(((((((السكة شمال 2))))))
#لولو_محمد
الحلقه 182
يسرى / احمد بيه ايده طايله و ما بيرحمش
لبنى / مش هيعرف حاجه و لو عرف انا هحميكي منه ما لكيش انتى دعوه
يسرى / يا ست لبنى انا مش لوحدى فى البيت هنا كل اللى هنا بيقولوله كل صغيره و كبيره و لو انا كلامى ما كنش زى كلامهم رقبتى اللى هتطير
لبنى / ما لكيش دعوه انا هتعامل مع الباقين
يسرى / يا ست لبنى
لبنى / انتى بتناهدى كتير ليه الدنيا حر و انا مش قدرالك يلا خدى العصير ده و هاتيلى بداله واحد ساقع يلا ما تقرفنيش
يسرى / يا ست هانم
لبنى / انا اللى عندى قولته و زياد بيه زمانه جاى و عاوزه اللعب الرياضه بتاعتى قبل ما يجي و انتى معطلانى شوفى هتعملى ايه و خلصيني
يسرى / امرى لله حضرتك عاوزه منى ايه و انا تحت امرك
لبنى / عاوزه اعرف كل حرف سمعتيه و قولتيه لاحمد امبارح و زى ما قولتلك كل حرف الكلمه بتفرق انتى فاهمه و لا لا
.......................................
يسرى / كل اللي سمعته ان حضرتك و زياد بيه كنتوا بتتكلموا عن واحد اسمه مازن و واحده صحفيه احمد بيه مسلطها عليه و حضرتك قطعتى شراينك عشان حد قالك كلام عن الست الوالده الله يرحمها و حضرتك عاوزه حقك منه و عشان كدا اتخانقتى مع زياد بيه
لبنى / مين الحد ده
يسرى / ما فهمتش
لبنى / يسرى
يسرى / اللهى تعدمينى ما فهمت و هو ده اللى قولته لاحمد بيه بالحرف
لبنى / على العموم هيبان
يسرى / الفيديو
لبنى / لما يبان يا يسرى و لا ايه
يسرى / قسما بالله ما بكدب
لينى / انا ما بحبش الرغى الكتير روحى غيريلى العصير يلا هاتى بعد كدا جواه تلج الدنيا حر زى ما انتى شايفه
يسرى / تحت امرك يا ست لكل عن اذنك
لبنى تشاورلها و تقوم تقلع الفستان لابسه تحتيه مايو اسود تنزل فى البسين و تاخده رايح جاى
...........................................
فى شقه مازن
مرام قاعده بتتفرج على التليفزيون المذيعه مستضيفه ست شيك جدا
الست / مهو مش كل واحد معاه جنسيه امريكيه هيجي يخوفنا مصر دوله عظيمه و ليها تاريخها و شعبها شعب عظيم
المذيعه / حضرتك بتقولى اتوجهلك تهديد
الست / طبعا و انا قدمت بلاغ للنائب العام و قولتله شخصيا انى واثقه فى القانون المصرى و انه هيجيبلى حقى فين حريه التعبير هو احنا هنفضل لحد امتى نشوف الغلط و نسكت عليه هو كل واحد معاه قرشين و جنسيه هيجي يبهدلنا مين مازن منتصر عشان يتعمل عليه الضجه دى كلها دا بقى اجره فى اليوم الواحد اغلى من القاعه نفسها بيعمل ايه يعنى غير انه يمسك الكاميره و يتك على الزرار عمل ايه لمصر عشان يبقى مشهور اوى كدا فين قطاع الضرايب من واحد زى ده امبارح كان مفلس النهرده عنده اربع مصانع و قريه سياحيه و بيقبض فى اليوم قد كدا و مراته عندها مطعم و بتعمل ايفنتات و اعلانات و هى قاعده فى البيت ما كل الستات بتعرف تطبخ من اين لك هذا مهو لو الطبخ بيكسب اوى كدا ما كل الستات بتعرف تطبخ دا اشهر شيف فى مصر ما قدرش يعمل اسم مرام بالسرعه دى
