((((((السكة شمال٢))))))
#لولو_محمد
الحلقه ٤٩
الممرضه تمشى و مازن بيبصلها بغضب و ينفخ و يفتح الباب و يدخل
ابراهيم / جاى تكمل عليا عرفت انى لسه عايش قولت اجرب تانى يمكن المرادى تفلح
مازن / انا برده يا بابا على فكره مفيش حد معاك بره غيرى
ابراهيم / لو كانت مونى و زياد فى دبى
مازن / انا مكنتش فى دبى لما حضرتك تعبت زى مكلمتونى كان ممكن تكلموهم
ابراهيم / حسابى مع فريده انها كلمتك
مازن / تمام انا نازل مصر
ابراهيم / تعال هنا يا ولد انت بتتلكك و لا ايه انت بجد عاوز تسبنى مرمى فى المستشفى و تجرى ورا بنت السباك دى
.............................
مازن / اسمها مرام يا بابا لو سمحت
ابراهيم / اسمها زفت الطين على دماغها
مازن يبص الناحيه التانيه و هو مدايق
ابراهيم / تعال هنا يا مازن اقعد جنبى
مازن يروح يقعد و يبص فى الارض
ابراهيم / بتحبها ؟
مازن / طبعا
ابراهيم / و انا ؟
مازن / بحبك طبعا يا بابا ايه السؤال ده
ابراهيم / و انا كمان بحبك يا مازن بحبك و مستخسرك فى البنت دى
مازن / تفرق ايه هى عن اى بنت تانيه ليه بتكرها اوى كدا مرام بنت كويسه جدا
ابراهيم / و انت جبت الثقه دى كلها منين
مازن / مين فى الدنيا عرف بنات اكتر منى
ابراهيم / فى مليون بنت محترمه مش عاوز ماهينور تمام انا مقدر انا هجيبلك بنت بمواصفات مرام و احسن منها كمان بس بنت ناس
مازن / مرام مراتى يا بابا انا بحبها ليه حضرتك مش قادر تفهم ده
ابراهيم / عشان انت خساره فيها
مازن / القرد فى عين ابوه غزال واضح يعنى
ابراهيم / هههههههههههههههههههه بزمتك ده مازن ابنى اللى كان بيهز الارض تحت رجليه و هو ماشى مش واثق فى نفسه بيقلل من نفسه عشان دى
مازن / انا مبقللش من نفسى انا بس عارف قيمتها هى
ابراهيم / مفيش فايده يعنى
زياد يدخل يجرى ياخد ابراهيم فى الحضن
زياد / سلامتك يا بابا انا جيت على اول طياره حد كلم مونى
ابراهيم / انا قولت لفريده متقلقهاش
ممرضه تدخل
الممرضه
الممرضه / ايه ده يا جماعه لو سمحتوا مينفعش كدا دى عنايه
زياد يبص لمازن
مازن / انا بره لو احتجتوا حاجه
زياد / شكرا
مازن يطلع بره يقابل الممرضه اللى معاها موبايله
مازن / لو سمحتى لو سمحتى كنتى اخدتى منى الموبايل
الممرضه تطلعه من جيبها و تديهوله
الممرضه / متدخلش بيه جوه
مازن / تمام شكرا
الممرضه تبتسم و تمشى و مازن يبص فى الموبايل
مازن / ايه البت الرخمه دى و لا مره حتى
............................
