((((((( السكة شمال ٢)))))))))
#لولو_محمد
الحلقه ١٨٧
محمود / ربنا يجعله بفايده هروح انا اخلص الحوار ده بقي
شريف / تمام
محمود يمشي و مازن يدخل يبتسموا لبعض و كل واحد يكمل
مازن / انا رايح الاستوديو هتعوز مني حاجه
شريف / مش هتتغدي ماما لسه قافله بتقول الغدي جاهز
مازن / علي عيني و الله بس ورايا شغل كتير هناك و في فرح بالليل كمان
شريف / الله يعينك
مازن / ما تنساش تروح مرام و ملك تمام ؟
شريف / ما تشغلش بالك
مازن / تمام يلا سلام انا بقي
شريف يبتسم و مازن يمشي
........................
في شقه صافي
مرام و صافي عاملين ماسكات و صافي بتعمل ضوافرها بالمبرد و مرام بتدي لعابد ببرونه
مرام / بس انا بقولك يعني ما تستسهليش الببرونه هيبطل الطبيعي طول ما انتي صاحيه خليكي في الطبيعي احسن
صافي / دي اول واحده النهرده أصلا شفطني اساسا
مرام / الف هنا تعرفي لولا الماسكات بتاعتك دي انا ما كنتش عبرتني بعلبه ذبادي حتي
صافي / اهي الماسكات ماليه التلاجه و الارفف لولا انك هنا دلوقت ما كنتش اتهنيت علي حاجه انا مره نمت و انا حطه الماسك مش عاوزه اقولك اني جربت كل مساحيق الغسيل و المنظفات عشان انضف كيس المخده ما طلعش منه اتكفيت علي بوزي كدا و الماسك كله راح في المخده مش عاوزه اقولك بقت فاتحه و ناعمه ازاي ... ضوافري باظت خالص بقت و لا حوافر البهايم
مرام / فين ده يا بنتي ما ترحمي امهم مهي تحفه اهي مازن يولع فيا بقي
صافي / المهم يوميها شريف دخل بيصحيني و شاف منظري و منظر المخده قطع النطق
مرام / هههههههههههههههههه
صافي / لا اللي يضحك اني اصلا نسيت ان في ماسك في وشي و هو مش عارف يجيبهالي ازاي و انا اقوله بتبصلي كدا ليه و في الاخر لما شوفت المخده فهمت
مرام / و طبعا فتحتي في العياط كالعاده
صافي / ما ببطلش عياط يا مرام اديني بس سبب مهما كان تافه و انا مش هقصر في الموضوع
مرام / باين علي عنيكي
صافي / هو عنيا بس كل حاجه فيا باظت
مرام / والله ربنا هيحاسبك يا بنتي دا انتي مزه
صافي / شكرا
مرام / انا بتكلم جد انتي ايه اللي جرالك
صافي / يعني مش شايفه ايه اللي جرالي يا مرام كل حاجه في حياتي ادمرت حياتي كلها اتشقلبت
مرام / هتتظبطت مع الوقت هتتظبط
صافي / امتي امتي يا مرام امتي كل شويه تقولوا نفس الكلام كل شويه تقولوا هيظبط نومه هيظبط نومه ما فيش جربت كل نصايحكوا ما فيش فايده تعبت
مرام / طب اهدي
صافي / الشقه زريبه المطبخ مليان مواعين و الاكل يا بيشيط مني يا بيطلع مش مظبوط دا لو لقيت وقت و عملته اصلا الغسيل ده بقي بيتفسح زي ما انتي شايفه بيقعد باليومين علي الحبل و زيهم في الغساله و زيهم في طبق الغسيل و لو ما اتلبسش من علي الحبل غالبا هيقعد يومين تايه في الشقه لحد ما يرجع الدولاب و كلو كوم و انا كوم تاني بقيت زومبي عايش في البيبي البامبرز بيسرب مهما اغير بيسرب برده
