((((((السكة شمال 2)))))
#لولو_محمد
الحلقه 184
البنت تدخل شايله طبقين كبار ايسكريم تحطهم على الترابيزه
لبنى / ميرسى
البنت تبصلها و تبتسم و تمشى
احمد / اتفضلى
لبنى تمسك الطبق بتاعها و تاكل منه
احمد / عندى صوره ليا انا و انتى و زياد و انتى واقفه فى النص ايه رايك احطها
لبنى / هههههههههههههههههههههههههه و ماله اهو كل ما تيجي تبصلى تفتكر زياد
احمد / تصدقى خفت و ركبى بتخبط فى بعض
لبنى / ههههههههههههههههههههه ما تدحكنيش بقى الايسكريم هيقع عليا يبهدلنى
احمد / تعرفى اهم حاجه فى شركتى ايه
...........................................
لبنى / ايه
احمد / ان دايما فيها اوضه جنبيه بحمامها و يكون سريرها مريح و الدوش بينزل مايه سخنه
لبنى / اتاريك مدمن شغل
احمد / ههههههههههههههههههههههههه
لبنى / بتتعب اوى الحقيقه
احمد / ما تيجي افرجك عليها
لبنى / ممكن مره تانيه اكون عامله حسابى انى هتاخر بس المرادى صعب ورايا حاجات كتير اوى
لبنى تقوم تقف
احمد / الله طب على الاقل كملى الايسكريم
لبنى / يبقى عليك ليا عزومه ايسكريم
لبنى تمد ايدها يسلم عليها تبتسمله و تمشى و احمد ياخد البرواز يحطه على المكتب جنبه وشه للكرسيين اللى قدامه
احمد / تحفه مع ان زوقك فى الرجاله معفن
....................................
فى شقه مازن
مازن يدخل و اللهفه باينه عليه
مازن / مرام .. مرام
مرام تطلع من المطبخ يجرى عليها
مرام / فى ايه يا مازن مالك
مازن / انتى اللى مالك فى ايه
مرام / ماليش فى ايه
مازن / كنت بتكلم مع شريف و قالى انه حجزلك نسا انتى طلبتى منه رقم دكتوره نسا شاطره و هو حجزلك فى ايه فيكى حاجه
مرام / هههههههههههههههه يا قلبى
مرام تحط ايدها على خد مازن بحب يمسك ايدها و يبصلها بلهفه و استغراب
مرام / تمام تعال اقعد و انا هحكيلك انا كويسه الحمد لله و ما فييش حاجه الدكتور مش ليا
مازن / امال لمين
مرام / طب اقعد طيب و انا هقولك كل حاجه تعال اقعد خد نفسك
مازن ياخد مرام و يقعدوا و هو متابعها بلهفه
مرام / رؤى راحت لوحدها كشفت نسا و طلع عنها مشكله صغيره فى التبويض هى مش عاوزه تقولهم يعنى عشان ما يقلقوش و يزعلوا كدا يعنى
مازن / انتى بتتكلمى جد
مرام / ايوه جتلى و كانت نفسيتها وحشه قولتلها نشوف دكتور و اتنين و تلاته و لما نتاكد نقرر هنقولهم و لا لا اصلا الحوار صغير و الدكتوره طمنتها و قالت هتاخد حقن و كدا و ان شاء الله هتجيب نتيجه هى بس الخضه و كدا
مازن / ايوه بس هى لازم هتقولهم
مرام / والله قولتلها كدا بس هى خايفه على مامتها خايفه تتاثر و تزعل
مازن / مهم كدا كدا هيعرفوا و بعدين مين هيقف جنبها و يدعمها غيرهم دول فى الاول و الاخر اهلها
مرام / على العموم انا هروح معاها بكره للدكتوره و لو قالت نفس الكلام تمام نشترى العلاج و تبدا فيه و نبلغهم
مازن / طب خافت على مامتها و فهمتها لكن تخبى عن شريف كمان ليه ما تقوله
مرام / والله يا مازن انا قولتلها كل الكلام ده هى بقى ليها دماغها و انت عارفها عنيده دى حتى ما قالتلهمش انها هتروح تكشف اصلا حجزت و راحت لوحدها
مازن / الدماغ دى بتتعب طب قالت لسعد
مرام / ما قالتش لغيرى دا على قد علمى طبعا ما اعرفش بقى روحت قالت لحد تانى و لا لا بس واضح انها لسه ما قالتش و الا ما كانش شريف قلقك اوى كدا
مازن / قدر و لطف و ان شاء الله خير
مرام / انا لسه طافيه على الاكل اغرفلك
مازن / لا لا مش هقدر بطنى كركبت من الخضه اصلا بجد انا سبت كل اللى فى ايدى و جيت جرى
مرام / طب ما كلمتنيش على الموبايل ليه .. اووووووف نسيت افتحه اصله فصل حطيته فى الشاحن و اتلخمت فى الاكل بقى ما علش
مازن / الحمد لله انا هقوم ادخل الحمام اغسل وشى كدا و افوق تمام
مرام / تمام يا حبيبى تمام
مازن يقوم يبوس راسها و يروح ناحيه الحمام و يرجع
مازن / ملك فين
مرام / نايمه يا قلبى
مازن يهز راسه و يدخل الحمام و مرام متبعاه و مبتسمه
.................................
