(((((((السكة شمال 2)))))))
#لولو_محمد
الحلقه 171
مرام / انا هقوم ابص على الغدى
مازن يهز راسه مرام تبتسم بحزن و تقوم تدخل المطبخ
.............................
فى فيلا زياد
زياد قاعد فى الجنينه مع كامل و الاتنين ساكتين
كامل / احم احم
زياد يبصله
كامل / انا عارف انه مش وقته بس انت عارف ان المصانع لازم تتسلم قريب مش كدا
زياد / ما تقلقش هتتسلم قبل المعاد كمان
كامل / كويس مش عاوزين مشاكل فى الشغل
........................
زياد / معاك حق احنا ناس بروفيشونال برده
كامل / تمام
زياد / ما تفهمنيش غلط بس هو انتوا اجازتكوا قد ايه
كامل يبصله و يرفع حاجبه
زياد / لا والله ما اقصدش بس فعلا لبنى محتاجه مونى جنبها و مونى محتاجه لبنى جنبها دا قصدى والله و بعدين دى كانت فيلا ماما اصلا و لبنى ليها فيها برده دا بيتها و هيفضل طول عمرها بيتها
كامل / ايه ده انت ناوى ترجعلها ورثها من امها بجد
كامل يسيب الكان و يقوم يمشى و هو بيتكلم فى التليفون
كامل / ايه يا ابنى انت فين ... انا جايلك فى الطريق ... سلام
كامل يمشى و يقفل باب الفيلا وراه و زياد متابعه يبص الناحيه التانيه و ينفخ
.............................
فى المقابر تاني يوم الصبح
لبني قاعده في الأرض بتعيط
لبني / انا عارفه انكوا زعلانين مني عارفه اني اذيتكوا بس انتوا كمان اذيتوني انتوا دمرتوا الحاجه الحلوه اللي كانت جوايا عيشتي معاكوا سودت قلبي
لبني تبص حواليها و تمسح دموعها و تقوم تقف
لبني / انا هبقي اجي ابص عليكوا كتير
لبني تاخد شنطتها و تيجي تطلع من الباب تلاقي مازن داخل ترجع خطوه لورا و تتفاجئ
مازن /لبني!!!
لبني / ازيك
مازن /الحمد لله انتي..
لبني / جيت اطمن ان كل حاجه تمام
مازن / انا ما عرفتش اكلمك الفتره اللي فاتت
لبني تتحمس
لبني / موني قالتلي
مازن يتنهد
مازن / لبني انا مش بحاول اخرب عليكي بس ما فيش مبرر في الدنيا يخليكي تستحملي منه الاذي ده
لبني /اطلق يعني
مازن / موني ممكن ترجعلك فيلا دبي و شركه دبي و تعيشي هناك او حتي كمان فيلا خالو صفوت لو عاوزه تعيشي في مصر و هنا عندك الاسبا
لبني /و ساعتها هتتجوزني
مازن يتفاجئ لبني تدحك
لبني /بهزر بهزر... هتفرق ايه يا مازن... كدا كدا هو مش هيفرق حاجه عن اي راجل تاني كلهم عندي واحد بالعكس اهو للي نعرفه احسن من اللي ما تعرفرش و لا ايه
مازن /بس انتي كدا بتاذي نفسك
لبني /هيعمل فيا ايه يعني اكتر من اللي عمله هيقتلني.. ياريت
مازن /لبني
لبني / و انت فاكر اني لو اطلقت هيسيبني في حالي ما يقدرش هو يحرق الفيلا بالشركه بالاسبا يا مازن صدقني انا في انسب مكان ليا و ان كان علي اللي جرالي ما تدايقش نفسك دا كان رغبه شخصيه مني ما كانش بسبب الضرب و لا حاجه
مازن /ايه!!!
