(((((السكة شمال ٢))))))
#لولو_محمد
الحلقه ١٠٣
شريف / على راى امى لا تمدح و لا تشكر غير بعد سنه و ست اشهر
مازن / حرام عليك يا شريف
شريف / تمام خلينى معاك باباك اتغير و ملك رققت قلبه و بيحب حفيدته بس مرام امها و لازم يقبلها لو بيحب ملك مش هيحرمها من امها
مازن / هو عقله مريحه على كدا فاكر انه ممكن يجيب لملك ام تانيه
شريف / دا بيستهبل بقى ام تانيه ايه هو فى ام بعد الام ما جرب الموضوع ده معاك و مش محتاج اشرحلك النتيجه
مازن / يا عم هو انا يعنى ممكن اغير مرام انت عبيط انت كمان
شريف / بص با مازن هو زى ما لان لملك هيلين لمرام
مازن / ازاى و امتى و مرام كمان عنيده اوى و اتخانقت معاه لما باس ملك .. لا الصراحه اتخانقت معايا فهو اتنرفز و فهمها غلط و الموضوع كبر
شريف / انا اسف على اللى بقوله ده بس انت هيجى عليك و يوم و تختار بين مرام و ابوك
................................
مازن / ليه يا شريف يعنى ما فيش اى طريقه للصلح
شريف / يا سيدى دا انا لو ضحكت على نفسى و صدقت ان ابوك اتغير بمعجزه و بلع مرام ازاى هتخلى مرام تنسى اللى شافته بسبب ابوك دا لو فرضنا يعنى انه قبلها اصلا
مازن / انا تعبت
شريف / انت عشمت نفسك انت يعنى مش عارفه تمام هو قبل ملك بس مش عاوز مرام هو اصلا مشكلته من البدايه ما كانتش معاك كانت مع مرام هو عاوزلك زوجه غنيه زى ماهينور كدا دلوقت معاك عيله تمام الف من تتمنى مازن منتصر و فلوس مازن منتصر حتى لو معاه الف عيله
مازن يبص لشريف
شريف / انت مستعد تخسر مرام تفتكر ملك هتكون سعيده مع
مازن / انا متفق مع مرام انا كاتبلها تنازل عن الحضانه اصلا انت نسيت
شريف / فكك بس من الهبل ده عشان انا و انت عارفين ان مرام نفسها ملهاش ديه دا مرام ذات نفسها عارفه الكلام ده كويس
مازن / مرام عارفه انى عمرى ما هاذيها و لا هحرمها من ملك مرام عارفه كويس انى عارف اهميه الام بالنسبه للطفل هى عارفه ده
شريف / تمام خلينا نفترض اسوء الاحتمالات لو جه الوقت و قررت تختار بين مرام و ابوك هتختار مين
مازن / يا اخى انا مش جايلك تخيرنى انا جايلك تفكر معايا فى طريقه تخلينى ما اختارش
شريف / الله يرحمه صفوت بيه قالك الحل بس الحل ده هيقنع ابوك بمرام بس مش العكس
مازن / قصدك انى اكتب لمرام فلوس خالى كلها
شريف / ساعتها ابوك هيضطر اسفا انه يبلع مرام زى بالظبط ما كان بالعها لما كان صفوت بيه الله يرحمه عايش و مهدده انه هيعمل كدا
مازن / انا ما عنديش مانع اكتبلها الفلوس كلها لو ده هيريح ابويا انا حتى لما كان باعتلى التنازل فاكر قولت لمرام انى لو هتنازل لابويا عن فلوسي يبقى هتنازله عن فلوس ماما لكن فلوس خالو هسيبها لمرام
