((((((((السكة شمال ٢)))))))))
#لولو_محمد
الحلقه ٢٣
شريف / اجيبلكوا كراسي
راجل / لا ملوش لزوم
شريف / لو احتاجتوا اى حاجه خبطوا تمام
الراجل يهز راسه شريف يدخل و يقفل الباب و يبص لمازن
مازن / خدمه خمس نجوم خد بقي الشيكولاته و الجاتوه دول و اديهم لاخواتك عشان يهدوا اعصابهم
شريف / والله انا اللى محتاج اهدى اعصابي انا كان فضلي فيمتوا ثانيه و اتغابي عليهم
مازن / طب كنت اعملها عشان اتغابي انا عليك خد
شريف ياخد من مازن العلب و يدخلها جوه مازن يروح يقعد فى الصالون ضهره للاوض ثوانى و شريف يطلع
شريف / تاتار اقسم بالله المهم طمنى عملت ايه
.........................
مازن / بص انا من صدمتى مش عارف ارد عليك فانا هحكيلك من ساعه مخرجت من عندك لحد دلوقت كدا و انت بقي لو قدرت ترد عليا يبقي كتر خيرك
شريف / تمام احكى
مازن / الاول طمنى كلمت صافي
شريف / ايوه و كلو تمام عندها
مازن / الحمد لله اسمع بقي يا سيدي
..............
فى شقه مرام
سميحه تدخل شايله صينيه عليها بتنجان مقلي و عيش بلدى و مرام قاعده عالسرير بتشتغل كروشيه
سميحه / البتنجان اللى بتحبيه عمتك مديحه بعتالنا طبق والله انا معارفه منغير عمتك دى كنا عملنا ايه طب والله نفسي كانت ريحاله
مرام شغاله مبتردش
سميحه / هتفضلي قافله على نفسك الاوضه العمر كله يعني طب عالاقل كلى لقمه
مرام / هو الكلام اللى مازن قاله ده صح يا تيته
سميحه / والله هو صح
مرام / يعني لو انا مش عوزاه اعيش معاه غصب عنى تلت شهور بحالهم يبيع و يشترى فيا اكيد ربنا ميرضاش بالظلم ابدا
سميحه / مهو زى ما ربنا امرك انك متخرجيش امره هو كمان انه يتقى ربنا فيكي و بعدين هو ربنا عمل العده ليه
مرام / عشان اختلاط الانساب متروحش تتجوز حد تانى و هى حامل
سميحه / لا مش بس كدا مهى بتعرف انها حامل او لا من اول شهر و دلوقت ممكن قبل كدا كمان عشان تهدوا على بعض و تفكروا و كل واحد يراجع نفسه و تعرفي كمان ليه متخرجيش من بيتك عشان يحصل ود بنكوا انتوا بتحبوا بعض و كلمه منه كلمه منك اهو
مرام / او نولع في بعض
سميحه / جايز برده محدش عارف خصوصا انه عيل مستفز و انتى بلمس
مرام / هههههههههههههههههه
سميحه / بس دمه خفيف
مرام / متجوزتيهوش انتى ليه يا تيته
سميحه / من حبى فيكى سبتهولك
مرام / و الله ...بس اصلا ازاى يا تيته ازاى اقعد فى مكان واحد و شقه واحده معاه و احنا مطلقين الناس تقول علينا ايه
سميحه / انهى ناس اللى اتكلموا عنك و خدوا سمعتك لبانه كل واحد يتفها فى بق التانى
مرام / يا تيته مقصدش بس برده مينفعش و بعدين هبقي متكتفه و مش مرتاحه تلت شهور دول فتره كبيره اوى و بعدين كدا كدا مش هيتغير حاجه فموقفى اساسا انا واخده قرارى و مش هرجع فيه
سميحه /خلاص اعملي اللى يريحك
مرام / يعني اخش النار يعني
سميحه / استغفر الله العظيم يا بنتي لا اله الا الله بعد الشر ليه كدا بس بصي يا مرام مازن معاه حق فكل اللى قاله و انتى معاكى حق فزعلك و هو برده بصراحه متاخرش حاول يراضيكي بدل المره عشره
مرام تبصلها
سميحه / و انتى برده ياما ادتيله فرص و ليكي حق تخافي من اللى حواليه اه بس برده يعني استفتى قلبك شوفى انتى عاوزه ايه و مياله لايه و صلى استخاره و شوفى
مرام / و انتى قلبك بيقولك ايه يا تيته
سميحه / قلبي بيقولي اكل الرغيف السخن ده بحتتين بتنجان من بتوع عمتك اللى ريحته طيرت عقلي ده
سميحه تقطع لقمه و تغمس و مرام متبعاها و مبتسمه و بعدين تمد ايدها تاخد لقمه
سميحه / ايوه كدا كلى و فكيها محدش واخد منها حاجه و لو عاوزه نروح دار الافتى تتكلمى مع حد نروح لو عاوزه تعملى اى حاجه تانيه قولى
مرام تبص لسميحه و تاكل
سميحه / الله ...تسلم ايدك يا مديحه
مرام تدحك
............................
