(((((((السكة شمال ٢))))))))
#لولو_محمد
الحلقه ٦١
سحر / ايه ده يعني انت خاطبني عشان ارجع الجمعيه
مصطفي / لا.. بس عشان الجمعيه ملهاش طعم من غير شقاوتك و خفه دمك و ايفيهاتك اللى تموت من الدحك
سحر / بس
مصطفي / والله يا سحر مش هقدر انكر الفتره اللى فاتت كنت حاسس بفراغ كبير من غيرك بس خلاص بقيتي بتاعتى و مفيش قوه في الدنيا هتغير ده
سحر / ياريتني سبت الجمعيه من زمان
مصطفي / ايه !!!!
سحر / ايه ؟؟ انت بقيت جوزى هخبى ليه بقي
مصطفي / هههههههههههههههههه و انا كمان على فكره
سحر / و انت كمان ايه
……………………….
مصطفي / بحبك و انا كمان بحبك تعرفي انى كنت علاطول بصوتلك فى الفوتينج بتاع الجمعيه
سحر/ بس اخر مره صوت لمرام
مصطفي / كنت بحاول اشجعها ظروفها كانت وحشه و نفسيتها كمان ربنا ما يكتب على حد اللى هى فيه
سحر / الاكل النهرده كان من عندها صح؟
مصطفي / على فكره انا عزمتها بس هى مجتش و لما كلمتها قالت انها خايفه تعمل مشاكل و انى اباركلك و خلاص
سحر / صعبانه عليا اوى بس غصب عنى اهلى منعونى اكلمها
مصطفي / عارف و هى مش زعلانه على فكره بالعكس هى متفهمه جدا لموقفكوا من ناحيتها
سحر / هى رجعت الجمعيه
مصطفي / لا هى مرجعتش لاى حاجه حابسه نفسها في البيت اخرها تروح الكليه و ترجع
سحر / منهم لله اللى كانوا السبب طب و مازن
مصطفي / لا مرجعتلوش برضه حتى هو ميعرفش ليه
سحر / بس كدا عدتهم خلصت صح يا خساره تعرف مرام كانت حكتلى مواقف كتير بينهم كانوا عايشين فى قصه حب و لا الافلام
مصطفي / اه و خلصت
سحر/ تفتكر الحب ممكن يموت بالبساطه دى
مصطفي/ معرفش ربنا ما يكتبه علينا الحمد لله اول مكالمه بنا بعد الجواز بنتكلم عن اتنين تانين خالص غيرنا
سحر / هههههههههههههههههه
مصطفى / تحبى تروحى سينما
سحر / و الله انا عن نفسي احب اوى بس لازم استاذن بابا الاول
مصطفي / لا سبيها عليا دى هاخدلك انا منه الاذن
سحر / خلاص تمام مفيش مشكله
..................
فى الشقه اللى فوق مديحه
ترابيزتين سفره محطوتين و كل واحده حواليها كراسى و على ترابيزه منهم ستات قاعده تحشي و على الترابيزه التانيه ستات بتعبي وجبات و مرام بتعدى بينهم و تبص على شغلهم مصطفي يدخل ووراه سحر شايله ورد
مرام تجرى تحضن سحر
مرام / وحشتينى اوى اوى اوى
سحر / و انتى كمان والله حقك عليا
مرام / حقك انتى عليا عملتلك مشاكل بس والله غصب عنى
مصطفي / الله ينور الف مبروك يا مرام
مرام / الله يبارك فيك شكرا البركه فيك طبعا مصطفى كل ده مكنش هيحصل من غيرك
مصطفى / لا طبعا انا معملتش حاجه انتى اللى عملتى كل حاجه
مرام / احنا قربنا نخلص زى ما انت شايف التارجت النهرده عشر تلاف وجبه زى ما اتفقتا و تمن تلاف الساعه ١١ و الفين وجبه الساعه اتنين و دا منيو الوجبات اللى هنمشي عليها طول الشهر كل يوم وجبه مختلفه
مصطفى / لا الله ينور بجد شغل فنادق
محمود يدخل
محمود / العربيات وصلت ايه الاخبار ... ايه ده اهلا مصطفى باشا
مصطفي / اهلا يا حوده الله ينور شغل عالى
محمود / البركه فيك ... ايه يا بنتى الاخبار لازم نلحق نوصل الاكل قبل الساعه ١٢
مرام / جاهز والله فاضل بس حد يشيل
محمود / خلاص هرن عليهم يجوا يشيلو
مصطفى / و انا هساعدكوا يلا
.................
