(((((السكة شمال ٢))))))
#لولو_محمد
الحلقه ٩٧
مرام / صدقينى مازن اخ احسن بكتير من مازن زوج
مرام تبص لمازن يرفع حاجبه و يقعد قدامها و يبتسم
مرام / ما هى كمان اكيد هتبقى محتاجه اخ و لا ايه
مونى/ و انتى مش ناويه تخاويها و لا ايه
مرام / لا ما بفكرش فى الموضوع ده دلوقت خالص
مونى / و انا والله مرعوبه اوى من الولاده بس الدكتوره طمنتنى قالتلى ممكن اولد من غير الم خالص
مرام / ان شاء الله ربنا يعمل اللى فيه الخير
مونى / المهم انك وحشانى اوى اوى اوى
مرام / و انتى والله باذن الله لما تولدى و تقومى بالسلامه اكيد هنلاقى طريقه ما و نتقابل
مونى / اكيد يا بنتى المهم هسيبك بقى عشان انتى صوتك باين عليه الارهاق
..................................
مرام / اكمنى لسه صاحيه بس
مونى / يا ستى نامى براحتك هو حد له عندك حاجه
مرام / على رايك
مونى / بصى انا هقفل دلوقت بس اكيد هكلمك تانى
مرام / اوك فى اى وقت .. معاكى مازن
مرام تناول مازن التليفون ياخده و يقوم يطلع بره
مازن / ايه يا مزه
مونى / هو انت مزعلها و لا انا بيتهيالى
مازن / انا علاطول مزعلها انتى نسيتى و لا ايه
مونى / اووووو هو مازن الدنجوان مش عارف يكسب مراته الاسطوره طلعت ميث و لا ايه
مازن / لو تشوفى اللى انا عايشه
مونى / مش دى اللى انت كنت هتموت عليها
مازن / مش هى مش هى هما ... هما بس يسيبونا فى حالنا بيعملوا المستحيل عشان يوقعوا بينا
مونى / اوووووه ما تقولش
مازن / دا انا لو هقول عمرى ما هسكت
مونى / عملوا ايه تانى
مازن / بالنسبه للى فات تفاهات بس خلاص ضهر البعير مقطوم خلقه مش محتاج شعره و لا نيله
مونى / حبيبى !!
مازن / بصى فتره و هتعدى و انا كمان برده ليا حاجات كدا
مونى / مع الوقت كل حاجه هتتصلح
مازن / عارف بس مين بعد كل ده قادر يصبر
مونى / انت صبرت كل ده
مازن / عارف
مونى / روح قولها انك بتحبها احنا علاطول بنحب نسمع الكلمه دى اكيد مش انا اللى هقولك يعنى
مازن / ربنا ما يحرمنى منك ابدا
مونى / امين ههههههههههههههه و لا يحرمنى منك يلا يلا روح راضيها يلا مراتك حامل و النفسيه اهم حاجه فى الموضوع انت مش متخيل انا بستغل الموضوع ده مع كامل ازاى
مازن / ههههههههههههههههههه مش عاوز حتى اتخيل
مونى / هههههههههههههههههه يلا يلا سلام يا احلى ميزو فى الدنيا
مازن / سلام
مازن يقفل السكه و يقوم يدخل الليفينج مرام ممده على السرير و بتتفرج على التليفزيون و ماسكه الساندوتش فى ايدها مازن يدخل الاوضه و ينام جنبها و يمسك ايدها و الساندوتش فى ايدها و ياكل منه قطمه
مرام / لو عاوزه
مازن / الف هنا بس بنكشك
مرام تبص قدامها
مازن / مازن الزوج وحش مش كدا
مرام / ما قولتش كدا
مازن / هههههههههههههههههه ايه خايفه ازعل تضطرى تصالحيني و لا ايه
مرام تبصله و ترجع تبض قدامها و تتنهد
مازن / مش انا دورت على اجابه لسؤالك
مرام تبصله
مازن / قال رسول الله صلي الله عليه و سلم اذا غضبت فاسكت و كان في موقف النبي صلى الله عليه و سلم زار فاطمه ملقاش سيدنا على و لما سال عنه عرف انهم اتخانقوا فساب البيت و راح نام في المسجد
مرام / يعني انا ازعل انت تسبني و تمشي انت تزعل ما يتقابليش صلاه امال فين القوامه فين و عاشروهن بالمعروف
مازن / ما فيش تضاد بينهم بس انا قولتلك احيانا لازم الواحد يبعد عشان ما يقولش او يعمل حاجات يندم عليها
