((((((السكة شمال ٢))))))
#لولو_محمد
الحلقه ٢٢
سميحه / يعنى انا الغلطانه مش كدا ماشى ياختى اوعى عدينى
سميحه تدخل و تلف تبص لمرام
سميحه / صحيح محمود نزل يصلى و قال هيجيب فطار معاه و هو راجع متعمليش فطار
مرام / احسن برده
مرام توسع لسميحه و تروح اوضتها و تفك الفوطه و تقعد تسرح شعرها الباب يخبط
مرام / يارب يا محمود تكون جايب طعميه سخنه لحسن نفسى فيها اوى
مرام تلم شعرها و تلبس الطرحه و تروح تفتح تلاقى راجل غريب عنيها توسع يزقها على جوه و هو بيحط صابعه على بقه و يوريها مسدس فيه كاتم صوت
الراجل / شششششششششششششش انا مش هاذيكى طول مانتى مؤدبه و بتسمعى الكلام بس لو فكرتى كدا و لا كدا انا مضمنش ده يعمل حركه مش تمام تيجى فيكى و لا فتيته نزعل كلنا هى فين الاول
.........................................
فى شقه شريف
شريف يبعد امه من قدامه و يجى يروح ناحيه الباب تمسكه و تهز راسها لا يهز راسه اه بالراحه و يقرب من الباب
صوت مازن / افتح يا شريف انا مازن
الكل يرتاح و شريف يشاورلهم يدخلوا جوه الكل يدخل و يفتح الباب
مازن / انت كويس انتوا كويسين
شريف يهز راسه
مازن / انت قافل موبايلك ليه قتلتنى يا اخى
شريف / كان فاصل و بشحنه ... انت ايه اللى جابك
مازن / فى حد اتصل بيا و لما رديت قالى ودع صاحبك و بعتلى صورتك حاولت اتصل بيك معرفتش تليفونك غير متاح جيت على ملى وشى
شريف / فى حد اتصل بيا على موبايل شيماء و بعت صور لصافى على موبايل تقى
مازن / طب كلمت صافى
شريف / صافى صح
شريف يجرى على اوضته و شيماء تطلع لابسه الطرحه بالراحه و هى بتبص على مازن يشوفها يبتسم و يشاورلها
شيماء / هو كلمك
مازن / هو مين
شيماء / الراجل اللى كلمنا
مازن / اه كلمنى بس متقلقيش دا حوار اهبل و هيتجاب يعنى
شيماء / و العربيه اللى ولعت تحت دى حوار اهبل برده
مازن / الرجاله هيطفوها متقلقيش و كدا كدا هبقى اجيبله واحده جديده
شيماء / انا مش قلقانه عالعربيه انا قلقانه على اخويا احنا ملناش غيره
مازن / و انا كمان مليش غيره مفيش حاجه هتحصله متخافيش
شريف يطلع من جوه و الموبايل فى ايده يبص لشيماء تبصله و تدخل جوه
شريف / بيفتح لسه ... تفتكر احمد و لا زياد
مازن عينه على جوه الموبايل يفتح شريف يتصل ترد
شريف / الو
صافى / ازيك وحشتنى
مازن / متخوفهاش
شريف يهز راسه و مازن ياخد موبايله و يروح فى جنب
شريف / انتى عامله ايه
صافى / انا تمام الحمد لله انت عامل ايه
شريف / انا تمام بقولك ايه انتى فين
صافى / هكون فين يعنى انا فى البيت بلبس
شريف/ وراكى حاجه مهمه يعنى لازم تنزلى
صافى / ليه بتسال ليه
شريف / و لا حاجه بطمن عليكى بس
مازن يرجع
مازن / قولها فى عربيه بسواق هتعدى تاخدها و تروح معاها فى كل حته لو ده يناسبها هتوصل فى خلال ساعه تقريبا
شريف / بقولك ايه ينفع تتاخرى ساعه مازن هيبعتلك عربيه بسواق توديكى مكان متحبى ينفع
صافى / انت عاملى مفاجاه و جيت صح متقولش انت هنا صح
شريف / للاسف لا يا صافى بس
مازن ياخد منه الموبايل
مازن / بصى صافى هو مفيش حاجه بس انا بامن كل اللى اعرفهم احتياط مش اكتر ماشى
صافى / فى ايه يا مازن
