((((((السكة شمال 2 )))))))))
#لولو_محمد
الحلقه 176
زياد / ملاليم برده
احمد / و مونى
زياد / مالها مونى
احمد / يعنى مش يمكن مازن يميل على اخته و لا جوز اخته و يدخلهم معاه شركا دا لو ما استلفش منهم
زياد / انت تعرف عن مازن انه يستلف جنيه دا يموت و لا انوش يطلب من حد جنيه
احمد / ضامنها يعنى
زياد / هى اصلا ما تجرؤش تطلب من جوزها مبلغ زى ده هتحرج نفسها يعنى و حتى لو مازن عمره ما هيرضى على اخته تتحط فى موقف زى ده
احمد / على العموم انا عاجبنى اوى الجيم ده
زياد / هههههههههههههههههههه واضح ان المدرجات طلعت ممتعه اكتر من الملعب بكتير
احمد / ههههههههههههههههههه معاك حق
..................................
فى شقه مرام
مازن يدخل يلاقى مرام قاعده مستنياه و مبتسمه يحط شنطته و تقوم تحضنه
مازن / لوكتى فين
مرام / نايمه اسخنلك تاكل
مازن / و لا فيا نفس للقمه هموت و انام
مرام / هنرجع للايام دى تانى
مازن / فتره و تعدى اوعدك
مرام / انا اتكلمت مع شريف
مازن ملامحه تقلب
مرام / ما كنتش اعرف انك ممكن تعمل تكليف بينى و بينك
مازن / مرام
مرام / مازن لو سمحت هو كل ده لمين مش لبنتى
مازن / ايوه بس
مرام / انت مش بتقول ان دى حاجتى و عشان كدا مش راضى تبيعهم انا يا سيدى هبيعهم
مازن / و انا مش هسمحلك
مرام / بس دا حقى انا عاوزه اشاركك فى مصنع من دول من حقى هجيب مكن انا كمان و ربنا يفتحها علينا
مازن / يا مرام
مرام / مازن انا و انت شركا فى كل حاجه و انا مقدره جدا موقفك و انك مش عاوز تبيعنى دهبى بس انا كدا كدا مش مستفيده منه اه فرحت بيه بس مركون فى البنك لا اقدر احطه هنا و لا بلبسه و بكره لما المصانع تشتغل و تسد اقساط المكن كل حاجه هتتحسن انا عارفه و هنعيش فى عيشه تانيه خالص و هتعوضنى عن كل ده انا عارفه
مازن / مرام
مرام / عشان خاطرى لو بتحبنى اعمل اللى بقولك عليه بكره تروح البنك و تاخد الحاجه و تبيعها و تشترى المكن الجديد و تفتح باب رزق لعمال جداد و ربنا يفتحها عليك و عليهم
مازن يبص الناحيه التانيه تجيب وشه ليها بحنيه و تبص فى عنيه
مرام / بقولك عشان خاطرى هو انا خاطرى ما بقاش مهم عندك و لا ايه
مازن يمسك ايدها و يبوسها مرام تبتسم
مازن / انا هعوضك عن كل ده وعد
مرام / كفايا دخلتك عليا و دحتك هعوز من الدنيا ايه تانى
مازن يبوس ايدها تانى تنام فى حضنه يحضنها
......................................