مرام تقوم تقف
مرام / و انا قولتلك ان ده بيكبر الخلاف
مازن / انا بصالحك اهو
مرام / وقت ما مزاجك جابك مش وقت ما انا محتاجالك انت متخيل يعني ايه اجى لحد عندك و انت تطنشني و كانى بجبرك عليا فضلت تجري ورايا عشان ارجع و لما رجعت عملت كل حاجه عشان اقرب منك و لما قربت عملت ايه
مازن / معاكى حق
مرام / ايوه معايا حق
مرام تقعد على السرير و تدى لمازن ضهرها و هى بتتنفس بصعوبه و ماسكه بطنها
مازن / حقك عليا انا اتصرفت غلط بس والله ما كنت اقصد كدا انا بس
مرام / انت بس اطمنت
مازن / دا شيطانك مش اكتر و بعدين هو انا بعمل كل ده ليه مش عشانك
مرام / انت فاكر ان الشغل و الفلوس هما اللى هيامنوا حياتى انا و ملك ؟ احب اطمنك انك بكدا ما تفرقش حاجه عن ابوك و ان مصيرى انا و ملك بالطريقه دى مش هيفرق اى حاجه عن مصيرك انت و مامتك ان ما كانش اسوء عشان ملك ما عندهاش خالو صفوت فى حياتها يصلح اللى ابوها بيعمله
لحظه صمت و مازن مصدوم و مرام الندم هيقتلها
مازن / انتى بجد شايفه كدا
مرام / لا
مازن / شوفتى بقى ان وقت الخناق واحد فينا ينسحب لحد ما التانى يهدى هو الحل الصح
مرام / ايوه
مازن يمشى و مرام تقعد على السرير و هى ندمانه و حاطه ايدها على بقها
مرام / غبيه انتى غبيه غبيه يارب ايه اللى انا قولته ده
مرام تقوم تجرى ورا مازن و تفتح باب الشقه تلاقى الاسانسير نزل تجرى على البلكونه تفتحها و تبص تلاقى مازن بيخرج من العماره و بيركب عربيته و بيطير
مرام / انا اسفه انا ما قصدتش مازن ارجوك ارجع
مرام تمسك فى سور البلاكونه و تقعد فى الارض و تسند براسها على السور و هى بتعيط
مرام / انا اسفه اوى
.................................
فى شقه شريف
صافى / بس احنا كنا اتفقنا اننا هنسافر سوا
عائشه / ايوه بس لازم يبقى فى حد هناك يرتب للفرح و يتابع كل حاجه هناك و بعدين انا مش هسيبك هنا لوحدك انا فى الاصل كنت ببقى قلقانه طول الوقت عليكى عشان انتى لوحدك و لولا دماغ باباكى الناشفه دى
صافى / هههههههههههههههههههه
عائشه / انتى عارفه انى ما كنتش سبتك تعيشى فى مصر لوحدك بعيد عنى ابدا
صافى / صدقينى يا مامى ماما فاطمه و البنات بيحبونى بجد و شريف كمان بيحبنى جدا
عائشه / انا عارفه انهم ناس طيبين مختلفين بس طيبين
صافى / انا بحب الناس دول اوى يا مامى و متاكده انهم بيحبونى اوى كمان و شريف كمان بيحبنى
عائشه / انا مش عاوزه فى الدنيا حاجه غير انك تكونى مبسوطه
صافى / والله العظيم انا عمرى ما كنت سعيده قد الفتره دى انتى يمكن خايفه شويه عشان انتى بعيد و ما اتعاملتيش مع شريف كفايه بس هو جدع اوى و راجل اوى و انا بحبه اوى اوى اوى
عائشه / يبقى خلاص خليكى معاه اليومين دول و انبسطوا و اتفسحوا و هستناكوا فى تركيا و هظبطلكوا برنامج الهانيمون بتاعكوا هناك
صافى / انا هقوم اشوف شريف اتاخر ليه فى المطبخ ثوانى
صافى تدخل المطبخ تلاقى شريف بيقطع موز فى بولات فاكهه
صافى / اتاخرت كدا ليه
شريف / كنت بديكوا وقت تتكلموا براحتكوا و كمان عملتلكوا احلى سلطه فواكه و العصير بيور من غير سكر ايه رايك فيا بقى
صافى / انت احلى حد فى الدنيا هات بقى و تعال اقعد معانا شويه
شريف / تمام هاجى اسبقينى و انا هحصلك
صافى / تمام
...........................
