(((((السكة شمال 2)))))))))
#لولو_محمد
الحلقه 159
لبنى / انصحك تشوفى محامي شاطر من دلوقت
مونى / انتى بتستفزيني
لبنى / انا بوعيكي انتى لو مش عارفه مامتك و اخوكى لحد دلوقت يبقى محتاجه تفوقى
مونى / صحيح انا بكلم مين
لبنى / بتكلمى بنت الكلب الشيطانه اللى بتصحى و تنام تاذى فى البشر
مونى / انا ما قولتش كدا
لبنى / من غير ما تقولى عن اذنك
لبنى تقوم و تدخل جوه و مونى وراها
زياد / جيتي فى وقتك كامل لسه حاكيلى عن صاحبه مراته بتابع فى مركز هنا و عملت حقن مجهرى و جابت تلت توائم
لبنى /تلاته مره واحده بسم الله ما شاء الله لا انا واحد بس كفايا فين اصلا البطن اللى تشيل تلاته
زياد / انا بفكر نطمن على ماما و نروح نبص بصه بما اننا هنا و لا ايه رايك يا مونى
مونى / عن اذنكوا مصدعه طالعه انام
مونى تطلع فوق و عنين الكل معاها زياد يبص للبنى تشاوله على فوق
زياد / عن اذنكوا هطلع اتكلم معاها
زياد يسيب المكان و يقوم
...................................
فى اوضه مونى
زياد يخبط على الباب و يدخل مونى تقف
زياد / ممكن اتكلم معاكى شويه
مونى / ياريت انت مش هتصدق انا بقاوم قد ايه اننا نتكلم
زياد / و انتى مش محتاجه لكل ده اقعدى نتكلم
زياد يقعد قدامها
زياد / الفتره اللى فاتت من يوم ما انا اتخرجت و انا شغال بنا و مناول مع بابا الله يرحمه عايش ترانزيت بين مصر و دبى كنت ايده و رجله حتى فى عياه انا اللى شلته و لفيت بيه على الدكاتره و كنت بدور على متبرعين هو ما كانش عاوزك تعرفى كان بيقول هى ليها حياته و كدا كدا مطمن عليها مع كامل و كان بيحاول يكلم مازن بس مازن ما كانش بيصدقه و ما كانش بيرضى يروحله صحى فى يوم قالى يا زياد انا عاوز المحامى و جبتهوله و قعدوا يتكلموا لوحدهم بالساعات و بعدين نادونى انا و ماما و اتنين كمان من مكتبه و فوجئت بقراره انا ما طلبتش ده و لا كان فارق معايا بس هو كان عاوز كدا
مونى / كان عاوز يظلمنى كان عاوز يحرمنى من الميراث طب ليه
زياد / ما اعرفش وجهه نظره ما يمكن هو من الناس اللى بيقولوا البنات ما بتورثش او خايف كامل ياخد فلوسك هو عارف انك لو احتاجتى اى حاجه انا مش هتاخر
مونى / و انا المفروض لما احتاج اطلب منك تدينى من حقى هو ده مش حق ابنى يا زياد
زياد / فى ايه يا مونى ابنك هو ابنى هو انا هستنى ابنك لما يحتاج اصلا عشان اجبله اللى هو محتاجه
مونى / بس انا الوضع ده مش عاجبنى
زياد / دى كانت وصيه ابوكى و رغبته انا ما اجبرتوش عليها هو ادانى ده عشان هو شافنى استحقه هو شاف ان تعبه و شقاه انا اولى واحد بيه
مونى / لا تعبه و لا شقاه معظم الفلوس دى فلوس مازن اصلا
زياد / دا بقى موضوع بين مازن و بين باباه الله يرحمه انا ما ليش دخل فيه واحد ادانى هديه هقوله جبتها منين و لا اقوله شكرا و ابوس ايده و احمد ربنا
مونى / تقبل على نفسك حاجه مش من حقك
زياد / لا لحظه يا مونى من حقى ما حدش اشتغل فى الشركه دى قدى انا شايلها على كتافى بقالى قد ايه
