((((((السكة شمال ٢))))))
#لولو_محمد
الحلقه ٨٧
فاطمه / اختك طفت على اللبن و لا اتلخمت فى الموبايل و سابته يفور
رؤى تدخل شايله لبانه و تحطها على حامل
رؤى / عيب عليكى يا بطوط دا انا انفخه لو عملها
فاطمه / الحمد لله انا لسه داعكه البوتجاز لو اتوسخ انتى اللى هتعمليه
رؤى / ما تقلقش يا وحش وراكى رجاله هههههههههههههههههه
الكل يقعد ياكل تقى تدخل من البلكونه
تقى / استنونى يا جدعان
فاطمه / وقعتى كام حته فى الشارع
.................................
تقى / و لا حته الحمد لله
فاطمه / ههههههههههههههههه يبقى ننزل نلم المشابك من الشارع بقى
تقى / هو ما فيش حاجه بتعجبكوا ابدا هى الشجره المثمره كدا دايما بيحدفوها بالطوب
جرس الباب يضرب
فاطمه / دا مين اللى حماته بتحبه ده
تقى تجرى تفتح الباب تلاقى مرام و مازن وراها شايل حاجات كتير
تقى / ابيه مازن
البنات يجروا على جوه و فاطمه تعدل الطرحه على راسها و تقوم
فاطمه / حبيبه قلبى حبيبه قلبى تعالى تعالى
مرام تدخل و هى شايله شنطه هدايا كبيره
فاطمه / تعبتى نفسك يا روح قلبى
مرام / تعبك راحه يا ماما
فاطمه / ادخل يا حبيبى تعال
مازن يدخل يحط العلب اللى معاه على ترابيزه الليفينج
فاطمه / ايه كل ده يا ولاد
رؤى و شيماء يطلعوا من جوه لابسين الاسدالات يجروا يحضنوا مرام
رؤى / انا قولت هتيجى مع صافى
مازن / ارجعها يعنى
شيماء / ليه هو دخول الحمام زى خروجه و لا ايه خلاص اتصادرت
فاطمه / حماتكوا بتموت فيكوا عملالكوا شويه فول من بتاع ماما فاطمه تدميسى
مرام / ريحته جامده و انا جعانه بصراحه
مازن / الف هنا انتوا بقى يادوب اللحق الشركه والله متاخر
فاطمه / طب استنى اعملك ساندوتش
مازن / عينيلى لما ارجع
فاطمه / اسمع الكلام يا وله بدل ما اجبلك المنفضه
مازن / لا و على ايه استنى بكرامتى احسن
مرام / هههههههههههههههههههههه
مرام تبص لمازن و هى بتدحك يغمزلها تبص قدامها
.........................
فى الشركه
شريف بيبص مع شاب فى ملف بنت تدخل
البنت / الميتنج روم جاهزه يا مستر شريف
شريف / هو مازن بيه لسه ماجاش
البنت / لا لسه و حاولت اتصل بيه اكتر من مره مردش
شريف / تمام خمس دقايق و احصلك
البنت / تمام حضرتك
البنت تطلع بره تلاقى ابرهيم
البنت / ابراهيم بيه اهلا وسهلا
ابراهيم / شريف موجود
البنت / ايوه حضرتك جوه ثوانى هبلغه بوجودك
ابراهيم / ما فيش داعى
ابراهيم يفتح الباب و يدخل
شريف / ابراهيم بيه اهلا و سهلا
شريف يخبط الشاب اللى معاه على كتفه الشاب يمشى و يقفل الباب وراه
شريف / اتفضل اتفضل اطلب لحضرتك حاجه تشربها
ابراهيم / اقعد يا شريف انا عاوز اتكلم معاك
شريف / تمام اتفضل
ابراهيم و شريف يقعدوا
ابراهيم / انا عارف ان كلامى اللى هقوله هيبان غريب شويه بس انت خلاص هتتجوز و بكره تخلف و تبقى اب و تفهمنى
شريف يهز راسه
ابراهيم / انا بنيت نفسى من تحت الصفر كل اللى انت شايفه ده انا اللى تعبت فيه ما عشتش لنفسى يوم شغل شغل شغل طول الليل و النهار بحط القرش على القرش بعمل كل ده ليه يا شريف ليه قولى
شريف يبص فى الارض
ابراهيم / عشانه و عشان ولاده مازن عاش عمره كله متمرمغ فى خيرى اتولد و فى بقه معلقه دهب عمره ما ركب اوتوبيس و لا حتى ميكروباص و يوم ما يقول اتبهدلت فى المواصلات بيبقى راكب تاكس عاش عمره كله يصرف يمين و شمال على دى و على دى و على دى كام بنت مازن عرفها يا شريف كام بنت
