(((((السكة شمال ٢)))))))
#لولو_محمد
الحلقه ٣٢
محمود / هو انا بما انى مش هعرف اشارك ينفع اديكى فلوس يعنى تمن اى حاجه او تزودى الكميه يعنى اشارك فى الثواب باى شكل
مرام / اللى تحبه
محمود يروح يجيب محفظته و يطلع منها ربعميه جنيه مرام تبتسم باستغراب
مرام / ايه ده انت هتدينى فلوس
محمود / امال ايه
مرام / معلش يا محمود بيه حقك عليا بس لو عاوز تشارك انزل اشترى حاجات التارت مش تدينى فلوس و تريح دماغك معلش عزراك غن اذنك
مرام تطلع بره و محمود مصدوم و فجاه صوت باب الشقه و هو بيترزع محمود ينفخ
..........................................
فى الشارع تانى يوم
سليمان بيطوق التاكس يشوف مرام خارجه من البيت يجرى يشيل منها و يحط فى العربيه
سليمان / والله انا من ساعه ما كلمتينى امبارح ما عرفت انام من كتر الفرحه اصلى بحب الحاجات دى اوى
مرام / بصراحه و انا كمان يلا لحسن هنتاخر
سليمان / لا متقلقيش ان شاء الله خير
سليمان و مرام يركبوا و يمشوا
................................
فى الشركه
مازن واقف باصص من الشباك و مبتسم و محمود و شريف قاعدين عالمكتب
محمود / بقولك مش طيقانى حتى
شريف / بس على الاقل قدرت تسستم حياتها بصراحه شابو ليها يعنى
مازن يبصله
مازن / دى مرام يا شريف كنت مستنى منها ايه اقل من كدا
شريف / برده اللى حصلها مش سهل
مازن / هى هتروح الكليه بكره
محمود / اكيد هو انت مش جاى و لا ايه
مازن / لا هاجى بس
محمود / صحيح امبارح انس تقريبا كدا ... انا مشوفتش حاجه بس بخمن يعنى انه دايق مرام
مازن يبصله
محمود / بقولك مشوفتش حاجه بعينى ممكن تكون ادايقت لما شافته عادى كل اللى شوفته كانت خارجه من المكتبه متعصبه و بعدها بدقيقه هو خرج
شريف / طب مسالتهاش
محمود / ملحقتش حصل بعدها علاطول موقف تانى سخيف من بنتين معرفهمش بس واضح ان مرام عرفاهم يعنى و قالت مش عاوزه تتكلم فسكت يعنى
مازن / انا كدا كدا رايح بكره و هنشوف
محمود / على العموم انت كدا معاك كل اللى فاتك لو فى حاجه وقفت قدامك كلمنى
مازن / ماشى تمام شكرا
شريف / بالنسبه لمناقصه مشروع الاسكان بتاع الوزاره فى كام حاجه لازم تشوف هتعمل فيها ايه
مازن / قول فى ايه
شريف / بص يا سيدى .......
......................................
