(((((( السكة شمال٢)))))))
#لولو_محمد
الحلقه ١٩١
صافى / طبعا يا شريف انت مالك النهرده بتقول كلام غريب ليه
شريف / بحاول الاقى سبب انك مش عاوزه تخلفى منى
صافى / مين دى ؟ انا !!! لا طبعا ما ربنا يباركلنا فى عابد اهو و لسه البيبى ده ولد بقى و لا بنت
شريف / صحيح مش كان نفسك فى بنت اوى
صافى تبتسم
شريف / يمكن ربنا مش عاوز يزعلك عشان كدا بعتلك بنت علاطول و يمكن ربنا عاوز اخ لعابد يسندوا بعض زيي انا و مازن كدا تفتكرى عيالنا هيطلعوا زينا
صافى / بيتهيالى لا
شريف / و دا حلو و لا وحش
صافى / انا مش هقدر اربى عيالى زى ما انا اتربيت و برده مش هعرف اربيهم زى ما ماما بطه ربتك
شريف / ما انا هبقى موجود اساعدك و كمان ربنا يدى لماما بطه طوله العمر تساعدنا
صافى / امين
شريف / انا عارف ان اللى هقوله ده مش على هواكى بس انا سالت فى حوار ربط المبايض ده و طلع حرام
..........................
صافى / مين قال كدا
شريف / افتحى النت و اتاكدى بنفسك ما دام ما فيش حاجه تمنع ده و ان ده امر من الدكتور لا الحمل خطر على حياتك مش من حقك تعقمى نفسك و بعدين دا قرار صعب اوى يا صافى ازاى جتلك الجراءه انك تاخديه اصلا طب فكرتى فيا انا عاوز ايه مش يمكن انا بحب العيال الكتير
صافى / شريف انا
شريف / انا عارف انك ملحقتيش ترتاحى بس دا رزق و رزق غالى اوى يا صافى انتى انسانه محظوظه جدا و مرزقه ما تتبتريش على النعمه لاننا هنضيع لو ضاعت
صافى / افرض انا من النوع اللى ما بتمشيش معايا وسائل الحمل هقلب ارنبه لحد ما اجى فى مره و اموت يعنى
شريف / لا يا قلبى هنروح لدكتور و نركب لوب بعد الولاده جربنا الحبوب و ما نفعتش و اكيد فى وسائل تنظيم اسره كتير و بعدين على فكره بقى انك تجيبيهم مره واحده احسن عشان كل ما بتكبرى فى السن الحمل بيكون اصعب
صافى / اكبر فى السن
شريف/ ايوه يعنى انتى لما تحطى خمس سنين بين كل عيل و التانى هتيجي فى التالت و يبقى عندك كام سنه يعنى
صافى / ما تتكلمش فى الموضوع ده
شريف / هههههههههههههههه هو انتى عندك كام سنه يا صافى
صافى / انت بتستهبل صح
شريف / بناغشك تعالى هنا يا باربى
شريف ياخد صافى فى حضنه
صافى / هبقى بارنى قريب ما تقلقش
شريف / كنت بعشقه و انا صغير
صافى تبصله تلاقيه مبتسم يهز راسه اه تتعدل فى قعدتها
صافى / انت ايه مشكلتك مع الرفيعين يعنى
شريف / بيقرمشوا فى القليه ... هو ايه اللى ايه مشكلتى مع الرفيعين انا مالى و مال الرفيعين انا ليا برفيعه واحده بس اسمها باربى
صافى / طب يعنى انت دلوقت بتحب باربى و لا بارنى حدد
شريف / بحبك انتى
صافى / ابتدينا بقى
شريف / هههههههههههههههههههه طب والله بحبك انتى هو انا لو صحينا الصبح لقينانى اصلع و بكرش مش هتحبيني
