(((((((السكة شمال ٢)))))))
#لولو_محمد
الحلقه ٩٢
ماريا /تعرفى دلوقت لما بشوف الاكل ببقى خايفه اكل اضيع التعب اللى تعبته
مرام / حقك سنتين كتير برده بس جه بفايده يعنى
ماريا / خدى بقى الازازه دى انا اصلى مدمنه بيبسى و بجد الموضوع صعب جدا تعرفى لو كنا بكره كنت قربعتها بس انا عندى بكره ميزان يعنى بق الميه بيتحسب عليا روحت مره الكشف و حلفت لادخل الحمام قبل ما اوزن عشان الميه دى هتقلها على الميزان
مرام / ههههههههههههههههههه والله انتوا عسل
ماريا / لا مدام وصلنا للعسل يبقى والله لتاخدى منى الازازه دى بدل ما اعيط و افرج علينا الناس و يعرفوا انى هبله بعيط عشان ازازه بيبسى
مرام / ههههههههههههههههههههههههههههه لا يا ستى هاتى الازازه و على العموم فى جوه كانز هجيبلك واحده مقفوله تشربيها بكره بعد ما توزنى
مرام تاخد من ماريا الازازه و تيجى تقوم سالى تقعدها
........................................
سالى / انتى رايحه فين بعدين بعدين تبقى تجيبيلها احنا ما صدقنا قابلناكى دا انتى ما تعرفيش كل اللى فى الشركه بيدعولك قد ايه
مرام / بيدعولى انا ؟؟
سالى / طبعا انتى ما تعرفيش و لا ايه مش انتى السبب فى التامين الطبى و الوجبات اللى بتتوزع علينا
ماريا / كلهم بيدعولك الا انا ابقى قاعده بشوفهم بياكلوا بشاميل و فراخ و انا باكل تفاح اخضر و خس مش تعملوا وجبات للغلابه اللى زيي
مرام / هههههههههههههههههه فاتتنا دى لا هقولهم حاضر يعملوا وجبات دايت عشان خاطر ماريا مخصوص
ماريا / اه و يكتبوا عليها ماريا عشان كل اخواتى فى الكفاح يدعولى
مرام / هههههههههههههه والله انتى مشكله
مرام تحط الازازه جنبها فى الارض ماريا تبص لسالى و يبصوا للازازه و يعملوا بيدحكوا
سالى / ما بلاش فى الارض لحسن الدنيا زحمه حد يزقها كدا و لا كدا
ماريا / ما تشربى و لا انتوا كنتوا حاطين لينا فيها حاجه
مرام / ههههههههههههههههههههههه مش بقولك مشكله
شيماء تدخل شايله صينيه عليها طبقين فيهم ساندوتشين و جاتوه
ماريا / ميرسى والله يا طنط بس انا دايت
شيماء / لا دايت ايه والله ازعل
ماريا / عندى ميزان بكره بجد مش هينفع خالص لا اكل و لا اشرب
مرام / ما فيش مشكله يا شوشو انا كدا كدا دلوقت هقوم اعبيلها منابها تاكله بكره براحتها و هتوصى كمان
ماريا / حبيبتى يا مريومه والله
شيماء / خليكى انا هظبطهالهم بنفسى دا كلو الا زمايل ابيه فى الشركه ثوانى و راجعه
مرام تحط الازازه على الصينيه
مرام / معلش دخلى دى معاكى بدل ما تتكب
شيماء / حاضر
شيماء تاخد الصينيه و تدخل
سالى و ماريا يبصوا لبعض
مرام / منورين والله
سالى / دا نورك هههههههههههههههه
سالى تبص لماريا تانى ماريا تبص لمرام و تبتسم
............................
فى الفيلا
فريده بتتكلم فى التليفون و هى متعصبه
فريده / انا مش قادره افهم مش قادره افهم نعمل ايه اكتر من كدا هو فى كدا .... يعنى ايه اهدى يعنى ايه فرصه زى دى تضيع ازاى .... انا تعبت والله مش كدا ... فلوس ايه هو انتوا عملتوا حاجه عشان تاخدوا عليها فلوس ...