شريف / بص يا مازن قبل ما تفكر ازاى ترضى ابوك لازم الاول ترضى مرام الوضع دلوقت اتغير عن زمان دلوقت بقى فى بينهم دم
مازن يبص فى الارض و يمسك دماغه و ينفخ
شريف / بص لو عاوز رايي شيل دا من دا و افصل القوات تماما خد ملك و زور ابوك من وقت للتانى خليه يجى يزورك فى البيت و نبه على مرام ما تطلعش مهما حصل
مازن / مرام مش هتسيبنى اخد ملك و اروح لابويا
شريف / يا ابنى اصلا عشان ملك تسيب مرام مش قبل سنتين لما تتفطم ساعتها تقدر تخرج بيها و يمكن فى السنتين دول ابوك يعمل معجزه و يصالح مرام مش عارف و يمكن فى السنتين دول تكون خاويت مرام و دبسته اكتر و ساعتها مرام هتبقى مطمنه و هى بتسيب ملك تخرج معاك لان اكيد مش هتهرب بعيل و تسيب التانى يعنى
مازن / وجهه نظر برده
شريف / بص خلينا نرتب اولوياتك الاول مرام صلح علاقتك بيها و طمنها و فهمها انك مهما حصل مش هتختار غيرها
مازن / انا بس اللى فى دماغى استغل ان ابويا لان شويه و اكسبه بدل ما هما يسحبوه و يقلبوه ضدى تانى
شريف / ما يمكن بيمثل عليك زى حوار انا عيان انا بموت اشوف ابنى و الكلام ده
مازن يبص لشريف بحزن
شريف / ابوك لو بيحبك بجد هيبقى مصلحتك و مصلحه ملك ابوك كان لحد اول امبارح بيشكك فى ملك اصلا و مش عاوزك تكتبها باسمك لانها مش بنتك انت سبحان الله لما شافها قرر انها حفيدته و عاوزك تاخدها و تحرمها من امها اللى هو المهم تتربى من غير حد من ابوها و امها و السلام
مازن / للاسف معاك حق فى كل اللى بتقوله و برده نفس الكلام اللى مرام بتقوله بس
شريف / بس انت نفسك ابوك يكون اتغير فعلا
مازن / ابويا يا شريف ابويا
شريف / حاسس بيك والله و مقدر موقفك
مازن / انا طولت اوى انا اسف و لسه وراك سفر بكره انا مش عارف
شريف / عادى يا عم اخوك و تيجى فى اى وقت و لو كنت كلمتنى فى التليفون كنت جيتلك عادي
مازن / ما كانش ينفع اتكلم و مرام موجوده
شريف / صح
مازن / ناقصك حاجه
شريف / كتر الف خيرك كلو ميت فل و عشره
مازن / تمام لو احتاجت اى حاجه هناك
شريف / يا عم هو انا اول مره اروح تركيا ما احنا لفين الدنيا سوا
مازن / اسد ياله فى ايه
شريف / ههههههههههههههههه
مازن /تحب اوصلك المطار بكره
شريف / لا خليك جنب مرام انا مظبط كل حاجه
مازن / تمام قشطه سلام انا بقى
شريف يفتح الباب يلاقى اخواته البنات يتخضوا
شريف / ايه مش تخبطوا
رؤى / هو انت اديتنا فرصه
تقى / ازيك يا ابيه
مازن / ازيك يا قمر
تقى / انت ماشى
شيماء / مرام عامله ايه
مازن / كويسه الحمد لله هستاذن انا بقى
تقى / هو اذا حضرت الملايكه و لا ايه
شريف يديها على قفاها
تقى / ايه
شريف / خشوا صافى جوه خشوا يا اخره صبرى خشوا
البنات يدخلوا جوه و هما بيدحكوا
مازن / سلام يا شيكوا
مازن يمشى و شريف يقفل الباب
..........................
