((((((السكة_شمال٢))))))))
#لولو_محمد
الحلقه ٩٩
مرام / انا مضطره اعتزر لحضرتك انا مرتاحه فى بيتي اكتر
فريده / الموضوع كله اننا نبين للناس اننا اسره انتى اكيد ما يرضيكيش الكلام اللى اتقال في حق عمك ابراهيم يعني
مديحه / شو يعني قدام الناس تاخدوا البت تتصورول معاها صورتين بنتنا و حبيبتنا و بعدين لما الشو يخلص
فريده / احنا مش مضطرين نعمل شو م الناس احنا ناس لينا سمعتنا في السوق و اى كلمه بتتقال بتضر الاسهم بتاعتنا و فى الاول و الاخر دى فلوس ملك
تهانى / انا رايي ان الموضوع ده لازم مازن يكون له راي فيه
فريده / انتى ومازن لما تيجوا الفيلا علاقه مازن بوالده اكيد هتتصلح
مديحه / و زياد و الحربايه مراته و لا احنا هننسي عملوا فينا ايه
فريده تبص لمديحه
فريده / احنا فى الاول و الاخر عيله فى بعضينا
مديحه / و احنا ما بنحبش بيت العيله كله مشاكل
……………………..
فاطمه / الحجه تهانى معاها حق مرام تتكلم مع جوزها و اللى يتفقوا عليه هو اللى يكون
مرام / نتكلم على ايه
فاطمه / انك تروحى تعيشي مع حماكى
مرام / انا فاكره اننا بنتكلم عن حوار التليفزيون
مديحه / هتطلعى فى التليفزيون تقولى ايه ضربونى و كانوا عاوزين يموتونى و لا جالى بيتي شتمنى بدل المره اتنين و لا احكى عن موت ستك الله يرحمها
فريده / على فكره دا مش اسلوب يا مدام
فاطمه / اهدى بس يا حجه فريده
فريده / مرام انا مضطره استاذن هبقي اجى فوقت تانى نعرف نتكلم فيه
مديحه / و فرى وقتك و روحى اتكلمى مع مازن احنا طول ما هو مش هنا احنا هنا
فريده تبص لمديحه بقرف و تبص لمرام و تبتسم و تمشي مرام تروح تفتحلها الباب و تقفل وراها الكل يدحك
مديحه / فاكره هتيجي تستفرد بيكي دا بعينها
تهانى / هههههههههههههههههه
.......................
فى الشركه
تليفون مازن يرن يبص فيه يلاقي ابراهيم
مازن/ صباح الخير يا بابا
ابراهيم / و هيجى منين الخير و انت متجوز الحربايه دى
مازن / لا اله الا الله
ابراهيم / يعنى فريده تروحلها لحد عندها التانيه تطردها هى و الزفته جارتها دى اللى اسمها مديحه
مازن / و هى ايه اللى وداها هناك اصلا و ليه انا ما اعرفش انها رايحه و بعدين مرام تعبانه من امبارح و مصر كلها عندها النهرده
ابراهيم / مامتك يا سيدى اتصلت بيها و قالتلها اجيلك لو فاضيه قالتلها تعالى اتاريها نصبالها كمين
مازن / اولا انا مامتى الله يرحمها ماتت و حضرتك عارف اما بقي مرام تنصب لفريده هانم كمين فا دى فحد ذاتها نكته اكبر من انها تكون مامتى
ابراهيم / انا هكدب عليك يعنى
مازن / استغفر الله هى اللى كدابه
ابراهيم / انت مش مستحمل الهوى على مراتك و جاى تغلط فى مراتى
مازن / هههههههههههههههههه معاك حق انا اسف ياريت بعد كدا لما مدام فريده هانم تحب تزور مرام تكلمنى انا و تتفق معايا عشان ما حدش يعملها كمين
ابراهيم / المهم فى برنامج لايف عاوزين مرام تطلع فيه تاكد اللى قولناه امبارح
مازن / دى فكره وحشه جدا فكره مين دى حضرتك عاوز تطلع مرام فى برنامج لايف عشان تحكى كل اللى حضرتك عملته فيها من اول مره شافتك فيها لحد التحليل اللى حضرتك طلبت انها تعمله مرورا بقي بالبلطجيه اللى قتلو جدتها و سبب طلاقها
ابراهيم / يا سلام
مازن/ والله انا عن نفسى مش فاكر اى موقف عدل عملتوه معاها بس لو تحب فكرنى