فى شقه شريف
شريف يدخل المطبخ يلاقى رؤى بتغسل المواعين و شيماء بتعمل شاى و تقى واقفه فى جنب بتاكل شيكولاته يرزع تقى على قفاها بهزار تبصله شظرا يدحك
شريف / اتمنى يكون وجودى فى البيت عاجبكوا
رؤى / مين الناس دى كلها هو فى ايه ناس داخله و ناس خارجه منشيل باب الشقه اريح و نفتحها عالسلم
شريف / الله مش فى عربيه انفجرت و البوليس بيحقق و مش حولنا مقر الاجتماعات من الشركه و شقه مازن لعندى اهم حاجه عندى تكونوا مرتاحين
شيماء / مرتاحين ملكش دعوه برده مفيش نزول
شريف / خفى عالشيكولاته يا خالتى مفيش حاجه هتدخل فيكى
تقى / ملكش دعوه
شريف يبصلها و يضرب كف على كف و يطلع بره يلاقى مازن قاعد مع اتنين رجاله
مازن / و دا ياخد وقت قد ايه
راجل / فيوميها عادى
مازن / تمام ظبطلى الحوار ده بس باقصى سرعه النهرده لو ينفع
الراجل / تمام حضرتك باذن الله النهرده اكلمك و اقولك هنعمل ايه
مازن / تمام
الراجل يقوم و يسلم على مازن و شريف و يمشى
راجل 2/ الورق اللى حضرتك طلبته
شريف ياخد الورق و يبص فيه و يديه لمازن و يشاورله
شريف / امضى هنا
مازن يمضى شريف ياخد الملف و يديه للراجل
شريف / النهرده الفيلم ده يكون خلصان
الراجل / تمام حضرتك
الراجل يمشى و شريف يقفل وراه الباب يرجع يلاقى مازن فاتح الموبايل شيماء تطلع شايله صينيه الشاى عليها كبايتين يروح ياخدها منها تدخل جوه تانى
شريف / الشاى
مازن / ايه يا عم كفايا بص هنا دلوقت انا من ساعه مجيت و انا عمال ابص على صور القمر الصناعى بتاعى المنطقه
شريف يقعد جنبه و يبص
مازن / احنا امنا الشارع كويس اوى و كل مداخل الحاره اللى دخل دخل من فوق السطوح نط من بيت تانى مش ده اللى حصل
شريف / بتقولوا احنا نبنى اوضه هنا عالسطح و نقعد فيها اتنين
مازن / لا لا انا بفكر فى حاجه تانيه اللى عمل كدا دخل و معاه شنطه الادوات اللى سابها لو كان اتلمح بيها
شريف / كان مغطيها او حاطتها فى حاجه
مازن / يابنى افهم هو مدخلش مالحاره اصلا انا بقالى تلت ساعات متنح فام الشاشه دى بص بس
شريف يبصله
مازن / بص فى الشاشه يا شريف
شريف / اسف
شريف يبص فى الشاشه
مازن / دلوقت لما انا كلمتك كل الرجاله نزلت الشارع صح
شريف / رجالتنا و لا رجاله الحاره
مازن / رجالتنا يا شريف يخربيت غبائك هو كان فى حد صوت و لا اى حاجه عشان رجاله الحاره يتحركوا
شريف / يا عم مدا وقت الفجر و الناس رايحه اشغالها عادى يعنى احنا مش بالليل
مازن / اه بس رجاله الحاره معروفين و اى حد غريب هيتلقط يبقى مخرجش من الحاره اساسا
شريف / يعنى هو لسه هناك
مازن / لا هو دخل من الشارع اللى وراهم وبعت حد يسال البيت اللى وراهم ده عليه مشاكل و اصحابه قلبينه مخزن للكراكيب و الكراكيب ساده السلم متعرفش تدخل البيت اساسا و على يمينه خرابه و الزباله طافحه لحد بوابه البيت سداها و البيت اللى على شماله صاحبه عامله ورشه تريكوا اللى شغاله فيها طنط امينه مامه امل و عليه حراسه طول الليل عشان المكن و مركب كاميرات لما الرجاله راحوله ملقيوش حاجه