فى شركه ابراهيم
زياد / يعنى ايه مازن هيدخل معاكوا شريك و ليه كامل ما كلمنيش فى الموضوع ده
ابراهيم / كامل قال ان الموضوع ده هيحسن العلاقات بينى و بين مازن كتر خيره فكلم مازن و مازن وافق و كلمنى و بكدا هنقرب من بعض اكتر
زياد / انا مش فاهم هو انا عملتلهم ايه عاوزين يسموا ابنهم مازن و يشاركوا مازن هو انا جربه اوى كدا
ابراهيم / ما تكبرش الموضوع يا زياد
زياد / طب فهمنى انا قصرت فى حق اختى فى ايه مش بتكلمنى و لا بترد على مكالماتى و تقول لماما انها قررت تسمى ابنها مازن و دلوقت مش عاوزين يشاركونى
ابراهيم / انا كنت فاكر انك حطيت كل السيوله اللى معاك و انت بتشارك انس و المشروع ده كبير جدا عليك
زياد / طبعا مقام مازن بيه انا بس عاوز افكر حضرتك بحاجه مازن ما تعبش فى الفلوس اللى معاه اتولد و فى بقه معلقه دهب ورثه من مامته و بعديها من خاله لكن انا الحمد لله مورثتش من ابويا غير اسمه و كل جنيه معايا جبته من شقايا
ابراهيم / و دى حاجه انا بحترمها فيك و شراكتى مع مازن مش بتنفى شراكتى ليك او تقلل من علاقتى معاك بالعكس يمكن تكون دى خطوه كويسه انها تصلح اللى بينكوا و ترجعوا زى زمان
زياد / تمام يا بابا ... تمام عن اذن حضرتك عشان ورايا شغل كتير و ما تقلقش حضرتك ههتم بالمشروع ده و اديله الاولويه عندى
ابراهيم / انا معتمد عليك يا زيزو
زياد / و انا مش هقصر رقبتك عن اذنك
زياد يطلع بره و الغل مالى ملامحه
..........................
فى شقه مرام بالليل
مديحه / ان شاء الله بكره هخبز قرص هبعتلكوا منابكوا مع محمود انا كنت متفقه مع مروه نعملها امبارح بس هى بقى اتلخمت و كدا انتى عرفاها صغيره و مش واخده على الحاجات دى
مرام / بكره تبقى ايدك و رجلك دى
مديحه / حقه يا مازن لا شوفت و لا هشوف فى شطاره مرام
مازن يبتسم
مديحه/ بتعمل الحاجه بنفس هو الواحد كدا لما بيعمل الحاجه اللى بيحبها غير اللى بيعمل تقضيه واجب و السلام و بنات اليومين دول ايدك منهم و القبر يقلبوا الاكل بايد و يكتبوا على الفيس بالايد التانيه
محمود / انا بقول يا بخت من زار و خفف
مازن / ايه يا حوده خليكوا شويه مرام بقالها كتير ما شافتش عمتوا مديحه و اكيد فى كلام كتير عاوزين يقولوه لبعض
مديحه / والله يا مازن يابنى ما فى حاجه فى الحاره ليها طعم الواحد قاعد طول الوقت لوحده ساعات كتير بعمل الشاى و انسى و اصب كبايتين و اروح عشان اشربهم مع الحجه و يادوب اوصل لباب الشقه افتكر اقعد اعيط على الكنبه
الكل الحزن يملا ملامحه
محمود / و ايه لزمته النكد ده دلوقت
مرام / الله يرحمها سيرتها عمرها ما تبقى نكد يا محمود
محمود / الله يرحمها
مازن / اخبار المسجد و المدرسه اللى بيتبنوا فى المنطقه ايه يا محمود
محمود / شغالين فىهم امبارح والله لسه كنت بتكلم مع المهندس و قالى انهم انجزوا تقريبا تسعين فى الميه من الانشاءات و كلها ايام و يبداوا فى التشطيبات
مازن / كويس
مديحه / كنت بقولك يا مازن
مازن / ايوه يا عمتوا
