(((((((السكة شمال ٢)))))))
#لولو_محمد
الحلقه ١١٥
سعد / اتاخرت عليكى
رؤى / لا مش اوى يلا
سعد / يلا
سعد و رؤى يمشوا بره الشركه و يتمشوا فى الشارع
سعد / تحبى تروحى فين
رؤى / اى حته
سعد / فى مطعم حلو اوى فتح الاسبوع اللى قبل اللى فات قريب من هنا بيشكروا فيه اوى تعالى نتغدى هناك
رؤى / تمام يلا
سعد / اخبارك و اخبار الكليه ايه
رؤى / الحمد لله ماشيه كان يوم عادى جدا الحمد لله
سعد / الحمد لله
رؤى / اخبار الشغل ايه
..........................
سعد / كويس .. الحمد لله ما حصلتش اى عكوسات الفتره اللى فاتت غياب مازن و شريف فى وقت واحد كنت متوقع مشاكل و حاجات تقف
رؤي / ما البركه فيك بقي
سعد/ برده الواحد لسه بيتعلم و يخاف يتصرف فى حاجه مش بتاعته برده
رؤي / بس دا مش راى ابيه فيك على فكره بيشكر فيك اوى
سعد / هو زوق اصلا الحق يتقال كلكوا ناس زى الفل ربنا يباركلها الحجه فاطمه مربياكوا كلكوا ما شاء الله
رؤي / عمر خلاص اجر الشقه كلمك
سعد / اه ما انا بعتله العمال و ان شاء الله شهر بالكتير هيكون فارش
رؤي / ان شاء الله
سعد / و الدور يجي علينا بقي
رؤي / بس انا لسه قدامى كليه و كدا
سعد / ما انا مش هعطلك اديكي شايفه انا طول النهار فى الشركه و انتى في الكليه عادى يعنى
رؤي / طب و شغل البيت هتساعدنى و لا هتقول انا راجع من الشغل تعبان
سعد / مش عارف بصراحه انا خيبه فى الموضوع ده بس يعني ما افتكرش الموضوع هيبقي صعب يعني هى اوضه الليفينج و المطبخ و الحمام اللى هيحتاجوا ترويق باقي الشقه مش هنلمسها
رؤي / هنام فى الليفينج يعني
سعد / لا ما اقصدش بس اقصد ما فيهاش هرس يعني مش هنوسخها اخرنا نصحي الصبح نروق السرير و خلاص و بعدين هو انتى يعني ما بتساعديش خالص في البيت
رؤي / اكيد بساعد بس لما بيبقي ورايا مزاكره ما بحطش ايدي
سعد/ يا ستى انا اصلا عمرى ما دقيت على الاكل اللى هتجودى بيه هاكله و علميني و انا هساعدك و يوم الجمعه نبقي ننضف البيت سوا و نعمل اكل للاسبوع و ان زنقت نبقي نجيب جاهز و لا اخدك نتفسح و ناكل بره و نخربها و ان شالله ما عن حد حوش
رؤي / طب و الحمل
سعد / خير و بركه حد يكره
رؤي تبصله
سعد / هو انتى مش عاوزه عيال و لا ايه
رؤي / لا اكيد عاوزه بس اكيد الحمل هيعطلنى و لا ايه
سعد / المطعم هناك اهو وصلنا تعالى
رؤي و سعد يروحوا ناحيه مطعم و يدخلوا
.....................
