((((((((السكة شمال٢))))))))
#لولو_محمد
الحلقه ٤٦
ماجد / بسبعه و نص و تعال بص و بسبعه و نص و تعال بص طب سبعه بس سبعه بس
ناس كتير تروحله و البنات بتبص عليه و تدحك
ماجد / مانت مش بتاع عروض لوحدك يا ميزووووو
مازن / طب الواحده عليها اتنين هديه و ان شالله معن حد حواااااااااااااش
صوت الاذان
مصطفى / هنكمل بعد الصلاه يا جماعه بعد الصلاه
سحر / احنا ممكن نكمل لحد ما ترجعوا
مصطفى / مش عاوز اسيبكوا لوحدكوا
سحر / متخافش علينا احنا بنات اه بس رجاله اوى
مصطفى / عاش يا وحش الصلاه يا شباب الصلاه
و...................................
الشباب كلهم يتحركوا بره و شيماء تروح جنب مرام
شيماء / حلو الجو ده
مرام / فعلا
شيماء / بس الناس هنا نفسهم طويل فى الفصال انا تعبتلهم سلف
مرام / يا ستى كلو بثوابه
شيماء / انتى عامله ايه
مرام / الحمد لله تقريبا بدات ارجع لحياتى الطبيعيه
شيماء / انتى لسه زعلانه من ابيه
مرام / شيماء انا اسفه اوى على اى كلام قولته و انا
شيماء/ انا عزراكى انا نفسي قولت كلام اكتر من اللى قولتيه بكتير هو انتى متعرفيش اللى حصل معايا
مرام تبص باهتمام
شيماء / بعد ما فجروا عربيه ابيه و الحرامى نط عندك لما ملقيوش نتيجه بعتولى عيل صغير الصيدليه كب فوشي ميه و ادانى ورقه خلى اخوكى يتلم و المره الجايه ميه نار كدا يعنى المهم متعرفيش ايه اللى حصل ابيه مازن اختفى خالص فجاه و ابيه راح اجر محل و شارك صافى و افتكرنا انه خلاص ساب الشغل لحد ما ابيه مازن ظهر و من يومها و هما مع بعض تانى و انا بقي بقيت عايشه فى كابوس
مرام / لا اله الا الله
شيماء / ابيه عاوزنى اشوف دكتور يساعدنى اعدى المرحله دى بس انا متاكده انى اقدر اعديها لوحدى
مرام / و انا كمان متاكده
مرام ٢ تدخل
مرام ٢/ يعنى مش قادرين يحطوا تكييف و لا حتى مروحه
سحر / معلش الجو اصلا حلو
ست تدخل شايله صينيه فوق راسها البنات يساعدوها و يفضولها مكان تحطها عليها صينيه رز معمر و صينيه بطاطس و فراخ
الست / الف هنا
سحر / كتير والله تعبتى نفسك
الست / تعبكوا راحه يا وش السعد ان شاء الله لما الرجاله ترجع من الصلاه هجيبلكوا الشاى تؤمروش باى حاجه تانى
مها / تسلمى يارب
الست تمشى و مها تاخد معلقه و تدوق
مها / اموت و اعرف بيعملوه ازاى
سحر / قال يعني هتعمليه بجد
مها / مش لازم انا يعني ممكن اخلى ماما تعمله عادى
شيماء / هنا بقي نستعين بالخبيره مرام تقولنا تكات الرز المعمر
مرام / قال يعني طنط فاطمه مبتعملوش حلو
سحر/ متحاولوش الشيف مبيكشفش اسرار مهنته
مرام / بتقلبي الرز مع الملح مع معلقه صغيره سكر مع القشطه و تغطيه باللبن و تدخليه الفرن فوق و تحت و لما يستوى بطلعيه و تغزغزيه بمعلقه و تحطى حتت زبده فوق الخروم دى هى بقي من سخنيه الرز بتسيح و تنتشر و تتوغل و كدا
سحر / الله عليك يا فنان
مها / ايه محدش هياكل و لا ايه
مرام / مش جعانه
سحر / انا هستني الباقيين ناكل سوا حرام يعني
مها / و احنا لو استنيناهم هنلاقي حاجه نمصمص وراهم بقي
مرام ٢/ بصراحه انا مش عارفه انتوا ازاى جايلكوا نفس تاكلوا الاكل ده اصلا انتوا تعرفوا الاكل ده نضيف و لا لا و لا مطبوخ ازاى و لا المعالق دى مغسوله ازاى
مرام / على فكره بقي الاكل ده انضف بكتير من اكل المحلات و الناس دول نضاف جدا
