((((((السكة شمال 2)))))))))
#لولو_محمد
الحلقه 169
مازن / خليكي مؤدبه عشان اجبلك حاجه حلوه تمام
ملك تدحك
مازن / قلبي يا ناس
مازن يدخل الاوضه و يطلع بسرعه و مرام متبعاه و بتدحك مازن يجري يقفل باب المطبخ و باب الحمام و يدخل الاوضه و هو بينهج و يقفل الباب
مازن / حلالي الله اكبر
مرام / ههههههههههههههههههههههههههههه
........................
في فيلا لبني
لبني تدخل تقابل البنت الشغاله
لبني / اخبار فريده ايه
البنت / حميتها وغيرتلها صورتها اربع صور كل صوره بطقم شكل
لبني / كلت
البنت /لا لسه
.................................
لبني / طب هاتيلي اكلي عندها جوه
البنت / حالا
لبني تروح تدخل اوضه فريده اول ما تشوفها تان بغل لبني تروح تقعد علي الكرسي قدامها
لبني / انتي مش ناويه تموتي بقي هتفضلي تعذبي نفسك كدا كتير شكل ربنا هيطول في عمرك عشان يطول في عذابك
فريده تان
لبني / انتي ليه كنتي بتقوليلي يا بنت ميار و كانها شتيمه ليه كنتي بتعامليها كدا انتي مش احسن منها في حاجه هي ما قتلتش جوزها
فريده تزوم و مش قادره تتحرك
لبني / جبتلك الحاجات اللي الدكتوره قالت عليها... بس مش هحطلك منها ... هقول ان جسمك مش بيستجيب و ابنك سيد الرجاله مش هيسال عنك اصلا... تعرفي ساعات بقول ازاي موني بنتك و علاطول برجع افتكر مازن و هو بيربيها و يعلمها الصح من الغلط لما كانت تتصل كان يسيب اللي في ايده و يسمعلها كان قايم بدورك... الله يرحمه خالو صفوت زعلت عليه اوي لما مات الراجل ده كل الناس زعلت عليه... انما انتي ما حدش هيعبرك و لا حتي هيسال عنك... اديكي عيانه اهو حد عبرك و لا سال عنك
البنت تدخل شايله صينيه اكل تحطها علي ترابيزه صغيره و تقرب الترابيزه من لبني لبني تشاورلها تمشي و فريده عينها في الاكل
لبني / تاكلي
لبني تدوق معلقه رز
لبني / حلو جدا الشيف الجديد نفسه تحفه تاخدي حته فرخه
لبني تاكل حته
لبني / ما تتكسفيش دا من خير جوزك اللي قتلتيه
لبني تاكل
لبني / الله.. بصراحه يجري الريق... امممم.... الله... ايه الاكل اللي يجوع ده.... اهو ده الاكل اللي يفتح النفس.... امممم... الله
فريده بتبصلها و باين عليها الجوع لبني تبصلها و تبتسم
لبني /يسري
البنت تدخل لبني تناولها الصينيه
لبني / شبعت شكرا ارمي باقي الاكل للكلاب في الجنينه
يسري / تحت امر حضرتك
لبني تقوم تقف و يسري تمشي
لبني / والله الكلاب اللي عندنا بتتعامل احسن منك علي الاقل اصيله و بتربي عيال اصيله مش زيك
لبني تسيبها و تمشي فريده تحاوا تتحرك تقع من علي لسرير لبني ترجع تبصلها
لبني / خليكي كدا اريح مهي يسري بني ادمه برضه مش هتقعد كل شويه تشيلك و تجرك و تهبدك لما يبقي يجي زياد نبقي نعدلك دا لو عبرك و سال عنك اصلا
لبني تمشي و تقفل الباب وراه و فريده بتصرخ بصوت مكتوم
......................