على القهوه
سليمان قاعد وسط رجاله و فى رجاله كتير طالعين داخلين من بيت مرام كل واحد شايل عمود وجبات متلزقه بالسلوتيب و بيحولوهم لعربيات بوكس راكنه على ناصيه الشارع
سليمان / دلوقت الفلوس ظهرت كانت فالحه بس تدعى الفقر و تعيش سفلقه طول الفتره اللى فاتت
راجل / يا عم انت الغلطان حد قالك تصدق انها عالحديده يعني هتتجوز راجل زى ده و في الاخر هتطلع من المولد بلا حمص
سليمان / والله معاك حق بس اعمل ايه كنت ناوى استر عليها بدل ما هى عايشه مفضوحه كدا
الراجل / روق روق مفيش حاجه مستاهله
راجل تانى قاعد وراهم يقوم يتكلم في التليفون ثوانى و اتنين بدى بيلدينج يدخلوا القهوه و يشدوا سليمان من قفاه يقوموه و يشدوه لحد عربيه على ناصيه الشارع و ياخدوه و يمشي
سليمان / فى ايه يا عم .. اوعى كدا .. اوعى بقولك
رجاله القهوه كلهم واقفين يتفرجوا
الرجال / هو ايه اللى حصل هو انتوا هتسكتوا على اللى حصل
عباس / احسن يستاهل عشان يبقي يتكلم عن مرام تاني احمد ربنا انهم مخادوكش معاه
سلامه / قولنا مليون مره بلاش الكلام عن الست مرام مازن بيه بيزعل
عباس / يلا كل واحد يرجع مكانه مش عاوزين قلق في الشارع
الراجل / يعني ايه سليمان كدا بخ طب اروح اقول لاهله و لا اعمل ايه
راجل ٢ / يا عم خليك فى حالك انت يعني غاوى قرف
الراجل / على رايك ... الحساب يا سلامه
......................
فى شقه مديحه بالليل
مديحه قاعده هى و سميحه على الكنبه بيدحكوا
مديحه / والله كل ما افتكر انى هعيد كل ده بكره تانى جسمى بيوجعنى لوحده
سميحه /ههههههههههههههههههه لا اجمدى كدا دا مفيش يوم اجازه يعنى كل يوم من دا
مديحه / اه يا رجلى يا انا يا اما
مرام تدخل و شايله صينيه شاى
مرام / هههههههههههههه جرا ايه يا عمتى اللى يشوف كدا يقول عجزتى و لا حاجه فى ايه مالك
مديحه / فشر قال عجزت قال انا بس بقالى كتير من غير شغل فريحت لكن ادينى بس يومين تلاته كدا هرجع للفورمه علاطول
مرام / ايوه كدا
سميحه / غلطتنا دى معلش كان المفروض فعلا نخليكى تسخنى قبل ما تنزلى الملعب
مديحه / هههههههههههههههههه
باب الشقه يتفتح مرام تعدل الطرحه و محمود يدخل
محمود / السلام عليكم
مديحه / و عليكم السلام من اولها كدا اكلك فى المطبخ سخن و كل انا لسه ملقيتش رجلى من ساعه مخلصنا
مرام / هههههههههههههههههه انا هسخنله انا
محمود / هههههههههههههههه كتر خيرك انتى اللى بقيالى فى البيت ده
مرام تدخل المطبخ و محمود يقعد
سميحه / اخبار الشغل ايه
محمود / الحمد لله كويس
…………….
فى مخزن
الاتنين البودى جارد يدخلوا سليمان
سليمان / طب انتوا مين طيب ... طب انا عملت ايه طيب
راجل / اخرس بقى
الرجاله تحط سليمان فى قفص فى وسط المخزن و يمشوا
سليمان / ايه يا جدعان انتوا هتسيبونى هنا و لا ايه طب هو انا مخطوف و لا ايه يا جدعان عيب كدا يا باشا يا باشا
باب فى الجنب يتفتح و يدخل خمس كلاب كبيره و يهجموا على القفص سليمان يقف فى النص بالظبط الكلاب متطولوش و هو عمال يصرخ و الكلاب بتنبح
سليمان / يا باشا ... يا باشا ... حد يلحقنى يا ناس ... يا جدعان
سليمان يفضل واقف فى نص القفص بالظبط و عمال يلف حوالين نفسه و هو كاشش فى نفسه
...........................