ابراهيم يدخل
ابراهيم / فى حاجه يا فريده بتزعقى ليه
فريده / هكلمك و نشوف الموضوع ده بعدين ... لا ما تقلقيش سلام دلوقت ... سلام
فريده تقفل
ابراهيم / فى ايه مالك
فريده / ما فيش يا بيبى دا انا كنت عامله اوردر اونلاين هديه صغيره كدا لميار و فى مشاكل و كدا مش عارفه انا مجبتلهاش حاجه من دبى ليه ازاى حاجه زى دى تفوتنى بس
ابراهيم / و لا يهمك هاتيلها اى حاجه من هنا و خلاص انتى عارفه ان الحاجات دى ما بتفرقش معاها و بعدين مش دا اللى تزعلى نفسك عشانه
فريده / ازاى بس الست تقول علينا ايه دا انا مجبتلهاش و لا هديه من ساعه ما لبنى اتجوزت زياد الست تقول علينا ايه
ابراهيم / يا ستى بكره تنزلى و تشتريلها اكبر هديه و لا تقول و لا تعيد
فريده / تمام يا قلبى تمام
......................
فى شقه مازن
مرام واقفه قدام المرايه بتمسح المكياج و مازن بيلبس تيشيرت البجامه
مرام / بس بنات زى العسل
مازن / انا بحاول افتكرهم بس مش عارف بس اكيد شريف عارفهم يعنى ما دام عارفين عنوان بيته
مرام / و انت يعنى عارف كل اللى بيشتغلوا فى الشركه
مازن / لا طبعا بس مدام شريف عازمهم يبقوا اكيد من الناس القريبين اللى بنشوفهم كتير مهو مش هيروح لموظفه لسه متعينه جديد دونا عن باقى الموظفين يعزمها يعنى بالعقل كدا
مرام / وجهه نظر
مازن / هما ما قالوش شغالين ايه بالظبط فى الشركه
مرام / لا ما اتكلمناش خالص فى الموضوع ده بس سالى قالتلى انها قابلتنى مره لما كنت باجى ايام خالو صفوت الله يرحمه
مازن / غريبه اوى دى يعنى شغاله من ايام خالو و قابلتك و انا مش فاكرها
مرام / لا و كلو كوم و ماريا كوم تانى هى و الدايت دا انا كنت هدمع من كتر الدحك
مازن / مش انبسطتى هعوز اكتر من كدا ايه
مرام تلف و تبصله
مرام / بصراحه جدا كان يوم حلو اوى و البنات كمان كانوا عسلات جدا تعرف لما شوفتك و انت بتحط ايدك فى ايد شريف اتخيلت للحظه انك بتحط ايدك فى ايد عريس ملك و بتجوزهاله ياااااه يا مازن بجد مش عارفه اوصفلك كنت حاسه بايه ساعتها
مازن / امال انا اعمل ايه انا كنت طاير من الفرحه تعرفى كنت عاوز ارخم بس لما شوفت صافى و هى بتقول انا انا انا لميت نفسى
مرام / ههههههههههههههههههههههه والله بت عسل تحس ان روحها العفويه دى مدياها جمال فوق جمالها بت متتعوضش بجد
مازن / ربنا يهنيهم
مرام تقعد فى السرير و تستغطى
مرام / بس سيبك انت الحمد لله اطمنت ان فى الشركه بنات حلوين
مازن / لا حاسبى لحسن اللى يسمعك يفتكرك بتغيرى عليا و لا حاجه
مازن ينام فى السرير على جنبه و يبصلها
مرام / نعم ؟؟
مازن / فى حاجه يا حبيبتى
مرام / هو انت هتنام هنا
مازن / دا لو مش هيدايقك يعنى
مازن يقرب من مرام و يحضنها
مرام / فى ايه يا مازن
مازن / زعقى زعقى و زعلينى و اقعدى بقى طول الليل صالحى فيا
مرام / شكل اللعبه دى جت على هواك مش كدا
مازن / جدااااا مش عاوز اقولك ... اوعى تكونى معترضه
مرام / ازاى و انا هعترض على حكم ربنا كلو بثوابه
مازن / هههههههههههههههههههههه اه كله بثوابه فاكره لما كنت بقولك كل بوسه بتاخدى عليها ثواب و تقعدى تالسى عليا
مرام / ما كنتش بالس
مازن يحضنها اكتر
مرام / لا مهو اكتر من كدا هنام على الارض
مازن / و هو الارض هتبقى احن عليكى من حضنى يعنى
