(((((السكة شمال ٢)))))
#لولو_محمد
الحلقه ٩٨
شريف / هههههههههههههههههه يا ابن اللعيبه
صافى تفتح
صافى / بيبي انت لسه صاحي
شريف يوطى عليها يبوسها تبتسم
شريف / سورى يا قلبي صحيتك
صافى / فى ايه يا قلبي الفيس لسه مقلوب على حوار صوره مرام و مازن
شريف / لا لا احنا عدينا المرحله دى الواد مازن خلى ابوه يعترف بملك على الهوا و قدام الدنيا كلها
صافى / بتهزر دا زمان لبني و زياد بيقطعوا شراينهم دلوقت
شريف / لا و الباشا دلوقت مجبر انه يدخل فى صفقه هتتكتب فى الاخر باسم ملك
صافى / هههههههههههههههههه احسن يستاهل
شريف / مش هستغرب لو صحيت الصبح على خبر انه توفى اثر جلطه او حاجه زى كدا
……………….
صافى / ههههههههههههههههه ان ما ماتش مجلوط هيموت محروق فريده هانم هتولع فيه بس تفتكر هيسكتوا على اللى حصل ده
شريف / اى حاجه هتحصل دلوقت لمازن او لمرام او ملك هتفتح عليهم فاتوحه ما صدقوا انها اتقفلت ... تعرفي اللى حصل ده يستحق اننا نحتفل بيه
صافى / ازاى
شريف / عريس و عروسته هيحتفلوا ازاى
شريف يغمز لصافى تدحك
....................
فى شقه مازن
مرام بترص اكل على السفره تسمع صوت الاسانسير تجرى على الاوضه و تاخد المخده فى حضنها و تعمل نايمه مازن يفتح باب الشقه يلاقي الاكل
مازن / انا جيت ... امممم الله
مازن ياخد شريحه بفتيك و ياخد منها قطمه و يرجعها مكانها و ينفض ايده
مازن / مرام .. مرام
مازن يدخل الليفينج يلاقي مرام نايمه و لابسه الكاش يبص في الساعه و يتنهد
مازن / هو يفضفض و انا اتنفض
مازن يطفى التليفزيون و يغطى مرام و يطلع بره مرام تقوم تبص عليه تحس بحركه تعمل نايمه تانى مازن يشيل الاكل و يعينه في التلاجه و يدخل ينام فى اوضته مرام تحس بهدوء تقوم تقعد و تنفخ
مرام / ايه الغبي ده ... ما بدهاش بقي
مرام تقوم و تروح اوضته تلاقيه نايم على جنبه ترفع الغطا يحس بيها و يفتحلها حضنه تنام فيه
مرام / اتاخرت ليه استنيتك كتير اوى
مازن / على عيني
مرام / شكلك تعبان اوى
مازن / بقالي يومين ما نمتش
مرام / تحب اروح انام في الليفينج
مازن / دا على اساس ان دخول الحمام زى خروجه
مرام / هههههههههههههههههه
مازن / انا زعلان منك جدا على فكره
مرام / ما انة جابه اصالحك اهو
مازن / ما سالتنيش يعنى عملت ايه مع بابا
مرام تتنهد مازن يمد ايده لورا يجيب الموبايل و يفتح فيديو
صوت صحفى / ابراهيم بيه تعليق حضرتك ايه على الاتهامات ان حضرتك رافض نسب ملك
صوت مازن / انا مش عارف بتجيبوا الكلام ده منين لو كان والدى بيفكر كدا تفتكروا كان هيقترح اننا نطلق على المنطقه الصناعيه اسم ملك بنتى و انه كان ناوى يكتب جزء كبير منها باسم ملك كهديه ميلادها
صوت صحفيه / الكلام ده صحيح يا ابراهيم بيه
صوت ابراهيم / طبعا مش حفيدتي
صوت مازن / اعز الولد ولد الولد و لا ايه يا جماعه و حتى لو كان فى بينا خلافات في الاول فايه ممكن يحسن العلاقه اكتر من حفيد
مرام تبص لمازن باستغراب
مرام / انت عملت كدا ازاى
مازن / هههههههههههههههههه المهم انه حصل و لا ايه عشان تعرفى بس انى عمرى ما هقبل ان اى حد يقول ربع كلمه لا عن مراتى و لا عن بنوتى الحلوه
مرام / بصراحه مش مصدقه دا لسه كان بيسالنى عن التحليل ازاى لحقت
