(((((السكة شمال ٢)))))))))
#لولو_محمد
الحلقه ٨٣
زياد / ها يا احمد ناوى تفسحنا فين النهرده
احمد / لا دا انا هدلعكوا على الاخر هعيشكوا اسبوع معشتوش لا قبله و لا بعده اتفضلوا الليموزين بره مستنينا
لبنى تتحرك و زياد حاطت ايده فوسطها يطلعوا بره الفندق و احمد وراهم ليموزين تركن و السواق يفتح الباب لبنى تركب و زياد و احمد و السواق يقفل الباب و العربيه تتحرك
زياد / اخبار الشغل ايه يا احمد
احمد / لا بقى اسمحلى النهرده ما فيش اى كلام عن الشغل خالص ايه يا زياد انت نسيت ازاى بتنبسط و لا ايه
لبنى / الشغل بقى واخد كل وقته
احمد / لا متقوليش بقى فى حد يبقى معاه القمر ده و يسيبه و يفكر فى الشغل برده
زياد / خف يا احمد
احمد / عرفتوا ان مازن رد مرام
........................................
زياد يتعدل فى قعدته
احمد / الخبر اكيد للاسف ردها لعصمته و عايشه معاه فى شقته دلوقت
لبنى / بيتهيالى احنا خارجين ننبسط و لا ايه يا احمد ياريت ننسى مصر باللى فيها و نركز على الانبساط و بس و لا انت جايبنا هنا لحاجه تانيه
احمد / ازاى بس
احمد يبص لزياد يلاقيه قاعد بيغلى
.............................
فى شقه مازن
مرام تصحى من النوم هدوء شديد تستغرب و تقوم تطلع بره تبص فى الليفنج النور مطفى تايد النور مازن مش موجود تطلع بره فى الصاله ما فيش حد تيجى تدخل جوه تلاقى مازن فى وشها تتفزع
مازن / اهدى اهدى انتى مش لوحدك فى الشقه مالك فى ايه
مرام / ما فيش اتخضيت بس ما حستش بيك انت كنت فين
مازن / كنت فى الحمام انتى عاوزه حاجه
مرام/ لا لا كنت رايحه اشرب عن اذنك
مرام تروح المطبخ تفتح التلاجه تطلع ازازه و كبايه و تصب لنفسها شويه ميه و تشرب مازن يدخل يحط ملف على الرخامه
مرام / ايه ده
مازن / اقريه
مرام تحط الكبايه و تمسك الملف و تقراه
مازن / دا تنازل عن حضانه ملك لو فى يوم حصل انفصال
مرام تبصله
مازن / و فى وديعه بخمسه مليون جنيه بعائد شهرى محترم هيكفيكى انتى و ملك من غير ما تحتاجى لحد و عندك الشقتين بتوعك فاضيين و مفروشين تقدرى تسكنى فى الشقه اللى تعجبك
مرام / مش فاهمه
مازن / تعالى نقعد و افهمك
مازن يمشى و مرام تاخد الملف و تمشى وراه يدخلوا يقعدوا فى الليفينج
مازن / انا بحبك تمام و بحب بنتى و ما عنديش فى الدنيا اغلى منكوا انتوا الاتنين مرام انا ما استغلتش مجيتك عشان اردك غصب عنك انا بس اتحركت غصب عنى حلم بقالى شهور بجرى وراه بقى فى ايدى انا بس عاوزك تعرفى ان حتى لو انا غلطت انا والله اتغيرت بقيت واحد تانى واحد كويس اتغيرت عشانك والله ... مرام انا اتربيت من غير ام و عارف يعنى ايه ان الانسان يعيش من غير امه عارف ان ملك محتاجالك اكتر من اى حاجه فى الدنيا و انى لو عملت البدع عمرى ما هملى مكانك خصوصا مكانك انتى يا مرام
مرام تبصله
مرام / هتطلقنى ؟؟؟
مازن / اللى انتى عوزاه بس قبل اى حاجه انا عاوزك تفكرى كويس اولا ملك زى ما هى محتاجالك محتاجانى و مفيش مخلوق هيحبها قدى ... بصى حتى لو اخترتى نبعد عن بعض انا مش هتنازل عن دورى كاب ليها مصاريفها كلها اى حاجه تحتاجها اى حاجه انتى تحتاجيها انا اكيد مش هتاخر بس لازم تعرفى ان لو فى يوم قررتى تتجوزى انا مش هقدر بنتى تتربى فى حضن راجل غريب