فى شقه فاطمه بعد فتره
فاطمه و رؤى قاعدين فى اوضه رؤى و بيتكلموا
فاطمه / ما احنا لو اجلناه لبعد الولاده كل واحده هتبقى محتاسه فى اللى هى شيلاه و برده هى هياها اتوكلى على الله و اخلصى و سافرى غيرى جو احنا داخلين على معمعه
رؤى / و هو انا هعرف انبسط و انا قلقانه عليهم يعنى
فاطمه / لا ما تشغليش بالك اول ما هتركبى العربيه و تسافرى مش هتفتكرينا غير و انتى ركباها و راجعه
رؤى / دا باماره ايه ان شاء الله
فاطمه / دى بركات سعوده
رؤى / والله يا ماما انتى فايقه و رايقه
فاطمه / يا بنتى حتى لو شوشو كانت سليمه ما كانتش هتهز اوى يعنى و لا هتهيص اخرها كانت هتسقف برده اهو تسقف و هى قاعده بدل ما تسقف و هى واقفه و مش بعيد برده نخليها تسقف و هى قاعده نخاف حد يخبطها كوع كدا و لا كدا فى الزحمه
رؤى / على رايك
فاطمه / انا مش عوزاكى تفكرى فى حاجه و تستمتعى باخر كام يوم عندنا
رؤى / يا حجه انتى محدش بلغك و لا ايه انا راجعه تانى
فاطمه / قدرنا بقى نعمل ايه
رؤى / الله هو فى ايه يا ماما
فاطمه / ههههههههههههههههههههه بهزر دا انتى اللى فى القلب ربنا ما يحرمنى منك و لا من اخواتك
رؤى / و يخليكي لينا يا بطوط
...........................
فى شقه صافى
مرام / مش هتفرجينى الفستان بقى مازن قالى حلو اوى
صافى / على فكره رؤى لو عرفت ان مازن شافه هتزعل من شريف
مرام / و لا كانى سمعت حاجه خليه مفاجاه احسن مش كدا
صافى / هههههههههههههههههههه جبانه
مرام / كلو الا زعل رورو
صافى / انا بعت مقاساتنا للورشه البنت بتقولى هو انتى مش هتعملى معاهم ما تعرفش انى اكبر مقاس
مرام / هههههههههههههههههههههههههه
صافى / هو الوزن ده هينزل بعد الولاده
مرام / ش كلو اديكى شايفه الحال
صافى / بس انتى خاسه جامد يا بنتى مقاساتك القديمه عندى و كلو بالورقه و القلم
مرام / استرى عليا بقى ههههههههههههههههههه
صافى / لا بجد خاسه
مرام / الله مش كل طبيخي الفتره دى دايت دا مازن بقى يستنى الايفنت مخصوص عشان ياكل
صافى / بتهزى ما بتطبخيش خالص
مرام / الكتاب الجديد وصفات دايت فانا عماله اجرب طرق جديده عشان اصورها للكتاب
صافى / انا حاجزه نسخه من الكتاب ده من دلوقت بس قوليلى بقى وصلتى لوصفات جامده و لا ايه
مرام / طبعا عيب عليكي
صافى / ايوه بقى يا مرام يا مخسساهم
مرام / ههههههههههههههههه
.............................