فى المطبخ عند مديحه
مرام بتسخن الاكل محمود يدخل
محمود / احساسك ايه و حلمك بيتحقق
مرام تبصله و ترجع تبص للحله
مرام / اخبار مازن ايه
محمود / ايه ؟؟ كويس بتسالى ليه
مرام / خلصت التراخيص بالسرعه دى ازاى
محمود / هو انتى عدوه نفسك يا بنتى مش مصلحتك قضيت عايزه ايه تانى و لا انتى كنتى هتبقي مبسوطه بعد ما تصرفي كل ده حد ينطلك فيها و يدايقك
مرام / يعنى مازن اللى خلصهالى فعلا
محمود / انتى لا تطاقى على فكره بس لو ده هيريحك شريف اللى خلصها مع انى مش فاهم الفرق انا و لا شريف و لا حتى مازن المهم ان التراخيص خلصت
مرام / انا مش عاوزاه يبقاله فضل عليا
محمود / محدش له فضل عليكى انتى اللى بتتعبي و تشقي
مرام / انا بكلمك ليه اصلا انت مش مكانى عشان تفهم
مرام تطفي غلبوتجاز و تغرف
محمود / والله و لا انتى فاهمه نفسك انتى بتعاندى و خلاص مستكتره على نفسك تفرحى بمشروعك الجديد و بتدورى على اى حاجه تنكدى علينا بيها
مرام / يعنى فى الاخر بقيت نكديه كمان
محمود / انا لا اتجوزت و لا اتعاملت مع حوامل قبل كدا فلو دى هرمونات حمل عرفينى بدل ما اتغابي عليكى
مرام / هههههههههههههههههه
محمود / ربنا يشفى
مرام / امين انا و انت يا رب
محمود / محدش له فضل عليكى و مازن مديونلك بكتير فعادى لما يسدد جزء من ديونه اصلا و لعلمك بقي مازن مش كويس و لا نيله مازن تعبان من غيرك ...
مرام / سمى قبل ما تاكل عن اذنك
مرام تسيب المطبخ و تمشي
محمود / زى ما انتى بالظبط تعبانه من غيره
..............
فى الشركه
مازن قاعد عالمكتب قدامه وجبه من بتوع مرام
شريف / على الاجازه كدا نضاعف الكميه و لا ايه رايك
مازن / اخبار باقي المحافظات ايه
شريف / نفس النتيجه كل الوجبات اتباعت و بعتنا الليسته اللى مرام بعتتها لكل المطاعم عشان نوحد الوجبات عالكل بس طبعا مقدرناش نوحد سعر الوجبه مرام لسه بتقدم اقل سعر
مازن / مش مهم المهم انها توصل لكل العمال بنفس الجوده و نفس السعر مع انى اشك انها هتوصل بنفس الطعم
شريف / هههههههههههههههههه انت عارف ان فى ستات كتير من الحاره اشتغلوا مع مرام صح
مازن / اه مصطفي قالي لقي الشقه مليانه ستات
شريف / طب انت عارف ان وارد جدا تكون الوجبه اللى انت بتاكلها دى مش مرام اللى عملاها
مازن / احتمال و احتمال انها تكون اللى عملاها مش هسمحلك تدمر اللحظه دى فاتكتم بقي
شريف / هههههههههههههههههه تفتكر لو بقيت بكرش مرام هتفضل تحبك
مازن يبص لشريف و الاكل في بقه
شريف / هههههههههههههههههه انا اسف اسف كمل اكل هههههههههههههههههه
مازن / انت رزل كدا ليه
شريف / انا خايف عليك دى خامس وجبه تاكلها النهرده
مازن / ملكش دعوه خليك في حالك ما انت نفسك واكل اتنين كلمتك
شريف / خلاص اتكتمت كمل اكل
مازن يرمى المعلقه في العلبه
مازن / سديت نفسي
مازن يقوم و شريف يقلب العلبه فاضيه و يبص على مازن باستغراب
......................
