكتر ملك تبص للموبايل و تدحك ابراهيم يدحك بضعف الباب يتفتح و ممرضه تدخل
الممرضه معاد الدوا
الممرضه تطلع حقنه و تحطها فى الكانوله فى ايد ابراهيم
ابراهيم / انا مش عاوز انام
الممرضه / ما علش لازم
الممرضه تمشى ابراهيم يفضل ماسك الموبايل بالعافيه مازن يمسكه بداله و هو متابع ملك لحد ما يروح فى النوم
مازن / خلاص يا مرام نام
مرام / هو عامل ايه
مازن / ممكن نتكلم بعدين
مرام / تمام مع السلامه
مازن يقفل و يروح يقعد و يتنهد و هو بيبص على ابوه شريف يدخل راسه مازن يقوم يقف و يطلع بره
مازن / طمنى
شريف / للاسف انا كمان نيجاتف
مازن يبص فى الارض و يتنهد و يبص الناحيه التانيه يلاقى مونى داخله بتجرى و كامل وراها شايل مازن الصغير مونى تحضن مازن و هى منهاره من العياط
مونى / دا كان كويس انا لسه مكلماه كان كويس
مازن / كانوا مخبيين عليكي
مونى / ازاى يعملوا كدا ازاى يعملوا كدا هو فين عاوزه اشوفه
مازن / جوه نايم
مونى تجرى على جوه و الكل وراها
مونى / ليه خبيت عنى؟؟ ليه سبتنى بعيد ؟؟
كامل / احنا نقدر نعمل حاجه
شريف / بندور على متبرع يديله فص من الكبد بس للاسف الحاله متاخره جدا
كامل / طب انا ممكن
مونى / و انا قولولى اتبرع فين
كامل / انتى بترضعى يا مونى هتقدرى
مونى / الدكتور اللى يحدد
شريف / مكتب الدكتور من هنا
مونى / هو ماما فين يا مازن
مازن / ما اعرفش
مونى تهز راسها و تروح مع شريف هى و كامل و مازن يقعد على الكرسى تانى و يمسك ايد ابوه و يبوسها
مازن / ما تقلقش هتقوم بالسلامه ان شاء الله
..................
فى شقه مديحه
مروه و محمود و مديحه قاعدين فى الصاله
مروه / ذنب ناس بيخلصه ناس اياكش يولع
محمود / عيب يا مروه
مروه / هو ايه اللى عيب ان كنا سامحنا مازن فعشان هو ما لوش ذنب و مش زى ابوه
محمود / و انتى ما لك و مال ابوه هو كلمك
مروه / يا سلام و هى كل المشاكل اللى شوفناها دى مش عشان الباشا ما كانتش عجباه مرام
محمود / ما لكيش دعوه الراجل بيموت و ربنا اللى يحاسبه ما لناش احنا دعوه
مروه / هو كدا لما يموت مازن هيورثه صح كدا فلوس مازن كلها هترجعله بزياده مش كدا
محمود / يعنى هى هترجعلى انا يعنى
مروه / لا ما اقصدش انا اقصد ان الشركه هترجع و هترجع تشتغل فيها تانى و الظروف تتحسن
محمود / ما اعرفش و اكيد موضوع زى ده مش هيتفتح تانى خصوصا قدام مرام و مازن مفهوم
مروه / ما كنتش ناويه افتحه تانى اصلا انا مالى اساسا بقولك ايه انا هروح بقى ورايا هم ما يتلم فى البيت هتعوزى حاجه يا ماما
مديحه / تسلمى يا حبيبتى
مروه تشاورلهم و تمشى
مديحه / البت بتتكلم صح
محمود / يا ماما احنا فى ايه و لا فى ايه دا بدل ما تبصى على مرام اللى قاعده لوحدها دى
مديحه / ما انا قولتلها تيجي تقعد معانا قالت مش فى المود انا عارفه هى مزعله روحها ليه امال لو ما كانش راجل واطى و ابن كلب
محمود / عشان جوزها يا ماما انا نفسى زعلان عشان مازن انما لو على اللى اسمه ابراهيم ده يلا بين ايدين ربنا خساره فيه الحسنات بس مازن برده مننا و زعله يزعلنا و لا ايه
مديحه / يلا اياكش يتعظ لما يشوف الموت يعرف ان الدنيا ما تسواش
محمود / هو مين ده
مديحه / ابراهيم يعنى هيكون مين يعنى عليه و على انعرته و نفخته الكدابه
محمود / انا داخل انام يا ماما هتعوزى حاجه
مديحه / مش هتكمل الفيلم
محمود / كمليه انتى تصبحى على خير
مديحه / و انت من اهله
................................