فى شقه مازن القديمه
احمد يفتح باب الشقه و يدخل و لبنى تدخل وراه احمد يايد النور لبني تلاقي ورد و شموع و اكل احمد يقفل الباب و يروح يايد الشموع و يمسك الكرسي للبني لبني تبتسم و تروح تقعد يروح يقعد
احمد /مش هتتخيلي استنيت اللحظه دي قد ايه
لبني / ما انت خلصتلي حججي اعمل ايه
احمد / هههههههههههههههههه و هو وجود زياد هنا حجه ديته حبايه من اياهم يتقلب و ناخد راحتنا علي العموم اديني سفرته المانيا اسبوع بحاله
لبني / غريبه مع انه عامل حسابه علي يومين بس
احمد / عيب عليكي هيفضلوا يماطلوا و مش هيمضوا الا لما نخلص الهانيمون بتاعنا
لبني / فريده طولت اوي و دا مدايقني
احمد / مش انتي اللي مش عوزاها تموت عشان تتزل و تتعذب و تنتقمي منها
لبني /حاسه نفسي قذره اوي يا احمد مش عارفه بنتقم منها و لا من نفسي باللي بعمله فيها ده
احمد يمسك الشوكه و يشيل شريحه بفتيك من السرفيس و يحطها في طبق لبني و واحده تانيه في طبقه و يقطعها بالشوكه و السكينه و ياكل و لبني بصاله
احمد /انتي بس اللي طيبه اذا كان ابنها مش معبرها
لبني /ابنها مامني عليها مطمن عليها و هي معايا
احمد /ههههههه ما تبقيش سازجه زياد اخد منها اللي هو عاوزه خلاص بقي تموت تعيش ما تفرقش
لبني / و انت يا احمد
احمد / انا ايه ؟؟؟
احمد يشرب عصير
لبني /اخدت اللي انت عاوزه
احمد / من مين بالظبط
لبني / ما تصعش عليا مبروم علي مبروم ما يرولش
احمد /انتي ما بتاكليش ليه
لبني /ما تغيرش الموضوع انت بتساعدني ليه بتعمل كل ده عشان واحده ما بتحبكش ليه
احمد / بحبك
لبني / غير الاسطوانه دي قدمت قول الحقيقه
احمد / علي فكره انا فعلا بحبك و بحب دماغك بس الاكتر اني ما بحبش اسيب حقي
لبني تبتسم
لبني /كدا احبك
احمد / زياد بيحبك بجنون و ما فيش حاجه توجعه قد انك تسبيه و تجيلي
احمد يحط ايده علي خد لبني
لبني /بس انا مش هسيبه يا احمد
احمد /خلاص يبقي بلان بي تخونيه معايا
لبني تبتسم اوي
احمد / ايه؟؟؟
لبني / شوفت بقي لما جيتلي دوغري عرفنا نتفق ازاي... اصل معاك حق اكتر حاجه هتوجع زياد هي اني هخونه اكيد لو كنت اقدر اخونه مع مازن كنت هبقي سعيده اكتر و هتوجعه اكتر بس دا مش هيحصل يبقي تمام اخونه معاك خلص اكل و حصلني
لبني تقوم و تدخل اوضه النوم و احمد متابعها و مزهول و مبتسم ثواني و يقوم وراها
......................
فى شقه مرام
مرام فى المطبخ بتعمل اكل و مازن بيصورها
مرام / النهرده ان شاء الله اول حلقه فى السيزون الجديد و زى ما وعدتكم السيزون ده هنعوض اللى زيدناه فى السيزون اللى فات مع اكلات دايت مجرباها كلها النهرده هنبدا بالمسقعه الدايت المسقعه الدايت طعمها مختلف تماما عن المسقعه العاديه و بتتعمل بطريقتين تقريبا نفس الطعم و بتتاكل بعيش او على رز بس بالرغم من ان طعمها مختلف بس فعلا طعمها جميل جدا البتنجان عامه بيمتاز انه من الخضراوات اللى ما بتحتويش على سعرات حراريه عاليه الكيلو منه فيه حوالى متين خمسه و تلاتين كالورى بس ان شاء الله هتلاقوا فى اخر الكتاب اللى هينزل جدول فيه كل السعرات الحراريه اللى فى كل حاجه