مرام / كلنا مرينا بكل ده
صافي / انا غيركوا انا غيركوا
مرام / انتي اجدع
صافي / ما تكمليش انا لا جدعه و لا نيله
مرام /هو عابد ما يستاهلش منك التعب ده
صافي / يستاهل و يستاهل اكتر من كدا عابد كان يستاهل ام احسن مني بكتير
مرام /ما حدش احسن منك انتي بس تعبانه و مكتئبه بس ان شاء الله خير
صافي تعيط
صافي / انا تعبانه اوي و مش قادره انا عارفه ان شريف ساكت بس بشوف في عنيه كل يوم الصبح و هو بيدور علي هدومه يا فرده شراب ضايعه يا القميص متكسر يا البنطلون ما اتنشرش او ما دخلش الغساله اصلا هو ما بيتكلمش بس عنيه بتقولي كل حاجه ... لما عابد بيصحي بالليل و السرير غرقان عشان انا نسيت اغيرله قبل ما انام... لما اصحي منكوشه و ريحتي لبن... لما مش بعرف اللبس حاجه حلوه و بيبقي شكلي يقرف... هو مش بيقول حاجه بس عنيه بتقول
مرام /ما دام ما بيقولش حاجه مش يمكن دي تهيات منك انتي
صافي / بكره يقول ... بكره ينفجر و يطلع كل اللي كاتمه جواه و يقول و ساعتها مش هعرف ارد عليه مش هعرف ادافع عن نفسي
مرام تاخد صافي في حضنها
مرام / شريف بيحبك و كل اللي حواليكي بيحبوكي و الحمل تقيل عليكي بس صدقيني هتعدي حاولي تستمتعي بيها
صافي / بايه استمتع بايه
مرام / بعابد بسن مش هيتكرر تاني
صافي /عابد يا نايم يا بيصرخ علي اخره
مرام /انتي بتصلي يا صافي
صافي /ايوه الحمد لله ما انتي عارفه
مرام / بصي عابد نام اهو خشي خديلك دوش و روقي نفسك و انا هقعد جنبه تمام ؟
صافي تبصلها مرام تقوم تدخل جوه تحط عابد في سريره بالراحه صافي تدخل مرام تبصلها و تبتسم
مرام / خديلك غيار و ادخلي يلا
صافي تهز راسها و تفتح الدولاب و تطلع غيار و تدخل الحمام مرام تبص حواليها و تبدا تروق الاوضه
.......................
في فيلا زياد
لبني قاعده بتسمع بالهاند فري
////////
صوت احمد / انا ما كنتش متخيل انك هتخلص حوار الارض بالسرعه دي
صوت شاب / الراجل اول ما شاف الرقم في الشيك وافق علاطول
صوت احمد / الله امال ما مضاش ليه
صوت الشاب / عاوز فلوسه كاش قولتله تمام استني الصبح بقي لما البنك يفتح و نروح سوا نسحب الفلوس و تمضي
صوت احمد / مش مشكله النهرده من بكره ما تفرقش اصرف لنفسك شهر مكافأه
///////////
لبني / شهر بحاله شكلها مهمه
//////////
صوت الشاب / كتر الف خيرك يا احمد بيه حقيقي مش عارف اشكر حضرتك ازاي
صوت احمد / هاتلي عقد الارض و مش هطلب منك اي حاجه تاني
صوت الشاب / اكيد حضرتك
////////////
لبني تشيل الهاند فري من ودانها و تقوم تتمشي رايح جاي و هي بتفكر و فجاه تقف و تمسك التليفون
