(((((السكة شمال ٢)))))
#لولو_محمد
الحلقه ٤٨
فى شقه على
كريم شايل الشنطه و ينزل
نورا / انا مش عاوزه اسافر وحضرتك زعلانه منى
ماجده / انا مش زعلانه منك انا بس زى اى ام كان نفسي يبقي في فرح و زفه كان نفسي افرح
اسراء / خلاص بقي يا ماما مدام هما عاوزين كدا
نورا / و بعدين هو على مش صعبان عليكي قعدته فى الغربه لوحده مش هتبقي مرتاحه اكتر لما ابقي جنبه و اعمله كل الاكل اللى بيحبه
...............
ماجده / انا بس عوزاكى تاخدى بالك من نفسك كلمونى اول ما توصلى و اتصوروا صور كتير و ابعتوهالى و كلمونى اول باول
نورا / طبعا
ماجده و نورا يحضنوا بعض و اسراء تحضنهم نورا تنزل
...............
فى شقه مرام
مرام تطلع من الحمام لافه شعرها بفوطه
مرام / تيته هو النهرده كام في الشهر
مرام تبص في النتيجه باستغراب سميحه تطلع من الاوضه
سميحه / اخيرا طلعتى دانا كنت هعملها على روحى دى ولا حمايه العيد
مرام تدخل الاوضه و هى عماله تعد على صوابعها و تفكر و بعدين تقعد على السرير و تفكر و تقوم تجيب الشنطه و نطلع الموبايل تلاقيه فاصل تفتح الدرج تطلع الشاحن و تشحنه سميحه تدخل
سميحه / انتى بتعملي ايه يا مرام دانا قولت هتنسفي الاكل ده مازن قالى انك مكالتيش معاهم هناك يا بنتي الدوخه الكتير دى غلط عليكي لازم تاخدى بالك من نفسك ... يا بنتي هو انا مش بكلمك مش تردى عليا
مرام / انا هنزل اجيب حاجه بسرعه و اجى ماشي
سميحه / حاجه ايه دى مفيش نزول قبل ما تاكلى
مرام / هاكل لما ارجع
مرام تجيب عبايه و تلبسها فوق هدومها و تلبس الطرحه بسرعه و تاخد شنطتها و سميحه بتجرى وراها
سميحه / طب ما تكلمى محمود يجيبهالك ... طب كلى لقمه طيب
مرام تنزل و تقفل الباب وراها و سميحه تنفخ
سميحه / لو بكلم حيطه هتعبرنى عنك يا مرام
...................
فى المطار
كريم يوصل نورا
كريم / و هنرجع تاني نتزل لست سوسكا على كبايه نسكافيه
نورا / اتجدعن و شوفلك عروسه و اخلع
كريم / للاسف انا مش محظوظ زى على انا لازم استني اخلص من اسراء الاول ههههههههههههه
نورا / متقلقش هتخلص اسرع مما تتوقع البنات الحلوه مبتقعدش
كريم / باين ههههههههههه المهم طيارتك
نورا / مع السلامه
تاخد شنطتها و تشاورله وتعدى البوابه و تمشي جوه شويه تلاقي مازن واقف بيحاول يكلم حد فى الموبايل
نورا / مازن !!!!!
مازن / نورا ازيك
نورا / انا الحمد لله صدفه سعيده
مازن / انتى مسافره !!! في حاجه حصلت ؟؟
نورا / هههههه لا لا متتخضش انا راجعه امريكا انا و على قررنا نتجوز
مازن / بجد مبروك بجد فرحتلك اوى
نورا / طمنى انت عليك عامل ايه
مازن / كويس الحمد لله
نورا / و مرام
مازن يبتسم اوى
نورا / كنت متاكده انك هتعرف تصالحها يلا ربنا يسعدكوا
مازن / و انتى كمان ربنا يسعدك على شاب كويس و افتكرى ان ليكي هنا اخ لو احتاجتي لاى حاجه فى اي وقت
نورا / متقلقش هكلمك ... اممم لازم امشي طيارتي
مازن يبتسم نورا تحضنه فجاه يتخض
نورا / شكرا على كل حاجه عملتها معايا
نورا تسيبه و هى محرجه
نورا / سورى حكم العاده
مازن يبتسم نورا تبتسم و تمشي مازن يحاول يكلم مرام تانى غير متاح ينفخ و يشد شنطته و يروح الناحيه التانيه و فى بعيد حد واقف بيصوره
........................