مرام ٢/ بدليل الزريبه اللى احنا قاعدين فيها دى
مها / معاكى حق الاكل ده قذر جدا متاكليش منه
سحر / فالحين بس تدفعوا قد كدا في المطاعم اللى بتقدم لحم حمير و كلاب و جايين عالاكل ده و تتكلموا
مرام / خلاص يا جماعه كل واحد حر في رايه عادى
مرام ٢/ يا عاقله
الكل يبص لمرام ٢ مرام تبتسم و تروح ناحيه الجزم و ترصها و تعدلها و ترتبها مرام ٢ تروحلها
مرام ٢/ هى الهانم بتعمل ايه بقي ان شاء الله
مرام / بساعد
مرام ٢ / ايوه بس دا مش مقامك واحده مليونيره زيك متقعدش بفارشه جزم
مرام تقوملها و تقف قدامها
مرام / مليونيره من بقك لباب السما بس المليونير الوحيد اللى فى القافله دى هو اللى فارش الجزم
مرام ٢/ انتى هتدعى الفقر زى ما بيقولوا و لا ايه انتى مش مؤخرك كان نص مليون جنيه و بتاخدى خمسين الف نفقه
مرام تبصلها بغضب
مرام / و انتى جبتى الكلام ده بقي منين ان شاء الله
مرام ٢ / والله افتحى الفايس و انتى تعرفي دا مفيش اشهر منك و من فيديوهاتك انا اصلا مش عارفه الناس دول لسه بيتعاملوا معاكى ازاى و انتى كدا
مرام / و انا كدا ازاى يعني انتى متعرفيش عنى حاجه اصلا انتى بتقولي انك من الفانز بتوع مازن صح يعني اكيد شوفتي الفيديو اللى عمله بيبرائني فيه و كمان شوفتي لما طلع و اتكلم عنى فى التليفزيون
مرام ٢ / والله انا قولت رايي خلينا بقي نشوف باقي البنات رايهم ايه فى الفيديو ده ....يا بنات يا بنات تعالوا هوريكوا فيديو جامد يخص مرام و مازن
الكل ينتبه و مرام مصدومه ووشها اصفر و بقت بتبصلهم برعب الكل يروحلهم
مرام / انتى بتعملى كدا ليه
مها / فيديو ايه ده
مرام ٢ / فيديو جامد اوى دا حتى حقق مشاهدات عاليه كدا استنوا
مرام ٢ تطلع الموبايل من شنطتها مرام تشده منها
مرام ٢/ انتى مجنونه فى حد يعمل كدا هاتى الموبايل
سحر / فى ايه يا مرام
مرام تبصلهم بيبصولها باستغراب تديها الموبايل و تسيبهم و تروح تقعد على كرسيها و تشتغل كروشيه و هى باصه فى الارض و كاتمه دموعها جواها شيماء تروح جنبها مرام تبصلها شيماء تمسك ايدها مرام ٢ تفتح فيديو على الموبايل و تدى سماعه هاند فرى لسحر و التانيه لمها و تشغل فيديو مازن و هو بينط من فوق الموتسيكلات و هى عينها على مرام
مرام ٢ / فظيع مش كدا
سحر / دا جنان رسمي
مها / و ايه الناس اللى واقفه تتفرج دول كلهم دول لو بيوزعوا لحمه مش هيتلموا كدل
مرام ٢/ لسه مخلصش استنوا
مرام ٢ تجيبلهم فيديو مازن بيغني لمرام بتحدى العالم
سحر / هههههههههههههههههه ايوه يا عم
مرام تبص لسحر تلاقيها بصالها و مبتسمه
مها / لا دا يخليه في القران احسن الاغانى بتضرب منه خالص
مرام ٢ / بزمتكوا مش فيديو جامد انا مش فاهمه هى واخده الموضوع بحساسيه كدا ليه مش معنى انكوا اطلقتوا انكوا معشتوش قصه الكل بيحقد عليها
الشباب يدخل
مرام ٢/ اصلا الفيديو ده و لا دا حاجه دا في فديوهات كتير اوى دوري بس على صفحه مازن و انتى تلاقي بلاوى
مصطفي / ايه ده الاكل جه لا و استنتونا كمان دانتوا تتحسدوا
مرام ٢/ و احنا لينا بركه غيركوا
مازن / مالك يا مرام
مرام / مفيش
مرام ٢/ معرفش قفشت ليه كدا عشان وريت البنات الفيديو اللى كنت بتغنى فيه لمرام بتحدى العالم
مرام تبصلها و تبص لمازن و تبص في الكروشيه تاني مازن يروحلها