لبني / ازيك
احمد / تمام
لبنى / بص عشان الوقت و كدا انا محوشه قرشين من ورا زياد و كنت عاوزه اشترى حته ارض بس مش عاوزه زياد يعرف عنها حاجه
احمد / بسيطه بس ليه
لبنى / عاوزه ابنى فيلا صغيره كدا اهرب ليها لما اتخنق
احمد / يا بنتى و ليه تكلفى نفسك ما تقولى فى اى وقت و انا اخبيكي من عين العفريت لو تحبى
لبنى / و لو انت مش موجود هعمل ايه
احمد / و لو زياد عرف يلاقيها هتعملى ايه
لبنى / هبني عليها فيلا و اهادى بيها ملك فى عيد ميلادها ارتحت
احمد / هههههههههههههههههههههههه اهو ده سبب مقنع اكتر تمام تحبى تكون فى حدود كام
لبنى / انا ما اعرفش الارض بقت بكام دلوقت انا اصلا عمرى ما اشتريت ارض و لا اعرف سعر المتر كام اصلا
احمد / مهو بيفرق حسب المنطقه
لبنى / انت مش عارف تساعدنى خالص
احمد / انتى اللى مش محدده انتى عاوزه ايه
لبنى / بص انا حتى لو الفلوس اللى معايا ما تقضيش هعرف اسحب الباقى من زياد انا بس عاوزه اعرف لو فى قدامك حته ارض كويسه تنفع و تكون قريبه من شغلك
احمد / اشمعن شغلى
لبنى / زياد بيرن هكلمه و ارجع اكلمك تانى
احمد / تمام
لبنى تقفل و تحدف الموبايل على السرير بعصبيه
لبنى / بتعملى ايه انتى بتهببى ايه اووووووف
لبنى تروح تقعد على السرير و تجيب الموبايل و تتصل بحد تانى
لبنى / ايوه يا زياد عندى ليك معلومه مش عارفه هتفيدك و لا لا
زياد / خير يا حوبى
لبنى / احمد بيشترى حته ارض مهمه اوى و هيدفع فيها مبلغ محترم
زياد / و عرفتى منين
لبنى / فريال الدسوقى فاكرها اللى جوزها سمسار و جابلك ارض الجونه
زياد / المليانه شويه دى
لبنى / هى دى كنت بكلمها و حكتلى ان الارض دى عليها العين جامد اوى بس احمد عرض اعلى سعر دا فى وسط الكلام كدا كانت بتتكلم عن حاله السوق و الاسعار و كدا و ان احمد كان طالب منهم ارض كويسه و لما جابهاله قاله انه اتاخر عليه و انه خلاص اتفق مع واحد تانى على ارض كويسه
زياد / طب ما فيش اى تفاصيل اكتر
لبنى / لو اعرف والله كنت قولتلك و هى كمان ما تعرفش ما انت عارف جوزها غلبان لدرجه الهبل و لا هيعرف يسال احمد و لا يجرؤ اصلا غير انه يقول حاضر و امرك يا باشا
زياد / عارف عارف تمام بسيطه انا هحاول اعرف الارض دى فين
لبنى / تمام اللى فهمته انه هيمضى عقدها بكره لان صاحب الارض ما بياخدش فلوسه غير كاش
زياد / تمام يا قلبى ميرسى
لبنى / العفو يا حبيبى يلا هسيبك انا بقى و انام شويه
زياد / تمام يا قلبى تصبحى على خير
لبنى / امووووواه
لبنى تقفل و تحط الموبايل جنبها و تطلع زفير و تتنفس بعمق و تهدى
لبنى / هو كدا صح مش العك اللى كنتى بتعمليه مش عارفه انا عقلك دا هيودينا لفين
لبنى تقوم و تدخل الحمام
.................