فى شقه مرام
مرام تفتح الباب و تدخل سميحه تطلع متعصبه
سميحه / كنتى فين كل الوقت ده هو انا فيا صحه تستحمل قلقي عليكي انتى بتعملى فيا كدا ليه يا مرام يا بنتي بتعملي فى نفسك كدا ليه
مرام / اهدى بس يا تيته عشان خاطرى
سميحه /هو ايه اللى اهدى يا بنتي انتى بتيجي على نفسك و على صحتك انتى جيبينك متسنده من قله الاكل و اول مشميتي نفسك جريتي عالشارع لوحدك لا موبايل نطلبك عليه و لا حتى حد عارف انتى روحتى فين
مرام / ممكن تهدى روحت اجيب حاجه من الصيدليه و جيت
سميحه / يا سلام كل ده في الصيدليه ليه
مرام / مانا مروحتش الصيدليه دى انا روحت صيدليه بعيد شويه
سميحه / الله طب ليه اللفه دى كلها
مرام / ممكن اكل طيب و بعدين نتكلم و لا انتى هتستني اما اقع من طولى و بعدين تلوميني على قله اكلى
سميحه / شوفوا البت لفت لفت و جابت الغلط عليا بنت امك بصحيح كلى ياختي و بعدين لينا كلام تاني
مرام تحضن سميحه و تقعد تاكل
سميحه / هاتى اسخنهالك
مرام / اسمها مسقعه يعني تتاكل سقعه يا تيته قولت لك مليون مره
سميحه / معلش خليهم مليون وواحد استحمليني زى ستك برضه
مرام / زى ايه دا انتى ستى و تاج راسي
سميحه تقعد
سميحه / وحشتني دحكتك يا بت الجزمه
مرام / هههههههههههههههههه
سميحه / بركاتك يا سي مازن ياختى لو كنا نعرف كدا كنت اجرتلكوا البلطجيه على حسابي
مرام / متبس بقي يا تيته
سميحه / بسيت يا روح قلب تيته هو انا عايزه ايه غير انى اشوف دحكتك الحلوه دى
مرام / ربنا يخليكي ليا و ميحرمنيش منك ابدا
سميحه / مش تكلمى مازن تطمنى عليه تشوفى ايه اللى حصل معاه ليه مشى بسرعه كدا
مرام / والله جيت اكلمه لقيت الموبايل فاصل زمانه شحن شويه كدا و اكلمه
سميحه / ماشى براحتك انا هقوم اعلق على الشاى
مرام تهز راسها و تكمل اكل و سميحه تقوم
................................