شريف / امال دخل منين
مازن / انا جايلك اهو و اللى عالشمال بيت عيله بانين دورين مخالف و حاطين عالسطح قاعده و معليين السور اوى عشان يضلل عليهم
شريف / و البيت اللى جنبه حافرين عشان الاساسات فهو جاب طياره هيلكوبتر حدفته من فوق ووقفت استنته بالحبل و ركب الناقه و شرخ و الناس سقفت و النور نور و الفيلم خلص صح
مازن يبصله
شريف / مهو مطارش يعنى
مازن / هو مطارش فعلا هو دخل مالبيت اللى جنبه عادى بيت عادى مبنى جديد و لسه متشطبش و لا له بوابه و لا نيله و لا حتى فى سكان مفيش غير غفير راح يصلى الفجر و احنا وقت الفجريه العمال لسه مجوش
شريف / ايوه بس جنبه الارض المحفوره
مازن / مهو نط عالبيت اللى وراه اللى فنفس صفه بيت مرام و منه عالبيت اللى على يمينه
شريف / بس فى حاره هنا يابنى
مازن / البيت ده اعلى ممكن ينط منها عادى لو واحد لياقه يجيبها
شريف / طب رجع ازاى مهو لو عرف ينط من عالى لواطى اكيد مش سوبر مان هو عشان ينط من واطى لعالى
مازن / بالظبط هو خرج بنفس الطريقه بس الناحيه التانيه بس هو كمل ناحيه اليمين بقى عدى التلت بيوت و منها على نط الحاره الصغيره اللى عاليمين و منها عالبيت اللى بيطل عالشارع اللى ورا و خرج منه او كمل بقى لان البيت اللى على يمين الخرابه عالى جدا لا هيعرف يطلعه و لا ينط من فوقه
شريف / مين فى مصر يعرف يعمل الشغل ده
مازن / معرفش و لولا انه بيتكلم مصرى كويس على كلام تيته كنت قولت انه اجنبى
شريف / تمام دلوقت عرفنا الطريق الوحيد لدخول بيت مرام هنعمل ايه بقى
مازن / هعلى السور بتاع بيت مرام هجيب مهندس يقفلى السطح ده داير ما يدور
شريف / بسيطه هكلمهم فى الشركه يبعتوا حد يعاين و يقدم مقترح
مازن / انا عاوز الموضوع ده يتنفذ انهرده او بكره بالكتير انا عاوزهم يسيبوا كل اللى فى ايدهم و يخلصولى الفيلم ده
شريف / تمام هقوم اكلمهم اهو حالا
مازن / تمام يلا
شريف يقوم فاطمه تدخل
فاطمه / الاكل جاهز يا ولاد تاكلوا
مازن / تسلم ايدك يا ست الكل بس والله ما فى مكان انا كلت يجى اربع صوانى كيك
فاطمه / الف هنا يا حبيبى على العموم هو جاهز فاى وقت قولى اسخنلكوا
مازن يبتسملها تدخل جوه تانى و تقى تطلع من جوه ماسكه التابلت بتاعها و تروح تقعد جنب مازن
تقى / بقولك ايه يا ابيه
مازن / نعم يا توته
تقى / بص انا عندى فكره احنا نعمل باب حديد للسطح يكون زى باب البنك كدا
مازن / اه تمام
تقى / بص هو باب عادى كدا و بعد كدا نحط ليزر بس مش فى الارض عشان لو قطه و لا حاجه عدت متشغلوش
شريف / بتعملى ايه هنا مش هتبطلى تلميع اكر يقى
مازن / استنى عاوز اسمع كملى
تقى / نحط الليزر فوق يعنى على ارتفاع متر متر و خمسه متر و عشره سنتى كدا فى الرنج ده
مازن / تمام و بعدين
تقى / الحرامى لو عدى بقى الليزر ده يضرب جهاز انزار و تنزل بوابه حديد تانيه بقى وراه و بوابه حديد قدامه و بكدا نكون حبسناه خالص
مازن / هى فكره حلوه اوى يا تقى على فكره احييكى عليها