ابراهيم / بغض النظر احنا
مازن / بغض النظر تنسوا الفكره دى و سيبوا مرام فى حالها البنت تعبانه و على وش ولاده فلو سمحتوا انسوها
ابراهيم / انا عملتلك اللى انت عاوز مش قادر تعملى الخدمه دى
مازن / صدقنى يا بابا انى ما اطلعش مرام على الهوا دى اكبر خدمه ممكن اقدمها لحضرتك حتى لو قالت الكلام اللى حضرتك عاوزه الناس هتعرف انها بتكدب
ابراهيم / انها تبان وسطينا هياكد كل اللى قولناه
مازن / لما تبقي تقوم بالسلامه نبقي نشوف الموضوع ده زى ما قولت لحضرتك مرام تعبانه اوى الفتره دى
ابراهيم / ما فيش فايده يعنى
مازن / ما علش يا بابا تعبانه هنعمل ايه
ابراهيم / ماشي يا مازن كلمت اختك
مازن / لا ما كلمتهاش النهرده فى حاجه و لا ايه
ابراهيم / لا ما فيش بس تقولها على التطورات اللى حصلت تقولها عيب عمايلها دى
مازن / حاضر يا بابا هقولها
ابراهيم / تمام يلا مع السلامه
مازن / سلام
مازن يقفل و يتصل بمرام
مازن / قلبي عامله ايه دلوقت احسن
مرام / اه الحمد لله
مازن / عملتى ايه مع فريده
مرام / كانت عوزانا نعيش معاهم فى الفيلا و اطلع فى برنامج تليفزيون مع مذيعه صحبتها
مازن / مين كان معاكى لما جت
مرام / هههههههههههههههههه مصر كلها ماما فاطمه و البنات و عمتى و ماما تهانى
مازن / كويس
مرام / هتتاخر
مازن / لا مش اوى بس فى كام مشوار كدا عاوز اخلصهم فى السريع بصي لو هيمشوا كلمينى ما تقعديش لوحدك
مرام / والله صعبانين عليا متزنبين جنبي
مازن / ما عليش يا قلبي النهرده بس و زى ما اتفقنا لو الوجع استمر هنروح نكشف بالليل
مرام / والله يا مازن هو التقل خف بس شغاله ترجيع شويه تقل و شويه ترجيع اتصلت بالدكتوره قالت عادى و ارتاح و كدا
مازن / كلمتيها يعنى
مرام / اه كلمتها
مازن / تمام يا قلبي .. صحيح كنت عاوز اقعد اتحاسب معاكى عشان نبدا على نضافه
مرام / نتحاسب على ايه
مازن / يعنى احنا تقريبا بقالنا تسع شهور متجوزين فى تلاتين يوم فى متوسط خمسين بوسه فى اليوم يبقي عليكى حوالى امممم
مرام / هههههههههههههههههه خمسين بوسه !!!
مازن / دا اقل سعر فى السوق و اسالى بره دا انا حتى لا حاسبت على الاحضان و لا ال
محمود يدخل
مازن / تمام تمام بصي احسبي انتى بقي و لما اجى بالليل نتحاسب
محمود / انجز
مازن يزغرله
مازن / سلام يا مرام سلام
مازن يقفل
مازن / مش قولتلك مليون مره تخبط قبل ما تخش
محمود / ما انت ما عندكش حد
مازن / بغض النظر انجز خير
محمود / العقود بتاعه المنطقه الصناعيه جت من عند المحامى
مازن / تمام سبها ابص فيها حاجه تانى
محمود / لا
مازن يبص لمحمود محمود مش على بعضه مازن يدحك
مازن / هههههههههههههههههه مش قادر انت صح
محمود / هههههههههههههههههه هموت
مازن / هى صعبه بس تستاهل تعال نتخيل انك فضحته هتاخد وزر كام واحد يشوف القرف ده طب تفتكر ايه اسوء حاجه ممكن تاذي زياد من ورا الفيديو ده طب تفتكر واحد خان البنت اللى خسر الدنيا بحالها عشانها عشان شويه فلوس هيخضع لابتزازك اعقلها هتلاقي ان الفيديو ده و لا له اى لزمه
محمود / لو مالوش لازمه بعتوهولنا ليه
مازن / السؤال جالك انت ليه ليه ما راحش لشريف او ليا اشمعن انت فكر فيها كدا
محمود / مش قادر
مازن / حاول ما عليش حاول
محمود يهز راسه و يمشي
..................