مرام / و لو انت اتجوزت
مازن / مش هيحصل
مرام / لو حصل
مازن / مش هيحصل بصى انتى لازم كمان تفكرى كويس لان دى هتبقى الطلقه التانيه بالنسبالنا و المرادى العده مش تلت شهور العده شهر واحد يتيم فهمانى
مرام / فاهمه
مازن / انا عاوز اكون حاضر فى ولاده بنتى عاوز ائذنلها فى ودنها انا بحلم باللحظه دى من يوم ما عرفت انك حامل و انا عاوز اشوفها و هى اول مره تزحف اول مره تمشى اول مره تسنن عاوز اكون حاضر و موجود فى كل زكرياتها
مازن يدمع و مرام باصه فى الارض و مدمعه هى كمان
مازن / عاوز اكون اب يا مرام
مرام تمسح دموعها و تبصله
مازن / القرار ليكى انا مش هغصبك على اى حاجه تانى
مرام / انا مش عارفه اقولك ايه
مازن / ما تقوليش فكرى و فكرى كويس و خدى وقتك فى التفكير ان شالله حتى تقعدى العمر كله تفكرى انا راضى بس متاخديش قرار نندم عليه بعدين لما ملك تكبر و تحاسبنا
مرام تبص فى الارض
مرام / البيت ده بتاعك صح
مازن / ايوه
مرام / ممكن اخد الشقه اللى فوق اقعد فيها انا و ملك و بكدا ملك تبقى جنبك طول الوقت
مازن / و ان صحيت بالليل عندها كابوس و بتدور على حضن بابا
مرام / كنت عارفه انك هتستخدم ملك عشان تضغط عليا كنت عارفه
مازن / لا نهائى ملك بتاعتك اكتر من بتاعتى و انتى ادرى بمصلحتها منى و اى كان قرارك انا هوافق عليه
مرام / بترمى الكوره فى ملعبى يعنى عشان لما ملك تيجى تحاسبنى تبقى انت ملاك برئ و انا الشريره اللى حرمتها من ابوها صح
مازن / ما فيش قوه فى الكون هتحرمنى من ملك و لا حتى انتى
مرام/ فى حاجه تانى عاوزنى افكر فيها
مازن / لا انا كدا قولت اللى عندى و الورق معاكى و مجوهراتك جوه فى الخزنه و لو عاوزه اى حاجه انا تحت امرك و القرار فى الاول و الاخر ليكى المهم تكونى مرتاحه
مرام تهز راسها اه و تقوم و توصل لحد الباب و تقف و مازن متابعها مرام تبصله و هى بتفرك فى ايديها
مرام / تصبح على خير
مازن / و انتى من اهله
مرام تقفل الباب وراها و مازن باصص عليها و هو زعلان
.................
فى مخزن
شريف يدخل هو و محمود يلاقوا هيثم نايم في الارض و دماغه مربوطه شريف يزقه برجله هيثم يصحى يشوفهم يجرى على رجل شريف و يبوسها
هيثم / شريف بيه حقك عليا اقسم بالله ما كنت فى وعيي اقسم بالله .. منهم لله ولاد الحرام حقك عليا يا باشا حقك عليا انا خدامك
شريف / امضي ده و انت تروح
شريف يرمى وصل امانه لهيثم هيثم يمسكه و يبص فيه و يبصلهم
هيثم / و انا حيلتى تسعين جنيه لما يبقي حيلتى تسعين الف
محمود / لو المبلغ كبير نجدوله
هيثم / ايوه يا باشا نجدوله يا باشا نجدوله
شريف / شايف الخرزانات اللى هناك دى
شريف يشاور على كومه خرزانات في الارض
محمود / كل لسعه بجنيه يعني تسعين الف لسعه
هيثم / يا بيه انا معملتش حاجه دى حتى فتحتلى دماغى تسعين الف لسعه ايه بس والله ما كنت فى وعيي
شريف يشاور لراجل واقف على الباب الراجل يدخل و يجيب خرزانه و اتنين رجاله يدخلو يمسكوا هيثم و يقلبوه و يقلعوه الشراب و الراجل يمده و هيثم بيصرخ
الراجل / واحد اتنين تلاته اربعه خمسه سته سبعه
شريف / لما تتعب قول كفايا و امضي على الباقي و روح
الراجل / عشره حداشر اتناشر تلتاشر
شريف و محمود يمشوا و الراجل بيعد و هيثم بيصرخ
.......................
