((((((السكة شمال ٢ )))))))))
#لولو_محمد
الحلقه الثالثه
شريف / ماشى شكرا مع السلامه
شريف يقفل و يبص لمازن
شريف / زياد و لبنى سافروا دبى و الباقيين نص ساعه و يكونوا فى المخزن بس انت ناوى تعمل فيهم ايه
مازن / مش عارف والله الموت بالنسبالى دلوقت شايفه مش كفايا
شريف / سيبك منهم متسبش الحمار و تتشطر عالبردعه
مازن / قصدك ايه
شريف/ هتعمل ايه مع زياد هتسيبه كدا
...........................
مازن / بتهزر صح دانا هندمه عاليوم اللى اتولد فيه
شريف / يعنى هتسافر دبى صحيح فرح مونى هتقولها ايه
مازن يبص لشريف و يرجع يبص قدامه
شريف / انا هنزل تانى احاول اتكلم مع مرام لعل و عسى
مازن / انا هطلع عالمخزن
شريف / استنى انا هاجى معاك
مازن / انا مخنوق و محتاج افش غلى فى حد
شريف / و انا مش هسيبك لوحدك انا مضمنش هتعمل ايه و اكيد مش هسيبك تضيع نفسك فى شويه كلاب زى دول
مازن يبصله و يشغل العربيه و يمشى
...............................
فى اوضه سميحه فى المستشفى
مرام / يا عمتى ابوس ايدك ارحمينى كفايا بقى
مديحه / طب اسمعيله كلميه مره واحده معقول يا بنتى بعد كل اللى عشتوه سوا ده يطلع بيكدب
مرام تبص الناحيه التانيه و تعيط
مديحه / يا مرام ما يمكن مظلوم انتى مش بتقولى واقف بره لحد دلوقت يا جماعه الواد
محمود / مخلاص بقى يا ماما
مديحه / اسكت انت
محمود / يا ماما انتى مش شايفه هى عامله ازاى
مديحه / اسمعى يا مرام محدش فينا عاشر مازن قدك و محدش فينا يقدر يحكم عليه قدك و شويه الزباله لبنى و زياد انتى عرفاهم كويس و عارفهم انهم كدابيين ولاد كدابيين ادى لمازن فرصه يا بنتى اسمعيه متخربيش على روحك
مرام / انا سالته مانكرش مقالش لا راهن عليا راهن على شرفى
مديحه / هو حلف ان الموضوع مكنش كدا و انك فاهمه غلط و بعت شريف اكد كلامه
مرام / انا سامعه صوته بودانى سمعاه و هو بيتفق معاهم عليا
محمود / سمعتيه و هو بيقول ايه بالظبط
مديحه / صح يا محمود و بعدين اصلا هو حلف انه متفبرك اكيد عاملينه بالفوتوشوب
محمود / الفوتوشوب ده بتاع صور مش صوت
مديحه / الفوتوشوب التانى بتاع الصوت اش فهمك انت هو يعنى مفيش برامج بتقص و تلزق و تلعب فى الاصوات
محمود / ما علينا من اسم البرنامج بس انتى سمعتى مازن بيقول ايه بالظبط يا مرام
مرام تسكت و تبص فى الارض
محمود / بصى انا اكتر واحد قولتلك مالاول ان مازن ده زباله بس لو فى احتمال و لو واحد فى المليون انه يكون مظلوم يبقى تسمعيله لمصلحتك انتى
مديحه / ينصر دينك يا محمود والله بقول كدا
سميحه / صلى استخاره يا مرام و شوفى انتى مرتاحه لايه
مرام / اديله فرصه تانيه يا تيته اديله فرصه تانيه يدحك عليا فيها يدحكهم عليا تانى و يشمتهم فيا تانى و يكسرنى تانى عاوزينى اديله فرصه كلكوا شايفين انه يستاهل فرصه حقكوا والله العظيم ليكوا حق تقولوا كدا و اكتر من كدا كمان مهو محدش فيكوا كان مكانى محدش شاف الشماته اللى كانت فى عنيهم محدش شافهم و هما بيدحكوا عليا محدش حاسس بالقهره اللى جوايا
مديحه تقوم تاخد مرام فى حضنها
مديحه / مهى القهره دى عمرها مهتروح لو مسمعتيلوش
مرام / مقدرش اجازف هصدقه انا عارفه انى هصدقه انا عارفه انى مع اول كلمه هضعف انا مش عاوزه اشوفه تانى عاوزه انساه عوزاه يخرج من حياتى