فى المستشفى
فريده و مونى بيتخانقوا فى الكافتريا
فريده / يا حبيبتى انتى فاكراها سهله انتى بترضعى و معاكى بيبى لازم تفكرى فيه
مونى / انا اصلا مش قادره اصدقك انتى طول الفتره دى كنتى بتكدبى عليا
فريده / كنتى هتعمليله ايه بس
مونى / كنت اترمى فى حضنه اشبع منه افضل جنبه و يبقى قدامنا وقت كفايا ندور على متبرع انتى ازاى تعملى كدا هنت عليكى هان هو عليكى يبقى فى الحاله دى و عياله بعيد عنه
فريده / هو اللى كان عاوز كدا انتى كان عندك امتحانات و مشاكله مع مازن
مونى / حرام عليكى بقى انتى لسه بتلاقى اعزار
فريده / انا كمان عيانه زيه بالظبط كل ده قضاء ربنا و احنا راضيين بيه انتى مؤمنه اللى بتعمليه ده ما ينفعش قول حاجه يا كامل
كامل / اقول ايه بس يا طنط مونى كل يوم كانت تكلم حضرتك و اونكل و فجاه تعرف انه تعبان
زياد / يا عم لم الليله احنا فى مستشفى انت جاى تشعللها
كامل / انا مش هرد عليك يلا يا مونى عشان تطمنى على باباكى
زياد / ايوه القلب الحنين انت
كامل يبصله و ياخد مونى و يمشى
زياد / انا مش عارف عجبها فيه ايه ده
فريده / انا بقول كفايا عليه كدا و نخلص بقى عاوزين نروح
زياد / قولت كدا
فريده / تمام
.........................
قدام اوضه ابراهيم
شريف / و انت مش هترتاح
مازن / و هتيجي منين الراحه يا شريف و هو فى الحاله دى
شريف / اتكلمت معاه فى ايه
مازن / و لا حاجه ما لحقش الادويه اللى عمالين يدوهاله دى بتنيمه و هو اصلا خلصان مش قادر
شريف / على فكره انا كلمت الدكتور قالى ان حتى لو لقينا المتبرع نسبه نجاح العمليه مش عاليه لان الحاله بتدهور بسرعه شديده بيقول انه عمره ما شاف حاله بتدهور بالسرعه دى قبل كدا
مازن / لو نسبه نجاحها واحد فى المليون هنعملها الاعمار بيد الله مش هسيب باب الا لما اخبط عليه
شريف / انا اقصد انك ما تعشمش نفسك عشان ما تتعبش زياده و تحاول تاهل نفسك
مازن يبصله
شريف / انا عارف ان الموضوع مش سهل بس كل المؤشرات بتقول انه هيموت
مازن / ما تقولش كدا يا شريف ابوس ايدك ما تقولهاش ان شاء الله هيقوم و يخف ايه يا اخى انت عمرك ما كنت قاسى عليا اوى كدا انا فيا اللى مكفينى انت جاى تسندنى و لا تكمل عليا الله
شريف / انا اسف
مازن / انا اللى اسف انا بجد مش عارف
شريف / انت كلت حاجه من ساعه ما جيت اجبلك حاجه عصير او اى حاجه
مازن / ما ليش نفس
ممرضه و اتنين عمال يدخلوا الاوضه مازن يروح وراهم
مازن / فى ايه
الممرضه / الدكتور قال ننقله الاى سى يو
مازن / تمام
..........................
