(((((((السكة شمال ٢)))))))
#لولو_محمد
الحلقه ١٠٩
كامل / و نرجع نقول مازن و مازن و مازن قسما بالله انا لو كان حد هددنى فى بيت و بمراتى و بنتى ما كنت خرجته منها عايش هو فى ايه
فريده / كامل خليك محضر خير
كامل / كل ده على ايه حته عربيه ايه الجوع ده يا ستى ابنيله مصنع عربيات بحاله مش كدا يعنى
مونى بتعيط
فريده / ما حدش سمع زياد خلاص فجاه مازن بقي الحلو و زياد الوحش زياد بقي بلطجى
ابراهيم / مازن يولع فى احمد زياد يتحشر ليه
فريده / ما اعرفش بس اكيد في حاجه غلط مستحيل الموضوع يكون عادى كدا ما يمكن البلطجيه كانوا مزقوقين على لبني و من حسن حظها احمد هو اللى وقع فى ايديهم ... اه يا ربي الف حمد و شكر ليك يارب مش قادره اتخيل كان ايه اللى هيحصل لو لبني هى اللى كانت فى العربيه
مونى / و ابيه مازن هياجر بلطجيه عشان لبني ليه اصلا
فريده / مش هو الحربايه مراته لقت الميه بدات ترجع لمجاريها بينا قالت تضرب كورسي في الكلوب و تولعها حريقه
كامل / هتعمل كدا ازاى اصلا
…………………………….
فريده / دا كيد نسا يا حبيبي و شغل سلايف الناس الكلاس اللى زينا ما يفهموش فيه بس الحوارجيه اللى زى مرام محضرين فيه دكتوراهات اسالني انا ياما شوفت
كامل / سورى يا طنط بس حضرتك بتيجي على مرام لمجرد انك تبررى موقف زياد
فريده / و انت بتهاجم زياد من غير ما تسمعه انت اصلا علاطول فى صف مازن كل ده عشان الموقف الاهبل لما كنت بتتقدم لمونى
مونى / انتى بتقولي ايه يا ماما
فريده / طول الوقت يهاجم زياد و يطبطب على مازن ناسي ان الاتنين اخواتك عاجبه الضغط ابعصبي و النفسي اللى علملهولك
كامل / انا !!!!
ابراهيم / بس يا فريده ما تقوليش كلام خايب مالوش لزمه
فريده / هسكت ما انا الشيطانه ام الشيطان
ابراهيم / ما خلاص بقي يا فريده خلاص .... اسمع يا كامل اتصل بمازن و هديه و قوله ما فيش حد هيقرب لا من مرام و لا من ملك و لا من اى حاجه تخصه و اى حاجه تحصل فى وشي انا و خليه يهدي خالص ... و انتى يا فريده كلمى زياد و عقليه قوليله لم الليله اى حاجه هتحصل لمازن حتى لو مش زياد المسؤل هيبقي زياد المسؤل انتى فاهمه
فريده / حاضر
ابراهيم / اما نشوف اخرتها ايه
..........................