فى شقه فاطمه
رؤى نايمه على السرير فى اوضتها و سرحانه باب الاوضه يخبط ما تردش الباب يتفتح و شريف يدخل براسه
شريف / ادخل
رؤى تبتسم و تشاورله يدخل و يقفل الباب وراه و يروح يمدد جنبها و يربع ايديه تحت راسه
شريف / ها يا رياسه هنقتل مين
رؤى تبتسم و تضربه بالمخده
شريف / امك قالتلى انك من ساعه ما جيتي من بره و انتى قافله على نفسك و ما اكلتيش خير سعد مزعلك فى حاجه
رؤى / ابدا
شريف / قوليلى اقطملك رقبته
رؤى / والله ابدا انا بس تعبت من دوشه العيال قولت اريح دماغى شويه و افصل
شريف / والله عندك حق دا مروستان امال لو كانوا عشره كانوا عملوا فينا ايه
رؤى تبتسم
شريف / رؤى انتى فى حاجه عاوزه تقوليهالى
رؤى تبصله
شريف / مهو انا اغلط فى نفسى بس ما اغلطش فيكوا فيكي حاجه
رؤى ما تقدرش تكتم دموعها و تترمى فى حضنه و تعيط يتعدل و يتخض
شريف / للدرجادى !!! فى ايه يا رورو مالك
رؤى / انا روحت كشفت نسا النهرده
شريف ملامحه تقفل
رؤى / الدكتوره ادتنى حقن منشطه للمبايض و قالت ان الحاله مش مستعصيه
شريف / الحمد لله تمام بسيطه نجيب الحقن و تاخديها بس انتى ليه روحتى لوحدك ليه ما قولتيش لحد بالموضوع ده
رؤى / ما حبتش ازعجكوا
شريف / تزعجى مين يا رؤى ؟ احنا !!! احنا ما عندناش اغلى منك يا بنتى هو انا اللى هقولك ؟ دا انتى حته منى انا الدنيا عندى فى كفه و انتى لوحدك كدا فى كفه
رؤى تبصله بحزن و تبص فى الارض
شريف / انا هاجى معاكى بكره عند الدكتوره .. الكشف بتاع مرام ده عشانك صح
رؤى تهز راسها و تبص فى الارض
شريف / بكره هاجى معاكى و كلمى سعد و قوليله
رؤى تبصله
شريف / احنا عيله يا رؤى و العيله بتقف مع بعض مهما كانت الظروف
رؤى تحضن شريف اوى يبوس راسها و يطبطب عليها
شريف / قومى تعالى كلى معايا افتحى نفسى لحسن انا قربت اعض المخدات فى البيت ده قومى
رؤى تمسح دموعها و تقوم معاه
شريف / لو كررتى الموقف ده تانى و خبيتى عنى حاجه هنفخك هجيب المنفاخ بتاع العجل و انفخك لحد ما تفرقعى مفهوم
رؤى تهز راسها اه و تقوم معاه يطلعوا بره
..............................