مديحه / يا بنتى استهدى بالله اقولك صلى استخاره زى الحجه مقالت و ربنا يعملك اللى فيه الخير يا ناس هو فى حد يحفظ كتاب ربنا و يعمل كدا بس
مرام تبصلها و تعيط تانى
مديحه / اهدى و فكرى و انا متاكده ان ربنا هيبصرك كان مستخبيلنا فين دا بس ياربى
مرام تبص لسميحه
سميحه / متبصليش انا وجعى منه اكبر من وجعك مع انى مش هنكر ان قلبى مش قادر يصدق انه ممكن يعمل فينا كدا بس لو عمل فعلا حسبى الله و نعم الوكيل فيه و لو معملش ربنا يظهر الحق مش هقول اكتر من كدا و حسبى الله و نعم الوكيل فولاد الكلب اللى عملوا فيكوا كدا
محمود / انا عاوز اسال سؤال بس خايف من رد فعلك
مديحه / يبقى متسالش
محمود / طب بصى يا مرام انا هسال و متجاوبيش بس فكرى فيها بصى انتى عارفه انى معاكى عالحلوه و المره و انك اقرب حد ليا و مصلحتك تهمنى تمام
مرام / اكيد
محمود / لما ماما و تيته كانوا فى العمره و روحتى عند مازن و لما سافرتى معاه و لما كان بيجى يبات هنا و لما كان عيان و سبتك هناك يعنى انا اسف والله مش قصدى حاجه بس انتوا كنتوا كاتبيين الكتاب يعنى
مديحه / انت بتقول ايه يا كلب انت يتقطع لسانك
مرام / لا عمره
مديحه / مرام ست البنات كلها متعملش كدا
محمود / فكرى فيها انا هروح اجيب حاجه دافيه نشربها فى البرد ده اجيبلكوا حاجه معايا
الكل عينه على مرام اللى بتفكر
محمود / هجيبلكوا
محمود يمشى و مرام تنام فى حضن سميحه سميحه تطبطب عليها و هى بتفكر فى كلام محمود
............................
فى المخزن
الشباب مربطين فى الحيطه متعلقين و البنات مربطين فى كراسى الباب يتفتح و مازن يدخل و معاه زعتر و تلاته بودي جارد و شريف يقفل الباب و يدخل اخر واحد الشله تشوفه يخافوا مازن يشد كرسى و يقعد
مازن / انا مش لاقى شتيمه توصفكوا بس متقلقوش
انس / اقسم بالله مكنا نعرف انك متعرفش اننا جايين اقسم بالله زياد حلفلنا انك متفق معاه
مروان / والله يا مازن لحد باب البيت و هو بيحلف و قالى انك مديله المفتاح
سوزى / والله قالولنا افتر بارتى و روحنا نسهر و ننبسط ورونا العربيه و حكولنا موضوع الرهان مكناش نعرف والله هما حلفولنا
هانيا / يا مازن انت عارف غلاوتك عندنا احنا منعملش فيك كدا والله لبنى و زياد هما السبب و انس كمان قال ان الكلام ده حقيقى
انس / انا كنت عارف موضوع الرهان و قولت انك اتراهنت فعلا بس حوار الشقه و اننا نطب عليكوا ده هما قالوه و كنت فاكركوا متفقين والله هو ده اللى حصل
سوزى / والله حتى احنا قولنا مش هندخل و هنستنى بره مع ان لبنى كانت عوزانا ندخل كلنا و احنا مرضيناش ندخل و قالت هتدخل هى عشان هى وعدت مرام تبقى اول واحده تصبح عليها
هانيا / ايوه يا مازن والله هو ده اللى حصل
مازن / خلصتوا
مروان / انت هتعمل فينا ايه يا مازن
مازن / مش عارف انا طول الطريق بفكر مش لاقى حاجه تليق بيكوا اموتكوا ابقى ريحتكوا احفر حفره و ارميكوا فيها و اردم عليكوا مش كفايا اولع فيكوا بجاز وسخ الجاز خساره فيكوا اسيب عليكوا زعتر ينهش لحمكوا اخاف عليه يتسمم من قذارتكوا اسيبكوا هنا لما تعفنوا و ياكلكوا الدود و لا اعمل ايه متردوا اعمل فيكوا ايه
مروان / و تعمل فينا ليه احنا مدحوك علينا هات زياد و لبنى و اعمل فيهم هما اللى عملوا كل ده