فى الكليه تانى يوم
سعد / ايوه يا عم و اخيرا
مرام / والله لو عاوز مكانك لسه موجود عاوز تكمل مع مازن بقى انت ادرى
محمود / مش هتهدى انتى يعنى
مرام / انا اولى بيكوا منه انتوا صحابى انا عيلتى انا
محمود / و احنا معاكى اصلا
مرام / اه وقت ما بتبقوا فاضيين
محمود / يا مفتريه ربنا هيحاسبك عالكلام ده دا انتى وقت ما بتطلبينى بسيب اللى فى ايدي و اجيلك جرى
مرام / لا متبقاش تيجى كمان
محمود / صبرنى يارب
سعد / بقولكوا ايه اتخانقوا فى البيت المهم انا مليش دعوه انا عاوز الحلاوه
مرام / بس كدا ايه رايك تيجى النهرده تتغدى عندنا و بعدين نقعد نسهر سوا نزاكر
سعد / راشق طبعا
مازن يدخل
مازن / صباح الخير
سعد / صباح النور
محمود / صباح النور
مازن / مبروك يا مرام
مرام / الله يبارك فيك
مازن / انا مش جاى ارخم عليكى انا قولت اباركلك و امشى
مرام تبتسم من تحت الدرس يبتسم و يمشى
مرام / عاجبك كدا عشان تبقى تخليه يخلصلك التراخيص
محمود / نعم ياختى
سعد / ايه يا عم احنا فى الكليه الناس بتبص علينا
محمود / مش سامعها بتقول ايه تصدقى و تؤمنى بايه
مرام / لا اله الا الله
محمود / انا اجلى هيبقى على ايدك هموت مجلوط او مشلول
مرام / بعد الشر ان شالله ... القطه السوده
محمود / لا يا شيخه
مرام / ان كان عاجبك
مرام تطلع لمحمود لسانها محمود يدحك
..........................
فى المخزن
سليمان قاعد فى وضع الجنين بيسقط و كل ما يجى يقع يفتح و يفوق الكلاب تنبح يقوم يقف
سليمان / يا اخوانا يا اللى هنا طب الحمام يا اخوانا انا من امبارح مدخلتش يا جدعان ميصحش كدا الحمام مبقولش اكل بقول الحمام يا جدعان فى حد هنا طيب
الكلاب تنبح اكتر
سليمان / ابو شكلكوا هو فى ايه الله يخربيوتكوا عاوز اروح الحمام الحمام يا ولاد الكلب مش قادر
سليمان يعمل حمام على نفسه
سليمان / الله يحرقكوا كلكوا فى ساعه واحده
الكلاب تنبح سليمان يقعد مكانه و هو مقروف من نفسه
.......................
على السلم شقه مرام
مرام تدخل تلاقى مديحه بتتخانق مع ام سليمان
مديحه / يا وليه قولتلك روحى دورى عليه بعيد عننا انتى جايه ترمى بلاكى علينا
مرام / هو فى ايه
الست / ابوس ايدك يا بنتى ابوس ايدك سليمان مروحش من امبارح و لما سالت قالوا رجاله جم خدوه من القهوه
مرام / طب ما تبغلوا البوليس
الست / ابوس ايدك يا بنتى كلمى مازن بيه ابوس ايدك
مرام / و مازن ماله
الست / ابوس ايدك ابنى معملش حاجه و لو عمل يقولى و انا املص ودانه ابوس ايدك دا هو اللى بيجرى علينا و على اخته كلب و غلط سامحيه يا ست البنات
مرام / انا مش فاهمه حاجه
الست / ابوس ايدك كلمى مازن بيه يسيبه يروح لبيته دا واد اهطل والله لاربيه تانى بس خليه يسيبه
مرام تهز راسها و تطلع الموبايل من الشنطه و تتصل
مديحه / و هو كل ما مصيبه تحصل فى الحاره تجروا علينا متحلوا عننا بقى
مرام / الو
مازن/ ازيك
مرام / والده سليمان عندى بتقول انه مروحش من امبارح انت تعرف هو فين
مازن / اه معايا
مرام / ليه
مازن / قل ادبه عليا
مرام / طب حقك عليا انا لو سمحت سيبه
مازن / ماشى هروحه لامه بس فهميها انه لو كررها تانى
