(((((( السكة شمال ٢))))))
#لولو_محمد
الحلقه ٩٤
موبايل انس يدى نوتيفيكايشن يفتحه يبص فيه يلاقي فيديو على الواتس يفتحه مازن فى نادى الرمايه بيضرب اربع طلقات ورا بعض فى نص الهدف بالظبط و بعدين يبتسم للكاميره
مازن / بنمسي
مازن يغمز و الفيديو يعيد نفسه انس يبلع ريقه و يتوتر
ابراهيم / فى حاجه يا انس
انس / مازن باعت الفيديو ده
زياد ياخد الموبايل و يشغله و يرجعه لزياد
زياد / دا من سنتين و انا اللى كنت بصوره
انس / بس بعتهولى اكيد يقصد حاجه
......................
ابراهيم / تحب اكلمهولك
زياد / يا بابا الموضوع اهبل مش مستاهل نكبره جرا ايه يا انس دا انتوا عشره عمر يا جدع
انس / و انت نسيت عمل فيا ايه دا انا ما صدقت خرجت من الجبس
ابراهيم / انا متاكد ان اللى حصل ده مش هيتكرر و لو دايقك فى اى وقت
زياد / يا بابا ما فيش حاجه صدقنى هو احنا هنعرف مازن النهرده
ابراهيم / على العموم انا بقولك فى اى وقت انت عارف انى ما اتاخرش عنك يا انس
انس / ميرسي يا عمو ربنا يخلى حضرتك
...................
فى شقه مازن
مرام و مازن قاعدين بيفطروا و مرام بتقلب فى موبايل مازن
مرام / انت هتديهم الصور دى امتى
مازن / مش قبل اسبوع
مرام / دا العيال هيولعوا فى روحهم على جروب الواتس هههههههههههههههههه
مازن / ربنا يقدرك على فعل الخير
مرام / الله الصوره دى حلوه اوى
مرام تورى صوره لمازن سيلفى ليهم سوا
مرام / انت لعبت فيها ؟؟
مازن / الدحكه اللى طالعه من القلب بمليون فلتر
مرام تبتسم و تبص على الصوره مازن ؤاخد الموبايل
مازن / هغير صوره البروفايل عشان مصر كلها تولع فى روحها
مرام تبتسم مازن يحط الصوره و يكتب
مازن / ربنا ما يحرمنى منكوا ( قلبي و عقلي مراتى و بنتى ) و يبعد عننا ولاد الكلب
مرام / هههههههههههههههههه
مازن يبصلها و يدحك
مرام / ما عندكش شغل
مازن / لا ما عنديش و اصلا مش قادر انزل اقولك حاجه
مرام / قولد
مازن / جوايا رغبه مكبوته اتصل بالواد شريف ارخم عليهم
مرام / لا اكبتها الرغبه دى مش حلوه اكبتها بدل ما صافى تكبتك
مازن / هههههههههههههههههه اه تروح تشتكيني لماما فاطمه و انا مش حمل تنفيض
مرام / هات اما اكمل فرجه على باقي الصور اللى خلصتها
مازن يديها الموبايل تانى تقعد تتفرج
....................
فى شقه شريف
شريف يصحى ما يلاقيش صافى جنبه يقوم يدور عليها يلاقيها فى المطبخ بتحضر الفطار
شريف / هاخد على الدلع ده
صافى / صباح الخير يا قلبي ايه اللى قومك من السرير كنت هجبلك الفطار و اجى اصحيك
شريف يبص على الاكل
شريف / لا الحمد لله انى صحيت وسعى كدا يا بيبي ايه ده جبنه و لانشون استني كدا
شريف يطلع الديك الرومى من التلاجه
صافى / ايه ده على الصبح كدا
شريف / صبرك بالله بس
شريف يجيب السكينه و يبدا يقطع شرايح و يحطها فى طبق و يفتح التلاجه و يطلع حمامتين و يحطهم جنبهم و يبص لصافى
شريف / تاكلى حمام و لا كفته
صافى / انت بتهزر صح
شريف يحط حمامايه كمان و كام صابع كفته و يحط الطبق فى المايكرويف و يبدا يرجع الجبن تانى التلاجه
شريف / انتى لازم تفهمى ان الاكل ده لازم يخلص قبل ما ماما بطه تجيبلنا غيره
صافى / ايوه بس
شريف / فطار غدى عشا لحوم احنا عرسان و لازم نتغذى
صافى / كدا الفستان مش هيدخل فيا هناك
شريف / هو احنا بناكل رز و لا مكرونه دى فراخ و لحمه
المايكرويف يرن شريف يطلع الطبق
شريف / حبيبي يحب يفطر فين
صافى / انت كدا هتفسد اخلاقي
شريف / اموت فى الانحراف
.......................