فى فيلا زياد
لبنى / انا مش فاهمه منين مش عاوز لا تشارك احمد و لا تشتغل معاه و منين بقيت بتقضى نص الوقت معاه تانى و بعدين هو مش احمد ده اللى قالك ما اقدرش ائذى مازن و مسنود
زياد / ههههههههههههههههههههههههههه هتفضلى كدا لحد امتى
لبنى / طب فهمنى
زياد / هو مش الباشا مسنود من ناس كبيره اوى
لبنى / انت اللى بتقول
زياد / طب فين الناس دول و مازن فى الظروف دى
لبنى / ظروف ايه ماله يعنى مهو فرش مصنعين و لسه اساسا المنطقه الصناعيه ما اتفتحتش يعنى مش بعيد على ما تفتح يكون اتصرف
زياد / منين
لبنى / و انا اعرف منين و بعدين هو انت مش عارف مازن يعنى هيتصرف
زياد / هيبيع القريه يعنى ياريت والله اشترى طب دا حتى الرجل فيها نار الفتره دى الواد سعد طلع عامل شغل جامد ابن اللذينه مع انه كان يبان اهبل اوى
لبنى / خلينا فى موضوعنا
زياد / ما فيش موضوع انا سلمته المصانع صح
لبنى / تمام
زياد / هستنى بقى اما اشوف هيعمل ايه خلاص ما تشغليش بالك انتى بقى باى حاجه تانيه
لبنى / و لو عرف يفرشهم
زياد / خلاص حلال عليه هعمله ايه يعنى
لبنى / يعنى هتسكت
زياد / انتى مش قولتيلى ركز فى شغلك
لبنى / انا قولت اه بس انت ليك دماغ لوحدك هو انا لسه هعرفك النهرده
زياد / هفتح مصانع جنب مصانعه و هنتج نفس منتجاته و هوزعها بربع التمن بتاعه
لبنى / انت مجنون يا زياد انت عاوز تخرب بيتنا انت بجد لسه بتفكر فى الطريقه دى
زياد / يا حبيبتى
لبنى / بلا حبيبتى بلا زفت انا كنت عارفه ان دماغك دى مش هتوديك فى سكه عدله ابدا اسمع يا زياد انا جوزى مش فاشل و اللى انت بتعمله ده مش طريقه واحد ناجح ابدا
زياد / انتى ناقصك حاجه
لبنى / ناقصنى انام تصبح على خير
لبنى تمشى و زياد قاعد مبتسم
..............................
فى الاستوديو تانى يوم
مازن بيطبع صور و يبص عليها تليفونه يرن
مازن / الله الله الله اتارى الكهربا فى المنطقه مش مظبوطه
مونى / ههههههههههههههههههه انت بتقول ايه
مازن / بقول نورتى تليفونى يا قلب مازن من جوه خير يا حوبى
مونى / بيتهيالى عدى وقت كفايه على حوار الفلتين و الشركه
مازن / مونى
مونى / اسمع انا اتكلمت مع كامل و هيسيلى تمنهم و انا هحولك الفلوس
مازن / اوعى يا مونى والله ازعل منك
مونى / يا مازن والله العظيم دا جزء صغير من حقك
مازن / لا دا جزء من حقك انتى انتى كمان كان ليكي ورث و ما اخدتيهوش
مونى / طب فيلا اونكل بس على الاقل ما تقولش بقى ان دى ما كانتش حقك يعنى
مازن / يا بنتى ما تحرجنيش مع جوزك لو سمحتى
مونى / و انت مالك و مال جوزى بس
مازن / اشمعن دلوقت يا مونى
مونى / و ليه مش دلوقت
مازن / مونى
مونى / مازن
مازن / هههههههههههههههههههههههههه شكرا يا مونى بس لا
مونى / انت عندى كدا ليه
مازن / انتى بتعملى كدا عشان عرفتى انى لسه ما فرشتش المصنعين التانين صح
مونى / اه
مازن / ما تقلقيش انا بكره و لا بعده همضى عقود المكن و افرشهم هما كمان شكرا
مونى / منين اخدت قرض
مازن / لا هبيع مجوهرات مرام
مونى / طب ما تاخد حقك منى احسن
مازن / لو كان منك كنت وافقت لكن من جوزك لا فى ايه يا مونى انا مش محتاج اوى كدا يعنى عشان احطك فى موقف زى ده
مونى / هو كامل غريب والله لو كامل سمع الكلام ده ليزعل منك
مازن / مونى مونى انا لو محتاج هطلب تمام خلاض
مونى / تمام انا هشترى المجوهرات بتاعه مرام هعينهالها عندى و لما ربنا يكرمك سددهالى و خدهم و انا اولى من الغريب كانها رهن ايه رايك
مازن / موافق
مونى / بجد
مازن / بجد موافق
مونى / تمام بكره احولك الفلوس
مازن / تمام يا مونى
مونى / ملك عامله ايه
مازن / كويسه الحمد لله بتسال عن عمتها
مونى / اووووووه وحشانى اوى
مازن / فى اول فرصه هجيبهالك تشوفيها
مونى / ان شاء الله انا هقفل بقى لحسن ميزو قلب الدنيا هنا
مازن / ههههههههههههههههههههههههه حبيب خالو
مونى / سلام يا حبيبى
مازن / سلام يا قلبى
مازن يقفل و يرجع يبص على الصور تانى
...............................