فى شقه مازن
مازن ممدد على السرير بيتكلم بصوت واطى فى التليفون و مرام عامله نايمه فى حضنه و واخده ملك في حضنها
مازن / لا اخره يعمله الموضوع مش فى زياد اصلا الموضوع فى الجراه
شريف / الموضوع انه بيتخانق معاك عشان عدوك اللى ياما اتخانقت معاه عشانه
مازن / لا كان يفرق لو علاقتي بزياد لسه زى زمان بس هو مسح نفسه من حياتى من زمان و ملوش عندى رجعه الفكره فى الخضه تبقي نايم و تتفزع بالمنظر ده
مازن يبص على مرام تغمض عينها و تعمل نايمه
مازن / على مرام اقصد
شريف / هى عامله ايه
مازن / نايمه بس
شريف / خليك جنبها
مازن / انا مش عارف ايه اللى خلانى اكلمك بس
شريف / هو انت تقدر تستغنى عنى اصلا ربنا يخلينى ليك يا عم
مازن / هههههههههههههههههه امين
شريف / مين اللى عمل كدا و عمل كدا ليه
صوت فرقعه شديد فى الشارع مرام تقوم تقعد مازن ياخدها في حضنه
مرام / ايه ده ايه ده
مازن / شششششش اهدى اهدى ما تقلقيش
مرام / انت مش هتقوم حتى تشوف في ايه
مازن يبصلها و يبتسم مرام تبصله باستغراب و تجري على البلكونه
مازن / هكلمك بعدين سلام
مازن ياخد الموبايل و يطلع ورا مرام البلكونه و هو بيلعب في الموبايل يروح يقف جنب مرام بتبص برعب على عربيه مازن قدام البيت منفجره
مرام / العربيه فجروا العربيه
مرام تبص على مازن تلاقيه مركز الموبايل على العربيه و بيصور الحريق و خليفه و رجاله عمالين يطفوا الحريق
مازن / اى كان اللى عمل كدا فى عربيتى قدام البيت احب اقوله انا كدا كدا كنت ناوى اغيرها
مازن يقفل الموبايل و يحطه فى جيبه
مرام / انت مش هتبلغ البوليس
مازن / لا
مازن ياخدها و يدخلوا مازن يقفل الباب و مرام بتبصله باستغراب
مرام / انت ازاى هادى كدا
مازن يوطى عليها بصوت واطى
مازن / عشان انا اللى فجرتها
مرام / ايه !!!!!
مازن / كل نفسك قبل ما حد ياكلك
مرام / انت عبيط
مازن/ لا هههههههههههههه اهدى و انا هفهمك فى حد ضرب فى احمد و زياد و بيحاول يلبسهالى انا بقي ضربت نفسي عشان احمد و زياد ينشغلوا فى التدوير على الحد ده بعيد عنى فهمتى
مرام تبصله باستغراب
مازن / العربيه دى هتقلب عليهم الدنيا و صدقينى دى اقل الخساير الممكنه
مرام / و انت ليه صورتها
مازن / الفيديو ده هو المعلقه اللى بقلب بيها
مرام / انت ازاى بارد كدا
مازن / انا مش بارد انا بغلى و هولع فيهم واحد واحد بس كلو بوقته
مرام تبصله مازن يبتسم و ياخدها جوه
......................
فى مستشفى
احمد نايم فى سرير و زياد رايح جاى بيغلى
احمد / كان لازم تفكر مليون مره قبل ما تروحله كان لازم تسالنى انت كدا ضيعت حقي و حقك
زياد / حقى و حقك فى ايه ما حدش مصدق اصلا الكل بيقول مازن مش هيخاف يقول لو مش مازن يبقي مين
احمد / مين عنده الجراه انه يعمل كدا غير حد واثق انه بعيد جدا عن عنينا و مش هنفكر فيه
تليفون احمد يرن احمد يبص و يتفاجئ و يبص على زياد عينه عليه و برجع يبص للموبايل و يرد
احمد / الو
لبني / زياد عندك
احمد / ايوه
لبني / اديهونى
احمد يناول زياد الموبايل
احمد / لبني
زياد يرد
زياد/ الو
لبني / انا لو معايا عيل صغير بعلمه يتصرف ازاى كان زمانه فهم بوظت كل حاجه بوظت كل حاجه و قومت علينا الدنيا
زياد/ طبعا عيط لابوه مش كدا
لبني / افتح الفايس يا اذكى اخواتك الدنيا مقلوبه علينا
زياد / ليه
لبني / انت فاكر ان مازن هيسكت مازن نفخك على الله بس تلحق تهرب من البلد دى
زياد / انا مش فاهم حاجه
لبني / و من امتى بتفهم اسبقني على المطار و انا هجيب الباسبورتات و اجيلك
لبني تقفل الخط و احمد بيقلب في التليفزيون
زياد / الو .. الو .. قفلت