مازن / و مش بس كدا دا مصر كلها شافت الفيديو ده .. اتعرض على تلت قنوات و اتشير على اتناشر صفحه لحد دلوقت و على بكره الصبح هتلاقيه الترند الاول على السوشيال ميديا
مرام / و الناس هتهتم بحاجه زى دى ليه
مازن / كنت بقول زيك كدا لحد ما فوجئت ان الناس مهتمه جدا باخبارنا خصوصا عشان يطمنوا عليكى و على اللى فى بطنك ما كنتش متخيل ان توفيق الكلب ده هيقدملى اكبر خدمه فى حياتى باللى هو عمله كدا ما فيش مخلوق فى عيلتى يقدر يتكلم نص كلمه او حتى يهوب ناحيتك اقولك الاكبر بقى
مرام / قول
مازن / انتى لو فكرتى تترشحى فى مجلس الشعب اضمنلك الاغلبيه
مرام / هههههههههههههههههههه وسعت منك دى اوى
مازن / تيجى نشوف
مرام / لا شكرا كتر خيرك
مازن / المهم انتى بقى بعد اللى عملته ده المفروض تراضينى ازاى
مرام / اممممم مش عارفه ما تخليك انت الكبير
مازن/ ابدا حقى و مستحقى دا انا شربت المر معاكى وربنا ما انا عاتقك الا لما تقولى حقى برقبتى
مرام / هههههههههههههههه حقى برقبتى
مازن / ايه قله الادب دى طب قاومى شويه
مرام / تؤ
مازن /هههههههههههههههههه بحبك يا مجنونه
مرام / ما تزعلش منى انت عارف ان مش قصدى
مازن / حاف كدا
مرام تبوسه من خده
مازن / اصرفها منين دى
مرام / ما تستهبلش ده اخرك معايا
مازن / طب ادحك و لا اعيط انا دلوقت هو انا متجوز عشان اتباس من خدى الناس تقول عنى ايه
مرام / و الناس مالهم بينا يعنى
مازن / افرضي حد سالني اقوله ايه
مرام / ما تستهبلش انا اصلا مخصماك
مازن / هو ايه اللى ما تستهبلش ما تستهبلش دا انا ابقي اهبل لو ما استغلتش فرصتي
مازن بيحاول يبوسها و هى بتزقه و يدحكوا فجاه مرام تمسك بطنها و تتوجع
مرام / ااااه
مازن / مالك انا مجتش جنب بطنك
مرام / ما اعرفش تقل من تحت ملك بتضغط على الحوض
مازن / طب قومى نروح للدكتوره
مرام / هقولها ايه هى اول مره يعنى ما قالوا قدامك طبيعى ملك بتضغط على الحوض ساعدنى بس انام على ضهرى و هى هتتعدل لوحدها
مازن يعدل المخدات و يساعد مرام تنام و يفضل متابعها
مرام / نام يا مازن لو حسيت باى حاجه جديده هصحيك نروح المستشفي
مازن / دا على اساس هعرف انام يعني
مرام / مش اول مره تحصل بتحصل كتير و مبرداش اصحيك
مازن / لا يا مرام تصحينى طبعا
مرام / غطينى غطينى
مازن يغطيها و ياخدها فى حضنه و يفضل جنبها قلقان
.........................
فى الشركه تانى يوم
محمود قاعد شغال على اللاب بنت تدخل تديله ظرف
البنت / الباكدج ده جه لحضرتك فى المايل يا مستر محمود
محمود / دا ايه ده
محمود يفتحه و يفضيه تنزل فلاشه يبصلها يمين و شمال و يستغرب
محمود / شكرا انتى
البنت تمشي محمود يحط الفلاشه فى اللاب و يشغلها يلاقى فيلم زياد مع البنات الروس يستغرب و يطفيه و يفتح ملف ورد
محمود / ما لقتش عندى اعز منك ابعتله الهديه دى قولت تتعلم حاجه تفيدك
محمود يستغرب و يبص فى الظرف و يتك على جرس بنت تدخل
محمود / ما تعرفيش مين جاب الظرف ده
البنت / لا بس لو تحب اسال لك
محمود / ياريت
البنت تبتسم و تمشى محمود يطلع الموبايل و يتصل بحد
محمود / صباح الخير يا رياسه مش هتصدق جالى ايه فى المايل النهرده
...........................