فى نادى
مسرح عرايس منصوب و الاطفال متجمعين بيتفرجوا و مرام واقفه بترص هى و سليمان حاجات على الترابيزه و بيلموا علب فاضيه فى كيس كبير
سليمان / و ايه سر التحول الرهيب ده
مرام / الله هى كانت عزومه مركبيه و لا ايه
سليمان / هههههههههه لا والله ابدا بس يعنى انا عيبى انى فضولى شويه والله حاولت اتغير كتير معرفتش
مرام / هههههههه ماشى هستحملك هو مفيش سبب و لا حاجه بس محمود هيبقى مرتبط بمواعيد شغل و كدا فمش عاوزه اربطه بيا بس
سليمان / على العموم يا ستى انا تحت امرك فى اى وقت
مرام / دا العشم برده
سحر تدخل
سحر / ايه الحاجات الجامده دى تسلم ايدك
مرام / حلوه بجد عجبتك
سحر تشد مرام فى جنب
سحر / تحفه على فكره مدام تهانى مديره الجمعيه مبسوطه اوى بتقول الاطفال انبسطوا جدا و فرحوا بالحلويات دى بجد ربنا يباركلك يا مرام فرحتيهم اوى
مرام / انتى متعرفيش انا كنت محتاجه للجو ده قد ايه انتى ربنا بعتك نجده ليا من السما
سحر / انتى بتقولى ايه يا بنتى دانتى تقريبا اكتر واحده فينا تعبت بسبب عمايلك للحاجات دى
مرام / بصى يا سحر ان شاء الله لو ربنا قدرنى كل شهر هعملكوا حاجات زى دى
سحر / على فكره لو الموضوع هيبقى اوفر عليكى احنا ممكن نساعدك فى التكلفه و انتى بالمجهود او نشارك معاكى باى مبلغ
مرام / لا ان شاء الله ربنا هيرزقنى برزقهم و لو احتجت هبقى اقولك
سحر / تمام تعالى بقى اما اعرفك على مدام تهانى هتحبك اوى زى مانا حبيتك بالظبط
مرام تبتسم و سحر تاخدها و يروحوا على ترابيزه عليها راجل و شاب و تلت ستات و بنوته
سحر / السلام عليكم مرام يا جماعه اللى قولتلكوا عليها
ست / اهلا يا مرام تسلم ايدك بصراحه حاجتك تحفه بجد
سحر / دى مدام تهانى مديره الجمعيه و دا استاذ سالم عبد الحى و مدام اخلاص و مدام عفاف اعضاء فى الجمعيه و دى استاذه هدير مسؤله الانشطه هى اللى منظمه الحفله دى كلها و دا بقى مستر مصطفى مسؤل المتطوعين فى الجمعيه ... باذن الله هبقى اجيب مرام يا مستر مصطفى تمضى استماره عندنا
مصطفى يهز راسه و مبيبصش لمرام
مرام / انا هستاذن انا بقى عشان اشوف لو فى حاجه ناقصه اطلع بدالها
تهانى / هستنى اشوفك فى الجمعيه
مرام / لا باذن الله هبقى معاكوا علاطول و ربنا يباركلكوا فى تعبكوا ده بجد
تهانى / ربنا يبارك فى الشباب اللى زيكوا الواحد لما بيشوف المتطوعين يا مصطفى بيفرح اوى بيبقى مطمن ان فى جيل جديد هيكمل بعده
مصطفى يبتسم و يهز راسه لتهانى تهانى تبص لمرام و تبتسم مرام تمشى ترجع عند سليمان
سليمان / هو احنا مش هنروح بقى و لا ايه
مرام / تعبتك معايا النهرده اوى معلش و كمان عطلتك عن شغلك انا قولتلك تروح تشوف شغلك و ترجعلى لما اخلص انت اللى مرضيتش
سليمان / لا والله ابدا بالعكس انا استمتعت جدا و بصراحه كانت فرصه كويسه انى اقضى وقت معاكى
مرام تبصله
سليمان / الواحد بيعرف الناس من كدا بيقولك تعرف فلان يقولك اه عاشرته لا يبقي متعرفوش
مرام / حقيقي
سليمان / انتى بجد انسانه مختلفه اوى يا مرام نادر ما تلاقى واحده فى ظروفك دى بتعمل كدا يعنى انتى الحاجات اللى اتبرعتى بيها دى عشان تفرحى اطفال ايتام زى دول كان اولى انك تبيعيهم لانك محتاجه فلوسهم و لا ايه
مرام / انا معملتش حاجه محمود شارك بمبلغ من ضمن التكلفه و بعدين دى برده تجاره مع ربنا يعنى
سليمان / معاكى حق على فكره تعملى حسابك انى هاجى معاكى كل مره انتى مش الوحيده اللى بتحبى تعملى خير يعنى
مرام / استغفر الله لا طبعا و بعدين كفايا تعبك معايا النهرده هتعوز ايه اكتر من كدا دانت طماع اوى
سليمان / بصراحه اه طماع اوى جدا كمان
مرام تبص الناحيه التانيه فجاه تلاقى مصطفى مركز معاها يلف وشه و يمشى بعيد و مرام عينها عليه
سليمان / تعرفيه و لا ايه
مرام / لا بس بيقولوا مدير المتطوعين او حاجه زى كدا معرفش
سليمان / المهم هنروح و لا ايه كدا هيقلقوا عليكى فى البيت
مرام / طيب هقولهم اننا ماشيين تمام
سليمان / تمام يلا بسرعه
مرام تروح لتهانى
مرام / انا اتاخرت و هروح بقى هتعوزوا منى حاجه تانى باقى العلب هناك عالترابيزه و انا لميت العلب الفاضيه فى الكيس الاسود اى حد يرميه بقى
تهانى / ماشى يا حبيبتى مع السلامه عاوزه ابقى اشوفك تانى
مرام / ان شاء الله اكيد عن اذنكوا
مرام تمشى ناحيه سليمان و يمشوا سوا يروحوا
...............................