فى شقه مازن
مرام نايمه على جنبها مديه لمازن ضهرها و هو نايم على ضهره تليفونه يرن مازن يمد ايده و يجيب الموبايل و يرد و هو لسه نايم
مازن / الو
ميا / ايه يا ابني فينك
مازن يفتح و يبص على الموبايل و يرجع يرد
ميا / الو الو
مازن / سورى كنت نايم
ميا / بتهزر من ساعه ما قفلت معاك
مازن / خير فى حاجه
ميا / لا كنت بطمن عليك بس و كنت بفكر ان ملك ما اتعملهاش سبوع و كدا ايه رايك تجيبها معاك و نحتفل بيهم هما الاتنين النهرده كنا بنجيب طقم السبوع لمازن الصغير و عجبنى طقم بناتى تحفه ايه رايك
مازن / احنا عملنالها عقيقه
ميا / يا ابنى هو فى حد من عيلتك حضر و لا حتى شاف النونه
مازن / انتى عارفه ظروف مرام مش هتقدر تسافر
ميا / على العموم انا هبعتلك صوره طقم ملك و اتفقت مع هيا تدلعه و تكتبلها اسمها عليه
مازن / تعبتى نفسك
ميا / ما تقولش كدا بص انا هقفل دلوقت و ابقي اكلمك بعدين تكون فوقت و كدا اقولك عملت ايه تمام
مازن / تمام
ميا / سلام
مازن يقفل الخط و يحط الموبايل على الكومدينو مرام تتقلب تيجى فى حضنه
مرام / مين
مازن / ميا عاوزين يعملوا سبوع لملك و جابولها طقم سبوع
مرام / امتى
مازن / السبت
مرام / علاطول كدا
مازن / انا مش عاوزك تروحى هناك
مرام / خلاص مش هروح
مازن / مش عشان حاجه والله بس عشان خايف عليكي مش عاوزك تحتكى بيهم
مرام تشد نفسها لفوق و تبوسه من خده
مرام / انا متاكده من ده
مازن يبوس راسها تبتسم تنام تانى يغطيها و يفكر
..........................
فى المطعم
رؤي / انا شبعت اوى تسلم ايدك
سعد / هو انا اللى طبخت
رؤي / الله مش انت اللى هتحاسب يبقي تسلم ايدك اللى اشتغلت و جابت الفلوس اللى شبعتني
سعد / انا عندى اعاقه فى الرد على الكلام الحلو
رؤي / هههههههههههههههههه كويس كدا ما حدش فينا احسن من حد
سعد / ازاى بس ما انتى لسه قايله كلمتين حلوين اهو
رؤي / بس دا مش كلام حلو دا حقك
سعد / الا قوليلى يا رؤي انتى كانت ايه مواصفات فتى احلامك
رؤي / ايه السؤال ده
سعد / من باب العلم بالشئ يعني دا لو مش هيضايقك
رؤي / لا مش هيضايقني هو بس اتفاجئت اللى هو مش عارفه هههههههههههههههههه بص كمواصفات شكليه يعني اخر مره كان الموضوع ده يفرق معايا كنت فى اولى ثانوى مثلا اه كنت اقولك عوزاه جان كدا طول بعرض و شعر ناعم و عنين ملونه
سعد / طب استاذن انا بقي
رؤي / بطل بقي دا كان في اولى خلاص
سعد / و ايه اللى غير الموضوع
رؤي / ابيه مش ملون و ملامحه شرقيه و مع كدا فيه حنيه الدنيا كان لينا اب و اخ و صاحب هو اللى علمنى ان الراجل مش بشكله مع ان ابيه وسيم جدا
سعد / امال الراجل بايه
رؤي / بدينه باخلاقه بحنيته كدا يعني و انت
سعد / انا ايه
رؤي / ايه هى مواصفات فتاه احلامك
سعد / انتى
رؤي ترتبك
رؤي / احم بتكلم جد
سعد / والله العظيم انتى صوره طبق الاصل من الصوره اللى حلمت بيها سنين حتى لسانك الطويل و حركاتك الشقيه
رؤي تبتسم و تاخد كبايه المايه و اشرب بق
سعد / تحبي تشربي حاجه او تحلى
رؤي / لا مش هقدر ايه رايك نتمشي شويه
سعد / ياريت
سعد يشاور للجارسون بالحساب
...................