مونى / بقالك قد ايه شهر اتنين سنه خالو الله يرحمه شالها بقاله سنين ابويا شالها سنين مازن نفسه شالها قد ايه و عمل فيها شغل قد ايه انت عاوز تنسب كل ده لنفسك و تاخد كل حاجه على الجاهز
زياد / بصى يا مونى انا هتغاضى عن اسلوبك عشان بحبك بس هسالك سؤال واحد
مونى / اتفضل
زياد / انتى ناقصك حاجه
مونى / دا حقى
زياد / و انا ما اخدتش منك حاجه انا ما ظلمتكيش انا ما روحتش سقيته حاجه اصفره و مضيته واحد ادانى هديه و انا اخدتها خلافاتكوا تحلوها سوا
مونى / يعنى ايه
زياد / يعنى انا قبل اى حاجه اخوكى و لو احتاجتى اى حاجه انا قبل اى حد هبقى جنبك لكن غير كدا اسف انا مش مجبر اديكى حاجه بتاعتى انتى اصلا مش محتاجاها فى الوقت اللى انا فيه محتاجها و محتاجها اوى كمان
مونى / دا اخر كلام عندك
زياد / مونى
مونى / دا اخر كلام عندك
زياد يقوم و يجى يبوس راسها تبعد راسه يسيب المكان و يمشى و هى بتنفخ
......................
فى الفيلا تحت
زياد ينزل يوطى على لبنى يوشوشها
زياد / قومى لمى حاجتنا هنطلع على الفندق
لبنى تهز راسها اه و تقوم و تطلع فوق و زياد يطلع الجنينه
فريده / عن اذنك يا ابنى
كامل/ اتفضلى
كامل يطلع فوق و فريده تروح لزياد
فريده / فى ايه يا زياد ايه اللى حصل اتكلمت معاها
زياد / زعلانه شويه بس هتتقبل الفكره
فريده / هتمشوا برده و تروحوا الفندق
زياد / اكيد
فريده / انا هطلع اتكلم معاها و احاول اضغط عليها
زياد / تمام
فريده تدخل و زياد يقعد
زياد / ربنا يهديكى يا مونى
.................
فى اوضه مونى
مونى قاعده بتكلم مازن فى التليفون فيديو كول و كامل جنبها
مازن / يا مونى لو سمحتى اهدى
مونى / انت ازاى هادى كدا اخويا سرقنى
مازن / مونى انا مقدر والله موقفك بس للاسف زياد له حق و انه يرجعلك فلوسك هيبقى تصرف مش منطقى منه
مونى / انا كنت فكراه بيحبنى
مازن / و انا كمان كنت فاكر ان بابا بيحبنى بس تعرفى لعله خير ما يمكن الفلوس دى كانت حاجه وحشه و ربنا بعدها عننا هو يعنى ابويا بجد مش بيحبنى يا مونى تفتكرى ابويا فعلا بيحب زياد اكتر منى و اكتر منك تفتكرى كان بيفكر فى ايه و هو بياخد قرار زى ده طب موقفه ايه قدام ربنا بعد ما عمل كدا
مونى تبص لمازن بحزن فريده تفتح الباب و تدخل
فريده / مونى
فريده تبص على التليفون
فريده / خلاص ما فيش داعى كملى اللى بتعمليه
فريده تمشى مونى تبص لكامل و تبص فى الموبايل
مازن / روحى وراها شوفيها كانت عاوزه ايه و تحت اى ظرف ما تنسيش انها امك و تعبانه
مونى تهز راسها بحزن و تقفل الخط و تقوم تروح اوضه فريده
.................
فى اوضه فريده
فريده بتلم هدومها مونى تدخل
مونى / بتعملى ايه يا ماما
فريده / كنت جايه اقولك اخوكى بيلم حاجته و هيروح هو و مراته فندق هو ايه اللى حصل بس الحمد لله عرفت اللى حصل
مونى / و هو ايه بقى اللى حصل يا ماما
فريده/ ممكن تقوليلى فيه ايه زياده عن زياد
مونى / مازن !!