فى نايت كلوب فى روسيا
احمد و زياد و لبني قاعدين و احمد بيصب كاس لزياد
احمد / هههههههههههههههههه وحشتني ايامك يا ابن اللذينه
زياد / تعرف انا كل اللى تاعبنى في الموضوع ايه
احمد / ايه ؟؟ اشرب
زياد ياخد من احمد الكاس
زياد / بنت الكلب اختى البت تخنق يا اخى ولائها الاول لمازن لا تقولي ابوها و لا امها مازن ثم مازن ثم مازن
احمد / هههههههههههههههههه انت اللى ما عرفتش تكسبها يا عم البنات ما بيفرقش معاهم الهدايا و الهبل ده اهم حاجه الكلمه الحلوه
زياد / لا و انت اللى خبير بنات اوى
احمد / و انا لو كنت خبير كنت هقعد زى خيبتها جنبك كدا هههههههههههههههههه
زياد / هههههههههههههههههه على رايك اشرب اشرب
لبني / كفايا يا زياد شربت كتير
زياد / ايه يا بيبي خلينا ننبسط شويه مش كفايا ابن الكلب ده نكد عليا عليك و اخبارك
احمد / انت سكرت و لا ايه
زياد / هههههههههههههههههه ايه ده انت زعلت
احمد / لا يا كوكو ربنا ما يجيب زعل انا بس عليك لحسن تسكر اكتر من كدا و تقع مننا و نحتاس بيك
زياد / ليه هو انا زيك هههههههههههههههههه
احمد / طب خد اشرب اشرب
احمد يصب لزياد كاسه تانيه لبني تاخدها من ايده
زياد / ايه ؟؟
لبني / قوم ارقص معايا تعال
لبني تشد زياد و تقوم للدانس فلور
زياد / خليك انت كدا زى خيبتها هههههههههههههههههه
احمد يبتسم و زياد يروح يرقص مع لبني و احمد متابعهم ثوانى و احمد يشاور لبنتين على ترابيزه تانيه براسه ناحيه زياد يقوموا و يروحوا يرقصوا جنبه و كل شويه واحده تخبط فيه بالغلط و هو بيدحك و احمد متابع
......................
فى المخزن
هيثم بيعيط و يصرخ و رجله غرقانه دم
هيثم / كفايا كفايا ابوس ايديكوا كفايا
الراجل / دا احنا ما كملناش باكو
هيثم / مش قادر ارحمونى ااااااه مش قادر
الراجل / بشوقك امضي على الباقي هنا و امشي و لو تحب فى اى وقت تيجي انت و اهلك تقفلوا حسابكوا اديك عرفت المطرح
هيثم / امضي ايه بس دا انا الهدمه اللى عليا شاحتها
الراجل / بشوقك نكمل عد
هيثم / لا لا لا خلاص خلاص همضي همضي هات و امضي مش قادر هموت ااااااه
الراجل يكتب وصل و يديهوله هيثم يمضي
الراجل / تمام تقدر تمشي بس قبل ما تمشي هنطهرلك الجرح عشان ميتلوثش
الراجل يفتح ازازه سبرتوا و يرشها على رجل هيثم يصرخ
......................