فى اوضه زياد
لبنى خارجه من الحمام لابسه برنص و لافه شعرها بفوطه تروح تقعد على التسريحه و تفك الفوطه و تبدا تكوى شعرها تليفونها توصله رساله تروح تفتحها تلاقي صوره خاتم
لبني / اول ما شوفته ما قدرتش اتخيله فى ايد غير ايدك وحشتيني
باب الاوضه يخبط
لبني / ادخل
امانى تدخل و فى ايدها بوكس صغير
امانى / ده جه لحضرتك مع مندوب
لبني تاخد البوكس و تفتحه تلاقي جواه نفس الخاتم
لبني / شكرا اتفضلي انتى
لبني تتصل بالتليفون
احمد / اكيد الهديه وصلتك
لبني / انت ليك عين تكلمنى
احمد / انتى اللى متصله يا بيبي
لبني / احمد ما تستهبلش انت فاهم قصدى
احمد / وحشتيني اعمل ايه
لبني / افرض زياد كان هنا افرض
احمد / لا ما تخافيش انا عارف ان ما فيش حد عندك و بعدين زياد دا كيوت خالص اليف كدا ما بيعضش
لبني / انت مستهون بيه اوى
احمد / هههههههههههههههههه انتى عارفه كويس مش محتاج اعرفك اؤمرى انتى بس و انا اطلقك منه و اجيبك تعيشي جنبي هنا اصلا انتى كنتى معاه عشان تبقي جنب مازن و فكس لزمته ايه بقي
لبني / لزمته انه جوزى و هو مهما كان وحش عندى بالف واحد من عينتك
احمد / هههههههههههههههههه تعرفي تقوليها عشر مرات ورا بعض من غير ما تغلطى
لبني / انت حيوان
احمد / عندك قميص نوم حلو بحب الاحمر عليكي اوى ابعتيلي صوره تصبيره
لبني تقفل فى وشه السكه
لبني / ربنا ياخدكوا كلكوا ربنا ياخدكوا
لبني تحدف علبه الخاتم فى المرايه تكسرها و تقف تنهج بعصبيه
......................
فى شقه مازن بالليل
مرام قاعده عالسرير فى اليفينج لابسه كاش حمالات فوشيا و جنبها علبه كبيره مليانه فشار و التليفزيون شغال تسمع باب الشقه بيتفتح تزق العلبه تبعتبرها على السرير و الارض و تشمر الكاش لفوق شويه و الغطا لحد ركبتها و تعمل نفسها نايمه مازن يدخل يشوف المنظر يتنهد يطفى التليفزيون و يسيب الموبايل بتاعه على الكومدينيو مسنود على طقطوقه و يسيب مرام على وضعها و يدخل اوضه النوم و يغير هدومه مرام تستغرب انه مغطاهاش و تقوم تقعد و تحاول تبص عليه تلاقيه خارج من الاوضه لابس بجامته تعمل نايمه تاني بسرعه يدخل الاوضه ينضف الفشار و ياخد الموبايل و هو خارج و يروح المطبخ يحط الفشار على الرخامه و يدخل الحمام و يقفل الباب و يشغل الموبايل يشوف مرام و هى بتتحرك تبص عليه يبتسم
مازن / ماشي
مازن يقفل الموبايل و يطلع من الحمام يروح الليفينج و هى عامله نفسها نايمه و يغطيها و ينام جنبها و يكتفها في حضنه
مرام / انت بتعمل ايه وسع
مازن / دا سريرى
مرام / طب اوعى اروح انام في سريرى
مازن / ليه هو دخول الحمام زى خروجه بس ايه الحلاوه دى دا الكاش هياكل منك حته
مرام / سيب يا مازن ما تفرهدنيش انا تعبانه خلقه
مازن / خلاص متقاوميش
مرام / طب استاخر شويه
مازن / ما تخافيش مش هتقعى انا ماسكك كويس