فريده / طول عمرك بتحبيه اكتر من زياد حتى ابنك سمتيه على اسمه ممكن اعرف شايفه فيه ايه شاريه خاطره على خاطرنا ليه بيعملك ايه بيقدملك ايه
مونى / طول الوقت فى ضهرى سندى بيسمعنى عمره ما بقى حد عليا و لا اتاخر عنى عمره ما مد ايده عليا و لا اتحمق لحد ضدى حنين و كريم تحبى اقول كمان يا ماما و بعدين هو حضرتك ليه بتكرهى مازن اوى كدا
فريده / انا
مونى / ايوه طول الوقت بتنتقديه مع انه فى حاله لا بياذيكى و لا بيقرب منك مين اللى اخد زياد فى حضنه سنين كان بيحميه و يتخانق عشانه و يديله كل اللى هو محتاجه مش ابيه مازن خد ايه ابيه مازن من معاملته الحلوه لابيه زياد
فريده / دى كانت تعليمات ابوكى انتى فاكره ان اللى حصل ده كان سهل على زياد زياد بيدفع تمن اخطاء ابوكى انتى ليه بتعملى كدا انا تعبانه و داخله العمليات و بدل ما تريحينى بتتعبينى فلوس ايه اللى بتدورى عليها انتى عايشه فى فيلا ما تشوفيش اخرها و جوزك مش حارمك من حاجه ايه الدناوه اللى فيكي دى و بعدين احنا ما سرقناكيش و مع كدا اطلبى اى حاجه و احنا نعملهالك عمرنا ما هنتاخر عليكي و على العموم يا مونى انا هريحك منا خالص ما دام مش قادره تنفذى وعدك ليا و تاجلى الحوار لبعد العمليه و تسبينى ارتاح انا همشى و اسيبلك البيت خالص الفندق اكرملى من بيت بنتى
فريده تعمل بتلم الهدوم مونى تبصلها بحزن
مونى / حضرتك عارفه ان ده مش حقيقى
فريده / انتى عاوزه ايه يا مونى عاوزه فلوس حاضر اول ما اخرج من المستشفى و ارجع دبى هجبلك كل مجوهراتى اللى هناك و هديهالك هصفى كل حساباتى فى البنوك و اديهالك هديكي كل ما املك عشان اعوضك عن اللى ابوكى عمله فيكي مع انى كدا هبقى بظلم زياد و ربنا يسامحنى بقى
فريده تقعد و تعمل نفسها بتعيط
فريده / جه عليكي اليوم يا فريده اللى عيالك يورثوكى فيه بالحياه
مونى / ماما لو سمحتى
فريده / لو سمحتى سبينى لوحدى لو سمحتى انا تعبانه
مونى / خلاص يا ماما انا اسفه
فريده / اسفه !! كام مره تقولى اسفه يا مونى المره الكام دى اللى تقولى فيها اسفه
مونى / لعله خير
فريده / هو ايه ده اللى لعله خير
مونى / انا مش عاوزه الفلوس دى
فريده تقوم تقف و تبصلها
فريده / و دا بقى مقابل ايه
مونى / و لا حاجه عن اذن حضرتك
مونى تمشى و فريده تقعد
فريده / ربنا يهديكي يا مونى
..........................