في شقه فاطمه
صافي / لا شريف حجز فندق بس حط فيه شنطته و شنطه مازن لكن الاتنين بايتين في المستشفي كلو بايت في المستشفي اصلا
فاطمه / الله يعينهم ان كان مازن و لا موني الاتنين يا قلبي اتصدموا
رؤي /بس هر كان بيحاول يقول لابيه مازن بقاله فتره بس ابيه ما صدقوش
تقي / من كتر ما كدب و عمل نفسه عيان قبل كدا طبيعي ما يصدقوش طبعا
رؤي / لا يا بنتي هما كانوا عاوزين يخبوا عن موني عشان كدا الدنيا اتلخبطت
صافي/ اصلا الدنيا هناك بايظه خالص شريف بيقولي لحد ما مازن وصل الراجل كان بيشتغل و ناس داخله و ناس خارجه مش بيرتاح و دا اللي خلي حالته تدهور بالسرعه
فاطمه / كل دا نصيب و دي اعمار
رؤي / هو المرض ده جالهم من ايه يعني انا اسمع ان الاكل و الميه هناك نضاف اوي امال بقي اصل الاتنين يعيوا بنفس التعب فوقت واحد غريبه اوي
صافي / الله يعينها موني ابوها و مامتها في وقت واحد
رؤي / بس هي علاقتها بيهم مش قد كدا
فاطمه / ازاي يعني مش ابوها و امها
رؤي / بس طول الوقت كل واحد في بلد علاقاتهم تليفونات يعني مش هتتاثر اوي و الحمد لله جوزها كويس و عندها ابنها و دراستها تتلهي فيهم
صافي / بالعكس موني بختها قليل جدا و فرحتها دايما مكسوره باباها طول الوقت مسافر و اخواتها كلنا شوفنا قطعوا بعض ازاي و فرحتها علاطول ناقصه و مكسوره
تقي / مع انها طيبه اوي و عسوله
رؤي / ذنب امها بقي و عمايلها
فاطمه / ريحه الكيكه طلعت قومي يا رورو بصي عليها
رؤي / حاضر يا ماما
.................
فى المستشفى
مازن قاعد فى الكافتريا بيشرب قهوه و مدايق لبنى تدخل من وراه و تروح تقعد قدامه
لبنى / ازيك
مازن / الحمد لله
لبنى / انا عارفه ان الصدمه كانت شديده عليك
مازن / انتى كنتى عارفه
لبنى / عارفه من فتره مش كبيره
مازن / ليه ما قولتليش
لبنى / عشان هو ما يستاهلش تزعل عشانه او حتى تهتم
مازن / و انتى بقى اللى هتحددى يستاهل و لا ما يستاهلش
لبنى / ما تفوق لنفسك بقى انت عارف انا كام مره اتحايلت عليه يرجعلك فلوسك كام مره حاولت اكلمه بس عنك
مازن / انتى عاوزه ايه
لبنى / انا صعبان عليا انك تزعل على واحد باعك بدل المره مليون
مازن / الواحد اللى انتى جايه تقسينى عليه ده رباكى عمره ما فرق بينك و بينا كنتى اختنا التالته بس ما تمرش
لبنى / امشى قبل ما يدبسوك فى حساب المستشفى لو فاكر ان فريده او زياد هيدفعوا جنيه تبقى غلطان
مازن / اقسم بالله لولا اننا فى مكان عام و حوالينا ناس و لا على ايه انا كلامى اصلا مش معاكى انا كلامى مع جوزك
لبنى / ابوك اتنازل عن كل حاجه لزياد بيع و شرا ابوك باعك و باع مونى
مازن / انتى كدابه
.......................................