تقى / شوفت
شريف / طب لو النور قاطع بقى الجهاز الخزعبلى بتاعك ده هيشتغل ازاى
تقى / متجيبوا مولد كهربا يعنى هتصرفوا كل الفلوس دى على الجهاز و هيجى عالمولد و تتشلوا
مازن / هههههههههههههههههههههههههه
شريف / على اوضتك يا بت
تقى / هى الشجره المثمره كدا دايما بيحدفوها بالطوب مشوفناش حاجه طلعت منك يعنى
مازن / هههههههههههههههههههه
شريف يجى يمسك تقى تجرى على جوه
تقى / يا ماااااااامااااااااا
شريف / قال و بيقولك اخر العنقود سكر معقود قال دا مرار طافح
مازن / هههههههههههههههه والله عسل و دماغها شغاله
شريف / نقطنى بسكاتك مش نقصك والله
مازن / هى الشجره المثمره كدا
شريف / مازن
مازن / ههههههههههههههه خلاص خلاص ههههههههههههههههههههههه
..............................
فى شقه مديحه
محمود بيتكلم فى التليفون مع مروه
محمود / يا سلام
مروه / ايوه يعنى افرض لا قدر الله كان قابلك عالسلم كان هيبقى الوضع ايه ساعتها محمود انا خايفه عليك والله
محمود / على فكره انتى لازم تعرفى كويس ان الاعمار بيد الله
مروه / و الله عارفه بس برده و لا تلقوا بايديكم الى التهلكه
محمود / يا بنتى يعنى اعزل يعنى و لا اعمل ايه و بعدين مرام دى زى اختى و مينفعش اسيبها
مروه / مفيش فايده مالكلام معاك صح
محمود / انتى اللى بتضيعى وقتك فى كلام فاضى واحده غيرك تقعد تكلم خطيبها عن الحب و الاحلام و تاكل بعقله حلاوه و لا ايه
جرس الباب يضرب
محمود / ثوانى هشوف مين خليكى معايا معايا
محمود يروح يفتح يلاقى مرام
مرام / معلش لو صحيتك بس انا مش عارفه انام و كنت عاوزه استلف موبايل عمتى ابص فيه شويه لو ينفع يعنى
محمود / اه طبعا ينفع ثوانى اجيبهولك
محمود يدخل يجرى يجيب الموبايل بالشاحن
محمود / و الشاحن كمان يا ستى عشان لو فصل منك و لا حاجه
مرام / متشكره اوى
محمود يبتسم و مرام تمشى و تدخل تقفل الباب و هو واقف و بعدين يقفل الباب و يفتكر مروه و يرد عليها
محمود / دى مرام كانت عاوزه موبايل ماما تقعد عالنت
مروه / و هى الست مرام مش ناويه تجيبلها موبايل و لا ايه
محمود / ربنا يرزق يا ستى والله عرضت عليها اجيبلها واحد مرضيتش و قالت مش محتاجاه و فعلا هى مبتقعدش عليه كتير يعنى
مروه / اصلا تجيبلها بتاع ايه هى مش لسه واخده نص مليون جنيه مؤخر
محمود / مين اللى قال كدا
مروه / ماما قالتلى و بابا قالى ان مؤخرها كان كدا فعلا
محمود / لا يا بنتى هو فعلا مازن بعتلها شيك بنص مليون مؤخرها بس هى قطعت الشيك
مروه / يا سلام
محمود / والله هو ده اللى حصل عاوزه تصدقى صدقى مش عاوزه انتى حره تعرفى يا مروه واضح ان مفيش فايده انا و انتى عمرنا مهنكمل مكالمه منغير منشد مع بعض
مروه / كدا
محمود / و ترجعوا تقولوا الرجاله الاتراك بيعرفوا يحبوا و المصريين لا بزمتك انتى لو مخطوبه لمهند و لا كريم هتقعدى تكلميه عن مرام و لا انتى ايه وضعك بالظبط
مروه / ههههههههههههههههههه
محمود / اوعى القطر
..........................