فى شقه صافى
صافى تطلع من الحمام تسمع صوت مواعين فى المطبخ تدخل تلاقى مرام بتغسل المواعين
صافى / اخص عليكي يا مرام طب والله زعلت منك
مرام / زهقت عابد نايم هقعد اعمل ايه يعنى و انتى بتطولى اوى بصراحه
صافى / طب اوعى اما اساعدك
مرام / انا خلصت اصلا روحى يلا نشفى شعرك و انا هشطف الطبقين دول و اعملنا كبايتين نسكافيه و اجى نشربهم سوا ... معلش السؤال بس هو انتى كنتى بتعملى ايه فى الحمام اصلك ما شاء الله عليكي طالعه موردنه
صافى / عملت اسكرب بالليفه المغربى بصراحه استغليت فرصه انك هنا و خدت رحتى بقالى ياما اوى ما استحمتش عدل علاطول بكب شويه مايه و اطلع بميتى انقط فى الشقه
مرام / ههههههههههههههههههه مش عاوزه اقولك على كميه المواقف اللى مريت بيها بسبب الموضوع ده ... لا بصراحه مش هينفع اقولك
صافى / من غير ما تقولى تقريبا فهمت
مرام / هههههههههههههههههههه انا خلصت اهو
مرام تشطف ايدها و تنشفها بفوطه متعلقه على البوتجاز و تروح تفتح التلاجه تطلع اللبانه تحطها تغلى على النار
صافى / شكرا يا مرام انا بجد مكسوفه منك اوى
مرام / انا كنت فاكره اننا اخوات على فكره
صافى / احنا اكتر من كدا
مرام / انا زكرياتى الحلوه خمسين فى الميه منها انتى موجوده فيها
صافى / الله امال مازن كام بقى
مرام / مهو حتى زكرياتى مع مازن انتى موجوده اول مره روحت معاه مصيف اول مره عيت و خد باله منى اول مره اتصورنا سوا يوم كتب كتابى فرحى ولادتى عيد ميلاد ملك انتى بالنسبالى اكتر من اخت اقسم بالله يا صافى ما في بنت فى الدنيا قربت من قلبى قدك
صافى تبتسم
مرام / انا بحبك على فكره و لو بتحبيني بجد ما تخلينيش اشوفك زعلانه لو الشقه مبهدله والله العظيم مستعده اجى اساعدك فيها لو عابد مدايقك والله اجى اقعدلك بيه بس عشان خاطرى يا صافى ما تقوليش الكلام اللى قولتيه ده تانى
صافى تعيط مرام تحضنها
صافى / انا بحبك اوى يا مرام يا بخت مازن بيكي
مرام / يا بختنا احنا كلنا بيكي ... يا لهوى اللبن
مرام بسرعه تلحق تشيله قبل ما يفور
مرام / انقذته
صافى / هههههههههههههههههههههه بطله
..................................
فى شركه احمد بعد فتره
احمد بيزعق / و انت هنا شغلتك ايه بروروم مش عارف تشتري حته ارض يعني ايه غير رايه و انت بتعمل ايه من ساعتها
شاب / يا احمد بيه انا كنت خلاص اتفقت مع الراجل و يادوب بلغت حضرتك و الراجل كلمني و قالي اتعرض عليه سعر اعلي
احمد / يعني ايه سعر اعلي مين الاهبل اللي هيدفع اكتر من كدا فيها
شاب / ما قالش حضرتك انا في الاول قولت بيحكها عشان يزود السعر و قولتله احنا اتفقنا و مش هتلاقي سعر احسن من كدا قالي لو مش هعلى عن كدا اروحله بكره و احضر توقيع العقود
احمد / تأب و تغطس و تعرف مين اللي هيشتري
الشاب / تمام يا احمد بيه
جرس التليفون يضرب احمد يرفع السماعه و هو عصبى
احمد / افندم
صوت بنت / لبنى هانم هنا و عاوزه تقابل حضرتك
احمد يبان على وشه الاستغراب
احمد /خليها تتفضل طبعا
احمد يحط السماعه و يقوم يقف يعدل هدومه
احمد / روح شوف اللى قولتلك عليه
الشاب / تمام حضرتك