فى شقه مازن القديمه بعد فتره
لبنى / هههههههههههههههههههههههههههههههههه
احمد / الراجل هيتنقط و انتى بتدحكى
لبنى / اه لو شوفت شكله يا احمد و هو عمال يتنطت و يقوم و يقعد و وشه الاحمر دا كان فاضل يطلع دخان من ودانه هههههههههههههههههههههههههههههه
احمد / بس ما كنتش متخيل انه يوافق ياخد فلوس من اخته
لبنى / ما اخدش دا باعلها المجوهرات بتاعه مرام و لما يبقى معاه فلوس هيشتريهم منها تانى و بسعر يوم الشرى مش زى ما باعهم لها
احمد / غريبه مرام دى اوى
لبنى / بالعكس دا لو ما عملتش كدا ما تبقاش مرام
احمد / انتى لسه مصره تمشى الناس اللى فى الفيلا مش هتلاقى حد يغطى عليكي فى يوم زى ده
لبنى / لا ما انا هخليهم بس تعمل حسابك
احمد / من غير ما تكملى انا من ايدك دى لايدك دى
احمد يمسك ايدها اليمين و يبوسها و يمسك ايدها الشمال و يبوسها
احمد / انتى عارفه ان مازن كل يوم بيكبر صح
لبنى / عارفه
احمد / و عارفه ده معناه ايه صح
لبنى / ههههههههههههههههههههههههه قولتلك لما هيكبر مش هتقدر عليه
احمد / هههههههههههههههههههههههه
لبنى / انا مش هسمحلك دا لو هقتلك بايدى مش هتردد ثانيه و انت عارف
احمد / ههههههههههههههههههههه
لبنى / امتى يجي اليوم و كل حاجه ترجع زى ما كانت امتى اشوف زياد مكسور و مذلول و ما حلتوش اللضا ما تعمل حاجه بقى انت فاشل اوى
احمد / اعمل ايه يا بنتى اكتر من كدا ما انتى اللى مش عارفه تقنعيه
لبنى / حاولت والله و كتير حتى حاولت كتير افتح موضوع الخزنه و ليه مش بيحط ورق هنا و كدا ما بيجاوبش
احمد / انتى عارفه كدا ان ما فيش غير حل واحد
لبنى / لو كان زياد معاه حاجه ضد مازن كان استخدمها من زمان زياد مرعوب من اليوم اللى مازن هيكبر فيه عارف كويس انه هيطحنه تحت رجليه و ما لوش قدامه فرصه
احمد / انا ما قولتش ان الورق فى حاجه ضد مازن لكن بقول فى حاجه لصالح مازن
لبنى / ما افتكرش زياد مش هيحتفظ بحاجه زى دى هينسفها نسف
احمد / ما فيش فايده يعنى
لبنى / قولتلك لو لقيت فرصه هتعامل بس لا هحرق نفسى و لا اجيب لنفسى مشاكل عشانك
احمد / براجتك
لبنى / هو ما فيش حاجه تتشرب و لا ايه دا البيت دا حته طول عمره بيت الكرم
احمد / ازاى ثوانى
احمد يمشى و لبنى مبسوطه اوى
.................................
فى شقه صافى بعد فتره
شريف / انتى اللى بتقولى كدا
صافى / هو انا بطلب اكتر من حقى يعنى
شريف / لا حقك
صافى / امال بقى يا شريف انا عارفه انك بتحب الشغل و عارفه انك بتلاقى نفسك فيه و انك ناجح جدا بس انا كمان لازم احس انى موجوده فى حياتك انا كمان ليا وقت تخصصهولى انا محتاجاك الوقت ده اكتر من اى وقت تانى
شريف / معاكى حق بس هى فتره و هتعدى والله
صافى / عارفه و هولد و يا عالم هتعيش اللحظات دى تانى امتى انا محتاجه جوزى جنبى انا مش متجوزه عشان حماتى تشيلنى انا متجوزه عشان جوزى يشيلنى الحمل تقيل جدا على مامتك و انا مستتقله نفسى فوق الوصف
شريف / بس هى
صافى / بقيت تقيله عليك يعنى
شريف / عمرك
صافى / يبقى على الاقل يوم فى الاسبوع اجازه ما فيش شغل نهائى تقفل الموبايل و تلغى كل المواعيد و تبقى بتاعى لوحدى
شريف / الفتره دى صعب
صافى / و انا مش هسامحك يا شريف
صافى تقوم
شريف / هحاول
صافى تبصله
شريف / هحاول يوم الجمعه بتاعك
صافى / اوعدنى
شريف / عمرى قولتلك كلمه و رجعت فيها
صافى / شكرا
شريف / انتى عارفه ان دا كله غصب عنى صح انتى عارفه ان كلنا مربوطين فى ساقيه و بندور فيها زى البهايم صح مازن كل يوم فى فرح و مرام يا فى مطعم يا فى ايفنت و انا بين المصانع لانترفيوهات للمحلات للحضانه بلف زى الطور فى ساقيه انتى عارفه ده و عارفه انى بروح البيت ميت من التعب و مع كدا مش بدخل انام الا لما اقعد معاكى شويه بيحصل و لا لا
صافى / بيحصل
شريف / انتى عارفه ان لو عليا ما اتحركش من جنبك بس الموضوع بقى صعب عليا فعلا انا شخصيا تعبت بس للاسف مش قادر اشتكى مش قادر اقوله حاجه و مش قادر اسيب الموضوع لغيرى لان ما فيش حواليا ناس كتير ثقه و دى مسؤليه
صافى تروح تمسك ايده
صافى / و دا اللى بحبه فيك بس انا بشر و بغير انا زى الورده محتاجه شويه اهتمام برضه
شريف يحط ايده على خدها تبتسم
شريف / احلى ورده
.....................