فى الكباريه
توفيق جنبه شاب و قدامه بنت شمال
توفيق / سلفه ايه ياختى اللى جايه تطلبيها دانتى شغاله بقالك يومين
بنت / والله العظيم امى عيانه و محتاجه فلوس
توفيق / ادى اخره انك تشغل بنات جداد فى الكار
الشاب / ربنا يخليك للغلابه يا رياسه ... بصى يا حلوه مالاخر كدا عشان متصدعيش الباشا الصاله تحت عباره عن بحر فلوس ارمى السناره و انتى و شطارتك
البنت / يعنى ايه
توفيق / يعنى هزى وسطك ياختى امال ربنا اداهولك ليه متعملى بلوقمتك يا روح امك امال انتى فاكره نفسك جايه تشتغلى ايه تقعدى عالترابيزه و تسقفى و خلاص دا مفيش اهبل مالرجاله اللى تحت بيريلوا على اى حته معديه و بيكعوا دم قلبهم قصاد دحكه مايصه ايه بصى حواليكى و اتعلمى ياختى
البنت / يعنى اعمل ايه
توفيق / يوووووه بقى
الشاب / اعصابك يا رياسه انا هاخدها تحت و اظبطلها الليله
توفيق / متنساش تفهمها على نظام الكوميشن
الشاب / كويس انك فكرتنى كنت هنسى احنا هنعملك الصنعه و هنزلك البحر و هنديكى المركب و هنملالك البحر بالسمك بس دا كلو مش ببلاش يا حيلتها احنا لينا خمسه و سبعين فى الميه من كل صيده
توفيق / على فكره احنا ارخص من غيرنا و اسالى بره
تليفون توفيق يرن يروح ناحيه التليفون و يشاورلهم يطلعوا بره و يرد
توفيق / الباشا الكبير
احمد / مازن ظهر
توفيق / ياااااه اخيرا
احمد / هبعتلك العنوان عشان تخلص مش هتلاقى فرصه تانيه احسن من دى و لعلمك دى اخر فرصه ليك معايا متروحش تبعتلى شويه عيال ملهمش لزمه يبوظوا الدنيا و تيجى تعيطلى لو مش هتعرف تنفذ قولى و انا ابعت حد كفاءه
توفيق / و ليه الغلط دا بس يا احمد باشا انا عمرى قصرت رقبتك
احمد / انت عمرك فلحت فى حاجه لوحدك متخلينى ساكت بقى اقفل دلوقت و مش عاوز اسمع صوتك الا لما تقولى انك خلصتنا من الكابوس ده انت فاهم
توفيق / و حلاوتى
احمد / متقلقش الراس كبيره و حلاوتها اكبر منها
......................................