مرام / دا انا لو طولتك هديك واحده تغير ملامحك
مازن / هههههههههههههههههه لو بقي
مرام / اه اه ايه ده اه
مازن / ايه في ايه
مرام / ملك بتخبط جامد اوى
مازن / فين
مرام / هنا مازن يفك و يحط ايده على بطنها
مازن / هنا
مرام / لا يمين شويه
مازن / هنا
مرام / اه حاسس
مازن / لا فى ايه
مرام / وسع وسع
مازن يقوم و هو مخضوض مرام تعمل مش عارفه تاخد نفسها
مرام / مش عارفه اخد نفسى شكلها طلعت فوق تانى
مازن / طب اعمل ايه
مرام / ناولنى كبايه المايه
مرام تقوم تقعد على حرف السرير و مازن يجري يجيبلها كبايه المايه من الناحيه التانيه تمسكها و تقوم تقف و تكبها فوشه و تطلع تجري و تدخل اوضتها و تقفل الباب وراها
مازن / طب بالراحه لتقعى مش هجري وراكى بالراحه يا بت هههههههههههههههههه ماشي ماشي
مازن ينام مكانه تانى و هو مبتسم
مازن / هتروحى منى فين يعني براحتك
مازن يجى يقوم يسمع صريخ
مرام / مااااااازن
مازن يجرى يفتح الباب يلاقى مرام واقفه فاتحه رجليها و بتبص على الارض فى ميه و هى بتعيط مازن يبص على الارض و يبص على مرام مرام تبصله و هى خايفه
مرام / الدكتوره قالت لسه بدرى
مازن / شنطه الولاده فين
مرام / مازن انا خايفه
مازن / ما تخافيش انا معاكى اهو تعالى تعالى
مازن يسندها يقعدها على اقرب كرسي و يفتح الدولاب يطلع هدوم و يرميها في الارض لحد ما يلاقي اسدال يلبسهولها و هى بتعيط
مرام / مازن
مازن / شنطه الولاده فين
مرام تشاورله على ضرفه الدولاب و ايدها بترتعش يجري يفتحها و يطلع الشنطه و يطلع هدومه من الدولاب و يلبس و مرام بتحاول تنظم نفسها
مازن / هكلم الدكتوره فى الطريق تقابلنا هناك و هكلم محمود و شريف و ماما تهانى تحبي اكلم حد تانى
مرام / انا خايفه ما تسبنيش
مازن يجرى يمسك فى ايدها
مازن / عمرى عمرى قومى تعالى هتقدرى تمشي و لا اشيلك
مرام / همشي همشي
مازن / تمام
مازن يحط الشنطه على كتفه و يسند مرام بالايد التانيه تمشي معاه و يطلع بيها يركب الاسانسير
.................
فى شقه شريف
شريف بيفتح الدولاب بسرعه و يطلع هدوم و يلبس صافى تصحى
صافى / فى ايه يا شريف
شريف / مرام بتولد
صافى / ايه
صافى تقوم تجيب هدوم و تلبس
صافى / انا جايه معاك استني
شريف / ما فيش وقت اللبسي براحتك و تعالى مع ماما و البنات
صافى / تمام تمام ابقي طمنى
شريف يجرى و صافى تكمل لبس
..............
فى شقه محمود
مديحه بتلبس الطرحه
محمود / يلا ياما ابوس ايدك مش وقت حنتفه دلوقت
مديحه / هى فين الحنتفه دى يا واد ما انا متسربعه اهو
محمود / طب يلا يلا
محمود يمسك ايد مديحه و ينزلوا يجروا
مديحه / بالراحه يا وله هتكعبلنى
محمود يسيب ايدها
محمود / هسبقك اطلع العربيه
محمود يجري و مديحه تنزل تجرى وراه
مديحه / ما كنا هناك و الدكتوره قالت لسه بدرى
..................