شريف / بس هو اتغير دلوقت
ابراهيم / انت صاحبه الوحيد هو بيثق فيك جدا و انا كمان على فكره بثق فيك جدا
شريف / شكرا
ابراهيم / لا حقيقى انت من اول يوم ليك فى الشركه مع صفوت اثبت انك عمله نادره اتعلمت كل صغيره و كبيره وقفت جنب مازن طول الوقت و استحملت حاجات ما حدش غيرك يستحملها كنت صديق حقيقى لابنى انا عارف ان لولاك مازن ما كانش عرف يقف على رجله بعد صفوت ما مات
شريف / الله يرحمه
ابراهيم / كان يفهم ايه هو فى الشغل كان يفهم ايه دا كليته كان بينجح فيها بالعافيه و الفلوس و الواسطه
شريف / مازن ذكى و بيتعلم بسرعه
ابراهيم / و انت اللى علمته
شريف / انا حقيقى سعيد براى حضرتك فيا بس انا متاكد ان فى حاجه ورا الكلام ده حضرتك عاوز تقولهالى او تطلبها منى مش كدا
ابراهيم يبص الناحيه التانيه و يتعدل فى قعدته و يبلع ريقه و يبص لشريف
ابراهيم / مازن بيثق فيك جدا يا شريف و بيسمعلك و بيعتبر اهلك اهله و اخواتك و اخواته و صدقنى دا شئ يسعدنى بس انا كنت اتمنى انك تنصحه يعنى
شريف / بايه حضرتك
ابراهيم / انا ابوه يا شريف انا ادرى بمصلحته انا خبرتى فى الدنيا دى اكبر منه انت بنفسك شوفت اهلها الشحاتين عملوا ايه معاه شوفت استغلوه ازاى و هى كمان انت فاكرنى مش متابع اخباره من بره انت فاكر مش عارف بيحولها فلوس ازاى و لا المشروع اللى عملهولها و لا الفلوس اللى بتسحبها بهبل
شريف / دى حياته و دى فلوسه يصرفها زى ما هو عاوز ما افتكرش ان فى حد له حق انه يدخل خصوصا انا
ابراهيم / دى واحده نصابه يا شريف
شريف / دى مراته
ابراهيم / يعنى انت مصدق ان اللى فى بطنها من مازن فعلا
شريف يبصله بغضب و يكتم جواه
ابراهيم / تحليل دى ان ايه صغير و صدقنى
شريف / صدقنى حضرتك بتضيع وقتك حضرتك لو بتثق فيا زى ما قولت يبقى لازم تسمع نصيحتى انا بدل ما تضيع وقتك انك تبعد مازن عن مرام استغل الوقت ده انك تقرب من مازن هو محتاج لك حفيدتك محتاجه لك
ابراهيم / ما هياش حفيدتى انا ماليش علاقه بالبنت دى
شريف / و المطلوب منى ايه
ابراهيم / تفهمه
شريف / افهمه ايه بالظبط عشان انا مش فاهم حضرتك عاوزنى اوقع بينه و بين مراته اتهم واحده فى شرفها و انا متاكد انها
ابراهيم / استغفر الله انا ما قولتش كدا ابدا و عمرى ما هقول
شريف / اسف كمل حضرتك
ابراهيم / انا بس عاوز اتاكد تحليل صغير يا بنته يا لا طلعت بنته تبقى حفيدتى و انا اولى بيها ما طلعتش نبقى لحقنا مازن من كارثه حقيقيه
شريف / بنته
ابراهيم / زياده تاكيد
شريف يبص الناحيه التانيه و هو ماسك نفسه بالعافيه الباب يتفتح و مازن يدخل شريف يتنفس و يقوم يقف
شريف / استاذن انا عشان اتاخرت على الاجتماع و بالمره اسيبكوا اب و ابنه مع بعض عن اذنكوا
شريف يبص لمازن و يطلع بره و هو بينفخ
مازن / لما قالولى ان حضرتك هنا ما صدقتش خير
ابراهيم / عجبك او ما عجبكش انت ابنى و من حقى اطمن عليك
مازن / ههههههههههههههههه يااااه معقوله دا انا كنت فاكر انه مش عاجب حضرتك
ابراهيم / عامل ايه
مازن / الحمد لله الحقيقه انا كنت متوقع زياره حضرتك بس بدرى عن كدا لعل المانع خير
ابراهيم يبصله
مازن / انا رديت مرام و اتمنى يعنى انكوا توفروا مجهوداتكوا الفذه فى تغير الوضع ده عشان انا جبت اخرى
ابراهيم / تهمنى سعادتك
مازن / هههههههههه لا كدا بدات اقلق ناوى على ايه