مرام / اللهم طولك يا روح
مازن / امين ما تبطلى استعباط بقى امال لو ما كنتش متاكد انك بتحبينى و بتموتى فيا و الحضنين اللى خدتهم منك النهرده يشهدوا عليكى
مرام / والله ؟؟
مازن / اوعى تكونى معترضه اوعى
مرام / عيشلك يومين ليك روقه
مازن / ليكى العمر كله يا قلبى
مرام تبصله و هى بتحاول تكتم الدحكه
مازن / اوعى تكونى مدايقه
مرام / ابدا خد راحتك يا حبيبى خد راحتك
مازن يحضنها اوى
مرام / هههههههههههههههههههههه عشان انا مبسوطه بس هعدى كل الهرى ده
مازن / لا عشان انتى بتحبينى زى ما بحبك اعترفى
مرام / انت شارب حاجه
مازن / فشارب الخمر يصحو بعد سكرته وشارب الحب طول العمر سكرانِ
مرام / هو ذنب عليا و بكفره انا عارفه
مازن / فى حاجه يا حبيبتى اوعى اكون مدايقك ازعل
مرام / و على ايه هههههههههههههههههههه يارب بقى
مازن / شكلك زعلتى
مرام / ما انا بدحك اهو اتلم بقى و نام
مازن / مش جايلى نوم
مرام / ههههههههههههههههههههههههه ماشى يا مازن ماشى
مازن / لا شوفتى شكلك مدايقه و انا ما قدرش انام و انتى زعلانه منى
مازن يقوم يقعد تشده تنيمه تانى
مرام / والله ما زعلانه ارحمنى بقى و نام
مازن / نامى فى حضنى
مرام / يا ابنى اتقى شرى
مازن يقوم يقعد تانى
مازن / والله شكلك مدايقه
مرام / ههههههههههههههههههه لا مش مدايقه نام بقى ربنا يهديك نام تعال يا بابا تعال
مرام تشد مازن ينام و تنام فى حضنه
مازن / مرام
مرام جابت اخرها تبصله و تبتسم
مرام / نعم يا مازن
مازن / اوعى تكونى مدايقه
مرام تقوم و تجيب المخده و تقعد تضربه بيها و هو بيدحك
مرام / مش مدايقه قولت مش مدايقه ارحمنى بقى مش مدايقه
مازن / شوفتى مدايقه اهو مدايقه يبقى اصالحك
مرام تنام و هى عماله تدحك مازن ينام على جنبه و يبص عليها و هو مبتسم تبصله
مرام / مبسوط انت صح
مازن / اوى
مرام تمسك ايده و تحطها على بطنها
مرام / ملك كمان مبسوطه
مازن يبصلها و ينام جنبها و ياخدها فى حضنه و ايده لسه على بطنها
مازن / ربنا ما يحرمنى منكوا تعرفى طول الفتره اللى فاتت و انا مرعوب انك تولدى بعيد عنى بدعى ربنا طول الوقت انه يجمعنى بيكوا كنت بسهر طول الليل اتفرج على صورك زى زمان و اسال نفسى ليه يارب بعد ما ادتهانى تحرمنى منها قولت يمكن انا ما استاهلكيش فضلت اتغير و كل ما تقربى و تحصل حاجه تبعدك اقول اكيد لسه فى احسن اكيد هى تستاهل احسن و احاول اتغير و ابقى احسن و انا متاكد ان ربنا اكيد هيكافئنى و يرجعك ليا و اهو حصل
مازن يبص لمرام يلاقيها مبتسمه
مازن / و مرجعتيش لوحدك رجعتى و انتى شيلالى احلى هديه ملوكتنا الحلوه
مرام / ربنا ما يحرمنا منك
مازن / انا نمت و بحلم صح
مرام / انت رخم على فكره نام بقى
مازن / شكلك ادايقتى
مرام تلف و تديله ضهرها
مرام / كلم قفايا بقى
مازن يبوسها من قفاها
مرام / بس بغير نام
مازن / بحبك
مرام / ماشى
مازن / اوعى تكونى زعلتى يا مرام
مرام / نااااااااااااااااااااااااااااااااام بقى نام
مازن يقوم يبوسها من خدها و ينام تانى مرام تبصله
مازن / بصالحك
مرام / يارب
مازن / هههههههههههههههههههههههههههه
مرام تلف وشها تانى و تنام مازن يحضنها و ينام هو كمان
مازن / بحبك يا مجنونه
.................................