تقريبا انا جمعتها لكل المكونات اللى ممكن نحتاجها فى الوصفات و كمان فى الكتاب هتلاقوا عند كل وصفه السعرات الحراريه للوصفه بالكميه دى و هتلاقوا فى اول الكتاب شرح لمفهوم السعرات و ازاى تحسبها لجسمك و جدول مؤشر كتله الجسم انا شخصيا استفدت جدا من المعلومات اللى جمعتها لكم فى الكتاب و فى بعض الاراء انها جابت نتيجه معايا المهم ندخل فى الموضوع المقادير هنحتاج كيلو بتنجان بعد التقشير وزنه قل طبعا هنقول بقى متين كالورى
مرام تعرض المكونات مكون مكون و مازن بيصور
مرام / ست حبات طماطم متوسطه دول بيعملوا حوالى ميه سته و خمسين كالورى مضروبين فى الخلاط و نص كوبايه بصل مقطعه بستاشر كالورى و كبايتين فلفل اخضر متقطع و دول بتمانيه و اربعين كالورى و هنضيف خمس فصوص توم وسط مهروس بسبعه كالورى كل الارقام دى فى اخر الكتاب و هتلاقوها على النت بسهوله و فى ابليكايشنز كتير اوى فيها الوصفات دى انا حبيتها مع اللحمه المفرومه هستخدم نص كيلو عامل حوالى الف ربعميه واحد و اربعين كالورى الاول هبدء بتعصيج اللحمه فى حله تيفال من غير سمن و لا زيت هحط الحله على النار
مرام تحط الحله على النار و تحط اللحمه و البصل و التوم المهروس
مرام / فى الاكلات الدايت هتلاحظوا ان الاكل كلو نيى فى نيى هنحط المكونات و نشوحها مع بعض فى التليفال مش هتلزق و التقليب المستمر هيخليها تستوى من غير لا تتلسع و لا اى حاجه ان شاء الله هى مش هتاخد وقت بمجرد ما كلها ادتنا اللون الجراى اللى احنا عارفينه الجميل ده هنحط شويه فلفل اسود و شويه ملح و نزود ربع كبايه ميه و نقلبهم كويس و نغطيها و نسيبها على نار هاديه لما تستوى هجيب صينيه تيفال تانيه و نرص فيها البتنجان المتقطع و المغسول و الخضار و بعدين هنرص اللحمه انا هبتدى فى الرص الاكله دى بتكفى اربع افراد و مشبعه جدا
مرام بترص الحاجه فى الصينيه
مرام / دلوقت هضرب الطماطم فى الخلاط
مرام تطلع الخلاط و تحط فيه الطماطم و تضربها
مرام / هضيف شويه ملح و فلفل للطماطم بتاعتى ما اكترش عشان اللحمه اولردى فيها ملح و فلفل هبص على اللحمه المفرومه ... استوت ما شاء الله
مرام تاخد اللحمه و تحطها فى الصينيه و تكمل رص طبقه تانيه من البتنجان فوقيها و تحط عصير الطماطم فوقيها و تحطها على البوتجاز و تغطيها
مرام / كدا هنسيبها تاخد وقتها فى السوى لما هتطلع طعمها هيبقى حلو جدا ممكن بدل الصينيه البتنجان يتقطع مكعبات و تتعمل فى حله تيفال عادى جدا الصينيه دى عامله حوالى الف تسعميه و اتناشر يعنى الفرد هياخد منها ربعميه تمانيه و سبعين كالورى هنعمل جنبها رز ابيض مسلوق او رز بشعريه كبايه الرز بتعمل حوالى ستميه خمسه و سبعين انا هعمل كبايتين رز و برده دا هيكفى اربع افراد لو هعمل رز بشعريه على نفس كميه الرز الرز ساعتها هيكفى خمس افراد و فى الحالتين مش هضيفله زيت و لا اى حاجه كدا نصيب الرز هيبقى تلتميه سبعه و تلاتين كالورى كدا نصيب الفرد فى الوجبه دى بقى الف و اتناشر كالورى
مازن / و دا كتير و لا شويه
مرام / والله على حسب الوزن الفرد اللى بياكل يحسب هو محتاج كالوريز قد ايه فى اليوم و يظبط الكميه بتاعته