الشاب يطلع و لبنى تدخل احمد يستقبلها بنفسه و يبوس ايدها تبتسم
احمد / اتارى النور بيرقص
لبنى / ههههههههههههههههههههههههه اقعد اقعد عملتلى ايه فى الارض بتاعتى
احمد / سورى يا لولا بجد الفتره اللى فاتت كانت صعبه اوى عليا
لبنى / لا و لا يهمك انا مش مستعجله اوى مالك فى ايه احكيلى فى مشاكل فى الشغل و لا حاجه
احمد / فوق ما تتخيلى فى حاجه غلط بتحصل معايا و مش عارف هى ايه
لبنى / ازاى يعنى
احمد / يعنى كل ما امشى فى مشروع اخسره بشكل او بالتانى تقريبا نص الشغل الجديد اللى بدخله ما بيرساش عليا مش عارف الشركه دى قدمها وحش عليا و لا ايه
لبنى / تفتكر زياد ليه دور فى الموضوع فى الشغل ده لازم عينك تبقى فى وسط راسك
احمد / كان ممكن اشك لو فعلا الشغل بيروح لزياد لكن دا اللى بياخد الشغل ده ناس عمرك ما كنتى تعمليلهم حساب اصلا ناس كنا بنرميلهم الفتافيت فجاه ياخدوا شغل كبير زى ده
لبنى / نفس الشخص
احمد / كنت شكيت بس برده ناس ما لهمش اى علاقه ببعض بحاول اربط الاحداث بحاول الاقى مبرر او سبب ابدا حتى شكيت فى الموظفين بتوعى ما فيش اى حاجه بتطلع منهم كلها مجرد صدف زى ما قولت حاسس ان الشركه دى قدمها نحس
لبنى / يعنى معقول من ساعتها ما خدتش مشروع واحد
احمد / اخدت كتير بس ضاع منى اكتر
لبنى / ياربى وقعت قلبى هو انت علاطول طماع كدا و عاوز كل حاجه بتفكرنى بزياد بجد فظيع الفتره دى بيحشر نفسه فى اى مشروع يقابله حتى لو اول مره يشتغل فيها
احمد / اهو ده بقى كوم تانى كل ما اقول افوقله الاقي الشغل واخدنى و اتلخم فى القرف بتاع المخروبه دى
لبنى / انا متاكده انك هتلاقى طريقه ترتب بيها ورقك و ترجع بيها احسن من الاول كمان على العموم زياد عامل بارتى كبيره اوى عندنا فى الفيلا بكره بيقول كسب صفقه العمر اخد توكيل عربيات كبير جدا هيتجمع فى مصر و مش عاوزه اقولك واخد دعم مهول من الحكومه تقريبا فرشينله كل الدنيا تحت رجليه المشروع ده كان واقف على ارض مناسبه امبارح بالليل لقيته راجع طاير من السعاده انه لقاها و عشان كدا هيحتفل بكره بالتوقيع
احمد / فين الارض دى
لبنى / و لا اعرف ما قاليش طول الليل بيعزم فى الناس ما لقيتش وقت خالص اقرره و لا اعرف منه اى حاجه انا حتى بالعافيه قدرت اقنعه اعزمك و قولت اجى بنفسى اعزمك عشان افهمك الوضع كله و تلحق تتصرف دا لو هتعرف
احمد / تمام
لبنى تفتح شنطتها و تطلع دعوه شيك
لبنى / الكروت وصلت النهرده الفجر مش هتصدق صحى الراجل و خلاه يشتغل عليها ... زياد اتجنن خلاص
احمد / ههتم بالموضوع ده اوى
لبنى / اتمنى توصل لحاجه
لبنى تقوم تقف
لبنى / عن اذنك لازم امشى عشان لسه هعدى اجيب حاجات كتير اوى نقصانى لبكره
احمد / تمام
لبنى / سلام
احمد يقوم و يوصلها لحد الباب يلاقى الشاب واقف بره لبنى تمشى
الشاب / لو سمحت يا احمد بيه
احمد / افندم ما هو اليوم الحلو بيبان من اوله
الشاب / انا جبت لحضرتك اسم اللى هيشترى الارض
احمد / و مستنى اتحايل عليك عشان تقولى مين يعنى
الشاب / زياد مجدى
احمد يغمض عينه و يحاول يكتم غضبه و يفتحهم بالراحه و يدخل المكتب و يقفل عليه الباب
.....................................