فى شقه فاطمه
فاطمه و البنات فى المطبخ
فاطمه / كفايا عالرقاق كدا يا شوشو اطفى عليه بقي
رؤي / انا خلصت الحمام تمام كدا ؟؟؟
فاطمه تبص
فاطمه / حلو علقي على الميه بقي و اظبطى الشوربه عشان تسلقيه
رؤي / حاضر
شيماء تطلع الرقاق من الفرن و تغطيه بالفويل
شيماء / يا ماما هما لحقوا ياكلوا اكل امبارح
فاطمه / الله مش عرسان و لازم يتغذو
رؤي / و هو العرسان بيبقوا فاضيين للاكل برده
فاطمه تضربها على كتفها
فاطمه / اتلمى يا بت عيب بلاش قله ادب
رؤي / اسفه يا ماما
فاطمه / بكره لما تتجوزوا ربنا يدينى طوله العمر و اعملكوا كدا و ازيد
شيماء / دا عمر هيحبك اوى
تقى / انا خلصت لف السمبوسك
فاطمه / اقليها معلش يا شوشو اخوكى بيحبها
شيماء / حاضر هاتى يا ست توته تسلم ايدك لفه عنب
فاطمه / انجزوا عاوزين نخلص قبل ما يصحوا
شيماء / يا ماما العصر اذن زمانهم صحيوا من بدرى
فاطمه / لو كان صحى كان كلمنى
رؤي / انا مؤدبه و مش هقولك و هو فاضي يكلمك بس انا مؤدبه و مش هقول
فاطمه / يا بنت الجزمه
رؤي / انتى بتقولى ايه يا تقى فى المواقف دى
تقى / هى الشجره المثمره كدا دايما بيحدفوها بالطوب
رؤي / هى اللى قالت مش انا
فاطمه / عوض عليا عوض الصابرين يا رب
التلت بنات / امين
.......................
فى شقه مازن
مازن بيلبس و نازل
مرام / انت مش قولت مش قادر
مازن / والله لو ما كانش محمود كلمنى لا كنت لا روحت و لا جيت
مرام / طب هتتاخر
مازن / لا ان شاء الله اجى علاطول
مرام / هستناك ناكل سوا
مازن يبوس راسها
مازن / هبقي معاكى على تليفون تمام يا قلبى
مرام / تمام لا اله الا الله
مازن يبوسها من خدها
مازن / محمد رسول الله
مازن ينزل و مرام تقفل الباب وراه
................................
فى شقه شريف
فاطمه بتزرغط
فاطمه / ربنا يجعل كل ايامكوا هنا و سرور و يرزقكوا بالخلف الصالح
صافى / امين تسلم ايدك يا ماما بس مين هياكل كل ده
شريف / احنا
صافى / انت ناوى على خراب جسمى انا عارفه هو كدا كدا هيبوظ بس اديله وقته يعنى
فاطمه / و لا هيبوط و لا حاجه دى حاجه بسيطه امال انتى عروسه هتقفى فى المطبخ يعنى و لا ايه بصي يا صافى انتى لا تغسلى لا طبق و لا تشيلى كبايه ادلعى الشقا لسه جاى بعدين
صافى / ربنا يخليكى يا ماما بطه بس والله كدا كتير عليا
فاطمه / هو ايه اللى كتير ما فيش حاجه تكتر على الغالى مرات الغالى الا قوليلى كلمتى مامتك طمنتيها
صافى / ايوه قالت هتيجى بكره
فاطمه / خلاص تمام لما تكلميها قوليلها انى عزماها على الغدى وقت ما تيجى نتغدى سوت
صافى / تمام يا ماما حاضر
البنات يدخلوا
شيماء / قطعتلك الرومى و لفيته فى الفريزر تطلعى على التسخين و الكفته و الحمام كدا و الجديد سبته على الرخامه تاكلوا و تحطوا الباقي فى التلاجه
شريف / تسلم ايدك يا شوشو
رؤى / و انا شطبتلك المطبخ
فاطمه / و احنا يادوب نسيبكوا ترتاحوا
صافى / انتوا لحقتوا
فاطمه / دا احنا طولنا كمان يلا ان احتاجتوا اى حاجه كلمونى فى التليفون يلا يا بنات
صافى / طب نشرب شاى حتى
فاطمه / هنشرب كل حاجه بس بعدين يلا يا قلبى مع السلامه
فاطمه تبوس صافى و تحضنها و صافى تسلم على البنات و تحضنهم و شريف يسلم على مامته و اخواته و يمشوا و صافى تقفل وراهم الباب
صافى / طب حتى كنت امسك فيهم يتغدى معانا من الاكل اللى جابوه يا شريف
شريف / ههههههههههههههههههههه اذا كنا احنا مش هناكل من الاكل اللى جابوه
شريف يشيل صافى تدحك ياخدها و يدخلوا جوه
............................