صافى / دى حاجه و دى حاجه
شريف / ابتدينا بقى لا يا ستى دى زى دى احنا فى عصر المساواه دلوقت
صافى تبص الناحيه التانيه و تبتسم شريف يشدها فى حضنه تانى
شريف / رؤى حامل
صافى / اه كلمتها و باركتلها و هى كمان باركتلى ضحكنا كتير اوى فى التليفون و لا شوشو كلمتنى تباركلى بتقولى كل ما واحده فينا تحمل تقلدينا اعمليلك شخصيه بقى
شريف / ايوه اعمليلك شخصيه و احملى تالت بقى
صافى تتعدل
صافى / اسكت يا شريف اوعى
شريف يشدها فى حضنه تانى
شريف / خلاص استنى تقى ابقى احملى معاها
صافى / بطل بقى
شريف / بهزر معاكى بقولك ايه انا جوعت ايه رايك اقوم اشوحلنا حتتين كبده و لا نطلب شاورما و نخربها بقى
صافى/ لا انسانى خالص انت فى مغامراتك دى انت بتاكل و ما يبانش عليك و انا لازم اخد بالى من اكلى جدا الفتره الجايه
شريف / اتعدلى يا بت انتى انا ابنى محتاج لغذا
صافى / خليه يسحب من المخزون فى دهون كتير يسحب منها
شريف / طب هغليلك معايا كيلو لبن تتسلى فيه عشان الكالسيوم اللى فى العضم مش عاوزين صفين اللولى دول يضيعوا مننا
صافى تبصله و ترفع حاجبها شريف يبوس راسها و يقوم تقوم وراه
صافى / استنى هساعدك
شريف ياخدها تحت باطه و يدخلوا المطبخ سوا
.............................
تانى يوم تحت بيت فى شارع
مازن راكن العربيه و مرام جنبه و على رجلها ملك
مازن / انتى متاكده ان ده العنوان
مرام / اه بيتهيالى استنى اكلمها تانى
مرام تدى ملك لمازن و تطلع الموبايل من الشنطه و تتصل بحد تلاقى ست و ولد و بنت صغيرين طالعين من بيت مرام تنزل من العربيه الست تشاورلها و تروح عليها مرام تحضنها و تبوسها و تبوس سامح و سها
مرام / كل سنه و انتى طيبه يا قمر مين صاحبه احلى عيد ميلاد النهرده
سها تنكسف و تدارى فى مامتها
مرام / يا قلبى يلا اتفضلوا فى العربيه النهرده يوم مليان مفاجات
مرام تفتح الباب اللى ورا لسها و سامح مرفت تمسك ايد مرام
مرفت / انا عمرى ما قبلت مساعده من حد بس سها فعلا نفسيتها كانت مدمره خالص
مرام / دى مش مساعده و لو اعتبرتيها كدا هتزعلينى منك سورى لو كنت بتكلم من غير تكليف و حضرتك و كدا بس انتى صغيوره يعنى و كدا
مرفت / ربنا يباركلك
مرام / طب يلا اركبى يلا قدامنا يوم طويل جدا
مرفت تركب و مرام تركب تلاقى مازن بيسلم على سها و سامح
مرفت / معلش بوظنالكوا اليوم
مازن / لا ابدا دا احنا اتشرفنا
مازن يسوق العربيه
مرام / ها يا سها جاهزه للمفاجات بتاعه النهرده
سها تبتسم
سامح / انا جاهز
مرام / انت حبيبى
مازن يبصلها و يبص لسامح فى المرايه
مازن / حسابنا بعدين انا و انت
الكل يدحك و مازن يكمل سواقه
.........................