فى جناح فى القريه بتاعه مازن
رؤى قاعده على السرير و ماسكه تحليل الحمل فى ايدها و بتعيط فى صمت باب الاوضه يتفتح رؤى تمسح دموعها بسرعه
سعد / قومى ادخلى الحمام عشان خليتهم يجيبولك العشا هنا
رؤى تبصله بحزن و تقوم و التحليل فى ايدها قافله عليه سعد يبصلها الحزن يملا وشه و يسحب الترولى من الشاب و يديله تيبس و يقفل الباب وراه رؤى تطلع ايدها فاضيه
سعد / حللتى تانى برده النهرده
رؤى / مش عاوزه اتكلم فى الموضوع ده يا سعد لو سمحت
سعد يشيل الغطا من على الاكل
سعد / طب تعالى اتعشى معايا انا واقع من الجوع و عشان تعرفى بحبك قد ايه خليتهم يعملولك حاجه حلوه مخصوص فى المطبخ بصى انا قولت للشيف انك بتعشقى الشيكولاته فقعد ساعتين يحط حاجات على حاجات و طلعت البتاعه دى فى الاخر
سعد يمسك برام عليه شيكولاته سايحه
سعد / لو ما اكلتيش انا هاكل الطاحن دا كلو لوحدى و اموت فيها لانى مستحيل استحمله
رؤى تربع على السرير و تبصله بابتسامه مليانه حزن سعد يغمزلها
سعد / بقولك ايه ما تيجي نحلق للاكل الخطير ده و نبدا بالطاجن ده اهو ناخد معدتنا من اولها قدرنا نكمله خير و بركه ندخل على باقى الاكل ما قدرناش اهو نبقى اخدنا الاهم فالمهم ايه رايك
سعد يقعد جنبها و ياخد معلقه من الطبق و يحطها على بق رؤى تفتح بقها بالراحه و تاخدها و تبدا تبتسم سعد يحرك حواجبه بابتسامه
سعد / خطير صح
رؤى / انا بحبك اوى على فكره
سعد / ايه ده من اول لحسه كدا دا طلع اختراع عظيم البتاع ده
رؤى / ههههههههههههههههههه
سعد يتعدل و يلزق فيها و يديها معلقه تانيه تاخده منه و تديله معلقه
سعد / اللهم صلى على النبى ايه الحلاوه دى
رؤى تحط الطاجن على الكومدينو و تدخل فى حضن سعد يحضنها
سعد / متيجي ننزل نحضر عرض انيماشن و نغير جو
رؤى / طب ما تيجي نعمل احنا جو هنا فى اوضدتها
رؤى تشبك ايديها حوالين رقبه سعد يفتح بقه
سعد / هو الراجل ده حطلك ايه فى الطاجن
رؤى / تمام هقوم اغير هدومى
سعد يقفل بقه
سعد / طب و الجو اللى هنا
رؤى / ما انا هقوم اللبس حاجه مناسبه للجو بتاعنا
سعد يبتسم اوى رؤى تقوم تفتح الدولاب تطلب غيار و فوطه و تدخل الحمام سعد يمسك الطاجن رؤى تطلع راسها من الحمام
رؤى / اياك تاكل البرام بتاعى
سعد يحط البرام مكانه و عينه على باب الحمام و يشغل التليفزيون من الريمود و يقعد يبص على الطاجن و يفرك
............................