مازن / على فكره الوجبه فعلا كبيره و مش بتقدر تخلصها الا لو كنت اكيل و كدا مرام شخصيا بتاكل البتنجان بالشوكه هى و ملك و مش بتحط معاها رز و لا اى حاجه
مرام / ممكن كمان نبدل الرز برغيف عيش بلدى بتلتميه كالورى و طبعا لو لحمه حمره و انتى فرماها فى البيت الكالوريز هتقل كتير لكن للاسف بما انى بستخدم لحمه جزار عاديه فاكيد فيها دهن دى اول طريقه معانا للمسقعه تانى طريقه و هى اننا نشوى البتنجان فى الفرن و دا هيبقى بطريقتين طريقه انى احطه كدا يتشوى تحت الشوايه لحد ما ياخد لون و هنا مش هنقشر البتنجان و الطريقه التانيه اننا بفرشه بمعلقتين زيت ندهن وش البتنجان و نحطه تحت الشوايه يتحمر اسرع و بعدين نقلبه و ندهن الوش التانى و بعد كدا نكمل باقى الخطوات عادى
مازن /انا شخصيا بيعجبنى طعم النيى فى ني لكن طبعا اللى فيها البتنجان مشوى بتبقى شكلها احلى بتبقى تقريبا نفس شكل المسقعه التقليديه
مرام / على العموم دا موجود و دا موجود و جربى الاتنين و صوريلى اكلتك و راىك فيها و حمليها على الايكونه الجديده اللى انضافت للتطبيق و هى اكلات الفانز و هختار كل ايفنت واحده عشوائى تطلع هى تعمل الاكله اللى جربتها و طبعا كل ما وصفاتك اللى جربتيها و رفعتيها تكتر كل ما فرصتك انى اختارك تكتر انا زى ما مازن قال مش باكل معاها رز باكلها حاف كدا بالشوكه فمش هعمل الرز الحلقه دى استنونى فى حلقه جايه مع وصفات دايت مع السلامه
مازن / كات هايل يا شيف يا صغنن طب ايه مش هناكل و لا ايه
مرام / تستوى بس ثوانى خلاص
مازن / و طبعا هنلبس الاكله دى على يومين
مرام / امتى اخر مره اكلتك اكل بايت هبعت طبق كبير لعمتى
مازن / ماشى يا مزتى هروح اعين الكاميره و ابص على ملك على ما تغرفى
مرام / تمام يا حبيبى
مازن يمشى و مرام تفتح تبص على المسقعه
...............................
فى شقه مازن القديمه
لبنى قاعده على التسريحه بتعمل شعرها بالسشوار احمد يدخل لابس برنص و بينشف شعره
احمد / ايه ده انتى رايحه فى حته و لا ايه
لبنى / هروح
احمد / ليه
لبنى تلف و تبصله
لبنى / هستنى هنا ليه ما خلاص
احمد / يا بنتى هو مش زياد مسافر ما تخليكي هتروحى تقعدى فى الفيلا لوحدك خليكي نسلى بعض دا اليوم لسه فى اوله
لبنى / انت مش اخدت اللى انت عاوزه مش خلاص
احمد / شكلك هتتعبيني على العموم استنى يمكن اغير رايك
احمد يفتح الدرج و يطلع نفس البرفيوم اللى مازن بيستخدمه و يوريهولها
لبنى / و انت لما هتحط ريحته هتبقى هو يعنى
احمد / والله غلبتيني معاكى اعملك ايه بس يعنى اقولك خليكي هنا و انا اكافئك
لبنى / لا شكرا
لبنى تقوم و تلم حاجتها فى شنطه ايدها احمد يروح يحضنها لبنى تتململ
لبنى / فى ايه يا احمد
احمد / خليكي معايا النهرده
لبنى / ليه مش احنا اتفقنا نبقى صرحه مع بعض
احمد / عاوزه يكلمك و انا جنبك
لبنى تبعد عنه و تبصله
احمد / عاوز اشمت فين
لبنى / تمام بسيطه
لبنى تطلع الموبايل من الشنطه و احمد واقف مبتسم و لبنى بتتصل بزياد و تفتح الاسبيكر
زياد / ايوه يا قلبى ازيك