فى شقه مرام
مرام قاعده على السرير بتعيط وواخده رجليها فى حضنها سميحه تدخل و تبص عليها بحزن
مرام / عاوزه اقعد لوحدى لو سمحتى يا تيته
سميحه / انا زهقت من القاعده لوحدى بره
مرام / كام مره هيعمل فيا كدا و انا سمحاله و مستمتعه كام مره هيلعب بيا و يدحك عليا كام مره هضعف قدامه و اسامحه و اسلمله قلبى تانى كام مره هعمل فى نفسى كدا يا تيته كام مره
سميحه تروح تقعد جنبها صوت نوتيفيكايشن من الموبايل مرام تجرى على الموبايل و تبص و ملامحها فيها خيبه امل ترمى الموبايل
مرام / رقم غريب
سميحه / كنتى فكراه هو
مرام / لا طبعا و استناه بمناسبه ايه يعنى
مرام تبص قدامها و بعدين تبص لسميحه بحزن و الدموع ماليه عنيها صوت النوتيفيكايشن يتكرر تمسك الموبايل و تفتح رسايل الواتس صور لمازن و هو حاضن نورا من ضهرها
مرام / ابعدى عن ابنى لو لسه عندك كرامه ابنى لقى واحده تليق بيه و هيتجوزها
مرام تبص لسميحه و تكتب سميحه تسحب منها الموبايل
سميحه / متنزليش بنفسك للمستوى ده مترديش عليهم الكلام ده مش ليكى لانتى اللى بتجرى ورا مازن و لا يفرق معاكى اصلا
مرام / ايوه ميفرقش
سميحه / بس هتعملى ايه فى العيل اللى فى بطنك ده هو برده ابوه يمكن لما يعرف
مرام / مش هيعرف
سميحه / حرام يا مرام
مرام / و لما يجبرونى اسقطه زى ما عملوا فى نيفين ... ااااااه ياريتنى سمعت كلامها كان فين عقلى كان فين
سميحه / مانتش زيها
مرام / النتيجه واحده
سميحه / اوعى يا مرام اوعى انتى معملتيش حاجه غلط هو اللى غلط
مرام تبص لسميحه و تبتسم و تمسح دموعها
مرام / تعرفى يا تيته انا مش هسمحله يدمر فرحتى تانى قتل فرحتى انى عروسه بس مش هيقدر يهدم فرحتى انى هبقى ام كل الاحلام التانيه تبان ولا حاجه جنب الحلم ده
سميحه / بس هو ابوه برده
مرام / محدش بيختار اهله يعنى تعرفى انا هركز فى مستقبلى عشان لما تيجى الدنيا تلاقيكنى بقيت معيده و بشتغل و معاىا اصرف عليها مش هخليها محتاجاله و بكره كمان ابقى دكتوره فى الجامعه هدخلها احسن مدارس و احسن جامعات هربيها صح
سميحه / انتى خلاص عرفتى انها بنت
مرام / نفسى اوى فى بنت .. ملك
سميحه / طب افرضى
مرام / مفرضش ملوش اى حق فيها ملوش اى حق مش هسمحله مش هديله فرصه تعرفى انا امها انا حاضنه مش هسمحله يحرمنى من بنتى و لا انه يستخدمها ضدى
سميحه / بس مش هتقدرى تخبى الحمل طول الوقت
مرام / على ما بطنى تبان هيكون الحمل ثبت ان شاء الله و فى الوقت ده هخرجه من حياتى واحده واحده
سميحه / ازاى يعنى
مرام / مش عارفه بس اكيد هلاقى طريقه يعنى
تليفون مرام يرن مازن تمسك الموبايل و الغضب يملا ملامحها
سميحه / مترديش و انتى متعصبه متضيعيش حقك
سميحه تفتح شنطه مرام و تطلع صوره السونار و تحطها فى ايدها مرام تهز راسها و ترد
مرام / الو
مازن / ايه يا بنتى كل ده نايمه
مرام / افندم ؟؟
مازن / كلمتك كتير جدا تليفونك كان غير متاح
مرام / خير كنت عاوز حاجه
مازن / كنت عاوز اطمن عليكى انا اسف اطريت اسافر فجاه بابا تعب فجاه و نقلوه العنايه
مرام / لا الف سلامه طبعا
مازن / مالك هو شريف مكلمكيش و فهمك و لا ايه
مرام / و هيكلمنى ليه ان شاء الله
مازن / انا قايله يكلمك
مرام / انت متصل ليه يا مازن خير عاوز حاجه
مازن / مالك يا مرام
مرام / مالى
مازن / بتردى كدا يعنى بتقفلى فى الكلام
مرام / انا مش فاكره امتى اخر مره فتحت معاك فى الكلام عشان تبقى مستغرب
مازن / انا عارف ان علاقتك ببابا
مرام / مازن متدخلش باباك فى الموضوع
مازن / امال مالك بقى
مرام / انت متصل تسالنى مالى انا كويسه يا سيدى زى الفل
مازن / انتى زعلانه عشان الفيديو و الجمعيه يعنى الفيديو اتشال خلاص و الناس دول اتقبض عليهم
مرام / مازن انا مش زعلانه او عشان مبقاش بكدب حتى لو زعلانه انا مش زعلانه منك فى الحوار ده
مازن / امال زعلانه من ايه
مرام / ههههههههههههههههه انت عامل حاجه تزعلنى ؟
مازن / بما انك مش زعلانه منى فى حوار الجمعيه و لا عشان سيتك امبارح و سافرت لبابا يبقى معملتش اى حاجه قبلها بيتهيالى حليناها امبارح و لا ايه
مرام / مش فاهمه انت بتتكلم عن ايه
مازن / بلاش الاسلوب بقى يا مرام متبقيش غلسه بقى اتقلى بس مش دلوقت انتى اصلك مش متخيله انتى وحشانى قد ايه
مرام / هههههههههههههههههههههههههههه كمل كمل
مازن / كمل كمل !!!