مديحه / بنات كتير من اللى كانوا شغالين فى الوجبات بيكلمونى كل شويه و انا محرجه منهم اوى اصل انهم يشتغلوا فى المنطقه بتاعتهم غير انهم يشتغلوا بعيد عن اهاليهم مبيرضوش دا حتى الحجه امينه دايخه على شغل و بتقول اقل شغل هقبض ملاليم و اضيع نصهم على المواصلات فكنت بقول يعنى افتح انا الوجبات ده و ارجع البنات دول ياكلوا عيش منه تانى
مازن / انا ما قولتلكوش تبطلوا اصلا لو حضرتك هتقدرى
مديحه / هقدر ان شاء الله و مروه و امها و اخواتها هيساعدونى و حتى الحجه امينه و امل و ستات الحاره كلهم دا ما فيش بيت فى الحاره ما كلش لقمه حلوه من ورا المشروع ده
مازن / خلاص يا محمود ظبط الموضوع
محمود / تمام انا بقول كفايا كدا انت تقريبا مطبق من امبارح و اكيد محتاج ترتاح
محمود يقوم يقف مديحه تقف مرام تسلم على مديحه مازن يسلم على محمود
مديحه / ابقى اتصلى اسالى عليا
مرام / باذن الله يا عمتى
محمود / هشوفك بكره فى الشركه
مازن / باذن الله
محمود و مديحه يمشوا و مرام تقفل الباب وراهم مازن يدخل جوه مرام تدخل وراه تلاقيه بيطلع بدله من الدولاب
مرام / ايه ده انت خارج
مازن / اه عندى عشاء عمل
مرام / مازن بخصوص
مازن / بصى انا بحاول اللتمسلك تسعين الف عزر هرمونات مش بتثق فيا شافت كتير تعبانه ملهاش حد انا غلطت لما سبتها الفتره اللى قضيناها بعيد عن بعض ميلون سبب مليون سبب يخلينى اعتبر اللى سمعته الصبح ما حصلش
مرام / انا اصلا والله ما اعرف الكلام ده خرج منى ازاى والله ما كنت اقصد والله
مازن / تمام
مرام / هتتاخر
مازن / ما اعرفش و اه عشان يبقى عندك خلفيه و قبل ما حد يصورنى و يبعتلك الصوره و ارجع الاقيكى بتصرخى فوشى و طلقنى و كدا عشاء العمل ده مع ابويا ليه ؟؟ عشان كامل عاوزنا نتشارك احنا التلاته فى مشروع كبير جدا الهدف منه عشان حوار ان الفلوس رقم واحد عندى ان يبقى فى مصالح مشتركه بينى و بين ابويا يخاف عليها و بكدا يبعد عننا الكلاب اللى حواليه بشاركه عشان اوفرلك انتى و ملك الامان
مرام / مازن انا
مازن / انا مش هقدر احارب النار بالنار فى الحرب دى يا مرام عشان انتوا اول ناس هتتحرقوا كان لازم الاقى طريقه تانيه و هو ده اللى كان شاغلنى اليومين دول ازاى اوفرلكوا الامان عشان انتى و ملك رقم واحد عندى انتى رقم واحد عندى
مرام / انا اسفه
مازن / انا مش عاوزك تعتزرى انا عاوزك تهدى و تفكرى عاوز مرام حبيبتى القديمه مرام العاقله اللى كانت بتفهمنى اللى كانت بتثق فيا و مستعده تتحدى معايا العالم
مازن يرفع لمرام ايده اليمين مرام تبص فى الارض
مازن / مرام دى ما بتعملش حاجه غير انها تتحدانى انا و تكسرنى
مرام / انا كمان عاوزه ارجع مرام القديمه انا كمان مش عاجبنى حالى بس
مازن / بس لازم تقعدى مع نفسك و تفكرى يا مرام لازم تحاربى شيطانك لازم قبل اى حاجه تعرفى مين حبيبك من عدوك
مرام تبص فى الارض بحزن مازن يتنهد
مازن / انا لازم اللبس عشان ما اتاخرش عن اذنك
مرام تبصله مازن بيطلع قميص و يطقمه مع البدله مرام تمد ايدها و تطعله جرافات
مرام / دى هتبقى حلوه اوى مع البدله دى
مرام تطلع بره الاوضه و تقفل الباب وراها و الدموع تنزل من عنيها و هى حزينه و مش عارفه تعمل ايه
..............................