فى شقه مازن
مازن واقف بيعمل مج نسكافيه مرام تدخل ما يحسش بيها تحضنه من ضهره يتفاجئ
مرام / اللى واخد عقلك
مازن / ما عنديش اغلى منك
مرام تاخد المج و تشرب بق
مرام / الله حلو اوى انت عاملهولى صح هههههههههههههههههه
مازن / اكيد
مرام / هههههههههههههههههه بكاش بقولك شيلنى قعدنى على الرخامه
مازن يبتسم و يقعدها و تمسك المج
مرام / مش مريح زى ما اتخيلتها
مازن يبصلها و هو بيصب ميه فى مج تانى
مازن / اخلص المج ده و انا اجى اخليهالك مريحه
مرام / اعدل المج سخن فى ايدي اى حركه هكا و لا هكا هتتسلق
مازن / المج اللى فى ايدك تلج جنب اللى جوايا
مرام / انا فكرت فى حوار لندن على فكره
مازن بيقلب المج يمسكه و يبصلها
مرام / زى ما جابوا لملك هديه انت كمان لازم تجيب لمازن الصغير هديه و بعدين انا كمان عاوزه اجيبله هديه مش انا المفروض خالته و لا ايه
مازن / تحبي تجيبيله ايه
مرام / مش عارفه انت اللى كنت هناك اكيد عارف عنده ايه و ناقصه ايه
مازن / مش ناقصه حاجه هما كانوا جايبين كل حاجه
مرام / امممم طب خلاص نجيب حاجه حلوه لمونى طقم زى اللى جبتهولى فى حنه شريف او حاجه اقيم انت ادرى بذوقها ايه رايك
مازن / تمام بسيطه
مرام / هو انت هتسافر امتى
مازن / يوم السبت هروح على معاد السبوع بالظبط و اخلص و ارجع علاطول
مرام / ليه كدا ارهاق عليك
مازن / اتعب شويه بس احسن انتى اصلك مش متخيله انا كنت عايش هناك ازاى
مرام / ليه هو حد دايقك
مازن / بتنامى و تاكلى و تشربي مع شويه تعابين هترتاحى ؟ كل كلمه بيقولوها فخ كل حاجه بيعملوها بيبقوا عايزين من وراها حاجه
مرام / زياد و مامته صح
مازن / عمرى ما هقدر اخرجهم من حياتى
مرام / بس دا مش معناه انك تخرج انت من حياه مونى
مازن / دى المشكله اعمل ايه فى الاول و الاخر اخوها و امها
مرام تبص فى الارض
مرام / طب و لبني
مازن / لبني دى الجوكر بتلعب على كل الحبال ما لهاش امان بس فى نفس الوقت مش زيهم
مرام / مش فاهمه
مازن / اوقات كتير كانت بتنبهنى لخطط زياد و تقولى ناوى على ايه
مرام / بتخون جوزها يعني
مازن يبصلها
مرام / بس هى برضه بتمنع اذاه عن الناس بس هى وحشه برضه نسيت عملت معايا ايه
مازن / انا ما قولتش حلوه بس يعني مش بوحاشه زياد هى اللى حذرتنى لما كانوا بعتين البلطجيه الجمعيه و لا لما ابويا كان عايز يحجر عليا حتى لو بتعمل ده غصب عنها عملته
مرام / اقولك حاجه على عيني
مازن / قولى
مرام / في ناس لما تتجنبهم و تسكتلهم بيفتكروا انك خايف و بيسوقوا فيها فى ناس لازم يشوفوك واقف قدامهم يا جبل ما يهزك ريح كدا فاهمنى
مازن / يعني انتى شايفه انى اروح
مرام / اللى يريحك انا بس بديك رايي
صوت ملك
مرام / نزلنى نزلنى
مازن ينزل مرام تجرى على اوضه ملك
.....................
فى شقه شريف فى مصر
فاطمه / الف حمد الله على سلامتكوا
صافى / وحشتيني موت موت موت
فاطمه / انتى مالك خسيتي كدا ليه اخص عليك يا شريف انت ما كنتش بتاكلها هناك و لا ايه
صافى / كان بياكل الاكل كله
شريف / انا !!!!