فى الفندق فى روسيا
احمد مسند زياد و يدخل بيه اوضته و يحطه على السرير مسطول على الاخر لبنى ترمى شنطتها على الكنبه
لبني / ميرسي يا احمد تعبناك
احمد يقرب منها
احمد / تعبك راحه ... وحشاني اوى
لبنى / اتعدل بدل ما يعدلك
احمد / يا شيخه و دا عارف حتى يعدل دماغه و بعدين ما تقلقيش منه اللى كان مسنود عليه خلاص بخ دلوقت هو محتاجنى
لبنى / هو محتاجك انما انا محتاجه انام
احمد يحضنها عافيه و يشدها عليه و هى بتحاول تزقه
احمد / بلاش تقل بقي يا لولا اعمل ايه اكتر من كدا عشان تعرفي انك وحشاني
لبني / انت فاكرني ايه
احمد / فاكرك حبيبتي امال انتى هنا ليه
لبني / انا هنا مع جوزى
احمد / دا جوز جزمه هو ده جوز ده و بعدين انا و انتى ستر و غطا على بعض
لبني تفلت منه و تروح على باب الاوضه و تشاورله بره احمد يروحلها
لبني / ان كنت فاكر انك كاسر عيني
احمد / لو كنت عاوز كاسر عينك كنت قولت لزياد على حوار تمثيليه الحمل بتاعتك و لا عن مرواحك لمازن في اوضته فى دبى و لا عن المرات الكتير اللى كنتى بتكلمى مازن فيه تنقليله اخبارنا و لا عن الليله الجميله اللى قضيناها سوا
احمد يلعب في شعر لبني تزق ايده
لبني / انت بتساومنى
احمد / لا طبعا انا بس بثبتلك انى بحبك و انى باقي عليكي
لبني / و المطلوب
احمد / انا مش عاوز اقضي ليله عيد ميلادى لوحدى عاوزها ليله افتكرها العمر كله معاكى
لبني / انت فاكرنى ايه اطلع بره
احمد / التقل صنعه و بيحلى الحاجه بس لما بيزيد بيبوخ
لبني تبصله احمد يدخل يقعد على الكنبه و يحط رجل على رجل لبني تروحله و هى متعصبه
لبني / لو مطلعتش بره حالا انا
احمد يشدها في حضنه
احمد / اسمحيلى اسهلهالك
احمد يبوسها
...................
فى شقه مازن
مازن عمال يتقلب على الكنبه مش عارف ينام يقوم يقعد و ينفخ و يفضل باصص على باب الاوضه و بعدين يقوم و ياخد نفس عميق شهيق و زفير و يروح يقف قدام باب اوضه مرام و يفتح الباب يلاقيها قاعده على طرف السرير و باصه في الارض اول ما يفتح الباب تبصله
مازن / انتى مش عارفه تنامى انتى كمان ؟؟
مرام تبص قدامها
مرام / ملك مش مرتاحه و مش سيبانى ارتاح و كمان انا نمت فتره طويله فطبيعي معرفش انام
مازن / انا ما نمتش و برده مش عارف انام
مرام / تحب تنام هنا ؟؟ اكيد الكنبه مش مريحه برضه
مازن / مش عاوز اديقك او افرض نفسي
مرام تقوم و تروح ناحيته
مرام / ما فيهاش حاجه الاوضه بتاعتك
مرام تطلع بره
مازن / انتى رايحه فين
مرام / هقعد في الليفينج اتفرج على فيلم و لا حاجه
مازن / انا معايا افلام جديده حلوه اوى تحبي اشغلك حاجه
مرام / ماشي
مازن يجرى على الليفنج يايد التليفزيون و يحط فلاشه و يمسك الريمود و يقلب فى الملفات
مازن / كارتون و لا عربي و لا اجنبي
مرام / اى حاجه بس متكونش اكشن و لا رعب لحسن ملك بتتفرج و تقلد فى بطنى
مازن يبصلها و هو مبتسم
مازن / هههههههههههههههههه بتهزرى
مرام / ابدا والله مره كنا بنتفرج على فيلم اكشن و البطل يضرب و هى تضرب تقولش بتتخانقله
مازن / هههههههههههههههههه طب خلاص نشوف فيلم كارتون احسن
مازن يشغل فيلم و يجرى يقعد جنب مرام و يعلى الصوت من الريموت شويه
مرام / هو انت مش هتخش تنام
مازن / اعملك فشار هعمل فشار ثوانى
مازن يقوم يجرى على المطبخ و مرام قاعده بتتفرج على الفيلم
.........................