مازن / ايه اللى حصل
مرام / البنت دى وحشه تصدق تصدق متصدقش
مازن / هصدقك طبعا هصدقك
مرام تبصله و عنيها كلها دموع و تبص في الارض و بعدين تبصله
مرام / لو شوفتك بتكلمها حتى
مازن / و اكلمها ليه اصلا بناقص
مرام تبصله و تبص قدامها و هو مبتسم ماجد واقف مع مصطفي قدام مرام ٢ و سحر و مها
مرام ٢ /دا حتى مازن مبيقلعش الدبله دى من ايده
ماجد / خدت بالي بس ممكن تكون ادايقت عشان يعنى هما مطلقين كان لازم تقدرى موقفها
مرام ٢ / و انا عملت ايه يعني طلعت انا الغلطانه فى الاخر
ماجد / والله انا لا بغلطك و لا بغلطها انا بس بقول نقدر ظروفها
مصطفي / ظروفها ظروفها مالها ظروفها يعني
ماجد / اقصد انهم يطلقوا بعد قصه حب زى دى مش قصدى حاجه وحشه يعني مالك انفعلت كدا ليه
مصطفي /مش عارف يمكن جعان
ماجد / هههههههههههههههههه حقك بصراحه انا نفسي جبت اخري يلا ناكل
ماجد و مصطفي و مرام ٢ و سحر و مها يروحوا ناحيه الاكل
ماجد / مش هتاكلوا و لا ايه
مرام ٢ تروح ناحيه مرام
مرام ٢ / سورى مكنش قصدى اضيقك والله
مرام تبصلها بغضب
ماجد / خلاص بقي الاكل هيبرد
مصطفى / انا مش هستني حد
مرام ٢/ متعملوش حسابي انا دايت هروح اظبط الجزم قبل الناس ما تيجي
الشاب / دايت ايه يا بنتي الاكله الحلوه متتعوضش
مرام ٢ / الف هنا ههههههههههههههههه
سحر و مها يبصوا لمرام ٢ و يبصوا لبعض و يبتسموا و الكل يقعد ياكل و مرام ٢ قاعده بعيد و مرام تطلع الكروشيه و تشتغل مازن يسحب كرسي و يقعد قدامها
مازن / مش بتاكلى ليه
مرام تبصله و ترجع تكمل شغل
مازن / مالك
مرام / شافت الفيديو و بتعايرني
مازن يبص على مرام ٢
مرام / كل دا كان لعبه اعصاب بتحرق اعصابي فهمتنى انها هتفرجهم على الفيديو
مازن / يمكن انتى فهمتى كلامها غلط
مرام /انت بتدافع عنها انت مش مصدقني
مازن / لا طبعا لا بدافع عنها و لا بكدبك هى تخصني في ايه يعني انتى بس اللى تهميني
مازن يمسك ايدها مرام تبصله
مازن / قومى كلى لقمه
مرام تسحب ايدها
مرام / خلاص بقي يا مازن بجد مش قادره
مازن يقوم و يروحلهم
مازن / متجيبى طبق لمرام
مرام ٢/ ميرسي يا مازن مش عاوزه
مازن يبصلها و يرجع يبص لشيماء
مازن / هاتى طبق لمرام يا بنتي خلى اليوم ده يعدي
سحر / على فكره انا مش مرتاحه للبت دى من امبارح تصرفاتها مايعه اوى و مش مظبوطه مفتكرش ان نيتها صافيه فى اللى حصل
شيماء تناول مازن طبق ياخده و يمشي
سحر / و لا ايه يا مستر ماجد حضرتك شوفت هى كانت بتعمل ايه امبارح صح
ماجد / مليش احكم على تصرفات حد و ياريت ننجز فى الاكل عشان الناس اللى بره نخلص و نمشي
مصطفي عينه على مازن قاعد ماسك الطبق قدام مرام
سحر / ربنا يصلحلهم الحال
مصطفي يبص لسحر و يرجع يبص لمازن يلاقيه بيدحك
مرام / مازن بطل استفزاز والله هتغابي عليك
تليفون مازن يرن يطلعه من جيبه زياد مرام عينها راشقه في التليفون مازن يبص لمرام تعمل مش مهتمه مازن يقوم و يطلع بره
مازن / خير
زياد / احمد و انس هيهجموا على مرام النهرده هيعملوا فيها حاجه
مازن يبص على مرام جوه و هى بتبصله بحزن و هو بيبصلها بخوف مرام تقوم تروح تقف وسط المجموعه و تتكلم معاهم
زياد / انا معرفش امتى بالظبط بس ناويين على نيه وحشه اوى انا مليش دعوه بالموضوع انا بكلمك عشان اثبتلك انى لسه باقي عالعشره