صافى / اقوله اديني حته طب ادوقه جعانه ابدا
فاطمه / معلش يا بنتي بقاله كتير ما اتنفضش شكله اترب
تقى / اروح اجيبلك المنفضه يا ماما
شريف يضربها على قفاها
تقى / يا ماما بقي
شريف يبص لصافى و يتحرك ناحيتها
صافى / لا يا ماما ما تقوليش كدا دا كان بيتحايل عليا اكل يا ماما و طول الوقت يجيب حلويات و اكل و ما كانش حارمنى من حاجه خالص دا حتى اللقمه يا ماما كان بيقسمها معايا مش كدا يا شيكوا
فاطمه / انت بتخوف البت قدامى كمان
صافى / شريف !! لا هو فى فحنيه شريف دا كلو الا شريف
تقى / بعتى ضميرك بكام يا صافى
صافى / هى كنزايه والله يا تقى
فاطمه / هههههههههههههههههه ربنا يسعد ايامكوا يا اولاد الاكل على البوتجاز اتغدوا و ارتاحوا و تعملوا حسابكوا هنتغدى سوا بكره
صافى / هنا و لا عندكوا خليها هنا عشان تبقي اول لمه فى بيتى و كدا ممكن
فاطمه / كلمه صافى ما ترجعش
تقى / بس انتى اللى هتغسلى المواعين يكون فى علمك
فاطمه / يلا يا بت قدامى انا غلطانه انى جبتك معايا اصلا
تقى / هى الكلمه بتاعتى اللى بتقف فى الزور انا هسكت خالص اهو
فاطمه / دا لو عرفتى يلا
فاطمه و تقى يمشوا و شريف يقفل الباب و يبص لصافى
شريف / انا كنت باكل اكلك و مجوعك
صافى / انى بضحك معاك كركركر
شريف يفك حزام البنطلون و هو بيضحك صافى تكلمه بصابعها تهزر معاه و هو بيقرب
صافى / انا بحزرك منفضه ماما بطه بتلسوع ... ايه ده
شريف / ايه
صافى تعدى من جنبه ناحيه جوه
صافى / معقول مش واخد بالك
شريف يبص حواليه
صافى / ماما بطه عملالنا محشي كرنب اوعى اما ادخل اغرف
صافى تجري على جوه و هو واقف بيدحك
.....................
فى شقه مازن تانى يوم
مرام نايمه تصحى على صوت دربكه تقوم تجرى على بره تلاقي مازن حاطت بوكس هدايا كبير جدا مرام تبتسم و تتفاجئ
مرام / دا ليا صح؟؟ ليا ؟؟ لمصلحتك يكون ليا
مازن / هههههههههههههههههه و انا ما بتهددش
مرام / يعنى ايه مش ليا دا انا اروح فيك فى داهيه دا انا خلاص عشمت نفسى
مازن / هههههههههههههههههه خلاص خلاص صعبتى عليا ليكى
مرام تسقف
مرام / هاااااى
مازن / هههههههههههههههههه ممكن اصورك و انتى بتفتحيه
مرام تبصله
مازن / بوصل رساله
مرام / يعنى الهديه دى مطلعتش لله و الوطن
مازن / هههههههههههههههههه لا طلعت ليكى انتى
مرام تبصله
مرام / انت هتنزلها على النت
مازن / اه
مرام / نتحسد يا مازن
مازن / اخر مره بس لازم تحصل ... عشان خاطرى
مرام تبصله و تهز راسها
مرام / هدخل اللبس
مرام تدخل مازن يجيب شريطه كبيره و يزوق البوكس
...................