فى شقه مازن
مرام / والله صعبانه عليا جدا ما كانش ينفع ابدا تتحط فى الموقف ده
مازن / انا قولتلها ما تتكلمش عشان كدا عشان فى الاخر هتبان هى اللى وحشه دول ناس البجاحه كلت على قفاهم لما فشولت
مرام / بس هى ليها حق تزعل برده يلا ربنا يسامحه باباك بقى على اللى هو عمله ده
مازن / انتى عارفه اصلا هى بتعمل كل ده ليه
مرام / دا حقها
مازن / لا يا مرام يبقى انتى لسه ما عرفتيش مونى هى بتعمل كل ده عشانى عشان ترجعلى فلوسى اللى اديتها لبابا
مرام / البنت دى جدعه جدا مش قادره اصدق انها بنت فريده و اخت زياد بصراحه
مازن / يخلق من ضهر الفاسد عالم و الحمد لله اتجوزت واحد طيب و ابن حلال زيها
مرام / الطيبون للطيبات هتكلمها تانى تطمن عليها
مازن / لا هستنى لما هى تكلمنى يا عالم هى بتعمل ايه او بتكلم مين مش عاوز اكون بضغط عليها او ورقه يستخدموها ضدها عشان يضغطوا عليها
مرام / انت بجد مش زعلان
مازن / ساعات بزعل بس بشوفك و بشوف ملك و اقول كان معايا الفلوس و انتوا لا و ما كنتش مبسوط و انتوا معايا و الفلوس لا و فى منتهى السعاده اذا لو دورت على الفلوس دى ابقى عبيط
مرام / ههههههههههههههههههه
مازن / بقولك ايه انا عاوز اكل حواوشى
مرام / دلوقت
مازن / ينفع ؟؟
مرام / حالا ثوانى اعملهولك
مازن / تسلم ايدك مقدما
مرام تقوم و تدخل المطبخ و مازن قاعد بيفكر و يتنهد
.......................
فى الفندق
الراجل / هو حضرتك مش ساكن فى الفندق هنا زى ما قولتلى
زياد / اختى اصرت ننزل عندها قولى بقى تحب الفلوس كاش و لا فى حسابك فى البنك
الراجل / لا ناوى على حساب فى البنك
زياد / تمام يبقى نطلع على البنك نخلص كل حاجه و من هناك على المستشفى
الراجل / ايوه يا باشا بس برده الواحد مش هاين عليه يشق جسمه على مبلغ زى ده
زياد / انت هتستهبل
الراجل / دى فرصه يا باشا و لو انا ما استغلتهاش ابقى اهبل
زياد / انت عارف انت بتلعب مع مين يا شاطر انت عارف انا ممكن اعمل فيك ايه
الراجل / و لا تقدر تعمل فيا حاجه انت محتاجنى صاحى و بيلعب
زياد / مهو لو مش هستفيد من انك تكون صاحى يبقى قلتك احسن نوفر اكسجين لكائنات مفيده اكتر منك و لا انت شايف ايه
الراجل / بص يا باشا انا هاخد ضعف المبلغ يا كدا يا بشوقك
زياد / فكر تانى بلاش تلعب بالنار
الراجل / البلد هنا مولعه نار و انا بصراحه ناويت استقر هنا و الجنيه المصرى اديك شايف وضعه فى السوق اقولك انا عاوز فلوسى بالدولار مش بالجنيه
زياد / انت هتستهبل يا روح امك عاوز كام
الراجل / و ليه سيره الام بس يا باشا هى يعنى امك احسن من امى
زياد / بص بقي يا له
الراجل / بصراحه كدا الاتفاق الاولانى كان عميانى و ما كنتش اعرفك بس لما سالت و اطقست عرفت ان الشيله تقيله و بعدين هتستخسر فى الست الوالده مبلغ زى ده دا ايه العقوق دا يا جدعان
زياد / انت يا تعمل العمليه بالزوق يا هترجع مصر فى صندوق
الراجل / قال ضربوا الاعور على عينه بالاذن يا سيد البهوات
الراجل يقوم و يمشى و زياد واقف مصدوم يطلع يجرى وراه ما يلاقيهوش يتصل بحد فى التليفون
زياد / اللحقنى يا مليجي الزفت اللى انت جايبهولى مش عاوز يعمل العمليه ... زى ما بقولك جاى النهرده يغير رايه ... لا طبعا ما اديتوش حاجه من حسابه ... يعنى ايه ابقى ما خسرتش حاجه و نشوف غيره ... يعنى ايه تعملى ايه مش دى مجايبك ... يوووووه خلاص انا هتصرف سلام
زياد يقفل
زياد / دا ايه الهم دا بس يا ربى
..................