مرام / خلاص خلاص نتكلم جد بقى بخصوص اللى حصل امبارح
مازن / انا لولا كلمونى كنت جبت الماذون و
مرام / انا كنت مضطره اعمل كدا
مازن / ايه ؟؟
مرام / انا عارفه ان ... اووووف بص كان غصب عنى البنت اللى اسمها مرام دى كانت شافت الفيديو و كانت هتقول للكل و خصوصا بعد الخناقه دى انا مكنتش عاوزه اواجهم لوحدى من غير ما انت تكون فى صفى مكانوش هيصدقونى انت نفسك شوفتهم عملوا ايه مع انك برائتنى ما بالك لو كنت لوحدى
مازن / مش فاهم انتى بتقولى ايه
مرام / بقول اننا خالصين انت استغلتنى مره و انا استغليتك مره و خلاص
مازن / انا استغليتك ؟؟ دا كان امتى بقى
مرام /ليه مراهنتش عليا وسط صحابك ... بص بص اولا خلينا نتفق ان كل ده حصل بسببك اصلا انا قولتلك ابعد عنى انا كنت بتعامل فى الجمعيه و عادى انت اللى صممت تحشر نفسك تانى فى حياتى صممت ترجع بالمشاكل و الاكشن و الرعب و القرف انت اللى مش راضى تسيبنى فى حالى
مازن ساكت و مش مستوعب
مرام / بص انا كنت خلاص رتبت حياتى و بدات اتعامل دلوقت انا رجعت لنقطه الصفر تانى و دا بسببك بص انا
مازن / انتى بتكدبى .. انتى بتكدبى
مرام / ليه هفضل هبله علاطول هفضل معاك الفتره دى كلها و مش هتعلملى حركه و لا اتنين
مازن / انتى بتحبينى
مرام / حبيتك اه حبيتك طبعا دى حاجه مش هقدر انكرها للاسف بس لانت مازن اللى انا حبيته و لا انا مرام اللى حبتك
مازن / انتى بتكدبى انتى اكيد بتكدبى انا متاكد انك لو فتحتى الكاميره دلوقت هلاقى فتحه مناخيرك اوسع من نفق الازهر
مرام / تحب افتح الكاميره عشان تتاكد مازن انت ليه مش عاوز تصدق صعبه على كرامتك صح مستحيل تلحق تنسانى باذى غرورك مش كدا
مازن بعصبيه / انتى بتقولى ايه ... انتى بتقولى ايه انتى
مرام / الموضوع انتهى الجمعيه و مش هروحها كلها شهرين و نمتحن و نتخرج و كل واحد يروح لحاله
مازن / انا جايلك على فكره ورينى هتقولى الكلام ده فوشى ازاى
مرام / لو عندك ذره كرامه واحده ... بص انت فين
مازن / فى المستشفى مع بابا فى دبى
مرام / دبى بلد جميله مليانه سياح مليانه بنات حلوه مليانه فلوس متخليك هناك شوفلك واحده حلوه و فكك منى و اهو يمكن حبايبك يتلهوا بيها و تنسونى شويه
مازن / فى حاجه حصلت انا معرفهاش اكيد فى حاجه حصلت اكيد مستحيل مستحيل يا مرام
مرام / اوووووف بص انا هقفل بقى عشان ورايا شغل و هعمل رقمك بلوك و لو جيتلى هعملك محضر عدم تعرض و لو فكرت تقل معايا و تردنى هخلعك و لو فكرت
مازن / لا مانا جايلك جايلك متحاوليش
مرام / كنت عاوزنى اعمل ايه قولى انا كنت خايفه
مازن / ايوه خايفه من ايه بقى فى حاجه حصلت صح