فى الفيلا
زياد رايح جاى فى اوضته بيكلم احمد فى التليفون و لبنى قاعده بتتفرج عليه على السرير و هى بتبرد ضوافرها بالمبرد بمنتهى البرود
زياد / دا ما لحقش ما لحقش جسمه يخف حتى
احمد / العيب مش عليه المشروع فى الاصل بتاع كامل جوز اختك و ما تقوليش ان كامل ما يقدرش يعمله لوحده
زياد / هتجنن يا احمد هتجنن الراجل لابس و متشيك و شارى هديه تقولش رايح يقابل حبيبته هو مازن ده جنس مله اهله ايه ما بنخلصش منه ليه كل اللى عملناه ده و لا حتى هز منه شعره بشريف او من غيره
لبنى تحاول تدارى ابتسامتها
احمد / اهدى انت لسه معاك الورقه الكسبانه
زياد / يا عم هو فى حد هيقدر يقرب منه بعد كدا ابوه ساعتها اللى هيقفلنا انت ما شوفتوش و هو بيتكلم عنه و كان ابنه رئيس مراجيح مولد النبى
احمد / ههههههههههههههههه يا عم ناذيه ايه بس انا اقصد مرام و اللى فى بطنها
زياد / حاولت بص عملت كل اللى اقدر عليه مقدرتش تلت مرات تلت مرات نحاول و نبقى خلاص خلاص هنوصل ابدا
احمد / اربعه انت نسيت توفيق
زياد / ياريته كان موتها و حرق قلبه عليها يمكن كان اتقهر و مات وراها و خلصنا
لبنى / او كان ولع فينا كلنا
زياد يبص للبنى تحط ايدها على بقها و تعمله بايدها سورى
احمد / هى لبنى عندك
زياد / اه هنا
احمد / انت عامل معاها ايه صحيح عرفت انها عرفت باللى حصل فى الفندق
زياد / بعدين يا احمد بعدين هكلمك بعدين
احمد / معاك حق فاتتنى دى سورى ههههههههههههههههههه
زياد يقفل السكه
زياد / انتى ايه حكايتك بالظبط
لبنى / هو ما قدرش على الحمار و لا ايه
زياد / لبنى
لبنى / انا مراتك و فى صفك بس للاسف انت مش قادر تفهم ده و لامم حواليك شله فشله مضيعينك
زياد / طب ما تورينى انتى يا عبقريه عصرك و اوانك حلولك الجهنميه
لبنى / تنسى مازن خالص و تعمل زيه و تركز فى شغلك و مستقبلك الوقت و الفلوس اللى بتضيعهم عشان تاذيه بيهم هو بيردهملك اضعاف بانه ينجح اعمل زيه
زياد / انتى اكبر دليل ان الستات مكانهم المطبخ
زياد يطلع بره و يرزع الباب وراه
لبنى / و انتى ايه اللى خرجك من المطبخ يا سوسن
لبنى تكمل برد فى ضوافرها بمنتهى البرود
..........................
فى مطعم فى فندق فخم جدا
ابراهيم / الحقيقه لما كامل عرض عليا المشروع ما اتحمستش في البدايه بس لما عرفت انك هتشارك فيه قولت ما ينفعش اضيع الفرصه دى من ايدي
مازن / و انا كمان كدا
ابراهيم / اخبار مرام ايه
مازن / كويسه الحمد لله
ابراهيم / معاد الولاده قرب مش كدا
مازن / احنا لسه في اول التاسع بس الدكتوره قالت فى اى وقت الشهر ده
ابراهيم / انت لسه مصمم
مازن / ابراهيم بيه من فضلك المفروض ان ده عشاء عمل بيزنيس يعني
ابراهيم / قبل اى حاجه انا ابوك
مازن / و مرام مراتى و ملك بنتى و اقل كلمه عليهم بتسئ ليا و لحضرتك
ابراهيم / و عشان كدا انا بقولك اتاكد
مازن / انا كنت عارف انها فكره مش كويسه
ابراهيم / خلاص نتكلم في الشغل احسن
مازن توصله رساله يفتحها يلاقي مرام بعتاله صوره على الواتس حاطه مكياج و روج احمر و لابسه كاش حمالات و عامله كيوت فايس يبتسم توصله رساله تانيه : الخزنه هنا صغيره مش هعرف استخبى جواها بس انا متاكده ان حضنك واسع مازن دحكته تملا وشه
ابراهيم / خير
مازن / خير خير نرجع للشغل