فى فيلا زياد تانى يوم
زياد بيمضى عقود مع ناس منهم اجانب احمد يدخل زياد يقوم هو و الرجاله يسلموا على بعض و فى ناس بتسقف لبنى تلمح احمد تروح تسلم عليه
لبنى / ازيك
احمد / تمام و انتى
لبنى / زياد بينجح و يكبر و ما حدش عارف يوقفه تفتكر هكون عامله ازاى ... فخوره بيه جدا طبعا
احمد / هههههههههههههههههه اساسى
لبنى / هههههههههههههههههه بيقولوا مصائب قوم عند قوم فوائد
احمد / واخده بالك ان الوحيد المستفيد هنا هو زياد
لبنى / ما تنساش ان فى الاول و الاخر دى فلوس مازن اكيد كنت هزعل لو كان بيبعزقها و يخسر
احمد / على اساس انها هترجعله
لبنى / ما حدش كبير على الموت يا احمد بيه
احمد / المرحوم جاى وراكى
لبنى تبص وراها تلاقى زياد جاى
احمد / الف مبروك يا زيزو
زياد يحضن احمد
زياد / حبيبى اتاخرت كدا ليه يا راجل افتكرتك مش هتيجي
احمد / و انا اقدر برده عيب عليك
زياد / تعال اعرفك على شركاتى الجداد
احمد / عن اذنك يا لولا
لبنى / خدوا راحتكوا
احمد و زياد يروحوا فى جنب وسط الناس و يتكلموا و لبنى بتابعهم بابتسامه فيها خبث
............................
فى شقه صافى
صافى واقفه قدام المرايه و بتحاول تقفل سوسته فستان تايبست اسود و السوسته مش عاوزه تقفل و هى عماله تشفط فى بطنها و تحاول ما فيش فايده لحد ما تزهق و تقلعه و تطلع فستانين تانين و تنقى بينهم واحد و تقلع الاسود و تلبس اللى اختارته و برده السوسته ما تقفلش تنفخ و تقلعه و تلبس البجامه و تقعد على السرير تلعب فى الموبايل شريف يطلع من الحمام و يدخل الاوضه و هو لابس البرنص و بينشف شعره
شريف / انتى لسه ما لبستيش
صافى / ما ليش مزاج اروح روح انت و انا شويه و هنام اصلا
شريف يبص على الهدوم اللى على الارض و يروح ناحيه الدولاب و يطلع فستان زهرى و يديه لصافى
شريف / انا بحب الفستان ده عليكي اوى ما تقومى تلبسيه
صافى تبصله
شريف / تمام مش عاوزه تروحى ما نروحش بس اللبسيهولى انا تعالى نطلب عشا فخيم و نفرتك اللى باقى من المرتب و ان شالله ما عن حد حوش و نولع كام شمعه و تلبسي فستان و انا اللبس البدله و كاننا بنتعشا بره ايه رايك و اهو نستفيد ان عابد تحت عند ماما
صافى تبص فى الارض
شريف / و ممكن كمان نشغل اغنيه سلو و اطلب منك تقومى ترقصى معايا
صافى تبصله
شريف / مش عاوزه تروحى الفرح ما نروحش ما كانش فرح امى هو انا اصلا كنت رايح عشانك
صافى تبتسم و تبص الناحيه التانيه
شريف / فى ايه بس
صافى / انت عارف انى تقريبا ما عدتش بلبس غير الدريس ده اللى كنت عملاه فى اول الحمل لما بطنى بدات تكبر انت متخيل ان ما فيش حاجه فى هدومى دخلت فيا لحد دلوقت من يوم ما ولدت مع انى عامله دايت و على كلامكوا خسيت انت مستوعب الوضع
شريف / لا الحقيقه لسه مش قادر احط ايدي على المشكله ... اااه انتى تقصدى ان ما عندكيش هدوم كفايا يعنى ... طيب تمام تعالى ننزل بسرعه نعدى على الاتيليه و نجبلك طقمين تلاته عشره حتى ايه المشكله