فى الشركه عند مازن
محمود / اه عرفت و النهرده مضى عقد القريه السياحيه زياد واخد فيها عشرين فى الميه و باباك عشرين فى الميه تانين و احمد عشرين فى الميه تانين و شركه المقاولات بتاعه باباك هى اللى هتنفذ القريه السياحيه
مازن / ماشى
محمود / هو ايه اللى ماشى انت هتسكت
مازن / اه هسكت امال هعمل ايه يعنى قولى يا محمود هو احنا ناقصنا شغل يعنى فى اى قطاع فى المجموعه كلها محتاج مشاريع يعملها
محمود / بالعكس الفتره اللى فاتت واخدين صفقات جامده جدا دا سعد لسه كان بيقولى ان فى قطاعات محتاجه موظفين
مازن / تمام انا عاوزك بقى تشغل نفسك الفتره الجايه فى انترفيوهات الموظفين دول عشان نسلم كل الشغل بتاعنا فى معاده
محمود / و انس
مازن / خليهم يغوطوا شويه و رجلهم تغرز عشان الضربه توجعهم لكن دلوقت الهروب سهل ما خسروش حاجه انا اللى هبقى فى وش المدفع مع بابا
محمود / ابوك ده اللى غريب لسه بيحط ايده فى ايد احمد حتى بعد اللى عمله
مازن / مش فارقه المهم انا عاوزك تشوفلى ارض جنب اللى هما خدوها بس اكبر و طبعا فى الخباثه مش عاوزينهم يعرفوا طبعا شريف فى الموضوع ده كان محترف بس شريف مش فاضى
محمود / امال هما نقوا الوقت ده ليه
مازن / انا هقولك بقى شريف كان بيعمل ايه و انا متاكد انك هتقدر تعمل زيه بالظبط
محمود / قشطه قول
.....................
فى شركه ابراهيم
زياد بيتكلم فى التليفون
احمد / مستحيل يكون ده اخره يعنى
زياد / يا عم والله سربتلهم كل المعلومات حتى حطيت اسمك فى الخط قولت يمكن يتنحرر
احمد / طب اديله شويه وقت انا متاكد انه هيتحرك
زياد / يا سيدى و لا عمره هيتحرك انت عارف كويس ان مازن من غير شريف طيشه هيستنى لما شريف يرجع من شهر العسل بتاعه و بعدين يفكروا سوا هيعملوا ايه تكون مرام ولدت و ابراهيم خد البت على حجره و لبسنا كلنا فى الحيط
احمد / هو انت ما بتعرفش تعمل حاجه من دماغك
زياد / مش انت اللى ورطتنى الورطه دى و قولتلى رجوع انس هيشعللها
احمد/ ايوه كان المفروض ياذى انس او يولع فى الارض او يعمل اى حاجه و انت تقنع ابراهيم ده ان مازن بيحاربه لكن اكيد يعنى مازن مش هيولع فى ارض فاضيه استنى اما تحط شويه فلوس فيها او يقفلك فى التراخيص لكن دلوقت فى ايه فى ايده يعمله يعنى
زياد / ما فيش وقت يا احمد انت ليه مش قادر تفهم ما فيش وقت
احمد / يوووووه خلاص يبقى مفيش قدامك غير انك تسخن الدنيا اكتر
زياد / ايدى على كتفك
احمد / بص انت تشوف اتنين تلاته بس يكونوا من الاخر و تخليهم يعملوا اللى هقولك عليه بالحرف لا ازيد و لا اقل
زياد / تمام قول
..............................