لبني /انا اللي دفعت للدكتور يشيلي الرحم كان رد فعل مش محسوب مني اعاقب بيه زياد كدا كدا انا ما كنتش ناويه اخلف منه بس وسايل منع الحمل قرفتني قولت اضرب عصفورين بحجر و ارتاح هههههههههههههههههه
مازن يبصلها باستغراب تبتسم
لبني /شكرا
مازن /علي ايه
لبني /انك لسه بتسال عن اخباري بعد كل اللي حصل و اسفه اسفه اوي علي كل حاجه عملتها للاسف ما فيش طريقه اصلح بيها اللي فات
مازن /اللي فات مات بكره قدامك
لبني / و بكره زي امبارح ما فيش مفر ما بني علي باطل فهو باطل ما فيش مفر
مازن /ليه كدا كل حاجه ممكن تتصلح
لبني / بالنسبالي لا.. بالنسبالي الموضوع انتهي مساله وقت مش اكتر
لبني تمسح دموعها و تبتسم باصطناع
لبني / اخبار ملك ايه كبرت مش كدا
لبني تبتسم اوي
مازن / ايوه شقيه زي ابوها و حنينه زي امها
لبني / و هو كان في مين احن من ابوها.. ابقي صورها كتير انا متابعه صورها علي صفحتك صدقني بتفرق معايا كتير
مازن يبتسم بحزن
لبني / احم انا اخدت من وقتك كتير انت جاي تطمن علي باباك انا بصيت كلو تمام و سقيت الارض انا باجي هنا اتابع علاطول ما تقلقش
مازن يهز راسه و هو مبتسم و هي بصاله
لبني / انا همشي هتعوز مني حاجه
مازن يهز راسه لا و هي بصاله و مش قادره تمشي تغمض عنيها و تديله ضهرها و تجبر نفسها تمشي علي عينها و هي بتجز علي سنانها تطلع تركب عربيتها و دموعها تنزل منها زي الشلال مازن يطلع يبص عليها تبص عليه تشغل عربيتها و تمشي
......................
بعد فتره يوم فرح رؤي
البنات قاعدين في الصاله كلهم ماعدا رؤي و كلهم جاهزين و عاملين مكياج
مرام / لا بس حلوه فكره الكوافيره في البيت دي
صافي / والله ما كان ليها لزمه دا انا كنت ظبطتكوا
شيماء / كتير عليكي يا بنتي ضهرك يوجعك كفايا تعبك في الفستان
تقي / صحيح يا مروه هتعملي ايه في فستانك
مروه / هاجر اصلي هشتريه اعمل بيه ايه
شيماء / والله عين العقل دا حتي رؤي من كتر الفساتين اللي عندنا بتفكر تفاح محل ايجار
مرام / البركه في صافي مدلعانا
صافي / والله لو كان بس فيا شويه صحه كنت عملتهولك يا مروه
مروه / كانك عملتيه ربنا يكملك على خير
رؤي تطلع من الاوضه بالفستان و تاج و طرحه كانها ملكه الكل يقوم يقف و مبتسمين علي الاخر
مرام / بسم الله اللهم مبارك ربنا يحفظك
صافي / رقيقه اوي ايه الجمال ده
مرام تطلع الموبايل و يتصوروا مع بعض بنت تطلع من الاوضه شايله شنطه مكياج تليفون صافي يرن
صافي / جم جم يلا بينا
صافي ترد و البنات كلها بتتحرك ناحيه الباب
صافي / نازلين اهو... والله لسه مخلصه حالا... عالسلم والله ... يلا يا بنات... سلام سلام
صافي تحط الموبايل في الشنطه و مرام تروح تسندها
صافي / سندي شوشو انا تمام
مرام / معاها تقي و مروه يلا يلا
الكل ينزل و يقفلوا باب الشقه وراهم
.....................
في فيلا زياد
زياد / و دا من ايه ان شاء الله
لبني / قدم السبت ... يا سيدي عشان خاطر موني... حسن علاقتك بكامل
زياد / و عشان احسن علاقتي بكامل اسلم لمازن مصانعه قبل المعاد
لبني / انت مش بتقول خلصوا سلمهم و اعملها بجميله قول لموني انك عملت كدا عشانها قعدتهم جنبك مش هيجيبوا فلوس ارميهمله و اكسب اختك و جوزها و الشغل مع جوزها هو انا اللي هفهمك مين كامل في السوق
زياد / بس مرواحهم لمازن هيجيبله فلوس
لبني / مازن مش ناقصه فلوس و اديك شايف داخل في اكتر من مشروع و شغله اخر حلاوه
زياد / مش عارف
لبني / قولي مره واحده سمعت كلامي و خسرت هو انا هضرك في ايه يا زياد
زياد / مش قصدي والله بس
لبني / يا ابني سيبك من التفاهات دي ركز في اللي جاي انت كدا كدا مسافر لندن في شغل روح اقعد عند موني و أتكلم مع كامل و اكسبه و خده تحت باطك و خليه يعرفك بالناس الصح عشان تكبر
زياد / طب سبيني ادورها في دماغي
لبني / براحتك انا كدا كدا نصحتك و انت حر
زياد يهز راسه اه
......................