فى اوضه زياد
زياد قاعد بيشتغل على اللاب لبنى تروح تقعد جنبه و تبرد ضوافرها بالمبرد
لبنى / انت من الصبح و انت قاعد القاعده دى خير
زياد / خير يا بيبى بشتغل
لبنى / واخده بالى بس مش فاهمه ليه بتشتغل هنا كنت فاكره انك ما بتحبش تشتغل فى البيت و لا الشغل ده سكه
زياد / لا يا قلبى الشغل ده يمين اليمين بس طول ما ابراهيم بيه فى الشركه ما ينفعش افرد ورقى كله قدامه
لبنى / اهو مسافر و سايبهالك
زياد / بقولك يا لولا هو انتى ايه النظام
لبنى / نظام ايه
زياد / اصل انا كنت بتكلم انا و ماما يعنى و سالتنى دلوقت اختك هتولد و مرام ولدت
لبنى / اااااااه هو احنا مش متفقين نستنى شويه لما كل المشاكل دى تتحل
زياد / اه بس انا دلوقت شايف ان حل كل المشاكل دى هيبقى فى البيبى ده
لبنى / هههههههههههههههههههههههههههههه
زياد / قولت نكته انا
لبنى / طبعا مين صاحب الفكره دى اكيد مش طنط فريده هى اذكى من انها تدحك على نفسها و تقنعها ان ابننا هيكون اغلى عند ابراهيم بيه من مازن الصغير او مازن الكبير
زياد / اه بس بعيد عن العين بعيد عن القلب
لبنى / اللى قال الجمله دى لا حب و لا سمع عنه بعيد عن العين عايش جوه القلب و العقل و الروح
زياد / تمام بس لما يبقى فى عيل بيجرى حواليه و يتنطت اربعه و عشرين ساعه هيتعلق بيه
لبنى / و المطلوب منى اقب و اغطس و اجبلك العيل ده مش كدا
زياد / تقبى و تغطسى ايه بس يا بيبى انتى بس هتوقفى الحبوب و الباقى بقى تسبيه على ربنا ثم عليا تمام
لبنى / ما تفوق بقى يا زياد و تبطل تمشى ورا كلام طنط فريده اللى ما جالكش من وراه لحد دلوقت الا الخساره
زياد / لولا
لبنى / اسمعنى مره واحده بس يا سيدى اسمعنى و لو ما عجبكش دخل من اليمين و طلع من الشمال
زياد / قولى
لبنى / دلوقت زى ما مستحيل مازن يسامحك مستحيل مرام هتسامح حماها و مازن انا و انت عارفين كويس انه يموت تحت رجلين مرام يبقى الحل مش تستنى تسع شهور على الاقل عشان تحطله عيل فى حجره الحل انك تبعت الريكورد لمرام
زياد يفكر
لبنى / المشكله بقى لو مرام سمعت الريكورد و قررت فجاه انها تسيب مازن و تدخل معاه فى حرب على ملك لان اكيد برده مازن مش هيسيب بنته و ساعتها بقى ابراهيم بيه يدخل و ياخد ابنه فى حضنه و نبقى سهلناله عمليه التخلص من مرام للابد
زياد / و هو مازن هيسكت يعنى و يسيب مرام تسيبه كدا عادى
لبنى / مرام عيبها الوحيد كرامتها اللى خلاها تسيبه يوم الصبحيه و تفضح نفسها و تتمرمط المرمطه دى كلها عشان كرامتها هتقبل تكمل معاه و هو عارف و ساكت عن اللى قتل جدتها و بهدلها بالشكل ده طب اقولك الكبيره بقى
زياد / قولى
لبنى / لما تقرر تطلق او تخلعه و يبداوا يتخانقوا على ملك العلاقه بينهم هتبوظ كل يوم عن اليوم اللى بعده و مازن هيعمل المستحيل عشان يضمن بنته فى حضنه حتى لو انه يشوه سمعه مرام و يطلع الفيديوهات اللى هو بنفسه كدبها و يقول انه عمل كدا عشان اى حاجه
زياد يبتسم
زياد / يا بنت اللعيبه
لبنى / انت دلوقت قدامك تلت احتمالات احتمال ان مرام و مازن يقاطعوا ابرهيم او ان مازن يتحالف مع ابوه ضد مرام او ان مازن يقاطع ابوه عشان السبب انه خسر مرام و الريكورد معاك شوف انت بقى مستعد تجازف يا صابت يا خابت براحتك عاوز بقى تستنى تسع شهور حمل و برده يا صابت يا خابت براحتك بس افتكر ان التسع شهور مده طويله اوى ممكن على ما توصلها يكون مازن حط ايده على كل حاجه
زياد / وحشتنى دماغك يا بنت اللعيبه
لبنى تبتسم زياد يقوم يجرى لبنى الحزن يملا وشها و تتنهد و تقوم تقف قدام المرايه
/////////////////////////
لبنى فى المرايه / ديل الكلب عمره ما يتعدل ... عملتى كدا ليه عشان ما يدبسكيش فى عيل منه و لا الغيره اللى سودت عيشتك من ساعه ما عرفتى انهم رجعوا لبعض و لا الفيديو اللى عملهولها فى المستشفى
لبنى / لا عشان هو يستاهل يتوجع زى ما وجعنى
لبنى فى المرايه / كدابه هتدحكى على نفسك و لا على مين انتى عملتى كدا عشان تساعدى زياد عشان كل مره بيفشل فيها بيورط نفسه مع احمد زياده و احمد بياخد تمن مساعدته لزياد منك انتى
لبنى / الحرب دى لازم تنتهى من يوم ما بدات و انا الوحيده اللى بخسر بخسر نفسى كل يوم عن اليوم اللى قبله و الحرب دى عمرها ما هتنتهى الا لما مازن ينتهى
لبنى فى المرايه / طاوعك قلبك
لبنى / ايوه
////////////////////////
لبنى تبص لنفسها فى المرايه و تمسح دموعها و تمشى
.............................