فى لندن
لبني و اسيا و هيا و ميا قاعدين حوالين مونى بيلعبوا مع النونو فريده تدخل شايله اربع بوكسات صغيره فوق بعض
فريده / مش هتصدقوا ايه اللى جه
مونى / ايه ده
فريده / مش عارفه جت دليفرى و مكتوب على كل بوكس اسم واحده فيكوا دا هيا
هيا تاخد البوكس بتاعها و هى مبتسمه و الكل بيبص عليها و متحمس
فريده / دا مونى
مونى تاخد البوكس بتاعها و هيا فتحت البوكس بتاعها مليان شيكولاته و معاها كرت
فريده / ميا
ميا تاخد البوكس بتاعها
هيا / دا من مازن اسبيشال جيفت فور اسبيشال سيستر (هديه مميزه لاخت مميزه )
مونى / و انا
ميا تفتح البوكس بتاعها و فريده تدى اسيا البوكس الاخير و لبني مبتسمه
اسيا / و انا
ميا تبص فى الكارت و مبتسمه لبني متابعه اللى بيحصل و مبتسمه
لبني / طب ايه ما حدش هيديني من الشوكليت بتاعته و لا ايه
ميا تديها البوكس كله و تطلع بره لبني تاكل منه و هى مستمتعه
لبني / اممممم يامى
مونى بتبص على لبني و هى مستغربه و اسيا و هيا بيبصوا لبعض و البوكسات فى ايديهم
لبني / اطعم شوكليت دوقتها في حياتي اممممم
لبني تاكل قطعه كمان
.........................
فى اوضه شريف
شريف نايم يقوم على صوت دربكه و خبط في حلل يبص جنبه ميلاقيش صافى يقوم يجري على المطبخ يلاقي صافى مطلعه قالب و حطه جواه بطايه
شريف / فى ايه يا قلبي بتعملي ايه
صافى / ايه اللى صحاك بدرى كدا يا حبيبي
شريف / الحمد لله انى صحيت و لحقتك انتى بتعملي ايه و ايه دى
صافى / دى بطه يا روحى
شريف / اهلا وسهلا ما انا عارف انها بطه بتعمل ايه عندنا
صافى / بطل هزارك ده بقي الله
شريف / لا والله بجد انتى بتعملي ايه
صافى / الله هى مش مامى و البنات جايين يتغدوا معانا يرضيك يقولوا عروستك ما بتعرفش تطبخ
شريف / لا ما يصحش فانتى هتعمليلهم بطايه
صافى / ايه رايك فيا بقي صحيت بدرى خليت البواب راح جبهالى و جاب كل المكونات و جه و انت نايم
شريف / عظيمه عظيمه يا قلبي بس يعني انتى لسه عروسه و كدا هتدخلى على البط على طول مش نعدى الاول بمرحله الفراخ قبل ما نقابل الوحش
صافى / ما تقلقش انا جبت الطريقه من على النت و...
شريف / ما تكمليش مدام وصلنا للنت ما تكمليش
صافى / ليه بس يا شريف
شريف / يا حبيبتي نت ايه بس انا مفيش مره واحده من اخواتى جابت وصفه من النت الا و اتبهدلنا انتينال كلنا بلاش يا قلبي بلاش عشان خاطرى انا امى ست صحبه مرض و مش حمل بهدله مستشفيات
صافى / على فكره بقى انت اللى بتحبطنى دا بدل ما تشجعنى عشان اتعلم هتعلم ازاى انا و كل حاجه تعمل كدا يعني و بعدين مامى قالتلى جربي و ما تخافيش
شريف / امى انا قالتلك كدا
صافى / والله
شريف / و انا اللى كنت فاكرها بتحبني
صافى / اخص عليك طب والله زعلت
شريف / خلاص اسف تعرفي معاكى حق ماشي نجرب و انا هساعدك قوليلي بقي الوصفه بتقول ايه
صافى تمسك الموبايل
صافى / كنارد اللوغانج
شريف / بدات اتوغوش
صافى / بطه بالبرتقان
شريف / الله ايه الحلاوه دى بطه بالبرتقان
صافى تهز راسها بسعاده
شريف / هتعزمى امى انا على بط بالبرتقان
صافى / ايه رايك بقي كل الناس قالوا ان دى احسن حاجه اعملها فاول عزومه ليا
شريف / الناس دول يعرفوا امى
صافى / لا طبعا