فى النادى
تهانى / مالك يا مصطفى
مصطفى / افندم
تهانى / مش عارفه حساك مش مظبوط النهرده فى حاجه ديقتك فى الحفله
مصطفى / لا والله الحفله تحفه ما شاء الله و احلى من كل مره كمان
تهانى / امال مالك قاعد ساكت و مبتتفاعلش انا عمرى مهنسى الحفله اللى فاتت لما اخدت الاطفال و عملتوا قطر و فضلتوا تجروا فى النادى و تلموا العيال من عالترابيزات ههههههههههههههه كان يوم احنا جالنا تانى يوم كميه تبرعات من الاهالى رهيبه
مصطفى / حضرتك بتقوليلى قوم لم العيال و اعمل قطر و لف عالترابيزات و كدا و لا ايه
عفاف / ههههههههههههه انتى بتكلمى مين مصطفى دا مشكله
مصطفى / مين ده دانا غلبان
سالم / على يدى
مصطفى / اخص عليكوا دى اخرتها مكنتش استنى ابدا كدا منكوا ماشى ماشى هههههههههههههههههه
مصطفى يدحك و يرفع ايده لفوق و يسقف
مصطفى / يلا نعمل قطر تووووت توووووت
العيال كلها تتلم عليه و تعمل قطر وراع و ياخدهم و يلف النادى
مصطفى / توت تووووووت تش تش تش تش
…………………..
تانى يوم فى الكليه
مرام قاعده فى المدرج عالحرف و فى جنبها فاضى حته و بعدين محمود قاعد و سعد واقف قدامها
مرام / والله كان يوم حلو جدا بجد المره الجايه لازم تيجوا
سعد / لا انا ممكن اجى اى حاجه الا حاجه فيها اطفال
مرام / حرام عليك
سعد / مفيش بينى و بينهم عمار يا ستى فكك منى
مرام / ياعم و انا كنت ماسكه فيك اوى ههههههههههههههههه
مرام تبص و هى بتدحك ناحيه باب المدرج تلاقى مازن داخل و عينه عليها الدحكه تروح و تبص قدامها علاطول و سعد و محمود ياخدوا بالهم و يسود الصمت لحد ما مازن يعدى و يطلع السلم اللى جنب مرام و يقعد ورا
مرام / عن اذنكوا ثوانى
مرام تسيب المدرج و تطلع بره و هى متوتره و بتنهج تلاقى زياد جاي من بعيد تتحرك الناحيه التانيه بسرعه و تديهم ضهرها تشوف الدكتور جاى تبص لفوق بضيق و عجز و تدخل المدرج و تروح تقعد مكانها الدكتور يدخل المدرج
محمود / انتى كويسه
مرام / المحاضره هتبدا
محمود يبص قدامه و مرام بتقاوم دموعها
................................
فى شقه مديحه
مديحه / اخص عليكى يا حجه طب كنتى قوليلى كنت ساعدتكوا فى اى حاجه اخد معاكى الثواب
سميحه / مهو محمود نزل جاب الحاجه كلها انا قولت قالك
مديحه / ياختى هو محمود ده بعرف اخد من بقه حاجه
سميحه / يعنى مقالكيش كمان انه رجع الشركه مع مازن
مديحه / قالى بس مش مرتاحه خايفه يركز معاهم يضيعوا عليه فرص كويسه و فى الاخر يالشوه زى ما عملوا المره اللى فاتت قولتله يخليهم يكتبوله عقد محترم عارفه قالى ايه مانا المره اللى فاتت اللى سايب الشغل هتفرق فى ايه يعنى
سميحه / سبيه على راحته مهواش صغير بس مرام زعلانه منه
مديحه / لا بقى يا حجه ملهاش حق
سميحه / و انا والله قولتلها كدا بس هى زعلانه
مديحه / يعنى هى عاوزه ايه مش هى اللى اتحايلت عليه يشتغل معاه يعنى
سميحه / بقولك قولتلها ملكيش حق تزعلى فملوش لازمه الكلام ده يا مديحه
مديحه / امال بقى يا حجه
سميحه / تصدقى انا الغلطانه انى بكلمك
مديحه / متفهمينى طيب بالراحه الله
سميحه / هى خايفه مازن يستخدمه عشان ينط هنا كل شويه هى بتحاول تنساه يا مديحه
مديحه / اااااااااه بسيطه انا هنبه على محمود مازن ميعتبش البيت هنا ابدا مع ان محمود اكيد مش محتاج وصايه دا بيخاف على مشاعر اخته من الهوى انتى بتقولى ايه يا حجه بس لامؤاخذه يعنى هى يعنى مش هتشوفه فى الكليه يعنى
سميحه / والله ما فى حاجه قلقانى الا الموضوع ده بنام و اقوم و اقول يالطيف اللطف
مديحه تبص لسميحه و تبص قدامها و تسكت
..........................