فى شقه مازن
مازن يضرب الجرس و يستنى بسمه تروح تفتح
بسمه / مازن بيه
مازن / ايه الاخبار
بسمه / نايمين من ساعه ما حضرتك نزلت تحب احضرلك حاجه
مازن / ميرسى تسلمى تعبتك
بسمه / تعبك راحه ما دام مش هتعوز منى حاجه بقى هستاذن انا انزل
مازن / تصبحى على خير
بسمه / و انت من اهله عن اذنك
بسمه تنزل مازن يقفل الباب و يدخل جوه يلاقى ملك نايمه فى الكاريكوت و مرام نايمه جنبها يقلع هدومه و يعلقها على الشماعه و يطلع البجامه و يلبسها و يدخل فى السرير ينام الناحيه التانيه مرام تحس بيه تقوم تبص
مازن / دا انا يا قلبى انا
مرام / اتاخرت كدا ليه
مازن / والله مسافه السكه يادوب قعدت معاه شويه حتى صافى ما شوفتهاش
مرام / ليه
مازن / كانت بترتب الشنط انا قعدت معاه خمسايه كدا فى السريع سلمت عليه و باركتله حتى هو كان مدايق اوى انى سبتك لوحدك و روحتله
مرام / يروحوا و يرجعوا بالف سلامه تعرف انا كنت حاسه بايه و انت بره
مازن / ايه
مرام / قولى الاول تعبان عاوز تنام
مازن / لا قولى بقى كنتى حاسه بايه
مرام / ان الوقت ما بيعديش كنت زهقانه اوى و ملك كمان نامت يادوب تصحى ترضع ثوانى و تنام كانها حاسه انك مش موجود و مالهاش نفس تصحى
مازن مبتسم
مرام / ربنا ما يحرمنا من دخلتك علينا ابدا يا قلبى
مازن / لا انا بحلم صح معقول لحقت انام و بحلم اقرصينى كدا اقرصينى
مرام / مش هطولك هناك قرب شويه
مازن يبصلها و يقوم يلف الناحيه التانيه مرام تساخر الكاريكوت و تستاخر بالعافيه و مازن ينام على الحرف
مرام / تحب اقرصك فين
مازن / فى شفايفي اللى نملوا من قله الاستعمال دول
مرام / هههههههههههههههههههههه ااااااه مش قولتلك ما تضحكنيش والله الضحك بيوجعنى
مازن / بحب ضحتك اعمل ايه
مرام / على العموم فى تمرين حلو اوى للشفايف هيخلصك من التنميل ده فى ثوانى
مازن يقرب منها و يلزق فيها تبص الناحيه التانيه و هى مبتسمه
مازن / ايه هاه هاه ايه
مرام / مد شفايفك لقدام كدا فى وضع الضم
مرام تمد شفايفها لقدام و مازن سعيد يقلدها
مرام / قول بقى ووو واااا ويىىى وووو وااااا ويييي وووو واااا ويييي زى سرينه الاسعاف بالظبط
مازن / سرينه الاسعاف
مرام / اه دا تمرين حلو جدا
مازن / انا كنت عارف على فكره و ممشورانى من هناك تاكس رايح و تاكس جاى و فى الاخر سرينه اسعاف انا عاوز عربيه مطافى تطفى النار اللى جوايا يا جبله
مرام / ههههههههههههههههههههه
مرام تمسك بطنها مازن يدحك و بعدين يحضنها
مازن / بحبك و انتى رايقه
مرام / خد على كدا
مازن / يا شيخه
مرام / انت عارف انى قرات مره ان اللبن بيتاثر يعنى انا لو اتعصبت او زعلت و رضعت ملك ملك بطنها هتوجعها
مازن / بتتكلمى جد
مرام / عشان كدا من النهرده مش هيبقى فيه غير ضحك و دلع
مازن / اموت انا فى الضحك و الدلع
مرام / هو انا اخر مره قولتلك بحبك امتى