فى فيلا كامل
لبنى بتكلم احمد فى التليفون
لبنى / هههههههههههههه و لسه
احمد / ههههههههههههههه يا بنت اللعيبه
لبنى / و لسه لما يجيب البشرى لست الكل اياكش تطب مننا ساكته و نخلص
احمد / ههههههههههههه انتى ناويه تلعبى بيها لحد امتى
لبنى / دا انا ناويه اخليها تولع فى نفسها اصبر انت بس عليا
باب الاوضه يتفتح و فريده تدخل لبنى تتعدل فى قعدتها
لبنى / فى حاجه يا طنط
فريده / بتكلمى مين
لبنى / دى احلام صحبتى
فريده / احلام !!! احلام مين دى انتى ما لكيش صحبات اسمهم احلام
لبنى /لا ليا صحبتى فى الاسبا بنت زى العسل تحبى تكلميها
لبنى تدى لفريده التليفون فريده تاخده و تبص للبنى بطرف عينها و تحط السماعه على ودانها
صوت بنت / يا لبنى .. انتى يا بنتى هو الخط قطع و لا ايه ... الو .. الو
فريده تدى الموبايل للبنى
لبنى / ميرسى يا طنط .... سورى يا قلبى اصل حماتى دخلت الاوضه فجاه فا اتلخمت فيها
احمد / ههههههههههههههههه يا قادره
لبنى / فى حاجه يا طنط
فريده / لا ما فيش كنت بطمن عليكي بس عن اذنك
فريده تطلع بره
لبنى / ما تنساش تكافئ المزه اللى انت لاطعها جنبك دى
احمد / نفعت و لا ما نفعتش
لبنى / حلوه بقى على كدا
احمد / مش احلى منك
لبنى / بقولك ايه انا هقفل و هقوم اللعب معاها شويه
احمد / خليكي حنينه
لبنى / ههههههههههههههههه عيب عليك يلا سلام
لبنى تقفل و تقوم
.............................
فى الجنينه
فريده قاعده لبنى تدخل تقعد معاها
لبنى / مالك متوتره كدا ليه
فريده / زياد ما كلمنيش قالى اول ما هيخلص حوار البنك هنطلع على المستشفى
لبنى / تفتكرى اختلفوا على السعر
فريده / انتى بتقولى ايه يا لبنى
لبنى / ما اعرفش اصل ما يتهياليش يعنى ان تحويل الفلوس ممكن ياخد الوقت دا كله
فريده / يمكن العبيط التانى طلب ياخد الفلوس كاش انتى عارفه
لبنى / معاكى حق اصل التمانيه و اربعين الف جنيه استرلينى فعلا بياخدوا وقت طويل جدا فى العد على المكنه
فريده تبصلها
لبنى / طب جربتى تكلمى زياد
فريده / ما بيردش
زياد يدخل و يقعد و هو بينفخ فريده تبصله باستغراب و لبنى كاتمه الضحك بالعافيه
لبنى / ايه ده انت جيت امتى انت مش المفروض
زياد / و لا كلمه
فريده / فى ايه يا زياد ايه اللى حصل
زياد / الحيوان عاوز الفلوس بالدولار عاوز مليون دولار بدل مليون جنيه شوفتى سفاله اكتر من كدا
فريده / ما تديهمله يا زياد هو المليون دولار دول مبلغ
زياد / اديله ايه مهو لو سايسته هيطمع اكتر و هيفضل يلعب بينا لحد معاد العمليه
فريده / انت مستخسر فيا مليون دولار يا زياد
زياد / يا ماما ما تقوليش كدا لو سمحتى حضرتك عارفه كويس انى كلى فداكى بس الموقف نفسه انا دراعى ما بيتلويش انا ما اقبش ان حد يبتزنى
فريده / يبتزك !!! انت بتقول ايه يا زياد انا بموت يا زياد و محتجاله