فى نايت كلوب
لبني / يا جماعه هو انتوا لسه هتعرفوا احمد دا ما بيعملش حاجه لوجه الله ما تفوقوا انتوا الاتنين
انس / و احنا خسرانين ايه والله لو احمد بالشكل ده بيستغلنا ياريت كل الناس تستغلنا زيه
لبني / صحيح و انت خسران ايه
انس / و انتى خسرانه ايه
لبني ترتبك
لبني / و انا مالى باحمد اصلا اخسر ايه يعني انا بس خايفه عليكوا
زياد / من مين من احمد هههههههههههههههههه يا بنتى دا اهبل
لبني / و مازن كان فاكرك كدا برضه لحد ما اديته الضربه القاضيه انت المفروض اكتر واحد فاهم ده
زياد / و عشان انا اكتر واحد فاهم ده انا فاهم احمد كويس و بعدين انتى نسيتي انا عملت فيه ايه قبل كدا
لبني تبص الناحيه التانيه و تنفخ
..........................
فى شقه شريف
شريف نايم فى اوضه النوم الكبيره
صافى / هههههههههههههههههه اتلم بقي
شريف / تعالى لميني
صافى/ هاجى بكره
شريف / مش قادر استني
صافى / اهو تعرف هتحس بايه من غيرى
شريف / هموت
صافى / بعد الشر
شريف / تعرفي على قد ما انا مش عارف اللمس الارض من فرحتى على قد ما انا خايف يطلع كل ده حلم و اصحي فجاه الاقيكي لسه نجمه بعيد عنى
صافى / لا حقيقه و انا خلاص بقيت مراتك و بتاعتك و ما فيش قوه فى الدنيا هتقدر تفرقنا
شريف / مش هيجي عليكي يوم و تندمى و تقولى اتسرعت
صافى / دا انا اتاخرت سنين طويله اوى ندمانه علي كل لحظه فيها انى قضيتها بعيد عنك
شريف / يا ابن المحظوظه يا شيكو
صافى / من يوم ما بابا الله يرحمه اتوفى و انا ماحستش الامان غير و انت جنبي صوتك لوحده بيطمنى انا بحبك اوى يا شريف
شريف / و انا كمان والله يا صافى بحبك ... صافى انا مش عاوز اكون بضغط عليكى بس انتى دلوقت مراتى و هتحاسب عليكى والله ما تحكم و لا حاجه
صافى / ما انا هتحجب بعد الفرح
شريف / يا حبيبتى صور الفرح بتاعتنا مش هتقدرى توريها لحد
صافى / شريف
شريف / والله ما تحكم بس
صافى / حاضر
شريف / بجد يا صافى
صافى / اول مره تطلب منى حاجه اقولك لا ازاى
شريف / ياريتنى كنت طلبت حاجه كبيره
صافى / هههههههههههههههههه
شريف / و انتى مش عاوزه تطلبى منى حاجه
صافى / عاوزه
شريف / خليكى حنينه
صافى / عوزاك تشيلنى فى عنيك و تحافظ عليا و تحبنى
شريف / ما انا بحبك يا صافى
صافى / انا نفسي الحب اللى بنا يزيد مع الايام ما يقلش
شريف / لو نسيت فيوم فكرينى
صافى / و ان نسيت انا فكرنى
شريف / لما انا فرحان اوى كدا النهرده امال بكره هبقي ازاى
صافى / هههههههههههههههههه
شريف / يا ابن المحظوظه يا شيكو
..........................
فى شقه مروه
مروه قاعده مع مامتها يتكلمو
الست/ ازرق ما كانت لبسته احمر احسن
مروه / و طول الليل هزار و دحك و تنطيت فاكره كتب كتابي فضلت مستخبيه فوق قال ايه بتخدم على الناس
الست / هى من الاول بتعامل اخوات شريف معامله خاصه
مروه / ايوه حتى فى الكوافير ايام فرحها و علاطول بس بقول يمكن عشان مازن و شريف صحاب و كدا تعرفي ان مازن هيبعت صافى و شريف تركيا اسبوعين شهر عسل على حسابه
الست / هى مش مرام كانت وعداكى بحاجه زى دى لما تتجوزى
مروه / انا مش معشمه نفسي بحاجه اصلا
الست / احسن برده احنا اصلا مش محتاجين منها حاجه خلى بس الفتره دى تعدى و انا اسفرك شهر عسل تلفى الدنيا بحالها
مروه / ربنا يخليكى يا ماما و ما يحرمنيش منك ابدا
الست / كلو من خير ابوكى الله يرحمه
مروه / الله يرحمه
.........................