ملك تتحرك قدام التليفزيون
مرام / وسعى يا ملك مامى عاوزه تتفرج
المذيعه / ايوه حضرتك بس كل ده باسم ملك
ملك تروح تقعد على رجل مرام
الست / مهو ده اللى مودينا فى داهيه كل واحد يوزع ثروته شويه باسم مراته و شويه باسم حماته و شويه باسم عياله و تدورى وراه بقى تلاقى اخره البدله اللى عليه فين حق البلد فى الفلوس دى فين حق المصريين ازاى الحكومه ساكته على الموضوع ده دا غسيل اموال صريح
المذيعه / دى تهمه كبيره حضرتك
الست / مازن منتصر طول عمره مثال سئ للشاب المصرى حتى والده حرمه من الميراث مازن منتصر لما لقى الكل ضده و كارهه و مشاكله كتير دبح كام عجل و وزعهم على الغلابه و طلع نفسه بطل قومى عمل ايه مازن منتصر عشان يبقى اسمه على كل لسان خلف بنت و سماها ملك مين ملك عشان كل الناس تجرى تتصور معاها اوى كدا
المذيعه / الناس بتحب البنت عشان الاحداث اللى كانت محيطه بولادتها و العقيقه بتاعتها
الست / دا كلو شو اعلامى مازن عارف كويس سيكولوجيه المشاهد المصرى و طيبه قلبه بيدخلهم من نقط ضعفهم بنت جميله بريئه بتضحك مين مش هيحبها و طبعا هو يبان الاب الحنين الزوج المتعاون انهى راجل بيعمل كدا مهو واحد فاضى لا شغله و لا مشغله و كل واحد معينله مدير اعمال يجرى وراه و عامل لنفسه هيبه و اسم هو فى ايه احنا فين هنا
المذيعه / ايوه بس مازن له فولورز كتير على السوشيال ميديا من زمان جدا
الست / من قله ادبه من البنات اللى بيرقصوا و العلاقات اللى بيعملها و صوره الباد بوى اللى كان مصدرهالنا لم بيها على قد ما لم و بعد كدا قرر يلم نوع تانى من المتابعين و نوع تالت و شغال على كل لون
المذيعه / معانا مداخله تليفونيه من مازن منتصر اهلا مازن اخبارك
صوت مازن / الحمد لله تمام انا بس حبيت اعمل مداخله و ارد اذا اذنتيلى
مرام / ربيها بنت الكلب اللى فقعانى دى
المذيعه / طبعا حق الرد مكفول للجميع
صوت مازن / اولا انا سعيد جدا ان الاستاذه شرشر ادتنى حاجات جديده و جميله ارفع بيها بلاغات تانيه سب و قذف انا حقيقى سعيد جدا بحماس حضرتك المتفانى و اهم حاجه انك بتحشرى كلمه مصر و المصريين فى كل جمله بعد اذن حضرتك تشرحى لمصر و المصريين انتى عملتى ايه لمصر قدمتى ايه للمصريين يعنى تعالى نتخيل مثلا لو لا قدر الله انا و مرام و ملك صحيتوا الصبح ما لقيتوناش حضرتك عارفه كام بيت فى مصر هيتقفل عارفه كام اسره هتخسر شغلها حضرتك بقى لما هتختفى تفتكرى كام واحد هيسال عنك او يفتكرك حتى
مرام / ردى بقى
الست / مش باللمه الكدابه يا مازن بيه
صوت مازن / تمام انا قولت اللى عندى و الباقى حضرتك مجرباه قبل كدا مش جديد عليكي يعنى بما انك مش اول مره تتحبسى بسبب السب و القذف و محاولات تشويه صوره رجال الاعمال
الست / اوعى تفتكر انك هتخوفنى بعلاقاتك انا ما بتهددش ان مؤمنه بنزاهه القضاء المصرى
صوت مازن / ههههههههههههههههههههههههه
الست / انت بتستهزء بالقضاء المصرى !