ابراهيم / انا كنت بفكر ابيع القريه السياحيه اللى فى الجونه و ازود نسبتى فى المشروع
مازن / و انا اشتريت
ابراهيم / و انا مش هلاقي مشترى اولى بيها منك
مازن / انا ما افتكرش اننا ممكن نختلف فى التفاصيل ما دام المبدا موجود و المبدا الوحيد اللى عندى هما مرام و ملك لا حد يدايقهم و لا يقرب منهم
ابراهيم / فى يوم من الايام هتعرف ان همى الوحيد كان مصلحتك
مازن / ما افتكرش بس تمام .. امممم يا ترى فى اى حاجه تانيه ما اتكلمناش فيها
ابراهيم / النسب حق الاداره سعر القريه احنا تقريبا ما اتفقناش على اى تفاصيل
مازن / حدد حضرتك التفاصيل دى و انا موافق عليها
ابراهيم / تمام
مازن / هستاذن حضرتك انى
ابراهيم / كنت عاوز اتكلم معاك شويه بخصوص مونيكا
مازن / خير
ابراهيم / علاقتى بيها باظت حاولت كتير معاها مازن انت ما ينفعش تقومها عليا
مازن / ما حصلش
ابراهيم / انت اخوها الكبير فهمها و عقلها قولها حقوقى عليها قولها عيب كدا
مازن يتنهد و يهز راسه تمام
مازن / هكلمها فى اى حاجه تانيه
ابراهيم / اخبار شريف ايه
مازن يبتسم و يبص فى الارض
مازن / كويس الحمد لله
ابراهيم / انت مستعجل تسبنى و تقوم لها صح
مازن / حامل و لوحدها
ابراهيم / و انا ابوك و انت واحشنى عاوز اتكلم معاك فى حاجات كتير عاوز احكيهالك حاجات عاوز اخد رايك فيها انت طول الوقت بتتهمنى انى مش بقوم بدورى كاب ادينى فرصه اصلح الغلطه دى ادينى فرصه اكون اب
مازن يبص لابراهيم و ساكت
..........................
فى فيلا زياد
فريده / كل اللى كنت خايفه منه حصل و عرف يلم عياله حواليه تانى
زياد / مش هو و ما افتكرش ان دى فكره كامل كمان انا متاكد ان كل اللى بيحصل ده تخطيط مازن
فريده / على اساس مازن اهبل و شريف اللى بيمشيه
زياد / ما على يدك يا ماما مازن امتى اتصرف بعقله ما اخره يكسر كام حاجه و يضرب كام حد و يقعد فى ركن يعيط
فريده / و المفروض نعمل ايه بقي ان شاء الله
تليفون زياد يرن
زياد / دا انس ... الو
انس / ايه الكلام ده يا عم هو ابوك رضي عن مازن امتى
زياد / كامل جوز اختى الله يحرقه دخلهم في مشروع كبير بس انت عرفت منين دول لسه ما ممضوش العقود
انس / عقود ايه يا اسطى دا التليفزيون و النت ما لهمش سيره غيرهم على كل القنوات
زياد / انت بتقول ايه انت
انس / افتح التليفزيون و انت تشوف بنفسك
زياد / اقفل اقفل
زياد يقفل و يجرى على التليفزيون يشغله
فريده / فى ايه يا زياد
زياد يقلب فى القنوات لحد ما يوصل لقناه مازن واقف قدام مطعم و جنبه ابراهيم و الصحفيين بيسالوه
صحفى ١/ ابراهيم بيه تعليق حضرتك ايه عن الكلام اللى منتشر على الفيس ان حضرتك اللى بعت البطجيه يسقطوا مرام
مازن / الكلام ده مالوش اى اساس من الصحه بالعكس والدى هو اللى تدخل بنفسه و اقنع مرام انها ترجع و مرام بتحترمه جدا و تقدره و كان عندى فى البيت من كام يوم عشان يعزى مرام في جدتها و كمان يباركلنا على رجوعنا لبعض
صحفى ٢ / مازن بيه الناس بتربط بين اللى حصل لمدام مرام و اللى حصل لحضرتك امبارح
مازن / اللى حصل معايا بيحصل كل يوم و مش كل ما نموسه تقرصني هربطها باللى حصل لمراتى اللى حصل مع مرام كان سببه بلطجى بيحاول ينتقم منى و منها و اللى حصل معايا امبارح كان سببه بلطجيه بيحاولوا يسرقوا العربيه و الموبايل و من هنا احب اشكر عناصر الامن و الداخليه على تدخلهم السريع و استعاده كافه المسروقات