مازن / تمام
زياد / مازن احمد قالهم لو اتعرضتلهم يقتلوك احمد هيموتك يا مازن خد بالك من نفسك
مازن / سلام يا ابني
مازن يقفل السكه و يتصل بشريف
مازن / ايوه يا شريف سيب اللى في ايدك و اسمعنى كويس و اعمل اللى هقولك عليه بالحرف
شريف / فى حاجه مهمه الاول لازم تعرفها تخص مرام
مازن / خير فى ايه تاني
......................
فى الفيلا
زياد يبص للبني و يقفل الموبايل و هو مبتسم
لبني / انت عملت كدا ليه
زياد / عملت ايه
لبني / ليه كلمته مش كنت بتقول لو الموضوع باظ
زياد / احمد سافر روسيا و انس كمان هيكمل علاجه هناك و انا عن نفسي مش ناوى اروح فى اي حته يبقي الصح ايه
لبني / هو بجد توفيق ده ممكن يقتل مازن
زياد / والله الاعمار بيد الله بس مفتكرش دا واد هفا بق على مفيش اصلا الشغل كلو هيبدا لما الموضوع يبوظ
لبني / هيبدا !!! امال الفيديو اللى نزل على الفيس ده تسميه ايه
زياد / هو نزل اه بس منتشرش لسه بس اوعدك على بالليل هيكون رقم واحد فى الرانكينج
لبني / مازن مش هيسكت
زياد / انا في السليم دا احنا اللى محزرينه انا لا دفعت جنيه في العمليه دى و لا ليا دعوه بيها
لبني / و العبيط التاني فاكر ان مازن مش هيعرف يوصله هناك
زياد / هههههههههههههههههه يوصله فين فى روسيا وسط حبايبه و اهله مازن مش عبيط عشان ينقل الحرب من ملعبه لملعب احمد ملوش هناك فرصه شغل احمد تلت اربعه هناك و علاقاته هناك فوق ما تتخيلى حتى فى البراتفا يعني المافيا
لبني تبصله
زياد / بس شوفتيني و انا بقوله خد بالك من نفسك اوسكار احسن ممثل هههههههههههههههههه
...................
فى القافله
الكل بيلموا حاجتهم و بيحطوها فى الشنط فوق الميكروباص مازن يروح ناحيه مرام
مازن / مرام فى موضوع مهم لازم نتكلم فيه
مرام / مفيش كلام بنا
مازن يبص الناحيه التانيه و ينفخ
مازن/ انتى لازم تروحى معايا
مرام / ليه باباك جاى و مش لاقين حد يهزقه
مرام تحط شنطتها على كتفها و تروح تركب الميكروباص و مازن وراها
مازن / مرام
مرام / انا ركبت لو سمحت متعملش مشاكل
مازن / شيماء
شيماء تروحله
مازن / اركبي جنب مرام
شيماء تركب و مازن يروح ناحيه ماجد
مازن / بقولك محتاج منك خدمه
ماجد / خير فى ايه
مازن / بتعرف تسوق ؟؟
الشاب / انا بعرف
مازن / كويس ارجعوا في عربيتي انا هركب مع البنات في الميكروباص
ماجد / هى قفشت عليك تاني و لا ايه
مازن / و نقت انسب توقيت بصراحه
الشاب / و لا يهمك بس بقولك ايه لو اتخبطت لا اتحكت
مازن / اطلعوا منها سلام و ان شالله تعجنوها حتى
ماجد / تمام
مازن يروح يفتح العربيه و يطلع المسدس و يحطه ف بنطلونه من ورا ماجد يشوفه
ماجد / ايه ده يا مازن
مازن / دا مترخص متقلقش بس امان
الشاب / ايوه بس ايه لزمته
مازن / بصوا انا هقولكوا بس متقولوش لحد مش عاوز نوترهم على الفاضي انا جاتلى مكالمه ان البلطجيه اللى هجموا على محل مصطفى هيهجموا على مرام النهرده بس معرفش لا فين و لا امتى
الشاب / هههههههههههههههههه حلوه
مازن يبصلهم
الشاب / طب ما تكلم البوليس يابني
مازن / اقولهم ايه بقولك معرفش اى تفاصيل
ماجد / اركب معاهم و انا هكلم صحابنا هيسبقونا على الجمعيه قال يعني محتاجين حد يشيل و كدا و انت بقي استلم من هناك للبيت