فى شقه مازن
مازن بيتكلم فى التليفون فى المطبخ و هو بيصب مجين نسكافيه
مازن / انت متاكد ... حد غيرك شافه ... لا لا لا ما تعملش بيه اى حاجه نهائى تخليه فى جيبك و اياك يقع فى ايد اى حد نهائى لحد ما اجيلك ... تمام لا انا مسافه السكه ... تمام .. ماشى مع السلامه
مازن يقفل مرام تدخل
مرام / انت نازل
مازن / اه للاسف محمود اتصل فى حوار كدا فى الشركه هروح ابص عليه بسرعه و ارجعلك تاكلى اكلك كله لو حسيتى باى حاجه تكلمينى
مرام / بتتكلم كان معاد ولادتى النهرده
مازن / انا ما نمتش طول الليل انتى بتهزرى
مرام / انا قولتلك بقيت كويسه انت اللى اوفر المهم هو احنا مش هنروح لشريف و لا هنستنى لما يسافر تركيا و لا ناوى على ايه
مازن / هكلمه و لو ما فيش حد من العيله هيروح يباركله بكره نروح
مرام / تمام
مازن يبوس راسها
مازن / افطرى
مرام / حاضر
مازن يسيبها و يدخل جوه مرام تفتح درج و تطلع كيس تلاجه و تعمل سندوتشات و تعبيهم فيه و تطلع مج ترمس و تفضى فيه النسكافيه بتاع مازن و تقفله و تروح الاوضه تلاقيه بيزرر القميص تحط الكيس و المج على الترابيزه و تساعده يزرر القميص
مازن / شكرا ايه ده
مرام / فطارك
مازن / دا انا معملتهاش فى المدرسه
مرام / لو مش هتاكل معايا على الاقل ابقى مطمنه انك هتاكل
مازن / اممممم حاضر
مرام / ابقى فكرنى نشترى لانش بوكس
مازن / اه و مريله
مرام / هههههههههههههههههههه
مازن / قلبى يا ناس
مرام تنقى جرافات و تلبسهاله
مرام / بتليق اوى فى البدل مع انك بتكرهها
مازن / بس بحبك انتى
مازن يمسك ايدها يبوسها و يروح ياخد الكيس و المج و الموبايل و المفاتيح و يرجع يحاول يبوس مرام تلف وشها يبوس خدها
مازن / يا رخمه
مرام / هههههههههههههههههه
ينزل مرام تروح تجيب صينيه الاكل من المطبخ و تروح الليفينج تحط الصينيه على الكومدينو و تقعد تليفونها يرن تقوم و هى بتنفخ و تروح تجيبه و تقعد على السرير و ترد
مرام / الو
فريده / ازيك يا مرام انا ماما فريده يا حبيبتى اخبارك و اخبار مازن ايه
صمت
فريده / الو الو
مرام / مع حضرتك معلش الشبكه وحشه شويه
فريده / اه معلش يا قلبى كنت عاوزه اشوفك لو فاضيه
مرام / انا مش بنزل للاسف لو حضرتك تحبى ممكن تيجى تقعدى معايا فى البيت
فريده / تمام يا حبيبتى تحبى اعدى عليكى امتى
مرام / فى اى وقت
فريده / تمام يا حياتى مسافه السكه و هكون عندك
مرام / تنورى
فريده / مع السلامه يا قلبى
مرام / سلام
مرام تقفل و تقعد تبص فى الموبايل و تفكر و تتصل بالتليفون
مرام / الو
..............................