فى فيلا زياد
زياد يدخل اوضته و لبنى مسنداه ينام فى سريره
زياد / انا لو كانوا حجزونى يوم كمان كنت دفنت نفسى اهون ايه الخنقه دى
لبنى / حمد الله على السلامه
زياد / انا بس مش فاهم انتى ليه صممتى اروح البيت ليه ما روحتش الشركه
لبنى / عشان ما تروحش و انت تعبان لازم شكلك قدام الموظفين يكون علاطول قوى
زياد / انتى بتفكرى بدماغ لوخدك على فكره
لبنى / طبيعي امال هفكر بدماغ غيرى كل واحد و له عقله يفكر بيه
زياد / المهم عاوزين نعزم الناس و نعتزرلهم على اللى حصل و نجدد العلاقات
لبنى / و هى كانت امتى اتقطعت دا بالعكس مش جولك المستشفى و اطمنوا عليك طب دا ما فيش احسن من كدا حاجه تقوى الكونكشن بينا
زياد / وجهه نظر بس برده نعزمهم على الغدى مثلا او ممكن نعمل حفله بمناسبه نجاتى و نعزم كل رجال الاعمال و اهو بالمره يتاكدوا انى لسه واقف على رجلى لحسن يفتكروا انهم هيقدروا يخلصوا منى بالساهل و لا حاجه
لبنى / هههههههههههههههههههههه و بتقول انى بفكر بدماغ لوحدى
زياد / ما انا خدت الفكره منك برده
لبنى / تمام ما تقلقش انا هظبط الدنيا المهم عندى انت ترتاح خالص و ما تشيلش اى هم و تركز بس ازاى تقوم و تخف فى اسرع وقت ممكن
زياد / تعالى انتى بس جنبى و انا هقوم زى الحصان علاطول
لبنى / هههههههههههههههههههه انت فيك حيل
زياد / اخس عليكي و انا عمرى قصرت رقبتك
لبنى / ههههههههههههههههه اه منك انت يا مجرم
لبنى تروح تنام جنب زياد
...........................
فى الاتيليه
شريف واقف و معاه تلت بنات و صافى قاعده على كرسى و تقى جنبها
شريف / كل واحد عرف هو هيعمل ايه
بنت 1/ ما تقلقش يا مستر كلو هيبقى تمام ان شاء الله
تليفون شريف يرن شريف يبص من ورا الباب السوكريت
شريف / وصلوا وصلوا كلو يروح مكانه
صافى تقعد على الكاشير و تقى و شريف و يعملوا انهم بيتفرجوا على الهدوم و بنتين يروحوا يستخبوا مازن يدخل ووراه مرام و مرفت و الاولاد بنت 2 تستقبلهم
مازن / السلام عليكم
بنت 2 / و عليكم السلام اتفضلوا
الكل يدخل فجاه كل اللى فى الاتيليه يطلعوا مدافع ورق و يضربوها سها تتخض و تدحك
شريف / هابى بيرث داى سها
مرفت / ههههههههههه حضيتونى
صافى تقوم و توطى على سها
صافى / قالولى فى عيد ميلاد و عاوزين فستان حلو للبرنسيس بتاعتنا صجيح الكلام ده و لا انتى ليكي راي تانى
سها تبتسم و مرفت عماله تبص على المحل يمين و شمال
مازن / و طقم حلو للبرنس
صافى / سورى يا مازن لايديز فيرست
البنات يروحوا مع سها و صافى ناحيه سيكشن الاطفال و مرفت تاخد مرام فى جنب
مرام / انا مش عوزاكى تقلقى صافى عندها احلى الفساتين دا انا جايبه فستان فرحى منها فستان فرحى ايه دا انا تقريبا لبسى كله منها
مرفت / باين فعلا الموديلات حلوه بس انا مش هتكسف منك انا
مرام / اه فهمت لا يا حبيبتى دول هديه من صافى و استاذ شريف جوزها لما عرفوا ان سامح عاوز يفرح اخته قرروا يساعدوه .
مرفت عنيها تدمع مرام تسحبها بره المحل
مرام / تعالى معايا ثوانى
مرفت و مرام يطلعوا يقفوا قدام باب المحل
مرام / بصى يا مرفت هو انتى فكرتى اشمعن صفحه مازن اللى ابنك بقاله اسبوع بحاله بيسال فيها عن السعر مع ان فى صفح مصوريين كتير جدا على الفايس
مرفت تبصلها
مرام / دا رزق لمازن يا حبيبتى مش فضل مننا ربنا بعتلنا سامح عشان احنا محتاجين نساعده ربنا بيجعلنا اسباب بيرزقنا برزق غيرنا فهمتى دا رزقك و ربنا باعتهولك مش فضل مننا و لا حاجه
مرفت / مين يعنى بيعمل كدا دا عمامهم ما بيعبروهمش برنه تليفون حتى
مرام / مش كل الناس محظوظه انها تكون من اسباب ربنا يا مرفت فهمتى
مازن يطلع بره المحل
مازن / سها بتسال علي ماما
مرام تمسك ايد مرفت و تبتسملها و يدخلوا المحل يلاقوا سها لابسه فستان روز فاتح منفوش و شكلها عسل خالص و مسييبه شعرها
صافى / سها نقت فستانها ايه رايك يا ماما
مرفت / ما شاء الله عليكي يا قلبى
مرام / حلوه اوى ما شاء الله فعلا
سها / حلو يا ماما انا كان نفسى فيه من زمان
صافى / حلو اوى نشوف بقى سامح باشا تحب بدله و لا كاجوال
سها / بدله يا سامح بدله
سامح / بدله
بنت 1/ تعال يا حبيبى نقى البدله اللى تعجبك
بنت 1 تاخد سامح جوه و سها كل شويه تلف و مديحه بتبصلها بحب
........................