فى دبى
لبنى و زياد نايمين الباب يخبط زياد يقوم يفتح يلاقى فريده
زياد / فى ايه يا ماما خير
فريده / ابوك حجز تزاكر الطيران و قدامنا ساعه واحده بس و نطلع عالمطار كلنا
زياد / نعم ازاى يعنى
فريده / معرفش هو ده اللى حصل انا لقيته صاحى بيتكلم فى التليفون و لما سالته قالى ان دى اول طياره و انه لازم ينزل مصر و يتكلم مع مازن ضرورى
زياد / ايوه بس احنا
فريده / متضيعش وقت فى الكلام يادوب تلحق تصحى لبنى و تلموا حاجتكوا بقولك اقل من ساعه و نمشى انا كمان يادوب اللم حاجتى يلا اتحرك بسرعه
زياد / حاضر حاضر
فريده تمشى و زياد يقفل الباب و يروح يصحى لبنى
زياد / لولا لولتى قومى يا قلبى
لبنى تفتح
زياد / قومى اونكل ابراهيم اتجنن و لازم نسافر مصر حالا
لبنى / افندم
زياد / بقولك حجز التزاكر و قدامنا ساعه و نتحرك للمطار قومى بسرعه عشان تلحقى تلمى حاجتك قومى
لبنى / يعنى ايه ساعه واحده هعمل فيها ايه الساعه دى هلبس و لا اعمل ايه
زياد / اتحركى طيب متضيعيش وقت
لبنى / اوعى اما اروح الحمام اوعى انا لازم ادخل الحمام
لبنى تجرى ناحيه الموبايل تلاقيه فى الشاحن
زياد / انتى بتعملى ايه مفيش وقت تاخدى الموبايل معاكى فى الحمام يادوب تغسلى وشك و تطلعى
لبنى تبص لزياد
زياد / بقولك اتحركى الله
لبنى تنفخ و تدخل الحمام و زياد يطلع شنطه و يفتح الدولاب و يبدا يعبى الهدوم كلها فيها
.....................
فى شقه مرام
مرام قاعده عالنت عماله تقلب فى الموبايل و تنفخ
مرام / يعنى ايه يعنى اوووف بقى
مرام تحط الموبايل و تقوم تتمشى فى الشقه رايح جاى و هى بتقرقض فى ضوافرها
مرام / كنتى بتقوليله بتلعب بنفس الطريقه صح انبسطى بقى
مرام تمسك الموبايل تانى و تقعد تقلب فى النت و بعدين تحطه
مرام / مانا مش هخش النار عشانه يعنى اووووف بقى انا هقوم اصلى احسن مالحيره دى
.....................