مازن / متقلقش زمان الشباب بتوعى امنوا الدنيا كلها هناك احنا بس نوصل من هنا للجمعيه و الباقي محلول
مصطفي يدخل
مصطفي/ مش يلا و لا ايه
مازن يبتسم و يروح يركب في الميكروباص ورا السواق و البنات يركبوا ورا و مرام ٢ تركب جنب مازن جوه و مصطفي قدام و ماجد و الشاب يركبوا عربيه مازن
مصطفي / و دا من ايه ان شاء الله
مازن / تغيير متشغلش بالك انت
مصطفي / بجمله ... اطلع يلا رجعنا الجمعيه
.......................
فى الحاره
محمود واقف فى المدخل و بيشاور لتلاته بدى بيلدنج على السطح يطلعوا مديحه تفتح الباب و تشوفهم تتخض تبص تحت تلاقى محمود
مديحه / فى ايه يا محمود مين دول
محمود يطلعلها
محمود / هينضفوا السطح يا ماما من الكراكيب متشغليش بالك انتى
مديحه / كراكيب ايه لحسن يبهدلوا الدنيا و الفرن و الحاجه اللى فوق
محمود / يا ماما مهو انا هقف معاهم متشغليش بالك انتى بس
مديحه / طب مش هتدخل تدغدى و لا هتاكل عند مروه و لا ايه
محمود / لا اكلت فى الشركه مع شريف تسلم ايدك
مديحه / يادى الشركه و الشغل اللى حتى اللقمه حرمونى منك فيهم يلا اهو اتعود على الاكل لوحدى ما انت بكره تتجوز و تننشغل فى مراتك و برضه هفضل اكل لوحدى
محمود / بدئاها بدرى اوى يا حجه ام محمود
مديحه / الله يا محمود طالعه من بقك زى العسل حجه يارب اعيش و انولها يارب
محمود / ان شاء الله يا ست الكل عن اذنك بقى الرجاله فوق لوحدهم
مديحه / انا هاجى
محمود / ماما بقولك ايه متحرجنيش مع الرجاله لو سمحتى خشى جوه
مديحه / حمش زى ابوك قلب امك
محمود / ههههههههههههههه ماشى يلا خشى جوه بقى
مديحه تبتسم و تدخل و محمود يطلع ورا الرجاله
..................................
فى الميكروباص
مرام / اصلا دى كانت اخر شله خيط معايا فلا الحمد لله طبعا اكتر بكتير مما كنت متوقعه
سحر/ لا بس البنات انبسطوا اوى و خصوصا لما كنتى بتخليهم يجربوا بنفسهم
مرام / كنت بحب اوى اساعد تيته فى الموضوع ده
تليفون مازن يرن مرام تبص و ترجع تبص للبنات
مازن / الو
شريف / كلو تمام محمود لسه مكلمنى و كلو تمام عنده هو كمان
مازن / احنا فى الطريق اهو
شريف / شيماء عامله ايه
مازن / مبسوطه كنت بفكر تقابلنى فى حته و تاخدهم
شريف / فكرت فيها والله اه احمد فعلا سافر على روسيا النهرده الصبح هو و انس سافروا سوا و بالنسبه للفيديو المحاميين اتحركوا خلاص زى ما قولتلك و على اخر النهار باذن الله هيتشال
مازن / قول يارب
شريف / يارب طمنى عليك انت ايه اخبار الجو عندك
مازن / والله مش عارف كان رايق لحد ما جاتلى المكالمه اياها قلب تانى
شريف / امممم والله ما عارف اقولك ايه
مازن / متقولش انا عارف بختى
شريف / هههههههههههههههه يا عم احمد ربنا احنا كنا فين
مازن / الحمد لله
شريف / طب قبل ما توصل رنلى
مازن / تمام يلا سلام
مازن يقفل
مرام 2/ صاحبك ؟؟
مازن يبصلها و مرام ورا متبعاهم مازن يبص ورا يلاقى مرام بصاله بغضب اول ما عينهم تيجى فى بعض تبص الناحيه التانيه
مازن / شريف مستنيكى عند الجمعيه يا شيماء قولتله اوصلك جه برده
شيماء / مفيش مشكله
مازن / ابقوا خدوا مرام معاكوا بقى وصلوها
مرام 2/ ميرسي بس انا دادى هيجى ياخدنى متشغلش انت بالك
مازن يبصلها و يرجع يبص لشيماء تبتسم و تهز راسها يحط الهاند فرى فى ودانه و هو بينفخ
.............................