فى شقه مازن تانى يوم
مازن يصحى ميلاقيش مرام جنبه يبص حواليه فى الاوضه مش موجوده يقوم يجرى على اللفينج نش موجوده يسمع صوت فى المطبخ يدخل بالراحه يلاقي صينيه فطار و مرام بتعمل قهوه و مدياله ضهرها يروح يحضنها من ضهرها
مرام / خضيتنى يا مازن
مازن / عشان تحرمى تسبينى نايم و تقومى من جنبي تانى
مرام / طب وسع اما اصب القهوه
مازن / الفطار الحلو ده عشانى
مرام / لو قولت عشان اللى ياكل هتزعل
مازن / هههههههههههههههههه للدرجادى بتحبينى و تخافى على زعلى
مرام / اه طبعا امال ايه ما انا خلاص اتعلمت الادب
مازن / هههههههههههههههههه اولدى انتى بس وربنا لاتلككلك
مرام / الله يبشرك يلا هات الصينيه لحسن انا صاحيه جعانه جدا
مازن / يا خبر يلا اتفضلى
مرام تمشي و مازن يشيل الصينيه و يدخل وراها الليفينج يقعدوا
مازن / هتروحى مع صافى الكوافير
مرام / لا مش هقدر اقعد طول الوقت ده و انت عارف بيتاخرو قد ايه
مازن / تمام اهم حاجه راحتك
مرام / ما فيش اخبار عن مونى
مازن / هى كمان الحمل تاعبها و الدكتور مانع عنها الحركه خالص
مرام / يا قلبي هى هتولد فين
مازن / هناك طبعا
مرام / و طبعا مش هتقدر تيجى فتره طويله عشان البيبي و لا انا هقدر اسافرلها مش كدا
مازن / فتره بس و نسافرلها منها نزوىها و منها نعمل شهر عسل جديد او نعمل شهر عسل بوجه عام بما اننا ما عملناش شهر عسل خالص
مرام تحط لقمه فى بقها و هى مدايقه مازن يمسك ايدها
مازن / انتى عارفه انا حاسس كاننا لسه مكتوب كتابنا لما كنت بقعد اعد الايام على الدخله دلوقت بعد الايام عشان تولدى
مرام / و ايه اللى هيحصل لما اولد
مازن / ايه اللى هيحصل !!! دا انا هخرب الدنيا انا هدبح و اكل الناس و اعملها عقيقه ما اتعملتش قومى انتى بس بالسلامه و انتى تشوفى انا هعمل عشانكوا ايه اهم حاجه انتى تقومى بالسلامه
مرام تبتسم و تاكل
مازن / انتى جالك كابوس تانى امبارح
مرام / لا
مازن / هههههههههههههههههه شوفتى بقي انا خوفت الكوابيس ازاى دا يعلمك ما تبعديش عن حضنى تانى
مازن ياكل و هو مبسوط و مرام بتبص عليه
.............