فى الشركه
مازن ماشى سعد يقابله على الباب
سعد / على فين يا رياسه
مازن / مرام عامله مكرونه بشاميل و دى تتاكل سخنه
سعد / اللى ياكل لوحده
مازن / يشبع ههههههههههههههههه يلا سلام
مازن يمشى و سعد واقف يتفرج عليه مازن يركب العربيه و يسوقها و يطلع على الطريق تجيله مكالمه تليفون يرد
مرام / انت فين انا واقعه من الجوع
مازن / سويتى الاكل يعنى
مرام / ما قولتلك المكرونه فى الفرن
مازن / على فكره فى طريق بين الشركه و البيت يعنى ما بشتغلش انا على ناصيه الشارع احب اللفت انتباهك مش اكتر
مرام / طب قولتلى سوى ليه
مازن / مش قولتى جعانه و هقع من الجوع اعمل ايه يعنى
مرام / يعنى استنيت كل ده و هاكل لوحدى برده اخص عليك يا مازن
مازن / قلب مازن جايلك طاير
مرام / لا ما تطيرش سوق على مهلك و خد بالك من نفسك و من الطريق
مازن / قلبى يا ناس خايفه عليا
مرام / لا خايفه على الطريق ما تخلص بقى يا مازن الله
مازن / حقك حقك تدلعى فى التليفون اما اجيلك والله لادفعك تمن الكلام ده غالى اوى
مرام / لما تيجى نبقى نشوف
مازن / هههههههههههههه بالراحه عليا انا مش قدك
مرام / ايه ده شيماء ويتينج بص هقفل و اكلمك بعدين تمام اكيد صبحوا على صافى كنا متفقين لما يمشوا من عندها يكلمونى
مازن / ايه ده بعتينى بالسرعه دى دا انا كدا زعلت زعله وحشه اوى
مرام / لما تيجى هبقى اصالحك يلا يا قلبى سلام امووواه
مرام تقفل السكه
مازن / انتى يا ... هههههههههههههههه ماشى جايلك جايلك
اتنين موتسيكلات تسبق مازن و هو سايق سعيد واحد راكب عليه واحد و التانى راكب عليه اتنين فجاه فى منطقه فاضيه موتسكل منهم اللى عليه واحد بس يتقلب مازن يتخض و يفرمل العربيه بسرعه و ينزل يجرى يطمن على اللى كان سايقه و اللى كانوا راكبين الموتوسيكل التانى ينزلوا بسرعه واحد منهم يطلع حديده و يضرب بيها مازن على ضهره مازن يقع فى الارض و الراجل اللى كان على الارض يقوم مازن يجى يقوم اللى معاه الحديده ينزل فوقيه التانيه التالته الرابعه مازن مش قادر يقوم يضربه بالرجل فى جنبه التانى يدخل العربيه و يفتح التابلوه و يطلع مسدس مازن و يضرب جنبه اربع طلقات
الراجل / بنمسى
الراجل يحط المسدس فى جيبه و التانى يوطى يدور على الموبايل التالت يروح يركب العربيه
التالت / الموبايل هنا
التالت يسوق العربيه و كل واحد يسوق موتوسيكل و يطيروا و يسيبوا مازن نايم فى الارض
....................