مرام / يا اخى افهم انت ليه مش قابلها على كرامتك ما انا قبلتها
مازن / عشان انا عارفك لو الهبل ده دخل على اى واحد تانى مش هيدخل عليا
مرام / برده ... طب اعمل ايه عشان تصدق هو انت يعنى فاكر نفسك ايه دانا لو كنت مدمنه هروين كان زمانى خفيت فكك منى بقى يا مازن شوفلك غيرى ... و اه كنت هنسى انا رديت عليك عشان المحن اللى انت عايش فيه و عشان متصدقش نفسك قولت اقولك الحقيقه بدرى بدرى و ننجز
مازن / كل ده عشان سافرت لبابا ؟؟ يا مرام انا عارف انه اذاكى بس دا ابويا
مرام / يوووووه بقى على الغباء هو ده غباء و لا تناحه يا مازن بقولك ايه عاوز تفهمها كدا افهمها انا يا سيدى قليله الاصل ابعد عنى بقى فكك منى بقى اووووف
مرام تقفل السكه و تحط الموبايل قدامها يتصل تانى تمسكه و تعمل بلوك و تنفخ
سميحه / مش هيسكت على فكره
مرام / اعلى ما فخيله يركبه
سميحه / طب ليه مقولتيلوش الحقيقه ليه مقولتيلوش انك عارفتى انه بيلعب عليكى
مرام / يا سلام و كرامتى اقوله كسبت للمره المش عارفه كام ... نسيت العد من كتر ما لعب بيا و انا زى الهبله زى ايه مانا هبله فعلا دا انا جموسه جموسه بقره طوره غبيه
سميحه / اهدى يا مرام
مرام / عارفه لو كان قدامى دلوقت كنت شرحته كنت شفيته و قطعته و خليت اكبر حته فيه قد النمله دكاتره العالم مش هيعرفوا يصلحوه تانى
سميحه / هههههههههههههههههههههههه
مرام / ادحكى ادحكى مهو دحك عليكى انتى كمان لو كان بابا عايش كان لقى راجل يقفله
مرام تعيط و سميحه تبص فى الارض مرام تمسح دموعها
مرام / خلاص مفيش عياط تانى العياط بيضر البيبى مكتوب فى ورقه الممنوعات
مرام تبص لسميحه تلاقيها حزينه
مرام / بقولك الزعل بيضر بالبيبى انتى عاوزه البيبى تيجى تعبانه
سميحه / البيبى فى بطنك انتى الله
مرام / الله هو انا يعنى مش هزعل عشانك تعرفى انا هقوم اعمل حاجه حلوه و ناكلها سوا انا هبقى ام و انتى هتبقى تيته هو انتى هتبقى ايه يا تيته ما انتى تيته اصلا
سميحه تدحك مرام تحضنها
مرام / تعرفى انا متخيله شكلها بت زى القمر شبهى طبعا بس بختها احسن من بختى ان شاء الله
سميحه / ان شاء الله
مرام / انتى ربتينى لوحدك ايه يعنى اما اربيها لوحدى و بعدين انتى معايا اهو صح
سميحه تحضن مرام
مرام / هسميها ملك انا حتى هعملها فستان و اكتب عليه ملك هعمله ابيض عشان تلبسه فى السبوع ... هعمله شتوى عشان هى هتيجى فى الشتا ... و هعمله لكلوك صغنن و طقيه و هكتب ملك بالاحمر و هعمل وردات حمره على اللكلوك و الطقيه هنا كدا من الجنب ... الله شكله حلو اوى
سميحه تبص لمرام بحزن و مرام بتكابر و تحاول تبان سعيده