فى الشركه
مازن بيتفرج على الفيديو اللى على الفلاشه
مازن / مستحيل مستحيل
مازن يقفل الشاشه و يفكر
محمود / مستنى ايه من حيوان زى ده
مازن / زياد ميخونش لبنى زياد بيموت فيها
محمود / دا عيل ابن كلب لا له اصل و لا مله دا يبيع امه عشان
مازن / يبيع امه بس ما يبيعش لبنى
محمود / على ايه يعنى
مازن / عرفت مين بعت الفيديو ده
محمود / واد من اللى بيوصلوا الاوردرات شركه شرحن داخلى
مازن / يعنى اللى بعت الفلاشه دى حد فى مصر مش من بره
محمود / ايوه انت شاكك فى حد
مازن / تؤ .. استنى
مازن يفتح اللاب و يشغل الفيديو تانى و يركز مع الصوت
مازن / روسى
مازن يقفل الباب
مازن / البنات دول روس تمام حد من مصر يبقى انس حد كان فى روسيا و نزل مصر يبقى انس مش كدا
محمود / يا عم مش مهم انس و لا زفت المهم اللى معاك هتعمل بيه ايه
مازن / و لا اى حاجه طبعا ممكن اعمل بيه ايه يعنى
محمود / دا يتعمل بيه بلاوى دا انت ممكن تجيب رقبه الكلب ده تحت رجلك و تهدده انك هتفضحه و تشيره
مازن / مش هيصدق لسببين الاول انى عمرى ما اعمل كدا ثانبا انى عمرى ما هعمل كدا
محمود / و السبب التالت انك عمرك ما هتعمل كدا صح
مازن يبتسم
مازن / البتاع ده جالك انت جه باسمك عشان انا مش هنشره لكن انت بتكره زياد فهتنشره
محمود / اللى بعت ده عاوزنا ننشره
مازن / عاوزها تولع
محمود / و بعدين هنعمل ايه
مازن / هنعمل من بنها هو ده اللى هنعمله كاننا ما شوفناش حاجه و ما نعرفش حاجه
محمود / بس دى فرصه
مازن / دا فخ بالظبط زى حوار العربيه اللى بعت ده مش انس و اللى اجر الناس تضربنى ما كانش انس انس مش ذكى اوى كدا
محمود / ما يمكن اللى بعت الناس تضربك كان زياد و عاوزك تضرب انس فا انس بعتلك ده عشان زياد يضربك
مازن / و عشان كدا لا انس و لا زياد اللى بيفكر فى الحاجات دى
محمود / روسيا يبقى الدهبى
مازن / كل دى احتمالات ممكن فعلا يطلع زياد
محمود / بيفضح نفسه
مازن / كل شئ وارد من الناس دى انشره فيلاقى سبب يوقع بينى و بين بابا كل شئ جايز
محمود / انا توهت
مازن / حط الفلاشه فى الخزنه و انساها
محمود / بشوقك
.............................
فى الفيلا
فريده / انت قلقان من ايه
ابراهيم / منين انا اطلع اقول ملك حفيدتى و هى هتطلع تقول غير كدا
فريده / دا شغلى انا بقي هى قدرت تكسب تعاطف الناس بسكوتها لكن لو اتكلمت هتبان على حقيقتها
ابراهيم / انتى فكراها هبله
فريده / يا سيدى انت خسران ايه المزيعه صحبتى و كل حاجه هتبقي فى ايدينا
ابراهيم / و هو مازن هيسيبها
فريده / سيب الموضوع ده عليا تمام انا بس عوزاك تهدى خالص تعرف مونى كلمتنى فرحانه جدا بالكلام اللى انت قولته و انا وعدتها انك هتكتب لمازن الصغير هديه زى بنت خاله بالظبط
زياد يدخل
فريده / ازيك يا حبيبي صباح الخير
زياد / زى ما توقعت الصحفيين ما جوش صدفه كل الجرايد و القنوات اللى زاعت فاتحين على حس الدعايا و الاعلانات اللى مازن بيعملها عندهم و انا قدرت اسال كذا حد مازن كان مبلغهم بالمعاد و المكان
فريده / كان عاملك كمين ابنك حبيبك بينصب عليك
ابراهيم / برائنى من كل التهم اللى الناس كانت بتتهمنى بيها
زياد / ما يولعوا الناس من امتى بيهمنا راى الشحاتين دول فينا
فريده/ و بعدين هو هيكدب الكدبه و يصدقها ما هو اللى قايلهم يتهموك بالحاجات دى عشان يطلع يبراك المهم انا هروح زى ما اتفقنا و انت مش عوزاك تدايق نفسك تمام
ابراهيم يهز راسه
زياد / على فين كدا
فريده / لما ارجع هحكيلك سلام
زياد / سلام
........................