فى الاستوديو
محمود يدخل يخبط على باب مكتب و مازن بيعمل ايديت لصوره
محمود / ادخل
مازن / جيت فى وقتك تعال ايه يا عم هو ان ما كنتش اقولك تعال ما تجيش
محمود / ما انت عارف الظروف الواحد اتهلك فى الجهاز والله
مازن / الله يعينك انت مش ناوى تروح تخلص الباسبورات عشان السفر
محمود يبصله
مازن / مش مرام قايلالكوا انكوا طالعين تركيا فى الهانيمون و لا انتوا غيرتوا رايكوا و لا ايه
محمود / مازن انا عارف انك
مازن / انا خلاص حجزت خد
مازن يقلب فى كروت قدامه و يطلع كرت
مازن / دى شركه السياحه اللى انتوا طالعين معاهم كلمهم و شوف ايه الورق المطلوب و خلصه السفر بعد الفرح بيومين عشر ايام و تسع ليالى تروحوا و تيجوا بالسلامه
محمود / بس الفتره دى انت
مازن / و اه تعمل حسابك ان فتره الدلع خلصت بعد ما تنزل مصر هترجع تستلم شغلك فى المصانع تانى و تقسم الشغل بينك و بين شريف
محمود يبص للكارت اللى فى ايده مازن يبصله
مازن / ايه ساكت يعنى
محمود / مش حاجه والله عادى
مازن / تمام انا همشى دلوقت عشان عندى فرح هتعوز منى حاجه
محمود / تسلم يا مازن و شكرا مردوده ان شاء الله
مازن / انت لو محتاج حاجه هتقول صح و لا فى بينا تكليف
محمود / خيرك سابق
مازن / هو ضريى ليك وحشك و لا ايه ايه خيرك سابق دى انت اخويا الصغير ياله
محمود / عارف والله بس فعلا احنا خلاص كل حاجه تقريبا جاهزه مش فاضل غير البدله يومين كدا و انزل اشتريها
مازن / على البركه
مازن يبص فى الساعه و يرفع حاجبه
مازن / انا كدا هتاخر يلا سلام انا
محمود / سلام
مازن يطلع بره
مازن / ايه يا شباب مش يلا و لا ايه
بنت / عربيه الاوت دور تحت بيحملوا فيها الحاجه
مازن / تمام انا ماشى بقى
البنت / تمام يا مستر سلام
مازن يمشى و محمود يطلع من جوه و هو عمال يبص على الكارت
............................