ابراهيم / واحشنى
مازن / ناوى على ايه يا بابا ما تخليش الشيطان يلعب فى دماغى و اجرى اطمن على مرام مرام دلوقت عند
ابراهيم / عند اهل شريف
مازن يقوم يقف
ابراهيم / ما تخافش ما تخافش
مازن / قسما بالله
ابراهيم / ما تخافش اقعد
مازن يقعد و هو باصص لابوه و متحفز
ابراهيم / انا عارف انى غلطت و بعترف بس والله ما كنت متخيل ان كل ده هايحصل ابوك مش قاتل يا مازن والله العظيم انا كنت فاكر هيدوها حبايتين اجهاض و لا واحده تزغدها و لا اى حاجه ما كنتش متخيل انهم هيعملوا كدا
مازن / و اهم عملوا و فى ناس ماتت
ابراهيم / تانى يا مازن ... لو انت شايفنى مذنب اوى كدا ما بلغتش عنى ليه
مازن يبصله و يضرب كف على كف
ابراهيم / مازن
مازن / تمام احمد دحك عليك تقوم تروح تمضى معاه عقود صفقات بمليارات يااااه دا انت زعلك طلع وحش اوى يا بابا
ابراهيم / مش انا دا زياد انا عامله توكيل بالاداره
مازن يبص لابراهيم و ماسك نفسه بالعافيه
ابراهيم / انا اسف
مازن / ياريتها كانت كفايا ياريتها جت زمان بس الناس اللى ماتوا كانوا غاليين عندى اوى
ابراهيم / ما انت عوضت اسرهم
مازن / جدتى ماتت
ابراهيم / اجلها كدا اعملها ايه
مازن يقوم و يمشى و يرجعله و هو بيغلى
مازن / اؤمر يا بابا حضرتك جاى ليه
ابراهيم / وحشتنى ابنى وحشنى
مازن / انا اسف على اللى هقوله بس احنا لو استمرينا فى الحوار ده هوحشك للابد هتجلط و اموت
ابراهيم / للدرجادى مش مستحمل منى كلمه
مازن / على راسى يا بابا والله بس ارجوك قول كلمه حق
ابراهيم / معلش يا مازن بيه اصل الحق ده مقتصر بالمدام و نسبها اللى يشرف ابن عمها رد السجون و عمها و عياله سحبوا منك كام يا مازن
مازن / و لا مليم و محدش يقدر ياخد منى حاجه غصب عنى و كل جنيه صرفته صرفته على مراتى ام بنتى
ابراهيم / انا اطمنت عليك
ابراهيم يقف و مازن تظهر على وشه علامات الراحه
ابراهيم / انا قاعد فى مصر فتره
مازن / تنوروا يا بابا
ابراهيم / بتكلم مونى
مازن / اكيد
ابراهيم / قول لها عيب اللى هى بتعمله ده قول لها انى ابوها مهما حصل انا ابوها
مازن / قولت لها
ابراهيم / انت اللى بعتلها الريكورد
مازن / لا مش انا نفس الرقم اللى بعتهولى بعتهولها نمره من اللى بيتباعوا على الارصفه
ابراهيم / تمام ياريت تكلمها تانى
مازن / حاضر
ابراهيم / و ابقى تعال بص عليا من وقت للتانى
مازن / ان شاء الله
ابراهيم يمشى مازن يرزع نفسه على اقرب كرسى شريف يدخل يجرى
شريف / انت كويس قالك ايه
مازن يبصله
مازن / مش فى اجتماع
شريف / اجلته ساعه
مازن / كلم الحراسه اللى قدام البيت
شريف / كلمتهم و اتصلت بماما كمان كل حاجه عندهم تمام البنات مشغلين اغانى و مبسوطين
مازن / انا كمان والله كنت مبسوط انا و هى بقى فى بنا حوار و واحده واحده بترجعلى و بترجع لنفسها ليه مصرين يضيعوا كل ده تانى ليه مصممين يقتلونى بالشكل ده
شريف / بصراحه مش عارف اقولك ايه الله يعينك يا بنى و الله .. هو اتكلم معاك فى ايه
مازن / العادى مش مقتنع انه غلطان
شريف / بس ما اتكلمش فى اى حاجه تانيه
مازن / لا عادى يعنى حاجه زى ايه يعنى
شريف / لا ما فيش بسال بس
مازن / الحمد لله انه ما اتكلمش انا دماغى هتنفجر
شريف / اخليهم يعملولك لمون
مازن / شفشق كركاديه يا شريف فنطاس كركاديه عشان اهدى
شريف / تمام حاضر
شريف يروح يمسك التليفون و يتصل بحد
..........................