فى الشركه
مازن بيتكلم فى التليفون
مازن / كلمى خليفه هيجيبلك كل اللى انتى عوزاه و خليه يبعت بسمه تساعدك بلاش تشيلى و تحطى ... لا لسه ما كلمتوش والله هكلمه على العصر كدا ... الله مش عريس سيبيه ينام براحته ... بجد ... حلو جدا كدا هبقي مطمن عليكي طول اليوم ... بصراحه اه هتاخر ... والله يا قلبي ورايا شغل كتير و كنت باجل فيه هستغل بقي انك مش لوحدك و اركز فيه ... لا طبعا وحشانى من دلوقت و فى كلام بنا لسه ما خلصش ... هههههههههههههههههه لحقتى تنسي الحوار اللى ما عرفناش نكمله بسبب ست ملك ... خلاص هقفل هقفل هههههههههههههههههه روحى يلا افتحى الباب ... سلام يا قلبي سلام
مازن يقفل و محمود يدخل
محمود / مش هتصدق عرفت ايه
مازن / ايه يا عم خبط قبل ما تخش
محمود / ليه هتكون قالع
مازن / دا انت سئيل قول عرفت ايه
محمود / زياد كان مسافر هو و لبنى روسيا على حساب احمد المفروض كانوا يقعدوا عشرة ايام على حساب احمد بس قعدوا تلاته بس و رجعوا مضى فيهم عقد صفقه مع شركه روسيه ملك للبنتين اللى فى الفيديو مش قولتلك عيل ابن كلب يبيع امه عشان الجنيه
مازن / لسه مش قادر اصدق انه يعمل كدا
محمود / انت لسه فاكره اخوك اللى كنت بتدافع عنه
مازن يبصله
محمود / دا كلب و لا يسوى حيه و انسلخ من جلده و بان على حقيقته بس الواحد ما بيبقاش قادر يصدق انه انخدع بالسهوله دى
مازن / كنا بنتحايل عليه يسلم بس على اى بنت غير لبني خانها بالبساطه دى عشان شويه فلوس بعد كل اللى عمله عشانها
محمود / اتجوزها خلاص العصفوره دخلت القفص و مبقاش محتاج يرسم عليها و اقولك تلاقيها عارفه و لو دعبسنا وراها هنلاقيها كانت نايمه فى حضن حد تانى بيخلصوا امورهم يا عم
مازن / اسكت يا محمود كفايا
محمود / اللى تعيش مع واحد فى الحرام
مازن / خلاص يا محمود اسكت ما لناش دعوه يعملوا اللى يعملوه بعيد عننا و انسي اللى شوفته و ما تنخورش كاننا ما عرفناش حاجه
محمود / انت برده
مازن / هما بعتولك انت الفلاشه عشان عارفين انك مش هتهدى الا لما تنخور انا مش عاوزك تنخور انا مش عاوز اعرف صدقني الجهل ساعات كتير بيكون نعمه
محمود / بس انت فى حرب و لازم تعرف كل حاجه عن عدوك
مازن / و مين اللى بعت الفلاشه مش عدو بينصبولك فخ افهم بقي
محمود / ازاى يعني
مازن / ما تديهومش اللى هما عاوزينه و انت هتعرف لوحدك المعلومات هتجيب بعض و هما اللى هيقدموهالك شوفت انت فى وقت بسيط بمجرد ما حاولت تسال عرفت بمنتهى البساطه ازاى هما عاوزينك تعرف
محمود / اعرف ايه
مازن / حاجه مش المفروض نعرفها انسي الفلاشه و انساهم و ركز فى حاجه واحده بس و هى الشغل تمام الشغل و بس
محمود / هحاول حاضر
مازن يهز راسه و ينفخ
.................