فى شقه شريف
فاطمه نايمه في السرير تعبانه و شيماء وخداها في حضنها و شريف قاعد جنبها متنرفز
شريف / و ايه اللى سكتك لحد دلوقت و انتى يا ست شيماء ينفع كدا يعني ايه دوا يبقي خلصان و انتى مش عارفه امال لزمتها ايه بقي الصيدله بتاعتك طب دا دى مش محتاجه صيدله اصلا الشريط اللى يقرب يخلص تجيبي غيرى اصلا انا الغلطان انا هتمم بنفسي عالدوا بتاعك بعد كدا
فاطمه / ما انا كويسه اهو يا شريف متكبرش الموضوع بقي هى اول مره
شريف / يا ماما مش كل مره تسلم الجره و لو سمحتى ارجوكى تاخدى الدوا فمواعيده و ترتاحى و لما تتعبي كلميني انا رقمي عالسبيد دايل يعني تطلبيني بتكه زرار ارجوكى بقي
شيماء / يا ستى اضعف الايمان اتصلى بدكتور عمر فى الصيدليه اهو اقرب حد ليكي
فاطمه / بتتنرفز عليا يا وله
شريف / و اخاصمك كمان يا ماما ارجوكى خدى بالك من صحتك احنا محتاجينك انتى متخيله بقي انى هقدر اسافر بعد اللى حصل ده
فاطمه / متافورش بقى يا شريف ايه يعني تعبت شويه ايه
شريف / ماما بلاش الكلام ده و بعدين رؤى و تقى فين ليه محدش فيهم كلمنى ليه تسيبي نفسك لما توصلي للحاله دى
فاطمه / تقى فى الدرس رؤي هتعدى تاخدها لما تخلص الكورس بتاعها و يجوا سوا
شريف / انا هروح اجيبهم
شيماء / انت هتنزل تانى يا ابيه
شريف / هجيبهم و اجى علاطول و بالمره اشترى الدوا اللى ناقص فى اى حاجه تانى فى البيت ناقصه
فاطمه / تسلم يا حبيبي كل حاجه موجوده و بزياده
شريف / تمام
شريف يمشي
فاطمه / خلقي زى ابوه هههههههههههه
شيماء / انتى غلطانه يا فطوم و جريتي رجلى معاكى اهو ينفع كدا
فاطمه / خلاص بقي يا شوشو متوجعيش قلبي المهم احكيلى عملتى ايه في الجمعيه انبسطتي
شيماء تبتسم
شيماء / انا مبهدله عالاخر هقوم اخد دوش سريع و اجى احكيلك كل حاجه
فاطمه تبتسم شيماء تبوس راسها
........................
فى دبى
فريده قاعده فكوريدور قدام العنايه مازن يدخل و هو بيجرى
فريده / انت فين يا مازن
مازن / والله جيت على اول طياره ماله فيه ايه
فريده / معرفش رجع من الشركه بيتنفض و سقعان و على لسانه كلمه واحده كلمى مازن عاوز اشوف مازن ووقع في الارض
مازن / هو فين دلوقت
فريده / جوه في العنايه من ساعه ما جينا و هما مانعين عنه الزياره و انا اعصابي تعبت
مازن / انا هكلم الدكتور و اشوف في ايه متقلقيش ان شاء الله خير
فريده / هو زياد فين مجاش معاك ليه
مازن / معرفش مشوفتوش انا جيت فى طياره خاصه عن اذنك دلوقت اشوف الدكتور
فريده / تمام تمام
مازن يجري بيدور عالدكتور و فريده تقعد و تمسك المنديل و تعمل بتعيط و عينها على مازن
.......................
فى شقه مرام
مرام واقفه في الحمام قصاد المرايه و ماسكه في ايدها اختبار الحمل و كل شويه تبص فيه و تبص لنفسها في المرايه و متوتره على الاخر لحد ما الجهاز ينور شرطين تبص في الورقه بتاعه الجهاز بسرعه و هى بتدمع و تحط ايدها على بقها و هى مش مصدقه و مبسوطه و تفتح الباب و تطلع تلاقي سميحه بتسلم تروح تقعد جنبها و تبصلها بكل سعاده و تمسك ايدها و تحط الجهاز في ايدها
مرام/ فاكره لما قولتلك انى مش عارفه انسي مازن فاكره لما قولتلك كانه ساب جوايا حته منه بتكبر كل يوم و تشدنى ليه فاكره
سميحه تبص للجهاز و مش مصدقه و تبص لمرام
مرام / انا حامل