احمد / شششششش اسكت اسكت
صوت مذيع / لو ناموسه قرصتك ابقي انا اللى بعتها هو فى ايه يا جماعه ما فيش حكومه ما فيش بوليس ما فيش حد يلم الناس دى بلطجيه اتهجموا عليك تروح القسم لكن تهجم عليا فبيتي و تتخانق و تزعق و تفجر عربيتي دى تبقي غابه بقي كل واحد ياخد حقه بايده و بكره نلاقي مازن ده يفجر شركه لزياد فزياد يردهاله و نولع في البلد نولعها و نخربها و نقعد على تلها
زياد / انا لازم امشي
احمد / مين اللى عمل كدا مين
زياد يجرى بره الاوضه و احمد قاعد بيتابع و هو مستغرب
صوت المذيع / العربيه انفجرت بطلقه قنص فى تانك البنزين و هى راكنه قدام البيت انا مش قادر افهم لا و اللى مش فاهمه مازن فى التحقيقات بيقول ما بتهمش حد مهى الجمله دى تقلق يعني هاخد حقي بايدي ... و معانا مداخله من ابراهيم بيه منتصر والد مازن و زياد من لندن ... اهلا و سهلا ابراهيم بيه ايه تعليق حضرتك على اللى بيحصل
ابراهيم / الحقيقه انا كمان مصدوم زى حضرتك بس اللى انا واثق منه ان كل ده مؤامره مدبره ليه بقي هو ده اللى احنا مش عارفينه مش مازن اللى فجر عربيه لبني مرات ابني و لا زياد اللى فجر عربيه مازن و لا احنا اللى يفرق معانا عربيات اصلا حضرتك عارف اننا عندنا مصنع لتجميع العربيات فعربيه ايه اللى هنعيط عليها دا مازن بيغير عربيته زى ما بيغير بدلته
المذيع/ امال حضرتك تفريغ الكاميرات قدام البيت مصوره زياد و هو بيضرب البواب و يدخل عصبى و يخرج عصبى
ابراهيم / ايوه زياد كان متعصب عشان مراته بس الموضوع كلو كان مشاده كلاميه مش اكتر انما الحركات دى فى طرف تالت هو اللى عاملها و منقى التوقيت ده مخصوصا عشان احنا تقريبا بنفنش في صفقه العمر اللى هتنقلنا و تنقل مصر و اقتصاد مصر نقله تانيه
المذيع / حضرتك بتتكلم عن المنطقه الصناعيه
ابراهيم / ايوه حضرتك منيمنين احنا شركاء في مشروع عظيم زى ده بمليارات و بنتخانق على شويه عربيات مستعمله
المذيع / طب مين له مصلحه فى ده
ابراهيم / انا ما اعرفش لو اعرفه مش هرحمه دا وصلت بيه الدنائه انه يضرب الاخوات ببعض حضرتك لسه من فتره بسيطه بلطجيه اتهجموا على مازن و ضربوه و سرقوا حاجته و الحمد لله و بفضل المجهودات الامنيه حاجته رجعتله كامله و دلوقت اتهجموا على اخوه و رجعوا لمازن الموضوع مش اخين بيضربوا في بعض هما فى الاول و الاخر اخوات و اكتر من الاخوات
المذيع / حضرتك الموضوع ده و توقيته هل له علاقه بملك
ابراهيم / ما كنتش هبقي بكلم حضرتك بالهدوء ده ملك حفيده عيله منتصر لا اقبل مجرد التلميح لاى تهديد ممكن يتوجهلها احنا حتى كنا متفقين نسمي المشروع كله باسم ملك حتى كنا اعلنا ده قبل كدا لو حضرتك متابع
المذيع / اكيد طبعا بخصوص المنطقه الصناعيه المشروع ده هيدخل حيز التنفيذ امتى
ابراهيم / حضرتك الرسومات الهندسيه دى مرحله من مراحل التنفيذ و اكتر مرحله مهمه و اطول مرحله لكن احنا شغالين في المشروع ده بقدم و ساق و باذن الله هنوفر فرص عمل لالاف المصريين و نشجع الصناعه المصريه و الاستثمار و انا عندى اجتماع قريب مع كل من وزير الصناعه و وزير الاستثمار لمناقشه فعاليات المشروع و الحمد لله الحكومه مقدمالنا كل الدعم و بتابع معانا تطورات المشروع اول باول
المذيع / احب اشكر حضرتك ابراهيم بيه منتصر على وقتك الثمين اللى خصصتهولنا لتوضيح الحقيقه للجماهير
ابراهيم / دا حق الناس علينا عشان نقطع الشك باليقين و نمنع اى بلبله تحصل او لغط
المذيع / طبعا طبعا
احمد يطفى التليفزيون و هو بيغلى
احمد / مين ابن الكلب اللى عمل كل ده مين
.........................