صوت مازن / لا طبعا بس حضرتك مكانك مش هنا كان اولى تقدمى فى معهد التمثيل
الست / انا ما اسمحلكش
صوت مازن / على العموم انا قولت اللى عندى
المذيعه / مازن بيه اذا سمحت
صوت مازن / اتفضلى
المذيعه / حضرتك فى ايفنت الاسبوع الجاى
صوت مازن / اه ان شاء الله هيبقى فى ايفنتات طول الوقت
الست / و دا بقى اسلوبك فى الرد عليا
صوت مازن / لا دا اسلوبى فى الحياه ابقى جربيه ... انا مضطر انهى الحوار هنا عشان انا عندى فرح بس استمروا و ياريت استاذه شرشر تشتمنى انا و مرام كام شتمه حلوه نسخن بيها الموضوع و نكتر المتابعين و كدا اصلى بقالى كتير ما اتشهرتش و كدا
المذيعه بتعانى انها تمسك ضحكها الست تبصلها تلم نفسها مرام تقفل التليفزيون و تبص لملك
مرام / مش هنخلص من الهم ابدا يا ملوكه مش عارفه هنرتاح امتى بقى تعالى اما احميكى
مرام تشيل ملك و تدخل الحمام
...................................
فى شقه فيلا احمد
احمد نايم تليفونه يرن جنبه يفتح عينه و هو بينفخ و يمسك التليفون و يرد
احمد / نعم
راجل / اللحق يا احمد بيه الشركه بتتحرق
احمد يقوم مفزوع
احمد / ايه !! ازاى
الراجل / ماس كهربى و مش عارفين نطفيها
احمد / على الشغل اللى بتعملوه انا جاى حالا المطافى جت و لا لسه
الراجل / كلمناهم بس لسه ما وصلوش
احمد / دا انا هخرب بيتهم و بيتكم انا جاى حالا
احمد يقوم يلبس بسرعه و ينزل
.....................................
فى فيلا زياد
لبنى نايمه جنب زياد و بتدحك على اخرها
زياد / عشان تعرفى غلاوتك عندى بس
لبنى / و هو انا كان لازم ابعد عشان اعرف غلاوتى عندك ما كانش ينفع تعمل كدا من نفسك
زياد / انتى اللى مش صابره انا قولت نستفيد منه قبل ما نخلص عليه
لبنى / برده بتدور على التفاهات يا ابنى انت بسكوتك بتطمعه فيك من امن العقاب اساء الادب
زياد / و ادينى ربيته
لبنى / عرف ان انت اللى عملت كدا
زياد / لا مهو انا برده مش ناوى احرق كروتى كلها مره واحده
لبنى تنتبه
لبنى / مش فاهمه
زياد / باختصار كشفت الورق كله على الترابيزه بعدت لمازن ايميل بيفضح فيه ست شرشر و تحويلات احمد ليها و الاتفاق اللى بينهم بالادله
لبنى / طب ما ده كويس
زياد / بالظبط
لبنى / لحظه لحظه انت عملت كدا عشان مازن يبان كان هو اللى حرق الشركه
زياد / مش جديد عليه ما طول عمره لما حد بيدايقه بيولع فيه
لبنى / بس مازن بريئ
زياد / و انا واثق ان احمد هيقتنع هههههههههههههههههههههههههههه
لبنى / انت مريض عارف كدا
زياد / لا اله الا الله انا مش عملتلك اللى انتى عوزاه
لبنى / لا يا زياد مش ده اللى انا عوزاه انا عاوزه حقى مش عاوزه حرب الحرب ما فيهاش غير خساير يا زياد كلنا بنخسر بنحرق بعض و ندمر بعض لكن انا عاوزه هدوء عشان نقدر نركز فى البيزنيس بتاعنا و نكبر
زياد / اكتر من كدا
لبنى / اكتر من كدا دا انا اكتر حاجه كانت بتعجبنى فيك طموحك فاكر لما كنت بتقولى بكره ابقى اغنى واحد فىا العالم بكره اكون اكبر قوه اقتصاديه على الارض طول ما انت بتبص على البتاع التافه اللى اسمه مازن ده عمرك ما هتوصل
زياد / ما فيهاش حاجه لو دوسته برجلى و انا بكبر و طلعت عليه
لبنى / ما فيش فايده صح ؟ انا لو بكلم حيطه كان فهم
لبنى تسيب المكان و تاخد موبايلها و تمشى
زياد / فى ايه بقى
لبنى / نازله اقعد فى الجنينه شويه اتخنقت
زياد / اتخنقتى !!!