فى شقه مازن
مازن نايم على بطنه تليفونه يرن ياخده و يرد و هو نايم
مازن / الو
مرام / صحيتك ؟
مازن يقوم يتنطر يقعد على ركبه
مازن / لا صاحى صاحى ازيك عامله ايه انتى كويسه
مرام / انا دورت فى الكلام اللى قولتهولى
مازن يلف و يقعد عادى و هو منتبه اوى
مازن / و لقيتى ايه
مرام / لقيت انه للاسف صح
مازن / طب و ناويه تعملى ايه
مرام / هعمل ايه فى ايه انت هتعمل زى الراجل بتاع فيلم الزوجه التانيه اللى كل شويه يقوله اطيعوا الله و اطيعوا الرسول و اولى الامر منكم
مازن / و انا هعمل كدا ليه و بعدين دا شرع ربنا زى مهو انا محرفتش فيه و لا اولته على مزاجى
مرام / بس مش مناسبنى مش مريحنى
مازن يحبط
مازن / و انا تهمنى راحتك
مرام / يعنى ايه
مازن / يعنى اعملى اللى يريحك يا مرام الايه واضحه و تفسيرها صريح لا انا اقدر اطلعك مالبيت هنا و لا انتى من حقك تمشى بس لو شرع مش هيريحك بقى خلاص انتى حره
مازن يهرش فى قفاه و مستنى ردها
مرام / الناس هتقول عليا ايه
مازن / يهمك الناس اكتر من ربنا
مرام / استغفر الله العظيم انت عاوز تركبنى الغلط انا مقصدش كدا انت فاهم قصدى كويس
مازن / طب عوزانى اعمل ايه انا اقدر اعمل ايه و انا اعمله
مرام / معرفش انت اللى بدات كل ده و انت اللى لازم تنهيه انت السبب فى الورطه السوده دى و لعلمك بقى لو مكنتش قولتلى مكنتش اتحاسبت لانى مكنتش اعرف
مازن / انتى هتفتى لا يا ماما انتى هتتحاسبى و نص و تلتربع انتى لازم تدرسى امور دينك و تعرفى حقوقك ووجباتك و حدود ربنا كويس اوى و لا ايه
مرام / يعنى عاوز ايه دلوقت
مازن يربع و هو مبتسم اوى
مازن / انا عاوز اطبق شرع ربنا
مرام / يعنى ايه
مازن / يعنى زى مقولت عندك انا عاوز حقوقى كامله متكامله تالت و متلت زى ما قال العثيمين تجب لها النفقة ، ويلزمها طاعته ، ويجوز أن تَكشِف له ، وأن يَنفرد بها، وأن تتطيب له ، وأن تمازِحه وتضحك إليه ، وأن يُسافر بها يعني أن يُقبّلها ويحتضنها وينام بجوارها و أن تتجمّل لزوجها حقى كامل بالصلاه عالنبى
مرام / الموت عندى اهون انسى
مازن / و تموتى على معصيه ووزر
مرام / انت حيوان على فكره
مازن / ربنا يسامحك انا مش هرد عليكى مع انى اقدر عشان انا مؤمن و ليس المؤمن بالطعان ولا اللعان ولا الفاحش ولا البذيء
مرام / لا و انت ملكش فى الفواحش خالص
مازن / تايب توبه نصوحه و بستغفر ربنا كل يوم
مرام / انت هتعمل عليا شيخ اللعب غيرها
مازن / طب انتى عاوزه ايه
مرام / انا هاجى انا و تيته نقعد فى الشقه عندك انا مش هسيب تيته لوحدها و انت تشوفلك حته تانيه تقعد فيها لحد مالتلت شهور يخلصوا و كل واحد يروح لحاله
مازن / نعم ياختى دا اللى هو ايه ان شاء الله لا طبعا مش موافق خشى النار ياختى خشى
مرام / خلاص بناقص انا كمان هستغفر ربنا و خلاص زيك
مازن / بصى انا هطلع كريم معاكى احنا هنروح الفيلا عند خالو و تيته تيجى معانا بس انا و انتى فى اوضه و هى فى اوضه و هاخد حقوقى كامله دحك و هزار و بوس و احضان
مرام / يا سلام و انت كدا كريم بص اخر كلام عندى هاجى انا و تيته فيلا خالو و مفيش بوس و احضان دى خالص اخرنا السلام بتاع ربنا و خلاص و كل واحد فى اوضه