صافى / فى انى فشله
شريف / عز الطلب اقسم بالله عز الطلب انا من يوم ما عرفتك و انا بقولك ايه الست لازم تبقى بطايه فى نفسها و بعدين هو انتى كان عجبك شغل المجاعات اللى كنتى فيه
صافى / لو ما كانش عاجبك اتجوزتنى ليه حبيتنى ليه
شريف / عشان جدعه عشان بت راجل عشان كنتى بتبصيلى بنظره عمر ما شوفتها فى عين اى بنت تانيه اقول كمان
صافى / قول
شريف / عشان بالرغم من الفرق الكبير اللى بينا عمرك ما اتعاليتى عليا
صافى / فرق ايه
شريف يبتسم
شريف / انك بتحبى اهلى امى و اخواتى و عمرك ما حولتى توقعى بينا عمرك ما قولتيلى انت بتضيع فلوسك على اخواتك و اكسر قرش لنفسك و لازم تفكر فى مستقبلنا انك وقفتى جنبى ان زعلى عندك مهم لما طلعتى غيرتى هدومك حتى من غير ما اقولك بحبك عشان انتى روحى و قلبى يا صافى لا حبيتك عشان جمالك و لا عشان جسمك و لا عشان اى حاجه تانيه غير روحك اللى ما تتعوضش
صافى بصاله باهتمام و استمتاع و عنيها مليانه دموع شريف يقرب منها اكتر
شريف / انا بحبك فى اى وضع و على اى شكل حتى لو جرالك ايه بحبك و هفضل احبك و ممكن اكتبلك اقرار بالكلام ده
صافى تبتسم اوى و تبص فى الارض يمسكها من دقنها و يرفع عينها لفوق
شريف / بحبك عشان انتى ام عابد و طخنك اللى انتى الوحيده شيفاه لمجرد انك خرجتى اخيرا من مقاس المحير و بداتى تلبسي انساتى
صافى تدحك و تبص الناحيه التانيه يمسكها من دقنها تانى و يخليها تبصله
شريف / بصيلى هنا يا بت خلينى اتغزل فى جمال عنيكي الحلوه دى
صافى وشها يحمر
شريف / لو مش عاجبك الفستان تعالى نلحق ننزل نجيب غيره دا فرح صحبتك و ما ينفعش ما تحضريش هتزعل
صافى / هيقعدوا يتكلموا عليا هيشوفونى و انا كدا هيقولوا شايفين جسمها باظ ازاى شايفين بشرتها شايفين عينيها
شريف / دا من غلهم و حقدهم انهم مش فى جمالك طب انتى بتعتبرى انك بايظه اقسم بالله صاروخ ارض جو دا انتى فخر الصناعه التركيه المصريه المشتركه
صافى / انت بتقول كدا بس عشان
شريف / عشان دى الحقيقه .. الحقيقه اللى مصر كلها شيفاها الا قلبى صافى مش شيفاها
صافى تمسك ايده يمسك ايدها و يبوسها
شريف / ها هتلبسى الفستان ده و لا اكلمهم ما يقفلوش الاتيليه و يجهزولك تلت اربع فساتين تنقى منهم
صافى / لا هلبس ده
شريف / دى فكره حلوه احييكى عليها استنى
شريف يروح يمسك بدلته من على الشماعه و يمد ايده فى جيبه و يطلع علبه قطيفه حمره صغيره يفتحها و يطلع سلسله محجبات رقيقه اوى و فى اخرها دلايه باسم عابد
شريف / انا عارف انها مش مقامك بس
صافى / دى حلوه اوى
شريف / تحبى تلبسيها و لا تلبسى حاجه من عندك
صافى / لا هلبسها استنى هقوم اللبس الفتسان و لبسهانى
شريف يديها السلسله تمسكها و تبص فيها بانبهار و تقوم تحضن شريف
شريف / ما بحبش اشوفك زعلانه بحبك و بحب دحكتك اوى ما تحرمنيش منها
صافى عنيها تتملى دموع
..........................