في فيلا زياد
زياد بيتكلم فى التليفون
زياد / والله يا انس من ساعتها و انا مدايق و مش طايق نفسى
انس / انت اللى مكبر الموضوع ما تتجوز
زياد / انت بتقول ايه يا انس ازاى يعنى طب و لبنى
انس / مالها هو انا قولتلك طلقها اتجوز واحده تخلف منها عيل و خلاص
زياد / لبنى عمرها ما هتوافق يا انس
انس / يا عم هو انا بقولك هاتلها ضره انا بقول مصلحه تخلفلك العيل و تاخدلها قرشين و تروح لحالها
زياد / و هو فى واحده هتبيع ابنها عشان الفلوس يا انس
انس / يا عم دول بيبعوا اعضائهم مش هيبيعوا عيالهم الشحاتين ما فيش اكتر منهم
زياد / و هو ده مقامى برده بقى انا على اخر الزمن بعد لبنى هتجوز شحاته
انس / اما حته فكره بنت ستين كلب
زياد / اللحقنى بيها
انس / سمعت عن حوار تاجير الرحم دى
زياد / وقت هزارك هو
انس / يا عم اقسم بالله ما بهزر دى مشهوره جدا بره و فى مراكز متخصصه رجاله بتبيع الاسبيرم بتاعها و ستات بتبيع بويضاتها و انت تروح تنقى و تشترى اللى يعجبك عاوزه واد بقى بت عنين زرقه شعر اصفر انت و شوقك
زياد / الكلام ده بجد
انس / اقسم بالله بجد
زياد / و انا هعمل ايه بالبويضه و ما فيش رحم
انس / هههههههههههههههههه يا عم ما انا كنت جايلك فى الكلام اهو مهو برده فى ستات بتتاجر تحط العيل جواها التسع شهور مقابل انك تشيل مصاريفها و تاخد فلوس و المركز ياخد حسنته و انت تاخد العيل
زياد / من غير جواز
انس / يا عم ما انت هتكتب العيل باسم مراتك
زياد / قول و الله
انس / والله انا مش عارف انت ازاى عايش فى الدنيا دا الموضوع ده كان جاله فتره و نزل مصر و عمل ضجه كمان
زياد / و لا سمعت عنه
انس / المهم فكر فيها و المساله سهله
زياد / بس الناس هنا مش هتسكت الكل عارف ان لبنى شالت الرحم اول ما يشوفوها شايله عيل هيتكلموا و يقولوا دا ابن سفاح و ابن السفاح لا يرث هبقى عملت اللالى و فى الاخر رميته فى البحر
انس / ما تعملهاش فى مصر اعملها بره خلى لبنى تعيش سنه فى امريكا و قول انها عملت عمليه زراعه رحم
زياد / هو ده ممكن
انس / هو حد هيدور وراك
زياد / يا عم ما ده لو ممكن تبقى اتحلت هما مش بيزرعوا كبد و ينقلوا قلب و كليه و اعضاء كتير يبقى ليه لا
انس / ما اعرفش بقى اسال و اهو كل الحلول قدامك
زياد / انا مش هكلم لبنى الا لما اتاكد من المعلومه الاول مش عاوز اعشمها بحاجه ما تنفعش
انس / تفكير مظبوط
زياد / طمنى عليك انت ايه اخبارك
انس / الحمد لله كويس اسست شغلى و نقلت حياتى و مصاحب حته بت منسيانى الدنيا باللى فيها
زياد / اطمنت عليها
انس / طبعا عملتلها شيك اب شامل
زياد / و رضيت
انس / يا عم هو فى واحده تلاقى دلع و ما تدلعش دا انا صرفت عليها دم قلبى فى اليومين دول
زياد / هههههههههههههههههههههههه على رايك
انس / جبت سيره القط هقفل معاك بقى
زياد / هههههههههههههه روحلها بس اوعى القط تخربشك
انس / يا عم عز الطلب
زياد / ههههههههههههه اقفل يلا مش قادرلك
انس / ههههههههههههههههههه سلام
زياد يقفل و يقعد يفكر
زياد / و الله تبقى فرجت
..............................