فى شقه بكرى
ام هدير / يا حبيبي يا ابني اه يا حبيبي يا ابني
هيثم /اااااه يا رجلى يا اما اااااه
عبد الله / حمد الله على سلامتك يا ابو نسب علقه تفوت و لا حد يموت
هيثم / اااااه علقه ايه اللى هتفوت هما سابونى الا ما مضيت وصل امانه بباقي المبلغ الخرزانه بجنيه ياما ااااه و يا ادفع الفلوس يا اجيب حد ينضرب بدالى و قدامى اسبوع و هيسلموا الوصل للنيابه
بكرى / و انت ايه اللى خلاك تمضى يا موكوس يا ابن الموكوس
هيثم / هات خرزانه اكسرها على رجليك لما تشلب دم و ووريني هتمضى لا مش هتمشي هتمضي و لا ولاد الكلب اللى بيضربوا بيضربوا بزمه و لا يتعبوش تقولش مبلبعين بيحللوا القرش اوى ما فيش حتى واحده تجلى يتلخبط في العد انما ابدا ااااااه يا رجلى
هدير تدخل شايله طبق بلاستيك فيه مايه دافيه
هدير / سلامتك يا خويا حط رجلك فى المايه و ان شاء الله خير
هدير تحط الطبق تحت رجلين هيثم يحط رجله فيها
هيثم / ااااااه
هادى / شوفت اخره عمايلك كلنا اتبهدلنا
ام هدير / مش وقته يا هادى اخوك تعبان
هادى / الله مش هو اللى ورطنا الورطه دى مش انت اللى روحت و جبتلنا البلوه دى و بليتنا بيها مش انت اللى اخدت الفلوس من الراجل
هيثم / اه خدت اربعه و اربعين الف جنيه و ما صرفتش منهم جنيه على نفسي كلو على يدكوا حتى اخر تلتلاف كانوا فلوس حنتك انت و اختك و خمسميه ابوك واخدهم و الباقي على الفلوس اللى سحبتها امك و اختك من مرام كانوا فلوس جهازكوا انا مخدتش جنيه من الليله دى لو المفروض حد ينضرب و يسدد يبقي انت و سى عبد الله
عبد الله / و انا مالى انا مخدتش حاجه انا كمان الحنه بتاعتكوا و المصاريف بتاعتكوا انا مليش دعوه
هادى / و هو انا اللى روحت اتهجمت على بنت عمى و هى حامل يا اخى انت ليك عين تتكلم
ام هدير / خلاص بقي يا ولاد مش وقته
هيثم / و انتى يا ست هدير مش روحتى صرفتى على الكوافير و الفستان بتاعك ايه و لا هو وقت الاخد اخويا حبيبي ووقت الدفع و لا اعرفك
هدير / جرا ايه يا هيثم هو انا كنت اعرف ان كل ده هيحصل
هيثم / لا بس الحاجات دى على جوزك
عبد الله / و انا قولتلها تمشي على قد امكانياتى هى زودت من معاها انا مالى
هيثم / ماليش فيه اللى خد جنيه يطلعه انا مش هخش الحبس عشانكوا
هادى / لا مش عشانا بالعكس كلنا بندفع تمن اللى انت عملته احنا اطردنا من الشقق و عبد الله اترفد من شغله و عاوزنا ندفع كمان يا اخى اتقى الله بقي
هيثم / اتقى انت الله هى الفلوس دى مش اتصرفت عليك
ام هدير / خلاص بقي يا ولاد انا تعبت
هادى / هو اللى جاب مرام هنا و هو اللى كان بياخد الفلوس انا اللى خدته رجعته ادتونى شقه و خدتوها اكتر من كدا ماحدش ياخذنى ما ليش فيه
عبد الله / و انا كمان الاتفاق هنتجوز عند امى و العفش اللى كنت مفصله بعناه و خدتوا تمنه حطيتوه على تمن الفرح اكتر من كدا ماليش فيه
هيثم / هى بقت كدا ماشي كتر الف خيركوا يا رجاله على العموم انا تعبان دلوقت لما افوقلكوا لينا كلام تانى
هيثم يقوم بالعافيه و يمشي و هو بيعانى
هادى / ريح في اوضه ابوك عشان شيرين نايمه في اوضتنا هيثم يبصلهم و يدخل جوه
....................