فى شقه فاطمه
شيماء و رؤى و تقى بيكلموا مرام فى التليفون
مرام / هههههههههههههههه انا معايا اللاب ذات نفسه والله كل شويه ادخل اتفرج على الصور
شيماء / يخربيت رخامتك يا شيخه ما تبعتى اى حاجه طيب
مرام / اما مازن واخدلك انتى و عمر شويه صور ياربى تحفه و اتفرجت كمان على صور خطوبتك يا رؤى بجد ندمانه اوى انى ما كنتش موجوده كنتى اموره اوى ما شاء الله
رؤى / طب ابعتى اى حاجه طيب يا جزمه
مرام / هى حصلت جزمه طب ايه رايكوا ان ما فيش اى صور خالص بقى لحد ما اقرر غير كدا
شيماء / يا شيخه قال يعنى كنتى هتدينا حاجه
مرام / لا ما كنتش بس ما كانش عندى سبب بس دلوقت عندى و على راى مازن كم انتى قاسيه يا امراءه
رؤى / ليكى يوم يا ست مرام ليكى يوم على فكره المفروض تقدمى السبت بكره تحتاجينا نقعدلك بملوكه لما ربنا يكرمك و تولدى
مرام / هاااااع مبخافش دى مش نقطه عليا دى ليا بكره انتوا اللى تتحايلوا عليا تيجوا تقعدوا بملوكتى
رؤى / حقك حقك
مرام / هههههههههههههههههههه خلاص خلاص صعبتوا عليا هبعتلكوا كام صوره تصبيره بس مش للنشر انا ما استاذنتش مازن و اخاف يكون كان ناوى يعمل مفاجاه ولا حاجه
رؤى / و لا كاننا شوفنا حاجه بس نقى كام صوره حلوه
مرام / تمام و ان شاء الله لما يوصل هستاذنه ابعتلكوا الباقى
شيماء / ربنا يخليكى لينا يا نصيره الغلابه يارب
رؤى / يلا ابعتى بقى
مرام / تمام تمام هقفل و ابعت يلا سلام
مرام تقفل و ثوانى و تليفون رؤى يرن نوتيفيكايشن رؤى و البنات يتجمعوا حوالين التليفون و يبداو يبصوا فى الصور
شيماء / الله بصى الصوره دى
تقى / والله ابيه مازن ده فنان بصى صورتى و انا برقص معاه والله قمر ابعتيهالى ابعتيهالى
رؤى / بالليل لما تقوله عشان انا عرفاكى هتجرى تحطيها على الفايس و تفضحينا
تقى / ايه الافترا ده
رؤى / هو كدا عفينه عاجبك و لا مش هفرجك على الباقى
تقى / عاجبنى عاجبنى ورينى
تقى و البنات يتفرجوا على الصور
.......................
فى شقه مرام
مرام بتقلى بانيه تطلع اخر حته و تحطها فى الطبق و تطفى النار على الزيت و تتصل بمازن ميردش تنفخ
مرام / الاكل هيبرد كدا مش هيبقاله طعم ايه التاخير دا كله كل ده فى الطريق دا انت لو جاى من اسكندريه كان زمانك وصلت اووووف
مرام تفكر ثوانى و تتصل بحد تانى
محمود / الو
مرام / ايوه يا محمود مازن عندك بكلمه مبيردش
محمود / مازن نزل من بدرى هو لسه ما وصلش و لا ايه
مرام / لا لسه هو نازل بقاله قد ايه
محمود / يجى ساعتين دا انا ماشى بعديه بكتير جدا و روحت يمكن عدى يجيبلك حاجه كان نازل فرحان انتى يعنى لسه هتعرفى مازن
مرام / انا بس كنت عاوزه اطمن عليه مش اكتر
محمود / انا هكلمه
مرام / لا لا انا هكلمه تانى انا قولت يمكن فى الشركه و نسيه صامت بس مدام نزل انا هكلمه تانى
محمود / تمام ابقى طمنينى
مرام / حاضر تمام يلا سلام
مرام تقفل مع محمود و تتصل تانى بمازن الخط يتفتح
مرام / ايوه يا مازن انت فين قلقتنى عليك
صوت دحك ستات
ست / بالراحه الله انت مستعجل على ايه هههههههههههههههههه
التليفون يقع من ايد مرام و الدموع تبدا تنزل من عنيها و تبدا تبص حواليها و تسند بايد على رخامه المطبخ و تمسك بطنها بالايد التانيه و تنزل تقعد فى الارض و هى منهاره من العياط تمسك الموبايل و تحدفه على اخر دراعها و تفضل تعيط و هى سانده نفسها على التقفيله
مرام / غبيه غبيه غبيه
تليفون مرام يرن تزحف على ركبها و تجيبه تلاقى محمود تمسح دموعها و ترد و هى قاعده فى الارض و ماسكه بطنها
محمود / انا كلمته غير متاح كلمتيه
مرام / كلمته فى الطريق ما تقلقش انت
محمود / طمنتينى ... مالك صوتك مش طبيعى
مرام / ما فيش كويسه كنت قلقانه بس عليه بس خلاص اطمنت
محمود / تمام لو فى جديد كلمينى
مرام تمسح دموعها
مرام / حاضر
مرام تقفل السكه و تمسح دموعها تانى و تتسند و تقوم تقف
مرام / ماشى يا مازن ماشى
............................