مازن / من حوالى تسع شهور الا كام يوم كدا
مرام / متاكد ؟؟
مازن / اه منشفه ريقى معاكى
مرام / يعنى مش من تسع ثوانى كدا
مازن يرفع حاجبه و يبصلها مرام تدحك
مرام / بحبك يا مازن
مازن يهز مرام جامد
مازن / انتى مش مرام مراتى اعترفى ودتيها فين انطقى
مرام / هههههههههههههههه بطل بقى والله هيجيلى فتاء بسبب الضحك بتاعك ده نام بقى
مازن يحضن مرام اوى
مازن / بحبك يا مجنونه
مرام / والله ما عارفه مين فينا اللى مجنون
مازن / و هو بعد الكلام الحلو و الدلع ده عوزانى ابقى عاقل ازاى ازاى بس
ملك تعيط
مرام / صحيتها برافو عليك وسع بقى اما ارضعها
مرام تقوم تقعد و تشيل ملك على رجلها و مازن نايم على ضهره يربع ايديه تحت راسه
مازن / ربنا يديمكوا عليا نعمه و يحفظكوا من الزوال
...........................
فى المكتب زياد بيتكلم فى التليفون
زياد / و ليه لا يا احمد
احمد / عشان مرام ممكن تتجنن و تسلم الريكورد ده للنيابه يا ذكى هى مش هتعمل زى مازن و تقول ابويا و تخاف من الفضيحه هتروح و تسلمه و هيثبتوا انه حقيقى و اسمى و اسم ابراهيم هيجي فى الموضوع و ساعتها يا فالح كل الاسهم هتنزل الارض و انت اول واحد هتكون خسران
زياد / ما مازن كمان اسهمه هتنزل الارض
احمد / يا سلام هو يعنى عشان نغرق مازن نغرق معاه و بعدين مين اللى فهمك اصلا ان مازن هيغرق يا ابنى بنته هى كنا بنتفق على قتلها و هو البطل اللى انقذها دا انت هتعمل منه اسطوره ان كان هو و لا مرام و مش بعيد المنتجين يموتوا بعض عشان يعملوا قصته فيلم دا الناس مموته روحها على الفيس بتحتفل بالباشا الكبير رمز العطاء اللى قرر يشارك الجماهير العريضه فرحته
زياد / امال اخلص من القرف ده ازاى
احمد / لو عاوز تعمل كدا بقى يبقى لازم تلاقى طريقه تخلى مرام تسمع بيها الريكورد على موبايل مازن و فى وجوده ساعتها مازن اكيد هيحمى ابوه و يمسحه و يمنعها تبلغ فالنار تولع بينهم اكتر
زياد / و الموضوع ده اعمله ازاى يعنى ما انا حتى لو بعت الريكورد و هو معاها ممكن ما يسمعوش قدامها او يحط الهاند فرى يعنى مش مضمونه
احمد / هو انا كل حاجه هفكرلك فيها يا زياد
زياد / و هو فى فكره واحده من افكارك جابت نتيجه بلا خيبه دا حتى فكرتك دى تحوير فاشل لفكره لبنى
احمد / ايه ده هى لبنى هى اللى قالتلك تبعت الريكورد لمرام
زياد / و فيها ايه يعنى لما مراتى تشور عليا يعنى
احمد / لا لا لا ما اقصدش خالص انا بس ما كنتش اعرف انها ذكيه كدا بصراحه ما يبانش عليها
زياد / و انت اش فهمك فى البنات اصلا يا سنجل يا بائس
احمد / ههههههههههههههههههه ماشى يا عم حق تتنطت عليا اشوفك بس
زياد / بقولك ايه اقفل دلوقت و انا هقعد افكر مع نفسى كدا و امخمخ و اشوف ازاى اخلى مرام تسمع الريكورد
احمد / تمام يلا سلام
زياد يقفل التليفون و يطلع فوق
............................