قدام المخزن
الميكروباص يركن و مازن يفتح الباب و ينزل و يفضل واقف شريف يروحله مرام 2 تنزل و تدخل جوه و البنات ينزلوا ورا بعض لحد ما مرام تنزل اخر واحده فجاه موتسكل يعدى يشد شنطتها و يوقعها فى الارض و يطير مازن يوطى عليها شريف ينزل من العربيه و الشباب كلهم يجروا وراه و فجاه تريسكل من الناحيه التانيه يقف و يرمى كاوتش فى الارض و ينزل بلطجيه كتير من الناحيتين و يولعوا فى الكاوتش البنات تجرى على المخزن مازن يشد مرام يقومها و يزقها جوه المخزن و يشد الباب عليهم و مرام بتخبط من جوه و تصرخ
مرام / مازن افتح يا مازن افتح.... مازن
مها و سحر يشدوها جوه
مها / انا هتصل بالبوليس
مرام 2/ و انا هتصل بدادى
مها و مرام 2 يمسكوا موبايلاتهم شيماء واقفه بتعيط و مرام بتحاول تفلت من سحر و هى بتعيط
مرام / سبينى سبينى اطلعله
سحر / هتعمليله ايه يعنى يا مجنونه اهدى
مها / اهدى يا مرام اهدى شيماء ساعدينا
صوت حد بيتخبط فى الصاج جامد البنات تصرخ و هما بيعيطوا و بره فى اشتباك عنيف بين البلطجيه و شباب الجمعيه و رجاله مازن و الدخان مالى المكان و اصوات صريخ الستات من البلكونات فوق و فى منهم اللى ماسك الموبايلات و بيصور الموقف و مازن ماسك حد من البلطجيه قدام الباب و نازل فيه ضرب و فجاه مصطفي يشوف توفيق يجري عليه توفيق يطلع فرد خرطوش و لسه هيضرب مصطفي مازن يضرب توفيق طلقه في ايده المسدس يقع مصطفي يبص وراه يلاقي مازن جاى من بعيد توفيق يشوف مازن يجري مازن يطلع يجري وراه و الجو يهدى شويه و مصطفي يجرى يفتح باب المخزن يبص على البنات البنات تصرخ من الخضه و مرام تطلع تجري بره يحاول يمسكها ميلحقش و شريف يحاول يمسكها تفلت منه و هى بتصرخ و تعيط و تدور على مازن فوسط البلطجيه اللى فى الارض
شريف / خليكي جوه
مرام / اوعى ... ماااازن
تهانى تدخل بتجرى مصطفي يجري عليها
تهانى / فى ايه يا مصطفي انتوا بخير يا ولاد
مرام / مااااازن
مرام عماله تلف حوالين نفسها و هى مفزوعه و بتعيط
مازن / مرام
مرام تبص وراها تلاقي مازن راجع تجرى عليه تحضنه و تتعلق في رقبته مازن يتفاجئ و يحضنها اوى و يغمض عينه و مصطفي و تهاني يبصوا لبعض و مصطفي يبص في الارض و ماجد و شريف مبتسمين اوى مرام تبعد عن مازن و تبدا تبص فى وشه و تدور بايديها عن اى تعاوير او جروح فى وشه او فى جسمه
مرام / انت كويس ؟؟انت فيك حاجه اتعورت
مازن يمسك ايديها الاتنين و يبوس فيها و هو مش مصدق نفسه و لا مصدق لهفتها عليه
مازن / انا كويس انا كويس يا حبيبتى اهدى متخافيش
مرام / انت كويس صح كويس صح
مازن يبوس ايدها تاني و هى عملاهم بوكس من التنشنه اللى هى فيها تسحبها بالراحه و تبص على شريف
مرام / انت كويس صح
شريف يهز راسه و مبتسم تبص لماجد و مصطفي و عنيها تلف عليهم و كلهم عنيهم عليها
مرام / كلو كويس كلو .....