فى فيلا زياد
لبنى قاعده و ماسكه الموبايل و حاطه الهاند فرى فى ودانها و بتسمع حاجه زياد يدخل تشيل الهاند فرى و تقفل الموبايل و تبصله و تبتسم
زياد / كنتى بتسمعى ايه و مندمجه اوى كدا
لبنى / ام كلثوم
زياد/ يع ايه يا بنتى من امتى ليكي فى الاغانى الحجرى دى
لبنى / كنت بسمع انت عمرى و افتكر عمرى اللى قضيته معاك
زياد / كدا هتخلينى احبها
لبنى / اوعى .. انت ما تحبش حد غيرى فاهم و لا لا
زياد / و هو انا ممكن الاقى احلى منك برده
لبنى / حبيب قلبى انا
زياد / روحتى باركتى لاحمد على الشركه الجديده مش كدا
لبنى / باركتله ما تقلقش
زياد / البيه عامل حفله فى فيلته و عازم كل رجال الاعمال و احنا اولهم طبعا
لبنى /تمام نجيبله هديه حلوه بقى
زياد / انتى غريبه اوى ما فيش من امتى كنتى عوزانى
لبنى / و حرقتله الشركه و حرقت دم اهله لو طلبت اكتر من كدا ابقى طماعه هقولك ايه يعنى اقتله
زياد / المهم و دا نجبله ايه يعنى
لبنى / لا ما تقلقش انت خالص انا هشوفله حاجه حلوه على زوقى بس على حسابك طبعا
زياد / ههههههههههههههههه يا نهار ابيض دا انتى تؤمرى
لبنى / اخبار الشركه ايه مش عشان ما جيتش تفتكر مش هتابع
زياد / طب يا ريتك جيتى اليوم كان ممل جدا ورق و قرف انا مش عارف انا بدفع لكل الموظفين دول مرتبات ليه ما دام لازم اراجع كل حاجه بنفسى ما اعملها بنفسى بالمره
لبنى / تفتكر احمد كمان كدا ما بياثقش فى الموظفين اللى عنده تفتكر عنده ناس بيثق فيهم و لا ايه
زياد / و هو كان فى حاجه مركبه مازن فوق احمد غير ان مازن كان بيعرف يشترى الموظفين بتوع احمد
لبنى / زى ما هو اشترى سكرتيرتك
زياد يبصلها
لبنى / بس احمد سكت على حرق شركته و لم الدور قصاد الحركه الناقصه بتاعته دى كدا لو عرف انك اشتريت حد من موظفينه ممكن يعنى
زياد / انا مش محتاج اشترى موظفينه عشان اعرف الشغل اللى بيعمله
لبنى / ايه ده يعنى انت بتراقبه
زياد / ههههههههههههههههههههههه يا بنتى التكنولوجيا ما خلتش و احمد بيعشق التكنولوجيا بيحب يشيل كل الفايلز بتاعته على سيرفر عشان ما يخسرهاش لو المكان اتحرق و ما شاء الله ما اكتر الحرايق لشركاته
لبنى تفتكر جمله احمد
////////////////////////////
احمد / ما دام فى المبنى و ما فيش خساير فى الارواح ما يهمش و كدا كدا الداتا كلها بتترفع على السرفر بتاع الشركه فمش فارقه
///////////////////////////
لبنى تبص لزياد
لبنى / و انت تقدر تدخل على السيرفر ده
زياد / انا اولردى جواه
لبنى / بتهزر ازاى
زياد / مهندس ابن حلال بس ايه عبقرى دخلنى
لبنى / ايه الدماغ دى انت ايه طنط فريده كانت بترضعك سم
زياد / هههههههههههههههههههههههههه
لبنى / بصراحه انبهرت و انا ليه ما اعرفش حاجه عن الموضوع ده
زياد / هتفرق معاكى فى ايه انا ما بحبش ادوشك بمشاكل الشغل و القرف ده
لبنى / بس هى حركه حلوه منك
زياد / التكنولوجيا سلاح ذو حدين برده
لبنى / معاك حق بس هو مش هيكتشف انك دخلت على السيرفر
زياد / انا على السيرفر مش فاكر من امتى و ما حسش بوجودى
لبنى / دا انت طلعت بير و انا ما اعرفش يا زيزو تصدق عجبتنى اوى الحركه دى
زياد / و لسه ياما فى الجراب يا حاوى
لبنى تبتسم و تبصله و هو هيفرقع من الغرور
.......................................