لبنى تمشى و ترزع الباب وراها
زياد / على الستات و نكدهم بلا هم
زياد ينام و يشد الغطا عليه و هو بينفخ
...................................
فى شقه مازن
مازن قاعد فاتح اللاب و شريف جنبه و بيبصوا على الايميل
شريف / هو ولاد الكلب دول مش هنخلص منهم
مازن / شركه الدهبى اتحرقت النهرده الفجر
شريف / سمعت تفتكر مين
مازن / تفتكر ليها علاقه بينا
شريف / اكيد مش احنا
مازن / ما انا عارف انت كمان انا اقصد ليها علاقه باللى هو عمله معانا و لا دى عداله السماء و لا ايه
شريف / ممكن تكون مجرد صدفه انت عارف اعداءه كتير
مازن / المهم ناوى تعمل ايه
شريف / هعمل ايه يعنى هفضح الدنيا هنشر الادله دى فى كل الصفح و الجرايد و هقدمها للنائب العام
مازن / مش حاسس انها فكره كويسه خصوصا فى الظروف دى
شريف / انت بتفكر فى ايه
مازن / انا عاوزك تبعت الورق ده لمريم شرشر قولها اننا عرفنا مين اللى وراها و انها لو ما نزلتش اعتزار رسمى احنا هنفضحها
شريف / طب ما الناس هتسال برده ليه فجاه كدا
مازن / بعدين هنبقى نتكلم لو احتاجنا يمكن لما الدنيا تهدى شويه انا مش عاوز اى حد يربط اسمى باللى حصل لشركه احمد
مرام تدخل تحط الشاى
مرام / مش بعيد يكون هو اللى حرق الشركه عشان مازن يلبسها
مرام تقعد و شريف يبصلها
شريف / والله مش بعيد عليه يعملها عادى
مرام / بس ايه اللى فكره بينا احنا مش كنا خلصنا من الهم ده
مازن يتنهد شريف يقوم يقف مازن و مرام يقوموا يقفوا
شريف / بص ما تشغلش بالك و اتعامل عادى و عيش عادى و انا هعمل اللى اتفقنا عليه مع الست دى
مرام / انت ما شربتش الشاى
شريف / انا لو اتعصرت هنزل شاى تسلم ايدك مره تانيه
مازن / تمام تابع معايا على التليفون اى جديد
شريف / اساسى
مازن يوصل شريف للباب شريف يبصله
شريف / بما انهم افتكروك مش حاسس انها فكره كويسه انك تسيب مرام و ملك هنا لوحدهم
مازن يبص فى الارض و يبص على مرام بتشيل الصينيه و تدخل المطبخ
شريف / انا هرجع اكلم شركه الحراسه من بكره ما فيش قشايه بتاعتك مش هيبقى عليها حراسه
مازن / كلم خليفه يفتح عينه كويس على المصانع خليه يجيب رجاله من البلد عنده ناس ثقه مهما حصل ما ينفعش حاجه تحصل للمصانع دلوقت
شريف / ما تقلقش كدا كدا التامين مغطى الممتلكات انا بتكلم على حمايه الحاجات الاهم
مازن / ما يجرؤش
شريف / الاحتياط واجب
مازن / تمام
مازن يتنهد شريف يبتسم و يمشى مازن يقفل الباب مرام تطلع من المطبخ
مرام / كنتوا قولولى اتوزعى بدل ما تقفوا تتودودوا على الباب كدا
مازن / ما فيش حاجه بتفوت من جنبك انتى خالص كدا
مرام / معلش اصلى تخنانه شويتين
مازن / هههههههههههههههههه شوف انا بقول ايه و انتى بتقولى ايه ... هى ملك فين صحيح مش سامعلها حس يعنى
مرام / سلامه الذاكره ملك نايمه دا انت اللى منيمها بايدك قبل ما شريف يدخل
مازن / ههههههههههههههههه الواحد دماغه راحت منه خالص
مرام تبصله بطرف عينها و مبتسمه
مازن / مصالحه و لا دلع
مرام تروح تتعلق فى رقبته يحضنها
مرام / حب
مازن / قلبى يا ناس
مرام / هههههههههههههههههههههه
................................