فى روسيا
لبنى بتستحمى و الحمام مليان بخار و هى عماله تعيط وصوت مازن فى ودانها
//////////
مازن / كنت بحاول احافظ عليكى ما كنتش عاوزك تبقي مجرد ليله و تعدى مجرد ليله و تعدى روحتى نمتى مع اخويا مجرد ليله و تعدى ريحتك وحشه اوى ما كنتش عاوزك تبقي مجرد ليله مجرد ليله واحده رخيصه ريحتك وحشه
//////////
لبنى تقعد على ركبها فى ارض الحمام تعيط و الدوش شغال فوق راسها
............................
فى شقه مازن
مازن قاعد جنب مرام و بيتفرجو على فيلم ديسبيكابل مى ٣ و مازن مركز و عمال ياكل فشار يبص جنبه يلاقي مرام نايمه و علبه الفشار فى حضنها يحط العلبه اللى فى ايده على الترابيزه و يوقف الفيلم و يقوم ياخد من مرام العلبه و يحطها على الترابيزه و يقوم يحاول يعدل مرام مرام تتفزع
مرام / اوعى ابعد ابعد
مازن ياخدها فى حضنه جامد و هى بتقاوم و تصرخ
مازن / اهدى اهدى دا انا اهدى
مرام تسكت و تبطل تقاوم بس تفضل تتنفض و هو حاضنها و بيعدى بايده بالراحه على شعرها و هى في حضنه
مازن / اهدى يا قلبي اهدى
مرام مغمضه في حضنه و هو عمال يعدى بايده على شعرها فجاه تفتح و تزقه و تقوم
مازن / مرام
مرام / انا قررت خلاص انا هروح بيتي
مرام تروح الاوضه مازن يروح وراها
مازن / مرام
مرام / انا معدتش تعبانه انا مش محتاجه حد ياخد باله منى انا اقدر اهتم بنفسي كويس
مازن / انتى بجد هتمشي
مرام / انت قولتلى ان القرار بايدي
مازن / قولتلك فكرى
مرام / و انا فكرت
مازن / ايه اللى حصل لكل ده احنا كنا قاعدين بندحك كل ده عشان كنت بعدل راسك الحق عليا يعني
مرام / مازن مازن الموضوع ملوش علاقه بيك الموضوع من اوله غلط و بعدين انت قولتلى القرار بايدى انت اللى بترجع في كلامك اهو
مازن / لا ما رجعتش في كلامى بس
مرام / يبقي تساعدنى اللم حاجتى عشان امشي لو عاوزها اسيبهالك عادى
مازن ينزل شنطه من فوق اولاب و يحطها على السرير و يفتحها
مازن / خدى اللى انتى عوزاه
مازن يبصلها بحزن الحزن يملا وش مرام
مرام / اعتبرها فتره افكر فيها من غير اى ضغوطات انا مش هعرف افكر هنا انت قولتلى اخد وقتى انت قولتلى ان اى كان قراى
مازن / خدى وقتك و لو احتاجتى اى حاجه
مرام / ما تقلقش
مازن / انا رايح انام شويه عن اذنك
مازن يمشي و يقفل الباب وراه و مرام تقعد على السرير تعيط
......................