سميحه تبتسم و مش مصدقه و مرام كمان مبسوطه
مرام / فاكره قعدنا قد ايه نحلم باليوم ده فاكره اتمنيناه قد ايه
سميحه تهز راسها ايوه و الدموع بتنزل من عنيها
مرام / انا حامل
سميحه / ايوه
مرام / انا فرحانه اوى فرحانه اوى يا تيته انا مش عارفه اعمل ايه عاوزه اقوم ارقص و اتنطت
سميحه / لا اوعى اتنطتى كفايا الفتره اللى فاتت تهدى بقي و تعقلي و تهتمى بنفسك و باكلك العيل ده لازم يتغذى صح عشان يكبر
مرام تهز راسها ايوه
سميحه / هو ده اللى كنتى بتجيبيه من الصيدليه
مرام / ايوه خفت اقولك قبل ما اتاكد اعشمك على الفاضي و روحت جبته من صيدليه بعيد اوى خفت اجيبه من الصيدليه اللى جنبنا تحصل شوشره و الكلام يتنطور كدا و لا كدا
سميحه / مش مهم المهم انك حامل ... كلميه قوليله قوليله بقيت اب يا مازن قوليله ان ربنا عوض صبركوا خير قوليله
مرام تهز راسها و تقوم تجري تجيب الموبايل و تتصل بمازن مبيردش تبص لسميحه
سميحه / جربي تانى يمكن مش سامعه او فى الحمام
مرام تهز راسها و تتصل تاني ميردش
سميحه / اكيد لما هيشوف المكالمه هيكلمك تانى بتحصل
مرام / ايوه حصلت كتير بيبقي في الحمام
سميحه / انا عوزاكى ترتاحى عالاخر الشهور الاولى دى شهور الدلع لحد ما الحمل يثبت و انا اللى هدلعك بنفسي هقوم دلوقت اغليلك كيلو لبن تشربيه كلو
مرام / هههههههههههههههههه كيلو كلو
سميحه / انا عاوزه حفيدي يجي واد مخلص كدا و صحته بومب مش مخسع زى امه
مرام / هههههههههههههههههه ماشي
سميحه تقوم تبوس مرام و تحضنها و تدخل المطبخ و مرام تقعد ماسكه الموبايل و مبسوطه و متوتره و كل شويه تبص للموبايل
.....................
فى دبى
مازن قاعد فى العنايه جنب باباه بيقرا قران من مصحف و باباه نايم و مركب اوكسجين و بره فريده قاعده بتهوى بمروحه ورق ممرضه تدخل و تطلع من جيبها موبايل مازن
الممرضه / مرام بتتصل حضرتك طلبتى ابلغك
فريده / رجعيه مكانه و لما تتصل تانى اعملى زى ما قولتلك و حلاوتك عندى
الممرضه تبتسم و تمشى فريده تفتح شنطتها و تطلع الموبايل و تتصل
فريده / ايوه يا زياد ازيك
زياد / الحمد لله طمنينى
فريده / زى ما قولت بالظبط بتتصل بيه
زياد / حلو اوى
فريده / ابعتلها بقى الصور اللى انت مظبطها
زياد / ههههههههههههههه لا انسى انا جاتلى صور احلى من دى بجديد و حقيقه
فريده / مستحيل
زياد / مرزق من يومى بقى اياكش ابراهيم ده يموت بجد و نخلص
فريده / بعد الشر مش دلوقت انت عاوز تحطنا تحت درس مازن
زياد / يوووووه كل شويه تفكرينى خلاص انا هتصرف بقى سلام
فريده / سلام
فريده تحط الموبايل فى الشنطه و تدخل راسها العنايه تشاور لمازن يروحلها و هى عامله نفسها متاثره
فريده / هو عامل ايه طمنى
مازن / زى ما هو
فريده / انا هروح البيت اجيب هدوم و حاجات احنا جينا من غير ما نعمل حسابنا
مازن / تمام .. بقولك معلش
فريده / ايوه يا حبيبى اؤمر تحب اجبلك حاجه معايا
مازن / لا بس الممرضه خدت منى الموبايل قالت ممنوع فى العنايه و قالت لو حد اتصل هتجيبه
فريده / مجابتوش يبقى اكيد محدش اتصل هو انت مستنى مكالمه من حد لو مستنى اروح اجيبهولك منها
مازن / لا لا مش مشكله شكرا
فريده / ماشى يا حبيبى تحب اجبلك اى حاجه معايا
مازن / لا شكرا
فريده تبتسم و تمشى و مازن يدخل جوه تانى
.........................