فى شقه مازن
مرام نايمه على جنبها و واخده ملك فى حضنه مازن يدخل معاه كبايه عصير
مازن / قومى روقى دمك
مرام تقوم تقعد و تبصله
مرام / و اخرتها يعنى
مازن / هى دى اخرتها الموضوع خلص على كدا على الاقل بالنسبالى هما بقى يروحوا يدوروا على اللى بيعمل كدا
مرام / و ان فهموها ان عرفوا ان انت اللى عملت كدا
مازن / ما تقلقيش مش هيلحقوا يفهموا دلوقت التليفزيون و السوشيال ميديا والعه انا ما خليتش حد الا لما وصيته مش هيسمحوا للموضوع لا يهدى و لا ينام
تليفون مازن يرن
مازن / ثوانى يا قلبى خدى العصير
مرام تاخد العصير و مازن يجيب الموبايل و يرد
مازن / ايوه يا عصام خير .. طب حلو اوى لما احمد يحصله ابقى ادينى رنه .. تمام يا حبيبى تسلم يلا سلام انت بقى
مازن يقفل و يروح يقعد قدام مرام
مازن / زياد و لبنى نطوا فى طياره خاصه و خلعوا على لندن و هناك انا متاكد ان بابا هيستقبلهم احسن استقبال
مرام تبصله
مازن / فاضل احمد انا ما اعرفش هو نزل مصر امتى اصلا و لا حتى اعرف نزل ليه بس واحد زى ده مليون من يتمنى ياذيه دا بين كل اتنين بيقابلهم يوميا على الاقل واحد بيكرهه
مرام / تفتكر مين اللى عمل فيه كدا و هو اللى كان المقصود و لا لبنى
مازن / ما اعرفش و مش هشغل بالى بيهم انا ما يولعوا
مرام / انت مش خايف
مازن / لا .. اه .. مش اوى يعنى
مرام تبتسم مازن يبتسم
مازن / بصى طول ما انا عايش ما فيش مخلوق هيمس شعره لا منك و لا من ملك على جثتى
مرام / و لو جرالك حاجه هنعيش لمين من بعدك
مازن / مش هيجرالى عمر الشقى بقى و انا ياما خربتها
مرام تبتسم و تبص الناحيه التانيه مازن يعدل وشها بايده و يرجعها تبصله
مازن / ما تبقيش بخيله بقى بصيلى هنا
تليفون مازن يرن
مازن / لا بقى مش هنخلص النهرده كدا
مازن يقوم يبص على التليفون و ينفخ
مازن / ايوه يا فاروق ازيك ... لا يا فاروق مرام مش هتطلع و لا ملك هتطلع و لا انا هعمل مكالمه تليفون حتى ... عشان هما مش فى مود يسمحلهم يتكلموا يا فاروق قدر يا اخى شويه نظر يعنى مش كدا ... لا بص انا اخرى معاك اخرى يعنى و ابقى وجبت معاك على الاخر اصور حاجه صغيره هنا لما هى تهدى و تقدر تتكلم و ابعتهالك تذيعها بقى .. تمام .. ما تتصلش تانى بقى عاوز انام و لا اقولك انا هقفله خالص يلا يا فاروق ... لما تهدى قولت يا فاروق الله ما تعصبنيش عليك بقى ... ماشى يلا سلام
مازن يقفل الخط و يقفل الموبايل خالص
مازن / و ادى ام الموبايل .. انسان بايع دمه و حط مجانه ميه مجارى انسان لا يطاق لو يطول يقتلك بنفسه عشان يضمن السبق الصحفى هيغزك عادى
مرام / اكل عيشه
مازن / بس فى اخلاق مهنه فى دم فى اقدر الانسان اللى قدامى
مرام / تعال جنبى
مازن يبتسم و ينط جنبها
مازن / اهو ده الكلام اللى على حق
مرام تديله الكوبايه يحطها على الكومدينو جنبه و تنام فى حضنه يحضنها و يبوس راسها
مازن / انا عارف ان الحضن مفعوله فى ترويق الدم اكتر من برميل عصير بحاله تخيلى لو بوسه بقى
مرام / ههههههههههههههههه
تليفون مرام يرن
مازن / طب يعنى افجر شركه التليفونات انا و لا اعمل ايه
مرام / فى الليفينج هاته لحسن يكون حاجه مهمه
مازن / هو فى اهم من اللى احنا فيه ده
مرام / يا مازن هاته بقى
مازن / ماشى
مازن يروح يجيب التليفون
مازن / دى مدام تهانى اكيد عاوزه تطمن عليكى خدى طمنيها
مرام تاخد الموبايل و مازن ياخد موبايله و يطلع بره و يطلع لايف
مازن / مساء الخير لكل الفانز و لكل اهلى و حبايبى و كل الناس اللى بتهتم باخبارنا و كل الناس اللى سالت علينا احنا الحمد لله كويسين ما فيش اى خساير او اصابات عربيه و خلاص ملك كويسه مرام كويسه و انا شخصيا اهو قدامكوا كويس كان نفسى اخلى مرام تطلع بس هى لسه فى حاله الصدمه لما تهدى و تقدر تتكلم هحاول اقنعها تطلع تطمنكوا مش هطول عليكوا عشان انا للاسف مطبق من امبارح بسبب ملك ربنا يرزق كل مشتاق يارب تصبحوا على خير سلام
مازن يقفل و يدخل جوه تانى
.............................