لبنى / وحشتنى
زياد / و انتى اكتر والله
لبنى / هتيجي امتى
زياد / ان شاء الله اول ما امضى العقود دى هاجى علاطول انتى عامله ايه وحشانى اوى
لبنى / تيجي بالسلامه يا حبيبى مستنياك على نار
لبنى تبص على احمد احمد كاتم الضحك بالعافيه
زياد / مش كنتى جيتى معايا كنا انبسطنا سوا
لبنى / و اسيب مامتك للخدامين يبهدلوها
احمد يضحك و يكتمها لبنى تبرقله يحط ايده على بقه و يشاورلها بايده التانيه اسف
زياد / نعمل ايه بس انتى اللى صممتى انتى اللى تهتمى بيها ما مونى كانت هتاخدها
لبنى / معقول يا زياد بعد كل اللى عملته عشانك هتسيبها فى اخر ايامها لغيرك يخدمها
احمد يشاور لا و يطلع بره و لبنى بتكتم الدحك بالعافيه
زياد / حبيبتى يا لولا
لبنى / بيبى انا هقفل بقى و اكلمك بعدين تمام
زياد / متتاخريش عليا لحسن بتوحشينى اوى
لبنى / تمام يا قلبى سلام
لبنى تقفل و تنفخ احمد يدخل يرمى نفسه على السرير و هو بيدحك
لبنى / كنت هتفضحنا
احمد / مسيره يعرف
لبنى / و انت بقى عامل حساب اليوم ده
احمد / عملتى انتى
لبنى / هيعمل ايه هيضربنى هيقتلنى انا مستبيعه ياريته يقتلنى و نخلص
احمد / طب و مازن
لبنى / و ماله مازن مازن بعيد جدا عن الصوره انا بخونه مع الد اعداء مازن اتس اوين وين جايم بيبى
احمد / لا حسباها
لبنى / عارف ايه اكتر حاجه بتوجع فى الموضوع كلو
احمد / ايه
لبنى / المكان ده
احمد / انتى اللى اخترتى
لبنى تقعد جنبه و تبصله
لبنى / نفس المكان ده من سنين رفضنى
احمد / مازن ؟
لبنى / مرضاش يوسخنى ما كانش عاوزنى ابقى مجرد ليله و تعدى حاول يحافظ عليا بس انا من هبلى ما فهمتش و روحت وسخت نفسى بايدى و ادينى اهو بقيت رسمى بنت شمال
احمد يبصلها مبتسمه بحزن
احمد / انتى كويسه
لبنى تبص قدامها
لبنى / اه كويسه زمان كانت بتوجعنى بتقهرنى جدا كمان كنت بحس انى مقروفه من نفسى كنت ممكن اقعد فى الحمام ساعه احاول اشيل القرف اللى على جسمى كنت بفضل ارجع و ارجع
لبنى تبص لاحمد و عنيها كلها دموع
لبنى / لكن دلوقت لا خلاص اخدت على الوجع ده او يمكن فعلا بقيت شمال
لبنى تبتسم بحزن احمد يعدى ايده من على خدها يجيب شعرها لورا
لبنى / ممكن امشى بقى
احمد / اتفضلى
لبنى تبص فى الارض و تقوم تاخد شنطتها و تمشى و احمد متابعها
احمد / مسكينه
احمد يقوم ياخد هدومه من على الشماعه و يلبس
..............................
فى شقه مديحه
مروه قاعده مع مرام و ماسكه طبق المسقعه بتاع مرام و بتاكل بالشوكه
مروه / و انتى هتنزلى الحلقات دى امتى بقى
مرام / اول ما مازن يخلص الايدت هيرفعها علاطول
مروه / مش هتستنى الكتاب
مرام / لا الكتاب لما نخلص تصوير كل الاكلات انا كتبته خلاص فاضل الصور اللى هتتحط و فى الوقت ده هما برده شغالين على الابلكياشن بتاع الكتاب هيعملوا فيه جدول السعرات و حاسبه للسعرات و كام فيديو للتمارين للبنات هيبقى فى كل حاجه عن الدايت
مروه / هو مين اللى بيصمم البرامج دى
مرام / ناس مازن عارفهم مهندسين طبعا بيقولهم هو عاوز ايه و يديهم الداتا اللى هو محضرها و هم بقى بيبرمجوا الدنيا و بيوروه لمازن و لما يقول تمام بيرفعوه على الجوجل بلاى و الاب ستور