صحفيه ١/ ابراهيم بيه تعليق حضرتك ايه عن ان قضيه مرام بقت قضيه راى عام و كل الناس بتهتم بمتابعتها
ابراهيم / طبيعي واحده كانت هتموت لايف و قدام كل العدد ده من المشاهدين لازم تثير ضجه كبيره و خصوصا ان مازن شخصيه مشهوره على السوشيال ميديا و له فانز كتير بتابعه
مازن / الحقيقه الموضوع ده احنا كنا ناويين ما نتكلمش فيه الفتره دى الا بعد ما نكمل كل التفاصيل بس انا متاكد انه هيشيل اى شك من قلوبكوا و قلوب كل الفانز النهرده انا ووالدى كنا بنتفق على انشاء اكبر منطقه صناعيه في مصر و اللى هتوفر شغل لالوف العمال و هترفع معدل الانتاج بشكل ملحوظ
صحفي ٢ / ابراهيم بيه تعليق حضرتك ايه على الاتهامات ان حضرتك رافض نسب ملك
مازن / انا مش عارف بتجيبوا الكلام ده منين لو كان والدى بيفكر كدا تفتكروا كان هيقترح اننا نطلق على المنطقه الصناعيه اسم ملك بنتى و انه كان ناوى يكتب جزء كبير منها باسم ملك كهديه ميلادها
ابراهيم يبص لمازن
صحفيه ٢ / الكلام ده صحيح يا ابراهيم بيه
ابراهيم / طبعا مش حفيدتي
مازن / اعز الولد ولد الولد و لا ايه يا جماعه و حتى لو كان فى بينا خلافات في الاول فايه ممكن يحسن العلاقه اكتر من حفيد
صحفي ١/ هى مدام مرام ليه ما انضمتش فى اللقاء العائلي ده
مازن / مرام على وشك الولاده و الدكتوره نصحتها بالراحه فمش بتخرج كتير و خصوصا انها تعبت و رجليها ورمت فى فرح شريف صديقي اللى الصوره اتاخدت فى فرحه
صحفى / امتى موعد الولاده
مازن / فى اى وقت الفتره دى كلنا مستنين
صحفي ٣ / ابراهيم بيه
مازن / يا جماعه انا مقدر اهتمامكوا بس احنا كمان لينا حياتنا و زى ما قولت مرام في البيت لوحدها و مش هنقدر نتاخر عليها اكتر من كدا عن اذنكوا
مازن يعدى بوالده بين الصحفيين و يركبه عربيته و العربيه تتحرك و مازن يشاور للصحفيين و يركب عربيته و يمشي
المذيع / كان نفسي حد يساله عن علاقه مازن بيه بزياد مجدى و احمد الذهبي خصوصا بعد القيل و القال بعد الحرايق اللى حصلت الفتره اللى فاتت
ضيف / ما افتكرش فى مشاكل خصوصا ان ابراهيم بيه دخل في شراكه معاهم في مشروع قاريه سياحيه
زياد واقف بيغلى
فريده / ابراهيم هيجي شايط بعد اللى حصل ده
زياد / ابن الكلب لعبها صح اوى بس والله لدفعه تمن كل ده غالى اوى
فريده / انا هطلع انام قبل ما ابوك يجي احنا ما نعرفش حاجه عن اللى حصل
زياد / تمام
....................
فى شقه شريف
صافى نايمه و شريف نايم جنبها بيقلب في الفايس
شريف / هههههههههههههههههه يا ابن اللعيبه
صافى تفتح
صافى / بيبي انت لسه صاحي
شريف يوطى عليها يبوسها تبتسم
شريف / سورى يا قلبي صحيتك
صافى / فى ايه يا قلبي الفيس لسه مقلوب على حوار صوره مرام و مازن
شريف / لا لا احنا عدينا المرحله دى الواد مازن خلى ابوه يعترف بملك على الهوا و قدام الدنيا كلها
صافى / بتهزر دا زمان لبني و زياد بيقطعوا شراينهم دلوقت
شريف / لا و الباشا دلوقت مجبر انه يدخل فى صفقه هتتكتب فى الاخر باسم ملك
صافى / هههههههههههههههههه احسن يستاهل
شريف / مش هستغرب لو صحيت الصبح على خبر انه توفى اثر جلطه او حاجه زى كدا
...................................