مرام / هنعملها سبوع و حلقاتك برجالاتك و يارب يا ربنا تكبر و تبقى قدنا هههههههههههههههههههههههه
سميحه / ان شاء الله احلى سبوع
مرام / و لا نخليها عقيقه احسن دانا هطبخها بايدى و اوزع على كل الناس هعمل فته و لحمه
الدموع تنزل من سميحه غصب عنها
مرام / انتى بتعيطى ليه دلوقت الله
سميحه / دموع الفرحه تقريبا لما تخيلت انى هشيلها فى ايدى
مرام / اه ان كان كدا ماشى ...تيته اوعى محمود يعرف انى حامل لو عرف هيقوله مش عاوزه مازن يلاقى سكه يدخلى منها و لا عوزاه ياذيها انا هبقى اقوله بس لما ابقى قادره احميها منه مش عوزاه يستغلها ضدى دا حيوان و ملوش عزيز
سميحه تهز راسها
مرام / انا عارفه ان عمتى هتزعل اننا خبينا عليها بس هى اكيد هتفرحلى فى الاخر مهى هتبقى تيته مش كدا ؟؟
سميحه تهز راسها مرام تبصلها بابتسامه مصطنعه و تترمى فى حضنها سميحه تطبطب عليها و تبوس راسها
سميحه / هتبقى احلى ماما فى الدنيا
مرام تبتسم بجد
..................................
فى شقه شريف
شريف بيتكلم فى التليفون
شريف / والله يابنى زى ما كلمتك الحاجات جت ورا بعض
مازن / انا مقدر يا شريف بس والله العظيم فى حاجه حصلت مرام متقولش كدا ابدا
شريف / انا هروحلها و اتكلم معاها
مازن / و محمود ده كمان الباب فى الباب و ميعرفش عنها حاجه مشفهاش من امبارح انهى جيران دول انهى اهل
شريف / ممكن تهدى
مازن / هو ايه اللى اهدى انت تعرف عن مرام انها تعمل كدا انت مش كنت واقف انت شوفتها مستحيل يكون ده تمثيل دى مبتعرفش تكدب اصلا هتمثل ازاى بالطريقه دى
شريف / يمكن بتكابر يعنى انت لسه هتعرفها
مازن / دى كانت فى حضنى يا شريف نامت فى حضنى طب كانت بتمثل قدامهم و روحنا نامت فى حضنى ليه مترد عليا يا شريف
شريف/ اقولك ايه طيب ما انا كمان مش فاهم
مازن /انا مش عارف اعمل ايه انا مش عارف بيحصلى كدا ليه دا انا قولت خلاص
شريف / اخبار باباك ايه
مازن / معرفش و مش فاهم اى حاجه فى المخروبه دى و محدش بيفهمنى حطينه فى اوضه فى العنايه لوحده و مش عارف حتى عنده ايه بس هيخرج كمان شويه يروح
شريف / كويس اطمن عليه و لما ترجع اتكلم معاها وش لوش انا متاكد ان اكيد هيكونلك تاثير عليها يعنى انت بقى و حركاتك كام نظره على كام حلوه كدا يعنى و لا ايه
مازن / لو كانت قدامى كنت رزعتها قلم قرت بالحقيقه علاطول
شريف / قلم برده هههههههههههههه
مازن / شريف انا مش طايق نفسى
شريف / كنت بحاول اللطف يعنى
مازن / اقفل اقفل انا مش طايق نفسى دلوقت خالص
شريف / لو عرفت حاجه هكلمك تانى
مازن / تمام يلا سلام
شريف يقفل و يتصل بحد تانى
شريف / ايوه يا ابنى ازيك بقولك ايه اخبار مرام ايه ...
...............................