مروه / حلوه اوى الفكره دى و كدا ليكي تطبيقين يا ست مرام واحد بتاع الحجوزات وواحد الكتاب الجديد
مرام / و الكتاب القديم كمان هينزل ابليكاشن
مروه / و حلوه المسابقه اللى انتى عملاها دى هو انا ينفع اشترك
مرام / انتى عاوزه تطلعى تطبخى
مروه / ما انا بعرف اطبخ كل حاجه و انتى عارفه
مرام / يا ستى و لا مسابقه و لا حاجه احنا هنكوسها و الايفنت الجاى نقى الاكله اللى تعجبك و نصورك و انتى بتطبخيها كمان
مروه / بجد يا مرام
مرام / و فيها ايه يعنى و ممكن كمان نختار اتنين تلاته من الحضور لو حبوا يقدمولنا طبخه
مروه / دى فكره حلوه جدا بس هتختاريهم ازاى و لا هيتطوعوا و لا ايه يعنى اقصد مفاجاه و لا هنبقى مبلغينهم قبلها يجهزوا نفسهم
مرام / ما فكرتش فيها انا الفكره جتلى دلوقت و انا بكلمك
مروه / انا رايي اننا نعمل مسابقه بينهم على الصفحه اللى الكومنت بتاعها هيجيب اكبر عدد لايكس هى اللى هتطبخلك و بكدا نتشهر اسرع و لا ايه
مرام / والله دماغك شغاله يا بت يا مروه نفذى
مروه / عيب عليكي هو انا شويه و لا ايه
مرام / دا انتى احسن مديره اعمال اشتغلت معايا
مروه / و هو انتى اشتغل معاكى غيرى
مرام / الله ما كدا تبقى فعلا احسن مديره اعمال اشتغلت معايا فى ايه بقى
مروه / هههههههههههههههههههههههه دا انتى كارثه
مرام / اهو بنحاول
.........................
فى فيلا فريده
فريده فى الارض و لبني نايمه على السرير مكانها و عنيها كلها دموع
لبنى / يا ريت ماما كانت عايشه كنت اترميت فى حضنها و عيطت يا ريتك فضلتى تعاملينى كويس زى زمان
لبنى تبص لفريده فى الارض
لبنى / عاجبك يعنى اللى بيحصل ده اديكى هتفضلى اسبوع مرميه فى الارض
لبنى تقوم تقعد و تمسح دموعها
لبنى/ انتى متبته فى الدنيا على ايه دا انا بحط راسى كل يوم و اقول امتى ما اصحاش بس ليكي حق انا كمان خايفه من ربنا لما هقابله هقوله ايه تفتكرى اللى زينا ليهم توبه سورى اللى زيى انتى خلاص وقتك عدى و كدا كدا هتتشوى فى نار جهنم شوفتى عذاب دنيا و اخره هو انا ينفع اقول كدا و لا غلط هو انتوا ليه ما علمتوناش الحلال و الحرام ليه سبتوا كل حاجه عادى كدا عاجبك حالى عاجبك حال ابنك انتى اصلا عاجبك حال نفسك
لبنى تنفخ و تقوم تقف قدام باب الشقه
لبنى / طب فات الوقت و لا ما فاتش طب اعمل ايه ما انا جربت الحجاب قبل كدا و ما قدرتش قلعته علاطول مش لعبه هو اقعد اللبسه و اقلعه
لبنى تروح تشوط فريده برجلها فريده تان جامد
لبنى / ما تردى عليا هو انا بكلم نفسى اعمل ايه ... هتفضلى طول عمرك زى قلتك مش فالحه غير فى الظلم و الشر و الاذى لكن تنصحى حد لا تساعدى حد لا انتى جيتي الدنيا ليه
لبنى تاخد نفس عميق و تحاول تهدى
لبنى / هو مش كلنا اتولدنا ابرياء لما كنا بيبى ايه اللى خلانى كدا ليه ما بقتش زى مرام مثلا نصيبى يعنى نصيبى انى اكون زباله اوى كدا و لا دى تربيتكوا الزباله يا عره الزباله هى تربيتكوا مهو اكيد ربنا مش عاوزنى اكون وحشه يعنى انتوا السبب و اهو انتوا اللى بتدفعوا التمن ربنا سلمنا ليكوا ملايكه على الارض انتوا نفختوا فينا سمكوا و شركوا و خليتونا زيكوا انتوا شوهتونا و قتلتوا برائتنا و اهو بتدفعى التمن اهو عرفتى ليه بقى ما كنتش عاوزه اخلف عرفتى ليه شيلت الرحم عشان ما اعملش كدا فى عيالى