فى شقه مازن القديمه
احمد يفتح الباب و يدخل يلاقى اكل و شموع و لبنى قاعده حاطه رجل على رجل فى الصالون
احمد / ايه الهبل اللى انتى عاملاه ده انتى مدىه معاد لخطيبك
لبنى / شوف و انا اللى بحاول اصالحك
احمد / ههههههههههههههههههههه بقولك ايه اللعبى غيرها قولتيلى تعال ضرورى خير اؤمرى
لبنى / الحق عليا انى بحاول اللحقك قبل ما تخسر كل حاجه
احمد / تلحقينى و لا تلحقى مازن
لبنى / الاتنين زياد هيضرب كل العصافير بحجر واحد هيخلص منك و من مازن فى خبطه واحده
احمد / و عشان كدا بتنامى فى اوضه لوحدك
لبنى / هو انت عارف الاول انا بتكلم عن ايه
احمد / بتتكلمى عن حرق مازن لشركتى
لبنى / الحاجه الوحيده اللى بتعجبنى فيك ذكائك فا ما تقفلنيش منك ركز و شوف مين فعلا يقدر يعمل حاجه زى دى و مصلحته ايه
احمد / قصدك ايه
لبنى / انت فاهم قصدى كويس زياد هو اللى حرق الشركه و بعت لمازن ايميل فيه دليل اتفاقك مع الست دى اللى اسمها حاجه كدا شرشر
احمد / و انا المفروض اصدق ده
لبنى / براحتك على العموم الشركه كانت البدايه روح خلص على مازن و زيحه من طريقه و ما تجيش بعدها تعيطلى
احمد / الشركه دى مبنى و شويه ورق اشترى غيرها و اقف من تانى على رجلى
لبنى / فلوس بتترمى فى الارض و على راى المثل خد من التل يختل يا احمد بيه
احمد / و المطلوب يا لبنى هانم
لبنى / زياد لازم يخسر حاجه كبيره لازم ودنه تتقرص لازم يخاف
احمد / زى ايه
لبنى / زيي
احمد يرفع حاجبه لبنى تبتسم
.............................
فى شركه زياد
زياد قاعد بيشتغل تليفونه يرن يبص فيه و يبان على وشه الضيف و يرد
زياد / والله العظيم على بالى بس الدنيا مشاغل اخبارك يا ابنى
انس / الحمد لله كويس
زياد / بخصوص العروسه انا كلمت لبنى و ...
انس / لا انسى انسى انا كنت بكلمك بخصوص حاجه تانيه خالص
زياد / ايه لقيت و لا ايه
انس / لا لقيت ايه انا ما دورتش اصلا حتى اللى اهلى جابوهملى سدوا نفسى عن الستات خالص هو ايه اللى حصل لبنات مصر يا عم
زياد / هههههههههههههههههههههه يا عم انت فى ايه و لا فى ايه
انس / يا سيدى ما تدوقش هو الواحد هيعيش كام مره
زياد / هههههههههههههههههه صحيح كلام الليل مدهون بذبده
انس / يا ابنى اهدى بقى خلينى اقولك الكلمتين و انجز
زياد / قول يا سيدى حقك عليا مش هقاطعك تانى
انس / انا ناوى ابيع شركتى اللى فى روسيا هنا بصراحه زهقت من البلد البارده دى
زياد / ناوى ترجع و لا ايه
انس / لا يا عم ارجع ايه انا بفكر اروح فرنسا عاصمه الحب و النور
زياد / يا دى النيله و انت هتعمل ايه فى فرنسا يا ابنى
انس / نفس اللى بعمله هنا عادى يعنى
زياد / براحتك المهم اؤمرنى اقدر اساعدك ازاى
انس / بص انا كنت ناوى اكلم احمد ابيعهاله بس لسه هتصل سمعت ان شركته فى مصر اتحرقت قولت قدر و لطف ابعد عنه السعادى
زياد / هههههههههههههههههههه صحيح من خاف سلم
انس / المهم ايه رايك
زياد / ماشى يا انوس شوف عاوز فيها كام و انا شارى
انس / حبيبى يا احلى زيز فى الدنيا
زياد / على الله يطمر
انس / طامر والله عيب عليك دا انت حبيبى
زياد / المهم يا ابنى مش هشوفك
انس / يا عم ظبط و كلمنى و انا من ايدك دى لايدك دى
زياد / طبعا ما انا هشترى منك و امشيلك مصلحتك
انس / تعرف عنى كدا
زياد / هههههههههههههههههههههههه د انت كدا نفسه اشتكى منك يا ابنى
انس / ههههههههههههههههههههههه حبيبى يا زيزو
................................