في الاستوديو
مازن /و سعد قال ايه
شريف /هيقول ايه يعني انتي زعلانه ليه كدا كدا لسه بتدرسي و قدامنا وقت خدي الحقن و من هنا لحد الاجازه يحلها حلال
مازن / و هي لسه قافله علي نفسها برضه
شريف / دا علي اساس انهم عندنا في البيت هيسمحولها يعني
مازن / و الله احسن حاجه بس تعرف انا أول مره اشوف الحته دي في رؤي
شريف / بالعكس دي تيبيكال رؤي ماشيه بدماغها و ما بتطلبش حاجه من حد و لا باحكي لحد عن مشاكلها ممكن بعد ما تخلص او تفشل خالص تحكي بقي
مازن / بس يعتمد عليها
شريف / حقيقي انت اخبار مرام ايه
مازن / مفيش جديد بين المطعم و الايفنتات و البيت ما بتقعدش
شريف / و لسه حفلات توقيع الكتاب الجديد
مازن / دا في الايفنتات عادي او في المطعم مش هنعمله حفله توقيع مخصوصه يعني
شريف / انا عاوز اتكلم معاك في حاجه
مازن / و انا سامعك خير
شريف / ظروف حياتي .. كل حاجه اتلخبطت.. مش قادر اوفق .. مش عارف ارتاح.. انا مش هقدر اسد علي كل ده
مازن / ما انت كنت سادد في الشركه و كان الشغل اكتر من ده بكتير
شريف / الوضع كان مختلف كنت عازب و ما كانش في عابد يصحيني من النوم كل نص ساعه و لا صافي كانت كدا كل شويه تتصل تعيط هتيجي امتي انا تعبت حتي ماما مش ملاحقه شيماء شبه بقت مقيمه معانا باحمد ابنها و صافي بتتكسف تتقل فلازم انا اشيل عنها شويه
مازن / هو انت مش مقسم الشغل بينك و بين محمود انت الصبح و هو بعد الضهر
شريف / ما انا بعد الضهر بطلع علي البوتيكات و الحضانه فبرده المحصله واحد انا بقضي نص اليوم في الشارع سايق من مكان لمكان
مازن / تمام يبقي نبني شركه
شريف / انا بقول ايه و انت بتقول ايه
مازن / بقول نبني شركه ندير منها كل ده نعين مدير لكل مصنع و يقدمولنا تقارير علي الشركه و انت تنظم وقتك انك بدل ما بتعدي كل يوم علي دول تعدي مره و لا مرتين في الاسبوع تمر بس لكن الحسابات و العقود و البيع و الشرا يبقي من الشركه ايه رايك
شريف / بس دي مصاريف مش وقتها .. مازن احنا يادوب مبيعاتنا بتسدد اقساط المكن احنا لسه في عنق الزجاجه لازم تفهم ان لو لا قدر الله حصل اى حاجه اى مشكله اى ظرف
مازن / لو حصل اى حاجه هتصل بكامل
شريف / هتستلف !!! من امتى الكلام ده
مازن / الخساره القريبه و لا المكسب البعيد هعرض عليه ابيعله واحد من المصانع و انقذ الباقى
شريف يبص الناحيه التانيه
مازن / احنا لسه بنبى نفسنا معلش شويه كدا فى لخبطه و زنقه لحد ما العجله تدور
شريف / شركه يعنى مبنى قائم او على الاقل ارض و نبنيها و كمان عمال و موظفين و مرتبات انت فاهم انت داخل على ايه
مازن / ربنا يجعلنا باب رزق لغيرنا يا شيكو ربك اللى بيرزق مش احنا
شريف / و نعم بالله
مازن / مهو هتيجي يمين هتيجي شمال مش هتسيب الشغل و مش هزود المرتب
شريف يبص الناحيه التانيه و يدحك
مازن / اديك شايف الظروف ان شاء الله لما الوضع يتحسن اوعدك هفكر فى الموضوع
شريف يضرب مازن على دماغه من ورا بهزار
مازن / انت قد الحركه دى
شريف / و الا ما كنتش عملتها
مازن / عشان خاطر عابد بس
شريف / هههههههههههههههههههههههه
..................................