انس / و لعلمك بقى زياد كان بيسرقك و طول الوقت كان بيدحك عليك فاكر الملف اللى كان عاوزك تمضيه و شريف لحقوا زياد كان متفق مع الشركه صاحبه المشروع انه هيجيبلهم حد يلبسها مقابل كومشن محترمه بس شريف ضيعها عليه زياد طول الوقت كان بيدحك عليك
هانيا / ايوه كان بيحصل و لبنى كمان قالتلى ان زياد اداها التلاته مليون جنيه اللى دحك عليك بيهم
سوزى / فاكره فى السخنه لما قالت قد ايه بتكره مرام و انها بنت السباك و كانت عاوزه تنتقم منها
انس / و ادتنى فلوس عشان احطلها الاسكوتش فى العصير عشان تسكر و تهبل و ندحك عليها
مازن / و ايه كمان سكتوا ليه كملوا طلعوا غسيلكوا الوسخ كله متخلوش فى نفسكوا حاجه
مروان يبص لانس
مروان / انا مليش دعوه بكل ده انا كنت رايح الحفله اروش لكن مكنتش اعرف ان الدنيا هتعك كدا و اكيد انت عارفنى مش هقف قصادك يعنى انا اجبن من كدا بكتير
مازن / يعنى كلكوا ملايكه و زياد و لبنى هما اللى شياطين
مروان / ياعم و لا ملايكه و لا زفت بس والله المرادى احنا مضحوك علينا احنا ملناش فى الليله دى
سوزى / يا مازن احنا صحابك من زمان عمرنا معملنا فيك حاجه وحشه افتكرلنا حاجه حلوه و لو واحده بس
مازن يبص لشريف
شريف / انا مصدقهم
مروان / الحمد لله اهو قوله يا شريف ابوس ايدك قوله اى حاجه
مازن / بس دا ما يشفعلكوش عندى ميصلحش اللى حصل
سوزى / انا ممكن اروح لمرام و اقولها الحقيقه كلها و اوطى على رجليها ابوسها كمان انا ممكن اعمل اى حاجه والله انت بس قولى اعمل ايه يرضيك و انا اعمله بس انت قولى اعمل ايه
شريف / حلوه منك يا سوزى
مازن يبصله
شريف / جرب لو مرام صدقتهم يبقى خلاص كفروا عن سيئاتهم لو مصدقتهمش بقى يبقى هما اللى جابوه لروحهم
هانيا / هتصدق انا هحلفلها و هى هتصدق مرام طيبه و بنت حلال و متاكده انها هتسامحنا و هتصدقنا
مازن / ماشى طلع كاميره يابنى و سجل اعترافاتهم اللطيفه دى كلها من الاول عاوز كل معلومه مهما كانت تافهه عن زياد و لبنى و عن حركاتهم الواطيه كل معلومه هتخف عن صاحبها
انس / انا هقول كل حاجه هقول كتير والله بس انت فكنى
مازن / بعينك مش قبل ممرام تسامح يا ولاد الكلب
انس يبص لمروان و شريف يطلع الكاميره
شريف / اتفضلوا مين هيبدا
هانيا / انا انا هقول الاول هقول كل حاجه والله هقول كل حاجه
..................................
فى اوضه زياد
لبنى / لا بس يعنى هو انا مش عارفه اونكل ابراهيم دا واطى و ملوش كلمه
زياد / مازن مش اهبل عشان يعمل حاجه يبوظ بيها فرح مونى
لبنى / و انت فاكر الملاك البريئ منى هتسكت لما تعرف اللى حصل
زياد / انا مالى ابوها اللى عاوز كدا انا عبد المامؤر
لبنى / بس منكرش انى نفسى اشوف وش مرام دلوقت دى تلاقيها مولعه
زياد / بصى يا لبنى زياده احتياط انا هكلمهم فى مصر يبلغونا بمعاد مجى مازن
لبنى / و بعدين
زياد / هحجزلك على مصر فنفس اليوم او قبلها
لبنى / لا طبعا انا مش هنزل مصر لوحدى انا مضمنش فى ايه مستنينى هناك
زياد / مهو محدش هيعرف انك نزلتى
لبنى / انت ذكى اوى مهو زى مهتعرف انه جاى هو هيعرف انى راجعه
زياد / متخافيش هظبطلك طقم حراسه و لا الطقم الرئاسى
لبنى / معرفش انا بقول اخلينى هنا احسن و لا اقولك لا هنزل انا لازم انزل فى حاجه مهمه اوى فى مصر معملتهاش و مينفعش تتاجل
زياد / تمام يبقى اقوم اكلمهم
..........................