فى شقه شريف
البنات متجمعين فى اوضه البنات و مشغلين الاغانى على يا بتاع النعناع يا منعنع و تقى بترقص فى النص و الباقى بيسقفوا و بيرقصوا بكتافهم
صافى / ايوه بقى
تقى تشد صافى صافى تقوم ترقص معاها و صافى تدلع
مرام / يا مزاجوا
صافى / و احنا نيجى جنبك ايه يا قمر
مرام/ ههههههههههههه كان فى و خلص
شيماء / بكره تفقسى و ترجعى امجادك
مرام / ههههههههههههههه المهم انتى ايه النظام حددتوا المعاد و لا لسه
شيماء / كنا ناويين فى خلال شهرين بس صافى بقى وقفتلى فيها
صافى تروح تطفى الاغانى
صافى / انا برده
شيماء / لا خالتى
صافى / طب اشهدى يا مرام الهانم عوزانى اصمملها فستان الفرح و انفذه فى خمستاشر يوم طب ازاى يعنى
مرام / مش بتقولك شهرين
صافى / يا بنتى هو مش انا بتجوز و لا انا طالعه فى الفيلم ده بمنظرين ما انا هبقى بتجوز والله
مرام / هههههههههههههههههههههه اه صح ... طب ما البت بتتكل صح اهو يا شوشو
شيماء / يا ستى ما اتكلمناش ما احنا اجلنا الفرح اهو عشان تتجوز
صافى / بت بقولك ايه عينك دى انا ما صدقت
مرام / هههههههههههههههههههه اللحقى دى بتتحول
صافى / هتنبرلى فيها و تبوظ الجوازه
مرام / لا كلو الا كدا دانتى تروحى فيها
صافى / بتقولى فيها والله يجرالى حاجه
رؤى / يا بنتى احنا مستعجلين على الجوازه دى اكتر منك اقسم بالله مش قادرين نصدق ان كلها كام يوم و تبقى معانا طول الوقت
مرام / ما تسرحيش بخيالك اوى كدا شريف يزعل
صافى / و انا ما اقدرش على زعل شريف
شيماء / لا كدا اوفر دوز محن و انا عندى مراره واحده
صافى / اللى غيران مننا يعمل زينا
شيماء / هههههههههههههههههههههه بقى كدا
مرام / حقنا للدماء حقنا للدماء احنا كلنا مستنين الفرح ده بفارغ الصبر عشان الحمد لله عندنا احلى عريس
رؤى / اخويا
مرام / و احلى عروسه
صافى / ايفيت (نعم )
مرام / و احلى اخوات عروسه
تقى / تمام يا فندم
مرام / هنعوز اكتر من كدا ايه ربنا يتملكوا على خير يا قلبى
صافى / سيبك منى قوليلى مازن عمل ايه لما شافك بالمكياج
مرام تغطى وشها
مرام / يا ختااااااى مش عاوزه اقولك اتخانقنا
صافى / ليه حرام عليكوا
مرام / نصيبه كدا بقى .. بس انا روحت صالحته
صافى / الحمد لله انا مش عارفه بصراحه اتنين بيموتوا فى بعض للدرجادى ازاى يتخانقوا ازاى
مرام تبصلها
صافى / كلمتيه
مرام / لا بقولك اتخانقنا و روحت صالحته هروح اكلمه ازاى يعنى هزود الطين بله
صافى / مهى الحاجات دى ما بتجيش كدا يا مرام
رؤى / حاجات ايه
شيماء / و انتى مالك انتى
رؤى / بسال يمكن نقدر نساعد
صافى / لو كنتوا تقدروا كانت حكتلكوا ما حدش يقدر يحل الموضوع ده غيرها هى ...لازم يا مرام تتكلمى مع مازن مهو يا تكلميه يا تسامحيه
مرام / حاولت انتى فكرانى محاولتش حاولت والله قولت لنفسى انسى و عيشى و افرحى انه جنبك بس كل ما بنقرب من بعض بفتكر و بتقهر و بتعب اعمل ايه
صافى / يبقى كلميه
مرام تبص فى الارض بحزن
شيماء / بتحبيه يا مرام
مرام تبصلها
شيماء / يبقى تسامحى
مرام / فى حاجات ما ينفعش الواحد يسامح عليها و لا ينساها
صافى / يبقى تكلميه كلميه ايه اغنيهالك كلميه يا حلولى كلميه يا حلاوه كلميه يا حلولى كلميه يا حلاوه
صافى تترقص و هى بتغنى و مرام و البنات بيدحكوا
.............................