فى المقابر
لبنى بترش ميه و الحزن مالى وشها
لبنى / شوفت ابنك .. لسه واقف على رجله .. يا ريتك عايش تشوفه متاكده انك كنت هتبقى فخور بيه اوى ... مع ان غرورك كان هيمنعك تعترف ... بس اكيد من جواك هتبقى فخور اوى ... ياريتك كنت هنا ... كنت شيلت عن كتافى حمل كبير اوى ... انا مش قادره احميه لوحدى ... انت كنت عارف اعدائه كنت عارف بيكرهوه ازاى و مع كدا سبته وسطيهم اعزل ... كنت فاكر ايه ؟... كنت بتفكر ازاى؟ ... كنت فاكر انك هتعيشيله العمر كله؟
لبنى تحط الرشاش فى الارض و تمسح دموعها
لبنى / انت زعلان منى صح ؟ حقك بصراحه ... بس انت تستاهل ... ياريتهم كانوا قتلوك قبل ما تاخد من مازن فلوسه و تضعفه قدامهم كدا ياريتك سبتهم زى الكلاب بيشحتوا هو ده مقامهم ... لو ما كنتش انت اتجوزت الحيوانه اللى نايمه جنبك دى ... لو كنت سبتها هى و ابنها يشحتوا كان زمانك عايش و ما كانش كل ده حصل ... بس انت زيك زى كل الرجاله غبى ... عرفت تاكل عقلك .. كان فيها زياده عن اى ست تانيه دى حتى عمرها ما حبت ابنك .. ابنك الوحيد ... فى ايه فى الدنيا عندك اهم من ابنك ... انا شخصيا ما عنديش فى الدنيا اهم من ابنك
لبنى تضحك بسخريه و تبص حواليها
لبنى / مين فى الدنيا زي ابنك ... مين مستعد يرمى مليارات عشان البنت اللى بيحبها ... انا شخصيا مش قادره اصدق انه عمل كدا ... اقنعته ازاى و لا هددته بايه ... عقله كان فين و هو بيعمل كدا ... يمكن ما كنش متخيل انك هتغدر بيه ... نفسى اقوله ان زياد مضاك من غير ما تاخد بالك و استغل عياك نفسى اقوله انك ما بعتوش هو و مونى ... بس للاسف انا قولتله العكس ... وقتها كنت لسه ميت و خفت يتاثر و يزعل عليك انت ما تستاهلش يزعل عليك ... انت ما تستاهلش اى حد يزعل عليك بس انا والله العظيم زعلانه عليك اوى
لبنى تعيط و ما تقدرش تقف تروح تقعد تعيط جنب الحيط
لبنى / ساعات بقول يمكن لو كنت جيتلك انت و اعترفتلك بحبى لمازن بدل ما روحت لمازن يمكن الوضع كان اتغير يمكن كنت كلمته عنى يمكن كنت حاولت تقرب بينا ... بس كنت هتقرب ايه اكتر من كدا دا ما كانليش اقرب منه ... كان كل حياتى ... هو انا ليه مش قادره انساه ... تفتكر لو روحت لدكتور نفسي هيدينى حاجه تخلينى انساه ؟ طب هقدر انساه ... انا مش عاوزه انساه ... مازن لو مش موجود جوايا كان زمانى حرقت الدنيا باللى فيها ... و انا اقدر و انت عارف
لبنى تفتح شنطتها و تطلع مرايه و تبص فيها و تطلع وايب و تمسح تحت عنيها و تتاكد ان مكياجها مظبوط و تطلع قلم الروج و تحط مكياجها
لبنى / انا لازم امشى هبقى اجيلك تانى سلام
لبنى تمشى و تركب عربيتها و تطلع الموبايل
لبنى / الو
احمد / على ما افتكرتى
لبنى / امن المكان انا رايحه هناك عندى معلومات مش هتصدقها
احمد / تمام مسافه السكه و هكون هناك
لبنى / تمام
لبنى تقفل الموبايل و ترميه جنبها و تسوق العربيه و تمشى
...............................