مازن / مفيش اى حاجه مجرد امان مش اكتر مفيهاش حاجه يعنى
صافى / اوك ماشى
مازن / هبعتلك رقم العربيه و صوره السواق و صوره البودى جارد اللى هيبقى معاها
صافى / هو فى ايه بودي جارد ايه انتوا بتهزروا صح بتعملوا فيا مقلب صح
مازن / انتى خايفه ليه انا بس بامنك
صافى / من ايه
شريف ياخد الموبايل من مازن
شريف / بصى مازن فتح النار على زياد و احمد و زى مانتى شايفه فاضله اتنين لتر جاز و يولع فيهم فهو خايف يعنى يقلوا معانا و كدا فكل اللى نعرفهم تحت عنينا انتى اللى بعيده بس
صافى باستسلام / اوك
شريف / على فكره هحاول اظبط مفاجاه حلوه قريب ماشى
صافى / ماشى
شريف / لا اله الا الله
صافى / محمد رسول الله
شريف يقفل
مازن / فى اربعه بودى جارد اللى طفوا العربيه تحت هسيبهم معاك
شريف / انا زودت الحراسه على كل ممتلكاتك و رفعت كمان قيمه التامين
مازن / يمكن عشان كدا كلموك
شريف / مفتكرش لحقوا يعرفوا اصلا انا لسه عامل ده امبارح قبل ما انام اللى هو ملحقتش حتى اقولك
مازن / بص انا عارف انهم ميقدروش يعملوا حاجه بس فى جميع الاحوال لازم تاخد بالك
شريف / من ايه من نفسى و لا من اخواتى
مازن / من نفسك هما اجبن من انهم يقربوا من اخواتك ماشى فاهدى كدا عشان متنقلهمش التوتر و ادخل هديهم و اتعامل عادى
فاطمه تطلع من جوه شايله صينيه عليها سندوتشات و شاى بلبن
فاطمه / الفطار يا ولاد
مازن / تسلم ايدك يا ست الكل
فاطمه تبتسم و تدخل جوه و شريف و مازن بيبصوا لبعض
...........................................
فى شقه سميحه
الراجل يدخل و يقفل الباب
مرام / انت مين و عاوز ايه
الراجل / عاوز اتكلم في التليفون فين تيته
مرام / انت لو مطلعتش بره انا هصوت
الراجل يقرب منها ترجع لورا و يشاور على كاتم الصوت
الراجل / هو انتى مش شايفه المسدس ده و لا ايه الجزء ده كاتم للصوت يعني قبل متصوتى هتكون طلقه خارجه منه تجيب اجلك
مرام / انا مش خايفه منك
الراجل / و انا مش عاوزك تخافي انا وعدتك انى مش هاذيكي طول ما بتسمعى الكلام
مرام / انت عاوز ايه
الراجل / جدتك فين
مرام / ملكش دعوه بيها كلمنى انا
الراجل / يا ستى مختلفناش بس افرضي شافتني اتفزعت صرخت المسدس زعل رزعها طلقه جابت اجلها اعمل ايه انا بقي
مرام / انت مين اللى بعتك مازن ؟؟؟
سميحه تطلع مالحمام تتخض مرام تجرى عليها
الراجل / شششششششش انا مش هاذيكوا اتحركوا قدامى من غير صوت
الراجل يشاورلهم على الاوضه
سميحه / لو جاى تسرق والله احنا معندناش حاجه
الراجل / مالاخر كدا كل دقيقه بتفوت بتعرضكوا للخطر فاختصروا .... هاتى تليفونك و اتصلى بمازن
مرام / معيش تليفون
الراجل يطلع موبايل و يحدفهولها تشقطه
الراجل / بسيطه كلميه من عندى
مرام / انت عاوز ايه بالظبط
الراجل / عندك و رغيك هيكلفك كتير اوعى تفتكرى انى مقدرش ائذيكي انا مش عاوزك انتى
سميحه / امال عاوز ايه يابني و ايه لزمته المسدس ده نزله يابني السلاح يطول
الراجل / كلمى مازن
سميحه / كلميه يا مرام .... مش هى لما تكلمه انت هتمشي
مرام / انت فاكر اصلا انك هتعرف تخرج من هنا
الراجل / هخرج زى ما دخلت كلميه
مرام / و انا اضمن