شريف / امال بتسمعى كلامهم ليه بتسمعى كلامهم ليه الحمد لله انى صحيت انتى خايفه امى تقول عليكي ما بتعرفيش تطبخى فقررتى تعمليلها بط و بالبرتقان كمان دا انا امى تنفخنا و تعلقنا على باب زويله بتهمه اهانه البط حد غيرنا يعرف انك كنتى ناويه على الجريمه دى
صافى / لا كنت عاوزه اعملهالك مفاجاه
شريف / مش عاوز اوصفلك انا اتفاجات قد ايه
صافى / كل حاجه تحبطنى كدا كل حاجه تحبطنى على الاقل انا بحاول يا استاذ
شريف / والله مقدر مجهوداتك الفزه و حماسك المتفانى بس يا قلبي مش احنا اتفقنا انك هتروحى عند ماما تعلمك واحده واحده و بعدين اتعلمى فى حاجات صغيره جربي فيا زى مانتى عاوزه بس ابوس ايديكى الناعمين دول
شريف يمسك ايد صافى يبوسها و هى مبتسمه
شريف / بلاش تجربي فى امى
صافى تبوز
شريف / و بعدين انتى خايفه امى تقول عليكى ما بتعرفيش تطبخى ما هى عارفه انك ما بتعرفيش تطبخى مصر كلها عارفه انك ما بتعرفيش تطبخى
صافى / ايه الاحباط ده
شريف / احباط ايه بس و بعدين اساسا امى قيلالك امبارح انها هتجيب الاكل معاها حصل و لا لا
صافى / خلاص تمام روح انت نام و انا هنضفك
المطبخ و احصلك
شريف / طب هساعدك
صافى تجيب كيس و ترمى فيه كل الحاجات اللى على الرخامه و تشيل القالب اللى جواه البطه و لسه هترميها شريف يلحقها و يمسك ايدها
شريف / انتى بتعملي ايه
صافى / هرمى البطه بقي مدام مش هنعملها
شريف / ليه احنا كفره نرمى بطه بحالها لا دانتى ما تتسابيش لوحدك احنا هنديها لامى يا حياتى تطبخهالنا و تعزمنا عليها تمام
صافى / طيب اوك تمام روح انت و انا هحطها في التلاجه و احصلك
شريف / ليه و انا اهبل لايدز فيرست يا حياتى اتفضلى يا قلبي
صافى تبصله و تمشي و هو يخبط كف على كف و هو بيدحك
...................
فى شقه مازن
مرام واقفه قدام البوكس مازن بيصور بالموبايل
مازن / النهرده صحيت و انا مقرر انى عاوز اعمل مفاجاه لمرام بس للاسف صحيت قبل ما اخلص و رد فعلها كان عسل اوى بس هى لسه ما تعرفش ايه جواها
مازن يجيب الموبايل على مرام قاعده على ركبها قدام البوكس و مبتسمه
مازن / اعملى باى للفانز
مرام تعمل باى و هى مبتسمه
مازن / افتحى
مرام تفتح البوكس تلاقي كور فل صغيره ملونه كتير اوى تبصله و تمد ايدها تطلع علبه شيكولاته عليها شريط احمر تفتحها و تاخد حته
مازن / كملى انتى هتقعدى تاكلى
مرام / هههههههههههههههههه بحبها
مازن / هههههههههههههههههه كملى بس كملى
مرام تمد ايدها تطلع علبه مجوهرات قطيفه ملفوفه بشريط احمر تبص لمازن و تفتحها تلاقى جواها طقم سولتير
مازن / ما جبتلكيش حاجه بمناسبه الولاده
مرام / انا مش عارفه اقول ايه
مازن / كملى
مرام / لسه فى ؟؟
مرام تبص لمازن و تمد ايدها تطلع بوكس تانى تفتحه تلاقى جواه ازازتين برفيوم
مرام / هههههههههههههههههه انت جايب هديه لنفسك
مازن / البرفيوم اللى بتحبيه
مرام تبخ فى الهوى و تشم
مرام / فظيع فظييييع نقطه ضعفى
مازن /هههههههههههههههههه كملى
مرام تبصله
مازن / يلا بقي كملى
مرام تمد ايدها تطلع بوكس تفتحه تلاقي مجين عليهم صور ليها هى و مازن
مرام / حلوين اوى
مازن / كملى
مرام / بتهزر
مازن / اخر واحد
مرام تمد ايديها الاتنين و تدور لحد ما تلاقي بوكس كمان
…………………