فى شقه مازن القديمه
احمد قاعد فى الليفينج و مبتسم و لبنى قاعده الناحيه التانيه بتبص عليه
لبنى / كان ممكن اسيبك حمار و اسيبه يعرف كل صغيره و كبيره عن شغلك بس عملت باصلى و قولت احذرك
احمد / بس حركه ذكيه اوى منه الحقيقه ما توقعتهاش
لبنى / و انا كمان اتفاجئت جدا لما قالى قولى هتعمل ايه هتغير الفاير وال و لا هتعمل ايه
احمد / لا لا نهائى انا مش هعمل اى حاجه نهائى
لبنى / ايه ده هتسيبه على السيستم عندك
احمد / بيقولك ايه من حفر حفره لاخيه حصله ايه بقى يا لولا
لبنى / وقع فيها بس ازاى
احمد / انتى اذكى من كدا
لبنى / هتحطله داتا غلط
احمد / بالظبط هعمل سرفر جديد خالص و ازود الحمايه بتاعته فعلا بس هسيب القديم شغال و احط عليه كل الشغل اللى عاوزه يوصل لزياد و مش بس كدا دا انا هحط عليه كل الشغل اللى عاوز اوقع زياد فيه
لبنى / المشروع اللى مكسبه ميه تخليه مليون
احمد / بداتى تفهمى و بما انى مش بروحله و لا بقوله مش هيشك
لبنى / و بدل ما يصطادك انت تصطاده مش كدا
احمد / عليكي نور
لبنى / فكره ذكيه منك انت كمان
احمد / عارفه احلى حاجه فيها ايه
لبنى / ايه
احمد / انك فى امان اصل لو شلته من السيرفر فجاه هيشك هيقول انه ما قالش غير ليكي و انا عرفت بمجرد ما انتى عرفتى
لبنى / كنت هلاقى اى مهرب مثلا كنت هسلمه يسرى قفشتها اكتر من مره بتتسنط على باب اوضتى
احمد / يا شيخه حرام عليكي البت غلبانه بتجرى على يتامي
لبنى / يا عينى على حنيه قلبك
احمد يقوم و يمدلها ايده تبصله
احمد / ما تيجي اعملك شويه ماساج جوه
لبنى / مره تانيه مستعجله
احمد / اعزارك كترت
لبنى/ و انت مجبر تستحمل عن اذنك
لبنى تيجي تمشى احمد يمسك ايدها و يشدها عليه
احمد / عشان بحبك بس
لبنى تدحك بسخريه و تسيبه و تمشى احمد يقعد مكانه و يفكر
احمد / جتلى لحد عندى يا زياد بيه ... جتلى برجليك
..................................
فى شقه معموله شركه
مازن / مش زى ما اتخيلتها بس تفى بالغرض
شريف / على قد لحافك مد رجليك يا مازن بيه
مازن يبصله بطرف عينه
مازن / سجل عندك بكره هنرجع زى زمان و احسن
شريف / عارف ... اه بالمناسبه انت ما لكش مكتب هنا هتضطر اسفا تشاركنى انا و محمود فى نفس المكتب
مازن / مش فارقه مش ناوى اجى هنا كتير انت عارف انى مش فاضى اصلا شوفوا شغلكوا و لو فى حاجه وقفت فى طريقكوا معاكوا تليفونى
شريف / انت بتتنطت على ايه ياله انت
مازن / هههههههههههههههههههههههه بهزر معاك يا عم شكل فى واحد نام على الكنبه امبارح مزاجك مش رايق
شريف / هى نمنا على الكنبه بس دا انا مطرود بابنى عند امى
مازن يسقف و هو بيدحك
مازن / يا صافى يا مسيطره ليه عملتوا ايه
شريف / غيرتله البامبرز على كنبه الركنه ابن الكلب غدر بيا و بهدلنى و بهدل الدنيا صافى صحيت شافت المنظر طردتنا من البيت اصلها كانت لسه منضفه و غاسله الفرش ده
مازن / هههههههههههههههههههههههه بس تعرف احلى حاجه ان صافى تاقلمت بسرعه ما كنتش متخيل انها هتمشى فى حوار ست البيت ده ابدا
شريف / البركه فى امى و اخواتى بقى كانوا عندنا هوب هوب فكى فكى و على الغساله و كل فتره كدا بيجولنا برده يشوفوا ايه اللى محتاج يتعمل و يساعدوها فيه
مازن / ربنا يديم المحبه بينهم والله ما فى احلى من كدا
شريف / امين
مازن / بس انت غبى برده يا شريف
شريف / ابتدينا