فى روسيا
زياد يصحي يلاقي لبني قاعده على كرسي التسريحه و بتعمل شعرها بالمكوه
زياد / صباح الخير
لبني / قول مساء الخير احنا داخلين على العصر
زياد / انا ما حستش بحاجه خالص اااه دماغى هتنفجر
زياد يمسك دماغه لبني تبصله
لبني / كام مره قولتلك كفايا كام مره قولتلك هتسكر ينفع كدا
زياد / فى ايه يا بيبي ايه يعني عمرها ما حصلت الله يرحم اما كنت بشيلك و اروح بيكي و انتى مش شايفه قدامك خفى انا مصدع
لبني / و انت هتحس بحاجه براحتك ان شالله تشرب المحيط حتى براحتك
لبني تبص قدامها و ترزع المكوه على التسريحه و تضم ايديها بوكس و تمنع نفسها تعيط
زياد / خلاص يا قلبي حقك عليا معاكي حق انا افورت امبارح سامحيني
تليفزن زياد يضرب
زياد / يووووه و دا مين ده السعاى
زياد يروح يجيب الموبايل من على السرير يلاقى احمد
زياد / ايوه يا احمد صباح الخير
احمد / انت فين يا ابني طول الليل بتتحايل عليا اظبطلك مجلس الاداره و فى الاخر ما تجيش
زياد يبص في الساعه و يجز على سنانه
زياد / انا مش عارف اقول ايه راحت عليا نومه نص ساعه و اكون عندك عطلهم فى اى حاجه مسافه السكه و اكون عندك
زياد يقفل و يجري يطلع بدله من الدولاب و يبدا يغير هدومه
لبني / انت رايح فين
زياد / الاجتماع اللى قولتلك عليه راحت عليا نومه اتاخرت جدا
لبني / مش هتستحمى
زياد / ما فيش وقت متاخر هبقي ارش شويه برفيوم و خلاص
لبني / هتتاخر
زياد / ان شاء الله لا على العموم ما تربطيش نفسك بيا اخرجى و اتفسحي و اعملى شوبينج و هاتى كل اللى نفسك فيه و انا هبقي معاكى بالتليفون و لما اخلص هاخدك و نتفسح حته دين فسحه تحلفي بيها عمرك كله
لبني / تمام
لبني تجيب ازازه بيرفيوم من على التسريحه و تقوم ترش لزياد و هو بيزرر القميص و بعدين ترميها على السرير و تظبطله الجرافاته يبوس راسها و ياخد الجاكت في ايده و ينزل يجري
.......................
فى شقه مرام في الحاره
مازن يحط شنطه مرام في الارض
مازن / انا هكلم محمود يجيبلك اى طلبات تحتاجيها و هراعى خلوتك و مساحتك و مش هاجى النهرده بس هستاذنك اجى بكره اطمن عليكي انتى و ملك
مرام تهز راسها ماشي
مازن / التليفون هيفضل في ايدي طول الوقت لو احتاجتى اى حاجه كلميني
مرام / شكرا
مازن / مش محتاجه اى حاجه
مرام / شكرا
مازن يبص لمرام و بعدين يبص فى الارض و يمشي و يقفل الباب وراه مرام تقعد على الكنبه و تبص حواليها الشقه متغيره خالص تبص فى الارض بحزن و تقوم تدخل المطبخ تفتح التلاجه تلاقيها مليانه اكل مكان العرسان
مرام / تبقى فى بقك و تقسم لغيرك ما حدش عارف الخير فين
جرس الباب يضرب مرام تتخض و تفضل واقفه فى مكانها فتره و بعدين تتحرك بالراحه و هى خايفه ناحيه الباب جرس الباب يضرب تانى مرام ترد بصوت مهزوز
مرام / مين
مديحه / انا عمتك يا مرام
مرام عنيها تتملى دموع و تمسحها بسرعه و تفتح الباب مديحه واقفه مكسوفه منها و كل شويه تبصلها و ترجع تبص فى الارض
مديحه / ازيك يا بنتى
مرام / كويسه الحمد لله
مديحه / ممكن ادخل اتكلم معاكى شويه
مرام / طبعا يا عمتى بيتك اتفضلى
مديحه تدخل و تقعد على اقرب كرسى مرام تسيب الباب مفتوح و تروح تقعد
مديحه / انا عارفه ان ما ليش عين اكلمك بعد اللى حصل بس ربنا وحده اللى يعلم باللى بيا
مرام / انا مقدره يا عمتى اى حد مكانك
مديحه / اى حد مكانى كان هياخد ضناه فى حضنه و يحاجى عليه بس انا ...
مديحه تبص فى الارض
مرام / خلاص يا عمتى اللى حصل حصل و ما فيش اى داعى نفكر فيه او نفتحه من جديد
مديحه / انا ما بنامش يا مرام انا عايشه على المنوم و المهدات هتجنن
....................................