فى شقه رؤى
صافى / بقولك ايه بطلى زن انا ما عدتش بشوف اخوكى خالص
رؤى / يا بنتى فتره و هتعدى خلاص محمود هينزل الشغل تانى هو الفتره اللى فاتت عشان كان مشغول فى الجهاز و كدا
صافى / شريف ما قاليش حاجه
رؤى / محمود قال لسعد ابيه مازن قاله كدا اول ما يرجع من تركيا هينزل يمسك مع شريف الشغل
صافى / ايوه بس فعلا يا رؤى المرادى بقولك ما فيش فلوس
رؤى / الموضوع مش هيكلفنا غير ايجار محل و الفساتين اللى هنبدا بيها موجوده و واحده واحده نكبره
صافى / مين هيمسكه يا بنتى
رؤى / هيبقى تبع الشغل بتاعك يا صافى و سط المحلات صدقينى الموضوع مربح و هيجيب تمنه دا انا عندى فوق الست فساتين لوحدى و كل واحد شكل
صافى / مهم السته اللى عندك نفس اللى عندى نفس اللى عند شيماء
رؤى / و اصلا كل البنات دلوقت بيعملوا برايدز مايد يعنى هيتاجروا مع بعض برضه كل اللى هنحتاجه بنت شاطره فى التطريز و دى اكيد محلوله عندك يعنى تيجي تقعد فى المحل و بنت كمان تلبس و تقلع و تقيس و شكرا
صافى / احنا معظمنا نفس المقاس فروقات بسيطه بس محل زى ده لازم يبقى فيه كولكشن مقاسات
رؤى / محلوله كام فستان يعنى اتنين تلاته مقاسات كبيره شويه محلوله والله انتى اللى معقداها
صافى / طب خليها لما محمود ينزل الشغل و شريف يهدى شويه و ما تنسيش مصاريف الولاده و كدا
رؤى / صافى
صافى / مش هتسكتى صح نفس الموال فى كل مناسبه و مش هتسكتى حتى فى المناسبات الجايه
رؤى / ههههههههههههههههههههه
صافى / قولى يا رؤى
رؤى / انا معايا مبلغ من نقطتى
صافى / خليه يا بنتى هتحتاجيه و بيتك و جوزك اولى بيه و انتى كمان لسه بتدرسى
رؤى / لا سعد اداهونى و قالى دول بتوعك هو اخد نقطته من اهله و انا اخدت نقطتى من اهلى قسمناها كدا
صافى / ايوه بس
رؤى / و سعد بيقبض كويس و الحضانه بتدخل فلوس كمان يعنى مش محتاجاهم
صافى / و كام بقى المبلغ اللى هتفتحى بيه محل ده
رؤى / ما تدحكيش عليا
صافى / لا هدحك يا رؤى بصراحه مش هكدب عليكي يعنى
رؤى / تلت الاف جنيه
صافى / هههههههههههههههههههههههه حلو ايجار محل صغير جدا يا دوب ياخد الفساتين اللى عندنا بس هو المحل ده مش هيحتاج توضيب
رؤى / انا لو طلبت من ماما هتدينى
صافى / طب ممكن عشان خاطر صافى و عشان خاطر بيدو تصبرى لحد ما محمود يرجع من تركيا و نرجع نتكلم تانى فى الموضوع ده
رؤى / ما انا خايفه الفلوس تتصرف منى
صافى / ياربى عليكي هاتيهم يا رؤى اشيلهملك معايا تمام
رؤى / تمام
صافى / ما كنتش اعرف انك زنانه اوى كدا
رؤى / و الله مش قاصده بس فعلا مش قادره اشيل الفكره من دماغى
صافى / و انا بقولك اهو اول ما المشروع ده يتعمل هتطلعيلنا بفكره جديده
رؤى / الحق عليا يعنى
صافى / لا يا قلبى كتر خيرك بس صدقينى نوعيتك دى بتتعب بصى لاخوكى و سحلته يا بنتى
رؤى / ربنا يقدره يا بنتى والله مقدره جدا تعبه
صافى / انتى نفس النوعيه و نفس العقل بتحبوا الشغل و بتدوله حياتكوا بس برده لازم الواحد يهدى و ياخد نفسه من وقت للتانى عشان يقدر يكمل
رؤى / معاكى حق
صافى / طب الحمد لله ممكن بقى تدينى فرصه انا كمان اخد نفسى و تبطلى زن
رؤى / هههههههههههههههههههه حاضر
صافى / الحمد لله احمدك و اشكر فضلك يارب
رؤى / ههههههههههههههههههههههههه
...........................