فى شقه مازن تانى يوم
مرام واقفه قصاد المرايه و لابسه قميص نوم قصير ابيض و فوقيه روب ريش و عماله تلف يمين و شمال و تبص على بطنها فى المرايه
مرام / طب اداريكى فين طيب و لا هما نسيو حد جوه و لا ايه ده
فجاه باب الاوضه يتفتح مرام تتفزع و تقفل الروب و تتبت فيه
مازن / مرام الفرخة ... ايه ده
مرام / انت ازاى تدخل عليا الاوضه كدا مش تخبط
مازن / شششششش طب ينفع كدا بقى انا تسبيني ساعه مع الفرخه فى المطبخ و فى فرخه هنا هموت و اكولها
مازن يروح ناحيتها
مرام / اطلع بره اغير هدومى
مازن / لا تغيرى ايه دا انتى ربنا يحاسبك حتى
مرام / فى ايه يا مازن انا كنت بقيسه بس بشوف لسه مقاسي و لا لا
مازن يقرب من مرام اوى و هى بتحاول تلاقي مهرب ما فيش يحضنها من وسطها و يبص فى عنيها
مازن / مقاس ايه بس يا شيخه دا انتى ولعتى فيا خالص
مازن يبوسها من رقبتها
مرام / ما تافورش بقي وسع كدا
مرام تحاول تفك ايده ما تعرفش تبصله و تدحك
مرام / و اخرتها يعني طريقك مسدود اوعى بقي
مازن / اللى يحضر العفريت
مرام تلف ايديها حوالين رقبه مازن بدلع يبصلها
مرام / انت اللى فتحت الباب من غير ما تخبط
مازن / مهو ده اللى ناقص استاذن قبل ما ادخل اوضه مراتى كمان
مازن يقرب تديله خدها يبوسها و هى سعيده
مرام / طب انا جعانه دلوقت ممكن ناكل بقي قبل ما ملك تصحي
مازن / ياريت تصحي و تصحيني لحسن انا متبنج و فاقد التحكم على الاخر
مازن يحضنها اوى
مرام / مهى مش هتصحى دى لسه راضعه و نايمه
مازن / خلاص خلينا انا مرتاح كدا
مرام / هههههههههههههههههه دا انت مشكله
مازن / انا برده
مرام / افهم يعنى يفرق ايه ده عن اى كاش من اللى كنت بلبسهم و انا حامل شويه الريش دول يعنى
مازن / ريش ايه بس اللى فرق انك بتدلعيلى لبساه عشانى
مرام / بس انا مش لابساه عشانك
مازن يزعق فى ودنها و هى بتحاول تسد ودانها و تدحك
مازن / اخرسي يا بنت الجزمه يا اللى جوه بدل ما اكسر القلعه دى على دماغك
مرام / هههههههههههههههههه بطنى حرام عليك مش قادره
مازن / لبساه لمين الريش ده
مرام / ليك ليك
مازن يسيبها و يعدل هدومه
مازن / ايوه كدا اتعدلى
مازن تحط ايديها حوالين رقبه مازن و تبصله بدلع
مرام / ممكن ناكل بقي عشان اخد الدوا قبل ما الوجع يزيد عليا
مازن / امرى لله ناكل الفرخه البلدى لحد ما الفرخه البيضه دى تستوى
مازن يركب مرام الهوى تصرخ و تزغده
مرام / يا جزمه
مازن / هههههههههههههههههه هغرف على ما تنتفى الريش ده و تحصليني
مازن يمشي و مرام واقفه مبتسمه و بتابعه لحد ما يطلع بره
......................