فى الملاهى
سها ماسكه بلالين و لابسه تاج و اجنحه فراشه و مازن بيصورها و شويه و سامح يدخل يتصور معاها و يركبوا لعبه ورا التانيه و مازن بيصورها و مرفت قاعده فى جنب مع مرام و صافى و تقى بتجرى ورا ملك بتلعب معاها و مرام و صافى متابعينهم
مرام / هوب لقيت نفسى مكتوب كتابى
مرفت / هههههههههههههه صحيح ما محبه الا من بعد عداوه
مرام / النصيب
مرفت / و انتى يا صافى تعرفيهم من زمان
صافى / يعنى انا كنت اعرف مازن بحكم علاقات بابا الله يرحمه بخال مازن كانوا بيشتغلوا سوا و كدا لما اتوفى كنت بشتغل مع مازن و بعدين اتعرفت على مرام و شريف جوزى بيشتغل مع مازن برده لحد دلوقت بيشتغل مدير اعماله
مرام / مازن و شريف اكتر من اخوات و انا و صافى كمان مش عاوزه اقولك بعشقها قد ايه
صافى تبتسم
مرفت / هى تتحب والله و انتى كمان بصراحه كلكوا طيبين اوى و ولاد حلال انا فى حياتى ما شوفت زيكوا
صافى / لا دا انتى ما شوفتيش ماما بطه بقى مامه شريف جوزى و لا تيته سميحه الله يرحمها جده مرام
مرام الحزن يملا وشها
مرام / الله يرحمها
صافى / كانت ست طيبه اوى و حبوبه
مرفت / الله يرحمها
مرام / المهم مش تقومى كدا تاخديلك كام صوره مع الاولاد
مرفت / انا!!!
مرام / الله مش مامتهم قومى يا شيخه يلا عشان نلحق نروح فى بيت لسه لازم يجهز قبل ما الناس توصل
مرفت / انتوا هتفضلوا معايا لبليل صح
صافى / ان ما كناش تقال عليكي يعنى هفضل انا و مرام و تقى و ملوكه طبعا
مرفت / دا انتوا تنوروا انا تبلت كفته و بانيه فى التلاجه و هنتعشى و نخربها
مرام / دى بتشتمنى يا بنتى باين
صافى / يا مرفت هانم انتى بتتكلمى مع الشيف مرام على سن و رمح
مرفت / غنيه عن التعريف
مرام / دا انا من امبارح و انا بجهز فى احلى عشوه و هتوصل على البيت مع التورتايه و هتدوقى بقى اكل الشيف الصغنن و تقولى بقى استاهل بقى الكلام اللى بيتقال عنى و عن اكلى و لا بيبالغوا
صافى / يا مرفت انا جايه النهرده اصلا عشان اتعشى
مرفت / هههههههههههههههههه والله انتوا ما يتشبع منكوا
مازن يرجع مع الاولاد يشيل ملك و يدخل على مرام
مازن / احنا خلصنا و شريف وصل بره و معاه الزينه و البلالين نوصلكوا البيت بقى على ما التورته و الاكل يوصلوا عشان انا للاسف عندى شغل
مرام / تمام يلا بينا
الكل يقوم و يمشوا
.....................