الراجل يضرب طلقه تعدى من جنب راس مرام ترشق فى الحيطه و مرام مصدومه
الراجل / حلو الضمان ده ...كلميه
مرام تكتب النمره و تتصل يرد
مرام / الو ..مازن
الراجل ياخد منها الموبايل
مازن / مرام
الراجل / اطمنت على صاحبك ؟
مازن / انت مين و عايز ايه قسما بالله لو لمست منها شعره
الراجل يقفل السكه و يبص لمرام و سميحه التليفون يرن تاني الراجل يحدف الموبايل لمرام
الراجل / ردى
مرام تبصله و ترد
مرام / الو
مازن / انتى كويسه عملك حاجه انتى فين
مرام / فى البيت
مازن / انا جايلك انا تقريبا فى العربيه متخافيش
الراجل ياخد منها الموبايل
الراجل / بيتهيالى الرساله وصلت
مازن / انت مين و مين اللى باعتك انا لو
الراجل يقفل السكه و يحدف الموبايل لمرام يرن فى ايدها
الراجل / انا خلصت شغلى هنا انا اسف جدا عالازعاج بس زى مانتوا عارفين هاه نعمل ايه بيزنس ايز بيزنس
سميحه / انت هتمشي صح مش هتعملنا حاجه
الراجل / ايوه ياريت متجبرونيش ارجع مش عاوز صوت و لا حركه هتدخلوا الاوضه و تقفلوا عليكوا الباب اى صوت اى حركه انا مش مسؤل
سميحه / مش هنعمل حاجه
صوت ست بتصوت في الشارع / حرامى حرامى
الراجل يطلع من جيبه قنبله دخان و يفتح باب الشقه و يرميها على السلم تحت و يطلع يجرى على فوق و فى ثوانى يدخل رجاله كتير و سميحه و مرام يصرخوا و سميحه حاضنه مرام محمود يدخل
محمود / هو فين
مرام / طلع على فوق
الرجاله تطلع تجري عالسطح
محمود / انتوا كويسين
تليفون يرن في ايد مرام تصرخ و تحدفه فى الارض
محمود / اهدى اهدى
محمود يوطى يجيب الموبايل و يبص فيه و يرد
محمود / دا رقم مازن ... الو
مازن / انت مين يابن
محمود / انا محمود يا مازن اهدى انا محمود خلاص تمام
مازن / مرام كويسه تيته كويسه مسكتوه
محمود / كويسين كلنا كويسين بس ابن الكلب هرب
مازن / ازاى يهرب امال كل الرجاله دى بتعمل ليه بتلعب دانا هخرب بيتهم
محمود / طب اهدى بس هتكلم معتز
مازن / مش عارف انا جاى انا جاى اديني مرام
محمود يمد التليفون لمرام تهز راسها لا
محمود / عاوز يطمن عليكي
مرام / كنت كويسه لحد ما دخل حياتي
مرام تدخل الاوضه و تقفل على نفسها الباب و ترمى نفسها عالسرير و تعيط سميحه تاخد نفس و تاخد الموبايل و ترد
سميحه / ايوه يا مازن يابني
مازن / تيته حقكوا عليا يا تيته انتوا كويسين انا والله مش عارف ده حصل ازاى دانا حاطت جيش فى الحاره انا جاى فى الطريق
سميحه / احنا تمام يابني كلنا كويسين مفيش حاجه
مازن / انا جاى يا تيته فى الطريق ثوانى و ابقي عندك مرام كويسه صح انتى كويسه صح
سميحه / سوق على مهلك يابني احنا بخير و مرام بخير و مفيش حاجه متقلقش
مرام تفتح الباب و تطلع تزعق
مرام / لا مش بخير احنا مش بخير قوليله اننا مش بخير قوليله تعبنا بقي كفايا حرام.. من يوم معرفتك و انا فكابوس ضرب نار و بلطجيه و قرف قوليله كنا مرتاحين قوليله يخرج من حياتنا قوليله لو مش هيعرف يسبنا في حالنا يبقي يقتلنا و يريحنا اهو ارحم من اننا نعيش كل يوم مستنين الموت بطريقه شكل قوليله انى تعبت قوليله انى
مرام تقع في الارض سميحه تصرخ و تجرى هى و محمود عليها
....................