لبنى تنام على السرير تانى
لبنى / مش هقدر اشوف كل حاجه بتتكرر قدامى و مش هقدر اعملهم غير اللى انا عرفاه و بعدين ابنك اصلا ما يستاهلش يكون اب دا ممكن يبيع ابنه عشان الفلوس هيطلع ازاى يعنى غير نسخه منك و ينقى العيل اللى شبهه و يبيع النضيف انا اتعب و اربى و هو يضيع كل اللى تعبت فيه مهو واطى زى امه بناقص خلفه خالص بلا هم
لبنى تقوم تقعد و تبص لفريده
لبنى / بس مش هكدب عليكي الموضوع بيوجع برده ما انا ست مهما كان انا كمان ليا احتياجات انا مش عاوزه فلوس لا عاوزه مش هنكدب يعنى بس كمان عاوزه امان عاوزه احتواء عاوزه حاجات ابنك الفاشل مالوش فيها خالص فضل يزن على دماغ ماما يزن على دماغ ماما و يزغلل عنيها بالهدايا و الوعود لما ملا دماغها و هى بقى استلمتنى ليه ما فضلناش اصحاب انا مش عارفه والله ما كانش حاجه من كل ده حصلت ليه عمل كدا فينا كلنا ليه ما طلعش راجل و صاحب صاحبه ليه ما صانش العيش و الملح ليه طلع كدا كل ده تربيتك انتى
لبنى تقوم تقف عند الباب
لبنى / شوفتى بقى ان كل حاجه بسببك انتى كل حاجه عشان كدا هقفل عليكي و انا ضميرى مرتاح
لبنى تبص جنبها و تبرطم باستهزاء
لبنى / دا لو كان عندى ضمير اصلا بلا نيله
لبنى تبص لفريده
لبنى / ما تقلقيش مش هسيبك الاسبوع بحاله من غير ميه و اكل هيبقوا ياكلوكى الباقى من اكل الخدامين اخر كل يوم اهو احسن ما يترمى و طبعا لو مش عاجبك الكلاب اولى بيه فبراحتك برضه و تعملى حسابك لا فى حمام و لا غيار حتى و لا هتقومى من على الارض و الله يكون فى عون يسرى و هى بتاكلك بقى فكرينى اخلى احمد يصرفلها مكافاه جامده و لا اقولك انا هخلى ابنك حبيبك هو اللى يصرفهالها عشان يبقى هو اللى دفع مقابل بهدله امه و ذلها و نعم الابن البار و نعم التربيه يا فريده الكلب
لبنى تقفل الباب و تطلع نفس عميق
لبنى / ارتحت شويه
لبنى تمشى
.................................
فى الايفنت
مرام بتطبخ و الستات ملموميين قدامها بيتفرجوا و فى اوبن بوفيه و ستات تانين و بنات قاعدين بياكلو و مروه واقفه مع تلت بنات بتكلمهم
مروه / كل واحده تبص على الترابيزه بتاعتها مره اخيره تتاكد ان كل المكونات موجوده او محتاجه نضيفلها حاجه تانى تبلغنا قبل ما نبدء الفقره بتاعتها
بنت 1/ هو احنا هنطلع بعد مرام علاطول
مروه / ايوه بالترتيب كدا انتى هى هى و بعدين انا
بنت 2/ هتعملى بشاميل صح
مروه / ايوه هعمل صينيه مكرونه بشاميل فى الفرن
بنت 2/ قولت كدا من المكونات اللى انتى حطاها انا هعمل صينيه البطاطس البيضا
مروه / سهله و ما بتاخدش وقت
بنت 2/ دى العشق و يا سلام مع قرص مرام اللى باللبن الرايب خطيره
بنت 3/ عملتها فعلا و طلعت حلوه قبل كدا
بنت 2/ و انا كمان عملتها كتير دايما اصلا بعملهم مع بعض
مروه / امال ليه ما قولتيش تعمليهم النهرده
.............................................