فى المستشفى بالليل
مازن داخل يلاقى محمود قاعد قدام الباب محمود يبصله و يرجع يبص قدامه تانى مازن يروح يقعد جنبه
مازن / هما عاملين ايه
محمود / كويسين تيته هيكتبولها خروج الصبح و هنروح
مازن / الحمد لله
محمود / انت عملت كدا بجد
مازن / اقسم بالله ابدا حتى شوف انا جبت ولاد الكلب دول من قفاهم و خلتهم يعترفوا بالحقيقه بس زياد الحيوان فلت بس والله مهسيبه هجيبه لو رجع فى بطن امه تانى هجيبه
محمود يبصله بحزن
محمود / انت عارف انا قاعد بتكلم معاك و انا هادى ليه
مازن يبصله و يسكت
محمود / اقولك الاغرب ربنا وحده اللى يعلم انا بقالى قد ايه بدعليك تكون مظلوم او ان كل ده يطلع كابوس و نفوق منه كلنا و اجى اصبح عليك و اجبلك الحمام و البشاميل اللى كانوا بيعملوهم الصبح
مازن / انا مظلوم فعلا
محمود / دا لمصلحه الغلبانه اللى جوه دى ليه جبتها البيت يا مازن ليه مكلمتناش
مازن / مسمعتنيش و رفعت سكينه وقالت هتموت نفسها حاولت صدقنى حاولت كتير اكلمها و حلفتلها كانت بتصرخ و تضرب مكنتش قادر اسيطر عليها
محمود / مروه كلمتنى الدنيا فى الحاره سواد
مازن / و هما مالهم هم
محمود / والله
مازن / انا هطلع دلوقت على الحاره و اتكلم مع المعلم اسعد و مع الرجاله هقولهم اللى حصل انا مش هسكت
مرام تفتح الباب و تخرج فجاه تبص على مازن اللى اول ما يشوفها يقوم يقف مرام تقفل الباب
مرام / انت بتعمل ايه جاى تخلص عليها
مازن / ادينى خمس دقايق بس خمس دقايق
مرام / و لا ثانيه واحده من عمرى هضيعها عليك
محمود / مرام اسمعيه
مرام تبص لمحمود
محمود / بيقول جايب دليل برائته اسمعيه لو صادق فعلا مفيش علاج لتيته احسن من ده اسمعيه
مرام / انت اللى بتقول كدا
محمود / انا مفيش عندى اهم منك انا لا هغشك و لا هبيعك اسمعيه و انا واقف اهو يا ستى مش همشى اسمعيه بس
مرام / قدامك دقيقه واحده اتفضل هتقول ايه
مازن يطلع موبايله
مازن / مش انا اللى هقول اتفرجى بنفسك
مرام تمسك الموبايل و هى بتبص لمازن بغضب و قرف و تشغل الفيديو
..............................
فى الصيدليه
رؤى تدخل من بره شايله كتب ترزعها عالكونتر
شيماء / بالراحه يا حجه دا مال ناس ده
رؤى / بقولك ايه اللحقينى بشريط بنادول لحسن انا مش شيفاكى اساسا
شيماء / استنى ثوانى
شيماء تجيبلها الشريط و تديهولها
رؤى / كنتى خليها علبه يا بخيله
شيماء / والله طب ايه رايك انك هتحاسبى عليه بقى
رؤى / هو كل الاخوات كدا يا دكتور عمر و لا اختى انا بس
عمر / لا اطمنى كلهم
رؤى / طب الحمد لله طمنتنى .. بقولك ايه مش صافى كلمتنى
شيماء / الواطيه مكلمتنيش
رؤى / معنكيش شبكه يا بيبى المهم مش عارفه توصل لابيه و كلمت ماما مشغول فقلقت
شيماء / انا هنا فى الصيدليه من الصبح والله معرف حاجه على العموم اطلعى اسالى ماما اسهل
رؤى / انتى صح انا طالعه يلا هتعوز حاجه يا دكتور
عمر / ميرسى يا مس
رؤى / سلام
رؤى تمشى
شيماء / الجزمه محاسبتش عالشريط
شيماء تروح تجيب فلوس من شنطتها و تحطها
عمر / خليه عليا المرادى
شيماء / بمناسبه ايه يعنى على فكره انا هاخدهم منها هى هتروح منى فين يعنى
عمر / لا اصيله اصيله يعنى
شيماء / فوق متتخيل
عمر / واضح هههههههههههههههههههههههههههههه
..........................