مرام / مش هيعمل كدا تانى خلاص وعد
مازن / مسافه السكه و تلاقيه عندك
مرام / شكرا سلام
مرام تقفل السكه
مرام / هيسيبه يروح
الست / ربنا يباركلك يا بنتى ربنا يخليكى
مرام / انا معرفش سليمان عمل ايه بس مازن بيقول انه غلط فيه و لو كررها
الست / عمره عمره انا هربيه من اول و جديد مش هيجيب سيره الباشا تانى وعد اقسم بالله مهيكررها
مرام / قالى مسافه السكه و هيوصل
مديحه / خلاص قالتلك مسافه السكه و هيروح عاوزه ايه تانى
الست / مش عاوزه غير ابنى
مديحه / و ابنك مش هنا و اللى علينا عملناه عاوزه ايه تانى متسبينا نشوف اكل عيشنا بقى
الست تبص لمرام مرام تطبطب على ايدها الست تمشى
مرام / بالراحه يا عمتى الست مقهوره على ابنها برده
مديحه / ابنها دا حيوان عديم الربايه و انا لو منك قسما بالله ما كنت اتوسطتله ابدا
مرام / ملناش دعوه اخبار الشغل ايه
مديحه / عيب عليكى الشغل مشى زى الساعه و الوجبات كلها اتسلمت فى مواعيدها
مرام / امال تيته فين
مديحه / ستك فوق مع البنات بيجهزوا حاجه بكره انا نزلت على صوت الخبط و الصريخ بتاع الحيزابونه دى و قولت لستك متنزلش لحسن تمسك فيها
مرام / انا تعبانه جدا حاسه انى اول ما هحط راسى عالسرير مش هصحى الا بكره الصبح
مديحه / طب ما تنامى
مرام / اول ما يجى محمود و سعد من الشركه صحينى متفقين نسهر نزاكر
مديحه / من عنيا خشى انتى ارتاحى و انا هطلع لستك فوق نخلص و نقفل و لما ننزل نصحيكى مش عاوزانى اجيبلك لقمه تاكليها
مرام / لا مليش نفس خالص لما اصحى بقى
مديحه / تمام يلا تصبحى على خير
مرام / و انتى من اهله
مرام تدخل و تقفل الباب وراها و مديحه تطلع فوق
............................
فى شقه امل
امينه و امل قاعدين بياكلوا
امينه / البت بتقولى بتديهم ميه جنيه يوميه لكل واحده شوفى فكام بنت بقى و احسبى
امل / ربنا يوسع رزقهم فتحوا بيوت ناس كتير
امينه / على رايك قال و انا اللى فاكره نفسى بشتغل بنزل من صبحيه ربنا امقق عينى فى المكنه و فى الاخر مباخدش نص المرتب ده
امل / النصيب
امينه / بفكر اكلم الحجه سميحه اشتغل معاهم
امل / و دا ينفع بعد اللى عملتيه مع مرام متحرجيش نفسك
امينه / اهو احاول بدل ما انزل كل يوم اروح المشغل رايح جاى اهو اشتغل فى الشقه اللى قدامى و بعدين هو الشغل ايه الف شويه محشى و لا احمر كام فرخه ما انا بطبخ كل يوم
امل / والله انا قولتلك و انتى براحتك بقى انا شبعت هغسل ايدى
امل تقوم و تدخل الحمام و امينه قاعده بتفكر
امينه / اجرب هخسر ايه يعنى
.........................
فى المخزن
باب يتفتح الكلاب تجرى سليمان يقوم يقف الرجاله تدخل
الراجل / اسمع يا كلب انت الباشا بيقولك دى كانت قرصه ودن لو سيرته او سيره ستك جت على لسانك تانى القفص ده مش هيبقى موجود يحوش عنك المرادى سابك عشان خاطر امك عيطت انما المره الجايه مش هيعمل حساب لحد انت فاهم
سليمان / فاهم يا باشا فاهم
الراجل يفتح القفص لسليمان
الراجل / يلا غور من هنا
سليمان يمشى و هو بيبص للرجاله اللى حواليه و احجامهم
............................