فى دبى
زياد واخد لبنى فى حضنه و عمال يلعب فى شعرها تليفون زياد يرن يقوم يجرى يرد و لبنى تتعدل فى السرير و عينها عليه زياد يبص للبنى و الفرحه ماليه عنيه
زياد / هههههههههههههههههههه هموت و اشوف وشه ههههههههههههههههههههههههههه ..... لا لا لا هدى اللعب عالاخر بس متنساش تامن نفسك عشان مش هيلاقى بردعه غيرك يتشطر عليها ههههههههههههههههههههه ... يا راجل قول كلام غير ده ... اوعى تتغابى و تموته
لبنى تقوم تقعد على ركبها و تمسك فى كتف زياد يبصلها و يمسك ايدها و يبوسها تشد ايدها
زياد / ههههههههههههههههههههههه لا سلام سلام
زياد يقفل التليفون
لبنى / يموت مين انت مش قولت هتخوفهم بس زياد انت قولتلى
زياد / يا بيبى اهدى ابوس ايدك الموضوع مش مستاهل التوتر دا كله انا ملمستش شعره لا من مازن و لا من مرام و لا شريف و لا من اى حد الموضوع كلو بفكر مازن بان عنده اللى يخاف عليه و بدل الواحد اتنين و تلاته و عشره فاتلم يا بابا عنى عشان متودعهمش واحد ورا التانى و انك بكل الحراسه اللى انت حطيتها عليهم دول قدرنا نوصلهم واحد واحد و فى بيتهم فهمتى
لبنى / انت قولت للى كنت بتكلمه دلوقت متتغاباش و اوعى تموته
زياد / ياربى يا لولتى بقى يا بنتى هو انتى فاكره مازن بيفهم اوى عشان يسكت اكيد هيتنفخ و يروح يدور على احمد يلطش فيه و لما يلاقى نفسه عاجز زى يوم الفيلا هيقعد يعيط بس خلصت
لبنى / يوم فيله ايه
زياد / لما مازن عرف ان احمد اللى قتل خاله مش اتشملل و اخد المسدس و راحله و فى الاخر قعد يعيطله و يقوله اقتلنى انت مبتقتلنيش ليه و اهئ اهئ و فى الاخر رماله المسدس الاهبل رمى مسدسه و مشى يعيط مع شريف
لبنى / كفايا يا زياد كفايا عشان خاطرى
زياد / قوليله هو قوليله كفايا احنا نازلين مصر كمان كام يوم انتى مستوعبه انا بعمل كل ده عشان ائمنك و ابعده عن طريقنا مش اكتر
لبنى / مهو اكيد مش هيسكت برده انت لسه هتعرف مازن
زياد / اعمله ايه بقى انا ساعتها اسلمله خدى و اقوله لطش يا حبيبى فى ايه يا لبنى متركزى معايا كدا يا قلبى و تبطلى العاطفيه اللى فيكى دى و بعدين انا فرحان و مبسوط اوى دلوقت بلاش بقى تضيعى اللحظه الحلوه دى و تعالى نستغلها فى حاجه مفيده
لبنى تزقه عنها و تشد موبايلها من عالكوميدينو و تدخل الحمام و تقفل عليها
زياد / نكد نكد نكد اووووف
....................................