فى شقه شريف
شريف يفتح الباب و تقى و رؤى يدخلوا و يدخل و يقفل الباب و فى ايده كيس يدخلوا كلهم اوضه فاطمه و شيماء قاعده جنبها بتسقيها شوربه
شريف / الدوا
فاطمه / تسلم يا حبيبى
شريف / انا ميت من التعب هدخل انام شويه
شيماء / اسخنلك تاكل
شريف / و لا لقمه تسلموا
شريف يدخل اوضته و يقفل الباب
رؤى / مالك يا ماما سلامتك
فاطمه / انا كويسه الحمد لله مفيش حاجه
تقى / عملتى ايه يا شوشو انبسطتى
شيماء / والله انبسطت بس المنحوس منحوس
فاطمه / قدر و لطف
شيماء/ اما حصلت حته حاجه ههههههههههه مش هتصدقوها انا مشوفتهاش بس هما كانوا بيحكوا لتيته سميحه
رؤى / ايه خير
شيماء / مرام حضنت مازن فى وسط الشارع ههههههههههههه
تقى / يعنى رجعوا لبعض خلاص
شيماء / اه خلاص
رؤى / بقولك ايه يا بت احكى من الاول خالص و بالتفصيل الممل
شيماء / بصى انا اول ما روحت
...........................
فى شقه مرام
مرام تخلص كبايه اللبن و تحطها فى الصينيه
مرام / الحمد لله
سميحه / حبيبه تيته اجيبلك حبه كمان
مرام / معدش فاضل غير انك تجيبى بقره تحطيها فى البلكونه عشان اقعد ارضع منها ارضع منها حرام والله بطنى اتنفخت من اللبن فى ايه
سميحه / انتى حامل و لازم تتغذى انتى بتاكلى لاتنين دلوقت
مرام / هو لحق بقولك ايه يا تيته متيجى نروح نكشف
سميحه / مش هتستنى مازن اكيد نفسه يجى معاكى اكيد هيفرح اوى
مرام / مهو مبيردش و بصراحه انا مش قادره استنى عشان خاطرى يا تيته اللبسى و تعالى نروح
سميحه / اللبس اللبس اوى
مرام / بجد يا تيته
سميحه / انا اساسا مش قادره استنى مازن ايه اللى استناه لما يجى يبقى ياخدك و تروحوا تانى
مرام / تيته بقولك ايه اوعى تقولى حاجه لعمتى و لا لمحمود لحسن يقولوا لمازن انا عاوزه اعملهاله مفاجاه ماشى
سميحه / ايوه بقى كان فين كل ده فين ههههههههههههههههههههههههههه
مرام / بس بقى يا تيته يلا قومى اللبسى
سميحه / هوا خمس دقايق و ابقى جاهزه
مرام تبصلها و تبتسم سميحه تقوم و تدخل جوه
...........................