فى شقه شريف
شريف يدخل الشقه يلاقى هدوء و الدنيا كلها ضلمه و الستاير مقفله و الشبابيك مقفوله و ما فيش ذره نور واحده فى الشقه يقفل الباب بالراحه و يبدا يتحرك ناحيه جوه بحزر يدخل اوضه صافى يلمح خيال واقف جنب سرير البيبى يايد النور بسرعه صافى تبصله و هى متبهدله على الاخر و عينها وارمه و شعرها منكوش و تصرخ فيه
صافى / اطفى النور
شريف يطفى النور صافى تزقه بره و تروح ترمى نفسها على الليفينج
صافى / لو كان صحى والله ما كنت هسامحك
شريف / مالك يا صافى
صافى / مالى !!
صافى تبص لشريف و هى مستغربه
شريف / ابدا اعملك حاجه دافيه تهدى اعصابك
صافى / لا اطفى النور و خلينى انام شويه
شريف / تمام هتنامى فين
صافى / مكان ما انا قاعده كدا
شريف / طب ما دام انتى عاوزه تنامى اوى كدا ما كنتى سبتيه لماما و نمتى زى ما شوشو بتعمل
صافى / انت عديت على مامتك قبل ما تجيلى
شريف / للاسف لا
صافى / لو كنت عديت كنت عرفت رؤى و سعد و عمر و شيماء و احمد و تقى كلهم تحت هنام فين انا و لا اسيبه ازاى و مع مين طب دا عابد بالنسبه لاحمد نسمه الواد ده بيرضعوه قهوه باين و لا يمكن بيدوله منشطات
شريف / ههههههههههههههههههههههههه طب خشى نامى و ارتاحى شويه انا مش نازل تانى
صافى تبصله شريف يحاول يعدل شعرها تبص على ايده و تقوم تجرى على الاوضه و تايد النور و تبص فى مرايه التسريحه و تصرخ عابد يصحى تقعد تعيط و شريف يدحك و يحط لعابد التاتينه ينام تانى يروح يقعد جنب صافى على السرير و يحضنها
صافى / انا بقيت بشعه
شريف / انتى احلى ام مبهدله شوفتها فى حياتى
صافى / انا حاسه ان هيجيلى انهيار عصبى
شريف / نامى يا حبيبتى نامى و لو صحى هعمله ببرونه تمام
صافى تبصله و تمسح دموعها
صافى / انت لسه بتحبنى يا شريف
شريف / اكتر من الاول كمان
صافى / احلف
شريف / والله العظيم بحبك
صافى تحط راسها على المخده شريف يغطيها
شريف / انا اسف لو كنت هسال يعنى هو فى غدى و لا ايه النظام
صافى تقوم تقعد و تبصله باستعطاف
صافى / والله يا شريف
شريف / تمام تمام نامى انا هتصرف الله يعينك نامى
صافى تنام تانى شريف يطلع بره و يطفى النور وراه و يروح المطبخ و يفتح التلاجه يلاقى طبق فيه بطيخ متقطع و طبق جبنه
شريف / عدى يا شريف عدى مش على اللقمه يعنى
شريف ياخد الطبقين و يطلع رغيف عيش و يقف ياكل اول لقمه عابد يعيط
شريف / جايلك يا ابن الكلب جايلك
شريف يروح الاوضه يلاقى صافى بتقوم يشاولها تنام تانى و ياخد عابد و يطلع بره
.................................