زياد / فى غيره بدل الواحد مليون
فريده / و انا لسه هستنى لما تدور تانى
لبنى / و افرض بقى بعد ما لقيت التانى ده عمل نفس الموقف و لا طلب مليون دولار
زياد / هديله
فريده / طب تفرق فى ايه
زياد / التانى استفزنى
فريده / و انا ما فكرتش فيا
كامل يدخل
كامل / فى ايه يا جماعه
فريده / اللحقنى يا كامل
زياد / ما تكبريش الموضوع يا ماما انا مش ساكت
فريده / انت تسكت خالص
زياد / يا ماما انتى ما شوفتيش كان بيكلمنى ازاى دا حيوان
كامل / فى ايه بس يا جماعه هو مين ده يا زياد
لبنى / المتبرع طلب مليون دولار و الا مش هيعمل العمليه
كامل / و ايه المشكله ؟؟ايه؟؟ عاوزهم كاش ؟؟
فريده / لا الباشا مستكترهم على امه
زياد / والله ابدا
لبنى / كلمه خلاص يا زياد و قوله موافق خلينا نخلص و بعدين مليون دولار ايه اللى بتتكلم فيهم دا ميجوش تمن طقم سولتير محترم جايبهولى هديه اعتبر نفسك جبتلى طقم هديه
فريده تبص للبنى و زياد يبص للبنى
لبنى / عشان خاطرى يا زياد كلمه عشان خاطرى
فريده عينها على لبنى زياد يمسك التليفون و يتصل فريده تقع مغم عليها زياد يجرى يسندها و لبنى واقفه بتابعها بكل شماته
..................................
فى شقه فاطمه
شريف/ جواز يه يا سعد هو مش احنا اتكلمنا فى الموضوع ده قبل كدا
سعد / الشقه و شبه مفروشه و انا و الحمد لله وضعى المادى كويس جدا يبقى العطله جايه منين
شريف / دراستها يا اخى
سعد / انا مش هعطلها انا بنزل خميس و جمعه تزاكر هى باقى الاسبوع هو فى كليه يوم الجمعه يا ناس
شريف / لا اله الا الله
سعد / انا بس عاوز افهم انت ليه رافض
شريف / يعنى هتتجوزها و هتفضل قاعده معانا برده
سعد / اه عادى و فيها ايه يعنى و بعدين هو انتوا تقدروا تعيشوا من غير رؤى اصلا طب دا انت المفروض تشكرنى
شريف / ههههههههههههههههههههه الف شكر يا سيدى بس انا ما بحبش حوار جواز المغتربين ده
سعد / مغتربين ايه يا عم كل ده فتره و تعدى و بعدين الجو هناك جنه هى اصلا هتقولى انا اللى هجيلك الخميس و الجمعه و اى اجازه
شريف / روحتها قبل كدا
سعد / ظبطنى و انا اظبطلك سويت عنب
شريف / لا يا راجل
سعد / فول بورد فطار غدى عشا سناكس انت تؤمر
شريف / الصبر من عندك يا رب
سعد / طب اكلم ماما بطه طيب لو هى وافقت انت هتوافق
شريف / تصدق يا سعد انك زنان اكتر من تقى
سعد / تقى دى حبيبتى
شريف / يا رؤى تعالى شوفى الكائن ده
شريف يقوم جوه
سعد / طب اه و لا لا طيب
رؤى تطلع من جوه بتدحك
رؤى / عملت ايه يا كائن
سعد / ما استحملش يا عينى امال لو كنت زنيت كان عمل ايه
رؤى / هههههههههههههههههه كان فيص فى ايدك
سعد / بس انا مش هسكت لا ياس مع الحياه
رؤى / ههههههههههههههههههه و لا حياه لمن تنادى
سعد / امااااال
............................