فى المستشفى
مرام ترجع لمازن موبايله
مازن / زياد و لبنى سافروا دبى عند مونى بس انا والله مهرحمهم
مرام / فاكر لما قولتلك ادرس الاخراج انت موهوب قولتلى انك لو درست التصوير و الاخراج هتكرههم
مازن / ايوه فاكر
مرام / انا بسحب كلامى انت مش محتاج تدرس انت مطلع شغل حلو اوى فى الفيديو ده
مازن بعصبيه / انتى صدقتى الريكورد المتفبرك و بتكدبى الفيديو الحقيقى مرام ارجوكى متظلمنيش و تظلمى نفسك معايا
محمود / اهدى احنا فى مستشفى
مرام فى نفس الوقت بنفس الانفعال/ انا ظلمتها فعلا بس يوم مصدقتك زمان يوم مسمحت لناس زيكوا يدخلوا حياتى لما غميت عينى عن كل القرف اللى كنت بشوفه و فى الاخر بقيت زيي زى غيرى
مازن / انا راهنت عليكى فعلا بس انك بنت محترمه و انك مش شمال مش زى مالكلبه دى قالت فى الريكورد البايظ ده مرام انا عملت بلاوى كتير فى حياتى و راهنت على بنات بالهبل بس عمرى مفضحت واحده منهم تفتكرى هفضح نفسى انهى غبى يعمل كدا انتى مراتى يا متخلفه
مرام / متشتمش
مازن / يا مرام انتى معملتيش حاجه غلط تعيبك بالعكس اللى حصل ده يعيبنى انا ازاى هعمل حاجه زى دى
مرام / عشان انت حيوان مبيهمكش حد
مازن / اعمل ايه عشان تصدقى انى مظلوم اعمل ايه
مرام تصرخ فيه / متعملش عشان مش هصدقك مش هنولهالك مش هديك فرصه تانيه انك تلعب بيا و تجرحنى مش هسمحلك تشوفنى مكسوره انا مش هشمتكوا فيا اكتر من كدا
ممرضه تخرج من اوضه
الممرضه / الصوت لو سمحتوا دى مستشفى مش سويقه
مازن / احنا اسفين هناخد بالنا
الممرضه تدخل تانى و مرام تاخد نفس عميق و تحاول تهدى
مازن / ممكن تسيبنا لوحدنا ثوانى يا محمود
مرام / لا اصلا وقتك خلص انت اساسا اخدت اكتر من وقتك بكتير سنه كامله عملتها ازاى دى ازاى قدرت تمثل عليا سنه بحالها
مازن / عشان مكنتش بمثل
محمود / انا هروح اجيب ازازه ميه و ارجع
مرام / محمود
محمود / اسمعيه
مرام تبص لمحمود باستعطاف و هو يمشى
مازن / لو كنت عايز اكسرك بجد مش كان اسهل انى اخلف وعدى ليكى و اسيبك و احنا مكتوب كتابنا مش كان اسهل عليا اطلقك منغير متعرفى و اضحك عليكى و استغلك و افضحك
مرام تبصله و عنيها واسعه
مازن / فكرى فيها كان قدامى كام فرصه انى اكسرك بجد كان قدامى كام فرصه احسن من دى مليون مره و تبقى كسره بجد مش الهبل اللى حصل ده تانى اللى حصل ميعبكيش فى حاجه ايه يكسرك فيه
مرام / انى ارجع الحاره يوم صبحيتى
مازن / انتى اللى مشيتى و انا حاولت امنعك و دى سهله انا هروح الحاره و اعدى على بيت بيت و اقول الحقيقه للناس كلها هفضح نفسى بنفسى
مرام / انت بتعمل كدا ليه عاوز منى ايه تانى
مازن / انت ليه بتكابرى انتى اكتر واحده عارفه قد ايه بحبك ليه بتكابرى مشوفتيش منى موقف واحد يثبتلك حبى موقف واحد يشفعلى عندك
مرام / راهنت عليا و لا لا
مازن / حصل راهنت كنت حيوان و ابن كلب و راهنت
مرام / خلاص
مازن / مخلصش مخلصش اسمعينى للاخر ابوس رجلك اسمعينى انا راهنت انك بنت محترمه و انك مهما كانت المغريات مش هتتنازلى عن شرفك بس الرهان ده خلص يوم ما احمد عرض عليكى العرفى
مرام تبصله
مازن / انا كتبت عقد بيع شقه امى اللى قيمتها عندى اغلى من اى حاجه فى ثروتى كلها و بعتها للبنى و قولتلها انك اشرف من الشرف و احمد اثبت ده و مفيش اى داعى نكمل لما خطبتك كان الموضوع منتهى اقسم بالله كان منتهى انا اكيد مش هدخل خالى الله يرحمه فى حوار زى ده لا اخلاقه و لا مبادئه كانت تسمحله كان هيمنعنى