فى تركيا
صافى / ننزل يا شريف تفتكر الاحسن اننا ننزل و نكون جنبهم احسن
شريف / والله قولتله قالى اوعى و هزعل منك جدا و ان الموضوع مش مستاهل
صافى / و مرام عامله ايه
شريف / كانت نايمه عادى مازن شرحلها كل حاجه و هى فهمت و هديت و نامت تانى
صافى / متكاد من مازن عشان حوار الشغل اللى هيعمله مع كامل اللى انت قولتلى عليه
شريف / طبعا بس زياد مش بالغباء ده
صافى / لا لما الموضوع بيمس لبنى زياد ما بيستحملش
شريف / عليه و على لبنى فى ساعه واحده
صافى / بس مين اللى عمل كدا مين
شريف / ده اللى هيجننى بس هما حبايبهم ما فيش اكتر منهم ان كانت لبنى و لا احمد و لا زياد
صافى / تعرف لازم المرادى اونكل ابراهيم ياخد موقف قاسى مع زياد دا لو فعلا ناوى صلح مع مازن بجد مش اى كلام و تعرف كمان دى فرصه لمرام تتاكد ان اونكل ابراهيم فعلا اتصافى مع مازن عشان الشكوك اللى جواها دى
شريف / المشكله مش فى ابراهيم المشكله فى الحربايه مراته اكيد هتغسله مخه كالعاده
صافى / مش عارفه بس موقف اونكل ابراهيم هيبقى زى الزفت لو ما عملش حاجه
شريف / بقولك ايه اللبسى خلينا نخرج نغير جو اتقفلت فجاه
صافى / خمس ثوانى خمس ثوانى بس و اكون جاهزه
شريف يبصلها بطرف عينه
صافى / ايه؟؟
شريف / و لا حاجه هقوم اخد دوش سريع على ما تختارى هتلبسى ايه عن اذنك
صافى / اعداء النجاح هى الشجره المثمره كدا دايما يحدفوها بالطوب
شريف / مالكيش قعاد مع تقى تانى
صافى / هههههههههههههههه
........................................