فى شقه مرام
مازن يدخل ملهوف يلاقى سميحه قاعده عالكنبه و محمود جنبها و المعلم اسعد واقف فى جنب
مازن / مرام فين
سميحه / جوه ناي
مازن ميستناش تكمل و يفتح الباب و يدخل يلاقى مرام قاعده وواخده رجليها فى حضنها و بتعيط تشوفه تتفزع و تعدل الطرحه على راسها و تمسح دموعها يقعد جنبها عالسرير
مرام / انت ازاى تدخل اوضتى بالطريقه دى
مازن / انتى كويسه
مرام / عادى يعنى يفرق فى ايه
مازن / لا طبعا يفرق انتى بتقولى ايه مرام انا اسف اوى انا بجد مش عارف حصل ازاى انا
مرام / كفايا يا مازن لو سمحت انا خلاص نحست اساسا عادى يعنى مش فارقه اهم حاجه بس انه معملش حاجه فى تيته و خلاص
مرام تبص الناحيه التانيه و مازن باصص فى الارض ترجع تبصله
مرام / هو عمل كدا ليه يعنى ايه الفكره يعنى قنابل دخان و نيتروجين سايل و فيلم اجنبى هو فى ايه احنا فين هنا
مازن / نيتروجين سايل ؟؟؟
مرام / رجالتك اللى بتقول لقوا انبوبه نيتروجين سايل رش على قفل البوابه الحديد اللى فوق و كسرها و دخل نط من فوق سطوح حد من الجيران ... راح زمن الاجرام الجميل بش التجديد مطلوب برده
مازن يبتسم
مازن / قومى روحى معايا يا مرام تعالى انتى و تيته عندى فى البيت
مرام / وانت بقى عملت الليله دى كلها عشان اجى معاك
مازن / هديكى فخلقتك مش وقت تخلف مش ناقصك
مرام / تدى لمين فى خلقتها دانا ادفنك هنا هو اكمنى سكتالك و لا ايه
مازن / عاش يا وحش قومى معايا بقى
مرام / انت عبيط يا مازن اجى معاك فين احنا خلاص يا بابا اطلقنا و كل واحد راح لحاله و الفيلم الهندى اللى انت عملته ده حد عارف المنطقه و ان فى باب حديد فوق و جاى جاهز ازاى هيخش و منقى وقت بعد ما محمود دخل كلم تيته فتيته فتحت الباب الحديد اللى على باب الشقه و خبط بمنتهى الادب فانا فتحت و طلب منى بمنتهى الاحترام انى اكلمك و ملمستش مننا شعره و قال ايه كلمى مازن يا توتو
مازن / ههههههههههههههههههههههههههههه
مرام / بصراجه حقك تدحك مهو فيلم كوميدى فعلا
مازن / وحشتينى اوى
مرام / متشوفش وحش يا اخويا اتفضل بقى هوينا انا مش فيقالك
مازن / ليه مالك
مرام / دا ايه السئاله و تقل الدم ده يعنى اعلى صوتى و امسح بيك الارض قصاد الناس اللى بره دول
مازن / مش انا اللى عملت كدا على فكره مش انا اللى بعت الجدع ده
مرام / و مش انت اللى حرقت الشركه برضه و طلعت عملت ملاك عالتليفزيون بقولك ايه متشيلنى من دماغك بقى و خلينى اكمل حياتى و شوف حياتك و كفايا وجع قلب و فلوس بتترمى فى الارض
مازن / ساعات بحس انك مش عاوزه تشوفى الحقيقه قاصده
مرام / ماشى
مازن / مرام انتى عارفه انا كنت فين دلوقت
مرام / ميهمنيش اعرف
مازن / كنت عند شريف فجروله العربيه و هددوه باخواته و صافى
مرام / بلغوا البوليس بطلوا بقى شغل العصابات و البلطجيه ده مازن بقولك ايه انا مطبقه من امبارح فكك منى بقى و اطلع بره و سبنى انام ممكن
مازن / طب بصى تعالى معايا البيت تعالى فيلا خالو انتى و تيته و عمتى و محمود هناك امان على الاقل الفتره دى