مرام / ما يمكن مكنش عارف يمكن كنت داحك عليه هو كمان
مازن / برده
مرام / متحاولش انا مش هصدقك مش هسمحلك تدحك عليا تانى مش هسمحلك تقرب منى و تخدعنى تانى
مازن / كل كلمه قولتهالك كانت حقيقه كل موقف مر بينا كان حقيقه انا عارف ان الموقف اللى حصل النهرده ده مكنش سهل عليكى و حقك تعملى فيا اكتر من كدا بس انا والله حاولت اقولك الحقيقه كامله مسمعتنيش و قعدتى تحكيلى مين اتجوزت جوز مين و مين طلقت مين و كلام مش فاكره دلوقت كنت فكرتك مرام انا بحبك و صدقينى انا مستعد اعمل اى حاجه عشان تصدقينى مرام انا عمرى محبيت غيرك انتى نقطه ضعفى الوحيده متخليهمش يكسرونى بيكى متخليهمش ياذونى فيكى مرام لو ليا ذره غلاوه عندك لو فكرالى لحظه واحده حلوه صدقينى
مرام تبصله و ساكته و عنيها بتقوله مصدقاك
مازن / انا اتجوزتك على سنه الله و رسوله انتى مراتى انتى حبيبتى
مازن يحاول ياخدها فى حضنه تفلت منه و تدخل الاوضه و تقفل الباب و تقعد وراه و تسنده بضهرها و هى بتنهج و مرتبكه و الدموع بتنزل من عنيها و تتنفض
مرام / مش هصدقك مش هضعف قدامك مش هسمحلك تعمل فيا كدا انا بكرهك بكرهك
مديحه تصحى
مديحه / فى ايه يا مرام مالك قاعده كدا ليه
مرام تبصلها و تمسح دموعها و تقوم تجرى عالحمام و تقفل الباب
مديحه / دى مالها دى
.................................
فى الحاره
توفيق و اتنين شباب واقفين بيشربوا سجاير عالناصيه مازن يركن العربيه و ينزل يعدى
توفيق / صباحيه مباركه يا عريس هههههههههههههههههههه
مازن يلف و يرجع يركب العربيه
توفيق / جاب ورا ههههههههههههههههههههه
مازن ينزل مالعربيه و المسدس فى ايده يشد الاجزاء و يضرب توفيق طلقه فى فخده توفيق يقع فى الارض و هو بيصرخ الاتنين التانين يجروا مازن يعدى و هو ساكت بس باين عليه الغضب الناس فى الحاره كل واحد يعمل فى حاله لحد ما يوصل لدكان اسعد اللى طلع يجرى يشوف ضرب النار
اسعد / مازن باشا فى ايه خير ايه صوت ضرب النار ده
مازن / فى موضوع مهم عاوز اتكلم مع حضرتك فيه
اسعد / اتفضل اتفضل
اسعد يجيب كرسى و يحطه قدام مازن مازن يقعد و اسعد يجيب كرسى تانى و يقعد
اسعد / تشرب ايه
مازن/ و لا اى حاجه حضرتك اكيد عارف اللى حصل معايا
اسعد / والله يابنى انا معارف اقول ايه
مازن / انا عاوزك تقف جنبى انا مظلوم انا جبت دليل برائتى جبت الكلاب اللى عملوا كدا و صورت اعترافهم بنفسى
اسعد / خير و بركه يبقى تطلع عالمستشفى و تقا
مازن / انا لسه جاى من هناك مصدقتنيش قالت انهم بيمثلوا انا مقدر اللى هى فيه الموقف مش سهل على اى حد انا اللى يهمنى دلوقت بكره لما ترجع الحاره و لحد مالموضوع ده ما يخلص انا عارف الكلام اللى هيتقال او يمكن خلاص اتقال
اسعد / والله يابنى انا مفيش حد سالنى مقولتلوش الحقيقه
مازن / الحقيقه صوتها واطى اوى يا معلم و حركتها بطيئه و الناس مبتحبش تسمعها عكس الكدب و الاشاعات سريعه و صوتها عالى و الكل بيطرطقلها ودانه انا كل اللى يهمنى مرام و الحجه الحجه تعبانه يا معلم مش حمل كلمه من حد و لا بصه
اسعد / طب يبقى كلب يستجرى و يفتح عينه فيهم و انا اخزئهاله
مازن / انا عارف انك راجل جدع و ابن اصول عشان كدا جتلك و هروح دلوقت عالقهوه و هقولهم الحقيقه بس انا مش هقدر اكون هنا طول الوقت انا لازم اسافر دبى لازم اقابل الحيوان اللى كنت فاكره اخويا لازم اخد حقى منه و من اللى وراه
اسعد / متقلقش انت عملت عين العقل انك جيت دلوقت و هاخدك و نروح نقعد عالقهوه .