فى كافتريا الكليه
انس قاعد مع بنت مازن يشد كرسى و يقعد معاهم
مازن / صباح الخير ازيك يا انس
انس يبص لمازن و يبص للبنت و مازن باصصله و مبتسم
انس / حبيبى يا ميزو ازيك اعرفك ولاء سنه تانيه
مازن يبصلها
مازن / اهلا و سهلا تشرفنا شكلك بنت ناس عشان كدا هقولك اخلعى دا كلب و لا يسوى
البنت تبص لمازن و لانس
انس / الله الله الله طب ليه الغلط دا بس يا مازن
مازن / جرا ايه يا نانوس نسيت الفيديوهات اللى بتصورها للبنات و بتبتزهم بيها
البنت تتخض و تلم حاجتها و تقوم و تمشى
انس / هى دى اخرتها يا مازن دى اخرتها يعنى بتسيحلى فى الكليه كتر خيرك
مازن / لا يا روح امك دا اولها ايه اللى حصل مع مرام فى المكتبه
انس / مش فاهم انت بتتكلم عن ايه
مازن يمسكه من بقه و يقوموا يقفوا هما الاتنين
مازن / جرا ايه يابن الكلب انا لما اسالك تجاوب عدل متحورش
انس / والله ما حصل حاجه هى اول ما شافتنى ركبها مليون عفريت و لمت حاجتها و مشيت
مازن / وله
انس / و انا هعوز منها ايه يعنى هو انا عبيط اقرب من مراتك
مازن يزقه لورا يقع على ضهره
انس / انا عامل حساب للعشره اللى بنا و مقدر اللى انت فيه
مازن / اخر كلام عندى لو لمحتك حواليها مش محتاج اعرفك هيحصلك ايه
مازن يجيبه من فوق لتحت و يمشى و انس يقوم ينفض هدومه و يبص حواليه الكل باصصله
انس / خلاص يا جماعه الفيلم خلص شطبنا كل واحد يخليه فى حاله
زياد يدخل
زياد / هههههههههههههههههه هتفضل هفا لحد امتى
انس / اضحك اضحك
زياد / اقعد اقعد
انس / طير منى المزه
زياد / وقع غيرها هى هتعصى عليك
انس / فيك حاجه متغيره مالك و فين لولا
زياد / فكك خلينا فيك ايه الحوار
انس / حوار ايه
زياد / اللى كنت متكوم فى الارض بسببه خير
انس / مفيش يا عم انت مش قولت اطلقوا ماله بقى فى ايه
زياد / هتفضل طول عمرك غبى بقولك ايه ياله لخص و قولى عملت ايه زعله اوى كدا
..................................
قدام بوابه الكليه
سليمان يركن التاكس مرام تفتح الباب و تركب و هى مخنوقه على اخرها
مرام / بجد مش عارفه اشكرك ازاى انك جيت تاخدنى النهرده بجد
سليمان / هو نزل الكليه اخيرا هاه ؟؟
مرام تبصله باستغراب
سليمان / مازن باشا طليقك على فكره واقف بعيد بيبص علينا
مرام لسه هتتلفت
سليمان / متبصيش متبصيش
مرام تفضل بصاله
سليمان / على فكره لسه بيبص
مرام / مش فارق معايا على فكره
سليمان / تعرفى ايه اكتر حاجه ممكن تفرح عدوك فيكى انه يشوفك مكسوره و مدايقه من وجوده لكن لو شافك بتدحكى هيتاكد انه مش فارق معاكى
مرام تبصله
سليمان / لسه بيبص علينا انا لو منك ادحك على اخرى
مرام / انت بتنصح الشخص الغلط انا معرفش اعمل الحركات دى على فكره و لتانى مره هو مش فارق معايا اساسا
سليمان /ههههههههههههههههههههههه
سليمان يدحك على اخره مرام تبصله باستغراب
سليمان / انا اعرف اعمل الحركات دى عادى هتشكرينى بعدين نمشى دلوقت بقى عشان غالبا فاضله تكه و يجى يولع فيا بالتاكس
مرام / هههههههههههههههههه
مرام تبص الناحيه التانيه و هى بتدحك تلاقى مازن واقف باصصلها و بيغلى تبص قدامها و سليمان بيطلع بالتاكس مازن يطلع التليفون
مازن / هبعتلك نمره تاكس عاوز اعرف ام السواق اتعرفت على ابوه الساعه كام .... مش شغلك
............................