مرام تدوخ و تقع مازن يلحقها و يشيلها و يرجها و تهانى تجري عليها و هى بتصرخ
تهانى / مرام
مازن/ مرام
مازن ياخدها و يدخل المخزن ووراه تهانى و شريف اول ما شيماء تشوفه تجري تستخبي في حضنه و هى بتعيط يطبطب عليها مازن يحط مرام على كنبه قى جنب و تهانى تجيب مايه و يفوقوها بالراحه مرام تفتح عينها
مازن / انتى كويسه
مرام تهز راسها اه سحر تقعد جنبها و تدعك فى ايدها يدخل راجل شيك فى نفسه
الراجل / فى ايه مرام بنتى فين
مرام 2 تجرى فى حضنه و تعمل بتعيط
الراجل / انا هوديكوا فى ستين داهيه انا هقفلكوا المخروبه دى احنا بنبعت بناتنا هنا تعمل خير و لا تموت انتوا متعرفوش انا مين و لا ممكن اعمل فيكوا ايه
تهانى / انا مقدره قلق حضرتك بس صدقنى الموقف ده كان صعب علينا كلنا و صدقنى احنا مكنش لينا اى دخل بيه و كمان امان بنتك مسؤليتنا الاولى و الحمد لله محصلهمش حاجه
الراجل / انا كنت فاكر ان دى جمعيه محترمه بس واضح ان زى ما بيتقال عنكوا انكوا واجهه و بس
مصطفى / لولا انك قد ابويا
تهانى / بس يا مصطفى عيب
الراجل / عيب ايه يا هانم اللى حضرتك بتعلميهوله و انتوا حاطين دى وسطيكوا
الراجل يشاور على مرام مازن يقوم شريف و ماجد يمسكوه
مازن / دى تبقى ستك و ان كان هو متربى فانا مشوفتش تربيه و ممكن ابهدلك فاتلم
الراجل / طبعا كلو اتحمقلها طبعا مهى مظبطاكوا بالدور
تهانى / انا كنت ساكتالك عشان كنت فكراك راجل محترم بس كلمه كمان عن مرام
الراجل / انا مش محتاج اتكلم النت كلو بيتكلم عن الست هانم و مغامراتها مع الرجاله و على كل انا هاخد بنتى و نطلع على القسم انا مش هسكت انا هقفلكوا الجمعيه دى
مرام ٢/ استني بس يا دادى للموضوع
الراجل / و لا كلمه حسابنا في البيت
الراجل و مرام 2 يمشوا و مازن بيحاول يطوله و الشباب حايشينه و مرام قاعده على الكنبه متبعاهم و الدموع بتنزل من عنيها صوت رسايل واتس توصل على كل التليفونات الكل يفتح يلاقوا لينك يفتحوه فيديو فيه صور لمرام مها تشغل الفيديو
صوت / مرام نور الدين المحترمه طلعت بتتاجر بالليله و لما وقعت على مازن المليونير دبسته
مازن / اطفى البتاع ده
مرام تبصله
صوت / فى خناقه مع اهل منطقتها و عشان مينضربش ادبس فى الجوازه و عشان يخلع دفع نص مليون جنيه و مع كدا لسه عايشه فى دور الفقر و الكفاح و عرفنا كل ده لما اتخانقت مع القواده اللى مسرحاها
مازن يشد الموبايل و الصوت لسه شغال
صوت / و مع كدا لسه على علاقه بيه
مازن يطفى و مها و سحر و الشباب عينهم على مرام اللى الدموع بتنزل من عنيها منغير اى صوت
مازن / الكلام ده كله كدب تمام مرام اشرف من الشرف و دى مش اول مره يحاولوا يعملوا معاها كدا
مها / يعنى انتى ليكى فيديو تانى عالنت غير ده و الناس شافوه
ماجد / عشان كدا اطلقتوا
......................................