فى فرح محمود
كل البنات متجمعين على ترابيزه و بيسقفوا و مروه بتغنى ابن الجيران لنانسى عجرم
رؤى / عرفتوا ليه بقى ما رضيتش اعمل الفقره دى فى فرحى
صافى / ايه يا جماعه ما البنت حافظه و متسلطنه اهى و بعدين فرحها تعمل فيه اللى هى عوزاه
مرام / طبعا ما انتى اللى نشرتى المرض
صافى / والله كانت حلوه
مرام / ههههههههههههههههه انتى كلك على بعضك حلو يا قمر
صافى / ميرسى
شيماء / انا مش قاهرنى غير حاجه واحده
مرام / ليه بس كفالله الشر
شيماء / سى احمد باشا نايم و مخمخ و اول ما نروح بقى هيصحالى طول الليل يشغلى اسطوانه العياط و الصريخ بتاعته
مرام / هو لسه ما ظبطش نومه
شيماء / ابدا و تعبت بجد و الله لولا الكام ساعه اللى بسيبه فيهم لماما مش عارفه كنت عملت ايه
مرام / بكره يظبط اهدى انتى بس
شيماء / و عمر طبعا معظم الوقت فى الصيدليه و انا تعبت
مرام / فى الاول بس بعد كدا هترتاحى صدقينى هيظبط نومه و هتتعودوا على بعض و الحمد لله انك واخده اجازه من الشغل
شيماء / اتعظى يا ست صافى كنت بقول امتى اولد و اهو زى ما حضرتك شايفه بقول كان جوه ارحم
صافى / يجي بس بالسلامه و يطلع عينى براحته
رؤى / انتى مش بتفكرى تجربى تانى يا مرام
مرام / بصراحه مازن مش بيبطل زن بس انا مش حاسه انى مستعده يمكن خايفه يمكن التجربه لسه معلمه جوايا مش عارفه
صافى / اصلا يا بنتى انتى ناسيه انك الرحم بتاعك كان تعبان من اللى حصل و والده قيصرى دا غير المجهود اللى بتعمليه كل يوم ما ينفعش دلوقت طبعا كدا بتظلمى ملك جدا
مرام / والله بقول كدا انا كمان الفتره دى مشغوله انا و مازن كتير و لولا عمتوا مديحه و ماما بطه كان زمان ملك مسحوله حرفيا
رؤى / بكره تكبر و تروح الحضانه و تلاقى عندك وقت كتير فاضى
مرام / يا ريت يا بنتى والله ياريت
..................................
فى فيلا زياد بعد فتره
زياد قاعد فى المكتب و قافل الباب عليه لبنى تدخل تلاقيه سرحان
لبنى / انت هنا و انا قالبه عليك الدنيا
زياد يبصلها
زياد / خير يا قلبى
لبنى / ايه يا ابنى اللى مقعدك هنا لوحدك تعرف انا قولت اتفرج على التى فى لقيت فيلم حلو جدا قولت اناديك تتفرج معايا ايه رايك
زياد / مش فى المود خالص يا لولا معلش
لبنى / ليه بس يا حبيبى فى ايه مدايقك مشاكل فى الشغل
زياد / مش بالظبط بس خلاص معاد افتتاح المنطقه الصناعيه قرب و فى شويه ضغط فى الشغل و كدا
لبنى / انت برده مصمم تعمل نفس المشاريع بتاعته
زياد / مهو هعمل ايه فى المصانع دى كلها يعنى التنويع مطلوب برده
لبنى / تمام براحتك
زياد / انا مش مرتاح للوضع ده الفتره اللى فاتت دى كلها كانت من حقى انا كان لسه قدامى وقت ليه استعجلت و اديته المصانع رتب اموره ليه عملت فى نفسى كدا
لبنى / و انت يعنى ما استفدتش يا زياد
زياد / استفدت ايه بس ما انا كمان ما اخدتش الصفقه بتاعه المنتجع الطبى
لبنى / لا اله الا الله مش انت هتنفذها لوحدك و الناس فى الشركه شغالين فيها و انت اللى قولت لكامل مش محتاج فيها شريك هو انت بتدور على اى سبب تنكد بيه على نفسك و خلاص
زياد يبصلها و يبص الناحيه التانيه لبنى تلف ايديها بحنيه حوالين رقبته و تحضنه
لبنى / بقولك ايه فكك من الفيلم و تعال اما اللبسلك حاجه حلوه و ادلعك شويه انا متاكده ان ما فيش حاجه هتنسيك مازن و سنينه غيرى و لا ايه رايك راحت عليا خلاص
زياد يبص للبنى
زياد / فشر
لبنى / هسبقك خمس دقايق و حصلنى
لبنى تبوسه من خده و تمشى و هو يقوم يجرى وراها يحصلها على السلم
............................
فى الحمام فى شقه مرام تانى يوم
مرام ماسكه تيست حمل و متوتره ينور شرطتين تحط ايدها على بقها و تفضل باصه للتحليل فى ايدها باب الحمام يخبط
صوت مازن / مرام انتى كويسه طولتى اوى جوه
مرام تفتح الباب و التحليل فى ايدها مازن يبصله و يمسكه فى ايده
مازن / ايه ده ؟ يعنى ايه
مرام / انا حامل
مازن يبص فى التيست تانى و يبص لمرام و يبص للتيست تانى
مازن / دا مقلب ؟ مش ظريفه يا مرام
..............................