فى تركيا
صافى مانجه فى ايد شريف بيزق عربيه الشنط خارجين من المطار تقابل عائشه مامتها و معاها تلت رجاله كبار بشنبات صافى تحضن عائشه و توطى تبوس ايد الرجاله التانين و شريف يسلم بالايد بس
راجل 1/ هوشجالدنيز ( اهلا و سهلا )
شريف / هوش بولدوج
صافى / بولدوك بولدوك بولدوج ايه هو كلب ... افيدارسينيز شريف توركشى بلميو ( اسفه شريف لا يجيد التركيه )
الراجل يبتسم
راجل 2/ ايفى جال اوتلى جيتميدن اونجى سيزي كوتليجاز ( هنروح البيت و نحتفل قبل ما نوصلكوا الفندق )
صافى / بيقول هيحتفلوا بينا فى البيت الاول و بعد كدا نروح الفندق ايه رايك
عائشه / ستات العيله كلها مجهزين عزومه كبيره و اكل كتير على حسكوا و متجمعين من كل مكان
صافى تبص لشريف بكيوت فايس
شريف / قلبى انا هنا عشانك تمام
صافى تفرح جدا
صافى / شريف جيتميك ايشن هايجانلى ( شريف متحمس للذهاب )
رجل 3 / ايفالله ( شكرا )
صافى / هادى هادى ( يلا يلا )
الكل يروح ناحيه العربيات
........................
فى فيلا زياد
فريده بترتب الشنطه و ابراهيم قاعد بيبص على ورق فى ايده
فريده / هو انت هتمضى العقود مع كامل فى لندن و لا لما ينزل مصر مهو مستحيل ينزل مصر و مونيكا على وش ولاده و برده مستحيل مازن يسيب مرام و هى لسه والده الموضوع اتلخبط خالص
ابراهيم / هما ما اتكلموش فى حاجه و انا مش رايح عشان اتكلم فى الشغل انا رايح اطمن على بنتى
فريده / طبعا يا قلبى انا بسال بس عشان لو الموضوع اتفتح مش اكتر
ابراهيم / سبيها لظروفها ممكن مازن يجى يمضى و يرجع فى طياره خاصه
فريده / انت بتتكلم انه هيسافر من القاهره لاسكندريه دا ست ساعات سفر رايح و زيهم جاى
ابراهيم / عادى ممكن يقضيهم مزنوق فى الزحمه على المحور
فريده / كنت بفكر ليه ما تبقاش دى فرصه للصلح و تدخل زياد معاكوا فى المشروع
ابراهيم / هو مش زياد لسه داخل بعشرين فى الميه مع انس
فريده / و ماله اما يدخل هنا كمان بعشرين فى الميه هو المهم النسبه و لا المهم اننا نرجع عيله زى زمان
ابراهيم / المشروع ده كبير على زياد
فريده / ليه يا ابراهيم دا حتى زياد تلميذك و بينفذ كل اللى بتقوله ليه بالحرف و لحد دلوقت الحمد لله ما تقدرش تتكلم و لا تمسك عليه غلطه واحده
ابراهيم / انا مش معترض انا اقصد كبير عليه ماديا ما افتكرش ان زياد معاه يدخل انا نفسى مش معايا و هبيع لمازن القريه
فريده / انا هساعده انا معايا قرشين كويسين فى البنك و كمان ممكن ابيع عليهم كام طقم سولتير من القدام
ابراهيم / هو انا بقولك هنشترى فيلا فى الساحل عشان تقوليلى هبيع كام حته دهب عشان ندفع القسط بقولك مشروع بمليارات
فريده / الله يا ابراهيم اعملك ايه يعنى ما هو ده اللى عندى شويه الالماظات اللى بتجبهالى من وقت للتانى هو انا بشتغل و لا انت بتكتبلى حاجه هجيب منين يعنى شوف احنا عايشين مع بعض بقالنا كام سنه هو ده كل اللى اخدته منك
ابراهيم / انتى بتقولى ايه يا فريده بتتكلمى كانى حارمك من حاجه و لا كانى مقصر معاكى دا انتى فاتوره الشوبينج بتاعتك بتتقاس بالمتر من طولها
فريده / والله دا اللى ناقص كمان بناقص يا حبيبى الكام فستان اللى ببدل فيهم بناقص