فى العنايه فى دبى
ابراهيم يصحى و يشيل الاكسجين من على بقه مازن يقفل المصحف و يجرى عليه
مازن / انت صحيت يا بابا عامل ايه دلوقت احسن
ابراهيم / مازن حبيبى كنت خايف اموت قبل ما اشوفك
مازن / بعد الشر عنك يا بابا دانت اللى بقيلى بعد خالو الله يرحمه
ابراهيم / انا عارف انك زعلان منى بس انت لازم تفهم ان معنديش فى الدنيا اهم منك انا خلاص جوزت اختك و اطمنت عليها و كدا كدا انت و اخوك هتاخدوا بالكوا منها من بعدى لكن انت يا مازن هسيبك لمين مين هياخد باله منك يا حبيبى
مازن / متقلقش عليا يا بابا قوم انت بس بالسلامه و لعلمك بقى انا اه مليش خبره اوى بس البزنس فى عيلتنا بالوراثه و لما تقوم بالسلامه هتشوف بنفسك الشغل اللى انا عملته فى الفتره الصغيره دى
ابراهيم / عارف كل اخبارك عندى انا فخور بيك يا مازن اخيرا بدات تفوق لنفسك انا بس كان نفسى افرح بيك
مازن / هتفرح اول ما انزل مصر هتفرح
ابراهيم / بجد يا مازن يعنى اخيرا لقيت بنت مناسبه تليق بينا و بعيلتنا بجد يا حبيبى
مازن / انا هرد مرام يا ماما
ابراهيم / انت قولت ايه انت جاى تقتلنى جاى تجلطنى انت قادر تقولها فى وشى قلبك طاوعك تعمل كدا فى ابوك البنت دى اهم عندك منى
مازن / لا طبعا يا بابا متقولش كدا انا بس
ابراهيم / كلفت نفسك و جتلى ليه روحلها و اتجوزها البنت اللى رفعت صوتها على ابوك اللى جدتها هزات ابوك هو ده اللى انت اتربيت عليك تجيب جزمه اللى يكرهوا ابوك و تحطها فوق راسه هو ده بر الوالدين اللى ربنا امرك بيه هو ده اللى انت اتعلمته فى حياتك
مازن / يا بابا حضرتك بتقول ايه حضرتك اللى
ابراهيم / و هتدافع عنهم كمان طبعا عندك اهم منى اطلع بره انت جاى تعجل بموتى طبعا عشان تورثنى و تعبى و تحط فى حجر الست هانم بتاعتك هى اللى معصياك عليا ... اااااه قلبى ... قلبى
مازن / بابا ... بابا مالك
مازن يضرب جرس ممرضه تدخل تجرى تشد مازن بره
مازن / هو ماله بابا ماله
البنت / عن اذن حضرتك ثوانى من فضلك
البنت تطلع مازن بره و هو واقف مصدوم و قلقان و رايح جاى حوالين نفسه و مش عارف يعمل ايه و ابراهيم جوه قاعد يخبط كف على كف
ابراهيم / لا تتجوزى و لا تخلفى فى الاخر مش هتاخدى منهم الا وجع القلب ناولينى شيكولاتايه من الدرج اهدى اعصابى شويه
البنت تفتح درج جنبه و تطلع علبه الشيكولاته و تفتحها و تناولهاله ياخد منها واحده و ياكلها
ابراهيم / خديلك واحده انتى كمان دى مستورده
البنت / شكرا
ابراهيم / اعمل معاه ايه
البنت / ربنا يهدى يا فندم
ابراهيم / سبيه بره شويه خليه يتربى يمكن لما يحس انه هيخسرنى يتربى و يتعلم الادب هو دكتور قاظم موجود
البنت / لسه ماشى حضرتك بس لو تحب اكلمهولك
ابراهيم / لا كويس انه مشي ... ماشي يا مازن ... هاتى واحده كمان هاتى واحده
البنت تقرب العلبه لابراهبم ياخد شيكولاتايه تانيه و ياكلها
ابراهيم / انا يطلع عينى و انا بحفر فى الصخر عشان ابنى الامبراطوريه دى و هو بدل ما يكبرها بيضيع كل حاجه على بنت السباك
البنت تبصله يبصلها تبص فى الارض
................................