مازن / طب بصى عشان انا بحبك و ميخلصنيش تخشى النار احنا هنخلى تيته فى اوضه لوحدها و انتى هتباتى معايا و نشيل البوس و الاحضان دول خالص بس مش هتنازل عن ينام بجوارها
مرام / انسى انت هتستعبط و بطل كل شويه تخشى النار تخشى النار عيب الاسلوب ده على فكره بص احنا كمان هنشيل ينام بجوارها دى كمان و كدا يبقى تمام
مازن / ماشى بس هنا فى شقتنا تباتى فى سريرك و انا هنام فى الليفنج قولتى ايه
مرام / هجيب تيته معايا
مازن / لا لوحدك هنبات انا و انتى لوحدينا فى الشقه
مرام / لا
مازن / طب بس اسمعى
مرام / قول
مازن / انا هبات فى الليفنج و انتى فى اوضتك و انا مش هتقل عليكى و لا ادايقك و لا هتحسى بوجودى خالص بس هستاذنك تفتحى نفسى عالاكل و يعنى ميمنعش نتفرج على فيلم سوا او نحكى اهو لا تدرى لعل الله يحدث بعد ذلك امرا
صمت مازن يقوم على ركبه مالتوتر
مازن / ايه موافقه
مرام / ليا شروط
مازن / موافق
مرام / مش لما تسمعها الاول
مازن / ماشى قولى
مرام / انا هعمل كل ده هاجى لوحدى و هاكل معاك كل يوم و هديك كل يوم ساعتين نتكلم او نتفرج على فيلم او نعمل اى حاجه زى مانت عاوز و هخليك انت اللى تختار عشان ابقى اديتك فرصتك كامله بس توعدنى ان مفيش اى حاجه هتحصل و انى مش هندم انى جيتلك
مازن / اوعدك
مرام / و توعدنى ان دى اخر فرصه ليك لو مغيرتش رايى و العده خلصت هتخرج من حياتى او لو انى ندمت انى جيتلك هتنهى الموضوع علاطول و تخرج من حياتى بادب و هتبعد عن طريقى
مازن / اوعدك
مرام / هتبعد نهائى
مازن / هبعد
مرام / وعد
مازن / وعد
مرام / ماشى انا هاجى بس مش دلوقت لما تيته تصحى و اقولها عشان متتخضش عليا
مازن / تحبى اجى اجيبك
مرام / ملوش لزوم مش هتوه يعنى بس انت وعدتنى
مازن / وعدتك والله وعدتك
مرام / دى اخر مره هثق فيك فيها دى اخر فرصه ليك
مازن / و ان شاء الله مش هضيعها ابدا
مرام / مع السلامه
مازن يقوم يقف على ركبه و هو مش مصدق نفسه و البطانيه لفت على رجله من كتر القوامان و القعدان و الفرك فى السرير
مازن / انتى جايه بجد
مرام / ربنا وحده اللى يعلم انا بعمل كدا ليه و اقفل بقى عشان دا رصيد عمتى
مازن / انا ممكن اكلمك عادى
مرام / و دا بقى من ضمن الساعتين بتوع النهرده
مازن / لا انتى هتدحكى عليا خليها لما تيجى انا مستنيكى
مرام / سلام
مازن / سلام
مازن ينزل رجل فى الارض و هو ماسك الموبايل و مش مستوعب
مازن / مرام جايه مرام جايه بجد
مازن يجى يتحرك يتكفى على وشه ميلاقيش حاجه يمسكها عشان يلحق نفسه غير روبه متعلق على الشماعه الخشب يوقعها عليه
مازن / ااااااااه مرزق
مازن يقوم و الروب عليه
مازن / ايه ده مرام جايه
مازن يبص يمين و شمال يلاقى الدنيا مبهدله يقوم يجرى يجيب المكنسه و فوطه و ينضف الارض بالمكنسه فى ايد و يلمع العفش بالايد التانيه و كلو بسرعه بسرعه و يجرى عالمطبخ يغسل المواعين و يطلع يروق الصاله و يلم الهدوم و يحطها فى الغساله و يشغلها و يفتح التلاجه و يبص فيها و يجرى يجيب التليفون
مازن / اللحقنى يا خليفه ورقه و قلم بسرعه و اكتب لسته الطلبات دى و مترجعش الا لما تجيبها كلها انت فاهم كلها يا خليفه
..................................