فى الفيلا عند زياد
زياد / يا ماما قولتلك لما تولد اسهل نخلص فى المستشفى من بره بره
فريده / انا مش هينفع استنى و اسيب حاجه للظروف ما يمكن تولد فى البيت يجيبلها حد يولدها و نلاقى نفسنا قدام الامر الواقع
زياد / يا ماما ما يمكن تموت و هى بتولدها و نبقى خلصنا منهم هما الاتنين
فريده / انا خايفه تولد و ابوك يشوف النونه قلبه يحن و انت عارفه اهبل و برياله و ابص الاقيه جايبهالى و جاى و يقولى شيلى حفيدتك انا ممكن اموت فيها
زياد / فال الله و لا فالك
فريده / انا جسيت نبضه ناحيه البنت و قولتله افرض جابلك البيبى بكره و قالك بنتى يا بابا هتعمل ايه دمع لمجرد انه بيتخيل انه شايل بنت مازن انت متخيل بعد كل ده لسه بيحبه اوى كدا
زياد / طب كلمتيه فى حوار التحليل تانى
فريده / قالى مستحيل اكلم مازن فى الموضوع ده الراجل خايف من ابنه كانه هو ابنه و مازن ابوه انا مش فاهمه ايه ده
زياد / يولعوا ببعض بقى انا قرفت
فريده / انت عارف انا ليه مصممه ان البيبى ده ما يتولدش عشان انا شوفت الشوق فى عنين ابراهيم الشوق انه يشيل حفيدته فرحته اللى مش قادر يداريها ان مرام ما شربتش العصير دا قالهالى فوشى على قد ما بكره مرام على قد ما انا فرحان انها ما شربتش العصير دا كان خايف على مرام يحصلها حاجه دا بيتعلق بيها مع الوقت و لو سكتنا مش بعيد بكره و لا بعده مرام دى اللى تطيرنا احنا مهو فرحان بحفيدته بقى
زياد / هههههههههههههههههههه لا ما تقلقيش اهى دى مستحيل تحصل
فريده / ما تنساش ان مونى فى صفها يعنى رضا عياله من رضا مرام و نولع انا و انت بجاز نلزمه فى ايه
زياد / يا ماما بلاش افوره بقى
فريده / على العموم اخر مره نجرب
زياد / مهى ممكن تاخد الحبوب و ما تجهضش برضه
فريده / مرام تعبانه و عامله ربط و الرحم مش هيستحمل صدقنى
زياد / خلاص حاضر تمام بس دى اخر مره
فريده / ماشى بس حاول
زياد / تمام يا ماما حاضر
فريده / حضرلك الخير يا حبيبى
.............................
فى الكوافير
الكوافيره بتحط الروتوش الاخيره على صافى و هى بالحجاب و اخوات شريف كلهم متجمعين حواليها و مبسوطين مرام تدخل
مرام / ايه القمر ده ما شاء الله على العسل
صافى / حلوه بجد
مرام / احلى مفاجاه دى و لا ايه
صافى / شريف طلب منى امبارح و انا ما قدرتش ارفضله طلب
مرام / والله شريف ده راجل ابن راجل ياريته كان طلب منك من زمان و لعلمك انتى حلوه بالحجاب بشكل مش عادى
صافى / انفع يعنى
مرام / تنفعى و نص طبعا و لا ايه يا بنات
شيماء / والله لسه بقولها ما شاء الله عليها حلوه فى اى حاجه
مرام / عاوزينك بقى تتجدعنى كدا و تسع تشهر و تزرفينا توام بنات شبهك كدا عشان يحسنوا سمعه المنتج المصرى شويه
رؤى / ليه ان شاء الله و هو المنتج المصرى وحش و لا وحش طب دا احنا مزز المزز
شيماء / اعصابك يا وحش
رؤى / مش سمعاها بتغلط و بعدين هنروح بعيد ليه مهو مازن لف الدنيا كلها و فى الاخر خد المصريه بنت المصريه و لا ايه يا مرام
مرام / نحن نختلف عن الاخرون يا بنتى تحيا جمهوريه مصر العربيه
صافى / هههههههههههههههههههههه
..................................
بره قدام الكوافير
عربيات كتير راكنه على الصفين و مازن واقف مع شريف بيعدله الجرافاته و يرشله برفيوم سعد يدخل
مازن / الله الله على الشياكه ايه يا عم
سعد / هعجب يعنى
شريف / بقولك ايه مش ان غاب القط مش عشان مسافر يعنى
سعد / يا عم بقى القط مسافر و سايب وراه اسد هى اختك دى حد يعرف يهزر معاها حتى
مازن / والله ما فى احلى من النوعيه دى و اسالنى انا
شريف / اساله هو كان بيتكوم قدامى
مازن / دا كان زمان يا بابا
شريف / فرضت سيطرتك يعنى
مازن / دبحتلها القطه
شريف / كداب يا خيشه
مازن / ولد عيب عليك
محمود يدخل
محمود / عريسنااااااا
شريف يحضن محمود
محمود / لسه بدرى و لا ايه
شريف / خرجوا خرجوا
البنات تطلع من الكوافير واحده ورا التانيه و صافى تطلع بالحجاب
مازن / ايه ده
...........................................