فى المكتبه بعد كام يوم
مرام / ههههههههههههههههه بتهزر
سعد / انتى بتدحكى تصدقى انا غلطان انى قولتلك
مرام / لا مش غلطان على فكره فرحتلك اوى رؤى بنت زى العسل
سعد / بس انتى عارفه ظروفى يا مرام تفتكرى هيوافقوا عليا
مرام / و هما هيلاقوا احسن منك فين و بعدين انت ما شاء الله بتشتغل اهو و بكره تتخرج و مرتبك يزيد و حياتك تتظبط و لعلمك انا لسه عرضى شغال لو تحب تعال و انا هديك مرتب احسن من اللى بتاخده عند سى مازن ده
مازن يدخل من وراها
مازن / احنا فينا من كدا
مرام تتكسف و متبصش
مازن / هههههههههههه جدول الامتحانات هيتعلق كمان شويه قولت اديهولكوا بدل ما تقفوا عليه امال محمود فين
سعد / راح الحمام و زمانه جاى
مازن يحط الجدول على الترابيزه قدام مرام و هى متبصلوش يمشى و هو مبتسم سعد ياخد الورقه
سعد / مش وحش والله
مرام تاخد منه الورقه و تبص فيها
مرام / ورينى
...............................
فى شقه الشغل
امينه واقفه مع مديحه
مديحه / انتى بتهزرى دا انتى تيجى و تمسكى مكانى لو عاوزه
امينه / تسلمى يا اختى دا العشم برده
مديحه / بس لازم تعرفى الشغل هنا من سبعه الصبح لخمسه المغرب كل يوم و باليوميه و اليوميه ميه جنيه يعنى الساعه بعشره جنيه جيتى متاخره مشيتى بدرى كلو بيتكتب و يتحسب عشان ميبقاش فيها زعل بعد كدا
امينه / ربنا ما يجيب زعل ابدا
مديحه / خلاص يا حبيبتى من بكره باذن الله تيجى تبدئى معانا
امينه / لا معلش خليها بعد بكره لازم اروح بكره عشان اخد باقى حسابى من المشغل و اقولهم انى مش هاجى تانى
مديحه / اللى يريحك يا حبيبتى
امينه / عن اذنك انا بقى عشان اللحق اخلص اللى ورايا
مديحه / اتفضلى يا اختى اذنك معاكى
..........................
فى شقه شريف
شيماء / معلش لحد ما الامتحانات تخلص بس
عمر / بس انا كنت خلاص اتعودت انى اشوفك كل يوم
شيماء / يعنى تستحمل اسبوعين و نتجوز و لا التقدير ينضرب و تشيل الليله
عمر / لا استحمل اسبوعين بس يعنى كنتى انزلى الصيدليه ازاكرلك عادى يعنى والله كنت شاطر فى الكليه و بشرح للعيال كلها
شيماء / هتزاكرلى برده
عمر / والله عرفنا نزاكر كان بها معرفناش هى البت ليها ايه غير بيتها و جوزها يعنى
شيماء / ههههههههههههههههههههههه
عمر / طب حاولى توفقى مواعيدك حتى تلاقى نفسك فاضيه انزليلى الصيدليه اى حاجه متقطعيش ميه و نور يعنى
شيماء / حاضر
فاطمه تدخل شايله صينيه شاى و كيك
فاطمه / الشاى يا حبيبى اتفضل
عمر يتعدل فى قعدته
عمر / تسلم ايدك يا ماما
عمر و شيماء يبصو لبعض
.....................
فى الكليه فى اول يوم فى الامتحانات
مرام واقفه فى جنب مع محمود و مازن واقف لوحده فى جنب بيبص فى ورق و مرام عينها عليه
محمود / هانت خلاص
مرام تهز راسها اه
محمود / مش عارف ليه المرادى متوتر
مرام / ليه المفروض تكون مبسوط اليوم اللى بيعدى بيقربك اكتر للتخرج و الجواز و التعيين و الاحلام اللى عشنا طول عمرنا بنتعب عشانها خلاص كلها كام يوم و تتحقق
محمود / يمكن ده اللى قالقنى
مرام / ركز فى النهرده و سيب بكره على ربنا
محمود يبص مكان ما مرام باصه يلاقى مازن بيلم حاجته و واقف باصص عليهم
محمود / والله صعبان عليا
مرام تبص لمحمود
محمود / اتغير عشانك و فى الاخر سبتيه وحيد
مرام / اتغير عشان نفسه مش عشانى فى الاخره محدش بينفع حد يلا يلا فتحوا الباب
...........................