فى الطياره
زياد بيتكلم مع لبنى و هى مش طيقاه
زياد / والله العظيم ما انا اللى عملتها والله ما انا
لبنى / ما انا عارفه انه مش انت انا عارفه بس تفتكر مازن هيصدق فعلا ان مش انت بتروح تهدده فى بيته هو انت حمل قلم من مازن دا سبحان من نجاك من تحت ايده
زياد / ليه يعنى هركليز
لبنى تبصله و تبص الناحيه التانيه و تتنهد
زياد / على فكره بقى كنتى تعالى شوفيه النهرده قدامى مازن خلاص يا ماما راحت عليه
لبنى/ لا يا راجل
زياد / مازن لو كان بعرف يعمل حاجه كان عمل مع انس مازن بقى عنده ايده اللى بتوجعه و الكل ماسكه منها مش عارف يلاقيها منين و لا منين
لبنى / الكلام معاك مش بس تضيع وقت لا دا تضيع صحه
لبنى تدوس زرار فوقيها المضيفه تيجى
لبنى / بليز اى حاجه مسكره حاسه بدوخه كدا
المضيفه / ثوانى حضرتك
المضيفه تمشى
زياد / مالك فى ايه
لبنى تبصله و تبتسم من تحت الدرس و تبص قدامها و تتنهد و ترجع تبصله
لبنى / للمره المليون مازن دلوقت اقوى مما كان مليون مره مازن عرف يلم نفسه و يقف على رجليه
زياد / فكك من الهبل ده ما تتغريش فى شويه الشحاتين اللى حواليه
لبنى / الشحاتين دول اقل واحد فيهم مستعد يموت و لا انوش يتخلى عن مازن انما البهوات اللى حواليك بيضربوك فى ضهرك و ينهشوا فى لحمك اقولك حاجه مش بعيد يكون احمد هو اللى فجر عربيه مازن عشان حركه البلطجيه و استغل الوقت ده عشان يلزقهالك والله ما هستغرب ابدا
المضيفه تدخل و معاها عصير لبنى تاخده منها و تبتسملها المضيفه تمشى لبنى تشرب العصير و زياد بيبص عليها لبنى تبصله
لبنى / ايه ؟؟
زياد يبص قدامه و يعدل هدومه لبنى تبص قدامها و تشرب العصير
.......................
فى شقه مازن
مازن بيتكلم فى التليفون
مازن / يا بابا حتى لو فرضنا انه فعلا مش هو اللى فجر العربيه و ان فى حد بيحاول يوقع بينا هو مش زياد اللى جه البيت مش هو اللى قالى خاف على مراتك و بنتك
ابراهيم / هو جايلى فى الطريق و اقسم بالله ما هعديله اللى عمله
مازن / اتمنى
ابراهيم / اسمع يا مازن زياد غلط ما اختلفناش بس دا كان كلام انفعالى فى لحظه غضب هيتعاقب عليه اوعدك بس انا كمان عاوزك توعدنى ان الموضوع هينتهى هنا تمام
مازن / انا مبدئتوش اصلا
ابراهيم / انا عارف انا ما يهمنيش مين بدئه انا يهمنى ينتهى الاسهم بتنزل بشكل جنونى من ساعه الفيديو اللى صورته للعربيه
مازن / اخصم الخساره من مصروف زياد بيه
ابراهيم / مازن
مازن / تمام تمام انا هديله اخر فرصه بس زى ما قولت لحضرتك فى اول المكالمه اى كلب هيقرب من مراتى و بنتى هيكون التمن غالى اوى و على الكل عشان ما حدش يزعل
ابراهيم / اتفقنا
مازن / تمام
ابراهيم / بخصوص الرسومات الجديده
مازن / مش وقته يا بابا اسف انا فعلا عقلى مش معايا دلوقت ممكن حضرتك تخلص كل حاجه مع كامل و اوعد حضرتك انى مش هعترض تمام
ابراهيم / ماشى يا مازن اخبار ملك ايه
مازن / كويسه الحمد لله
ابراهيم / الحمد لله تمام انا هسيبك ترتاح و تهتدى و بعدين نبقى نتكلم تمام
مازن / اوك يا بابا تمام
ابراهيم / مع السلامه
مازن يقفل السكه يبص وراه يلاقى مرام واقفه بتابعه
مرام / للحظه خوفت منك
مازن / منى !!!