في فيله احمد
احمد بيتكلم في التليفون
احمد / يخربيت فقرك و عرفت منين
انس / بنت الجزمه جالها دور برد بس من الجامد اوي و فضل مطول و حجزوها في المستشفي و في الاخر عملولها تحليل الاتش اي في و طلع بوزتيف
احمد / طب و انت
انس / حللت طبعا في ساعتها بس لسه النتيجه ما بانتش انا هتجنن مش عارف اعمل ايه
احمد / طب اهدي بس
انس / اهدي ايه يا احمد بقولك بت الكلب اللي كنت مصاحبها عندها الايدز يعني هموت
احمد / يا ابني في ملايين عندهم الايدز و عايشين عادي
انس / عايشين عادي ايه ما تنرفزنيش بقي انا بكلمك تساعدني و تشوفلي حل و لا تحرق دمي
احمد / يا ابني اهدي الاول اتاكد انه عندك و هما هيحولولك للمكان الصح
انس / يا فرحتي اتحول للمكان الصح هو ابن الكلب ده له علاج
احمد / ما انت لما هتتحول هتعرف يا ابني عشان كدا بقولك اهدي و اصبر و بعدين ما انت اصلا غلطان في حد يعمل كدا مش تاخد بالك انت عارف في كام حاله ايدز في روسيا فوق المليون يا ابني يعني لازم تاخد احتياطاتك
انس / احتياطات ايه يا احمد هو انا كل ما اجي انام مع واحده احللها
احمد / هههههههههههههههههه طب اقوله ايه ده هو انت ما حدش علمك حاجه خالص عن الوقايه انت ايه جاي منين انت
انس / ارحمني بقي من تقطيمك ده انا مش ناقص
احمد / بص اهدي و كل حاجه هتتحلل سواء هيعلموك ازاي تتعايش معاه او يعالجوك و لو علي الفلوس ما تشيلش هم
انس / انا خايف اموت انا صغير علي الموت يا احمد انا لسه ما عشتش حياتي انا لسه قدامي حاجات كتير اوي عاوز اعملها انا ما ينفعش اموت
احمد / هو بمزاجنا هنموت امتي و ازاي و لا حتي في حد بيبقي عاوز يموت اهدي يا ابني بقولك
انس / انا لو قولت لاهلي هيقاطعوني لو قولت لاصحابي هيقاطعوني هتزبل لوحدي و الكل هيشمت فيا انا ما لقيتش غيرك اكلمه انا تعبان و خايف و لوحدي انا مش عارف اعمل ايه
احمد / انس انس انشف كدا مالك هتعيط و لا ايه
انس / اعيط ايه دا انا هلطم هعيش حياتي ازاي هكمل ازاي انت متخيل انا حاسس بايه
احمد / طب انا اقدر اعملك ايه
انس / ما اعرفش انا عارف اني متقل عليك و فارض نفسي بس
احمد/ عادي عادي بص زي ما قولتلك من دلوقت لحد ما نتيجه التحليل تبان ممكن كل حاجه تتغير و انت مش لوحدك في ملايين زيك و عايشين عادي
انس / و في ملايين ماتو
احمد / كلنا هنموت كلنا هنموت
انس / بس انا لسه صغير
احمد / طب تاني اعملك ايه اقدر اعملك إيه
انس / مش عارف
احمد / انا هكلم ناس حبايبي لو يعرفوا يساعذوك باي حاجه اهو نكسب وقت اتفقنا
انس / يا ريت يا احمد ياريت
احمد / تمام ما تقلقش انا هقفل معاك دلوقت و هكلمك لما اوصل لحاجه و انت لو وصلت لحاجه كلمني تمام
انس / تمام تمام
احمد / سلام دلوقت بقي هكلمك بعدين
احمد يقفل و يتصل بحد تاني
احمد / ايه القرف ده و انا كنت خلفتك و نسيتك
راجل / بودسكاجيت يمني ( اؤمرني)
احمد / يوسليوش مينيا خوروشو (اسمعني جيدا )