فى مستشفي خاص
مرام لابسه لبس العمليات و قاعده فى اوضه و مازن ماسك ايدها و هى بتعيط
مرام / ما تسبنيش انا خايفه
مازن / انا معاكى اهو معاكى
مرام / مازن انت وعدتنى ما حدش ها يحرمنى من ملك صح ؟؟
مازن / قومى بالسلامه بس قوميلها بالسلامه
مرام / ادخل معايا تعال معايا انا خايفه ادخل لوحدى
مازن يبوس ايدها و يفك ايده منها و يمشي مرام تمد ايدها تحاول تمسكه مازن يفتح باب الاوضه يقابل ممرضه
مازن / انا عاوز ادخل معاها العمليات
الممرضه / هبلغ الدكتور حالا حاضر
الممرضه تمشي شريف يدخل بيجرى
مازن / عملت ايه
شريف / امنت العمليات و الحضانه و الدور ده كله فاضي
مازن / لو النهرده عدى على خير
شريف / بعد اللى حصل على الهوا ما فيش مخلوق هيقدر يقرب من مرام ما تخافش
مازن / تمام
الممرضه ترجع و معاها كرسي بعجل
الممرضه /الدكاتره مستنينكوا فى اوضه العمليات
مازن / كلم دكتور اطفال يجي
شريف / حاضر حاضر
الممرضه تدخل الاوضه مازن يجري يقوم مرام و يقعدها على الكرسي و يزقها تقابل في الطريق فاطمه و البنات داخلين يجروا
مرام / ادعولى
فاطمه / تقومى بالسلامه يجعلهالك ساعه ساهله يا قلبي
مازن و مرام و الممرضه يدخلوا الاسانسير و الباب يقفل و الكل واقف متوتر
.................
فى فيلا زياد
لبني / اتعصبت كسرتها فيها ايه يعني هصلحها على حسابي يا سيدى
زياد / هو انا بتكلم عن المرايه ايه اللى عصبك بالشكل ده
لبني / مخنوقه كنت مخنوقه طول الوقت قاعده بين اربع حيطان لوحدى ما بعملش حاجه فى حياتى غير انى اكل و انام و اعمل شوبينج و اروح الاسبا زهقت انا وحيده يا زياد وحيده
زياد / انتى عايشه عيشه كل البنات بتحلم بيها و بعدين يا ستى و لا تزعلى نفسك فتره و ان شاء الله نجيب بيبي
لبني / و اتلخم بيه و بامبرز و رضاعه و تبقي حياتي كلها الولد راح التمرين و لا عمل الواجب شكرا
تليفون زياد يرن
زياد / انتى يعني عاوزه ايه دلوقت... ثوانى ... ايوه ... ايه!!! امتى ؟؟؟... طبعا .. زى ما فهمتك دى اخر فرصه... هستنى منك تليفون يلا سلام
لبني / فى ايه
زياد / مرام بتولد
زياد يسيب الاوضه و يطلع يجرى
لبني / قومهومله بالسلامه يارب
لبني تغمض و تقعد على السرير و هى حزينه
...................
فى اوضه العمليات
مازن متعقم و لابس مشمع و بونيه شعر و و فى دكاتره و ممرضات كتير فى الاوضه الدكتور بيركب لمرام الكانوله و هى نايمه مرام بتبص عليه و بعدين تبص لمازن
مرام / مش هتسيبني صح
مازن / هتفوقى تلاقيني جنبك
مرام تبص للدكتوره
مرام / هو انا لازم اولد قيصري
الدكتوره /الرحم مش هيستحمل حزق
مرام تبص لمازن يمسك ايدها الدكتور يحطلها الاوكسجين و هى بتبص لمازن و تعيط
مازن / ان شاء الله هتقومى بالسلامه
مرام تغمض عنيها مازن يبص للدكتور
الدكتور / هستاذنك تقف هناك عشان نشوف شغلنا
مازن يسيب ايد مرام على عينه و يروح يقف هناك يدعى و يقرا قران
................