فى شقه مرام
جرس الباب يضرب مرام تروح تفتح تلاقي فريده
فريده / صباح الخير
مرام / اهلا و سهلا اتفضلى
فريده تدخل و تقعد في الصالون
فريده / الله انتى عامله كيكه
مرام / دى شيماء اخت شريف ... شوشو شوشو
شيماء تطلع من جوه فريده الابتسامه تروح من وشها
مرام / ما علش هاتى كيك لطنط
شيماء / شاى و لا نسكافيه و لا قهوه
فريده / ولا اى حاجه
مرام / هاتى حاجه ساقعه
شيماء تدخل و مرام تقعد
مرام / نورتى
فريده / ما قولتليش ان عتدك ضيوف
فاطمه و مديحه يطلعوا من جوه يسلموا
مرام / ماما فاطمه مامه شريف و عمتى مديحه طنط فريده مرات ابراهيم بيه
فريده / بيه ايه بقي قولى بابا
فريده تقعد مش على بعضها
مديحه / منوره يا ست الكل
فريده / بنورك
شيماء تدخل تحط صينيه عليها كيك و ساقع
فريده / انا شكلى جيت في وقت مش مناسب
فاطمه / ازاى بيتك و مطرحك هى بس مرام كانت تعبانه شويه امبارح فجينا نقعد معاها و ناخد بالنا منها لحد ما مازن يجي
فريده / كلكوا
جرس الباب يضرب شيماء تروح تفتح تلاقي تهانى
مرام / ماما تهانى اهلا و سهلا اهلا اتفضلى تعالى
تهانى تدخل تسلم على مرام
شيماء / انا هدخل اكمل الفيلم مع البنات بقي
مرام / تمام
شيماء تدخل و تهانى تقعد
تهانى / مالك يا حبيبتي فيكي ايه
مرام / اتحسنت لما شوفتك
تهانى / يا حبيبتي
مرام / ماما تهانى مديره جمعيه خيريه كنت متطوعه فيها انا و مازن
فريده / اهلا و سهلا
مرام/ طنط فريده تبقي مرات ابو مازن
تهانى / اهلا يا حبيبتي
فريده / و انا اللى قولت هاجى اخد بالى منك و انتى تعبانه بسم الله ما شاء الله حبايبك كتير
مديحه / الحمد لله ربنا يزيد و يبارك امال نسيبها لوحدها
فاطمه / لا ما تقلقيش عليها يا مدام فريده
فريده / مبروك لشريف و صافى صحيح اخبارهم ايه
فاطمه / كويسين الحمد لله
فريده / الحمد لله .. اممم مرام حبيبتي انا كنت عوزاكى فى كلمتين كدا
مديحه / اتفضلي يا حبيبتي اتكلمى و لا انتى عوزاها على انفراد
فريده / الموضوع مش مستاهل يعني هو الحقيقه انا ليا واحده صحبتي مذيعه كانت طلبت منى انها تعمل حوار مع مرام
مديحه / هههههههههههههههههه و الله و اتشهرتى يا مرام و عاوزينك في التليفزيون
فريده / طبعا ما تنسيش حضرتك انها بقت واحده من ارقي عائلات الوطن العربي
مرام / ايوه بس انا مش بنزل من البيت اصلا انا قولت لحضرتك
فريده / هما يجولك هنا يا حبيبتي
مرام / لا لا برضه هقول ايه انا مش شاطره فى المواقف دى
تهانى / مهو اكيد مازن هيبقي جنبك
فريده / كلنا هنبقي جنبك انتى حتى لو تحبي تيجي الفيلا تقضي باقي فتره الحمل بتاعتك احنا هنكون سعداء بيكى جدا
مديحه / سبحان مغير الاحوال
مرام / انا مضطره اعتزر لحضرتك انا مرتاحه فى بيتي اكتر
فريده / الموضوع كله اننا نبين للناس اننا اسره انتى اكيد ما يرضيكيش الكلام اللى اتقال في حق عمك ابراهيم يعني
مديحه / شو يعني قدام الناس تاخدوا البت تتصورول معاها صورتين بنتنا و حبيبتنا و بعدين لما الشو يخلص
فريده / احنا مش مضطرين نعمل شو م الناس احنا ناس لينا سمعتنا في السوق و اى كلمه بتتقال بتضر الاسهم بتاعتنا و فى الاول و الاخر دى فلوس ملك
تهانى / انا رايي ان الموضوع ده لازم مازن يكون له راي فيه
فريده / انتى ومازن لما تيجوا الفيلا علاقه مازن بوالده اكيد هتتصلح
مديحه / و زياد و الحربايه مراته و لا احنا هننسي عملوا فينا ايه
فريده تبص لمديحه
فريده / احنا فى الاول و الاخر عيله فى بعضينا
مديحه / و احنا ما بنحبش بيت العيله كله مشاكل
……………………..