فى الفيلا عند زياد
فريده / يعنى زى ما روحت زى ما جيت
ابراهيم / بكره احاول اقابل مرام و اتكلم معاها
فريده تدى لابراهيم شريط دوا
فريده / اربع حبوب من الدوا ده فى كبايه شاى او عصير و العيل هينزل فى ساعات و هتبقى اراده ربنا
ابراهيم يبصلها بغضب
ابراهيم / تانى يا فريده
فريده / انت عاوز البت دى و لا مش عاوزها متخافش الدوا سريع الموضوع مش هياخد الا ساعات و هنخلص كلنا
ابراهيم / فريده
فريده / ما تقلقش انا جيباه بروجته دكتوره نسا اللى صرفاهولى مش بخترع يعنى
ابراهيم / و انا هديهولها ازاى يعنى
فريده / انت مش كنت ناوى تتكلم معاها
ابراهيم / ايوه
فريده / خلاص انا هطحنلك الحبوب و اللفهملك فى علبه صغيره و هقولك تعمل ايه بالظبط
ابراهيم / و افرضى جرالها حاجه
فريده / ما انت هتبقى هناك يا ابراهيم خد البت و اجرى على المستشفى
ابراهيم / و نبقى عملنا ايه بقى ان شاء الله
فريده / يا ابراهيم يا حبيبى ركز معايا انت هتاخدها المستشفى عشان هى تعيش مش عشان البيبى يعيش و ساعتها هتبان قدام مازن ابنك بطل و تبقي ضربت كل العصافير اللى على الشجره بحجر واحد
ابراهيم / و افرضى ملحقوهاش افرضى ماتت
فريده / ما تموت و لا تروح فى ستين داهيه هى اول واحده تموت فى الاجهاض و بعدين دا احنا نبقى عملنا فيها جميله العمر هتموت شهيده بنت المحظوظه و تدخل الجنه يا مين ينولنى موته زى دى
ابراهيم يبصلها
فريده / ما حدش بيموت ناقص عمر اجلها كدا
ابراهيم / تانى يا فريده تانى و بعدين افرضى ولدوها مرام فى التاسع دلوقت و ممكن تولد فى اى وقت
فريده / لما تولد يبقى يحلها حلال
ابراهيم / يعنى ايه
فريده / يعنى يحلها حلال يا ابراهيم هو انا عزرائيل ما الاعمار بيد الله
ابراهيم / قصدك ايه
فريده / يعنى انت فى مصر و فى اطفال كتير اوى و ستات اكتر بيموتوا كل يوم فى المستشفيات بسبب الاهمال
ابراهيم / انا مش عاوز اقتلها
فريده / خلاص يبقى تقبلها فى حياتك بقى و تروح تصالحها
ابراهيم / انا لو الفكره اللى فى دماغى نجحت
فريده / انت بتحلم مازن عمره ما هيتخلى لا عن مرام و لا عن اللى فى بطنها الطريقه الوحيده انك تخرجهم من حياته انك تاخدهم منه غصب هيزعل سنه اتنين تلاته و هيكمل حياته هيقابل بنت تانيه جميله و هيحبها و يتجوزها و ينسى الفتره دى نهائى ما انت نسيت اميره و حبيت بعدها هى يعنى الدنيا وقفت عليها الدنيا ما بتقفش على حد
ابراهيم / مش عارف يا فريده مش عارف
فريده / اسمع بس اللى هقولك عليه و بكره تقول فريده قالت
...................................