فى اوضه ابراهيم
ابراهيم بيلبس
فريده / لازم تقنعه باى شكل طظ فى شكلنا قدام الناس لازم ما يكتبش البنت باسمه
زياد / لو عصلج اقنعه انه يشوف مرام بقرشين و نجيب للبنت ام تليق بيها
ابراهيم / مش هيوافق دا فاكرها ملاك
زياد / قوله يكلم مرام و يخليها هى تختار هتختار الفلوس و هيشوف بعنيه
فريده / الموضوع ده مش لازم يوصل للصحافه يا زياد
زياد / معاكى حق انا هعمل اللى اقدر عليه
ابراهيم يمشي و زياد يطلع الموبايل و يتصل بحد
.............
فى المستشفي
اوضه مرام زحمه جدا و كلهم بيقروا قران محمود بره واقف جنب شريف بيتكلم فى التليفون
شريف / تمام يا فاروق وريني بقي هتعمل ايه
محمود / انت بتعمل ايه صحافيين ايه اللى يجوا هى الاميره ديانا اللى بتولد
شريف / لازم تدبس ابراهيم قدام الناس كلها
محمود / و دا يهمه دا باكس
شريف / استني
شريف يطلب حد فى التليفون
شريف / ايوه يا عبده صحيتك و لا ايه ... حبيبي تسلم بص انا عاوزك تسمع اللى هقولك عليه و تنفذه بالحرف الواحد تمام ؟؟
.........................
فى اوضه العمليات
الممرضه بتلبس ملك و مازن بيتفرج و عمال يعيط
الممرضه / تحب تشيلها
مازن يبص للملك و للممرضه و هى ماده ايدها و خايف يهز راسه لا و الدموع بتنزل من عنيه
مازن / اخاف تقع منى
الممرضه / ما تخافش ضم ايديك و انا هشيلهالك خدها عشان تاذن فى ودانها
مازن يربع ايديه و الممرضه تشيله ملك يقربها منه و يشمها يبتسم و يعيط في نفس الوقت و يبص على مرام مازن يقرب ملك من بقه و ياذن فى ودنها
مازن / الله اكبر الله اكبر الله اكبر الله اكبر اشهد ان لا اله الا الله
.................
فى الاوضه
صافى / هما اتاخروا كدا ليه هو طبيعي يتاخروا اوى كدا
الكل يبص لبعضه الباب يتفتح و الممرضه تدخل بتجر سرير و مرام نايمه
الممرضه / لو سمحتوا يا جماعه
محمود يشاورلهم بره الكل يطلع و عينهم على مرام و مازن يدخل الممرضات ينقلوا مرام على سريرها
محمود / شريف فين
مازن / راح الحضانه مع ملك
محمود / مالها
مازن / كويسه بس الدكتور هيخليها تحت المراقبه لحد ما مرام تفوق
محمود / الف مبروك يا ابو ملك
مازن يبصله و يبتسم و يرجع يبص لمرام محمود يطلع بره مازن يروح يمسك ايد مرام و هو بيعيط و الممرضات يخرجوا و يقفلوا الباب وراهم
مازن / بقيت ابو ملك يا ام ملك بت زى القمر شبهك بدر ما شاء الله قومى بالسلامه يلا عشان نخاويها
مرام تان
مازن / سلامتك يا قلبي
الباب يتفتح و فاطمه تدخل
فاطمه / الف مبروك يا حبيبي
مازن يمسح دموعه و يبصلهم و يبتسم
.....................
فى الحضانه
شريف لابس مشمع و متعقم و قاعد يقرا قران و يدعى جنب ملك لابسه بمبرز بس و محطوطه في حضانه و ملفوف شريطه على ايديها ممرضه تدخل و هى متوتره
الممرضه / انت بتعمل ايه هنا يا استاذ اتفضل بره
شريف / الدكتور امجد ابو العزم سمحلى
الممرضه / يا استاذ ما تجبلناش الكلام لو سمحت اطلع
دكتور يدخل
شريف / جيت فى وقتك يا دكتور امجد
امجد / ايه الاخبار
الممرضه / كلو تمام يا دكتور اطمن حضرتك عن اذنكوا
الممرضه تطلع تجري امجد يبص على ملك و شريف متابعه
.................
فى اوضه مرام
مرام نايمه و مازن جنبها بيقرا قران الباب يتفتح و ابراهيم يدخل
مازن / بابا !!!
ابراهيم / ولدت ؟؟
...............................