مرام / اللهم طولك يا روح .... يا تيته
مرام تنادى على سميحه سميحه تدخل و هى باصه لمازن بحزن
مرام / هو عادى كدا راجل غريب يدخل عليا اوضه النوم و يقعد كدا عالسرير و يتنح عادى يعنى فى البيت ده و انتى سيباه و ساكته
مازن / انا مش غريب
مرام / ليه مش شايف الطرحه اللى على راسى
مازن / مش عيب على واحده حافظه القران زيك كدا و بتصلى تبقى مش عارفه حدود ربنا فين خلينى ساكت بقى
مرام تقوم على ركبها و تحط ايدها فى وسطها
مرام / لا اتكلم يا بابا اتكلم يا حبيبى قول
مازن يبتسم
مازن / اول ايه من سوره الطلاق بتقول ايه
مرام / اطلع بره
مازن / لا مبتقولش كدا
سميحه تدحك و تكتمها مرام تبصلها بغل تحط ايدها على بقها
مازن / بتقول يا ايها النبى اذا طلقتم النساء فطلقوهن لعدتهم و احصوا العده و اتقوا الله ربكم لا تخرجوهن من بيوتهم و لا يخرجن الا ان ياتين بفاحشه مبينه سمعتى لا يخرجن يعنى تفضلى فتره العده فى بيت جوزك
مرام تبصله و ساكته
مازن / فى نفس الايه ربنا قال ايه بقى لا تدرى لعل الله يحدث بعد ذلك امرا يعنى يا عالم يمكن ربنا يولف القلوب على بعض
مرام / شوفوا مين اللى بيفسر القران
مازن / على فكره ده مش انا
مازن يطلع الموبايل من جيبه و يفتح صفحه
مازن / قال شيخنا العثيمين رحمه الله : تجب لها النفقة ، ويلزمها طاعته ، ويجوز أن تَكشِف له ، وأن يَنفرد بها، وأن تتطيب له ، وأن تمازِحه وتضحك إليه ، وأن يُسافر بها .. . وهذا يعني أن له أن يُقبّلها ويحتضنها وينام بجوارها ... الله اكبر كلامى ده لا والله مش كلامى و نفس الكلام قاله ابن عبد البر و سفيان الثوري و أبو حنيفة و المرداوي و البهوتي يارب اكون بنطق اساميهم صح لا و بصى مكتوب ايه هنا كمان اقرى كدا ويَرى جَمْع مِن أهل العلْم أن للمرأة المطلّقة طلاقا رجعيا أن تتجمّل لزوجها ... ايه يا بطه ساكته ليه القطه كلت لسانك
مرام / اطلع بره
مازن / طلبتى منى احفظ سوره النساء عشان اتقى ربنا فيكى و حفظت و اتقيت انا مبجبش حاجه من عندى دا شرع ربنا و انتى ادرى بشرع ربنا منى عن اذنك
مازن يقوم و يطلع بره و مرام تبص لسميحه
سميحه / متبصليش شرع ربنا عن اذنك
سميحه تطلع بره و تقفل الباب و مرام قاعده تنفخ الباب يتفتح فجاه تانى و مرام تتخض مازن يدخل و ماسك الموبايل
مازن / بصى هنا كمان فى حديث بيقول قال رسول الله -صلى الله عليه وسلم-:« إن إبليس يضع عرشه على الماء، ثم يبعث سراياه، فأدناهم منه منزلة أعظمهم فتنة. يجيء أحدهم فيقول: فعلت كذا وكذا. فيقول: ما صنعت شيئا. قال: ثم يجيء أحدهم فيقول: ما تركته حتى فرقت بينه وبين امرأته. - قال: - فيدنيه منه، ويقول: نعم أنت » رواه مسلم. اهو شوفتى احسن شيطان اللى بيفرق بين الزوج و الزوجه اهو حبيب ابليس خليكى انتى كدا فرحى ابليس فينا زمانه بيرقص دلوقت عشان ترتاحى
مازن يمشى و سميحه تشد الباب تقفله مرام تبتسم و هى بتحاول تكتمها و كل شويه تبص عالباب
.................................