فى شقه سحر
سحر قاعده على السرير بتعيط مامتها تدخل
الست / فى ايه يا سحر هو مفيش جمعيه يبقى مفيش كليه كمان
سحر / تعبانه شويه
الست / ايه اللى بتعمليه ده يا سحر انتى كبرتى عالحركات دى
سحر / انا كنت مبسوطه فى الجمعيه يا ماما
الست / الجمعيات ماليه البلد و مش بعيد لما تتخرجى تعمليلك واحده و تمسكينى المديره ههههههههههههههههههه
سحر / بتتريقى عليا يا ماما كتر خيرك
الست / و لا بتريق و لا حاجه بس الحاجات دى بتحصل يا بنتى طب دا الفتره اللى فاتت فى جمعيات كتير اوى اتقفلت عشان طلعوا وجهات
سحر / اهو انتى قولتيها دى بقى مش واجهه لاى حاجه ناس محترمه
الست / فعلا محترمين اوى و سيرتهم .. يلا عندنا ولايا
سحر تبص للست
سحر / يعنى مرام هى السبب انى مروحش يعنى
الست / مرام دى و لا غيرها الدنيا مفيهاش امان و اديكى شايفه البلد وقت الجد بيلموا العاطل فى الباطل و احنا مش وش بهدله
سحر / و انا بعمل ايه يعنى بروح ازور دار ايتام و لا دار مسنين
الست / يا ستى و دى محتاجه يعنى جمعيه نبقى نروح انا و انتى فى اى وقت
سحر / يا ماما افهمينى بقى عشان خاطرى
الست / بقولك ايه يا سحر بلاش دلع مفيش كليه يبقى تقومى تساعدينى فى الشقه والله لامسحهالك كلها النهرده هخليكى تروحى الكليه حتى يوم الاجازات عشان تبقى تتقمصى كويس
سحر تبص للست و تقوم و الست تقعد تدحك
...............................
فى شقه مصطفى
مصطفى قافل على نفسه الاوضه فادى يدخل
فادى / مصدقتش لما امك كلمتنى و قالتلى انك مكتأب
مصطفى / مش هنخلص النهرده صح
فادى / جرا ايه يا له متكلم اخوك الكبير عدل هو اكمنى بطلت اديك على قفاك و لا ايه استاخر خدنى جنبك
فادى ينام جنب مصطفى
فادى / ياربى كان يوم طويل و صعب و متعب و الباشا نايملى فى السرير
مصطفى يبصله
فادى / اشترينا اجهزه جديده بدل اللى اتكسرت و صلحنا الوجهات و كلو بقى زى الفل المعرض رجع عروسه
مصطفى / مبروك
فادى / و شركه التامين اتصلت و ابوك راحلهم الموضوع خلص واضح ان صاحبك طلع واصل زى ما سمعت عنه
مصطفى يبص لفادى
فادى / حوار البت اياها برده
مصطفى / لا خلاص الموضوع ده انتهى قولت
فادى / لوحده كدا و لا حصلت حاجه اوعى يا له تكون كلمتها
مصطفى / لا طبعا بس انتهى انا فكرت فى كلامكوا و لقيت ان معاكوا حق خلاص شلته من دماغى
فادى / مش مرتاحلك فرحان طبعا انك عقلت بس مش مرتاحلك
مصطفى / انت فاضى بقى و جاى تتسلى عليا
فادى / هههههههههههههههههه بصراحه اه
مصطفى يبتسم
فادى / هو الجمعيه قافله النهرده و لا ايه
مصطفى / لا فاتحه بس مفيش متطوعين محدش راح و غالبا محدش هيروح
فادى / عشان مفيش شغل و لا عشان اللى حصل امبارح
مصطفى / مش عارف
فادى/ طب اقولك فكره حلوه و تدينى عشره جنيه
مصطفى / قول
فادى / هات العشره جنيه الاول
مصطفى / مش لما اتاكد انها حلوه
فادى / انت نصاب و انا عارفك هتاخد الفكره و تخلع
مصطفى يبص لفادى باستغراب و يضرب كف على كف
فادى / هههههههههههههههههه بهزر معاك ابعدوا عن الجمعيه فتره
مصطفى يبصله و يبص الناحيه التانيه و هو بيهز راسه بخنقه
فادى/ خلوا الانشطه كلها خارجى يعنى اتقابلوا فى مكان بعيد عنها فوسط البلد مثلا و اتجمعوا و روحوا زيارات خارجيه ملاجئ مستشفيات ايتام حاجات من دى و اهو يبقى الخير مستمر و الصله موجوده و اهو الاهالى برده يطمنوا على ولادهم بعيد عن منطقه المشاكل
مصطفى / تصدق انها فكره حلوه
فادى / عارف طبعا مش فكرتى
مصطفى / انت اغلس ... و اجدع اخ فى الدنيا
فادى / متحولش هاخد العشره جنيه يعنى هاخدها هههههههههههههههههه بهزر بهزر قوم يلا اتفرج معايا عالمطش
فادى يقوم و مصطفى يكتب حاجه على الواتس و يبعتها
فادى / مش جاى يابنى
مصطفى / جاى جاى
مصطفى يقوم وراه
............................