ابراهيم / لا اله الا الله شوفى انا بقول ايه و انتى بتقولى ايه فريده حبيبتى انا مش معايا فلوس دلوقت انا داخل فى كميه مشاريع بالهبل سحبت كل السيوله اللى معايا انا هصالحهم على بعض ماشى بس الصبر لحد ما المركب تمشى شويه مش اكتر
فريده / اللى تشوفه
فريده تتقمص ابراهيم يبص للناحيه التانيه و يرجع يبصلها
ابراهيم / انتى عمرك شوفتينى فى وضع زى ده
فريده تبصله
ابراهيم / من يوم ما قابلتينى عمرك شوفتينى فى وضع ما عييش فيه سيوله او بضطر ابيع حاجه عشان اشترى حاجه تقدرى تقوليلى ليه انا وصلت للوضع ده
فريده / صدقنى انت مش عاوز تعرف اجابه السؤال ده
ابراهيم / عشان انا ما مش بقول لزياد لا بابا المشروع ده ممتاز تمام يا زياد بابا المناقصه دى هتفرق معانا تمام يا حبيبى بابا الارض دى بكره تمنها يضرب اشترى يا زيزو
فريده / و بيحصل هاتلى ديل واحد زياد عمله و خسرت فيه
ابراهيم /يا حبيبتى انا مش بتكلم عن كدا انا اقصد
فريده / احرق يا مازن اصرف تعويضات و ترضيات يا ابراهيم اضرب و كسر يا مازن اصرف تعويضات يا ابراهيم حد اتكلم و قال حاجه
ابراهيم / و مين اللى بدا القرف ده كله
فريده / انت
ابراهيم يبصلها
فريده / ايه انت اللى طلبت من زياد انه يخرج مرام من حياه مازن تحب افكرك العلاقه كانت ازاى بين زياد و مازن قبل اللى حصل زياد لما اتحط فى موقف مضطر يختار بينك و بين اخوه و صاحب عمره اختارك كل اللى حصل لزياد من مازن حصل بسببك و عشان يرضيك عشان انت ما قدرتش تقبل بمرام زياد هيفرق معاه ايه مازن يتجوز مرام او غيرها بالعكس علاقه زياد بمرام و اهلها كانت كويسه جدا و بعت جدتها تعمل عمره فاكر و لا لا
ابراهيم يبصلها
فريده / حق زياد عليك انك زى ما هتحسن علاقتك بمازن تحسن علاقته هو كمان بمازن حقه عليك انك تصلح بين الاخوات حقه عليك انك توقف الحرب دى
ابراهيم / هعمل كدا بس مش دلوقت مش فى المشروع ده الاول احسن علاقتى بمازن عشان يبقى على الاقل ليا خاطر عنده لما اتكلم عن زياد لكن دلوقت لو حاولت هخلى مازن يهرب
فريده / مازن دلوقت هو اللى هيجرى وراك صدقنى
ابراهيم / يا فريده اصبرى الله اصبرى و بعدين انا مصالحتى لمازن هتضمن وقف القرف اللى احنا عايشين فيه بقالنا تسع شهور ده هتوقف النزيف المادى اللى بيحصل كل يوم هنركز فى شغلنا بصى يا فريده مازن شاب حماسى و انتى عرفاه اكتر منى بس هو اتغير انتى بنفسك شوفتى رد فعله على اللى انس عمله
فريده / ايوه بالظبط انس و احمد هتعمل معاهم ايه
ابراهيم / ما يولعوا بجاز هو انا خلفتهم و نسيتهم ما يحلوا مشاكلهم بنفسهم و لا يخلوهم فى حالهم بصى الخطه كالاتى انا هتصالح مع مازن و بكدا علاقتى هتتحسن تلقائى بمونى و ساعتها هقعد انا و مونى نشوف طريقه نوفق بيها العلاقه مع مازن و فى فتره قليله جدا ان شاء الله هنرجع اسره واحده كبيره شوفتى سهله ازاى
فريده / طب و مرام هتسمح بده
ابرهيم يبص الناحيه التانيه و ينفخ
فريده / ايه مرام برده مهمه فى القصه دى دى مراته و ام بنته و لازم تلاقى طريقه عشان تسيطر عليها
ابراهيم / اخرها تعمله انا ابنى و حفيدتى معايا
...............................