فى مجمع عيادات
مرام نايمه على سرير فى عياده نسا و الدكتوره بتعدى بالسونار على بطنها و عينها هى و سميحه على الشاشه
الدكتوره / كل حاجه في مكانها طبيعي ده الرحم و دول المبايض
مرام / امال فين النونو
الدكتوره / النقطه دى ان شاء الله لما تيجي الشهر الجاى هسمعك صوته و دى يا ستى اول زكرى هتحطيها في اللبوم صور البيبي اول صوره سونار
الدكتوره تطبع صوره من السونار و تديها لمرام تبص لسميحه و يبتسموا لبعض الدكتوره تقوم تروح على مكتبها و تكتب الروجته
الدكتوره / الدوا ده لازم تلتزمي بيه اول تلت شهور و هطلب منك شويه تحاليل تعمليها و تجيبيها المره الجايه ان شاء الله و دى ورقه بالتعليمات اللى هتلتزمى عليها لحد الزياره الجايه الممنوعات هتلاقيها في الضهر تهتمى بالاكل كويس جدا و نوعيته
سميحه / سامعه
مرام تبصلها
الدكتوره / تحبي تعرفي الحمل حصل امتى بالتحديد
مرام / لا ملوش لزوم هههههههههه
الدكتوره / تمام على كل رقمي مكتوب على الورقه لو حسيتي باى حاجه غريبه كلميني علاطول و اشوفكوا زى النهرده الشهر الجاى باذن الله
مرام و سميحه يقوموا و يسلموا على الدكتوره و يطلعوا بره سميحه تبص لمرام تلاقيها سرحانه
سميحه / مالك يا بت فى ايه
مرام / متصلش ليه لحد دلوقت كل ده في الحمام
سميحه / معرفش كلميه اطمنى عليه
مرام تبصلها
مرام / مش هبقي راميه نفسي
سميحه / خلاص براحتك
مرام / و ابقي راميه نفسي ليه هو انا هكلمه عشان اقوله بحبك وحشتني انا هقوله انى حامل ده حقه يعرف يعني هو مش اللى فى بطنى ده ابنه برده
سميحه / لا فى دى معاكى حق كلميه
مرام تبصلها و تهز راسها اه
...............
فى استراحه التمريض فى دبى
ممرضه قاعده تشرب شاى موبايل مازن يرن تبص يمين و شمال متلاقيش حد تفكر ثوانى و ترد بدلع
البنت / الو
مرام / الو !!! مين معايا
البنت / انتى اللى مين خير اقدر اساعدك في حاجه
مرام / هو ايه اللى اقدر اساعدك دا موبايل جوزى اللى معاكى ده
البنت / افندم ؟؟ مرات مين مازن مش متجوز ايه تلاقيح الجتت دى ... اوبس هو انتى مرام بتاعه الرهان
مرام بعصبيه / مازن فين
البنت / فى الحمام بياخد دوش تحبي ادخله التليفون
البنت تغطى بقها و تمنع نفسها من الدحك
مرام / لا مش عاوزه اتعبك
البنت / سورى لازم اقفل اصله بينادى عليا اناوله الفوطه
مرام تقفل السكه
البنت /الو ...الو ...قفلت
البنت تحط الموبايل فى جيبها و تكمل كبايه الشاى
...........
قدام العنايه
الممرضه تخرج مازن يجرى عليها
مازن / هو عامل ايه
الممرضه / بقى كويس الحمد لله الحاله استقرت و لو تحب تدخل تقابله
مازن / هو عنده ايه ليه محدش بيفهمنى حاجه فى المستشفى العجيبه دى
الممرضه / انا اسفه بس انا مش دكتوره الحاله انا بس معايا فى الملف اسماء الادويه اللى هياخدها و مواعيدها و انا بديهاله بس
مازن / يا سلام امال حضرتك كنتى بتعملى ايه معاه جوه
الممرضه / فى ايه حضرتك مانا برضه مش خياطه انا ممرضه و بعرف اتصرف و دا شغلى عن اذن حضرتك فى حالات تانيه عاوزه امر عليها
الممرضه تمشى و مازن بيبصلها بغضب و ينفخ و يفتح الباب و يدخل
ابراهيم / جاى تكمل عليا عرفت انى لسه عايش قولت اجرب تانى يمكن المرادى تفلح
مازن / انا برده يا بابا على فكره مفيش حد معاك بره غيرى
ابراهيم / لو كانت مونى و زياد فى دبى
مازن / انا مكنتش فى دبى لما حضرتك تعبت زى مكلمتونى كان ممكن تكلموهم
ابراهيم / حسابى مع فريده انها كلمتك
مازن / تمام انا نازل مصر
ابراهيم / تعال هنا يا ولد انت بتتلكك و لا ايه انت بجد عاوز تسبنى مرمى فى المستشفى و تجرى ورا بنت السباك دى
.............................