مازن / تمام يلا
مازن و اسعد يقوموا البوكس يقف و ينزل منه معتز و اتنين عساكر مفيش اى حاجه
معتز / الله مازن باشا
مازن / اهلا معتز باشا تعال اشرب شاى
معتز / كان فى بلاغ ان فى ضرب نار حصل فى الشارع هنا
مازن يبص عالناصيه مفيش حد يهز راسه معرفش
معتز / احنا مش هنخلص من ام الحاره المعفنه دى بقى
مازن / البركه فيك بقى يا باشا تنضفهالنا اتفضل اقعد
معتز / مره تانيه النهرده صعب اوى فى قلق فى القسم
مازن / الله يعينك
معتز يحيى مازن و يشاور للعساكر و يمشى
مازن / واحد سحلب يا سلامه تشرب ايه يا معلم
اسعد / خليهم اتنين يا سلامه
سلامه / عنيا و عندك اتنين سحلب و صايه للباشا و المعلم اسعد معلم عباس يقوم يسحب كرسى و يقعد معاهم
عباس / مساء الفل يا سيد البشوات
مازن / ازيك يا معلم اخبارك و اخبار الحاره
عباس / الاخبار لا تسر عدو و لا حبيب
مازن / هتتعدل ان شاء الله
عباس / طمنى انت بس عليك
مازن / انا مش كويس للاسف و الصراحه انا جايلك فى موضوع مش عارف هحكيه ازاى
اسعد / انا حكيت للمعلم عباس اللى حصل
مازن / و انا جبت دليل على كدا مسجله صوت و صوره و ممكن افرجه لاهل الحاره كلهم
عباس / انت صادق منغير حاجه
مازن / انا معتمد عليكوا انتوا كبارات الحته دى لموا الموضوع عشان مزعلش
راجل كبير يقوم و يمشى
اسعد / اطمن يا مازن يابنى ان شاء الله خير
الشاب بتاع الصبح يجي يجرى
مازن / كلمها يا معلم انا عارف ان ليك كلمه عندهم خلينا نخلص من الموضوع ده
الشاب / ازيك يا مازن باشا نورت الحته كلها
مازن / ازيك يا
الشاب / عبد الله يا باشا انا شغال مع حضرتك فى الشركه مدخل بيانات
مازن / ايوه ايوه افتكرتك انا لازم استاذن عشان عندى طياره كمان شويه ان شاء الله لما ارجع لينا كلام تانى
الشاب / نورت يا باشا نورت اتفضل اتفضل
الشاب يوصل مازن لحد العربيه مازن يركب و يمشى
.........................
فى دبى
لبنى بتلبس
لبنى / انت كلمت شركه الحراسات
زياد / شركه حراسات ايه انتى هيبقى معاكى جيش من رجالتى انا واثق فى ولائهم الاول و الاخير ليا متقلقيش
لبنى / لا طبعا قلقانه دا مازن يعنى
زياد / خليكى كدا قللى منى لحد مفيوم اقتلك مازن ده عشان ترتاحى
لبنى بفزع / انت بتقول ايه اوعى تعمل كدا
..........................