فى شقه شريف
الكل متجمع حوالين الاكل و بيدحكوا و مازن و شريف باين انهم مش فى المود
رؤى / لا فاتكوا تشوفوا مرام لما قولنالها ترقص قعدت على ركبها على السرير و عملت زى الحناوى فى كركر تهز بطنها يمين و تهز بطنها شمال
شيماء / هههههههههههههههه اما ضحكنا ضحك و لا صافى
صافى / هششش هششششش
تقى / كان اسمها ايه
صافى / بس بقى يا جزم
شيماء / زيبيك
رؤى / يخربيت ام التناكه اللى انتوا فيها يا شيخه هههههههههههههههههههه
صافى / صداع من فرط العظمه
مرام / هههههههههههههههههههه دى تسلخات مش عظمه
صافى / انتوا بتالسو على دى الحمد لله انى مورتكوش انواع تانيه
مرام / لا شكرا كفايا اوى عليا لحد كدا
عائشه / الزيبك رقصه فلكلوريه تركيه عظيمه و مش اى حد بيعرف يرقصها
مرام و البنات يتكسفوا
عائشه / الزيبيك دى رقصه محاربيين فعشان كدا تحسوا فيها العظمه حتى لما تشوفيهم بيرقصوا تحسى انهم فى معركه
فاطمه / مالكوا يا ولاد فى مشاكل فى الشغل و لا حاجه
شريف يبص لمازن
مازن / لا ابدا ما فيش حاجه
فاطمه / امال ما بتاكلوش ليه
شريف / اليوم كان طويل بس و مرهق
فاطمه / الله يعينكوا والله
مرام / لما حالتكوا كدا دلوقت امال لما شريف يسافر و الشغل كلو يبقى عليك هتعمل ايه
فاطمه / ربنا ما يحرمهم من بعض
مازن / امين
مازن يبص لمرام مبتسمه تشوفه حزين الابتسامه تروح من وشها مازن يبص فى طبقه و ياكل و هو ساكت
..............................
فى شقه بكرى
هادى / يعنى ايه يابا
بكرى / زى ما سمعت الراجل ما اكتفاش بحبس اخوك لا و سلط علينا كل اللى ايده طالته
عبد الله / يعنى هتقفل الدكان
بكرى / انا روحت للجدع المحامى ده قالى اتصالحوا احسن و نسحب المحاضر اللى عملينها عشان الشقق و نتراضى و هو هيقننلى وضع المحلات و نقفل كام يوم كدا لحد ما الدنيا تهدى
ام هدير / ما نشحت احسن عشان الباشا يرتاح
عبد الله / انتوا عارفين مين يحللنا الموضوع ده الحجه مديحه
هدير / عندك حق الست دى غاليه اوى عند مرام
شيرين / انسوا انا مشبشبالها بدل المره عشره ان كانت هى و لا المخفيه اللى اسمها مروه
ام هدير / فالحه ما شاء الله جايه و الخير محنى فى رجليكى ... انا قايمه انام بدل ما اتشل
شيرين / تصبحى على خير يا ماما
الست تبص لشيرين و تدخل و هى بتنفخ
.............................
فى شقه مازن
مازن قاعد على السرير فى الليفينج و سرحان مرام تطلع من الاوضه لابسه البجامه و بطنها مبقلظه منها تبص على مازن سرحان
مرام / نمت ؟؟
مازن يبصلها و يهز راسه لا مرام تدخل تقعد جنبه
مرام / و لا انا طب انت ما نمتش ليه
مازن / مش جايلى نوم
مرام / و لا انا ... على فكره البنات عجبتهم الهدايا اللى جبناها اوى
مازن / الحمد لله
مرام / مالك فى ايه
مازن / مافيش مالى
مرام / من ساعه ما جيت من الشركه و انت مدايق فى مشكله فى حاجه حصلت
مازن / تعرفى انا مصدع اكيد لو نمت الصداع هيروح و انتى كمان قومى نامى صاحيه من بدرى و كدا
...............................