فى الكافتريا
زياد / هههههههههههههههههه يابن المجنونه دانت فاجر ياله
انس / و انا اش عرفني انها هتقوله انت اكدتلى انها ملهاش اي صله بيه و انه طلقها و سيره و انفضت
زياد / و مين قالك ان هى اللى قالتله
انس / امال مين مكنش فى حد وقتها غيرنا ... استني محمود و سعد شافوني و انا خارج من المكتبه يكونوا هما اللى قالوله انت مش رفدتهم
زياد / و هو رجعهم
انس / دا ايه اللى رجعه ده ما كنا مرتاحين
زياد / سيبك انت صحيح مقولتليش انت كنت عاوز منها ايه
انس / هعوز ايه يعني هى مش خلاص دخلت الموسوعه
زياد / اه بس واضح ان مازن لسه عينه فيها
انس / يبلعها يا عم دى حته بت تقيله و بارده
زياد / منفسكش تكسب عشره مليون جنيه
انس / زياد بقولك ايه اخر مره مشيت وراك كنت هروح فيها فكك منى
زياد / عشره ... مليون ... جنيه
انس / لا يا عم
زياد يطلع دفتر الشيكات و يكتب يقطلع الشيك و يحطه عالترابيزه و انس عينه هتطلع عليه
زياد / و الدفع مقدم
انس / ايه الحوار
زياد / هههههههههههههه حبيبى يا انوس
..............................
فى شقه مازن
محمود و مازن و شريف واقفين و مازن عصبي جدا و صوته عالى
مازن /انت بتستعبط يا محمود و هى مرام من امتى بتهزر مع الرجاله و لا بتدحك معاهم اوى كدا
محمود / يمكن قال نكته عادى يعني و لا موقف دحكها
مازن / اصلا ايه اللى يخليها تفتح معاه حوار و لا تكلمه اساسا
شريف / يمكن كانت عارفه انك شايفها و بتغيظك انت عارف البنات ان كيدهن عظيم يا مازن
مازن / انت جاى تستفزنى جاى تحرقلى دمى هو انا مش عارف مرام يعني مرام متعملش الحركات القذره دى تعرف انا هروح اجيبه من قفاه و اعيد ربايته ابن الكلب ده
مازن يجى يروح ناحيه الباب شريف و محمود يمسكوه و شريف مانع نفسه من الدحك بالعافيه
شريف /متهدى يا عم فى ايه انت عارف ان مرام ملهاش فى اللوع يبقي خلاص
مازن / يعني اركب ارايل و اشوف كلب بيهزر مع مراتي ناقص تقولى اطبله خش يا محمود هاتلى الطبله من جوه اما اطبل خش
محمود / جوه فين
مازن يبص لمحمود بغيظ و شريف هينفجر و يدحك محمود يبص للاتنين باستغراب
محمود / ايه !!!!