فى دبى
لبنى قافله على نفسها الحمام و قافله غطا التويليت و قاعده عليه و بتكلم مازن بصوت واطى
لبنى / والله مكنت اعرف مقاليش حاجه مقاليش انا خايفه يكون بدء يشك فيا
مازن / لخصى
لبنى / بص كل اللى اعرفه اننا نازلين مصر مع اونكل ابراهيم
مازن / بابا نازل مصر
لبنى / ايوه هو بيقول انه هينزل عشان يتكلم معاك و يخليك تبطل الحرايق و تشيل مرام من دماغك
مازن / يبقى يخليه احسن و يوفر تعبه
لبنى / لو معملتش كدا هيدخلك مصحه نفسيه و يحجر عليك
صمت
لبنى / مازن انا قولتله انها فكره وحشه بس
مازن / لما تحجزوا الطيران بلغينى
لبنى / حاضر
مازن / لو غلطه النهرده دى اتكررت تانى
لبنى / والله يا مازن والله العظيم مقالى حاجه والله ما كنت اعرف
مازن / ماشى هستنى معاد نزولكوا
لبنى / حاضر اه مازن
مازن / خير
لبنى / احمد محضرلك كمين اوعى تروحله
صمت
لبنى / مازن .. مازن
مازن / اقفلى يا لبنى
لبنى / مازن ... الو الو ... اووووف بقى
................................
فى شقه شريف
شيماء و رؤي و تقى بيعيطوا قدام باب الشقه و شريف بيحاول يخرج
شريف / قولت مليون مره اللى عاوز ياذى مبيهددش هو انا هجازف بيكوا مفي اربع حيطان واقفين بره
تقى / طب و انت
شريف / مالى انا مالى يعني
شيماء / يعني لو حصلك حاجه
شريف / مش هيحصلى زفت ممكن توسعوا بقي
رؤي / لا مش هتنزل برده
شريف / لا اله الا الله يا ماما يا ماما
شريف ينادى على فاطمه جوه
شريف / والله انتوا تشلو
فاطمه تطلع من المطبخ شايله صينيه شاى و كيك
فاطمه / متدخل الناس دى بدل مهم واقفين كدا
شريف / شوف احنا في ايه و ماما في ايه
فاطمه / طب على الاقل اديهم صينيه الشاى دى عيب يابني
شريف / والله انتى عسل يا ماما دا شغلهم هما دورهم يقفوا عالباب كدا متقلقيش انتى عليهم
فاطمه / يعني كبايه الشاى و حته الكيكه هتتعارض مع مهامهم الوظيفيه خد بقي متتعبش قلبي
شريف / ماشي يا ست الكل هاتى الصينيه ادخلوا جوه بقي عشان افتح الباب
رؤي / لا هتنزل
شريف / بت متخلينيش اتغابي عليكي
شيماء / متحاولش مش هتنزل يعني مش هتنزل لو مش خايف على نفسك خاف علينا هتجازف بينا يعني
شريف / يا بنتي مفيش زفت نيله اى حاجه هتحصل
الباب يخبط البنات تتخض و تصرخ شريف ينفخ و يبص لفاطمه تشدهم لجوه و شريف يفتح و هو شايل الصينيه يلاقي مازن و معاه علبتين كبار فوق بعض
مازن / فى ايه يابني صوتكوا جايب لاخر الشارع
شريف / فى انقلاب يا سيدي ادخل طمنى عملت ايه استني الاول ثواني
شريف يدى لواحد مالرجاله اللى بره الصينيه
شريف / حاجه كدا على ما اوسوم
راجل / الف شكر
شريف / اجيبلكوا كراسي
راجل / لا ملوش لزوم
شريف / لو احتاجتوا اى حاجه خبطوا تمام
الراجل يهز راسه شريف يدخل و يقفل الباب و يبص لمازن
مازن / خدمه خمس نجوم خد بقي الشيكولاته و الجاتوه دول و اديهم لاخواتك عشان يهدوا اعصابهم
شريف / والله انا اللى محتاج اهدى اعصابي انا كان فضلي فيمتوا ثانيه و اتغابي عليهم
مازن / طب كنت اعملها عشان اتغابي انا عليك خد
شريف ياخد من مازن العلب و يدخلها جوه مازن يروح يقعد فى الصالون ضهره للاوض ثوانى و شريف يطلع
شريف / تاتار اقسم بالله المهم طمنى عملت ايه
.........................