فى شقه مها
مها بتكلم سحر فى التليفون
مها / هههههههههههههههههه والله امك دى شت عسليه
سحر / تتزنقى زنقتى يارب
مها / هههههههههههههههههه بقولك ايه شوفتى جروب الواتس بتاع الجمعيه
سحر / هو انا فاضيه اخش الحمام بقولك امى سحلانى فى الشقه دا انتى تليفونك انقذنى اقسم بالله ادينى باخد نفسي شويه
مها / هههههههههههههههههه افتكرى الجمايل بقي
سحر / المهم ماله الجروب
مها / مستر مصطفي نقل مكان التجمع عند كافيه ديناميك عرفاه اللى قعدنا فيه انا و انتى مره لما طلبتي الشوكليت لوفر و كنتى هتعيطي عشان مش قادره تخلصيها
سحر / افتكرته افتكرته بس اشمعن ده يعني
مها / هو قال نقوا مكان نتجمع فيه غير الجمعيه و كدا و كان فى اقتراحات كتير المهم فى الاخر اختاروا ده انا كلمت ماما ووافقت فهروح الزياره بكره انتى بقي شوفى ظروفك
سحر / ربنا يسهل هكلمهم عل و عسي
مها / صحيح مفيش اخبار عن مرام
سحر / لا معرفش عنها حاجه بابا اصلا منعنى اكلمها
مها / انا كنت عاوزه اعتزرلها عن الشال يارب متكونش بدات فيه و كنت عوزاكى تكلميها الموقف محرج اوى بالنسبالى
سحر / بقولك اهلى منعونى اكلمها تقوليلى كلميها
مها / اوووف اعمل ايه يعنى ماما لو عرفت انى جبت الشال منها هتعمل مشكله
سحر / عندى نفس المشكله دى و مش عارفه لما تسالنى جبتيه منين هعمل ايه
مها / طب انتى امرك سهل جبتيه قبل ما تعرفى و دلوقت علاقتك بيها مقطوعه فمعرفتيش ترجعيه و كدا لكن انا بقى هدخل بيه ازاى من البيت انتى عارفه ان مما هى اللى بتروقلى الدنيا هتلاقيه هتلاقيه
سحر / مش عارفه بقى المهم هتعملى ايه
مها / اقولك .. تبعتيلى رقم الواتس بتاعها ابعتلها رساله و خلاص
سحر / مش هتبقي قله زوق دى
مها / بصي انا عارفه انها كويسه و كل حاجه بس هى حطتنا كلنا فى موقف صعب هعمل ايه يعنى متبصي لحالك مش اللى انتى فيه ده بسببها برضه
سحر / خلاص خلاص هبعتلك الرقم
مها / تمام يلا متنسيش تكلميني بالليل تقوليلي عملتى ايه فى حوار بكره هتيجي و لا لا
سحر / ادعيلي يلا سلام
مها / سلام
مها تقفل السكه تجيلها رساله واتس من سحر فيها رقم مرام تبعتلها رساله
مها / هاى مرام ازيك انا مها يارب متكونيش بداتى فى الشال بتاع عيد الام بتاع مامتى اصلها اشترت واحد امبارح هجيبلها شنطه و خلاص .... تمام ابعت
توصل مها رساله و لا يهمك توصل رساله تانيه ازيك مها تعمل سين و متردش و تحط الموبايل قدامها و بعدين تعملها بلوك
مها / قله زوق قله زوق مش احسن ما كنت خلتها تعمله و دبستها فيه ... اووووف بقي
مها تسيب الموبايل و تقوم تطلع بره
................