فى فيلا زياد
زياد بيتكلم فى التليفون
زياد / حلو اوى ابعتلى كل الداتا اللى لميتها اشوفها لحد ما تتكلم مع المراكز دى و تجيب باقى الداتا منهم ... اها ... تمام اوى ... ما تتاخرش عليا .. مع السلامه
لبنى تطلع من الحمام
لبنى / يارب تكون خلصت شغل بقى عشان انا مش هفضل طول اليوم بلف فى الفيلا عشان انت بتشتغل
زياد / هههههههههههههههههههه لا يا قلبى انا اصلا مش بشتغل انا بعمل سيرش عن حاجه مهمه اوى و لو قدرت اوصلها هقدملك احلى هديه ممكن تتخيليها فى حياتك
لبنى / مش فاهمه بس ما دام فى هديه حلوه فى الاخر ربنا يوفقك طبعا
زياد يوصله رساله على الموبايل يبص عليها
زياد / ممكن يا قلبى تناولينى التاب عاوز افتح ايميل مهم
لبنى / هو الاب مش شغال على الموبايل و لا ايه
لبنى تروح تجيب التاب و تناوله لزياد و تروح تقعد على التسريحه و تعمل شعرها و زياد بيقرا الداتا
لبنى / بفكر اغير لون شعرى ايه رايك
زياد / بيبى انتى كدا قمر بس لو زهقانه و عاوزه تعملى نيولوك انتى عارفه انى بحبك فى كل الالوان
لبنى تبص على زياد تلاقيه بيقرا باهتمام شديد
لبنى / هو انت هتعوز منى حاجه النهرده بفكر اخرج بقالى كام يوم فى المستشفى و حاسه انى زهقانه ممكن اعمل شوبينج او اروح اشوف حد من صحابى فى النادى او اروح ادلع نفسى فى الاسبا و لا اى حاجه
زياد/ انجوى يا قلبى
لبنى تبدا تشك و تقوم تروح ناحيته بدلع و هو مركز جدا فى اللى بيقراه لبنى تنام جنبه بدلع و تلعب فى شعره يبصلها
لبنى / انت بجد مش محتاجنى جنبك
زياد / انا ما استغناش عنك يا قلبى
لبنى / اصل انا مش حاسه انها فكره كويسه بس انت باين عليك مشغول اوى شكله مشروع كبير اور ثامثينج
زياد / مش قولتلك بجهزلك مفاجاه حلوه اوى
لبنى / طب ما فيش هينت صغنن كدا ... بليز بقى يا زيزو الفضول هيموتنى قول بقى قول
زياد / كنت بتكلم الصبح مع انس و قالى فكره جامده اوى
لبنى / انس !!!
زياد / المهم انا طلبت منهم يتاكدولى من المعلومات اللى انس قالها
لبنى/ واحده واحده عشان انا مش فاهمه حاجه
زياد / تعالى بصى هنا دى حالات عملت عمليه زرع رحم بتلاقى متبرعه مناسبه و نقدر ننقلك منها رحم
لبنى / ايه الهبل ده هو ينفع
زياد / طلع ينفع اقرى بنفسك
لبنى تبصله و تاخد منه التاب و تبص فيه باهتمام
.........................
فى الفندق عند سعد
رؤى بتتكلم فى التليفون
رؤى / تسلمى يا مروه كلك زوق
مروه / و الله ما عزومه مركبيه فعلا لو محتاجه اى حاجه
رؤى / انا مش ناقصنى فعلا اى حاجه الحمد لله
مروه / هو انتى يعنى هتفضلى عندك لحد ما تولدى هناك لوحدك
رؤى / اكيد لا طبعا بس على ما الحمل يثبت المهم طمنينى انتى عليكي عامله ايه
مروه / الحمد لله كويسه و جبت شويه هدوم للبيبى انما ايه عسل فى حياتى ما انبسطتش و انا بشترى حاجه زى ما انبسطت و انا بشترى هدوم البيبى
رؤى / ربنا يتملك على خير
مروه / انا و انتى يارب و صافى كمان
رؤى / امين عامله ايه فى الشغل لسه بتروحى و لا اخدتى اجازه
مروه / بروح يوم و اتنين لا يعنى لو فى حاجه مهمه اوى بروح و ساعات والله ما بقدرش و مش بروح خالص
رؤى / انا كنت فاكره انى هتابع الحضانه فى الاجازه بس زى ما انتى شايفه زى قلتى
مروه / يا بنتى انتى فى ايه و لا فى ايه اهم حاجه ترتاحى عشان اللى فى بطنك