فى مستشفى
مازن يفوق يلاقى نفسه فى المستشفى و فى ممرضه جنبه
مازن/ لو سمحتى انا فين
الممرضه / فى مستشفى حمد الله على السلامه
مازن / ايوه اقصد انهى مستشفى انا جيت هنا ازاى
الممرضه / ولاد الحلال لقوك فى الشارع مرمى بعد ما ولاد الحرام قلبوك فى العربيه و الموبايل
مازن / طب انا محتاج موبايل لو سمحتى موبايل ضرورى محتاج اعمل مكالمه تليفون ضرورى
الممرضه / خد موبايلى بس ما تطولش ما عييش رصيد
مازن / ما تقلقيش هشحنلك و هديكى الحلاوه كمان
الممرضه تدى لمازن الموبايل يفكر ثوانى و يتصل بحد
صوت خليفه / الو
مازن / ايوه يا خليفه انا مازن انت عامل ايه و البيت عامل ايه
خليفه / كلو تمام يا مازن باشا
مازن / تمام و الرجاله عندك
خليفه / اه قدام البيت فى العربيه
مازن / تمام خليهم يفتحوا عنيهم و كلم محمود انت معاك رقمه صح
الممرضه / الرصيد
مازن يهز راسه
مازن / خليه يجيلى المستشفى اللى هقولك عليها
خليفه / خير يا مازن بيه
مازن / بعدين يا خليفه المهم تعمل اللى قولتلك عليه ومهما حصل لا حد يدخل و لا يخرج من البيت
خليفه / تمام يا باشا قولى بس اسم المستشفى ايه
مازن يبص للممرضه
مازن / اسم المستشفى ايه لو سمحتى
................................
فى القسم
محمود وقف مع ظابط بيشوفوا تفريغ الكاميرات و محمود بيصورها بالموبايل
الظابط / تعرف حد من دول
محمود / لا بس ده سلاح مازن
الظابط / ايوه بس الطلق كلو ما جاش و لا واحده فيه كان ممكن ياخدوا العربيه و يجروا ايه لزمه ضرب النار
محمود /مش عارف
الظابط / على العموم احنا بلغنا باوصافهم و ان شاء الله هنقبض عليهم فى اسرع وقت
عسكرى يدخل يدى للظابط ورقه الظابط يقراها و يبتسم
الظابط / شوفت مشقولتلك لقينا العربيه و جواها الموبايل و كمان المسدس
محمود / بالبساطه دى
الظابط / اكيد عرفوا اننا بندور عليهم
محمود / ايوه بس افرض حضرتك كانوا عملوا حاجه بالمسدس
الظابط / ما تقلقش يا استاذ محمود احنا عاملين المحضر و اكيد لما هنقبض عليهم هنعرف هما عملوا كدا ليه و عملوا ايه بالعربيه و المسدس و الموبايل
محمود / ان شاء الله انا هبقى اتابع مع حضرتك كل جديد باذن الله
الظابط / ان شاء الله
.........................
قدام بيت مازن
مازن يركن العربيه و يفتح الباب بايده اليمين و ايده الشمال مش قادر يحركها و يرجع يقفل العربيه وواضح عليه انه بيتالم خليفه يجرى عليه
خليفه / عامل ايه يا مازن بيه قلقتنى عليك
مازن / انا كويس الحمد لله فى اى حاجه حصلت
خليفه / لا ما فيش والله من ساعه ما حضرتك كلمتنى و انا قاعد قدام البيت و العربيه عماله تلف حوالين البيت كل شويه
مازن / مرام
خليفه / احنا ما قولنالهاش حاجه بصراحه كنت ناوى بس البت بسمه قالتلى بلاش توترها عشان الحمل فسكت
مازن / تمام يا خليفه كتر خيرك عن اذنك اطلع ارتاح
خليفه / الف سلامه يا مازن بيه الف الف مليون سلامه
مازن يركب الاسانسير و يطلع يطلع المفتاح من البنطلون بالعافيه و يفتح الباب و يدخل و يقفل الباب مرام تطلع من جوه
مرام / اهلا
مازن يبصلها يهز راسه و يجى يدخل جوه تقف فى طريقه
مرام / مين اللى عمل فيك كدا اهل الست هانم اللى انت كنت عندها
مازن / ابوس ايدك مش وقت جنانك دلوقت انا تعبان خلقه ارجوكى
.........................