مرام / يعنى بتتكلم كانك الضحيه مع انك انت اللى
مازن / انا الضحيه هنا تمام انا اللى اتهجموا عليا فى بيتى و انا نايم مع مراتى و بنتى و هددنى بيكوا تمام يا مرام كان لازم اخد رد فعل انا مش باذى حد انا بحمى نفسى و بحميكوا مش اكتر
مرام تهز راسها
مازن / انتى لسه مش واثقه فيا
مرام / لو مش هثق فيك هثق فى مين انا ما ليش فى الدنيا غيرك يا مازن انا اعصابى تعبت بس
مازن / حقك بصى قومى بالسلامه و اوعدك
مرام / نسافر و نغير جو و نعيد شهر العسل اللى ما عشناهوش حفظتها
مازن / هههههههههههههههههههههههه
مرام / تعرف ايه ممكن يحسن مودى بعد كل ده
مازن / ايه ؟؟حضن ؟؟ بوسه؟؟
مرام / كنت هقول شيكولاته على فكره
مازن يبصلها من فوق لتحت
مازن / عندك ماليه المطبخ ابقى خليها تنفعك
مازن يسيب مرام و يمشى تمشى وراه
مرام / ايه الاسلوب ده
مازن / هى مش الشيكولاته عندك اهم منى
مرام / يا سلام انا ما قولتش كدا
مازن / امال يعنى ايه الشيكولاته هتحسن مزاجك و الحضن لا هاه تقصدى ايه
مرام / انا ما قولتش كدا
مازن / يعنى الحضن تاثيره اقوى و لا الشيكولاته
مرام / انت بتقول ايه
مازن /الحضن و لا الشيكولاته الحضن و لا الشيكولاته اخلصى
مرام / الحضن خلاص
مازن يفتح ايديه مرام تحضنه يبتسم
مرام / انت لئيم على فكره
مازن / طب البوس و لا الحضن
مرام / الحضن
مازن / كم انتى قاسيه يا امراءه
مرام /هههههههههههههههههههههههههههه
...........................
فى المستشفى
احمد نايم على السرير باب الاوضه يخبط و محمود يدخل شايل ورد احمد متابعه بحزر
محمود / ما تخافش انا جاى مرسال و ماشى
احمد / و انا هخاف منك انت يا جربوع
محمود يبتسم
محمود / مازن بيقولك الف سلامه
احمد / الله يسلمه قوله كاس و داير
محمود / ما سمعتش معلش قول تانى كدا
احمد / كاس و داير
محمود / هو ايه ده اللى كاس و داير
احمد / قول لمازن كدا
محمود / اقوله ايه
احمد يبص الناحيه التانيه و ينفخ
احمد / قول لمازن كاس و داير
محمود / اقول لمازن كاس و داير
احمد / اه ممكن ؟؟
محمود / لا ..ههههههههههههههه
احمد يبص لمحمود شظرا و محمود يبتسم و يمشى و يسيب الباب مفتوح احمد يجيب الزرار و يضرب الجرس و هو بينفخ
.......................
فى لندن
ابراهيم / انت حطيتنى فى اسوء موقف ممكن اتحطه فى حياتى انا كنت لسه هحاول اقنعه ندخلك معانا شريك انت كدا سديتها فى وشك يا متخلف
زياد / اقسم بالله ما انا انا طلعت من عنده على المستشفى حتى اسال احمد
مونى / احمد مين ده اللى تضرب اخوك و تحط ايدك فى ايده نسيت عمل فيك ايه نسيت كان بيعمل فى مازن ايه و لا نسيت انه هو اللى فضح بابا ليا و لمازن ووقع بينا انت ازاى بتحط ايدك لسه فى ايد الحيوان ده
زياد / مونيكا بليز خليكى بره الموضوع
مونى / ازاى يعنى اخلينى بره ازاى والله نفسى ابقى بره بس مش قادره انتوا اخواتى و بتقطعوا فى بعض و الحيوان اللى اسمه احمد هو المستفيد
لبنى / قوليله يمكن يسمع انا تعبت معاه والله مش عارفه
زياد يبص للبنى
لبنى / ادينى حاجه واحده كسبتها من ورا احمد حاجه واحده بس
زياد / انتى مش شايفه كميه الشغل اللى دخلت الشركه بسببه
لبنى / بسببه !!! دا على اساس انه مقدمهلنا لله و للوطن انت للدرجادى بتبص تحت رجليك
فريده / لبنى كلمى جوزك بطريقه احسن من دى
لبنى / مونى بليز انا اوضتى فين انا جايه من السفر تعبانه
فريده / انا شايفه ان دى فكره حلوه جدا اطلعى يا مونى مع لبنى ارتاحوا فوق
مونى تقوم من على الكرسى و تمشى مع لبنى و يطلعوا فوق
زياد / لما كان بيضرب و يكسر ما حدش كان بيكلمه لكن زياد لو كح فى وش مازن الكل يتعاطف مع مازن مش كدا
صوت صريخ من فوق الكل يطلع يجرى
.......................