مازن / مش عارف يعنى تلم الدور و تمتص غضبها انت كمان و رايح فعلا تبات عند امك طب ناوى ترجع ازاى دلوقت
شريف / مش ناوى
مازن / انت بتهزر صح و امك رضيت انكوا تبقوا زعلانين من بعض
شريف / الموضوع مش مستاهل كل اللى عملته يا مازن
مازن / لا مستاهل اى كان اللى عملته كان تنفيس عن بلاوى كتير جواها الله يعينها انت خدت بسكوته و حطيتها فى المطحنه فى ايه هى كانت دى عيشتها يا شريف الحمد لله انها لسه صامده معاك و ما اتكسرتش
شريف/ لو كنت سمعت اللى هى قالته
مازن / سمعت الاسخم منه انت يعنى مش عارف شوفت ايه مع مرام عشان الورد يا بتاع انت ايه يعنى عديلها بكره تعديلك و لا بكره ليه هى يعنى عمرها ما عدتلك ايه لحظه وحشه نستك الحلو كله روح يا عم هاتلها هديه و روح راضيها قولها قد ايه هى غاليه عندك و ان حياتك جحيم من غيرها و ايه حوار انك تغضب عند امك ده
شريف / مش غضبان هى حلفت ما احنا بايتين تحت سقف واحد و كانت هتلم هدومها و تمشى تروح شقتها
مازن / سبتلها انت البيت
شريف / دا بيتها يا مازن
مازن / ما انت طلعت راجل اهو امال مالك كدا كنت عمال تهز صورتك فى عيني ليه
شريف يبصله
مازن / معاك فلوس تجبلها هديه حلوه و لا اسلفك
شريف يبص الناحيه التانيه و ينفخ
مازن / ما تتكسفش من جنيه لعشره انت عارف اخوك
شريف ما يقدرش يكتم الضحك مازن يحضنه
مازن / روح صالحها زمانها لمه عشيره ابليس كلهم و بيفكروا ازاى ينتقموا منك
شريف يبصله
مازن / هو انا اللى هقولك ان كيدهن عظيم يا شيكوا كيدهن عظيم
شريف / انا ماشى يا عم لو قعدت معاك نص ساعه كمان البرج اللى باقى فى عقلى هيطير
مازن / ما يطير يا عم قال يعنى كان شغال هههههههههههههههههههههه
شريف / والله ما انا رادد
شريف يمشى و مازن متابعه و بيضحك و يطلع التليفون
مازن / قلبى قلبى قلبى
مرام / حبيبى اخبار الشركه الجديده ايه
مازن يبص حواليه
مازن / ممتازه المهم سيبك من الشغل عصافير بطنى تزقزق هاجى اكل فين النهرده
مرام / ههههههههههههههههههه فى المطعم يا قلبى
مازن / تمام جهزيلى طبق مخصوص و صايه كدا على ما اجى
مرام / تعال انت بس و ما تشغلش بالك
مازن / قلبى يا ناس
مرام / يلا بقى سلام الشغل كتير هنا و انت معطلنى
مازن / ماشى يا ستى يلا سلام
مازن يقفل و يحط الموبايل فى جيبه و يروح يقفل الباب وراه و يمشى
............................
في شقه صافي
صافي و فاطمه قافلين علي نفسهم الباب
صافي / يعني انتي مش زعلانه مني
فاطمه / ههههههههههههههههههههههههههههه والله انتي ما في اغلب منك و البيوت يانا بيحصل فيها
صافي / انا امبارح طول الليل بعيط بجد مش عارفه عملت كدا ازاي
فاطمه / طب مش كنتي كلمتيه بدل ما نام زعلان و صحي زعلان كدا
صافي / مهو صعبت عليا نفسي برده ليه ما كلمنيش هو للدرجادي سهل عليه زعلي سهل ينام بعيد عني
فاطمه / بصي يا بنتي هو ابني اه بس ما حدش هيحس بيه قدك انتي تحسي بيه و باللي بيعمله عشانك انا امه اه بس اخر الليل بيجي يحط راسه في حضنك انتي يشكيلك انتي همه
صافي / مهو مش بيقول حاجه برده اخبار الشغل ايه كويس الحمد لله في حاجه حصلت مشاكل الشغل العاديه
فاطمه / يمكن مش عاوز يزود همك بهمه يمكن شايفك تعبانه كل البيوت نظامها بيتلخبط مع اول عيل بعد كدا ربنا بيسهلها الست الشاطره هي اللي تلم جوزها في حضنها و الواد شريف مز و فيه الطمع
صافي تبصلها
صافي / قصدك ايه
.......................................