فى المستشفى فى لندن
فريده نايمه تعبانه فى المستشفى و مونى و كامل جنبها لبنى تدخل و هى فرحانه جدا
لبنى / مبروك يا طنط زياد اتفق مع المتبرع و اداله الفلوس و بيجهزوا اوضه العمليات دلوقت
فريده تبص على مونى
مونى /الحمد لله يا ماما اجمدى بقى هانت
كامل / ان شاء الله لما حضرتك تقومى بالسلامه هعمل حفله كبيره على شرف حضرتك
فريده / هو زياد فين
لبنى / فى الحسابات بيخلص المعاملات بتاعه العمليه
فريده تبص الناحيه التانيه تلاقى لبنى بتبص عليها و مبتسمه
لبنى / انا و زياد اتفقنا هنشوف المركز اللى كامل قال عليه و ان شاء الله نرجع من هنا بدل الفرحه اتنين فرحه رجوع حضرتك لينا بالسلامه و فرحه البيبى
مونى / ياريت والله يا لبنى لحسن الواحد نسى معنى الفرحه خلاص
فريده / ما تفرحيش اوى كدا قالوها زمان بكره يا مرات الابن تبقى حما
لبنى / ههههههههههههههههههههههه ايه ده هو حضرتك ليكي فى الامثال الشعبيه و كدا
فريده / ادينا بنتعلم
لبنى / عن اذنكوا هشوف زياد فين
لبنى تطلع بره تلاقى زياد داخل تبوز
زياد / فى ايه ماما جارالها حاجه
لبنى / لا
زياد / امال مالك فى حد حصله حاجه ايه اللى حصل مالك
لبنى تعمل بتعيط و تترمى فى حضن زياد
زياد / فى ايه بس ايه اللى حصل
لبنى / مامتك مش بتحبنى بقولها اننا هنشوف المركز عشان ربنا يكرمنا ببيبى ما فرحتش و قعدت تقول امثال شعبيه هى ليه بتعاملنى كدا طب هى مش بتحبنى على الاقل تفرحلك و تفرح لعيالك قال ايه بكره يا مرات الابن تبقى حما يعنى ايه اصلا المثل ده
زياد / يا بنتى اديكى قولتيها يعنى ايه اصلا ست تعبانه و بتخرف هتاخدى على تخاريفها كبرى دماغك
لبنى / انا عاوزه انزل مصر
زياد / و دا ينفع برده دا الناس تاكل وشك
لبنى / اصلا وجودى هنا زى عدمه الا لو كان بقى ان وجود حد طنط فريده تفش فيه خلقها بيفيد فى علاجها
زياد / لبنى حبيبتى
لبنى / بص انا مش فى المود انا هروح اخد كوفى او فى حاجه من الكافتريا و بعدين نتكلم
زياد / دى فكره حلوه جدا يا قلبى روحى
لبنى تمشى و زياد يدخل الاوضه
زياد / شويه صغيرين و يجوا يجهزوكى يا ست الكل
فريده / لو سمحتى يا مونى عاوزه اتكلم مع زياد لوحدنا
كامل / تمام هنستنى احنا بره لو احتاجتوا اى حاجه اندهوا علينا
كامل ياخد مونى و يطلعوا و زياد يقرب
زياد / فى ايه يا ماما خير
فريده / انا عمرى ما تخيلت انك هتحطنى فى موقف زى ده للدرجادى يا زياد
زياد / فى ايه يا ماما انا مش فاهم حاجه
فريده / ايه كنت محتاج اذن الهانم عشان تنقذ حياه امك
زياد / ايه الحساسيه الاوفر دى امتى عملت كدا انا
فريده / يعنى ما عملتش
زياد / لا طبعا ما حصلش
فريده / يعنى انت مش كنت رافض تدفع و بتقول يبتزك و لما لبنى قالتلك دا تمن كوليه يا زياد وافقت
زياد / لا يا ماما لما حضرتك وقعتى انا قلقت عليكي مش عشان كلام لبنى و بعدين قولنا مليون مره بلاش كدا بجد بدايق
فريده / بتدايق !! انت اللى تدايق و يا ترى من ايه ان شاء الله
زياد / من ان حضرتك كل حاجه تقولى لبنى لبنى على فكره لبنى هى اللى لقت لحضرتك المتبرع المفروض تشكريها مش تعملى الحاجات دى
فريده / لا ازاى اشكرها و اشكرك انت كمان يا زياد شكرا يا حبيبى
زياد / العفو عن اذنك هدخل الحمام
زياد يسيبها و يدخل الحمام فريده تبص للسقف
فريده / انا عملت ايه بس يا ربى لكل ده
...................