فى الاستوديو
مازن بيعدل صوره على اللاب محمود يدخل
محمود / اخبار الفنان بتاعنا ايه
مازن يلفله و يبتسم
مازن / تعال يا بكاش تعال
محمود يدخل يسحب كرسى و يقعد
محمود / فى ايه يا باشا شايف الحراسه رجعت تانى فى ايه
مازن / اجراء احترازى مش اكتر
محمود / و ماله بس اشمعن دلوقت
مازن / يعنى الاحداث اللى حصلت قلقت شريف شويه فقولنا نامن نفسنا
محمود / يعنى ما فيش حاجه تقلق يعنى
مازن / لا يا حوده ما فيش ما تقلقش المهم طمنى انت اخبارك ايه
محمود / بالليل هبقى اقولك
مازن / بالليل !!
محمود / شاكين ان مروه حامل فحجزت بالليل هنتاكد و اقولك
مازن / طب يا عم مبروك مالك بتقولها كدا و انت كاشش فى نفسك
محمود / مش كاشش انا بس مقلق
محمود ينفخ
مازن / مالك يا ابنى فى ايه
محمود / امها يا عم مش هتسكت الدراسه و مش الدراسه
مازن / هههههههههههههههههههه لا يا عم امها هتعمل لولولولولولى و هتاخدها عندها كمان عشان ترتاح و تانتخ
محمود يبصله
مازن / هو انت ما فهمتش الست دى لحد دلوقت تقولك لسه محتاجه وقت عشان الجهاز و هى شاريه كل حاجه و تقولك الدراسه و هى بتجرى على جوازها من اولى ثانوى الست بس بتعمل منظر يا عم دا مفيش اغلب منهم
محمود / عارف والله بس احنا كدا هنرجع الحاره تانى
مازن / بيتهيالى احسن على الاقل تبقى جنب مامتها
محمود / و امى
مازن / انت خليك جنب امك و لو عاوز ممكن اديك مفتاح شقه الحاره تقعد فيها انت و مروه و اهو يبقى مقفول عليكوا باب برده
محمود / انت بتقول ايه يا عم لا طبعا
مازن / مرام مش هتعترض و اهو وضع مؤقت لحد ما الحمل يثبت و تطمن على مروه
محمود / لا الغى الفكره دى خالص احنا هنقعد فى بيتنا و اللى عاوز يجي يقعد معاها
مازن / مرام عرفت
محمود / لا انت اول واحد تعرف ... على حد علمى انت عارف مروه بير مالوش ارار
مازن / هههههههههههههههههههههه انت هتقولى
محمود / هههههههههههههههههههههه
...................................
فى شركه زياد
زياد قاعد فى المكتب و هو متعصب و عمال يحاول يتصل بحد فى التليفون غير متاح شاب يدخل
زياد / لقيتوها
الشاب / للاسف لا
زياد / دورتوا فى كل حته
الشاب / دورنا فى كل الاماكن اللى حضرتك قولتلنا عليها ما فيش مكان سبناه حتى بيوت صحباتها و شقه والدتها القديمه و الشركات و اتصلنا بكل الناس اللى تعرفكوا و دورنا فى كل الفنادق و المستشفيات و الاقسام و حتى حاولنا نمشى ورا شبكه الموبايل مقفول و اخر مكان ظهرت فيه فى الفيلا عند حضرتك
زياد / يعنى ايه الارض اتشقت و بلعتها يمكن تكون سافرت بره مصر
الشاب / لا حضرتك سالنا فى الجوازات كمان ما سافرتش و دلوقت الرجاله شغالين انها تكون اجرت مكان شقه او فيلا الحاجات دى للاسف بتاخد وقت لانها مش بتدخل على اى سيستم كومبيوتر فى اى حته
زياد يخبط على المكتب بعصبيه
زياد / دا كلام فارغ
باب المكتب يتفتح و احمد يدخل
احمد / ايه يا زيزو ما فيش حد بره ليه ايه ما لقيتش حد ثقه تمسكه السيكرتاريا و لا ايه
زياد / مش فايقلك النهرده فوت علينا بعدين
احمد / ايه لسه ما لقيتش لبنى و لا ايه
زياد يتعدل و يبص لاحمد شظرا احمد يقعد على كرسى و يحط رجل على رجل و يبص لزياد بمنتهى الثقه
.....................................