مازن يدخل الحمام و هو بينفخ و يبرطم و يضرب كف على كف
مازن / اللهم انى لا اسالك رد القضاء و لكنى اسالك اللطف فيه
مازن يفتح الحنفيه و يحط راسه شريف يدخله معاه فوطه مازن يبصله و المايه بتنقط من على راسه على هدومه
مازن / هاين عليا اروح اجيبها من شعرها عشان تعرف تدحك مع السواقين كويس الست هانم
شريف / و لا هتعرف تعملها حاجه
مازن / انت بتستفزنى انت جاى تنقطنى عاوزنى اروح اعملها بجد دا بدل ما تهديني
شريف / هههههههههههههههههه يا عم امال احنل بنعمل ايه من الصبح خد نشف نفسك انت بس
مازن ياخد الفوطه و يتنشف و هو بيطلع بره
مازن / مش طايق نفسي يا شريف دماغى هتضرب في السقف هطق دانا مسبتهاش الا اسبوع واحد اسبوع لحق ياخد عليها امتى ابن الكلب الواطى دانا هطلع عينه دانا هسففه تراب الاسفلت هندمه عاليوم اللى اتولد فيه
مازن يجى يمشي شريف يحوشه
شريف / ايه يا عم البركان متهدى كدا خلينا نفكر فيها بشويه عقل و هدوء
مازن / عقل و هدوء هاه عقل و هدوء بتقولي انا عقل و هدوء تمام انا هروحله بيته دلوقت و اجيبه قدام اهله و اوريله العقل و الهدوء دول شكلهم ايه
مازن يتحرك شريف يمنعه و مازن بيحاول يفلت منه و شريف مش بيديله فرصه
شريف / وله انا مش مرتاحلك تقصد ايه يعني
مازن / وسع يا شريف بدل متيجي فيك انت
شريف / ياعم بقولك نفكر بعقل و هدوء دا منظر واحد يعرف حاجه عن العقل و لا الهدوء
مازن / ما انا هضربه بعقل و اقتله بهدوء وسع بقي بدل مفش غلى فيك
شريف / و لما تروحله و تضربه و يروح يعيطلها و يصعب عليها و تكرهك زياده هتبقي مبسوط
مازن يبص لمحمود وراه اللى واقف بيتابع في صمت
مازن / كلو من الجزمه البارد دا هو
محمود / ايه يا عم فى ايه و انا مالى
مازن / انت مش معاك عربيه هاه مبتروحهاش ليه هاه مبتروحهاش ليه
مازن يحاول يمسك في محمود شريف حايشه بالعافيه
محمود / يا عم والله كنت بوديها و اجيبها لحد ما عرفت انى رجعت الشركه اتقمصت لا خلتني اوديها و لا رضيت اروحها
مازن / و اولع يا مازن صح
شريف / متهدى يا عم بقي فرهدتني فى ايه
مازن يقلب قرص السفره في الارض و اللى عليها يقع و هو بيصرخ
مازن / مانا هادى اهو الله انتوا عاوزين تجننونى
مازن يروح يهبد نفسه على اقرب كرسي و هو بينهج و الاتنين بيبصوا عليه بصدمه مازن تليفونه يرن يطلعه من جيبه يبص فيه يلاقي احمد يحدف الموبايل لشريف
مازن / رد انا مش فايقله
شريف يرد
شريف / الو
احمد / شريف !!!!
شريف / مازن مش فاضى
احمد / خليه يفضي نفسه هبعتله لوكيشن توفيق هيبقي هناك بعد ساعه
شريف / تمام
شريف يقفل توصل رساله شريف يفتحها يلاقي لوكايشن يوجه الشاشه لمازن يشوفها
شريف / توفيق
مازن يقوم و يفتح الباب بعنف و يتحرك و شريف و محمود بيجروا وراه
...........................
فى الجمعيه
مرام و سحر و تلت بنات قاعدين بيفرزوا ادويه فى اوضه
سحر / انا تعبت و عينى وجعتنى
مرام / خلاص قربنا نخلص اهو
سحر / على فكره انا اتفرجت على الحاجات اللى انتى عرضاها عالصفحه فى شال اسود حلو اوى كنت بفكر تعمليهولى اديه لماما فى عيد الام تعرفى تعمليهولى بجد
مرام / اه اعملهولك مفيش مشكله
مصطفى يدخل مبتسم
مصطفى / مساء الخير ايتها الاخوات الفاضلات
سحر / متاخر يا باشا نخصملك اليوم و لا ايه
مصطفى يشوف مرام وسطهم يتقفل
............................
